Шаған ауылындағы Советская көшесінің атауын Мұқағали Мақатаев көшесі атауына өзгерту туралы

Алматы облысы Кербұлақ ауданы Қоғалы ауылдық округі әкімінің 2010 жылғы 16 тамыздағы N 31 шешімі. Алматы облысының Әділет департаменті Кербұлақ ауданының Әділет басқармасында 2010 жылы 09 қыркүйекте N 2-13-119 тіркелді

РҚАО ескертпесі.
Мәтінде авторлық орфография және пунктуация сақталған.

Қазақстан Республикасының "Қазақстан Республикасындағы аумақтық құрылыс туралы" Заңының 14-бабының 4-тармағына сәйкес, Кербұлақ аудандық ономастика кеңесінің келісімін және тиісті аумақ халқының пікірін ескере отырып Қоғалы ауылдық округінің әкімі ШЕШІМ ҚАБЫЛДАДЫ:
1. Шаған ауылы Советская көшесінің атауы Мұқағали Мақатаев атындағы көшесі атауына өзгертілсін.
2. Осы шешімнің орындалуын бақылау және іс жүзіне асыру Қоғалы ауылдық округінің бас маман – іс жүргізушісі Юсупова Зоя Александровнаға жүктелсін.
3. Осы шешім алғаш ресми жарияланғаннан кейін күнтізбелік он күн өткен соң қолданысқа енгізілсін.

Қоғалы ауылдық
округінің әкімі С.С. Исабаев