--------------Қаулыдан үзінді-------------
Қазақстан Республикасының нормативтiк құқықтық актiлерiн Қазақстан Республикасының заңдарымен сәйкестендіру мақсатында Қазақстан Республикасының Қаржы нарығын және қаржы ұйымдарын реттеу мен қадағалау жөнiндегi агенттiгiнiң (бұдан әрi - Агенттiк) Басқармасы ҚАУЛЫ ЕТЕДI:
1. Осы қаулының қосымшасына сәйкес Қазақстан Республикасының кейбір нормативтiк құқықтық актiлерiнiң күшi жойылды деп танылсын.
2. Осы қаулы қабылданған күннен бастап қолданысқа енеді.
Төраға
Қазақстан Республикасының
Қаржы нарығын және қаржы
ұйымдарын реттеу мен қадағалау
жөніндегі агенттігі басқармасының
2005 жылғы 26 наурыздағы
N 117 қаулысына Қосымша
Қазақстан Республикасының күшi жойылды деп танылған
нормативтiк құқықтық актiлерiнiң тiзбесi
6. Қазақстан Республикасының Ұлттық комиссиясы Директоратының "Жинақтаушы зейнетақы қорларының зейнетақы активтерiнiң есебiн жүргiзу және сақтау жөнiнде қызмет көрсететiн кастодиан банктерге қойылатын талаптар туралы" 2000 жылғы 6-қарашадағы N 711 қаулысы (Қазақстан Республикасының нормативтiк құқықтық актiлерiн мемлекеттiк тiркеу тiзiлiмiнде N 1321 тiркелген, "Қазақстанның бағалы қағаздар рыногы" журналында 2000 жылы жарияланған, N 1)...
------------------------------------
Жинақтаушы зейнетақы қорларының зейнетақы активтерiнiң сақталысын және салымшылардың (зейнетақы төлемдерiн алушылардың) құқықтары мен мүдделерiн қорғау мақсатында, "Қазақстан Республикасында зейнетақымен қамсыздандыру туралы"
Z970136_
Қазақстан Республикасының 1997 жылғы 20 маусымдағы заңының 26-бабының 5-тармағын орындау мақсатында, сондай-ақ Қазақстан Республикасы Президентiнiң 1997 жылғы 13 қарашадағы N 3755
U973755_
жарлығымен бекiтiлген Қазақстан Республикасы Бағалы қағаздар жөнiндегi ұлттық комиссиясы туралы ереженiң 4-тармағы 15) тармақшасының негiзiнде Қазақстан Республикасы Бағалы қағаздар жөнiндегi ұлттық комиссиясының (бұдан әрi "Ұлттық комиссия" деп аталады) Директораты Қаулы етеді:
1. Халықаралық есеп айырысу-депозитарлық жүйелерiне ("Еurосlеаr" және "Сlеаrstеам International тұрпатты) рұқсат етудiң мынадай түрлерiнiң бiрi бар болған кезде кастодиан-банктiң:
1) тiкелей рұқсат;
2) бағалы қағаздар рыногында кастодиандық қызметтер көрсететiн және аталған жүйелерге тiкелей рұқсаты бар шетелдiк ұйыммен кастодиандық шарт жасасу арқылы;
3) "Бағалы қағаздар орталық депозитарийi" ЖАҚ-ы арқылы жинақтаушы зейнетақы қорларының зейнетақы активтерiн сақтау және есеп жүргiзу жөнiнде қызмет көрсетуге құқылы екендiгі белгiленсiн.
2. Осы Қаулының Қазақстан Республикасының Әдiлет министрлігінде тiркелген күнiнен бастап күшiне енетiндiгі белгiленсiн.
3. Жинақтаушы зейнетақы қорларының кастодиан-банктерi ("Мемлекеттiк жинақтаушы зейнетақы қоры" ЖАҚ-ның кастодиан-банкi ретiнде Қазақстан Республикасының Ұлттық Банкiн қоса) өздерiнiң қызметiн осы Қаулыға ол күшiне енгiзiлгеннен бастап үш ай iшiнде сәйкес келтiруге мiндеттелсiн.
4. Ұлттық комиссия орталық аппаратының Лицензиялау және қадағалау басқармасы:
1) осы Қаулыны (ол күшiне енгізiлгеннен кейiн) Қазақстан Республикасы Ұлттық Банкiнiң, Қазақстан Республикасы Еңбек және халықты әлеуметтiк қорғау министрлiгінiң Жинақтаушы зейнетақы қорларының қызметiн реттеу жөнiндегi комитетiнiң, "Мемлекеттiк жинақтаушы зейнетақы қоры" ЖАҚ-ның және кастодиан-банктердiң назарына жеткiзсiн;
2) осы Қаулыны (ол күшіне енгізілгеннен кейін) бағалы қағаздар рыногында кастодиандық қызметті жүзеге асыруға лицензия алуға ниет білдірген ұйымдардың назарына жеткізсін;
3) осы Қаулының орындалысына бақылау жасасын.
Ұлттық комиссияның Төрағасы
