Ақжайық ауданы әкімдігінің 2016 жылғы 10 наурыздағы № 67 "Ақжайық ауданы әкімі аппараты" мемлекеттік мекемесінің және жергілікті бюджеттен қаржыланатын аудандық атқарушы органдардың "Б" корпусы мемлекеттік әкімшілік қызметшілерінің қызметін бағалаудың әдістемесін бекіту туралы" қаулысына өзгерістер енгізу туралы

Күшін жойған

Батыс Қазақстан облысы Ақжайық ауданы әкімдігінің 2016 жылғы 20 қыркүйектегі № 314 қаулысы. Батыс Қазақстан облысының Әділет департаментінде 2016 жылғы 20 қазанда № 4586 болып тіркелді. Күші жойылды - Батыс Қазақстан облысы Ақжайық ауданы әкімдігінің 2017 жылғы 14 ақпандағы № 50 қаулысымен

Ескерту. Күші жойылды - Батыс Қазақстан облысы Ақжайық ауданы әкімдігінің 14.02.2017 № 50 қаулысымен (алғашқы ресми жарияланған күнінен бастап қолданысқа енгізіледі).
"Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы, "Қазақстан Республикасының мемлекеттік қызметі туралы" 2015 жылғы 23 қарашадағы Қазақстан Республикасының Заңдарына және "Мемлекеттік әкімшілік қызметшілердің қызметін бағалаудың кейбір мәселелері туралы" Қазақстан Республикасы Мемлекеттік қызмет істері министрінің 2015 жылғы 29 желтоқсандағы № 13 бұйрығына (Қазақстан Республикасының Әділет министрлігінде 2015 жылы 31 желтоқсанда № 12705 болып тіркелді) сәйкес, аудан әкімдігі ҚАУЛЫ ЕТЕДІ:
1. Ақжайық ауданы әкімдігінің 2016 жылғы 10 наурыздағы № 67 "Ақжайық ауданы әкімі аппараты" мемлекеттік мекемесінің және жергілікті бюджеттен қаржыланатын аудандық атқарушы органдардың "Б" корпусы мемлекеттік әкімшілік қызметшілерінің қызметін бағалаудың әдістемесін бекіту туралы" қаулысына (Нормативтік құқықтық актілерді мемлекеттік тіркеу тізілімінде № 4332 тіркелген, 2016 жылғы 14 сәуірде "Жайық таңы" газетінде жарияланған) мынадай өзгерістер енгізілсін:
көрсетілген қаулымен бекітілген "Ақжайық ауданы әкімі аппараты" мемлекеттік мекемесінің және жергілікті бюджеттен қаржыланатын аудандық атқарушы органдардың "Б" корпусы мемлекеттік әкімшілік қызметшілерінің қызметін бағалаудың әдістемесінде:
21-тармақтың 3) тармақшасы мынадай редакцияда жазылсын:
"3) қызметшілердің қызметтік әдепті бұзуы жатады.";
27-тармақ мынадай редакцияда жазылсын:
"27. Тікелей басшы бағалау парағын онда берілген мәліметтердің анықтылығы тұрғысынан қарастырып, түзету енгізеді (болған жағдайда) және оған келісім береді.";
50-тармақ мынадай редакцияда жазылсын:
"50. "Қанағаттанарлықсыз" баға алған "Б" корпусының қызметшісі мемлекеттік әкімшілік лауазымға алғаш рет қабылданған тұлғаларға тәлімгер ретінде бекітілмейді.";
4-қосымшасы осы қаулының қосымшасына сәйкес жаңа редакцияда жазылсын.
2. Ақжайық ауданы әкімі аппаратының басшысы (С. М. Бакманов) осы қаулының әділет органдарында мемлекеттік тіркелуін, "Әділет" ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.
3. Осы қаулы алғашқы ресми жарияланған күнінен бастап қолданысқа енгізіледі.

Аудан әкімі

Ә. Жоламанов

	Ақжайық ауданы әкімдігінің 2016 жылғы 20 қыркүйектегі № 314 қаулысына қосымша
	"Б" корпусы мемлекеттік әкімшілік қызметшілерінің қызметін бағалаудың әдістемесіне 4-қосымша

Нысан

Айналмалы бағалау нәтижелері

__________________________________________________ жыл

(бағаланатын жыл)

Бағаланатын қызметшінің Т.А.Ә. (болған жағдайда):___________________________ Бағаланатын қызметшінің лауазымы: ________________________________________
Бағаланатын қызметшінің құрылымдық бөлімшесінің атауы: ________________________________________________________________________

№ р/с	Құзыреттің аталуы	Маңызы	Баға (балл)
Тікелей басшы
1.	Бастамашылығы	2-ден 5 ке дейін
2.	Әрекеттестікке икемділігі	2-ден 5 ке дейін
3.	Қызметтік этиканы сақтау	2-ден 5 ке дейін
	барлығы:
Бағынышты адам
1.	Жұмысты жоспарлай білу	2-ден 5 ке дейін
2.	Жұмысқа негіздей білу	2-ден 5 ке дейін
3.	Қызметтік этиканы сақтау	2-ден 5 ке дейін
	барлығы:
Әріптесі
1.	Топта жұмыс істей білу	2-ден 5 ке дейін
2.	Қызметтік этиканы сақтау	2-ден 5 ке дейін
	барлығы:

Ескерту: аббревиатураның шешуі:
Т.А.Ә. - тегі, аты, әкесінің аты.