РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы", 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" заңдарына сәйкес облыс әкімдігі ҚАУЛЫ ЕТЕДІ және облыстық мәслихат ШЕШІМ ҚАБЫЛДАДЫ:
1. Осы қаулы мен шешімнің қосымшасына сәйкес жалпы алаңы 7200,0 гектар Сарға ауылдық округінің өнеркәсіп жерлерінің бір бөлігін Бейнеу ауылы шекарасына қосу жолымен Бейнеу ауданы Бейнеу ауылының және Бейнеу ауданы Сарға ауылдық округінің шекаралары өзгертілсін.
2. Маңғыстау облыстық мәслихаты аппаратының басшысы осы қаулының және шешімнің әділет органдарында мемлекеттік тіркелуін, "Әділет" ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.
3. Осы қаулы мен шешімнің орындалуын бақылау облыс әкімінің орынбасары Б.Ғ. Нұрғазиеваға жүктелсін.
4. Осы қаулы және шешім әділет органдарында мемлекеттік тіркелген күнінен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Облыс әкімі | А. Айдарбаев |
| Сессия төрағасы | О. Қазақбаев |
| Облыстық мәслихат хатшысы | Б. Жүсіпов |
| Маңғыстау облысы әкімдігінің 2016 жылғы 8 желтоқсандағы № 366 қаулысына және Маңғыстау облыстық мәслихатының | |
| 2016 жылғы 8 желтоқсандағы № 6/72 шешіміне қосымша |
Бейнеу ауданы Сарға ауылдық округінің
шекараларынан шығарылатын және Бейнеу ауданы Бейнеу ауылының шекарасына қосылатын жерлердің экспликациясы
| Жер пайдаланушылардың атауы | Жалпы алаңы (гектар) |
|---|---|
| Сарға ауылдық округінің шекарасынан шығарылғанға дейінгі жерлер алаңы | 32204,2380 |
| Сарға ауылдық округінің шекарасының бір бөлігінен шығарылатын жерлерінің алаңы | 7200,0 |
| Сарға ауылдық округінің шекарасынан шығарылғаннан кейінгі жерлерінің алаңы | 25004,2380 |
| Бейнеу ауылының шекарасына қосқанға дейінгі жерлерінің алаңы | 43622,0427 |
| Бейнеу ауылының шекарасына қосылатын жердің бір бөлігінің алаңы | 7200,0 |
| Бейнеу ауылының шекарасына жерді қосқаннан кейінгі жердің алаңы | 50822,0427 |
