Ескерту. Күші жойылды - қолданылу мерзімінің өтуіне байланысты (Павлодар облысы Ақсу қалалық әкімі аппаратының 06.10.2014 N 1-22/1253 хатымен).
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 33-бабы 1-тармағының 13) тармақшасына, Қазақстан Республикасының 2005 жылғы 8 шілдедегі "Әскери міндеттілік және әскери қызмет туралы" Заңының 17-бабы 3-тармағына, Қазақстан Республикасы Үкіметінің 2006 жылғы 5 мамырдағы "Қазақстан Республикасында әскери міндеттілер мен әскерге шақырушыларды әскери есепке алуды жүргізу тәртібі туралы ережені бекіту туралы" N 371 қаулысына сәйкес, ШЕШІМ қабылдаймын:
1. Қазақстан Республикасының 1994 жылы туған және бұрын тіркеуден өтпеген үлкен жастағы азаматтарды "Павлодар облысы Ақсу қаласының Қорғаныс істері жөніндегі біріктірілген бөлімі" мемлекеттік мекемесінің шақыру учаскесіне тіркеу 2011 жылғы қаңтардан наурызға дейінгі аралығында ұйымдастырылсын және қамтамасыз етілсін.
2. Қала әкімінің осы шешімі ол алғаш рет ресми жарияланған күнінен кейін он күнтізбелік күн өткен соң қолданысқа енгізіледі.
3. Қала әкімінің осы шешімінің орындалуын бақылау қала әкімінің орынбасары Е.М. Рахымжановқа жүктелсін.
Қала әкімі О. Қайыргелдинов
КЕЛІСІЛДІ:
"Павлодар облысы Ақсу қаласының
Қорғаныс істері жөніндегі біріктірілген
бөлімі" мемлекеттік мекемесінің
бастығы, подполковник Ә. Түсіпбеков
2010 жыл 17 желтоқсан
