БҰЙЫРАМЫН:
1. "Пайдалы қатты қазбаларды барлау немесе өндіру жөніндегі операциялар жүргізу үшін жер қойнауы учаскелері бойынша аукцион жүргізу қағидаларын бекіту туралы" Қазақстан Республикасы Инвестициялар және даму министрінің 2018 жылғы 11 мамырдағы № 315 бұйрығына (Нормативтiк құқықтық актілерді мемлекеттік тіркеу тізілімінде № 16995 болып тіркелген, 2018 жылғы 19 маусымда Қазақстан Республикасы Нормативтiк құқықтық актілерінің эталондық бақылау банкiде жарияланған) мынадай өзгерістер мен толықтырулар енгізсін:
көрсетілген бұйрықпен бекітілген Пайдалы қатты қазбаларды барлау немесе өндіру жөніндегі операциялар жүргізу үшін жер қойнауы учаскелері бойынша аукцион жүргізу қағидаларында:
6-тармақ мынадай редакцияда жазылсын:
"6. Аукцион өткізу туралы хабарламада:
1) аукцион өткізу күні, уақыты және орны;
2) аукционға қатысуға арналған өтініштерді қабылдаудың аяқталу күні мен уақыты;
3) жер қойнауы учаскелері туралы ақпарат;
лоттың нөмірі, егер аукционға жер қойнауының бір учаскесінен артық қойылған жағдайда;
барлау жөніндегі операцияларды жүргізу үшін жер қойнауы учаскесі тұратын блоктың (блоктардың) коды (кодтары) саны;
өндіру жөніндегі операцияларды жүргізу үшін жер қойнауы учаскесінің координаттары мен жер қойнауы учаскесі аумағының аумақ көлемі;
лицензиялардың түрі;
қол қою бонусының бастапқы мөлшері;
Қағидалардың 4-тармағында көзделген жағдайда жыл сайынғы ең төмен шығыстардың мөлшері;
4) аукционға қатысу үшін жарна мөлшері және оны төлеу үшін банктік деректемелері қамтылады.";
8-тармақ мынадай мазмұндағы екінші бөлікпен толықтырылсын:
Бірнеше Лот (жер қойнауы учаскелері) бойынша аукционға қатысуға мүдделі тұлғалар әрбір лотқа жеке өтініш береді.";
9-тармақ мынадай редакцияда жазылсын:
"9. Өтінішке мынадай құжаттар қоса беріледі:
1) көрсетілген өтініште мәліметтерді растайтын құжаттардың көшірмелері;
2) егер мұндай тұлға өтініш беруші болып тағайындалса, өтініш берген кезде өтініш берушінің атынан әрекет ететін тұлғаның өкілеттігін растайтын құжат;
3) барлау жөніндегі операцияларды жүргізу үшін жер қойнауы учаскелері бойынша аукцион өткізу кезінде өтініш берушіде жер қойнауы туралы Кодекстің 187-бабының 5 және 6-тармақтарына сәйкес қаржылық және кәсіптік мүмкіндіктерінің болуын растайтын құжаттар қоса беріледі. Бұл ретте өтініш берушінің қаржылық мүмкіндіктерін растау үшін ең төменгі шығыстар сомасының есебі аукционға қатысуға өтініш берілетін аукцион өткізу туралы хабарламада көрсетілген барлау жөніндегі операцияларды жүргізу үшін жер қойнауы учаскесі тұратын блоктардың санын ескере отырып жүргізіледі.
Өндіру жөніндегі операцияларды жүргізу үшін жер қойнауы учаскелері бойынша аукцион өткізу кезінде өтініш берушіде жер қойнауы туралы Кодекстің 204-бабының 4, 5 және 6-тармақтарына сәйкес қаржылық, кәсіптік және техникалық мүмкіндіктерінің болуын растайтын құжаттар қоса беріледі. Бұл ретте өтініш берушінің қаржылық мүмкіндіктерін растау үшін аукционға қатысуға арналған өтініш беруге қатысты аукцион өткізу туралы хабарламада көрсетілген өндіру жөніндегі операцияларды жүргізу үшін ең төменгі шығыстар сомасының есебі жер қойнауы учаскесі аумағының аумақ көлемінен жүргізіледі.
4) өтініш берушінің республикалық бюджет туралы заңмен тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің жоқтығы туралы өтініш берілген күннің алдындағы күнтізбелік он күннен бұрын берілген салық органының анықтамасы.
Өтінішке қоса берілетін құжаттардың көшірмелерін нотариат куәландыруға тиіс.
Өтінішке қоса берілетін, өзге тілде дайындалған құжаттар көшірмелері, қазақ және орыс тілдеріндегі аудармасымен қоса ұсынылады, олардың дұрыстығын нотариус куәландырады.";
12-тармақ мынадай редакцияда жазылсын:
"12. Құзыретті орган аукционға қатысуға:
1) егер өтініш немесе оған қоса берілетін құжаттар осы Қағидаларда көзделген талаптарға сәйкес келмесе;
2) егер барлау жөніндегі операцияларды жүргізу үшін жер қойнауы учаскелері бойынша аукционға қатысуға арналған өтінішті қарау кезінде жер қойнауы туралы Кодекстің 190-бабы 1-тармағының 3)-6) және 8) тармақшаларында көзделген негіздемелердің бірі болған кезде;
3) егер өндіру бойынша операцияларды жүргізу үшін жер қойнауы учаскесі бойынша аукционға қатысуға арналған өтінішті қарау кезінде жер қойнауы туралы Кодекстің 207-бабы 1-тармақтың 3)-6) тармақшаларда көзделген негізінің бірі болғанда бас тартады.";
мынадай мазмұндағы 34-1-тармақпен толықтырылсын:
"34-1. Құзыретті орган пайдалы қатты қазбаларды барлау жөніндегі операцияларды жүргізу үшін жер қойнауы учаскесі бойынша аукцион жеңімпазына барлауға арналған лицензияны аукцион нәтижелері жарияланған күннен бастап он жұмыс күні ішінде береді.
Құзыретті орган үш жұмыс күні ішінде пайдалы қатты қазбаларды өндіру жөніндегі операцияларды жүргізу үшін жер қойнауы учаскесі бойынша аукцион жеңімпазына жер қойнауы туралы Кодекстің 216 және 217-баптарына сәйкес тау-кен жұмыстары жоспарын және жою жоспарын келісу және сараптама жүргізу қажеттілігі туралы хабарлама жібереді.
Хабарлама аукцион нәтижелері жариялаған күннен бастап екі жұмыс күні ішінде құзыретті органның интернет-ресурсында орналастырылуы тиіс.
Пайдалы қатты қазбаларды өндіруге арналған лицензияны алу үшін тиісті жер қойнауы учаскесі бойынша аукцион жеңімпазы пайдалы қатты қазбаларды өндіру жөніндегі операцияларды жүргізу үшін құзыретті органға жер қойнауы туралы Кодекстің 205-бабы 3-тармағының екінші және үшінші бөліктерінде көзделген мерзімдерде және тәртіппен тау-кен жұмыстарының жоспарын және жою жоспарын ұсынады.
Бұл ретте мерзімдерді есептеу аукцион қорытындылары жарияланған күннен бастап жүзеге асырылады.
Құзыретті орган пайдалы қатты қазбаларды өндіруге арналған лицензияны аукцион жеңімпазына мемлекеттік сараптамалардың оң қорытындылары ұсынылған күннен бастап бес жұмыс күнінен кешіктірмей береді.";
қосымша осы бұйрыққа қосымшаға сәйкес редакцияда жазылсын.
2. Қазақстан Республикасы Индустрия және инфрақұрылымдық даму министрлігінің Жер қойнауын пайдалану департаменті:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық мемлекеттік тіркелген күнінен бастап күнтізбелік он күн ішінде қазақ және орыс тілдерінде Қазақстан Республикасы Нормативтiк құқықтық актілерінің эталондық бақылау банкiне ресми жариялау және енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
3) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Индустрия және инфрақұрылымдық даму министрі |
Р. Скляр |
Пайдалы қатты қазбаларды барлауға (өндіруге) арналған лицензия беру үшін жер қойнауы учаскелері бойынша аукционға қатысуға өтініш
| 20__жылғы "__"________ |
Пайдалы қатты қазбаларды барлау (өндіру) бойынша жер қойнауын пайдалану құқығын алуға арналған аукционға қатысуға рұқсат беруіңізді сұраймын
Өтініш беруші туралы мәлімет
1. |
-жеке тұлғалар үшін – өтініш иесінің тегі, аты және әкесінің аты (егер ол жеке басын куәландыратын құжатында көрсетілсе), өтініш иесінің тұрғылықты орны, азаматтығы, жеке басын куәландыратын құжаттар туралы деректер; |
2. | жер қойнауы учаскесінде өтінім берілетін жер қойнауы учаскесі туралы мәліметтер және лоттың нөмірі (бар болған жағдайда). |
Ұсыныстар тізбесі:
_____________________________________________________
(өтініш иесінің тегі, аты және әкесінің аты (болған жағдайда),
уәкілетті тұлғаның лауазымы мен қолы; өтінішті өкіл берген жағдайда
өкілеттігін куәландыратын құжат қоса беріледі)
мөр орны (болған жағдайда)
