"Балалар үйi қызметiн ұйымдастырудың ережелерiн" және "балалар үйiне балаларды қабылдаудың және одан шығарудың ережелерiн" бекiту туралы

Күшін жойған

Қазақстан Республикасы Денсаулық сақтау істері жөніндегі агенттігі төрайымының 2000 жылғы 6 маусым N 228 бұйрығы Қазақстан Республикасы Әділет министрлігінде 2000 жылғы 17 тамызда тіркелді. Тіркеу N 1221. Күші жойылды - Қазақстан Республикасы Денсаулық сақтау министрінің 2014 жылғы 22 сәуірдегі № 206 бұйрығымен

      Ескерту. Бұйрықтың күші жойылды - ҚР Денсаулық сақтау министрінің 22.04.2014 № 206 бұйрығымен.

      Қазақстан Республикасы Президентiнiң 1998 жылдың 18-шi мамырындағы "Қазақстан Республикасы азаматтарының денсаулығын жақсарту жөнiндегi алдыңғы шаралар туралы" Жарлығын орындауда және балалар үйлерiнiң жұмысын ұйымдастыруды жақсарту мақсатында бұйырамын:
      1. Төмендегiлердi бекiту:
      1) Балалар үйi қызметiн ұйымдастырудың ережесi (1 қосымша);
      2) Балалар үйiне балаларды қабылдаудың және одан шығарудың ережесi (2 қосымша).
      2. Сақтау (департаменттерiнiң) басқармаларының басшылары, балалар үйi жетекшiлерi нағыз бұйрықты басшылыққа алуды және үздiксiз орындауды.
      3. Қазақ ССР-ның Денсаулық сақтау министрлiгiнiң 15.06.92 жылғы N 292 Балалар үйi жөнiндегi қағида және Балалар үйiне балалардың қабылдану тәртiбi мен одан шығарылуы жөнiндегi нұсқаулықты бекiту туралы бұйрығының күшi жойылды деп саналсын.
      4. Осы бұйрықтың орындалуын бақылау төрайымның бiрiншi орынбасары С. Ыбыраевқа жүктелсiн.

      Төрайым

Қазақстан Республикасы    
Денсаулық сақтау ісі жөніндегі
агенттігінің 6.06.2000 ж.  
N 228 бұйрығының      
N 1 қосымшасы       

Балалар үйi қызметiн ұйымдастырудың ережесi

1. Балалар үйiндегi балалардың құрамы

      1. Балалар үйi жетiм және ата-анасының қамқорлығынсыз қалған, некесiз жас анадан туылған балаларға, сонымен қатар ақыл-ой және дене дамуында ақаулықтар кездесетiн балаларға медициналық көмек көрсетiп, тәрбие беруге арналған денсаулық сақтау мекемесi болып табылады.
      Ескерту: 1-тармақ толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.

      2. Балалар үйiнде (жалпы типтi) туғаннан 3 жасқа дейiнгi балалар тәрбиеленедi, мамандандырылған балалар үйiнде 4 жасқа дейiнгi балалар тәрбиеленедi.

      3. Мамандандырылған балалар үйлерi (топтар) ақыл-ой және дене дамуында ақаулықтар кездесетiн /дене дамуы және ақыл-ой ақаулығы бар балалардан басқа шартты түрде тәрбиеленетiн/ балалардан құралады, тағы да:
      1) психикасына зақым келген орталық нерв жүйесi бұзылған;
      2) психикасына зақым келмей орталық нерв жүйесi бұзылған, сондай-ақ мүгедек балалар;
      3) тiрек-қимыл аппаратының қызметi бұзылған және дене дамуының ақаулығы бар, психикасына зақым келмеген;
      4) есту және сөйлеу қабiлеттерi жоқ (сақау, саңырау, керең);
      5) сөйлеу қабiлеттерi нашар (кекеш, алалия ауруымен ауыратын және т.б. тiлге қатысты ақаулығы бар);
      6) көру қабiлетi бұзылған (соқыр, әлсiз көретiн);
      7) туберкулездiң кiшi және әлсiз түрлерiмен ауыратын, туберкулездiк интоксикациясы бар балалардан;
      8) имбецильдiк, идиотия дәрежесiндегi олигофрения;
      9) басының ми қабаты зақымдануынан пайда болған ақымақтық;
      10) қимыл функциясында басым әрекеттердiң бұзылуы есебiнде байқалатын барлық дәрежеде ақыл-ойдың жетiспеуi;
      11) тәрбиелеуге қиындық келтiретiн қимыл функцияларында басым әрекеттерiнiң бұзылуы есебiнде байқалатын барлық дәрежеде ақыл-ойында жетiспеушiлiгi бар соқыр (әлсiз көрушiлiк) немесе саңырау (әлсiз естушiлiк) балалар үшiн топтар бикелер қарайтын ұйымдастырылады.
      12) туа және жүре бiткен венерологиялық аурулы балалар арнайы емi бiткеннен кейiн, аурудың жұқпалысыз кезеңiнде;
      13) АҚТҚ жұқтырылған/ЖҚТБ аурулы балалар, жұқпалысыз кезеңiнде.
      Ескерту: 3-тармақ толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.

      4. Балалар үйлерiнен балалар отбасына қайтарылғанда, халыққа бiлiм беру жүйесiндегi балалар үйiне, тұрғындарды әлеуметтiк қорғау жүйесiндегi интернат үйiне ауыстырғанда, қорғаншыға немесе асырауға бергенде шығарылады.

      5. Балалар үйiнде балалардың денсаулығын нығайтуды, қорғауды кепiлдейтiн жағдай жасалынады.

      6. Балалар үйiнiң жайы, жұмсақ және қатты керек жарақтары, медициналық және шаруашылық заттары санитарлық-гигиеналық, медициналық, педагогикалық талаптарға, Қазақстан Республикасы Денсаулық сақтау Министрлiгi бекiткен нормаларға сай болуы тиiс.

      7. Балалар үйi балалардың жасына, психикалық дамуына сәйкес ойыншықтар мен әдiстемелiк құралдармен қамтамасыз етiледi.

      8. Балалар үйiнде күн ұзақ таза ауада балалардың серуенi мен ұйқысын ұйымдастыру үшiн жабдықталған алаңдары бар жасыл желектi қоршалған жер (участок) болуы тиiс.

      9. Балалар үйiнде стационарлық емдi талап етпейтiн инфекциясы жоқ, оңаша бөлмеге қайта түсетiн аурулар үшiн оңашалау тобы болуы тиiс. Изолятордағы кереуеттер саны штаттық орын санының 10%-інен кем түспеуi керек.

2. Балалар үйiнде балаларды тәрбиелеу қағидасы

      10. Балалар үйiнде тәрбие беру баланың жеке басын қорғау оның жеке даму дәстүрi мен этномәдениетiмен тығыз байланысты еркiндiк құқын қорғау және қамтамасыз ету негiзiнде құрылады, кез-келген формадағы құқығын шектеуге тыйым салынады. Балалар үйiнiң тәрбиеленушiсiнiң құқығы бар:
      1) ересек адамның тарапынан қамқор көруге және өзiне деген сыйлы қарым-қатынасты қажет етуге;
      2) дене және психикасының айыпталуы жағынан көрсетiлген ұқыпсыздық пен дөрекiлiктен қорғануға;
      3) айналасындағылармен қарым-қатынас жасауда эмоциональды-жеке қажеттілiгiн қанағаттандыруға;
      4) шығармашылық қабiлеттерiнiң дамуына және жеке әрекет етуге;
      5) тәртiбi мен дамуында кездесетiн кемшiлiктердi түзетуге және жоғары дәрежелi медициналық көмек алуына.

      11. Балалар үйiнде тәрбиеленетiн балалар педиатрдың және сәйкес мамандардың қарауында болады. Осының есебiнде территориялық емхана дәрiгерлерiнiң тереңдетiлген медициналық қарауы жүргiзiледi.

      12. Балалармен өткiзiлетiн тәрбиелеу және емдiк сауықтыру жұмыстарын балалар үйi бас дәрiгерiнiң басшылығымен медициналық және педагогикалық құрам жүргiзедi.

      12-1. Баланың әржақты және үйлесiмдi дамуын, тәуелсiз дара тұлғасының қалыптасуын, өзiндiк дағдыларын баулуды қамтамасыз ету үшiн Балалар үйiнде болған барлық уақыт iшiнде балалардың күтiмi мен тәрбиесi тұрақты тұлғалармен iске асырылады. Бұл қағидаға әр жастағы балалар үшiн бөлiмдер (топтар) ұйымдастыру жолдарымен қол жеткiзiледi немесе бөлiмдерде балалар күн тәртiбi мен тамақтану тәртiбiнiң бiркелкiлiгi негiзiнде бөлiнедi. Соңғы жағдайда, балаларды медициналық көрсетiмдерi бойынша ауыстыруды қоспағанда, бiр бөлiмнен (бiр топтан) басқасына (екiншiсiне) балалар және оларды тәрбиелеушi персонал бiрге ауыстырылады.
      Ескерту: 12-1-тармақпен толықтырылды - ҚР Денсаулық министрінің 2002 жылғы 19 ақпандағы N 181 бұйрығымен.

3. Балалар үйiнiң құрылымы және қызметiнiң
ұйымдастырылуы

      13. Балалар үйiнiң құрылтайшылары жеке және заңды тұлғалар бола алады (меншiк түрлерiне қарамастан). Балалар үйлерi заң бекiткен тәртiп бойынша құрылады, қайта ұйымдастырылады және таратылады. Балалар үйi заңды тұлға құқын пайдаланады жеке сметасы өзiнiң толық атауы көрсетiлген мекеме мөртабаны мен дөңгелек мөрi болады.

      14. Мемлекеттiк балалар үйiнiң басында денсаулық сақтау территориялық органдары тағайындайтын және орнынан босататын бас дәрiгерi тұрады.

      15. Бас дәрiгер несие бере алады, балалар үйi қызметкерлерiн жұмысқа қабылдауға және жұмыстан босатуға құқылы, мекемедегi медициналық, тәрбиелеушi, құқықтың және әкiмшiлiк-шаруашылық жұмыстарының орындалуына жауап бередi, төтенше жағдайларда атаулы мекеменiң жұмысын қамсыздандырады.

      16. Мемлекеттiк балалар үйiн ақшалай қаржыландырудың көзi мемлекеттiк бюджеттегi қаражат болып табылады. Балалар үйлерiнде әр түрлi қорлардан және жеке адамдардан түсетiн қаржының қосымша көзi болуы мүмкiн.

      17. Балалар үйiнде төрт түрлi бөлiмдер (топтар) болуы мүмкiн:
      1) "Үмiт" бөлiмi (тобы);
      2) iс жүзiнде денi сау балалар бөлiмi (тобы);
      3) ауруы емге көнетiн ауру балалар бөлiмi (тобы);
      4) ауруы емге көнбейтiн психикасы мен нерв жүйесi ауыр зақымданған балалар бөлiмi (тобы).
      Қажет кезде, түрi бiрдей бiрнеше бөлiмдер ұйымдастыруға болады. Мамандандырылған Балалар үйлерiнiң барлық бөлiмдерiнде (топтарында) және жалпы түрдегi Балалар үйлерiнiң психикасы мен нерв жүйесi ауыр зақымданған балалар бөлiмдерiнде (топтарында) тәрбиеленушiлер саны 8-ден, ауруы емге көнетiн ауру балалар бөлiмдерiнде (топтарында) - 10-нан, "Үмiт" бөлiмдерi (топтары) мен iс жүзiнде денi сау балалар бөлiмдерiнде (топтарында) - 13-тен аспауы тиiс.
      Балалардың тiзiмдiк құрамы Балалар үйiндегi ескерiлген орындар санына сәйкес болуы тиiс.
      Ескерту: 17-тармақ жаңа редакцияда жазылды - ҚР Денсаулық министрінің 2002 жылғы 19 ақпандағы N 181 бұйрығымен.

      18. Балалар үйлерiнiң педагогикалық, медициналық құрамының штаттық көрсеткiштерi балалар үйi тәрбиеленушiлерiнiң санына және балалар ауруларының түрiне байланысты болады (N 1 қосымша).

      19. Балалар үйiнiң iшiнде мiндетті түрде балаларды тәрбиелеуде және асырауға қажеттi жағдай туғызуда көмек көрсететiн Қамқоршылар кеңесi құрылады. Қамқоршылар кеңесi құрамына (5-7 адам) орындаушы Балалар үйiнiң басшысы, үкiметтiң территориялық органдары өкiлдерi, бiлiм беру территориялық органдары, мемлекеттiк емес ұйымдар (балалар қоры және т.б.) енедi.

      20. Қамқорлық кеңесi келесi мiндеттердi шешедi:
      1) тәрбиедегi балаларға әлеуметтiк қолдау көрсету үшiн Балалар үйiнiң мәселелерiне жұртшылықтың назарын аударады;
      2) кәсіпкерлік дәрежесiне, адамдық қасиетiне көңiл аудара келiп, қызметкерлердi Балалар үйiне жұмысқа ұсынады;
      3) Балалар үйiне балаларын уақытша орналастырған ата-ананың және баладан бас тарту қаупiне бейiм жас аналардың тұрмыс, жұмыс, оқу орны жағдайына, қоғамдағы орнына талдау жасайды;
      4) әсiресе жас аналарға көңiл аудара келе, балалары Балалар үйiнде тәрбиедегi аналарға мұқтаж мәселелерiн шешуде, оның iшiнде жұмысқа орналасуына, оқуда, iзгiлiк-психологиялық демеу көрсетедi;
      5) баланы анасына, анасының ата-анасы жан ұясына және басқа қамқоршыларға қайтару мәселелерiн шешуге қатысады;
      6) балаларды Балалар үйiнен асырап алу барысына белсендi қатысады;
      7) асырауға алынбаған денi сау балаларды Балалар ауылына ауыстыру мәселесiн қарайды;
      8) Балалар үйiнiң қызметiне ұйымдастыру-әдiстемелiк және iстей көмек бередi;
      9) Балалар үйi персоналының мамандық бiлiктiлiгi мезгiлiмен шыңдалуы жөнiнде ұсыныстар бередi.
      Ескерту: 20-тармақпен толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.

4. Балалар үйiнде "Үмiт" бөлiмiнiң (тобының)
қызметiн ұйымдастыру

      Ескерту: 4-тараумен толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.

      21. "Үмiт" бөлiмi облыстағы жалпы түрдегi Балалар үйiнiң бiрiнiң құрамында немесе, саласына қарамай, аймақтағы жалғыз Балалар үйiнде жергiлiктi атқару органдарының келiсiмiмен, қолданып жүрген заңнамалар тәртiбi бойынша ұйымдастырылады.

      22. "Үмiт" бөлiмi бiрiншi туатын некесiз жас әйелдерден туылған тұңғыштарға (егiз-тұңғыштарға) арналған. Сондай-ақ бөлiмге сотталған және еңбекпен түзету мекемелерiнде 3 жылдан аз мерзiмiн өтеп жүрген аналардың балалары қабылданады. Балалар үйiнiң "Үмiт" бөлiмiндегi тәрбиеленушiлер толық мемлекеттiң қарамағында болады.

      23. "Үмiт" бөлiмi балалардың тәулiк бойы тұруына негiзделiп жұмыс iстейдi.

      24. Бұл бөлiмде баланың тұру мерзiмi 3 жасқа толғанға дейiнгi мезгiлмен анықталады.

      25. "Үмiт" бөлiмiн құрудың мақсаты жетiмдiктiң алдын алу, сондай-ақ балалардың өмiрiн, денсаулығын қорғауды, үйлесiмдi дамуын мемлекеттiк кепiлдiкке алу болып табылады.

      26. Осы мақсатты жүзеге асыруда "Үмiт" бөлiмiнде келесi міндеттер мен қызметтер атқарылады:
      1) баласынан бас тарту қаупiне бейiм аналармен, олардың баладан бас тартуының алдын алу үшiн медицина, педагогика қызметкерлерiнiң және психологтардың мақсатты бағытталған жұмыстары;
      2) жас аналарға, оларға туып отырған қиын әлеуметтiк жағдайда (туыстарының терiс түсiнiгi және келешектегi жалғыз басты ана ролi), iзгiлiк-психологиялық қолдау көрсету;
      3) ана мен баланың арасында туысқандық байланыстарды сақтауға бейiмдейтiн жағдай жасау;
      4) ананы тәрбиелеу барысына тарту;
      5) баланың тәрбиеленуi мен үйлесiмдi дамуы үшiн қолайлы жағдайларды қамтамасыз ету;
      6) баланың жеке басы құқығын, оның жеке даму еркiндiгiн қамтамасыз ету және қорғау, құқығын шектеудiң қандайда түрiн болғызбау;
      7) баланы анасының жан ұясына шығаруға дайындау;
      8) анасы баласынан үзiлдi-кесiлдi бас тартқан жағдайда немесе оны ата-аналық құқығынан айырғанда балаларды асырап алуға дайындау және денi сау асырауға алынбаған балаларды отбасылық үлгiдегi Балалар ауылына дайындау;
      9) бөлiм мен Балалар ауылының жұмыстарының өзара байланысын қамтамасыз ету;
      10) мектеп жасына дейiнгi тәрбие мен медицинаның кәзiргi заманғы жетiстiктерiн игеру мен iс жүзiнде енгiзу.

      27. Аймақтың қажеттiлiгiне және балалардың санына қарай, "Үмiт" бөлiмi үшiн Балалар үйiнде, мүмкiндiгiнше бөлек кiру есiгi бар, керектi бөлмелер жиынтығы бар (ұйықтау, ойнау, оқу бөлмелерi, әжетхана мен жуыну бөлмелерi, тарату бөлмесi, ана мен бала бөлмесi) үй-жай бөлу қажет.

      28. Балалар үйiнiң штаттық кестесiне, Балалар үйiнiң басшысына бағынатын, "Үмiт" бөлiмi меңгерушiсiнiң (0,5) лауазымын қосымша енгiзу қажет.

      29. Бөлiм меңгерушiсiн Қамқорлық кеңесiнiң келiсiмiмен Балалар үйiнiң бас дәрiгерi тағайындайды және жұмыстан босатады. Меңгерушiнiң лауазымына 3 жылдан астам өтiлi бар дәрiгер-педиатр немесе педагогикалық жоғары бiлiмi бар 25-тен 45 жасқа дейiнгi әйел жынысты адам тағайындалады. Жұмысқа қабылдаудағы негiзгi талаптар кәсiпкерлiк, адамгершiлiк қасиеттер болып табылады.

      30. Балалар үйiнiң барлық басшылығымен бiрге, "Үмiт" бөлiмi қызметiнiң жалпы басшылығын бас дәрiгер Қамқорлық кеңесiнiң бақылауымен жүзеге асырады.

      31. Балалар үйiнiң қызметi сияқты, "Үмiт" бөлiмiнiң қызметiн бақылау облыстық (қалалық) басқармаларға (департаменттерге) жүктеледi.

1. "Yмiт" бөлiмiне балаларды қабылдау
мен одан шығару ережелерi

      32. "Үмiт" бөлiмiне, баласынан бас тарту қаупiне бейiм, некесiз жас аналардан туылған кезеңiнен 3 жасқа дейiнгi денi сау және iс жүзiнде денi сау тұңғыш-балалар, сондай-ақ еңбекпен түзету мекемелерiнде 3 жылдан аз мерзiмiн өтеп жүрген сотталған аналардың балалары қабылданады.

      33. "Үмiт" бөлiмiне қабылдау перзентхана психологi, бала жатқан бөлiм меңгерушiсi және перзентхананың бас дәрiгерi қол қойған ауру тарихының көшiрмесi арқылы жүргiзіледi.
      Баланы перзентханадан "Үмiт" бөлiмiне ауыстыру, аналық борышты өтеу және "Үмiт" бөлiмiне уақытша орналастыру туралы анамен алдын ала жүргiзген психологтың мақсатты жұмысынан кейiн, ауыстыру құпиясын сақтаумен, әуре-сарсаңға салмай, жүзеге асырылуы қажет.

      34. Балалар үйiнiң бас дәрiгерi, ауыстыру мерзiмi мен анасы туралы мәлiметтердi (жұмыс, оқу орнын, мекен жайын, әлеуметтiк жағдайын) көрсетiп, қабылданған бала туралы облыстық (қалалық) денсаулық сақтау басқармаларын (департаменттерiн), Қамқорлық кеңесiн, қорғаншы және қамқорлық органдарын 3-күндiк мерзiмде жазбаша түрде хабардар етуi тиiс.

      35. Балалар үйiнiң "Үмiт" бөлiмiндегi әр балаға келесi құжаттар ресiмделедi:
      баланың даму тарихы;
      егу төлқұжаты;
      қорғаншы және қамқоршы органдарымен жасалған баланың анасының өмiр сүру жағдайларын тексеру актiсi;
      тууы туралы куәлiгi.

      36. "Үмiт" бөлiмiнен бала анасының жан ұясына анасының өтiнiшi мен баланың тууы туралы куәлiгi, даму тарихының көшiрмесi мен егу төлқұжаты негiзiнде шығарылады.
      Жас ананың ата-аналары баланы тәрбиелеу үшiн өз жанұясына алғысы келген жағдайда (егер ол өзi хабардар етсе), Балалар үйiнiң әкiмшiлiгi Қамқорлық кеңесiмен бiрiгiп, кез келген жастағы баланы кедергiсiз олардың жанұясына шығару туралы мәселенi шешедi.

      37. Жазбаша ресiмделген (Балалар үйiне балаларды қабылдаудың және одан шығарудың ережелерінің 2 қосымшасы) анасының баласынан бас тартуы немесе ата-ана құқығынан айырылған жағдайында, бала кез келген жаста асырап алынуы мүмкін. Денi сау, 6 айлықтан жоғарғы жастағы асырап алынбаған балалар Балалар ауылына ауыстырылуы мүмкін.

      38. Дамуында психо-физикалық ауытқулары бар балалар мамандандырылған Балалар үйiне (бөлiмiне) ауыстырылады.

      39. Балалар ауылына ауыстыруда балалардың денсаулық жағдайын оларды "Үмiт" бөлiмiнде болған кезде бақылаған Балалар үйiнiң дәрiгер-педиатры, психо-невропатологы анықтайды. Сонымен қатар, балаларды Балалар ауылына ауыстырудың алдында арнайы мамандандырылған мамандардың тереңдетiлген тексеруi жүргiзiледi, қорытындысы баланың даму тарихы көшiрмесiнде көрсетiледi.
      Балалар үйi әкiмшiлiгiнiң рұқсаты бойынша, балалар тобын Балалар ауылына ауыстыруға әзiрлегеннен кейiн, балаларды iрiктеу және кейіннен Балалар ауылына ауыстыру мақсатымен Балалар ауылының ана-тәрбиешiлерi оларға 1 ай iшiнде келiп тұрады. Бұл келудiң мақсаты, Балалар ауылына ауыстырған кезде балалардың психологиялық бөгетiн бұзу, ана-тәрбиешiлерге баланы үйрету болып табылады.
      Балаларды iрiктеу кезiнде балалардың этникалық тегiн, белгiлi мәдениетке жататындығын және ана тiлiн ескеру қажет.
      Ана-тәрбиешi мен баланың психологиялық және мiнез-құлықтық жақындығы маңызды роль атқарады. Балалар ауылы анасының талаптарына құлақ асып, осы белгiлер арқылы балаларды iрiктеуде Балалар үйiнiң медицина қызметкерлерi мен психологы көмектеседi.
      Егер медициналық қарсы көрсетiмдер болмаған жағдайда егiз балалар Балалар ауылының бiр отбасына берiледi.

      40. Балаларды Балалар ауылына ауыстыру жүрісі Қазақстан Республикасының заңнамасына сәйкес жүзеге асырылады.
      41. Балаларды "Үмiт" бөлiмiнен Балалар ауылына ауыстыра сала, бiрiншi күнi, келешекте медициналық қызмет көрсету үшiн, олар туралы мәлiметтер аумақтық емханаға жiберiледi (ауырып, стационарлық емдеудi қажет еткен Балалар ауылының тәрбиеленушiлерi кез келген емдеу ұйымдарына сырқаттың түрiне қарай жатқызылады).

      42. Еңбекпен түзету орындарында 3 жылдан аз мерзiмдi өтеп жүрген сотталған аналардың балалары ұқсас тәртiпте шығарылады.

2. Балалар жұмысын ұйымдастыру

      43. Ана мен баланың құқығы мен мүддесiн қорғау мақсатында ана мен бала әрдайым құпиялық қатынаста болу үшiн жағдай жасау қажет.

      44. "Үмiт" бөлiмiнде балаларды тәрбиелеу немқұрайлы, дөрекi қараудан, табиғи және психикалық зорлық көрсетуден қорғау мен қызметкерлердiң жан-жақты қамқорлығы рәсiмiнде құрылады.

      45. Тәрбиелеу жұмысында баланың этникалық тегi, белгiлi мәдениетке жататындығы, ана тiлi ескерiлуi тиiс.

      46. Тәрбиелеу барысы мен ойлау, сөйлеу қабiлетiн және т.б. дамыту жөнiндегi жұмыстар, бала-бақшаларына арналған мектепке дейiнгi тәрбиелеу бағдарламалары бойынша жүргiзiледi.

      47. Баладан бас тарту қаупi бар анаға психологиялық көмек iске асырылуы қажет.

      48. Бiлiктi медициналық көмек көрсетiлуi және психика мен дене дамуындағы кемiстiктер дер кезінде түзетiлуi тиіс.

3. Балалары "Yмiт" бөлiмiнде тұратын аналардың
құқықтары мен мiндеттерi

      49. Ана құқықты:
      1) Баланы тәрбиелеу және күту жағдайларын жасау үшiн "Үмiт" бөлiмiне орналастыруға;
      2) өз еркiмен баланы омырау сүтiмен емiзуге;
      3) өз баласының өмiрi мен денсаулық жайы туралы толық ақпарат алуға.

      50. Ана мiндеттi:
      1) бөлiмде болған уақытта баласына тұрақты түрде барып тұруға және оның тәрбиесiне қатысуға;
      2) "Үмiт" бөлiмiнiң iшкi тәртiбi ережелерiн сақтауға.

      51. Лауазымға бөлiм персоналы, Қамқорлық кеңесiнiң өкiлдерi қатысқан конкурстық iрiктеу негiзiнде, Балалар үйi бас дәрiгерiнiң бұйрығымен тағайындалады.
      Персоналдың құқықтары мен мiндеттерi Балалар үйiнiң әкiмшiлiгiмен жасасқан жеке еңбек келiсiм-шартында бекiтiледi.

      52. Қажет жағдайда персонал:
      1) анадан iшкi күн тәртiбiн сақтауды талап етедi;
      2) Қамқорлық кеңесiне баласына анасының келмей жүргендiгiн хабарлайды.  

Қазақстан Республикасы    
Денсаулық сақтау ісі жөніндегі
агенттігінің 6.06.2000 ж.  
N 228 бұйрығымен     
N 2 қосымшасы       

Балалар үйiне балаларды қабылдаудың және одан
шығарудың ережесi

      1. Балалар үйiне қабылданады:
      1) жетiм балалар;
      2) жалғыз басты аналардың (әкелердiң) балалары;
      3) тастанды балалар;
      4) ата-аналық құқынан айырылған ата-аналардың балалары немесе сот органдарының олардан балаларын тартып алу туралы шешiм қабылданған жағдайда;
      5) шартты түрде қабiлетсiз деп танылған ата аналардың балалары;
      6) сот тәртiбiмен iз-түзсiз табылмаған ата-аналардың балалары;
      7) стационардағы емдеудi қажет етпейтiн немесе бiрнеше ескертулерден кейiн не ата-аналары, не оларды ауыстыратын, ата-анасының орнындағы тұлғалар алмай кеткен балалар;
      8) тәрбие беруге мүмкiндiгi жоқ (денсаулығының нәтижесiнде, ұзақ уақытқа жол жүруiне байланысты, айыбын өтеу барысында, тергеу кезiнде қамауда болған) бiр немесе екi ата-ананың балалары;
      9) ата-анасының екеуiнiң де болу-болмауына қарамастан дене және ақыл-ой дамуында ақаулықтары бар балалар;
      10) некесiз жас аналардан туылған балалар.
      Ескерту: 1-тармақ толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.
      2. Балалар үйiне перзентханалардан, ауруханалардың соматикалық бөлiмдерiнен, бөлiстiру-оңашалау топтарынан, отбасылардан және т.б. қабылданады; мұнда туғанынан 3 жасқа дейiн балалар, есту және сөйлеу қабiлеттерi бұзылған, дене және психика дамуында ақаулықтары бар - 4 жасқа дейiнгi балалар болады. Болжамдар анықталмаған жағдайда мекеме өз бақылауы бойынша баланы 5 жасқа дейiн кешiктiре алады. Кейде (жалпы типтi) балалар үйiне шартты түрде тәрбиеленетiн дене және психика-сөйлеу дамуында ұшырасатын кедергiлерi бар балалар үйiне ауысуы мамандардың шешiмi бойынша уақытынан бұрын деп есептелiнетiн 3 жасқа толған балалар қабылдана алады.
      Некесiз жас аналардан туылған денi сау балалар перзентхананың психологi, бала болған жердiң бөлiм меңгерушiсi және перзентхананың бас дәрiгерiнiң қолы қойылған ауру тарихының үзiндiсiмен "Үмiт" бөлiмiне тiкелей қабылданады.
      Ескерту: 2-тармақ толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.
      3. Перзентхана мен бөлiстiру-оңашалау топтарынан балалар бiрден топқа қабылданады, стационарлар мен отбасылардан изоляторға немесе оңашалау тобына барады. Мұнда баланың жасына сәйкес қажеттi емдiк-тәрбиелiк iс-шаралар жүргiзiледi. Оңашалау тобынан (изолятордан) бала топқа түседi.
      4. Балалар үйiне өткiр жұқпалы аурулармен, туберкулездiң жедел түрiмен, сифилиспен (мерезбен), ЖҚТБ жұқпалы терi ауруларымен орталық нерв жүйесiнiң өткiр ауруларымен, трофикасының ауыр бұзылуымен және басқа да аурулармен ауыратын стационарлық емдi қажет ететiн балалар жатпайды.
      Ескерту: 4-тармақ толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.
      5. Балаларды балалар үйiне орналастыруда төмендегiдей құжаттар қажет:
      1) бiр немесе екi ата-анасының, не олардың орнындағы тұлғалардың балалар үйiне баланы уақытша орналастыру туралы өтiнiш (1 нұсқаулыққа қосымша);
      2) жергілікті атқарушы органның (қамқорлық және қорғаншылық органы) Балалар үйіне баланы жіберу туралы шешімі;
      3) баланың туу туралы куәлiгi;
      4) баланың даму тарихынан (стационарлық аурудың медициналық картасымен) немесе жаңа туған баланың тарихынан үзiндi, анамнезiнiң нақты көрсеткiштерi бар, қоса тұқым қуалаушылығы жөнiнде мәлiметтер, лабораториялық анализдерi мен арнайы мамандардың қарауы, соның iшiнде СПИД-тен, туберкулезден, сифилистен қаралуы, австралиялық антиген таратушысы еместiгi анықталған қағазы;
      5) баланың балалар үйiне уақытша орналастыру жағдайында ата-аналарының немесе олардың орнындағы тұлғалардың жұмыс, оқу орны нан анықтама қағазы;
      6) Келген мекемесiнде немесе пәтерiнде жұқпалы аурулардың болмауы жөнiнде анықтама;
      7) Ата-анасының болмауы немесе олардың өз балаларын тәрбиелеуге мүмкiндiгi жоқ екенiн анықтайтын құжаттар: қайтыс болуы туралы куәлiк, ата-аналық құқынан айрылуы немесе баланы тартып алғаны туралы сот шешiмi, сот үкiмi, тастап кеткенi туралы акт, ата-аналық құқынан бас тарту (2 нұсқаулыққа қосымшаны), жол жүруi, ата-анасының ауруы туралы анықтама;
      8) Балалық шағынан мүгедек баласы бар жалғыз басты аналар мен ата-аналар балалар үйiне жәрдем ақы алу үшiн жеке кiтапшасын көрсетедi. Онда баланы балалар үйiне орналастыруы жөнiнде тұрғылықты жерi бойынша әлеуметтік қамсыздандыру бөлiмiне 5 күннiң iшiнде, бiр уақытта хабарлағаны, баланы қабылдағаны жөнiнде жазылады.
      Ескерту: 5-тармаққа өзгерту енгізілді - ҚР Денсаулық сақтау министрлігінің 2007 жылғы 10 қаңтардағы N 8 бұйрығымен.
      6. Ата-аналары бар немесе олардың орнындағы тұлғалардың балаларын балалар үйiне уақытша орналастыруда, денсаулық сақтау органдары немесе олардың тапсырулары бойынша балалар үйiнiң әкiмшiлiгi баланың келген уақыты жөнiнде келiсiм жасайды. Келiсiмде, сондай-ақ ата-аналарының (жалғыз басты анасының) немесе олардың орнындағы тұлғалардың баланы тәрбиелеуде және күтудегi қатысы, көрiп тұруы айтылады.
      7. Балалар үйiне түскен әр балаға даму тарихы рәсiмделедi. Қатар жүретiн медициналық құжат бөлек пакетте даму тарихына жабыстырылады. Заңды құжат бас дәрiгерде патронажды бикеде сақталады. Жаңа туған балалар туралы мәлiметтер балалар үйiндегi балаларды қабылдау журналына енгiзiледi. Ол нөмiрленедi, бау тағылып, мекеме мөрiмен бекiтiледi, әрдайым балалар үйi архивiнде сақталады.
      8. Тастанды балалар балалар үйiне iшкi iстер Министрлiгiнiң территориялық органдарында құрылған, балалар үйiне қабылдау үшiн денсаулық сақтау органдары мен рәсiмделетiн жолдамамен қоса, акт бойынша қабылданады. Тастап кету жөнiндегi актiнiң көшiрмесi iшкi iстер Министрлiгiнiң территориялық органдарына жiберiледi.
      Тастанды балаларға балалар үйi үш күннiң iшiнде жоғарыда көрсетiлген қабылдау туралы актiнiң негiзiнде, баланы азаматтық жағдай актiлерiн жазу органдарына тiркейдi. Ата-аналарының баланы стационарда қалдырып кеткен жағдайда мекеме әкiмшiлiгi сәйкес актi жасап, мөр басады.
      9. Балалар үйiнiң бас дәрiгерi ата-аналары заң бойынша баланы қамсыздырғаны үшiн төлем төлеуден босатылмаған болса, олардан сот тәртiбiмен баланы асырауға қаражат талап етуге құқылы. Мұндай жағдайда бала орналасқан балалар үйiнiң пайдасына әр ата-анадан баланы қамсыздандыру үшiн заң бекiткен тәртiп пен көлемде қаражат талап етiледi.
      10. Тәрбиеленушiлер ауруханаға, санаторийге орналастырылса, олар шықты деп есептелiнбейдi және балалар үйiнiң балаларды қабылдау журналына тiркелмейдi.
      11. Тәрбиеленушiлерiн емханаға, санаторийге орналастыра отырып балалар үйi ата-анасына немесе олардың орнындағы тұлғаларға (баланы уақытша орналастырған жағдайда) бұл жайында хабарлауға мiндеттi. Сондай-ақ баланың денсаулығын бiлiп тұруы тиiс, даму тарихына емдеу барысы жөнiнде жазып отырулары керек.
      12. Балалар өз жан ұясына қайтарылғанда, әлеуметтік қамсыздандыру немесе білім жүйесіндегі интернат ұйымдарына, оның ішінде отбасылық үлгілі Балалар ауылына ауыстырылғанда, асырауға берілгенде Балалар үйінен шығарылады. <*>
      Балалардың ата-аналарына немесе олардың орнындағы тұлғаларға қайтып оралуы олардың өтiнiшi бойынша жүзеге асады. Баланың балалар үйiнде болу мерзiмiн ұзарту денсаулық сақтау органдарына жаңа келiсiм негiзiнде құрылған ресми өкiмi бойынша жүргiзiледi.
      Балалардың мүддесiн, құқығын қорғау мақсатында ата-анасының немесе олардың орнындағы тұлғалардың негiзсiз бас тартқан жағдайда, баланы келiсiмде көрсетiлген мерзiмнiң күнi өткенде алмаса, балалар үйi сотқа оларды ата-ананың құқынан айыру туралы талап етуге мiндеттi.
      Асырап алуға келiсiм берген ата-аналардың балаларын қайтарып беруi (бас тартуы), асырап алу тәртiбiне толық сай келетiн тәртiппен жүзеге асады.
      Ескерту: 12-тармақ толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.
      13. Балалардың жалпы типтi балалар үйiне ауысуы олардың 3 жасқа толған шағында жүзеге асады; интелектiсi бұзылған балалар үшiн халыққа бiлiм беру балалар үйiне және әлеуметтiк қамсыздандыруға қарасты интернат үйлерiне - 4 жасқа толғанда ауыстырылады. Ауысу медико-педагогикалық комиссияның шешiмiне сәйкес жүзеге асады. Ауысатын балалар жөнiнде мәлiметтер халыққа бiлiм беру және әлеуметтiк қамсыздандыру органдарына 6 ай уақыт қалғанда хабарланады. Баланы балалар үйiне ауыстыру кезiнде заң және медициналық құжаттары берiледi.
      14. Балалар үйi мемлекеттiк мекемелерге ауысқан балаларды маусым бойынша киiммен және аяқ киiммен қамтамасыз етедi.
      15. Балаларды асырауға беру заң бекiткен тәртiппен жүзеге асады. Балаларды асырауға берген кезде қабылдау журналына баланы асыруға беру туралы асыраушының мекен жайы және фамилиясы, атқару комитетiнiң шешiмi, күнi көрсетiлмей-ақ жазылады.
      Бұл мәлiметтер шартты түрде балалар үйiнiң бас дәрiгерiнде сақталады және тергеу және сот органдарына ғана олардың ресми талабы бойынша көрсетiледi. Ағалы-қарындасты не апалы iнiлi балаларды асырауға беруде, сондай-ақ балалар үйiне орналастыруда, балалар үйiне ауыстыруда, тек қысылтаң жағдайда ғана (мәселен, бiреуiнде медициналық қарама-қайшылықтар басым кездесетiн болса), оларды бiр-бiрiмен көрiстiрмеуге болады.
      16. Балалар ауылына балалар, 6 айлық жасынан бастап, сауықтырылғаннан және қандай да болмасын анықталмаған перинаталдық зақымдарын, туа бiткен немесе тұқым қуу ауруларын жоққа шығарғаннан кейiн ауыстырылады.
      Ескерту: 16-тармақпен толықтырылды - ҚР Денсаулық министрінің
2002 жылғы 19 ақпандағы N 181 бұйрығымен.

Қазақстан Республикасы   
Денсаулық сақтау ісі жөніндегі
агенттігінің 6.06.2000 ж. 
N 228 бұйрығымен бекітілген
Балалар үйі туралы ережеге 
3 қосымша          

Балалар үйiнiң медициналық, педагогикалық,
аспазшылық персоналының штаттық норма мөлшерi

1. Дәрiгерлiк персонал

      1. Дәрiгер-педиатрлардың қызмет орны жалпы типтi балалар үйiнде 40 балаға 1 қызмет орны және мамандандырылған балалар үйiнде 20 балаға 1 дәрiгер-педиатрдың қызмет орны белгiленедi.
      2. Дәрiгер-отоларингологтардың қызмет орны мамандандырылған балалар үйiнде есту және сөйлеу қабiлетi бұзылған балалар үшiн:
      1) 45 - 100 балаға - 0,5 қызмет орны;
      2) 100-ден артық балаға - 1 қызмет орны тағайындалады.
      3. Дәрiгер-психо-невропатологтардың қызмет орны мамандандырылған балалар үйiнде психикасының зақымданған, зақымданбағанына қарамастан орталық нерв жүйесi бұзылған балалар үшiн:
      1) 30 - 70 балаға - 0,5 қызмет орны;
      2) 70-тен артық балаға - 1 қызмет орны тағайындалады.

2. Орта буын медициналық персонал

      4. Медициналық бикелер қызмет орны жалпы типтi балалар үйiнде 40 балаға 1 қызмет орны және мамандырылған балалар үйiнде 20 балаға 1 қызмет орны тағайындалады, бiрақ мекемеге 1 тәулiктiк посттан кем түспеуi керек.
      75 және одан да көп орындық балалар үйлерiнде жұмыс көлемiне байланысты, соның iшiнде 6 және оданда көп кереуеттiк изоляторда жатқан немесе карантиндегi балаларға қызмет көрсету үшiн тиістi қосымша медициналық бике қызмет орны тағайындалуы мүмкiн, бiрақ бiр тәулiктiк посттан аспауы тиiс.
      5. Физиотерапия медициналық бикелерiнiң қызмет орны, жұмыс көлемiне сәйкес, 100 және одан да көп орындық балалар үйiнде жылына 15 мың шартты физиотерапевтiк бiрлiкке және психикасы зақымданған немесе зақымданбаған орталық нерв жүйесi бұзылған балаларға арналған 45 және одан көп орындық балалар үйлерiнде 1 қызмет орны тағайындалады.
      6. Массаж медициналық бикелерi және емдiк дене шынықтыру нұсқаушыларының қызмет орны тiрек-қимыл аппараты бұзылған балаларға тиiстi көмек көрсету үшiн балалар үйiнде психикасы зақымданған немесе зақымданбаған орталық нерв жүйесi бұзылған балалар үшiн жұмыс көлемiне сәйкес және көрсетiлген персоналдың iс жүзiнде есептегi жүктеме нормасына қарай тағайындалады.
      7. Ұйымға диеталық медициналық бикелерiнiң 1 қызмет орны тағайындалады.
      8. Ұйымға патронаждық медициналық бикелерiнiң 1 қызмет орны тағайындалады.
      9. Ұйымға аға медициналық бикенiң 1 қызмет орны тағайындалады.

3. Педагогика персоналы

      10. Тәрбиешiлер қызмет орны бiр тәулiктiк постқа төмендегiдей тағайындалады:
      1) 1,5 жастағы 10 балаға және психикасы зақымданған немесе зақымданбаған орталық нерв жүйесi бұзылған балалар үшiн топтардағы жасына қарамастан;
      2) 1,5-2 жасқа дейiнгi 13 балаға және жасына қарамастан арнайы бөлу-оңашалау топтарына (iрi қалаларда);
      3) 2 жастан үлкен 15 балаға.
      11. Аға тәрбиешiнiң қызмет орны төмендегiдей тағайындалады:
      1) 0,5 еңбекақы мөлшерi - 30-50 балаға;
      2) 1 еңбекақы мөлшерi - 51 және одан көп балаға.
      3) Үмiт" бөлiмiнде (тобында) 0,5 лауазым.
      Ескерту: 11-тармақ толықтырылды - ҚР Денсаулық министрінің     2002 жылғы 19 ақпандағы N 181 бұйрығымен.
      12. Балалар үйiнде оқытуға және тәрбиелеуге келмейтiн психикасы бұзылған орталық нерв жүйесi қатты зақымданған балалар үшiн тәрбиешi қызмет орнын мед.бике орнына ауыстыру қажет.
      13. Сурдо-логопедтер қызмет орындары есту қабiлетi бұзылған (саңырау, керең, мақау, естiмей қалған) жасы 1,5 жоғарғы 8 балаға есептегенде 1 қызмет орны белгiленедi.
      14. Логопед қызмет орнына балалар үйiнде (жалпы типтi) 1,5 жастан бастап 15 балаға, орталық нерв жүйесi зақымданған, жақ-бет маңында патологиясы бар, дизартрия, алалия ауруларымен ауыратын, кекеш балалар үшiн 1 жасқа дейiнгi 8 балаға, 2 жасқа дейiнгi 10 балаға және 2 жастан асқан 12 балаға 1 қызмет орны белгiленедi.
      15. Психолог қызмет орнына мамандандырылған балалар үйiнде төмендегiдей белгiленедi:
      1) 0,5 еңбекақы мөлшерi - 70 балаға;
      2) еңбекақы мөлшерi - 70-тен аса балаға.
      15-1. Ұйымға 1,0 лауазым музыка қызметкерi тағайындалады. <*>
      Ескерту: 15-1-тармақпен толықтырылды - ҚР Денсаулық министрінің 2002 жылғы 19 ақпандағы N 181 бұйрығымен.

4. Кiшi қызмет көрсетушi персонал

      16. Күтушi-санитарлардың қызмет орны топтарда белгiленген уақытта жұмыс iстеу үшiн қарастырылған (жұмыс уақытының айырмашылығын есепке ала отырып) тәрбиешiлер қызмет орнының санына байланысты 6 сағаттан 22 сағатқа дейiнгi жұмыс мерзiмiне тағайындалады.
      17. Балалар үйiнде (топтарда) психикасының зақымданған немесе зақымданбағанына қарамастан орталық нерв жүйесi бұзылған балалар үшiн күтушi-санитарлар қызмет орны 10 балаға 1 тәулiктiк пост есебiнде белгiленедi.
      75 және одан да көп орындық балалар үйлерiнде 6 және одан да көп орынды изолятордағы балаларға қызмет көрсету үшiн орта буын медицина персоналмен қамтамасыз етiлмеген уақытта күтушiлер қызмет орнының қажеттi қосымша саны белгiленуi мүмкiн.

5. Аспазшылық персонал

      18. Аспаз қызмет орны төменгi есеп көлемiнде тағайындалады:
      1) 2 орын 80 кереуеттiктен төменгi балалар үйiнде;
      2) 2,5 орын 80-нен 100-ге дейiнгi кереуеттік балалар үйiнде;
      3) 2,5 орын және қосымша 0,5 орын - әрбiр 50 кереуетке (100-ден жоғары).
      19. Жемiс-көкөнiс және картоп тазалауыш, ыдыс-аяқ жуушы, ас бөлмесiнiң жұмысшысы төменгi есеп көлемiнде тағайындалады:
      1) 0,5 орын 50-ден 65-ке дейiнгi кереуеттiк балалар үйiнде;
      2) 1 орын 65-тен 80-ге дейiнгi кереуеттiк балалар үйiнде;
      3) 2 орын 80-нен 100-ге дейiнгi кереуеттiк балалар үйiнде;
      4) 2 орын және қосымша 1 орын әрбiр 50 кереуетке 100-ден жоғары дейiнгi кереуеттік балалар үйiнде.
      Ескерту: Нормадағы есеппен берiлген персонал санының көрсеткiшi (1 қызмет орнына балалардың саны, 1 пост) қызметкерлердiң жұмыс үлесiнiң нормасы болып саналмайды. Бұл, балалар үйiнiң басшылары кәсiподақ комитеттерi келісiмiмен, күтілетiн балалардың құрамына, жұмыс мезгiлiне (күндiз, түнде) және басқа да нақты жағдайға қарай белгiленедi.

                                        Қазақстан Республикасы
                                    денсаулық сақтау iсi жөнiндегi
                                    агенттiгiнiң 6.06.2000 ж. N 228
                                         бұйрығымен бекiтiлген
                                        Балалар үйiне балаларды
                                        қабылдаудың және одан
                                          шығарудың ережесi
                                             1 қосымша

      Yлгi жобасы

                                         ___________________ қаласы
                                        Балалар үйiнiң жетекшiсiне

                            ӨТIНIШ

     Баланы балалар үйiне уақытша орналастыру жөнiнде
     Өзiм жайында мәлiмдеймiн:
Аты-жөнi:__________________________________________________________
Туған жерi және күнi_______________________________________________
Тiркелдi (қашан және қай мекен-жай бойынша)________________________
Төлқұжат немесе жеке куәлiк (нөмiрi, қашан және кiммен берiлдi_____
____________________________________________________________________
Отбасы жағдайы:_____________________________________________________
Балаға қатысты: (шешесi, әкесi, атасы, қорғаншы ж/е т.б.)___________
____________________________________________________________________
__________ қаласы N ________ перзентханасында туылған менiң баламды
балалар үйiне жыл мерзiмiне қабылдауыңызды (тапсыруыңызды) өтiнемiн.
     Баланы балалар үйiне уақытша орналастыруымның себебi:
____________________________________________________________________Мен баланы өтiнiште көрсетiлген уақытта алып кетуден дәлелсiз бас
тартқан жағдайда балалар үйiнiң әкiмшiлiгi сотқа ата-аналық құқынан айыру туралы талап қоюға құқылы екенi жайында ескертiлдiм.

Шешесiнiң немесе оның орнындағы тұлғаның қолы:______________________

     Балалар үйi жетекшiсiнiң қолы
     Датасы (күнi, айы, жылы)
     Мекеме мөрi

                                         Қазақстан Республикасы
                                      денсаулық сақтау iсi жөнiндегi
                                     агенттiгiнiң 6.06.2000 ж. N 228
                                          бұйрығымен бекiтiлген
                                         Балалар үйiне балаларды
                                          қабылдаудың және одан
                                            шығарудың ережесi
                                                 2 қосымша

      Yлгi жобасы                                                                                              _________________ қаласы
                                          N ______ перзентханасының
                                          бас дәрiгерi ____________

                             ӨТІНIШ
                Асырауға беруге келiсiмi туралы
                 (ата-аналық құқынан бас тарту)

      Өзiм туралы мәлiмдеймiн:
Аты-жөнi:___________________________________________________________
Туған жерi және күнi:_______________________________________________
Тiркелдi (қашан және қай мекен-жай бойынша) ________________________
Төлқұжат немесе жеке куәлiк (қашан және кiммен берiлдi): ___________
Отбасы жағдайы______________________________________________________
Балаға қатысы (шешесi, әкесi, әжесi, атасы, қорғаншысы және т.б.)___
____________________________________________________________________Менiң баламды_______________________________________________________
қаласы N _____ перзентханасында туылған баламды мемлекет қамқорлығына тапсыруыңызды өтiнемiн. Себебi мен оған ата-аналық құқымнан бас тартамын.
Бас тартудың себебi:________________________________________________
Баланы асыруға беруге қарсы емеспiн. Асырап алушыларға қоятын талабым жоқ. Баланы асырауға берудiң заңды жолдары маған түсiндiрiлдi.
Өзiм туралы мәлiметтер: (бойым, шашымның түсi, көзiмнiң түсі, ұлтым)
____________________________________________________________________мамандығым:_________________________________________________________
терi-венерологиялық, психоневрологиялық, наркологиялық диспансерлерде тiркеуде (тұрған жоқпын немесе тұрмын)_______________
Әкесi туралы мәлiметтер: (бойы, шашының түсi, көзiнiң түсі, ұлты)
____________________________________________________________________мамандығы:__________________________________________________________
терi-венерологикалық, психоневрологиялық, наркологиялық диспансерлерде тiркеуде (тұрған жоқ немесе тұр)_____________________

     ӨТIНIШ өз еркiммен жазылды.

Қолы                             Күні

азаматша қолы
және оның паспорттық
мәлiметтерiн растаймыз:

Балалар үйiнiң бас дәрiгерi:

Емдеушi дәрiгер:

Мекеме мөрi

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады