Ескерту. Күші жойылды – Қостанай облысы Рудный қаласы мәслихатының 25.08.2020 № 510 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.
"Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы" 1995 жылғы 17 наурыздағы Қазақстан Республикасы Заңының 10-бабына, "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 6-бабына сәйкес мәслихат ШЕШІМ ҚАБЫЛДАДЫ:
1. Жиналыстар, митингілер, шерулер, пикеттер және демонстрациялар өткізу тәртібін қосымша реттеу мақсатында қоса беріліп отырған жиналыстар, митингiлер, шерулер, пикеттер және демонстрациялар өткізуді қосымша реттеу туралы қағидалары бекітілсін.
2. Мәслихаттың "Жиналыстар, митингілер, шерулер, пикеттер мен демонстрациялар өткізу тәртібін қосымша реттеу туралы" 2011 жылғы 25 наурыздағы № 422 шешімінің (Нормативтік құқықтық актілерді мемлекеттік тіркеу тізілімінде 9-2-182 нөмірімен тіркелген, 2011 жылғы 8 сәуірде "Рудненский рабочий" қалалық газетінде жарияланған) күші жойылды деп танылсын.
3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қалалық мәслихаттың кезектен | |
тыс сессиясының төрағасы | Ю. Каралаш |
Қалалық мәслихаттың хатшысы | В. Лощинин |
Рудный қаласы әкімдігінің
"Рудный қалалық ішкі саясат
бөлімі" мемлекеттік мекемесінің
басшысы
_______________ А. Жилиспаев
|
Жиналыстар, митингiлер, шерулер, пикеттер және демонстрациялар өткізуді қосымша реттеу туралы қағидалары
1. Жиналыс, митинг, шеру, пикет немесе демонстрация өткiзу туралы облыстық маңызы бар қаланың жергiлiктi атқарушы органына (бұдан әрі – Рудный қаласының әкімдігі) өтiнiш берiледi.
2. Жиналыс, митинг, шеру, пикет немесе демонстрация өткiзу туралы өтiнiштердi еңбек ұжымдарының, қоғамдық бiрлестiктердiң немесе Қазақстан Республикасы азаматтарының жекелеген топтарының он сегiз жасқа толған уәкiлдерi бередi.
3. Жиналыс, митинг, шеру, пикет немесе демонстрация өткiзу туралы өтiнiш оны өткiзудiң белгiленген датасынан кемiнде он күн бұрын жазбаша нысанда берiледi. Өтiнiште шараны өткiзу мақсаты, нысаны, өткiзiлетiн жерi немесе қозғалыс маршруттары, оның басталатын және аяқталатын уақыты, қатысушылардың ықтимал саны, уәкiлдердiң (ұйымдастырушылардың) және қоғамдық тәртiптiң сақталуына жауапты адамдардың тегi, аты, әкесiнiң аты, олардың тұратын және жұмыс iстейтiн (оқитын) жерi, өтiнiштiң берiлген датасы көрсетiледi. Өтiнiштiң берiлген мерзiмi оның Рудный қаласының әкімдігінде тiркелген күнiнен бастап есептеледi.
4. Рудный қаласының әкімдігі өтiнiштi қарайды және өтiнiште көрсетiлген шараның өткiзiлетiн уақытынан кемiнде бес күн бұрын уәкiлдерге (ұйымдастырушыларға) қабылданған шешiм туралы хабарлайды.
5. Жиналыстар, митингiлер, шерулер, пикеттер және демонстрациялар өткізу туралы өтініш беру кезінде осы Қағидалардың 3-тармағының талаптары сақталмаған жағдайда Рудный қаласының әкімдігі жіберілген бұзушылықтарды жаңа өтініш беру жолымен жоюды ұсына отырып, түсіндіру мазмұнындағы ресми жауап қайтарады. Жаңа өтінішті қарау мерзімі оның тiркелген күнiнен бастап есептеледi.
6. Рудный қаласының әкімдігі басқа азаматтардың құқықтары мен бостандықтарын, қоғамдық қауiпсiздiктi, сондай-ақ көлiктiң, инфрақұрылым объектiлерiнiң қалыпты жұмыс iстеуiн, жасыл желектер мен шағын сәулет нысандарының сақталуын қамтамасыз ету мақсатында, қажет болған жағдайда, өтiнiш жасағандарға шараны өткiзудiң өзге уақыты мен жерiн ұсынады.
7. Жиналыстар және митингiлер өткізу орындары осы Қағидалардың 1-қосымшасына сәйкес белгіленсін.
8. Шерулер және демонстрациялар өткізу маршруттары осы Қағидалардың 2-қосымшасына сәйкес белгіленсін.
9. Жиналыстар, митингiлер, шерулер және демонстрациялар, сондай-ақ оларға қатысушылардың сөз сөйлеуi өтiнiште көрсетiлген мақсатқа сәйкес, белгiленген мерзiмде және келiсiлген жерде өткiзiледi.
10. Жиналыстарды, митингiлерде, шерулердi, пикеттердi, демонстрацияларды өткiзу кезiнде уәкiлдер (ұйымдастырушылар), сондай-ақ басқа да қатысушылар қоғамдық тәртiптi сақтау қажет.
11. Шараларды ұйымдастырушылар мен оларға қатысушылардың:
1) көлiктiң және жаяу жүргiншiлердiң қозғалысына бөгет жасауына;
2) елдi мекеннiң инфрақұрылым объектiлерiнiң үздiксiз жұмыс iстеуiне кедергi келтiруiне;
3) Рудный қаласының әкімдігінің рұқсатынсыз киiз үйлер, шатырлар, өзге де уақытша құрылыстар тұрғызуына;
4) шараны өткiзу кезiнде қоғамдық тәртiптi қамтамасыз етушi мемлекеттiк органдар өкiлдерiнiң қызметiне кез келген нысанда араласуына;
5) жасыл желектерге, шағын сәулет нысандарына залал келтiруiне;
6) өзiмен бiрге суық қаруды, атыс және өзге де қаруды, сондай-ақ адамдардың өмiрi мен денсаулығына қарсы, азаматтарға және заңды тұлғалардың меншiгiне материалдық залал келтiру үшiн пайдаланылуы мүмкiн арнайы жасалған немесе бейiмделген заттарды алып жүруiне;
7) алкогольдік немесе есірткілік масаң күйде қатысуға жол берілмейді.
12. Жиналыс, митинг, шеру, пикет немесе демонстрация өткізу орындарында:
1) алкогольдік ішімдіктер ішуге, есірткі заттарды, психотропты заттарды, соған ұқсас заттарды, прекурсорларды пайдалануға;
2) мазмұны қоғамдық тәртіпті бұзуға, қылмыс жасауға бағытталған, сондай-ақ қорлайтын транспаранттарды, ұрандарды, басқа да материалдарды (визуалды, аудио/ видео), сондай-ақ көпшілік сөз сөйлеулерді қолдануға жол берілмейді.
13. Пикеттер өтiнiште көрсетiлген мақсатқа сәйкес, белгiленген мерзiмде және келiсiлген жерде өткiзiледi.
14. Қоғамдық тәртіпті және пикет қатысушыларының қауіпсіздігін қамтамасыз ету мақсатында:
1) түрлі дара пикеттердің қатысушыларына анық көрініп тұрып орналасу қажет;
2) Рудный қаласының әкімдігі бір күні және бір уақытта, бір объектіде үштен аспайтын дара пикет өткізуге рұқсат бере алады;
3) пикет өткізу кезінде пикет өткізілетін объектінің алдында орналасуға, көрнекі үгіт құралдарын пайдалануға, пикеттің тақырыбы бойынша қысқа ұрандар, құлақтандырулар айқайлауға рұқсат етіледі.
15. Пикет жалғастырудың өзге нысаны (митинг, жиналыс, шеру, демонстрация) айқындалған жағдайда белгіленген тәртіппен Рудный қаласының әкімдігінен рұқсат алу қажет.
16. Жиналыстар, митингiлер, шерулер, пикеттер және демонстрациялар егер:
1) өтiнiш берiлмеген болса;
2) тыйым салу туралы шешiм шығарылса;
3) оларды өткiзу кезiнде "Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы" 1995 жылғы 17 наурыздағы Қазақстан Республикасы Заңының 7-бабында көзделген тәртiп бұзылған жағдайда, сондай-ақ азаматтардың өмiрi мен денсаулығына қауiп төнетiн, қоғамдық тәртiп бұзылатын жағдайда Рудный қаласының әкімдігі өкілінің талабы бойынша тоқтатылады.
17. Рудный қаласының әкімдігі өкiлiнiң заңды талабын орындаудан бас тартылған жағдайда оның нұсқауы бойынша iшкi iстер органдары жиналысты, митингiнi, шерудi, пикет қоюды және демонстрацияны тоқтату жөнiнде қажеттi шаралар қолданады.
18. Жиналыстарды, митингiлердi, шерулердi, пикеттердi және демонстрацияларды ұйымдастыру мен өткiзудiң белгiленген тәртiбiн бұзған адамдар Қазақстан Республикасының заңнамасына сәйкес жауап бередi.
19. Жиналыстарды, митингiлердi, шерулердi, пикеттердi және демонстрацияларды өткiзу кезiнде оларға қатысушылардың азаматтарға, қоғамдық бiрлестiктерге, мемлекетке келтiрген материалдық залалы үшiн заңда белгiленген тәртiп бойынша өтем жасалуға тиiс.
20. Жиналыс, митинг, шеру, пикет және демонстрация өткізу кезінде, оның ішінде қоғамдық тәртiптi сақтау, үй-жайлар беру, санитарлық тазарту, жарық беру және техникалық қамсыздандыру жөнiндегi барлық қосымша шығындарды оларды ұйымдастырушылар өтейдi.
|
Жиналыстар және митингiлер өткізу орындары
1. Рудный қаласы, Ленин көшесі бойындағы Орталық алаң.
2. Рудный қаласы, Космонавтов даңғылында орналасқан Ұлы Отан соғысы батырларының даңқ ескерткішіне іргелес аумақ.
3. Рудный қаласы, Парковая көшесінде орналасқан Қалалық мәдениет және демалыс саябағындағы би алаңы.
4. Рудный қаласы, Ленин көшесінде орналасқан Мұзды спорт сарайына іргелес аумақ.
5. Рудный қаласы, И. Франко көшесінде орналасқан В. И. Лениннің ескерткіші алдындағы аумақ.
6. Қашар кенті, 1-шағын ауданындағы Жеңіс Аллеясы.
|
Шерулер және демонстрациялар өткізу маршруттары
1. Рудный қаласы, Ленин көшесі мен Космонавтов даңғылының қиылысынан бастап Космонавтов даңғылы бойынша Космонавтов даңғылы мен Парковая көшесінің қиылысына дейін.
2. Рудный қаласы, Горняков және Мира көшелерінің қиылысынан бастап Мира көшесі бойынша Мира және Ленин көшелерінің қиылысына дейін;
3. Рудный қаласы, 40 лет Октября және Дзержинский көшелерінің қиылысынан бастап 40 лет Октября көшесі бойынша 40 лет Октября және Ленин көшелерінің қиылысына дейін;
4. Қашар кенті, 1-шағын аудандағы Жеңіс Аллеясы.
