Ескерту. Күші жойылды - Шығыс Қазақстан облысы әкімдігінің 2009.06.08 N 91 қаулысымен.
"Қазақстан Республикасындағы жергілікті мемлекеттік басқару туралы" 2001 жылғы 23-қаңтардағы N 148-ІІ Қазақстан Республикасының Заңына сәйкес және "2003-2005 жылдарға арналған Қазақстан Республикасында үкіметтік емес ұйымдарды мемлекеттік қолдау бағдарламасы туралы" Қазақстан Республикасы Үкіметінің 2003 жылғы 17-наурыздағы N 253 қаулысын , "Азаматтық форумға қатысушылардың 2003 жылғы 3-қарашадағы N 16-24.149 Астана қаласында 2003 жылғы 15-қазандағы айтқан ұсыныстары және Қазақстан Республикасы Президентінің тапсырмасын іске асыруға арналған іс-шаралар жоспарын" іске асыру мақсатында Шығыс Қазақстан облысының әкімияты ҚАУЛЫ ЕТЕДІ:
1. Облыс әкімиятының жанындағы үкіметтік емес ұйымдармен өзара әрекет жасау жөніндегі кеңес құрылсын (бұдан әрі - Кеңес).
2. Қоса берілген облыс әкімиятының жанындағы үкіметтік емес ұйымдармен өзара әрекет жасау жөніндегі кеңес туралы ереже бекітілсін.
3. Ішкі саясат департаменті (Данияров Б.К.) Кеңестің дербес құрамы бойынша облыстық мәслихатқа бекіту үшін ұсыныс енгізсін.
4. Осы қаулының орындалуына бақылау жасау облыс әкімінің орынбасары А.В. Гречухинге жүктелсін.
5. Осы қаулы мемлекеттік тіркеуден өткен күннен бастап күшіне енеді.
Облыс әкімі
Шығыс Қазақстан
облысы әкімиятының
2004 жылғы 9 қаңтардағы
N 310 қаулысына қосымша
Облыс әкімиятының жанындағы үкіметтік емес ұйымдармен
өзара әрекет жасау жөніндегі кеңес туралы
Ереже
1. Облыс әкімиятының жанындағы үкіметтік емес ұйымдармен өзара әрекет жасау жөніндегі кеңес (бұдан әрі - Кеңес) консультативтік кеңес беру органы болып табылады.
2. Өз жұмысында Кеңес Қазақстан Республикасының
Конституциясын
, Заңдарын, Қазақстан Республикасының басқа нормативтік құқықтық актілерін, сондай-ақ осы Ережені басшылыққа алады.
3. Кеңестің төрағасы облыс әкімінің орынбасары болып табылады. Кеңестің дербес құрамы "Қазақстан Республикасындағы жергілікті мемлекеттік басқару туралы"
Заңының 6
және
29-бабына
сәйкес бекітіледі.
2. Кеңестің мақсаты мен міндеті
4. Кеңестің мақсаты-облыстың үкіметтік емес ұйымдарының дамуына жәрдемдесу мен үкіметтік емес ұйымдар және мемлекеттік органдардың өзара әрекет жасау жүйесін жетілдіру.
5. Кеңестің негізгі міндеттері:
1) үкіметтік емес ұйымдармен өзара әрекет жасау жөніндегі кешенді өңірлік саясатты қалыптастыру үшін ұсыныстар дайындау және басымдықты анықтау;
2) үкіметтік емес ұйымдарды ұйымдастыру-техникалық, ақпараттық, әдістемелік, кеңес беру кешендік жүйесін әзірлеуге жәрдемдесу;
3) үкіметтік емес ұйымдармен жергілікті атқарушы органдарының өзара әрекет жасау мен қарым-қатынас жүйесін жетілдіру;
4) облыс әкіміне ұсыныстар дайындау, Кеңестің құзыретіне кіретін проблемалар жөнінде мемлекеттік органдар, үкіметтік емес ұйымдар және азаматтардың ұсыныстарын қарау;
5) бағдарламалық құжаттар мен әлеуметтік маңызды жобаларды қарауға және дайындауға қатысу;
6) облыстың үкіметтік емес ұйымдарының ақпараттық мәліметтер базасын қалыптастыруға, үкіметтік емес сектор проблемалары жөнінде ғылыми зерттеулерді жүргізуге жәрдемдесу;
7) үкіметтік емес ұйымдардың жұмыс аспектілеріне толық көрініс беру мақсатында бұқаралық ақпарат құралдарымен өзара әрекет жасау;
8) үкіметтік емес ұйымдардың жұмысына қатысты бұқаралық ақпарат құралдарының хабарларын, азаматтардың өтініштерін қарау;
9) үкіметтік емес ұйымдардың жұмысына арналған семинар, кеңестерге, конференцияларға қатысу, халықаралық ұйымдармен ынтымақтастық орнату болып табылады.
6. Кеңес өз құзыретінің шегінде:
1) өз мәжілістеріне жергілікті өкімет органдарының өкілдерін шақыруға;
2) жергілікті өкімет органдарынан үкіметтік емес ұйымдардың жұмысына қатысты ақпаратты сұрауға;
3) бағдарламалық құжаттарды әзірлеуге, Кеңестің отырыстарын дайындауға үкіметтік емес ұйымдардың, қоғамның кәсіби дайындалған және штаттан тыс беделді сарапшыларын өкіл ретінде шақыруға;
4) мемлекеттік органдарға және қоғамдық бірлестіктерге үкіметтік емес ұйымдардың жұмысы туралы әдістемелік, талдау, статистикалық және басқа ақпараттық материалдарды жіберуге;
5) бұқаралық ақпарат құралдарының хабарлары, азаматтардан түскен өтініштердің қаралған жиынтығы жөнінде Кеңес лайықты атқарушы органына материалдарды қарауға және лауазымды адамдарға нақтылы шешім қабылдау үшін жіберуге құқылы.
4. Кеңестің жұмысын ұйымдастыру
7. Кеңес төрағадан, екі орынбасардан, хатшыдан және Кеңес мүшелерінен тұрады.
8. Төраға Кеңестің мәжілісін өткізеді және Кеңестің шешімдеріне және басқа құжаттарына қол қояды, мәжіліске енгізілетін мәселелерді анықтайды, басқа ұйымдастыру-реттеуші міндеттерді атқарады. Кеңестің төрағасы жоқ болған уақытта оның міндетін орынбасарының бірі атқарады.
9. Кеңестің кезекті мәжілісін дайындауды Кеңестің хатшысы қамтамасыз етеді, Кеңес мүшелерін құлақтандырады, іс-қағаздарын жүргізеді. Кеңес хатшысының дауыс беру құқығы жоқ.
10. Кеңес мәжілісі жартыжылда бір реттен жиі емес өткізіледі. Егерде оған Кеңес мүшелерінің жалпы санының кемінде 2/3 мүшесі қатысса Кеңестің мәжілісі өтті деп есептелінеді.
11. Кеңес мүшелерінің қаралып жатқан мәселелерді талқылауға қатысуға, ұсыныстар енгізуге, ескертулер жасауға, аудандық әкімияттар, облыстық басқармалар және ұйымдармен өзара әрекет жасауға құқығы бар.
12. Кеңес шешімі ұсыныс беру сипатында болып табылады.
13. Кеңес мүшелері мәжіліске қатысу өкілеттілігін басқа адамдарға беруге құқығы жоқ.
14. Кеңес мәжіліске қатысып отырған Кеңес мүшелерінің көпшілік дауысымен шешім қабылдайды. Дауыстар тең болған жағдайда төрағалық етушінің дауысы шешуші болып табылады.
15. Кеңестің дербес құрамы жыл сайын қайта қаралып отырылады.
ШКО ішкі саясат
Департаментінің директоры
