Ескерту: Қаулының атауы өзгертілді - ҚР Ұлттық Банкі Басқармасының 2003 жылғы 7 наурыздағы N 78 қаулысымен .
Зейнетақы активтерiн инвестициялық басқару жөніндегі қызметті жүзеге асыратын ұйымдардың қызметін реттеуді жетілдіру мақсатында Қазақстан Республикасы Ұлттық Банкiнiң Басқармасы қаулы етеді:
1. Зейнетақы активтерiн инвестициялық басқаруды жүзеге асыратын ұйымдардың басшы қызметкерлерi лауазымдарына кандидатураларды келiсу ережесі бекітілсiн және Ереже мен осы қаулы Қазақстан Республикасының Әдiлет министрлігінде мемлекеттік тіркеуден өткізілген күннен бастап отыз күнтізбелiк күн өткеннен кейін күшіне енгізілсін.
Ескерту: 1-тармақ өзгертілді - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
2. Тармақтың күші жойылды - ҚР Ұлттық Банкі Басқармасының 2003 жылғы 29 шілдедегі N 264 қаулысымен .
3. Осы қаулы күшiне енгiзiлген күннен бастап Қазақстан Республикасының Бағалы қағаздар жөнiндегi ұлттық комиссиясының "Зейнетақы активтерiн басқару жөнiндегi компаниялардың мәселелерi бойынша нормативтiк құқықтық актiлер туралы" 1998 жылғы 13 тамыздағы N 11 қаулысының 1-тармағының 3) тармақшасының және осы қаулымен бекiтiлген Зейнетақы активтерiн басқару жөнiндегi компаниялардың басшы қызметкерлерi лауазымдарына кандидатураларды келiсу қағидатының күшi жойылды деп танылсын.
4. Бағалы қағаздар нарығын реттеу департаментi (Шалғымбаева Г.Н.):
1) Заң департаментiмен (Шәрiпов С.Б.) бiрлесiп осы қаулыны және Зейнетақы активтерiн инвестициялық басқару жөнiндегi қызметтi жүзеге асыратын ұйымдардың басшы қызметкерлерi лауазымдарына кандидатураларды келiсу ережесiн Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын;
2) Қазақстан Республикасының Әдiлет министрлiгiнде мемлекеттiк тiркеуден өткiзiлген күннен бастап екi апталық мерзiмде осы қаулыны және Зейнетақы активтерiн инвестициялық басқару жөнiндегi қызметтi жүзеге асыратын ұйымдардың басшы қызметкерлерi лауазымдарына кандидатураларды келiсу ережесiн қауымдастық нысанындағы "Активтердi Басқарушылар қауымдастығы" заңды тұлғалар бiрлестiгiне және "Мемлекеттiк жинақтаушы зейнетақы қоры" жабық акционерлiк қоғамына жiберсiн.
5. Осы қаулының орындалуын бақылау Қазақстан Республикасы Ұлттық Банкiнiң Төрағасы Г.А. Марченкоға жүктелсiн.
Ұлттық Банк
Төрағасы
"Зейнетақы активтерiн инвестициялық
басқару жөнiндегі қызметтi жүзеге
асыратын ұйымдардың басшы
қызметкерлерi лауазымдарына
кандидатураларды келiсу ережесiн
бекiту туралы"
Қазақстан Республикасының
Ұлттық Банкi Басқармасының
2001 жылғы 20 желтоқсандағы
N 538 қаулысымен бекiтiлген
Зейнетақы активтерiн инвестициялық басқаруды жүзеге
асыратын ұйымдардың басшы қызметкерлерi
лауазымдарына кандидатураларды келiсу
ережесi
Осы Ереже "Қазақстан Республикасында зейнетақымен қамсыздандыру туралы" Қазақстан Республикасының 1997 жылғы 20 маусымдағы
Заңының
53-бабының 3-тармағына сәйкес әзiрлендi және зейнетақы активтерiн инвестициялық басқаруды жүзеге асыратын ұйымдардың (бұдан әрi - Ұйымдар) басшы қызметкерлерi лауазымдарына кандидатураларды бағалы қағаздар рыногын реттеу жөнiндегі уәкiлеттi органмен (бұдан әрi - Уәкiлеттi орган) келiсу тәртiбiн белгiлейдi және Уәкiлеттi органның Ұйымдардың басшы қызметкерлерi лауазымдарына кандидатураларды келiсу жөнiндегi Бiлiктiлiк комиссиясының (бұдан әрi - Бiлiктiлiк комиссиясы) жұмысын реттейдi.
Ескерту: Ереженің атауы және кіріспе өзгертілді - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
1. Ұйымның басшы қызметкерлерi мыналар болып танылады:
1) Ұйымның атқару органының бiрiншi басшысы және оның орынбасарлары;
2) Ұйымның бас бухгалтерi және оның орынбасары;
3) Ұйым филиалының (өкiлдiктiң) басшысы және бас бухгалтерi.
Ескерту: 1-тармақ өзгертілді - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
2. Ұйымның басшы қызметкерлерi басшы лауазымдарға Уәкiлеттi органның келiсiмi бойынша сайланады (тағайындалады).
Басшы қызметкерлер лауазымына кандидатураларды Уәкiлеттi органмен келiсу үмiткерлердiң кәсiби жарамдылықтарын айқындау мақсатында жүргiзiледi.
Ескерту: 2-тармақ толықтырылды - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
3. Уәкiлеттi орган онымен кандидатуралары келiсiлген Ұйымның басшы қызметкерлерiнiң тiзiлiмiн жүргiзедi.
4. Уәкiлеттi органның келiсу рәсiмiн жүргiзу мақсатында Қазақстан Республикасының құқық қорғау және өзге де мемлекеттiк органдарынан және Қазақстан Республикасының резидент еместерiнiң ұйымдарынан Ұйымның басшы лауазымына үмiткер туралы ақпарат сұрауға құқығы бар.
2-тарау. Ұйымның басшы қызметкерлерi лауазымдарына
кандидатураларға қойылатын талаптар
5. Ұйымның басшы қызметкерi лауазымына үмiткердiң жоғары бiлiмi және бағалы қағаздар рыногындағы кәсiби қызметке тiкелей байланысты жұмыс стажы немесе банктегі немесе қаржы рыногындағы тұрақты қызметтi жүзеге асыратын өзге де ұйымдағы жұмыс стажы болуы керек (осы Ереженiң 7-тармағында айқындалған тұлғаларды қоспағанда):
1) Ұйымның атқару органының басшысы немесе оның бас бухгалтерi лауазымына - кемiнде үш жыл;
2) Ұйымның атқару органы басшысының орынбасары, Ұйымның бас бухгалтерiнiң орынбасары, Ұйымның (өкiлдiктiң) филиалының бiрiншi басшысы немесе бас бухгалтерi лауазымына - кемiнде екi жыл.
Ескерту: 5-тармақ толықтырылды, өзгертілді - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
6. Ұйымның басшы қызметкерi лауазымына үмiткерде Уәкiлеттi орган берген үшiншi санатты бiлiктiлiк куәлiгi (бағалы қағаздар портфелiн басқару жөнiндегi жұмыстарды орындауға жiберiлу құқығымен) болуы тиiс.
Ескерту: 6-тармақ өзгертілді - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
7. Ұйымның басшы қызметкерi лауазымына шетелдiк азамат не азаматтығы жоқ, Қазақстан Республикасында тұрақты тұрмайтын тұлға болып табылатын үмiткерде:
1) шетелдiк қаржы рыноктарындағы активтердi басқару жөнiндегi кемiнде бес жыл жұмыс тәжiрибесiн растайтын құжаттардың мемлекеттiк және орыс тiлдерiндегi нотариалды куәландырылған аудармасы;
2) Қазақстан Республикасы ұйымдарының құжаттарымен расталған, бағалы қағаздар рыногының кәсiби қатысушысында немесе банктерде немесе қаржы рыноктарындағы тұрақты қызметтi жүзеге асыратын өзге де ұйымдарда кемiнде бiр жыл жұмыс тәжiрибесi болуы керек.
8. Ұйымның басшы қызметкерi лауазымына үмiткерде сондай-ақ:
1) Қазақстан Республикасының азаматы (Қазақстан Республикасында тұрақты тұратын шетелдiк азамат және азаматтығы жоқ тұлға) - Қазақстан Республикасындағы банктердегi немесе қаржы рыногындағы тұрақты қызметтi жүзеге асыратын өзге де ұйымдардағы басшылық қызметпен шұғылданатын кемiнде екi тұлғаның оң кепiлдемесi;
2) шетелдiк азамат және Қазақстан Республикасында тұрақты тұрмайтын азаматтығы жоқ тұлға - қаржы рыногында активтердi басқару саласындағы қызметтi жүзеге асыратын ұйымдардағы басшылық қызметпен шұғылданатын кемiнде екi тұлғаның оң кепiлдемесi болу керек.
9. Ұйымның басшы қызметкерi лауазымына үмiткерге кепiлдеме берушi тұлғалар жинақтаушы зейнетақы қорларының және зейнетақымен қамтамасыз ету туралы заңдарға сәйкес Ұйыммен шарт жасасқан кастодиан - банктердiң қызметкерлерiн қоспағанда, Ұйымның басшы немесе өзге де қызметкерлерi және лауазымды тұлғалары, Ұйымның өзге де аффилиирленген тұлғалары болып табылмаулары керек және үмiткермен туыстық байланыста болмаулары керек.
10. Кепiлдемелерде мiндеттi түрде кепiлдеме берушiлердiң лауазымдары, жұмыс орындары және аты-жөндерi туралы мәлiметтер, кепiлдеме берушiлердiң жұмыс берушiлер - ұйымдарының мекен-жайлары және кепiлдеме берушiлердiң телефондарының нөмiрлерi, сондай-ақ кепiлдеме берушiнiң үмiткермен таныстығының ұзақтығы туралы ақпарат және қаржы рыногындағы бiрлескен кәсiби қызметiнiң толық сипаттамасы болуы тиiс.
3-тарау. Ұйымның басшы лауазымдарына үмiткерлердi
келiсу үшiн құжаттар ұсыну тәртiбi
11. Ұйымның басшы қызметкерi лауазымына үмiткерлердi келiсу үшiн Уәкiлеттi органға мынадай құжаттар ұсыну керек:
1) еркiн нысанда жазылған және Ұйымның уәкiлеттi тұлғасы қол қойған өтiнiш;
2) басшы қызметкер лауазымына үмiткердiң жеке куәлiгiнiң (паспортының) көшiрмесi;
3) басшы қызметкер лауазымына үмiткердiң еңбек жолын растайтын еңбек кiтапшасының не құжаттардың тiгiлген және беттерi бойынша нөмiрленген, үмiткердiң соңғы жұмыс берушi - ұйымының мөр таңбасымен және бiрiншi басшысының не оның орынбасарының қолымен куәландырылған көшiрмесi және (немесе) жұмыс берушiлер - шетелдiк ұйымдардың үмiткердiң атқарған лауазымын көрсете отырып, үмiткердiң осы ұйымдардағы жұмысының фактiсi және ұзақтығы расталатын хаттардың (анықтамалардың) түпнұсқалары және аудармалары (мемлекеттiк немесе орыс тiлiндегi);
4) басшы қызметкер лауазымына үмiткердiң жоғары бiлiм туралы дипломының (жоғары бiлiмiн растайтын өзге де құжаттарының) нотариалды куәландырылған көшiрмесi;
5) Уәкiлеттi орган берген, осы Ереженiң 6-тармағында айқындалған бiлiктiлiк куәлiгiнiң көшiрмесi;
6) осы Ереженiң қосымшасына сәйкес басшы қызметкер лауазымына үмiткердiң сауалнамасы;
7) басшы қызметкер лауазымына үмiткердiң соңғы жұмыс орнынан берiлген, жұмыс берушi - ұйымның бiрiншi басшысы немесе оның орнындағы тұлға қол қойған немесе оның алқалы атқарушы органының шешiмi түрiнде ресiмделген (егер мiнездеменi осы орган бекiтсе) және жұмыс берушi - ұйымның мөрiмен расталған мiнездеме;
8) осы Ереженiң 8-10 тармақтарында айқындалған кепiлдемелер;
9) Қазақстан Республикасының Бас прокуратурасының жанындағы Құқықтық статистика және ақпарат орталығының басшы қызметкер лауазымына үмiткердiң сотталмағандығы туралы немесе одан сотталғандықтың алынғандығы туралы анықтамасы (хаты);
10) шетелдiк азаматтар және азаматтығы жоқ тұлғаларды жалдаған жағдайда - шетелдiк жұмыс күшiн тартуға байланысты қызметке берiлген лицензияның көшiрмесi.
12. Уәкiлеттi органның құрылымдық бөлiмшесiнiң қызметкерлерi осы Ереженiң 11-тармағына сәйкес ұсынылған құжаттардың осы Ереженiң талаптарына сәйкестiгiн тексередi және олар келiп түскен күннен бастап он жұмыс күнi iшiнде Бiлiктiлiк комиссиясының Төрағасына әрбiр келiсiлетiн үмiткер бойынша жазбаша қорытынды бередi. Ұсынылған құжаттар осы Ереженiң талаптарына сәйкес келмеген жағдайда Уәкiлеттi органның құрылымдық бөлiмшесiнiң қызметкерi Уәкiлеттi органның бiрiншi басшысы немесе оның орынбасары қол қоятын жазбаша түрде келiсiмнен бас тарту дайындайды және Ұйымға жiберiледi.
13. Бiлiктiлiк комиссиясы Ұйымның басшы қызметкерi лауазымына кандидаттың сәйкестiгi туралы мәселенi қарайды және осы Ереженiң 11-тармағының талаптарына сәйкес құжаттардың пакетi тапсырылған күннен бастап отыз күннiң iшiнде оны сайлауға (тағайындауға) Уәкiлеттi органға келiсiм беру немесе келiсiм беруден бас тарту туралы шешiм қабылдайды.
Ескерту: 13-тармақ жаңа редакцияда жазылды - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
4-тарау. Бiлiктiлiк комиссиясының жұмыс тәртiбi
14. Ұйымның басшы қызметкерi лауазымына үмiткердi Уәкiлеттi органда келiсу үшiн Бiлiктiлiк комиссиясының Төрағасын және оның орынбасарын қоса отырып, жетi адамнан тұратын Бiлiктiлiк комиссиясы құрылады. Бiлiктiлiк комиссиясының құрамы Уәкiлеттi органның бiрiншi басшысының бұйрығымен бекiтiледi. Бiлiктiлiк комиссиясының құрамына функцияларына бағалы қағаздар рыногын реттеу мәселелерi кiретiн Уәкiлеттi органның құрылымдық бөлiмшелерiнiң қызметкерлерi кiредi.
15. Ұйымның басшы қызметкерi лауазымына үмiткердi келiсудi онымен Бiлiктiлiк комиссиясының отырысында әңгiмелесу нысанында Бiлiктiлiк комиссиясы жүргiзедi.
16. Бiлiктiлiк комиссиясының отырысы қажеттiлiгiне орай жүргiзiледi. Бiлiктiлiк комиссиясының отырысы егер оған оның кемiнде бес мүшесi (Бiлiктiлiк комиссиясының Төрағасын немесе оның орынбасарын қоса отырып) қатысса өкiлеттi болып танылады. Бiлiктiлiк комиссиясының шешiмi оның отырысқа қатысқан мүшелерiнiң қарапайым көпшiлiк дауыстарымен қабылданады. Дауыстар тең болған кезде Бiлiктiлiк комиссиясы Төрағасының даусы шешушi болып табылады.
17. Бiлiктiлiк комиссиясының Төрағасы:
1) Бiлiктiлiк комиссиясының жұмысын ұйымдастырады;
2) Бiлiктiлiк комиссиясы отырысының күнiн және уақытын тағайындайды;
3) Бiлiктiлiк комиссиясының отырысын жүргiзедi.
Бiлiктiлiк комиссиясының Төрағасы жоқ болған жағдайда оның функцияларын Бiлiктiлiк комиссиясы Төрағасының орынбасары жүзеге асырады.
18. Бiлiктiлiк комиссиясының отырысы осы Ереженiң 13-тармағында белгiленген мерзiм iшiнде жүргiзiледi.
Бiлiктiлiк комиссиясы отырысының күнiн оның Төрағасы Уәкiлеттi органның тиiстi құрылымдық бөлiмшесiнiң ұсынысы бойынша айқындайды.
Бiлiктiлiк комиссиясының отырысының күнi туралы басшы қызметкер лауазымына үмiткерлерi Бiлiктiлiк комиссиясының осы отырысында қаралатын Ұйымға отырыс өткiзiлетiн күннен кемiнде үш жұмыс күн бұрын кешiктiрмей жазбаша хабарланады.
19. Бiлiктiлiк комиссиясының отырысына шақырылған Ұйымның басшы қызметкерi лауазымына үмiткерлер оған қатысуға мiндеттi. Бiлiктiлiк комиссиясының отырысына шақырылған үмiткер келмеген жағдайда, оны келiсу туралы мәселе Бiлiктiлiк комиссиясының келесi отырысына ауыстырылады. Қайтадан келмеген жағдайда Бiлiктiлiк комиссиясы осы тұлғаны келiсу туралы мәселенi Ұйым Бiлiктiлiк комиссиясының отырысына келмей қалу себебiн көрсете отырып қайтадан кепiлдеме ұсынғанға дейiн қарамай қалдыруға құқылы.
20. Бiлiктiлiк комиссиясының шешiмi Бiлiктiлiк комиссиясының отырысы өткiзiлгеннен кейiн үш күн iшiнде жасалатын және Бiлiктiлiк комиссиясының Төрағасы (оның орынбасары) және отырысқа қатысқан мүшелерi қол қоятын хаттамамен ресiмделедi. Егер Бiлiктiлiк комиссиясы мүшесiнiң Ұйымның басшы қызметкерi лауазымына кандидатура бойынша ерекше пiкiрi бар болса, хаттамаға тиiстi жазба жасалу керек.
Ұйымға басшы қызметкер лауазымына үмiткердi келiсудiң нәтижесi туралы Бiлiктiлiк комиссиясының отырысы өткiзiлген күннен бастап бес жұмыс күнi аяқталғаннан кейiн Уәкiлеттi органның жазбаша ескертпе жiберуi арқылы хабарланады.
20-1. Уәкiлеттi орган Ұйымның басшы қызметкерiн сайлауға (тағайындауға) бұрын берiлген келiсiмдi қайта қарауға құқылы.
Қазақстан Республикасының заңдарында белгiленген негiздер болған жағдайда, Уәкiлеттi органның құрылымдық бөлiмшесi Ұйымның басшы қызметкерiн сайлауға (тағайындауға) бұрын берiлген келiсiмдi қайта қарау үшiн қаралатын мәселеге қатысы бар құжаттармен қоса жазбаша түсiнiктеменi ұсынуы қажет екендiгiн Ұйымға жазбаша хабарлайды.
Уәкiлеттi органның құрылымдық бөлiмшесi басшы қызметкердi сайлауға (тағайындауға) бұрын берiлген келiсiмдi қайта қарау туралы жазбаша қорытынды жасайды және оны Бiлiктiлiк комиссиясына қарауға ұсынады. Басшы қызметкердi сайлауға (тағайындауға) бұрын берiлген келiсiмдi қайта қарау туралы Бiлiктiлiк комиссиясының мәжiлiсi Ұйымның осы басшы қызметкерiнiң қатысуымен өткiзiледi. Бiлiктiлiк комиссиясының шешiмi осы Ереженiң 20-тармағында белгiленген талаптар сақтала отырып хаттамамен ресiмделедi.
Ескерту: 20-1-тармақпен толықтырылды - ҚР Ұлттық Банкі Басқармасының 2003 жылғы 7 наурыздағы N 78
қаулысымен
.
21. Бiлiктiлiк комиссиясы мынадай негiз бойынша Ұйымның басшы қызметкерi лауазымына үмiткердi келiсуден бас тарту туралы шешiм қабылдауға құқылы:
1) бағалы қағаздар рыногындағы кәсiби қызметтi жүзеге асыру тәртiбi белгiленетiн, Қазақстан Республикасының қолданылып жүрген заңдарының нормаларын үмiткердiң бұзу фактiлерi болса;
2) Бiлiктiлiк комиссиясының мүшелерi үмiткермен әңгiмелесу барысында оның кәсiби сәйкес келмеушiлiк фактiлерiн анықтаса.
22. Ұйымның басшы қызметкерi лауазымына үмiткердiң бiлiктiлiк талаптарына сәйкес келуi туралы мәселенi шешу кезiнде Бiлiктiлiк комиссиясы бағалы қағаздар рыногының субъектiлерiнің қызметiн тексеру кезiнде алынған қосымша мәлiметтердi зерделеуге құқылы.
23. Бiлiктiлiк комиссиясының шешiмi жөнiнде Ұйым не Ұйымның басшы қызметкерi лауазымына үмiткер Қазақстан Республикасының заңдарына сәйкес шағым жасауы мүмкiн.
Ұлттық Банк
Төрағасы
Қазақстан Республикасының
Ұлттық Банкi Басқармасының
2001 жылғы 20 желтоқсандағы
N 538 қаулысымен бекiтiлген
Зейнетақы активтерiн
инвестициялық басқаруды
жүзеге асыратын ұйымдардың
басшы қызметкерлерi лауазымдарына
кандидатураларды келiсу ережесiне
қосымша
Ескерту: Қосымша өзгертілді, толықтырылды - ҚР Ұлттық Банкі Басқармасының 2003 жылғы 7 наурыздағы N 78 қаулысымен .
Yмiткердiң
фотографиясы
Зейнетақы активтерiн инвестициялық басқаруды жүзеге
асыратын ұйымдардың басшы
қызметкерi лауазымына үмiткердiң
САУАЛНАМАСЫ
1. Зейнетақы активтерiн инвестициялық басқаруды жүзеге асыратын ұйымның атауы (оның Мемлекеттiк (қайта) тiркеу куәлiгiне толық сәйкес түрде).
2. Тегi, аты, әкесiнiң аты (паспортына (жеке куәлiгiне) толық сәйкес түрде), тегi, аты немесе әкесiнiң аты өзгерген жағдайда, онда олар қашан және қандай себеп бойынша өзгергендiгi көрсетiлуi керек.
3. Yмiткердiң туған күнi және жерi.
4. Yмiткердiң азаматтығы; үмiткердiң паспортының (жеке куәлiгiнiң) нөмiрi және берiлген күнi, паспортты (жеке куәлiктi) берген органның атауы, паспорттың (жеке куәлiктiң) қолданылу мерзiмi.
5. Yмiткердiң нақты (байланыс бөлiмшесiнiң пошталық индексiн көрсете отырып) мекен-жайы (тұрған жерi) (шетелдiк азаматтар және азаматтығы жоқ тұлғалар үшiн - Қазақстан Республикасынан тысқары тұрақты мекен-жайы (тұрған жерi) және Қазақстан Республикасындағы мекен-жайы (тұратын жерi); үмiткердiң үйiнiң, мобильдiк және жұмыс телефондарының нөмiрлерi (халықаралық және қалааралық кодтарын көрсете отырып); электрондық поштасының мекен-жайы.
6. Yмiткердiң зейнетақы активтерiн инвестициялық басқаруды жүзеге асыратын ұйымдағы ағымдағы лауазымы.
7. Кепiлдеме берушiлер туралы мәлiметтер (лауазымдары; кепiлдеме берушiлердiң жұмыс орындары және аты-жөндерi; олардың жұмыс берушiлер - ұйымдарының мекен-жайлары; телефондарының нөмiрлерi, оның iшiнде мобилдiк; электрондық поштаның мекен-жайы).
8. Кредиторлардың атауларын (аты-жөндерiн) және орналасқан жерiн (тұратын жерiн), өтелмеген ссудаларын (несиелерiн) және өтеу мерзiмдерiн (бастапқы белгiленген және нақты) көрсете отырып, үмiткердiң өтелмеген (ағымдағы және өтiп кеткен өтеу мерзiмдерiн көрсете отырып) ссудалары (несиелерi) туралы мәлiметтер.
8-1. Кандидаттың бұрын басшылық еткен уақытында банкрот деп танылған немесе консервацияға, санацияға, мәжбүрлеп таратуға ұшыраған заңды тұлғаның басшы қызметкерi немесе лауазымды адамы болғаны туралы мәлiметтер.
9. Үмiткер туралы қосымша мәлiметтер (үмiткер немесе зейнетақы активтерiн инвестициялық басқаруды жүзеге асыратын ұйым айқындаған көлемде).
10. Үмiткердiң Ұйымға аффилиирленгендiгi туралы мәлiметтер.
Осы сауалнамада келтiрiлген мәлiметтердi мұқият тексергенiмдi растаймын және нақты және толық болып табылады. Осы сауалнамадағы мәлiметтерде бұрмалаушылық және кемшiлiк анықталған жағдайда, бұның менi лауазымға бекiтуден бас тарту үшiн негiз болатындығын және маған қатысты Қазақстан Республикасының заңдарына сәйкес шаралар қолдануға әкеп соғатындығын мойындаймын. Мен жоғарыда аталған, зейнетақы активтерiн инвестициялық басқару жөнiндегi ұйымда жұмыс iстеген мерзiм iшiнде бағалы қағаздар рыногын реттеу жөнiндегi Уәкiлеттi органды осы сауалнамадағы барлық өзгерiстер жөнiнде ескертуге мiндеттенемiн және осы мiндеттеменi орындамаудың Қазақстан Республикасының заңдарына сәйкес шаралар қолдануға
әкеп соғатындығын мойындаймын.
___________________ 20_ жылғы "___"_______________
үміткердің қолы
