Ескерту. Күші жойылды - Алматы облысы Еңбекшіқазақ ауданы әкімдігінің 2011.04.04 N 283 Қаулысымен
Қазақстан Республикасының "Жергілікті мемлекеттік басқару және өзін-өзі басқару" Заңының 31-бабының 8-тармағына, Қазақстан Республикасының "Әскери мiндеттiлiк және әскери қызмет туралы" Заңының 18-бабының 1, 3 ,4, 5, 6, 7, 8-тармақтарына, 19-бабының 3-тармағына, 20-бабының 1-тармағына сәйкес, Қазақстан Республикасы Президентiнiң 2010 жылғы 29 наурыздағы "Белгiленген әскери қызмет мерзiмiн өткерген мерзiмдi әскери қызметтегi қызметшiлердi запасқа шығару және Қазақстан Республикасының азаматтарын 2010 жылдың сәуiр-маусымында және қазан-желтоқсанында кезектi мерзiмдi әскери қызметке шақыру туралы" N 960 Жарлығын және Қазақстан Республикасы Үкіметінің 2010 жылғы 15 сәуірдегі N 313 қаулысын жүзеге асыру мақсатында аудан әкiмдiгi ҚАУЛЫ ЕТЕДІ:
1. Он сегізден жиырма жеті жасқа дейінгі ер азаматтар, сондай-ақ оқу орындарынан шығарылған, жиырма жеті жасқа толмаған және шақыру бойынша әскери қызметтің белгіленген мерзімін өткермеген азаматтарды 2010 жылдың сәуiр-маусымында және қазан-желтоқсанында мерзімді әскери қызметке шақыру жүргiзiлсiн.
2. 2010 жылғы аудандық шақыру комиссиясының құрамы қосымшаға сәйкес бекiтiлсiн.
3. Аудандық шақыру комиссиясының жұмысы Еңбекшіқазақ ауданының Қорғаныс Iстерi жөнiндегi бөлiм жанындағы шақыру пунктiнде (Еңбекшіқазақ ауданының Қорғаныс Iстерi жөнiндегi бөлiмі, Есік қаласы, Абай көшесі, 322, Шелек селосының ауруханасы, Шелек селосы, Кадыров көшесі, 2.) ұйымдастырылсын.
4. "Еңбекшіқазақ ауданының ішкі істер басқармасы" мемлекеттік мекемесінің бастығы (келісімі бойынша), "Еңбекшіқазақ аудандық Әділет басқармасының" мемлекеттік мекемесінің бастығы (келісімі бойынша) және "Қазақстан Республикасының Еңбек және халықты әлеуметтік қорғау Министрлігінің зейнетақы төлеу жөніндегі мемлекеттік орталығы Республикалық мемлекеттік қазынашылық кәсіпорнының Алматы облыстық филиалының" Еңбекшіқазақ аудандық бөлімінің бастығы (келісімі бойынша), өздеріне жүктелген міндеттеріне сәйкес жұмыстардың орындалу барысы туралы мәліметтерді жеті күн мерзім ішінде аудандық қорғаныс ісі жөніндегі бөліміне берсін.
5. "Еңбекшіқазақ аудандық орталық ауруханасы" мемлекеттiк қазыналық кәсiпорынның бас дәрiгерi (келісімі бойынша), өзіне жүктелген міндеттеріне сәйкес жұмыстардың орындалу барысы туралы мәліметтерді аудандық қорғаныс ісі жөніндегі бөліміне хабарласын, азаматтарды әскерге шақыру бойынша дәрiгерлiк комиссияның құрамын ұйымдастырсын.
6. Қала, селолық округ әкімдері және ұйымдардың басшылары әскери міндеттілер мен әскерге шақырылушыларды олардың аудандық қорғаныс бөліміне шақырылғандары туралы хабардар етіп және олардың дер кезінде келуін қамтамасыз етсін.
7. Аудандық Әділет басқармасында 2009 жылы 9 маусымында N 2-8-112 нөмірімен мемлекеттік тіркеуден өткен, аудандық "Еңбекшіқазақ" газетінің 19 маусымдағы N 26 санында жарияланған Еңбекшіқазақ ауданы әкімдігінің 2009 жылы 04 сәуірдегі "Қазақстан Республикасының Қарулы Күштері қатарына мерзімді әскери қызметке 2009 жылдың сәуір-маусымында және қазан-желтоқсанында 1982-1991 жылдары туылған азаматтарды кезекті шақыру туралы" N 352 қаулысының күші жойылсын.
8. Осы қаулының орындалуын бақылау аудан әкiмiнiң бiрiншi орынбасары Ташполат Жамаловқа жүктелсiн.
9. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
Аудан әкiмi Ә. Тойбаев
2010 жылғы 20 сәуір N 315
"Қазақстан Республикасының Қарулы
Күштері қатарына мерзімді әскери
қызметке 2010 жылғы сәуір-мусымында
және қазан–желтоқсанында 1983-1992
жылдары туылған азаматтарды кезекті
шақыру туралы" қаулысымен бекітілген
қосымша
Қазақстан Республикасының Қарулы Күштері қатарына мерзімді
әскери қызметке 2010 жылғы сәуір-маусымында және қазан
-желтоқсанында 1983-1992 жылдары туылған азаматтарды кезекті
шақыру туралы қаулысына байланысты бекітілген комиссия құрамы
Қазахбаев Төлеген Ермекұлы - Еңбекшіқазақ ауданының қорғаныс істері жөніндегі бөлім бастығы комиссия төрағасы;
Жұмалиев Сейдахмет Сәрсенбекұлы - Еңбекшіқазақ аудандық дене тәрбиесі және спорт бөлімінің бастығы;
комиссия төрағасының орынбасары:
Аскарбаев Айдын Төреханұлы - Еңбекшіқазақ аудандық ішкі істер басқармасы бастығының міндетін атқарушы орынбасары;
Гүлнәр Съездбекқызы Кураметова - медициналық комиссия төрағасы;
Ембергенова Айна - комиссия хатшысы.
