Қазақстан Республикасы Министрлер Кабинетiнiң 1995 жылғы 28 сәуiрдегi N 592 P950592_ "Қазақстан Республикасы аумағында акцизделетiн алым маркаларын енгiзу және таңбалауға жатқызылатын акцизделетiн тауарларды өткеру туралы" қаулысын орындау мақсатында бұйырамын:
1. Бекiтiлсiн:
- Қазақстан Республикасы аумағына әкелiнетiн кейбiр акцизделетiн тауарларды таңбалау тәртiбi туралы Уақытша Нұсқаулық (Нұсқау N 1 Қосымша);
- Қазақстан Республикасының акциздiк кеден күзетi туралы Ереже (N 2 қосымша);
2. Алматы қаласы мен Алматы облысы, Ақтөбе, Қостанай, Қарағанды, Оңтүстiк Қазақстан облыстары бойынша кеден басқармалары 1995 жылдың 10 тамызына дейiн:
а) аталған әр басқармада төмендегiдей қызмет аймақтары анықталып,
заңды тұлға мәртебесiнсiз акциздiк кеден күзетi құрылсын:
Ескерту.
Осы ережелер Алматы қаласы мен Алматы облысы
бойынша кеден басқармасы үшiн акциздiк кеден
құрылғанша уақытша қолданылады.
- Алматы қаласы мен Алматы облысы бойынша кеден басқармасы Алматы
қаласы мен Алматы облысы, Талдықорған облысы;
- Ақтөбе облысы бойынша кеден басқармасы - Ақтөбе, Батыс Қазақстан,
Атырау, Маңғыстау облыстары;
- Қостанай облысы бойынша кеден басқармасы - Қостанай, Көкшетау,
Солтүстiк Қазақстан, Торғай облыстары;
- Қарағанды облысы бойынша кеден басқармасы - Қарағанды, Ақмола,
Семей, Жезқазған, Павлодар, Шығыс-Қазақстан облыстары;
- Оңтүстiк Қазақстан облысы бойынша кеден басқармасы Оңтүстiк
Қазақстан, Жамбыл, Қызылорда облыстары;
б) әр кеден күзетiнде саны 15 бiрлiкте штат, оның iшiнде мыналар
бекiтiлсiн:
- күзет бастығы
- күзет бастығының орынбасары
- акциздiк алым маркаларымен жұмыс бөлiмiнiң бастығы
- кедендiк ресiмдеу бөлiмiнiң бастығы
- акцизделетiн тауар жеткiзуге бақылау бөлiмiнiң бастығы
- инспекторлар құрамы
в) Кеден бақылауын ұйымдастыру (Качкаев Е.Н.), кеден кiрiстерi (Мулькин С.Д.), кадрлар (Тоқсейiтов А.К.), қаржыландыру және күрделi құрылыс (Мухамедов Р.Х.), контрабанда және кеден ережелерiн бұзуға қарсы күрес (Асқаров С.Т.) басқармалары 1996 жылдың 1 қаңтарына дейiн Алматы қаласында заңды тұлға мәртебесi бар акциздiк кеден құру жөнiнде ұсыныс берсiн.
г) таңбалауға жатқызылатын акцизделетiн тауарларды кедендiк ресiмдеу мен сақтау үшiн ашық үлгiдегi кеден қоймасын (акциздiк терминал) ашуға және тағайындауға Қазақстан Республикасы Министрлер Кабинетi жанындағы Кеден комитетiнiң лицензиясы бар кеден қоймасы анықталсын. Мұндай терминалды анықтар кезде олардың иелерiнiң жұмыс тәжiрибесiн, тауарлардың сенiмдi сақталуын қамтамасыз етудi, терминалдардың орналасатын жерi, қоймалардың алаңдары, орналасу жағдайларын, акциздiк күзеттiң қалыпты жұмысын ұйымдастыру үшiн қажеттi жабдықтар мен байланыстың болуын ескеру керек.
д) Кеден кiрiстерi басқармасы (Мулькин С.Д.) 1995 жылдың 3 тамызына дейiн акциздiк кеден күзетiнiң акциздiк алым маркалары үшiн төлемдердi (қолма-қол ақша төлеу және ақша аудару арқылы) қабылдауы, бақылауы мен есепке алуының технологиялық нобайын жасасын.
3. Акциздiк кеден күзеттерi осы Бұйрықтың 3 тармағында аталған кеден басқармаларына тiкелей бағынатын болып белгiленсiн.
4. Кадрлар (Тоқсейiтов А.К.) басқармасы осы Бұйрықтың 3 тармағында аталған кеден басқармаларының ұсынуы бойынша кеден басқармаларына iшкi штаттық бiрлiктердi қайта бөлу есебiнен акциздiк кеден күзеттерiн құру үшiн қосымша штаттық санды бөлудi көздесiн.
5. Кеден бақылауын ұйымдастыру басқармасы (Качкаев Е.Н.) 1995 жылдың 3 тамызына дейiн кеден шекарасында Қазақстан Республикасы аумағына әкелiнетiн, акцизделетiн таңбаланатын тауарларды өткiзу пункттерiн анықтасын.
6. Кеден режимi мен күзет басқармасы (Исабаев С.М.) 1995 жылдың 30 шiлдесiне дейiн Кеден комитетi басшылығына өткiзу пункттерiнен кедендiк сақтау қоймаларына дейiн автомобиль транспорттарымен тасылатын таңбалауға жатқызылатын акцизделетiн тауарларды iлеспе өткеру туралы Ереженi жасап ұсынсын.
7. Кеден бақылауын ұйымдастыру (Качкаев Е.Н.), кеден кiрiстерi (Мулькин С.Д.) басқармалары 1995 жылдың 30 шiлдесiне дейiн Кеден комитетi басшылығына кеден органдары депозиттiк есептерiне тиесiлi сомаларды салу жолымен кеден төлемдерiн төлеудi қамтамасыз ете отырып, таңбалауға жатқызылатын акцизделетiн тауарларды жеткiзу мен транзиттеу бойынша нормативтi құжаттарды жасап, бекiтуге ұсынсын.
8. Кеден комитетiнiң баспасөз қызметi (Мұратбаева Ә.О.) таңбалауға
жатқызылатын акцизделетiн кейбiр тауарларды әкелу ережелерi мен Нұсқауға
қатысты осы Бұйрықтың ережелерiн бұқаралық ақпарат құралдарына жариялауға
кiрiссiн.
9. Осы Бұйрықтың орындалуына бақылау жасау Қазақстан Республикасы
Министрлер Кабинетi жанындағы Кеден комитетiнiң Төрағасының Бiрiншi
орынбасары А.Қ. Қапсұлтановқа жүктелсiн.
Төрағаның мiндетiн
атқарушы
Қазақстан Республикасы
Министрлер Кабинетi
жанындағы Кеден комитетiнiң
Бұйрығына N 2 Қосымша
1995 жылғы 24 шiлде N 55
Қазақстан Республикасының акциздiк кеден
күзетi туралы
Ереже
1.1. Қазақстан Республикасы Кеден органдарының жүйесiне кiредi және қызметi аумағында өтетiн сол кеден басқармасына (бұдан әрi - Басқармаға) тiкелей бағынады.
Күзеттi құруды және қайта ұйымдастыруды, жоюды Қазақстан Республикасы Министрлер Кабинетi жанындағы Кеден комитетi жүргiзедi.
Акциздiк кеден күзетiнiң құрылымы мен штаттарын Кеден комитетi белгiлейдi.
1.2. Акциздiк кеден күзетi өз қызметiнде Қазақстан Республикасының
Конституциясын, Қазақстан Республикасының қолданылып жүрген заңдарын,
Қазақстан Республикасы Президентiнiң Жарлықтары мен қаулыларын, Қазақстан
Республикасы Министрлер Кабинетiнiң қаулылары мен өкiмдерiн, Кеден
комитетi мен Басқарманың нормативтi және басқа да заң актiлерiн басшылыққа
алады.
1.3. Акциздiк кеден күзетi тиiстi кеден басқармасының құрылымдық
бөлiмшесi болып табылады және төмендегiдей бөлiмдерден тұрады:
- акцизделетiн алым маркаларымен жұмыс iстейтiн бөлiм
- акцизделетiн тауарларды жеткiзуге бақылау жасау бөлiмi
- кедендiк ресiмдеу бөлiмi
2. Акциздiк кеден күзетiнiң мiндеттерi
2.1. Қазақстан Республикасы кеден заңдарының сақталуын қамтамасыз ету.
2.2. Қазақстан Республикасы салық заңдарының Қазақстан Республикасы
кеден органдарының қызметiне қатысты бөлiмiнде сақталуын қамтамасыз ету.
2.3. Қазақстан Республикасы кеден органдарына жүктелген кеден
алымдарының, баждарының, сонымен қатар салықтардың толық және дер кезiнде
түсуiн қамтамасыз ету.
2.4. Өз құзыретi шеңберiнде Қазақстан Республикасының экономикалық
мүддесiн қорғау.
3. Акциздiк кеден күзетiнiң қызметтерi
Өзiне жүктелген мiндеттерге сәйкес
Акциздiк кеден күзетi төмендегiдей негiзгi қызметтердi атқарады:
3.1. Акцизделетiн алым маркалары мен Арнайы маркаларды сатып алуға
импорттаушының өтiнiшiн қабылдайды.
3.2. Маркаларды даярлауға өтiнiштi құрастырады және оларды Басқармаға, содан кейiн көрсетiлген өтiнiштердi Кеден комитетiне жөнелтедi.
3.3. Маркалардың жүргiзiлуiн, оның iшiнде олардың Кеден комитетiнен тасымалдау қауiпсiздiгiн, сонымен қатар олардың сақталу қауiпсiздiгiн қамтамасыз етедi.
3.4. Импорттаушыларға олардың тапсырыстарының орындалғаны туралы хабарлайды.
3.5. Импорттаушылардан Қазақстан Республикасы кеден аумағында таңбалауға жатқызылатын тауарларды iс жүзiнде әкелу туралы мiндеттемелер қабылдайды.
3.6. Импорттаушыларға Маркаларды тапсырылған санына қарай қатаң тәртiппен бередi.
3.7. Алдын ала декларацияларды ресiмдеудi және импорттаушының таңбаланған тауарларды әкелудiң белгiленген тәртiбiн сақтауына бақылауды жүзеге асырады.
3.8. Импорттаушыдан бүлiнген не пайдаланылмаған маркаларды қабылдайды және оларды Кеден комитетiне бередi.
3.9. Қазақстан Республикасы кеден аумағына әкелiнген таңбаланған тауарларды не импорттаушының қайтарған маркаларының санының сатып алынған Маркаларға сәйкес келуiн тексеру жолымен Маркалардың пайдаланылуына бақылау жасайды.
3.10. Акцизделетiн таңбалауға жатқызылатын тауарларды әкелетiн ұйымдардың сыртқы саудалық операцияларын есепке алу Журналын жүргiзедi.
3.11. Акцизделетiн таңбаланған тауарларды кедендiк ресiмдеудi жүзеге асырады.
3.12. КЖД-да, кедендiк ресiмдеу мен кеден бақылауын жүргiзуге қажеттi тауарға iлеспе және өзге құжаттарда келтiрiлген мәлiметтердi тексеру, кеден бақылауын жүргiзу жолымен акцизделетiн таңбалауға жатқызылатын тауарларға қатысты кедендiк бақылауды жүргiзедi.
Әкелiнген таңбаланған тауарлардың санын сатып алынған Маркалармен салыстырады және кеден бақылауының өзге де нысандарын қолданады.
3.13. Өз құзыретi шеңберiнде Кеден комитетiнiң депозиттiк есепшотына кеден төлемдерiнiң толық және дер кезiнде түсуiне бақылауды жүзеге асырады.
3.14. Сыртқы сауда статистикасы мен кеден статистикасын жүргiзу үшiн алғашқы деректердi жинауды, өңдеудi және Басқармаға берудi жүзеге асырады.
3.15. Мемлекеттiк органдарды, кәсiпорындарды және ұйымдарды кеден мәселелерi жөнiндегi ақпараттармен қамтамасыз етедi.
3.16. Шағымдар мен қайырылымдарды толық әрi дер кезiнде қарауды қамтамасыз етедi, кәсiпорындардың, ұйым-мекемелердiң құқықтары мен мүдделерiне қысым жасауға апарып соғатын себептер мен жағдайларды жоюға шаралар қолданады.
3.17. Акциздiк кеден күзетi қызметкерлерiн кәсiби жағынан даярлауды жүзеге асырады, акцизделетiн таңбалауға жатқызылатын тауарларды кедендiк ресiмдеу саласындағы мамандарды оқыту жүйесiн ұйымдастырады.
3.18. Өз құзыретi шеңберiнде валюталық бақылау жасауды жүзеге асырады.
4. Акциздiк кеден күзетiнiң құқықтары
Акциздiк кеден күзетi өзiне жүктелген мiндеттердi орындау үшiн төмендегiдей құқықтарды қосқанда Қазақстан Республикасы заңдарында көзделген құқықтарға ие:
4.1. Күзетке жүктелген мiндеттердi орындауға және өз қызметтерiн жүзеге асыруға қажеттi мәлiметтер мен құжаттарды мемлекеттiк органдардан, кәсiпорындардан және ұйым-мекемелерден, сонымен қатар лауазымды адамдар мен азаматтардан алуға.
4.2. Кеден бақылауын жүргiзуге жәрдемдесу үшiн Қазақстан Республикасы заңдарына сәйкес құқық қорғау органдарынан, кәсiпорындардан және ұйым-мекемелерден мамандарды, сонымен қатар сарапшыларды жұмысқа тартуға.
4.3. Акцизделетiн тауарларды шығарғаннан соң кеден бақылауын жүргiзуге.
4.4. Өз қызметi аймағында кедендiк шағынқұрылымды дамыту, кеден iсi бойынша заңдарды және осы Ереженi өзгерту мен жетiлдiру жөнiнде ұсыныстар енгiзуге.
5. Қорытынды ережелер
Акциздiк кеден күзетiн Кеден комитетiмен келiсе отырып Басқарма бастығының бұйрығымен лауазымға тағайындалатын және одан бостылатын бастық басқарады.
Акциздiк кеден күзетiнiң бастығы :
- акциздiк кеден күзетiне жүктелген мiндеттердi орындауға және өз қызметтерiн жүзеге асыруға дербес жауапкершiлiкте болады;
- Басқарма бастығына акциздiк кеден күзетiнiң құрылымдық бөлiмшелерi бастықтарын қызметке тағайындау мен одан босатуға ұсынады;
- өз құзыретi шеңберiнде валюталық бақылау жасауды акциздiк кеден күзетiнiң кадрларын (құрылымдық бөлiмшелерiнiң бастықтарынан басқа) iрiктеудi, тағайындауды және орналастыруды жүзеге асырады;
- белгiленген тәртiппен акциздiк кеден күзетiнiң лауазымды адамдарына арнайы атақтарды беру жөнiнде ұсыныс жасайды;
Қазақстан Республикасы
Министрлер Кабинетi
жанындағы Кеден комитетiнiң
N 55 бұйрығымен
1995 жылы 24 шiлдеде
Бекiтiлген
1. Жалпы ережелер
1.1. "Қазақстан Республикасы кеден аумағына әкелiнетiн кейбiр акцизделетiн тауарларды таңбалаудың тәртiбi туралы" осы Нұсқау (бұдан әрi - Нұсқау) Қазақстан Республикасы Президентiнiң заң күшi бар "Салықтар және бюджетке төленетiн басқа да мiндеттi төлемдер туралы" Жарлығын және Қазақстан Республикасы Министрлер Кабинетiнiң "Қазақстан Республикасы аумағында акцизделетiн алым маркаларын өндiру және таңбалауға жатқызылатын акцизделетiн тауарларды өткеру туралы" 1995 жылғы 28 сәуiрдегi N 592 P950592_ Қаулысын орындау мақсатында жасалынып отыр.
1.2. Осы Нұсқауға сәйкес, кейбiр акцизделетiн тауарларды таңбалаудың тәртiбiн сақтау, оның iшiнде осы Нұсқаудың 2.16. тармағында баяндалған талаптар осындай еркiн айналым үшiн тауарлар шығарудың кеден режимiнiң шарттары болып табылады.
Таңбалауға жатқызылатын тауарлардың тiзiмi N 1 Қосымшада келтiрiлген.
1.3. Осы Нұсқаудың 1.2. тармақтарында көрсетiлген тауарлар акцизделетiн алым маркасымен таңбалауға жатқызылады. Акцизделетiн алым маркаларының үлгiлерi N 2 Қосымшада келтiрiлген.
1.4. Акцизделетiн алым маркасын таңбалауға жатқызылатын және шығарылу елi ТМД-ге қатысты мемлекет емес тауарларға қатысты акциздердi алудың төмендегiдей тәртiбi қолданылады:
а) Акцизделетiн алым маркаларын сату түрiнде акциздердiң бiр бөлiгi алынады.
б) Маркаларды сатып аларда төленген сома мен таңбаланған тауарларды әкелгенi үшiн төлеуге жатқызылатын акциздердiң сомасы арасындағы айырмашылық осындай тауарларды кедендiк ресiмдеу кезiнде алынады.
1.5. Бiр акцизделетiн алым Маркасының құны:
- темекi бұйымдарына қатысты - 0,01 ЭКЮ мөлшерiнде;
- арақ-шарап бұйымдарына қатысты - 0,5 ЭКЮ мөлшерiнде.
1.6. Акцизделетiн тауарларды таңбалауға осындай тауарларды импорттаушылар жауапты. Осы Нұсқауды қолдану мақсатында импорттаушы деп Қазақстан Республикасы Президентiнiң заң күшi бар "Қазақстан Республикасындағы кеден iсi туралы" Жарлығының 18 бабында белгiленген Қазақстан Республикасы кеден аумағына әкелiнетiн акцизделетiн тауарлар таңбалауға жатқызылады деп көрсетiлiп, сату-сатып алу немесе айырбастау жөнiндегi сыртқысаудалық келiсiм жасаған қазақстандық тұлға танылады.
1.7. Акцизделетiн алым маркаларын осы Нұсқауда белгiленген тәртiппен сатып алынған маркаларды пайдалануды қосқанда еркiн айналым үшiн тауарлар шығарудың кеден режимi шарттарын импорттаушылардың сақтауын бақылайтын Кеден комитетi анықтайтын кеден органдары (бұдан әр - акциздiк кеден бекеттерi) импорттаушыларға сатады.
1.8. Импорттаушының сатып алған акцизделетiн маркалары маркаларды тауарларды өндiрушiге беруiнен немесе кеден органдарына қайтарып беруден басқа жағдайларда өзге адамдарға қайта сатуға, беруге немесе басқа түрiнде иелiктен алуға жатқызылмайды.
1.9. Уақытша сақтау қоймалары немесе кеден қоймалары (бұдан әрi - терминалдар) акцизделетiн таңбаланған тауарларды жеткiзудiң орны бола алады.
Акцизделетiн таңбаланған тауарларды орналастыруға жол берiлетiн терминалдардың тiзiмiн Кеден комитетi анықтайды.
2. Маркаларды сатып алудың тәртiбi
2.1. Импорттаушы қызметiн аумағында өткiзетiн акциздiк кеден бекетi импорттаушыларға акциз арқылы жиналатын Маркаларды (бұдан әрi - Маркаларды) сатады.
Маркаларды сатып алу Қазақстан Республикасы кеден аумағына тауарлардың iс жүзiнде әкелiнетiне дейiн жүргiзiледi.
2.2. Маркаларды сатып алуға арналған ақша қаражатын импорттаушы акциздiк кеден бекетiнiң есебiне салады.
2.3. Маркаларды сатып алу үшiн импорттаушы акциздiк кеден бекетiне төмендегiдей құжаттарды көрсетедi:
- N 3 Қосымшада келтiрiлген үлгiде 2 данада жасалған Маркаларды сатып алуға өтiнiш;
- тауарлардың әкелiнуi көрсетiлген сыртқысаудалық келiсiмнiң түпнұсқасы мен көшiрмесi;
- Маркаларды сатып алу үшiн акциздiк кеден бекетiнiң есебiне қаржының түскенiн растайтын төлем құжаты, сонымен қатар көрсетiлген қаржының төлеушiнiң есебiнен алынғанын растайтын дербес есебiнiң көшiрмесi.
Сондай-ақ төлем құжатының "Төлем мақсатты белгiленуi" бағанында
мiндеттi түрде "Акцизделетiн алым маркалары үшiн ақы төлеу" деген жазу
болуы керек.
Сыртқысаудылық келiсiмнiң түпнұсқасы көрсетiлген оның көшiрмесiнен
салыстырылып, импорттаушыға қайтарылады.
2.4. Акциздiк кеден бекеттерi Маркаларды сыртқысаудалық келiсiмде
көзделген тауардың әр түрiнiң санының 102 процентiнен аспайтындай мөлшерде
сатады.
2.5. Акциздiк кеден бекетiнiң есебiне салынуға тиiстi Маркаларды
сатып алу үшiн ақша қаражатының мөлшерi мына формуламен анықталады:
С-Стм * Кт * Кэкю, бұл арада
С - Маркаларды сатып алу үшiн ақша қаражатының сомасы;
Стм - осы Нұсқаудың 1.4. тармағында көзделген ЭКЮ-мен белгiленген
марканың құны;
Кт - таңбалауға жатқызылатын тауардың (темекi бұйымдарына үшiн - пачка саны, арақ-шарап бұйымдары үшiн шөлмек саны) саны
Кэкю - Маркаларды сатып алуға өтiнiш берiлген күнге дейiн қолданылатын ЭКЮ курсы.
2.6. Маркаларды сатып алу үшiн ақша қаражаты Қазақстан Республикасы ұлттық валютасымен төленедi.
2.7. Маркаларды сатып алуға өтiнiштi ондағы мәлiметтер тексерiлген соң ғана нөмiрiн беру және таңбалауға жатқызылатын акцизделетiн тауарларды әкелетiн ұйымдардың сыртқысаудалық операцияларының есебi туралы Журналға (бұдан әрi - Журнал) тиiстi жазу өндiру жолымен акциздiк кеден бекетi тiркейдi (N 4 Қосымша).
2.8. Акциздiк кеден бекетi есебiне импорттаушының ақша қаражаты iс жүзiнде түскен соң Маркаларды сатып алуға өтiнiштiң екi данасында "Ақша қаражаты түстi" деген белгi жасалып, оны жасаған лауазымды адамның қолымен және жеке нөмiрлiк мөрiмен куәлендiрiледi. Осындай белгi төлемнiң жеке акциздiк кеден бекетi есебiне түскен түсiмдердiң күнi көрсетiлiп жазылады.
2.9. Акциздiк кеден бекетi өз есебiне түскен ақша қаражатын Журналдың тиiстi бағандарына оның аударылғаны туралы мәлiметтердi жазып, акциздер сомаларын аудару үшiн белгiленген тәртiппен және тиiстi мерзiмiнде Кеден комитетiнiң есебiне аударады.
2.10. Акциздiк кеден бекетiнiң "Ақша қаражаты түстi" деген белгiсiмен Маркаларды сатып алуға өтiнiштiң бiрiншi данасы тауарларды импорттаушыға қайтарылады; екiншiсi акциздiк кеден бекетiнiң бақылауында болады.
2.11. Төленген Маркалардың саны Маркаларды даярлауға өтiнiшке ендiрiледi, оны аптасына кемiнде екi рет акциздiк кеден бекетi Кеден комитетiне фельдьегерлiк немесе арнайы байланыспен жiбередi.
2.12. Маркаларды даярлауға тапсырыс екi данада толтырылады, олардың:
- бiрiншi данасы Кеден комитетiне жiберiледi;
- екiншi данасы қатаң есеп беруге жатқызылатын қаржы құжаттарын сақтау үшiн көзделген тәртiппен акциздiк кеден бекетiнде сақталынады.
2.13. Даярланған маркалар акциздiк кеден бекетiне түседi.
2.14. Тапсырылған Маркалар партиясы алынған соң акциздiк кеден бекетi импорттаушылардың өтiнiштерiнiң тек тiркеу нөмiрлерiн көрсетiп, акциздiк кеден бекетi орналасқан жерде ақпаратты орналастыру жолымен Маркаларды даярлауға тапсырыстарының орындалғаны туралы импорттаушыларға хабарлайды.
2.15. Маркаларды алу үшiн акциздiк кеден бекетiне импорттаушы төмендегiдей құжаттарды көрсетедi:
- "Ақша қаражаты түстi" деген белгiсiмен Маркаларды сатып алуға өзiнiң өтiнiшiнiң данасын;
- осы Нұсқаудың N 5 Қосымшасында келтiрiлген үлгiде Қазақстан Республикасы кеден аумағына тауарлардың импорттаушы анықтаған мерзiмде iс жүзiнде әкелінгенi, осындай тауарлардың кеден органына көрсетiлгенi, белгiлi бiр терминалға орналастырылғаны және тиiстi кеден төлемдерi төленгенi туралы жазбаша мiндеттеменi.
Мiндеттемеде көрсетiлген мерзiм импорттаушының Маркаларды сатып алған күнiнен бастап сегiз айдан асуы мүмкiн емес.
Мiндеттемеде импорттаушының жасаған мәлiметтерi Журналға жазылады.
2.16. Акциздiк кеден бекетi импорттаушыға Маркаларды импорттық кеден бажын, қосымша құнға салықты, банк операцияларының кейбiр түрлерiн жүзеге асыратын банк немесе ұйымның кепiлi түрiнде Маркаларды сатып алу кезiнде төленбеген акциздердiң бiр бөлiгiн төлеудi немесе акциздiк кеден бекетiнiң депозитiне тиiстi сомаларды салуды қамтамасыз еткен жағдайда бередi.
2.17. Әкелiнетiн акцизделетiн тауарлар үшiн кедендiк төлемдердi төлеудi қамтамасыз етуге қажеттi ақша қаражатының сомасы мына формуламен есептеледi:
С - Ст * Вм * Кэкю, бұл арада
С - кедендiк төлемдердi төлеудi қамтамасыз етуге қажеттi ақша қаражатының сомасы;
Ст- таңбалауға жатқызылатын тауарлар үшiн кедендiк төлемдердi төлеудi қамтамасыз етуге соманы ЭКЮ-мен белгiленген күйде есептеудiң ставкасы (N 1 Қосымша);
Вм - сатып алынған маркалардың саны;
Кэкю - кепiлдiк мiндеттеме толтырылған күнге дейiн қолданылатын ЭКЮ курсы.
2.18. Банк операцияларының кейбiр түрлерiн жүзеге асыратын банк немесе ұйымның кепiлi N 6 Қосымшада келтiрiлген үлгiде жасалынады.
Кепiлде Таңбалау үшiн Маркалар сатып алынған әкелiнетiн акцизделетiн тауарлар үшiн кедендiк төлемдердi төлеудi қамтамасыз етуге қажеттi ақша қаражатының сомасы көрсетiледi.
2.19. Банк операцияларының кейбiр түрлерiн жүзеге асыратын банк немесе ұйымның кепiлiн қабылдаған кезде акциздiк кеден бекетiнiң лауазымды адамы осы Нұсқаудың 2.3. тармағында көзделген Маркаларды сатып алуға өтiнiштiң екi данасына кепiлдiк мiндеттеме қабылданған күн, банк операцияларының кейбiр түрлерiн жүзеге асыратын банк немесе ұйымның аты-жөнi мен мекен-жайы және қамтамасыз ету сомасы көрсетiлiп, кепiлдiк мiндеттеменiң қабылданғаны туралы белгi жасайды.
2.20. Акциздiк кеден бекетi кедендiк төлемдердi төлеудi қамтамасыз ету ретiнде өзiнiң депозитiне ақша қаражатының қажеттi сомасын салу үшiн төлем құжаттарын қабылдаған кезде Маркаларды сатып алуға өтiнiштiң екi данасына акциздiк кеден бекетiнiң лауазымды адамы осы құжаттың қабылданған күнiн және төлеушiнiң аты-жөнiн, төлем құжатының күнi мен нөмiрiн көрсетiп, акциздiк кеден бекетiнiң депозитiне ақша қаражатының түскенiн көрсетiп, төлем құжатының қабылданғаны туралы белгi жасайды.
2.21. Банк операцияларының кейбiр түрлерiн жүзеге асыратын банк немесе ұйымның кепiлi немесе акциздiк кеден бекетiнiң депозитiне ақша қаражатының салу таңбаланған тауарларды кедендiк ресiмдеу кезiнде кедендiк төлемдердi төлеу мерзiмiн ұзарту немесе бөлiп төлеу тәртiбiн беруге негiздеме бола алмайды.
2.22. Таңбалау үшiн Маркалар сатып алынған тауарлар осы Нұсқаудың
2.15. тармағында көзделген мiндеттеменiң қабылданған күнiнен бастап сегiз айдан кешiктiрiлмей белгiленген мерзiмде Қазақстан Республикасы аумағында iс жүзiнде әкелiнуi тиiс.
2.23. Импорттаушыға немесе импорттаушының сенiмхат бойынша өкiлеттi өкiлiне Маркаларды беру сенiмхатта көрсетiлген адамның жеке басын куәлендiретiн төлқұжатты немесе басқа құжатты көрсеткен кезде жүргiзiледi.
Маркаларды берген кезде акциздiк кеден бекетiнiң лауазымды адамы Маркаларды алу үшiн түбiртектi екi данада толтырады.
Түбiртектiң үлгiсi N 7 Қосымшада келтiрiлген.
Түбiртектiң нөмiрi импорттаушының Маркаларды сатып алуға өтiнiшiнiң тiркеу нөмiрiмен сәйкес келуi керек.
Түбiртектiң парақтары қатаң есеп беруге жатқызылатын қаржы құжаттары болып табылады.
2.24. Түбiртектiң даналары төмендегiдей тәртiппен таратылады:
- бiрiншi данасы импорттаушыға немесе оның өкiлеттi өкiлiне берiледi.
- екiншi данасы Маркаларды алуға сенiмхатпен бiрге Маркаларды сатып алуға өтiнiшiнiң екiншi данасымен бiрiктiрiлiп, қоса сақталады.
2.25. Маркаларды беру тапсырыс берiлген маркалардың саны және үлгiлерiне сәйкес қатаң тәртiппен жүргiзiледi.
2.26. Импорттаушы немесе оның өкiлеттi өкiлi көрсеткен Маркаларды сатып алуға өтiнiшiнiң данасында акциздiк кеден бекетiнiң лауазымды адамы Маркалардың iс жүзiнде берiлгенi туралы белгi жасайды және оны өз қолымен және жеке нөмiрлiк мөрiмен куәландырады.
Өтiнiштiң көрсетiлген данасы Маркаларды берерде бiр мезгiлде импорттаушыға немесе оның өкiлеттi өкiлiне қайтарылады.
2.27. Маркаларды сатып алуға өтiнiштiң екiншi данасына және Журналға акциздiк кеден бекетiнiң лауазымды адамы Маркаларды iс жүзiнде берiлгенi туралы белгi жасайды.
2.28. Импорттаушының Маркаларды сатып алуға өтiнiшiнiң екiншi данасын Маркалардың iс жүзiнде берiлгенi туралы акциздiк кеден бекетiнiң лауазымды адамы жасаған белгiсiмен, Маркаларды сатып алу үшiн кеден құжаттарымен, импорттаушының мiндеттемесiмен, банк операцияларының кейбiр түрлерiн жүзеге асыратын өкiлеттi банк немесе ұйымның кепiлiмен немесе акциздiк кеден бекетiнiң депозитiне ақша қаражатын салу туралы төлем құжаттарымен бiрге акциздiк кеден бекетi қатаң есеп беруге жатқызылатын қаржы құжаттарын сақтау үшiн көзделген тәртiппен сақтайды.
3. Акцизделетiн алым Маркаларын әкету
Қазақстан Республикасы кеден аумағынан өкiлеттi Маркаларды кедендiк ресiмдеу ықшамдалған тәртiппен жүргiзiледi.
Декларациялау кеден органына Маркалардың алынғаны туралы түбiртектiң (N 7 Қосымша) түпнұсқасын көрсету жолымен жүзеге асырылады.
Сондай-ақ экспорттық кедендiк ресiмдеу үшiн кеден бажы мен кеден алымдары алынбайды.
4. Еркiн айналым үшiн шығарудың кеден режимiне
сәйкес Қазақстан Республикасы кеден аумағына
әкелiнетiн акцизделетiн тауарларды
акцизделетiн алым Маркаларымен таңбалаудың
тәртiбi
4.1. Еркiн айналым үшiн шығарудың кеден режимiне сәйкес Қазақстан Республикасы кеден аумағына әкелiнетiн акцизделетiн тауарларды Маркалармен таңбалау Кеден комитетiнiң нормативтi актілерiмен белгiленгеннен басқа жағдайларда Қазақстан Республикасы кеден аумағынан тыс жерлерде жүргiзiледi.
4.2. Таңбалау осы Қосымшада белгiленген ережелерге сәйкес осы үшiн анықталған жерде таңбалауға жатқызылатын тауарларға Маркаларды желiмдеу жолымен жүргiзiледi.
Темекi бұйымдарын таңбалау ережелерi N 8 Қосымшада келтiрiлген.
Маркаларды желiмдеу кезiнде тауарды бүлдiрмей, одан Марканың алынуына мүмкiндiк бермейтiндей желiм қолданылуы тиiс.
5. Таңбаланған тауарларды кедендiк ресiмдеу
5.1. Таңбаланған акцизделетiн тауарларды аймағында Қазақстан Республикасы кеден аумағындағы өткiзу пунктi (бұдан әрi - шекаралық кеден органы) қызметiн жүргiзетiн кеден органы кедендiк төлемдер төлеудi қамтамасыз етпей-ақ тауарларды кеден бақылауымен жүргiзудiң ережелерiне сәйкес импорттаушының Маркаларды сатып алуға өтiнiшiнде және тауарларды әкелу туралы мiндеттемесiнде көрсетiлген терминалға жiбередi.
Сондай-ақ Жеткiзудi бақылау құжатында (ЖБҚ) "Сенiм артушы" 50 бағанында Маркалардың сериялары мен саны көрсетiледi.
Тауарға iлеспе құжаттары және көлiк құжаттарында осындай терминалдың мекен-жайы көрсетiлмеген жағдайда не мұндай құжаттарда басқа тауар алушының мекен-жайы көрсетiлсе, онда тауар шекаралық уақытша сақтау қоймаларына орналастырылады.
5.2. Таңбаланған акцизделетiн тауарлар терминалға жеткiзiлiп орналастырылған соң терминалдың иесi көрсетiлген тауарлардың келгенi туралы жүк алушыға не оның өкiлiне хабарлайды.
Хабар берудi кеден органының лауазымды адамы аймағында қызметi жүретiн терминал орналасқан кеден органы куәлендiредi.
5.3. Таңбаланған акцизделетiн тауарларды кедендiк ресiмдеудi аймағында қызметi жүретiн терминал орналасқан, осындай тауарлар түскен акциздiк кеден бекетi жүргiзедi.
5.4. Декларант акциздiк кеден бекетiне төмендегiдей құжаттарды көрсетедi:
- осы Нұсқаудың 5.2. тармағында көзделген тауарлардың түсуi туралы хабарлау қағазын;
- тауарға iлеспе құжаттар және көлiк құжаттарын;
- кеден декларациясын;
- кедендiк төлемдердiң төленгенi туралы төлем құжаттары;
- Маркаларды сатып алуға импорттаушының өтiнiшiн және Маркаларды сатқан акциздiк кеден бекетiнiң куәландырған Маркаларды және көшiрмелерiн алғаны туралы түбiртектi;
- кедендiк ресiмдеу мен кедендiк бақылауды жүргiзуге қажеттi өзге де құжаттарды.
5.5. Кедендiк жүк декларациясында (КЖД) "Сенiм артушы" 50 бағанында декларант декларацияланатын тауарлар таңбаланатын Маркалардың сериялары мен санын көрсетедi.
5.6. КЖД - да жазылған мәлiметтердi тексерген соң акциздiк кеден бекетiнiң лауазымды адамы КЖД-ның әр бетiнде (КД - 1 үлгiсi) "С" бағанында "Тексерiлдi. Төлемдер төлендi." деген белгi жасап, өз қолымен және жеке нөмiрлiк мөрiмен куәлендiредi.
5.7. КДЖ данасы таңбаланған тауарлар түскен аймағында қызметi жүретiн терминал орналасқан кеден органына жiберiледi.
Осы кеден органының лауазымды адамы КЖД-да жазылған Маркалардың саны, номенклатурасы мен сериялары туралы мәлiметтердiң тауарларға желiмденген Маркалардың саны, номенклатурасы мен серияларына сәйкес келуiн, сонымен қатар тауарларды таңбалау ережелерiнiң сақталуын тексередi.
5.8. Таңбалаған тауарларды шығаруды осы Нұсқаудың 5.7. тармағында көзделген кеден органы жүргiзедi.
Аталған кеден органы екi жұмыс күнi iшiнде фельдьегерлiк және арнайы байланыспен толықтырылған КЖД-ның үш данасын аймағында қызметi жүретiн терминал орналасқан акциздiк кеден бекетiне жiбередi.
5.9. Тауарлардың шығарылуы туралы белгi жасалынған КЖД-ның даналарын алған кезде акциздiк кеден бекетi Журналға "КЖД нөмiрi мен күндерi" бағанына тауардың шығарылуы туралы тиiстi жазу жазылады.
5.10. Тауар алушының өтiнiшiмен және Маркаларды сату жүзеге асырған акциздiк кеден бекетiнiң келiсiмiмен барлық кедендiк төлемдер төлеттiрiлiп, Кеден комитетiнiң нормативтi актілерi және осы Нұсқаумен белгiленген тәртiппен шекаралық кеден органында еркiн айналым үшiн тауарлар шығарудың кеден режимiне сай орналастырылатын таңбаланған акцизделетiн тауарларды кедендiк ресiмдеуге жол берiледi.
5.11. Осы Нұсқаудың 5.10. тармағында көзделгенiндей жағдайда жүк алушы немесе оның өкiлi акциздiк кеден бекетiне шекаралық кеден органында таңбаланған акцизделетiн тауарларды кедендiк ресiмдеуге рұқсат беру туралы өтiнiшпен жазбаша қайырылады.
Жазбаша өтiнiште мiндеттi түрде мыналар көрсетiлуi тиiс:
а) өзiне сәйкес таңбаланған тауарлар әкелiнетiн сыртқысаудалық келiсiмiнiң нөмiрi мен күнi;
б) әкелiнетiн тауарлардың саны мен номенклатурасы;
в) Маркаларды сатып алуға импорттаушының өтiнiшiнiң нөмiрi;
г) сатып алынған маркалардың сериялары;
д) шекаралық кеден органының аты-жөнi;
акциздiк кеден бекетiнiң бастығы не оның орнындағы адам жүк алушы немесе оның өкiлiнiң өтiнiшiн қанағаттындырар кезде мұндай жазбаша өтiнiштiң түпнұсқамына "Келiсемiн" деген сөздi жазып, оны өз қолымен және жеке нөмiрлiк мөрiмен куәлендiредi.
5.12. Шекаралық кеден органында таңбаланған тауарларды кедендiк ресiмдеу үшiн декларант төмендегiдей құжаттарды көрсетедi:
- шекаралық кеден органында кедендiк ресiмдеудi жүргiзуге келiсiм расталған жазбаша өтiнiштiң түпнұсқасы;
- Кеден комитетiнiң нормативтi актiлерiне сәйкес кедендiк ресiмдеу мен кеден бақылауын жүргiзу үшiн қажеттi өзге де құжаттар.
5.13. Кедендiк ресiмдеу аяқталған соң шекаралық кеден органы шекарада тауарларды ресiмдеуге рұқсат берген акциздiк кеден бекетiне КЖД-ның куәлендiрiлген көшiрмесiн екi күн iшiнде фельдьегерлiк және арнайы байланыспен жiбередi.
5.14. Таңбаланған акцизделетiн тауарларды кедендiк ресiмдеуге жол берiлетiн шекаралық кеден органдарының тiзбесiн Кеден комитетi белгiлейдi.
6. Акцизделетiн алым Маркаларымен таңбаланған
тауарларды кедендiк ресiмдеу кезiнде кедендiк
төлемдердi есептеу мен төлеу
6.1. Өндiрiп алуы кеден органдарына жүктелген кедендiк ресiмдеу үшiн кеден бажын, қосымша құнға салықты, кедендiк алымдарды және басқа да салықтарды есептеу кеден декларациясы қабылданған күнге дейiн қолданылған ставкалар мен шетелдiк валюталар курсы бойынша жүргiзiледi.
6.2. Акциздердi есептеу мына формуламен жүргiзiледi:
А - Ат, бұл арада
А - сыйымдылығы немесе бөлiнiп салынған ыдыстары түрлi тауарларды
қосқанда СЭҚ ТН-сының бiр тауарлық қосымша субпозициясына жатқызылатын
декларацияланатын бөлiктегi барлық тауарлар бойынша акциздердiң жалпы
сомасы;
Ат - белгiлi бiр сыйымдылықтағы немесе бөлiнiп салынған ыдыстағы
тауарларға қатысты акциздiң ЭКЮ - мен сомасы, ол мына формуламен
есептеледi:
Ат - Кт * Ас, бұл арада
Кт - белгiлi бiр сыйымдылықтағы немесе бөлiнiп салынған ыдыстағы
тауарлардың саны;
Ас - тиiстi сыйымдылықтағы немесе бөлiнiп салынған тауардың бiрлiгiне
акциздiң ЭКЮ-мен ставкасы.
6.3. Тауарларды кедендiк ресiмдеу кезiнде төленуге тиiстi акциздер
сомасын есептеу мына формуламен жүргiзiледi:
Апл - А - Ам, бұл арада
Апл - төленген тиiстi акциздiң ЭКЮ-мен сомасы;
Ам - Маркаларды сатып аларда төленген акциздiң ЭКЮ-мен сомасының бiр
бөлiгi.
6.4. Акциздердiң есептелген сомасы Қазақстан Республикасының ұлттық
валютасы арқылы төленедi.
7. ТМД-ге қатысушы мемлекеттерден әкелiнетiн
таңбалауға жатқызылатын акцизделетiн тауарларды
кедендiк ресiмдеу үшiн акцизделетiн алым
Маркаларын сатудың ерекшелiктерi
7.1. ТМД-ге қатысушы мемлекеттерден әкелiнетiн таңбалауға жатқызылатын акцизделетiн тауарлар үшiн (ТМД тауарлары) Маркаларды сатуды 2.3, 2.15-2.22, 2.2 - тармақтарынан басқа осы Нұсқаудың 2. тарауында белгiленген тәртiппен акциздiк кеден бекетi жүргiзедi.
7.2. Маркаларды сатып алу үшiн импорттаушы осы Нұсқаудың 2.3. тармағында көзделген құжаттарды көрсетедi. Сондай-ақ импорттаушы N 3 а Қосымшада келтiрiлген Маркаларды сатып алу нысаны бойынша өтiнiш бередi.
7.3. Даяр Маркаларды алу үшiн өз тапсырысының орындалғаны туралы ақпарат алған импорттаушы акциздiк кеден бекетiне төмендегiлердi көрсетедi:
- ақша қаражатының түсуi туралы акциздiк кеден бекетiнiң белгiсi бар Маркаларды сатып алуға өтiнiшiнiң данасы;
- Қазақстан Республикасы кеден аумағына импорттаушының анықтайтын мерзiмiнде тауарлардың iс жүзiнде әкелiнетiнi, осындай тауарлардың кеден органына көрсетiлетiнi, оларды белгiлi бiр терминалға орналастыру туралы осы Нұсқаудың N 5а Қосымшасында келтiрiлгендей нысан бойынша жазбаша мiндеттеме.
Мiндеттемеде көрсетiлген мерзiм импорттаушының Маркаларды сатып алған күнiнен бастап бiр жылдан аспауы тиiс.
7.4. Таңбалау үшiн Маркалар сатылып алынған Тауарлар Қазақстан Республикасы кеден аумағына тауарлар iс жүзiнде әкелiнуi және импорттаушының Маркаларды алған күнiнен бастап 1 жылдан кешiктiрiлмей кеден органына көрсетiлуi тиiс.
7.5. Қазақстан Республикасы кеден аумағынан Маркаларды әкету және ТМД тауарларын таңбалау осы Нұсқаудың 3 және 4 тауарларына сәйкес жүргiзiледi.
7.6. ТМД-ге қатысушы мемлекеттерден әкелiнетiн таңбалауға жатқызылатын акцизделетiн тауарларды кедендiк ресiмдеу осы Нұсқаудың 5 тарауында көзделген тәртiппен жүзеге асырылады.
Сондай-ақ кедендiк төлемдердi төлеудi қамтамасыз етпей-ақ тауарларды кеден бақылауымен жеткiзудiң ережелерiне сәйкес тауарларды өткiзу шекаралық кеден органына жүктелген еркiн сауда аймағын құру туралы Келiсiмге қатысушы мемлекеттiң кеден аумағынан тауарлардың шыққанын растайтын тауарлардың шыққаны туралы СТ-1 нысаны бойынша сертификат-декларацияны көрсеткенде ғана жүргiзiледi.
Жоғарыда көрсетiлген талаптар сақталмаған жағдайда ТМД-ге қатысушы мемлекеттерден әкелiнетiн таңбаланған тауарлар банк операцияларының кейбiр түрлерiн жүзеге асыратын банк немесе ұйымның кепiлi немесе шекаралық кеден органының депозитiне тиесiлi сомаларды салу түрiнде кедендiк ресiмдеу үшiн кеден алымдарын, импорттық кеден бажын, қосымша құнға салықты, Маркаларды сатып аларда төленбеген акциздердiң бiр бөлiгiн төлеудi қамтамасыз еткен жағдайда кеден бақылауымен тауарларды жеткiзудiң ресiмдерiмен орналастырылады.
Осы тармақтың ережесi темiржолды қосқанда транспорттың барлық түрлерiмен таңбалауға жатқызылатын тауарларды әкелу кезiнде қолданылады.
7.7. ТМД-нiң таңбалауға жатқызылатын акцизделетiн тауарларын кедендiк ресiмдеу үшiн кеден алымдарын есептен шығарылуы ресейлiк және беларусьтiк тауарлардан басқаларына қатысты жалпылай белгiленген тәртiппен жүргiзiледi, ал Ресей және Беларусьтiң аумағынан әкелiнетiн тауарларды кедендiк ресiмдеу үшiн кеден алымдары алынбайды.
8. Импорттаушының пайдаланылмаған не бүлiнген
акцизделетiн алым Маркаларын қайтаруы
8.1. Импорттаушының пайдаланылмаған Маркаларды қайтаруы
Таңбалауға жатқызылатын акцизделетiн тауарларды осы Нұсқаудың 2.22. және 7.4 тармақтарында көзделген мерзiмде қою жөнiндегi сыртқысаудалық келiсiмдi орындамаған не жартылай орындаған жағдайда импорттаушы көрсетiлген мерзiм еткенге дейiн импорттаушыға Мараларды сатқан акциздiк кеден бекетiне барлық пайдаланылмаған Маркаларды қайтаруға мiндеттi.
Сонымен бiр мезгiлде импорттаушы акциздiк кеден бекетiне төмендегiдей құжаттарды көрсетедi.
- оған Маркаларды қайтарудың себебi және сатып алған кезде төленген ақша қаражатын қайтару туралы сұрауы көрсетiлген жазбаша өтiнiш;
- өтiнiште көрсетiлген мәлiметтердi растайтын құжаттар;
- Маркалардың алынғаны туралы түбiртектiң данасы;
- импорттаушының Маркаларды сатып алу үшiн өтiнiшiнiң данасы.
Импорттаушының өтiнiшiн акциздiк кеден бекетiнiң бастығы қабылдайды, бұл жөнiнде импорттаушының өтiнiшiнде Маркаларды қайтару туралы тиiстi белгi жасалынады.
Өтiнiш қабылданған соң қайтарылған Маркалар және жоғарыда аталған құжаттар Кеден комитетiне жiберiледi.
8.2. Бүлiнген Маркаларды импорттаушыға қайтару.
8.2.1. Тауарларға желiмдер кезде Маркалар бүлiнген жағдайда импорттаушы импорттаушыға Маркаларды сатқан акциздiк кеден бекетiне барлық бүлiнген Маркаларды көрсетуге мiндеттi.
8.2.2. Бүлiнген Маркалар қағаздың жеке парақтарына төмендегiдей ережелер сақтала отырып, желiмденуi керек:
- Маркалар жаржарсыз және тегiс өтелiп желiмденуi керек;
- Маркалар Маркалардың серияларының нөмiрлерi және Марканың орталық бөлiгi анық көрiнетiндей болып желiмденуi керек;
- Маркалар жыртылып қалса бөлiктерi бiрiктiрiлуi керек;
- импорттаушының қайтаратын әр бүлiнген Маркасының жалпы алаңы (оның iшiнде бiрiктiрiлген бөлiктерi де) алғашқы көлемiнiң кемiнде 60 процентiн құрауы тиiс.
8.2.3. Импорттаушы акциздiк кеден бекетiне осы Нұсқаудың 8.1. тармағының 4, 6 және 7 абзацтарында көзделген құжаттарды көрсетуге мiндеттi.
Импорттаушының өтiнiшiн акциздiк кеден бекетiнiң бастығы қабылдайды, бұл жөнiнде импорттаушының өтiнiшiнде Маркаларды қайтару туралы тиiстi белгi жасалынады.
Өтiнiш қабылданған соң қайтарылған Маркалар және жоғарыда аталған құжаттар Кеден комитетiне жiберiледi.
8.3. Пайдаланылмаған не бүлiнген Маркалар үшiн ақша қаражатын қайтаруды импорттаушының өтiнiшi Маркалар алынған күннен бастап бiр жылдан кешiктiрiлмей берiлген жағдайда Кеден комитетi жүргiзедi.
Импорттаушының тiлегi бойынша ақша қаражаты жаңа Маркалар не акциздер үшiн ақы төлеу есебiне жатқызылуы мүмкiн.
8.4. Импорттаушыға Маркаларды сатып алу кезiнде оның төлеген ақша қаражатының сомаларын қайтару сату-сатып алу немесе айырбастау туралы нақты сыртқысаудалық келiсiмге сәйкес нақты сериялары мен үлгiлерi бар барлық бүлiнген Маркалар үшiн жүргiзiледi.
8.5. Көрсетiлген құжаттардың негiзiнде Кеден комитетi импорттаушыға Маркаларды сатып алу кезiнде оның төлеген ақша қаражатын Маркаларды даярлау, сақтау және тасымалдау шығындарына кеткен сомасын ұстап қайтарады.
9. Акцизделетiн алым Маркаларының пайдалануына
бақылау
9.1. Акциздiк кеден бекетi Қазақстан Республикасы кеден аумағына әкелiнген таңбаланған тауарлардың немесе импорттаушының қайтарған Маркаларының санының сатып алынған маркалардың санына сәйкес келуiн тексеру жолымен Маркаларының пайдаланылуына бақылауды жүзеге асырады.
9.2. Осы Нұсқаудың 7.4. және 2.22 тармақтарында көзделген мерзiмге дейiн таңбалауға жатқызылатын акцизделетiн тауарларға байланысты импорттаушы акциздiк кеден бекетi алдында Маркалардың пайдаланылуы туралы төмендегiлердi көрсете отырып есеп бередi:
- таңбаланған тауарлардың кедендiк ресiмдеуi жүргiзiлетiн кедендiк жүк декларацияларын;
- пайдаланылмаған не бүлiнген Маркаларды;
Сондай-ақ сатылған Маркалардың саны мен сериялары кедендiк жүк декларацияларының 50 бағанында көрсетiлген не импорттаушының қайтарған пайдаланылмаған не бүлiнген Маркаларының саны мен серияларына сәйкес келуi керек.
9.3. Дәлелдi себептермен ерекше жағдайларда импорттаушы акциздiк кеден бекетiнен сатып алған Маркалары үшiн оның алдында белгiленген мерзiмде есеп бере алмаса, акциздiк кеден бекетiнiң бастығы не оның орнындағы адам импорттаушының мерзiмдi ұзарту жөнiнде сұрауын және дәлелдi себептерiн көрсеткен жазбаша өтiнiшi бар болған жағдайда бұрын белгiленген мерзiмнен екi ай асырмай мерзiмдi ұзарту туралы шешiм қабылдай алады.
9.4. Осы Нұсқаудың 9.2. тармағында белгiленген талаптар орындалған жағдайда кедендiк төлемдердi төлеудi қамтамасыз ету мақсатында берiлген банк операцияларының кейбiр түрлерiн жүзеге асыратын банк немесе ұйымның кепiлi өз әрекетiн тоқтатады, ал осы мақсатта акциздiк кеден бекетiнiң депозитiне салынған сомалар ақы төлеушiге қайтарылады.
9.5. Осы Нұсқаудың 9.2. тармағында белгiленген талаптар орындалмаған жағдайда акциздiк кеден бекетi импорттаушыдан N 1 Қосымшада келтiрiлген ставкалар бойынша есептелген сомада кедендiк төлемдердi өндiрiп алады.
Банк операцияларының кейбiр түрлерiн жүзеге асыратын банк немесе ұйымның кепiлiмен кедендiк төлемдердi төлеудi қамтамасыз ету кезiнде акциздiк кеден бекетi банкке көрсетiлген сомаларды төлеуi тиiстi екендiгi туралы талап қоя алады.
Акциздiк кеден бекетiнiң депозитiне ақша қаражатын салу жолымен кедендiк төлемдердi төлеудi қамтамасыз ету кезiнде осындай ақша қаражаты республикалық бюджеттiң кiрiсiне аударылады.
Республикалық бюджеттiң кiрiсiне аударылған ақша қаражатын қайтаруды кеден органдары жүзеге асырмайды.
10. Қорытынды ережелер
10.1. Қазақстан Республикасы кеден аумағында таңбаланған акцизделетiн тауарларды (транзиттiң кеден режимiне сәйкес өткiзiлетiн тауарлардан басқалары) әкелу кезiнде шекаралық кеден органы мұндай тауарларды кеден бақылауымен кедендiк төлемдердi төлеудi қамтамасыз ету ретiнде iшкi кеден органының депозитiне салған жағдайда осы Нұсқаудың 1.9. тармағында көзделген және тауарларды алушының қызметi өтетiн кеден органында орналасқан терминалдарға жiбередi.
Осы тармақтың ережесi темiржолды қосқанда транспорттың барлық түрлерiмен таңбалауға жатқызылатын тауарларды әкелерде қолданылады. Уақытша декларация болмаған жағдайда жеткiзiлетiн тауарды Қазақстан Республикасы кеден аумағына әкелуге болмайды. Мұндай тауарлар шекаралық кеден органдарында кедендiк ресiмдеуден өткiзiлмейдi.
10.2. Қазақстан Республикасы кеден аумағына әкелiнген таңбаланған акцизделетiн тауарлар мiндеттi түрде осы Нұсқаудың 10.1. тармағында көзделген терминалдарға орналастырылады.
10.3. Таңбаланған тауарлардың керi импорты.
Қазақстан Республикасы кеден аумағына әкелiнетiн таңбаланбаған акцизделетiн тауарлар осы Нұсқаудың 10.1. тармағында көзделген тәртiппен кеден бақылауымен тауарларды жеткiзу ережелерiне сәйкес өткiзiледi.
Мұндай тауарлар Қазақстан Республикасы аумағында өткеру үшiн мiндеттi түрде таңбалауға жатқызылады.
10.4. Таңбаланбаған тауарлардың транзитi
Таңбаланбаған тауарларды өткiзу кезiнде транзиттiң кеден режимiне сәйкес тауарлар таңбалауға жатқызылмайды.
Таңбаланбаған тауарлар шекаралық Кеден органы депозитiне кедендiк төлемдердi төлеудi қамтамасыз ету сомалары салынған жағдайда ғана транзит режимiмен орналастырылуы мүмкiн.
10.5. Таңбаланбаған тауарлардың керi экспорты
Тауарлар кеден органына керi экспортқа тiкелей және толығымен арналған деп мәлiмделiнген жағдайда таңбалауға жатқызылмайды.
Керi экспорт режимiмен Қазақстан Республикасы кеден аумағына әкелiнген кезде терминалға жеткiзiлген және режимдi мәлiмдеу уақтысында осындай терминалда болған таңбаланбаған акцизделетiн тауарлар орналастырылуы мүмкiн.
Таңбаланбаған тауарларды керi экспорттау жөнiндегi кеден режимiне мәлiмдеген жағдайда Қазақстан Республикасы кеден аумағында өткеруге арналған тауарларды пайдалануға мүмкiндiк бермейтiн әдiспен Маркалар бүлдiруге жатқызылады.
10.6. Таңбаланбаған тауарларды уақытша әкелу (әкету)
Көрмелерде, жәрмеңкелерде, халықаралық кездесулерде және басқа iс-шараларда (әкелiнген (әкетiлген) тауарларды сату мақсатында өндiрiстiк және өзге коммерциялық қызмет атқарылатын орындардағы көрмелерден басқалары) осындай тауарлардың бiрен-саран даналары арқылы көрсету үшiн оларды уақытша әкелуден (әкетуден) басқа жағдайда таңбалауға жатқызылатын акцизделетiн тауарларды уақытша әкелуге (әкетуге) жол берiлмейдi.
10.7. Бажсыз сауда дүкенi
Таңбалауға жатқызылатын акцизделетiн тауарларды бажсыз сауда дүкенi кеден режимiмен орналастыру кезiнде Маркаларды таңбалау жүргiзiлмейдi.
Тауарлар бұл тауарлардың бажсыз сауда дүкенiнде сатылатынын растайтын арнайы этикеткалармен таңбалануға жатқызылады.
Арнайы этикеткалармен таңбалау тәртiбiн Кеден комитетi анықтайды.
10.8. Кеден қоймалары
Таңбалауға жатқызылатын акцизделетiн тауарлар осы Нұсқаудың 1.9.
тармағында көзделген кеден қоймасына осындай тауарларды орналастырған
жағдайда ғана кеден қоймасы режимiмен орналастырылуы мүмкiн.
10.9. Тауарлар экспорты
Шет елде шығарылған таңбаланған тауарларды экспорттау жөнiндегi кеден
режимiне мәлiмдеген жағдайда Маркалар Қазақстан Республикасы кеден
аумағында өткеруге арналған тауарларды пайдалануға мүмкiндiк бермейтiн
әдiспен бүлдiруге жатқызылады.
10.10. Осы Нұсқауда көрсетiлген талаптарды орындамаған адамдар
Қазақстан Республикасы кеден заңдарына сәйкес жауап бередi.
Қазақстан Республикасы Бас салық инспекциясының
Министрлер Кабинетi бастығы -
жанындағы Кеден Қазақстан Республикасы
комитетi Төрағасының Қаржы министрiнiң
мiндетiн атқарушы бiрiншi орынбасары
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 1 Қосымша
Таңбалауға жатқызылатын акцизделетiн тауарлардың
тiзбесi және кеден төлемдерiн төлеудi қамтамасыз
ету сомасын есептеу үшiн ставкалар
_________________________________________________________________
N |СЭҚ ТН бойынша | Тауардың атауы | Кеден төлемдерiн
п | тауар коды | |төл.қам.ставкал.
_________________________________________________________________
1 | 2 | 3 | 4
_________________________________________________________________
1. 2203 Ашытылған сыра
0,62 ЭКЮ/литр
Ескерту. Құтыдағыларынан басқалары
2. 2204 (2204 Таза жүзiм шараптары 2,67 ЭКЮ/литр
30 басқасы) күшейтiлгендерiн қосқанда
3. 2205 Өсiмдiк не жұпар иiстi 2,30 ЭКЮ/литр
экстраттары қосылған вермуттар
және басқа да таза жүзiм
шараптары
4. 2206 Басқа ашытылған сусындар (алма 1,43 ЭКЮ/литр
сидры, алмұрт сидры, перру)
бал сусыны)
5. 2207 Кемiнде 80 процент спиртi бар 4,96 ЭКЮ/литр
тазаланбаған этиль спиртi;
кез келген күштiлiктегi
тазаланған этиль спиртi және
өзге спирттiк iшiмдiктер
6. 2208 Кемiнде 80 процент спиртi бар 9,96 ЭКЮ/литр
тазаланбаған этиль спиртi;күштi
спирттiк iшiмдiктер, ликерлер
және өзге алкогольдiк iшiмдiктер;
сусындар әзiрлеуде қолданылатын
құрамдас спирттiк жартылай
өнiмдер
7. 220890530** Спирттелiнген шырынсулар 4,24 ЭКЮ/литр
220890730**
Ескерту.
Спирттелiнген шырынсулар дегенiмiз 0,5
процент көлемiндегi спирттiң концентрациясы
8. 2402 Сигарлар (ұштары кесiлген 9,29 ЭКЮ
сигарларды қосқанда), жұқа 1000 дана
сигарлар және темекi не оны
алмастыратындардан сигареттер
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
_____________________________бастығына
(кеден органының атауы)
тiркеу N ______________199__ж.________________________
(кеден органы толтырады)
Өтiнiш
акцизделетiн алым Маркаларын сатып алуға
_________________________________________________________________
(ұйымның толық атауы, ҚҰЖС коды, мекен-жайы, банк. деректерi)
_________________________________________________________________
_________________________________________________________________
акцизделетiн алым Маркаларын сатуды сұрайды:
_______________саны___________дана, сомасы____________________ЭКЮ
(марканың түрi)
_______________саны___________дана, сомасы____________________ЭКЮ
(марканың түрi)
_______________саны___________дана, сомасы____________________ЭКЮ
(марканың түрi)
жалпы сомасы__________________________________________________ЭКЮ
(жазумен)
Тауарларды сатып алуға қажеттi маркалардың көрсетiлген саны:
_________________________________________________________________
(тауарлардың номенклатурасы мен саны, темекi бұйымдары -
_________________________________________________________________
әр пачка түрiмен пачка және сигарет саны, арақ-шарап
_________________________________________________________________
бұйымдары - сыйымдылық түрiмен шөлмек саны)
_________________________________________________________________
Көрсетiлген тауарлар сыртқысаудалық келiсiмге сай
_____________ N ___________фирмасымен бiрге сатылып алынады және
_________________________________________________________________
(терминалдың мекен-жайы)
_________________________________________________________________
терминалына ұсынылатын болады.
Маркаларды сатып алуға ақша қаражаты акциздiк кеден бекетiнiң
шотына________________ N ______________құжатпен 1995 ж.__________
______________________сомасында салынады.
(жазумен)
"Акцизделетiн тауарларды таңбалаудың тәртiбi туралы" Нұсқаудың
ережелерiмен танысып отырмыз.
Ұйымның басшысы_____________________Т.Е.
Бас бухгалтерi______________________Т.Е.
(қолы)
М.О.
Акциздiк К/П қаражат
түскенi туралы белгiсi Акциздiк К/П кепiлдiк мiндеттеме
қабылдағаны туралы белгiсi
_______________________ ________________________________
кепiл берушiнiң атауы/деректерi
_______________________ ________________________________
(қамтамасыз ету сомасы, тауар
әкелудiң шектiк мерзiмi)
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы уақытша
Нұсқауға N 3а Қосымша
______________________________бастығына
(кеден органының атауы)
тiркеу N ______________199__ж ________________________
(кеден органы толтырады)
Өтiнiш
акцизделетiн алым Маркаларын сатып алуға
_________________________________________________________________
(ұйымның толық атауы, ҚҰЖС коды, мекен-жайы, банк. деректерi)
_________________________________________________________________
_________________________________________________________________
акцизделетiн алым Маркаларын сатуды сұрайды:
__________________саны______________дана, сомасы______________ЭКЮ
(марканың түрi)
__________________саны______________дана, сомасы______________ЭКЮ
(марканың түрi)
__________________саны______________дана, сомасы______________ЭКЮ
(марканың түрi)
жалпы сомасы__________________________________________________ЭКЮ
(жазумен)
Тауарларды сатып алуға қажеттi маркалардың көрсетiлген саны:
_________________________________________________________________
(тауарлардың номенклатурасы мен саны, темекi бұйымдары -
_________________________________________________________________
әр пачка түрiмен пачка және сигарет саны, арақ-шарап бұйымдары
_________________________________________________________________
сыйымдылық түрiмен шөлмек саны)
_________________________________________________________________
Көрсетiлген тауарлар сыртқысаудалық келiсiмге сай
________________ N ______________ұйыммен бiрге сатылып алынады
Тауар өндiрушi___________________________________________________
ТМД-ге қатысушы ел_______________________________________________
(елдiң атауы)
_________________________________________________________________
(терминалдың мекен-жайы)
_________________________________________________________________
және терминалына ұсынылатын болады.
Маркаларды сатып алуға ақша қаражаты акциздiк кеден бекетiнiң
шотына___________________N_______________құжатпен 1995 ж__________
___________________ сомасында салынады.
(жазумен)
"Акцизделетiн тауарларды таңбалаудың тәртiбi туралы" Нұсқаудың
ережелерiмен танысып отырмын.
Ұйымның басшысы_______________________Т.Е.
Бас бухгалтерi________________________Т.Е.
(қолы)
М.О.
Акциздiк К/П қаражат Акциздiк К/П кедендiк
түскенi туралы белгiсi ресiмдеудiң шектiк
мерзiмi туралы белгiсi
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 4 Қосымша
Таңбалауға жатқызылатын акциздiк тауарларды әкелетiн
ұйымдардың сыртқысаудалық операцияларының есеп журналы
_________________________________________________________________
Nо | ҚҰЖС | Тiркеу |Тапсырылған|Маркаларға|Марка.|кеден|ҚР КК
п/п|коды |нөмiрi, | маркалар |төлем құ.-|ларға |бекетi аударуға
| |Маркалар. |жатының | ақы |шотына төлем
| |ды сатып|___________|нөмiрi мен|сомасы|ақша |құжатының
| |алуға |Марка |саны|күнi | |қара.|нөмiрi
| |өтiнiш.-|түрi | | | |жаты |мен күнi
| |тiң күнi|серия.| | | |түскен
| | | сы | | | |күн |
_________________________________________________________________
1 | 2 | 3 | 4 | 5 | 6 | 7 | 8 | 9
_________________________________________________________________
_________________________________________________________________
Кепiл|Тауар.-| КЖД | КЖД | КЖД |Қайта.| Төлем | Кеден |ҚР КК
сома.|ларды |нөмiрiбойын.кеден |рылған|тапсырысы бекет |ақша
сы, |ресiм. | мен |ша |төлем |Марка.|инкасса |шотына |ауда.
банк |деудiң |күнi |тауар|дерi. |лар |тапсырысы ақша |төлем
дерек|шектiк | |саны |нiң |саны |нөмiрi |қараж. |құжатының
терi |мерзiмi| | |сомасы| |күнi өн.|түскен |нөмiрi,
| | | |(түрле| |алу |күнi |күнi
| | | |рi | | | |
| | | |бойынша | | |
_________________________________________________________________
10 | 11 | 12 | 13 | 14 | 15 | 16 | 17 | 18
_________________________________________________________________
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 5 Қосымша
_______________________________бастығына
(кеден органының атауы)
тiркеу N_______________199__ж.______________________
(кеден органы толтырады)
Мiндеттеме
тауарды әкелу туралы
_________________________________________________________________
(ұйымның толық атауы, ҚҰЖС коды, мекен-жайы, банк. деректерi)
_________________________________________________________________
_________________________________________________________________
199__ж. "__" _____________дейiнгi еркiн айналым үшiн шығарудың
кеден режимiне сәйкес таңбалауға жатқызылатын тауарларды
Қазақстан Республикасына iс жүзiнде _____________________________
(тауардың атауы)
_______________саны _____________________________________________
(тауарлардың саны)
әкелуге және ____________________________________________________
(терминалдың атауы)
орналастыруға
еркiн айналым үшiн шығарудың кеден режимiмен орналастырып, кеден
ресiмдеуiне ұсынуға және сол кеден режимiне көзделген тиесiлi кеден
төлемдерi мен салықтардың бәрiн төлеуге мiндеттенедi.
Жоғарыда аталған тауарлар үшiн кеден төлемдерiн төлеудi
қамтамасыз ету ретiнде мыналар ұсынылып отыр: (керектiсi
толтырылсын)
___________________________Банктiң 199_ж. "__" _________________
N________________________сомасында кепiлдiк мiндеттеме;
(жазумен)
- кеден органы депозитiне кеден төлемдерiн төлеудi қамтамасыз
ету үшiн салуға 199 ж. "___" ___________________сомасында
(жазумен) N____төлем құжаты (керексiз сызылып тасталынады)
Ұйымның басшысы__________________Т.Е.
бас бухгалтерi___________________Т.Е.
М.О.
Кеден органы лауазымды
адамның белгiсi
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 6 Қосымша
___________________________________бастығына
(кеден органының атауы)
199 ж "__" _______________________________Кепiлдiк мiндеттеме
_________________________________________________________________
(банк операцияларының кейбiр түрлерiн жүзеге асыратын банк
-----------------------------------------------------------------
не ұйымның толық атауы, ҚҰЖС коды, заңдық мекен-жайы, МФО, ҚР
-----------------------------------------------------------------
Ұлттық банкiсiнiң валюталық операцияларды жүргiзуге лицензиясының
-----------------------------------------------------------------
N , телекс, телефакс нөмiрi)
осымен_________________________________ кеден органына
(ұйымның атауы)
199 ж "____"
__________________ N тапсырыс бойынша сатылып алынған акцизделетiн алым
маркаларының санына сәйкес келетiн таңбалауға жатқызылатын тауарларды
көрсетпеген жағдайда не 199 ж "___" ______________дейiнгi мерзiмде
қолданылмаған не бүлiнген маркаларды қайтармаған
жағдайда___________________________________________жоғарыда белгiленген
(кепiлдiк мiндеттеме берген мекеменiң атауы)
мерзiмнен бастап 3 күн iшiнде ____________ көлемiнде кеден төлемдерiн
төлеудi қамтамасыз ету сомасын аударады, сонымен қатар осы кепiлдiк мiндеттеме қабылданған күннен бастап және тауарды ресiмдеу үшiн белгiленген осы мiндеттеменiң не қолданылмаған маркалардың мерзiмдерiн қосқанда күн сайын жылдықтың есептелген ____________ процентi сомасын
аударады.
Осы кепiл бойынша тиесiлi ақша қаражатын Банк төлемеген жағдайда Банк
кеден органдарына мерзiмi өткен әр күн сайын __________ % мөлшерiнде
өсiмдi қосқанда Банк шотынан есептен шығаруға рұқсат бередi.
Осы кепiлдiк мiндеттеме таңбалауға жатқызылатын тауарды кедендiк
ресiмдеу аяқталғанға дейiнгi кезең iшiнде не қолданылмаған маркалар
қайтарғанша не осы кепiлдiк мiндеттеме бойынша тиесiлi ақша қаражаты
есептен шығарылғанша қолданылады.
Осы кепiлдiк мiндеттеме кедендiк төлемдердi төлеу ұзартылса не бөлiп
төленiлсе төлеудi қамтамасыз ету ретiнде қолданылмайды.
Банк басқарушысы __________________________________
(Т.Е., қолы)
Бас бухгалтер __________________________________
(Т.Е., қолы)
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 7 Қосымша
___________________________________
(кеден органы)
Түбiртек
акцизделетiн алым Маркаларын сатып алуға
тiркеу N_____________199 ж____________________________________
(кеден органы толтырады)
________________________________________________________________
(ұйымның толық атауы, ҚҰЖС коды, мекен-жайы, банк. деректерi)
________________________________________________________________
________________________________________________________________
акцизделетiн алым Маркалары
_________________саны______________дана, сомасы_____________ЭКЮ
(марканың түрi)
_________________саны______________дана, сомасы_____________ЭКЮ
(марканың түрi)
_________________саны______________дана, сомасы_____________ЭКЮ
(марканың түрi)
жалпы сомасы________________________________________________ЭКЮ
(жазумен)
_______________________________________________________берiлдi
Маркаларды берген қызметкердiң қолы____________________
---------------------------------------------------------------
Алынды________________________________________________________
(лауазымы, тегi, есiмi, әкесiнiң аты-жөнi)
_______________________________________________________________
Сенiмхаттың N____________ 199__ж ____________________________
Төлқұжат сериясы________________N____________________берiлдi
_______________________________________________________________
199 ж. " "_____________________алдым. Қолы_________________
Кеден органының Алушы ұйымның
гербiлiк мөрiнiң орны мөрiнiң орны
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 8 Қосымша
Темекi бұйымдарын таңбалаудың ережелерi
Жұқа / тығыз жұқа пачка
------------------------
- Жоғарғы жазықтықта орналасу
Жоғарғы жазықтықты жабатын этикетканың мәтiнi не суретi пачканың
алдыңғы жазықтығының бағытына қарай бағдарлануы және ортасы бойынша
орналастырылуы тиiс (пачканың оң және сол жағынан, алдыңғы және артқы
қабырғаларынан бiрдей қашықтықта).
Бүктелмелi қақпағы бар пачка
----------------------------
- этикетка артқы жазықтықта орналасуы тиiс.
Қазақстан Республикасы
кеден аумағына әкелiнетiн
кейбiр акцизделетiн
тауарларды таңбалаудың
тәртiбi туралы Уақытша
Нұсқауға N 9 Қосымша
Арақ-шарап өнiмдерi мен спирттi таңбалаудың
ережелерi
Акцизделетiн алым Маркасы ыдыстың тығындайтын капсуласының үстiне оның мойнына дұрыс киiлетiндей болып желiмделiнедi.
Марканың орталық (елтаңбалық) бөлiгi қақпақтың (тығынның) ортасына орналасуы керек.
Желiмденген Марка ыдыстың iшiндегiсi босатылар алдында сөзсiз бүлiнуi керек.
Маркаларды желiмдеу үшiн қолданылатын желiм оның кеуiп кетуiн және Марканың ыдыстан аршылып түсуiн болдырмау үшiн жоғарғы және төменгi температураларға, ылғалдылықтың түрлi деңгейлерiне төзiмдi болуы керек; Марканы қайтадан қолдану үшiн ыдысты ашарда бүлiнген Марканы бүтiндеу мүмкiндiгiне жол бермеудi қамтамасыз етуi керек.
Таңбалауға керектi желiмге талаптарды сақтауға жауапкершiлiк тауарларды импорттаушыға жүктеледi.
Осы талаптар орындалмаған жағдайда кеден органдары Қазақстан Республикасы аумағында тауарларды шығармауға құқылы.
