"Қазақстан Республикасының әкiмшiлiк-аумақтық құрылысы туралы" Қазақстан Республикасы Заңының 11-бабына және "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 6, 27 және 37-баптарына сәйкес, Атырау облысы Атырау қаласы өкілді және атқарушы органдарының пікірлерін ескере отырып, Атырау облысының әкімдігі ҚАУЛЫ ЕТЕДІ және Атырау облыстық мәслихаты ШЕШТІ:
1. Атырау облысы Атырау қаласының Ақсай ауылдық округі таратылсын.
2. Атырау қаласы Қайыршақты ауылдық округінің әкімшілік бағыныстылығына беріліп, Атырау қаласы Ақсай ауылдық округінің Ақсай және Ақжар ауылдарының бағыныстылығы өзгертілсін.
3. Атырау қаласы Қайыршақты ауылдық округінің шекаралары жалпы ауданы 77422 гектар болып белгіленіп, Атырау қаласы Қайыршақты ауылдық округінің шекаралары оның шекараларына таратылған Ақсай ауылдық округінің жалпы ауданы 6564 гектар жерлерін енгiзу жолымен өзгертілсін.
4. Осы бірлескен Атырау облысы әкімдігінің қаулысының және Атырау облыстық мәслихатының шешімнің орындалуын бақылау Атырау облысы әкімінің жетекшілік ететін орынбасарына жүктелсін.
5. Осы бірлескен Атырау облысы әкімдігінің қаулысы және Атырау облыстық мәслихатының шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Атырау облысының әкімі | С. Шапкенов |
| Мәслихат хатшысы | А. Наутиев |
