Қазақстан Республикасының Жезқазған, Көкшетау және Семей облыстық соттарын тарату, кейбiр аудандық (қалалық) соттарын басқа облыстарға жатқызу және қайта атау туралы

Қазақстан Республикасы Президентiнiң Жарлығы 1997 жылғы 23 мамырдағы N 3524

"Қазақстан Республикасындағы соттар және судьялардың мәртебесi туралы" Қазақстан Республикасы Президентiнiң 1995 жылғы 20 желтоқсандағы Конституциялық заң күшi бар N 2694 U952694_ Жарлығының 15-бабының 1-тармағына, 10-бабының 1-тармағына сәйкес

және Республиканың әкiмшiлiк-аумақтық құрылысындағы кейбiр 
өзгерiстерге байланысты қаулы етемiн:
     1. Мына соттар:
     1) Жезқазған, Көкшетау және Семей облыстық соттары;
     2) Батыс Қазақстан облысының Ақжайық және Тайпақ аудандық
соттары;
     3) Көкшетау облысының Арықбалық, Уәлиханов, Келлер, Көкшетау,
Ленинград, Рузаев, Чистополь, Чкалов аудандық соттары, Щучинск
қалалық соты;
     4) Қостанай облысының Жiтiқара қалалық соты;
     5) Павлодар облысының Ақсу және Екiбастұз аудандық соттары
таратылсын.
     2. Мына соттар:
     1) таратылған Семей облысының аудандық (қалалық) соттары Шығыс
Қазақстан облысына;
     2) таратылған Жезқазған облысының аудандық (қалалық) соттары
Қарағанды облысына;
     3) таратылған Көкшетау облысының аудандық (қалалық) соттары
Солтүстiк Қазақстан облысына жатқызылсын.
     3. Мына соттар:
     1) Көкшетау облысының Қызыл ту ауданды соты Солтүстiк Қазақстан
облысының Уәлиханов аудандық соты;
     2) Көкшетау облысының Красноармейск аудандық соты Солтүстiк
Қазақстан облысының Тайынша аудандық соты;
     3) Көкшетау облысының Куйбышев аудандық соты Солтүстiк Қазақстан
облысының Целинный аудандық соты;
     4) Көкшетау облысының Ленин аудандық соты Солтүстiк Қазақстан
облысының Ақжар аудандық соты;
     5) Батыс Қазақстан облысының Чапаев аудандық соты Батыс
Қазақстан облысының Ақжайық аудандық соты болып аталсын.
     4. Осы Жарлық қол қойылған күннен бастап күшiне енедi.

     Қазақстан Республикасының
            Президентi