Қазақстан Республикасының Үкіметі ҚАУЛЫ ЕТЕДІ:
"Қазақстан Республикасының кейбір заңнамалық актілеріне ақпарат және коммуникациялар мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
|
Қазақстан Республикасының Премьер-Министрі |
Б. Сағынтаев |
| Жоба |
ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының кейбір заңнамалық актілеріне ақпарат және коммуникациялар мәселелері бойынша өзгерістер мен толықтырулар енгізу туралы
1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 2008 жылғы 4 желтоқсандағы Қазақстан Республикасының Бюджет кодексіне (Қазақстан Республикасы Парламентінің Жаршысы, 2008 ж., № 21, 93-құжат; 2009 ж., № 23, 112-құжат; № 24, 129-құжат; 2010 ж., № 5, 23-құжат; № 7, 29, 32-құжаттар; № 15, 71-құжат; № 24, 146, 149, 150-құжаттар; 2011 ж., № 2, 21, 25-құжаттар; № 4, 37-құжат; № 6, 50-құжат; № 7, 54-құжат; № 11, 102-құжат; № 13, 115-құжат; № 15, 125-құжат; № 16, 129-құжат; № 20, 151-құжат; № 24, 196-құжат; 2012 ж., № 1, 5-құжат; № 2, 16-құжат; № 3, 21-құжат; № 4, 30, 32-құжаттар; № 5, 36, 41-құжаттар; № 8, 64-құжат; № 13, 91-құжат; № 14, 94-құжат; № 18-19, 119-құжат; № 23-24, 125-құжат; 2013 ж., № 2, 13-құжат; № 5-6, 30-құжат; № 8, 50-құжат; № 9, 51-құжат; № 10-11, 56-құжат; № 13, 63-құжат; № 14, 72-құжат; № 15, 81, 82-құжаттар; № 16, 83-құжат; № 20, 113-құжат; № 21-22, 114-құжат; 2014 ж., № 1, 6-құжат; № 2, 10, 12-құжаттар; № 4-5, 24-құжат; № 7, 37-құжат; № 8, 44-құжат; № 11, 63, 69-құжаттар; № 12, 82-құжат; № 14, 84, 86-құжаттар; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; 2015 ж., № 2, 3-құжат; № 11, 57-құжат; № 14, 72-құжат; № 15, 78-құжат; № 19-I, 100-құжат; № 19-II, 106-құжат; № 20-IV, 113-құжат; № 20-VII, 117-құжат; № 21-I, 121, 124-құжаттар; № 21-II, 130, 132-құжаттар; № 22-I, 140, 143-құжаттар; № 22-II, 144-құжат; № 22-V, 156-құжат; № 22-VI, 159-құжат; № 23-II, 172-құжат; 2016 ж., № 7-II, 53-құжат; № 8-I, 62-құжат, № 12,87-құжат, № 22, 116-құжат; № 23, 119-құжат; № 24, 126-құжат):
1) 154-1-баптың 4-тармағы мынадай мазмұндағы екінші бөлікпен толықтырылсын:
"Ақпараттандырудың сервистік моделі бойынша мемлекеттік-жекешелік әріптестік жобаларын жоспарлау осы Кодекстің 154-2, 154-3, 154-4-баптарының нормалары қолданылмай, Қазақстан Республикасының ақпараттандыру саласындағы заңнамасына сәйкес жүзеге асырылады.";
2) 162-баптың 2-тармағы мынадай редакцияда жазылсын:
"2. Қазақстан Республикасы Үкiметiнің мемлекеттік-жекешелік әріптестік жобалары бойынша мемлекеттік міндеттемелерді, оның ішінде мемлекеттік концессиялық міндеттемелерді қабылдауын бюджеттi атқару жөнiндегi орталық уәкiлеттi орган тиісінше әрбiр жеке ерекше маңызды мемлекеттік-жекешелік әріптестік жоба, оның ішінде ерекше маңызды концессиялық жоба бойынша – тиісті бюджет комиссиясының шешiм негiзiнде, мемлекеттік-жекешелік әріптестіктің өзге де жобалары, оның ішінде концессиялық жобалар бойынша оң шешімі негізінде жүзеге асырады.";
Мемлекеттік-жекешелік әріптестік жобасын аса маңызды мемлекеттік-жекешелік әріптестік жобасына жатқызу өлшемшарттарын мемлекеттік жоспарлау жөніндегі уәкілетті орган бекітеді.
2. 2008 жылғы 10 желтоқсандағы "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) (Қазақстан Республикасы Парламентінің Жаршысы, 2008 ж., № 22-I, 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар; № 11, 58-құжат; № 15, 71-құжат; № 17-18, 112-құжат; № 22, 130, 132-құжаттар; № 24, 145, 146, 149-құжаттар; 2011 ж., № 1, 2, 3-құжаттар; № 2, 21, 25-құжаттар; № 4, 37-құжат; № 6, 50-құжат; № 11, 102-құжат; № 12, 111-құжат; № 13, 116-құжат; № 14, 117-құжат; № 15, 120-құжат; № 16, 128-құжат; № 20, 151-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 11, 15-құжаттар; № 3, 21, 22, 25, 27-құжаттар; № 4, 32-құжат; № 5, 35-құжат; № 6, 43, 44-құжаттар; № 8, 64-құжат; № 10, 77-құжат; № 11, 80-құжат; № 13, 91-құжат; № 14, 92-құжат; № 15, 97-құжат; № 20 121-құжат; № 21-22, 124-құжат; № 23-24, 125-құжат; 2013 ж., № 1, 3-құжат; № 2, 7, 10-құжаттар; № 3, 15-құжат; № 4, 21-құжат; № 8, 50-құжат; № 9, 51-құжат; № 10-11, 56-құжат; № 12, 57-құжат; № 14, 72-құжат; № 15, 76, 81, 82-құжаттар; № 16, 83-құжат; № 21-22, 114, 115-құжаттар; № 23-24, 116-құжат; 2014 ж., № 1, 9-құжат; № 4-5, 24-құжат; № 7, 37-құжат; № 8, 44, 49-құжаттар; № 10, 52-құжат; № 11, 63, 64, 65, 69-құжаттар; № 12, 82-құжат; № 14, 84-құжат; № 16, 90-құжат; № 19-I, 19-II, 96-құжат; № 21, 122-құжат; № 22, 128, 131-құжаттар; № 23, 143-құжат; № 24, 145-құжат; 2015 ж., № 7, 34-құжат; № 8, 44, 45-құжаттар; № 11, 52-құжат; № 14, 72-құжат; № 15, 78-құжат; № 19-I, 99, 100, 101-құжаттар; № 20-I, 110-құжат; № 20-IV, 113-құжат; № 20-VII, 115, 119-құжаттар; № 21-I, 124-құжат; № 21-II, 130-құжат; № 21-III, 136, 137-құжаттар; № 22-I, 140, 143-құжаттар; № 22-II, 144, 145-құжаттар; № 22-III, 149-құжат; № 22-V, 156, 158-құжаттар; № 22-VI, 159-құжат; № 22-VII, 161-құжат; № 23-I, 169-құжат; 2016 ж., № 1, 4-құжат; № 6, 45-құжат; № 7-II, 53, 55, 57-құжаттар; № 8-I, 62-құжат; № 8-II, 66, 72-құжаттар; № 12, 87-құжат; № 22, 116-құжат; № 24, 124-құжат):
514-баптың 2-тармағында:
7-жол мынадай редакцияда жазылсын:
"
7. | Ұялы байланыс (қабылдауға енi 1 МГц/беруге 1 МГц жиiлiк белдеуi үшiн) | облыс, Астана, Алматы қалалары | 2300 |
";
7-1-жол алып тасталсын.
3. 2014 жылғы 5 шілдедегі Қазақстан Республикасының Әкімшілік құқық бұзушылық туралы кодексіне (Қазақстан Республикасы Парламентінің Жаршысы, 2014 ж., № 18-I, 18-II, 92-құжат; № 21, 122-құжат; № 23, 143-құжат; № 24, 145, 146-құжаттар; 2015 ж., № 1, 2-құжат; №2, 6-құжат; № 7, 33-құжат; № 8, 44, 45-құжаттар; № 9, 46-құжат; № 10, 50-құжат; № 11, 52-құжат; № 14, 71-құжат; № 15, 78-құжат; № 16, 79-құжат; № 19-I, 101-құжат; № 19-II, 102, 103, 105-құжаттар; № 20-IV, 113-құжат; № 20-VII, 115-құжат; № 21-I, 124, 125-құжаттар; № 21-II, 130-құжат; № 21-ІІІ, 137-құжат; № 22-І, 140, 141, 143-құжаттар; № 22-ІI, 144, 145, 148-құжаттар; № 22-ІІІ, 149-құжат; № 22-V, 152, 156, 158-құжаттар; № 22-VI, 159-құжат; № 22-VII, 161-құжат; № 23-I, 166, 169-құжаттар; № 23-II, 172-құжат; 2016 ж., № 1, 4-құжат; № 2, 9-құжат; № 6, 45-құжат; № 7-I, 49, 50-құжат; № 7-II, 53, 57-құжаттар; № 8-I, 62, 65-құжаттар; № 8-II, 66, 67, 68, 70, 72-құжаттар; № 12, 87-құжат; № 22, 116-құжат; № 23, 118-құжат; № 24, 124, 126, 131-құжаттар, 2017 ж., № 1-2, 3-құжат):
1) мазмұнында:
692-1-баптың тақырыбы мынадай редакцияда жазылсын:
"692-1-бап. Ақпарат саласындағы уәкілетті орган және оның аумақтық бөлімшелері";
2) 451-бап мынадай мазмұндағы төртінші және бесінші бөліктермен толықтырылсын:
"4. Қазақстан Республикасы заңнамасының талаптарын бұза отырып, бұқаралық ақпарат құралдарында немесе телекоммуникациялар желілері арқылы құқыққа қарсы әрекеттердің (әрекетсіздіктің) нәтижесінде зардап шеккен бала туралы ақпаратты тарату –
жеке тұлғаларға – бес, лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға – жиырма бес, орта кәсіпкерлік субъектілеріне – елу, iрi кәсiпкерлiк субъектiлерiне жүз айлық есептiк көрсеткiш мөлшерiнде айыппұл салуға әкеп соғады.
5. Осы баптың төртінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер –
жеке және лауазымды адамдарға – елу, шағын кәсiпкерлiк субъектiлерiне немесе коммерциялық емес ұйымдарға – елу, орта кәсiпкерлiк субъектiлерiне –жүз, iрi кәсiпкерлiк субъектiлерiне – екі жүз айлық есептік көрсеткіш мөлшерiнде айыппұл салуға әкеп соғады.";
3) 452-баптың алтыншы бөлігі мынадай редакцияда жазылсын:
"6. Осы баптың бесінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет –
лауазымды адамдарға – жүз, заңды тұлғаларға екі жүз айлық есептік көрсеткіш мөлшерiнде айыппұл салуға әкеп соғады.";
4) 454-бап мынадай редакцияда жазылсын:
"454-бап. Мерзiмдi баспасөз басылымдарының, теле- және радиохабарлар материалдарын тiркеудiң, сақтаудың мiндеттi тегiн даналарын беру тәртiбiн бұзу
1. Мерзiмдi баспасөз басылымдарының, сондай-ақ теле- және радиохабарлар материалдарын тiркеу мен сақтаудың мiндеттi тегiн даналарын бермеу –
ескерту жасауға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер –
заңды тұлғаға жиырма айлық есептiк көрсеткiш мөлшерiнде айыппұл салуға әкеп соғады.";
5) 455-бапта:
төртінші бөлік мынадай редакцияда жазылсын:
"4. Осы баптың бірінші, екінші және үшінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер –
жеке тұлғаларға – жүз елу, лауазымды адамдарға – жүз жетпіс, шағын кәсiпкерлiк субъектiлерiне немесе коммерциялық емес ұйымдарға – екі жүз, орта кәсіпкерлік субъектілеріне – үш жүз, ірі кәсіпкерлік субъектілеріне алты жүз айлық есептік көрсеткіш мөлшерінде айыппұл салуға әкеп соғады.";
6) 456-бап мынадай редакцияда жазылсын:
"456-бап. Шығарылым деректерiн хабарлау тәртiбiн бұзу
1. Белгiленген шығарылым деректерiнсiз мерзiмдi баспасөз басылымын шығару, ақпараттық агенттiктің немесе желілік басылымның хабарлары мен материалдарын тарату, өз атауын хабарламай, сол сияқты анық емес не көрiнеу жалған шығарылым деректерiмен теле-, радиоарналардың эфирге шығуы –
он айлық есептiк көрсеткiш мөлшерiнде айыппұл салуға әкеп соғады.
2. Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер –
жиырма айлық есептiк көрсеткiш мөлшерiнде айыппұл салуға әкеп соғады.";
7) 637-бапта:
бірінші бөлікте:
6), 9-1), 9-2) тармақшалар алып тасталсын;
он үшінші бөлік мынадай редакцияда жазылсын:
"13. Осы баптың он екiншi бөлiгiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер –
жеке тұлғаларға – он, лауазымды адамдарға, дара кәсiпкерлерге – қырық, шағын кәсiпкерлiк субъектiлерiне немесе коммерциялық емес ұйымдарға – отыз, орта кәсіпкерлік субъектілеріне – алпыс, iрi кәсiпкерлiк субъектiлерiне жүз айлық есептiк көрсеткiш мөлшерiнде айыппұл салуға әкеп соғады.";
8) 684-баптың бірінші бөлігі мынадай редакцияда жазылсын:
"1. Мамандандырылған аудандық және оларға теңестiрiлген әкiмшiлiк соттардың судьялары, осы баптың үшiншi бөлiгiнде көзделген жағдайларды қоспағанда, осы Кодекстiң 73, 74, 75 (бірінші, екiншi, бесінші және алтыншы бөлiктерiнде), 76, 77, 78, 79, 80 (төртiншi бөлiгiнде), 81 (екiншi бөлiгiнде), 82 (екiншi бөлiгiнде), 82-1, 85, 86 (төртiншi бөлiгiнде), 99, 100, 101, 102, 103, 104, 105, 106, 107, 108, 109, 110, 111, 112, 113, 114, 115, 116, 117, 118, 119, 120, 121, 122, 123, 124, 125, 126, 139 (екiншi бөлiгiнде), 145, 149, 150, 151 (екiншi бөлiгiнде), 153, 154, 158, 159, 160 (екiншi бөлiгiнде), 169 (екiншi, жетінші, оныншы, он бірінші, он екінші, он үшінші және он төртінші бөліктерінде), 170 (жетінші, тоғызыншы, оныншы, он бірінші және он екінші бөліктерінде), 171, 173, 174 (екiншi бөлiгiнде), 175, 175-1, 176, 182, 183, 184, 185, 187 (екінші, үшінші, төртінші және бесінші бөліктерінде), 189, 190 (екінші, үшінші және төртінші бөліктерінде), 191, 193 (екiншi және үшінші бөлiктерiнде), 199 (екiншi бөлiгiнде), 200, 211 (бірiншi бөлiгiнде), 214, 216, 219, 233 (үшiншi бөлiгiнде), 235, 236, 237, 239-1, 245, 246, 246-1 (бұл бұзушылықтарға квазимемлекеттік сектор субъектілеріне арнайы мақсаттағы аудит жүргізу кезінде жол берілгенде), 247 (алтыншы, тоғызыншы, он бірінші бөліктерінде), 251, 252 (екiншi бөлiгiнде), 281 (төртінші, бесінші және алтыншы бөліктерінде), 282 (үшіншi, төртінші, алтыншы, жетінші, тоғызыншы, он бірінші және он үшінші бөлiктерiнде), 283, 294 (бірінші және екінші бөліктерінде), 296 (екiншi бөлiгiнде), 299 (екінші бөлігінде), 310, 311, 312 (екiншi бөлiгiнде), 313, 314, 316 (екiншi бөлiгiнде), 317 (төртінші бөлiгiнде), 317-1 (екінші бөлігінде), 317-2 (екінші бөлігінде), 319, 320 (бірінші, екінші үшінші және төртінші бөліктерінде), 326 (үшінші және төртінші бөліктерінде), 333 (екiншi бөлiгiнде), 356 (он төртінші бөлігінде), 357, 360 (бірiншi бөлiгiнде), 382 (екiншi және үшінші бөлiктерiнде), 383 (үшінші және төртінші бөліктерінде), 385 (екiншi бөлiгiнде), 389, 392 (үшiншi бөлiгiнде), 395 (екiншi бөлiгiнде), 396 (екiншi бөлiгiнде), 397 (төртiншi бөлiгiнде), 398, 399 (екінші және үшінші бөліктерінде), 400 (екiншi бөлiгiнде), 401 (алтыншы және жетінші бөліктерінде), 402 (төртінші бөлігінде), 404 (тоғызыншы бөлiгiнде), 405 (бірiншi бөлiгiнде), 407 (екiншi және үшінші бөлiктерiнде), 409 (жетінші бөлігінде), 410-1, 413, 414, 415 (екiншi бөлiгiнде), 416, 417 (бірінші және алтыншы бөліктерінде), 419 (екiншi бөлiгiнде), 422, 423 (екiншi бөлiгiнде), 424 (үшінші және бесінші бөліктерінде), 425 (екiншi бөлiгiнде), 426 (екінші және үшінші бөліктерінде), 427, 433 (екiншi бөлiгiнде), 434, 436, 439, 440 (төртінші және бесінші бөліктерінде), 443 (екінші бөлігінде), 444 (бірінші бөлігінде), 445, 445-1, 446, 449 (екiншi және үшінші бөліктерінде), 450, 451 (бірінші, екiншi және үшінші бөліктерінде) 452 (үшінші және төртiншi бөліктерінде), 453, 456-1, 461, 462, 463, 464 (екiншi бөлiгiнде), 465, 467, 469 (екiншi бөлiгiнде), 470 (екiншi бөлiгiнде), 476, 477, 478, 479, 480, 481, 482, 483, 485 (екiншi бөлiгiнде), 488, 489 (екінші, үшінші, төртінші, бесінші, алтыншы, жетінші және сегізінші бөліктерінде), 489-1, 490, 495 (екiншi бөлiгiнде), 496 (екiншi бөлiгiнде), 498, 506, 507, 508, 509, 512 (екiншi бөлiгiнде), 513 (екiншi бөлiгiнде), 514 (екiншi бөлiгiнде), 516, 517 (екінші, төртінші, бесінші, алтыншы және жетінші бөліктерінде), 528 (бірінші бөлiгiнде), 532, 541, 543 (бірінші және үшінші бөліктерінде), 544, 545, 548 (екiншi бөлiгiнде), 549, 550, 551 (екiншi бөлiгiнде), 552 (екiншi бөлiгiнде), 563 (екiншi бөлiгiнде), 564 (бесiншi бөлiгiнде), 569 (бірінші, екінші және төртінші бөліктерінде), 583 (екiншi бөлiгiнде), 590 (төртiншi бөлiгiнде), 596 (үшінші және бесінші бөліктерінде), 603 (бірінші және екінші бөліктерінде), 604 (екiншi бөлiгiнде), 605 (екiншi бөлiгiнде), 606 (екiншi бөлiгiнде), 607 (екiншi бөлiгiнде), 608, 610, 611 (екінші және үшінші бөліктерінде), 613 (бірінші, екінші, үшінші, төртінші, бесінші, алтыншы, жетінші, сегізінші, тоғызыншы, оныншы және он бірінші бөліктерінде), 615 (төртiншi бөлiгiнде), 618, 621 (үшiншi бөлiгiнде), 636 (екiншi бөлiгiнде), 637 (сегізінші, тоғызыншы, оныншы және он үшінші бөліктерінде), 638 (екiншi бөлiгiнде), 651, 652, 653, 654, 655, 656, 657, 658, 659, 660, 661, 662, 664, 665, 666, 667, 668, 669, 673, 674, 675, 676, 677, 678, 679, 680, 681-баптарында көзделген әкiмшiлiк құқық бұзушылық туралы iстердi қарайды.";
9) 692-1-баптың тақырыбы және бірінші бөлігі жаңа редакцияда жазылсын:
"692-1-бап. Ақпарат саласындағы уәкілетті орган және оның аумақтық бөлімшелері
1. Ақпарат саласындағы уәкілетті орган осы Кодекстің 451 (төртінші және бесінші бөліктерінде), 452 (бірінші, екінші, бесінші, алтыншы, жетінші, сегізінші, тоғызыншы және оныншы бөліктерінде), 454, 455, 456-баптарында көзделген әкімшілік құқық бұзушылықтар туралы істерді қарайды.";
10) 804-баптың бірінші бөлігінің 62) тармақшасы мынадай редакцияда жазылсын:
"62) ақпарат саласындағы уәкілетті орган (451-баптың бірінші, екінші және үшінші бөліктерінде), 452 (үшінші және төртінші бөліктерінде);";
11) 900-баптың төртінші бөлігі алып тасталсын;
12) 903-бап алып тасталсын.
4. 2015 жылғы 29 қазандағы Қазақстан Республикасының Кәсіпкерлік кодексіне (Қазақстан Республикасы Парламентінің Жаршысы, 2015 ж., № 20-ІІ, 20-ІІІ, 112-құжат 2016ж.; № 1, 4-құжат; № 6, 45-құжат; № 7-II, 55-құжат; № 8-I, 62, 65-құжаттар; № 8-II, 72-құжат; № 12, 87-құжат; № 23, 118-құжат; № 24, 124, 126-құжаттар):
1) 120-бап мынадай мазмұндағы 1-1, 1-2, 1-3, 1-4 және 1-5-тармақтармен толықтырылсын:
"1-1. Мемлекеттік монополия субъектілері тауарларының, жұмыстарының, көрсетілетін қызметтерінің бағаларына сараптама жүргізу мерзімі хабарлама немесе ақпарат қарауға түскен кезден бастап күнтізбелік тоқсан күннен аспауы тиіс. Мемлекеттік монополия субъектілері тауарларының, жұмыстарының, көрсетілетін қызметтерінің бағаларына сараптама жүргізудің жалпы мерзімі күнтізбелік жүз жиырма күннен аспауы тиіс.
1-2. Монополияға қарсы орган хабарламаны қарау барысында мемлекеттік монополия субъектісінен қосымша мәліметтер және (немесе) шешім қабылдау үшін қажетті құжаттарды бес жұмыс күнінен кем емес мерзімдерде сұратуға құқылы.
1-3. Мемлекеттік монополия субъектілеріне тиісті қосымша мәліметтер және (немесе) құжаттарды ұсынғанға дейін қосымша мәліметтерді және (немесе) құжаттарды ұсыну кезеңінде хабарламаны қарау мерзімі тоқтатылады.
1-4. Мемлекеттік монополия субъектілері қосымша мәліметтерді және (немесе) құжаттарды ұсынғаннан кейін монополияға қарсы орган сараптама жүргізуді қайта бастайды. Сараптама жүргізуді қайта бастаған күннен бастап қарау мерзімі жалғастырылады.";
2) 193-бап мынадай мазмұндағы 5-1-тармақпен толықтырылсын:
"5-1. Тауарды өндірумен технологиялық байланысты қызмет түрлерінің тізбесін монополияға қарсы органмен келісу бойынша мемлекеттік басқарудың тиісті саласына (аясына) басшылықты жүзеге асыратын мемлекеттік орган бекітеді.
Монополияға қарсы органның құқықтық актінің жобасын қарау мерзімі оны қарауға қабылдаған уақыттан бастап күнтізбелік отыз күннен аспауы тиіс.".
5. "Авторлық құқық және сабақтас құқықтар туралы" 1996 жылғы 10 маусымдағы Қазақстан Республикасының Заңына (Қазақстан Республикасы Парламентінің Жаршысы, 1996 ж., № 8-9, 237-құжат; 2004 ж., № 17, 100-құжат; 2005 ж., № 21-22, 87-құжат; 2007 ж., № 20, 152-құжат; 2009 ж., № 15-16, 75-құжат; 2012 ж., № 2, 13-құжат; № 3, 25-құжат; № 15, 97-құжат; № 21-22, 124-құжат; 2014 ж., № 19-I, 19-II, 96-құжат; 2015 ж., № 7, 34-құжат, № 22-V, 156-құжат):
40-баптың 2-тармағының 2) тармақшасы мынадай редакцияда жазылсын:
"2) жалпы жұрт назарына жеткiзу үшiн хабарды телекоммуникация желілері бойынша, оның ішінде кабельдік хабар таратудың басқа да ұйымдарына хабарлауды немесе хабарды эфирге берудi;".
6. "Бұқаралық ақпарат құралдары туралы" 1999 жылғы 23 шілдедегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 21, 771-құжат; 2001 ж., № 10, 122-құжат; 2003 ж., № 24, 175-құжат; 2005 ж., № 13, 53-құжат; 2006 ж., № 1, 5-құжат; № 3, 22-құжат; № 12, 77-құжат; 2007 ж., № 12, 88-құжат; 2009 ж., № 2-3, 7-құжат; № 15-16, 74-құжат; 2010 ж., № 5, 23-құжат; № 22, 130-құжат; 2011 ж., № 1,2-құжат; № 11, 102-құжат; 2012 ж., № 2, 13-құжат; № 3, 25-құжат; № 15, 97-құжат; 2013 ж., № 1, 2-құжат; № 10-11, 56-құжат; № 14, 75-құжат; 2014 ж., № 2, 11-құжат; № 10, 52-құжат; № 14, 84-құжат, 2015 ж., № 20-IV, 113-құжат; № 22-V, 156-құжат; 2016 ж., № 6, 45-құжат; № 23,118-құжат):
1) 1-баптың 13) тармақшасы мынадай редакцияда жазылсын:
"13) ресми хабар – "Ақпаратқа қол жеткізу туралы" Қазақстан Республикасының Заңына сәйкес белгіленген ақпарат иеленушінің бұқаралық ақпарат құралдары арқылы беретін және (немесе) тарататын ақпараты;";
2) 2-бапта:
3 және 4-тармақтар мынадай редакцияда жазылсын:
"3. Мемлекеттiк құпияны немесе заңмен қорғалатын өзге де құпияны құрайтын мәлiметтердi жария eтуге, экстремизмді немесе терроризмдi насихаттауға және ақтауға, терроризмге қарсы операцияларды жүргiзу кезеңінде олардың техникалық тәсiлдерi мен тактикасын ашатын ақпаратты таратуға, есірткі, психотроптық заттарды, сол тектестер мен прекурсорларды, сондай-ақ қатыгездікті, зорлық-зомбылықты және порнографияны насихаттауға тыйым салынады.
4. Бұқаралық ақпарат құралдарын қылмыстық және әкімшілік құқық бұзушылықтар жасау мақсатында пайдалануға тыйым салынады.";
мынадай мазмұндағы ескертпемен толықтырылсын:
"Ескертпе. Осы Заңның мақсаты үшін насихаттау деп осы Заңда тыйым салынған ақпарат және (немесе) шектеусіз адамдар тобының қоғамдық оң пікірді қалыптастыру үшін құқыққа қарсы әрекет жасауға ниеті және (немесе) әрекетсіздігі, оның ішінде әдейі бұрмаланған көзқарас, фактілер, дәлелдер және өзге де ақпараттарды бұқаралық ақпарат құралдарында таратуы түсініледі.";
3) мынадай мазмұндағы 2-1-баппен толықтырылсын:
"2-1-бап. Бұқаралық ақпарат құралдары қызметінің қағидаттары
Бұқаралық ақпарат құралдары қызметінің негізгі қағидаттары:
1) объективтілік;
2) заңдылық;
3) анықтық;
4) азаматтардың жеке өмірін, ар-намысын, қадір-қасиетін құрметтеу.";
4) 4-3-бапта:
тақырыбы және бірінші абзац мынадай редакцияда жазылсын:
"4-3 бап. Уәкілетті органның және оның аумақтық бөлімшелерінің құзыреті
1. Уәкілетті орган:";
мынадай мазмұндағы 12-1) және 12-2) тармақшалармен толықтырылсын:
"12-1) бұқаралық ақпарат құралдарымен өзара іс-қимыл жөніндегі уәкілетті адамның (бөлімшенің) үлгілік ережесін бекітеді;
"12-2) бұқаралық ақпарат құралдарымен өзара іс-қимыл жөніндегі уәкілетті адамның (бөлімшенің) уәкілетті органмен өзара іс-қимыл тәртібін бекітеді;";
13-3) тармақша мынадай редакцияда жазылсын:
"13-3) мерзімді баспасөз басылымдарының міндетті тегін даналарының электрондық архивін қалыптастыру қағидаларын бекітеді;"
мынадай мазмұндағы 14-1) тармақшамен толықтырылсын:
"14-1) Қазақстан Республикасының бұқаралық ақпарат құралдары саласындағы заңнамасы талаптарының бұзылуы анықталған кезде нұсқамалар береді;";
мынадай мазмұндағы 2-тармақпен толықтырылсын:
"2. Уәкілетті органның аумақтық бөлімшелері:
1) тиісті әкімшілік-аумақтық бірлікте Қазақстан Республикасының бұқаралық ақпарат құралдары саласындағы заңнамасы талаптарының орындалуына мемлекеттік бақылауды жүзеге асырады;
2) Қазақстан Республикасының тиісті әкімшілік-аумақтық бірлігі шегінде таратылатын бұқаралық ақпарат құралдарының мониторингін жүзеге асырады;
3) Осы Заңда, Қазақстан Республикасының өзге заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.";
5) 4-5-баптың 3-тармағы мынадай редакцияда жазылсын:
"3. Уәкілетті орган және оның аумақтық бөлімшелері Қазақстан Республикасының бұқаралық ақпарат құралдары туралы заңнамасының сақталуына мемлекеттiк бақылауды тексеру нысанында және өзге де нысандарда жүзеге асырады.";
6) 5-баптың 1-тармағының төртінші бөлігі мынадай редакцияда жазылсын:
"Бұл талаптар интернет-ресурстарға қолданылмайды.";
7) 10-бапта:
1-тармақ мынадай редакцияда жазылсын:
"1. Қазақстан Республикасының аумағында әрекет ететін мерзімді баспасөз басылымдары, ақпараттық агенттіктер міндетті түрде есепке қойылуға жатады.
Интернет-ресурсты желілік басылым ретінде есепке қою ерікті тәртіпте жүзеге асырылады.";
5-тармақ мынадай мазмұндағы бесінші абзацпен толықтырылсын:
"Меншік иесінің немесе соттың шешімі бойынша мерзімді баспасөз басылымын, ақпараттық агенттікті немесе желілік басылымды есепке қою туралы куәліктің күші жойылды деп танылған жағдайда бұқаралық ақпарат құралын шығару тоқтатылады.";
8) 13-баптың 1, 2 және 3-тармақтары мынадай редакцияда жазылсын:
"1. Уәкілетті органда есепке қойылған бұқаралық ақпарат құралының өнімін шығару не тарату меншік иесінің немесе соттың шешімі бойынша тоқтатыла тұруы не тоқтатылуы мүмкін.
2. Тоқтата тұру деп басылымдардың бiр немесе бiрнеше нөмiрiнiң шығарылуын, теле-, радиобағдарламалардың, теле-, радиоарналардың эфирге шығуын, желілік басылымның қызметін, сондай-ақ бұқаралық ақпарат құралының өнімін таратуды тоқтата тұруға негіз болған себепті жойғанға дейін уақытша тоқтата тұру түсiнiледi.
Бұқаралық ақпарат құралын шығаруды не бұқаралық ақпарат құралының өнiмiн таратуды тоқтата тұруға үш айдан аспайтын мерзiмге жол берiледi.
3. Мемлекеттiк құпияларды құрайтын мәлiметтердi немесе заңмен қорғалатын өзге де құпияны жария ету, суицидті насихаттайтын, терроризмге қарсы операцияларды жүргiзу кезеңiнде олардың техникалық тәсiлдерi мен тактикасын ашатын ақпаратты тарату, есірткі, психотроптық заттарды, сол тектестер мен прекурсорларды насихаттау, қатыгездiк пен зорлық-зомбылықты, әлеуметтiк, нәсiлдiк, ұлттық, дiни, тектiк-топтық және рулық басымдықты насихаттау немесе үгiттеу, порнографиялық және арнайы жыныстық-эротикалық сипаттағы теле-, радиобағдарламаларды, теле-, радиоарналарды тарату, сондай-ақ кино және бейнеөнімдерді көрсету, бұқаралық ақпарат құралын сайлау алдындағы үгiт жүргiзу, шетелдiктердiң, азаматтығы жоқ адамдардың, шетелдiк заңды тұлғалардың және халықаралық ұйымдардың кандидаттарды, партиялық тiзiмiн ұсынған саяси партияларды ұсынуға және сайлауға, сайлауда белгiлi бiр нәтижеге қол жеткiзуге кедергi болатын және (немесе) ықпал ететiн қызметтi жүзеге асыру шарттарын бұзу, үгiтке тыйым салынған кезеңде оны жүргiзу, ереуiлге қатысуға немесе қатысудан бас тартуға мәжбүрлеу, Қазақстан Республикасының бейбiт жиналыстарды, митингiлердi, шерулердi, тосқауылдар мен демонстрацияларды ұйымдастыру және өткiзу тәртiбi туралы, интернет желісіндегі авторлық құқық және сабақтас құқықтар туралы заңнамасын бұзу мақсатында пайдалану, сондай-ақ осы Заңның 10-бабының 6-тармағында көзделген талаптарды бұзу заңда белгiленген тәртiппен бұқаралық ақпарат құралының шығарылуын не бұқаралық ақпарат құралы өнiмiнiң таратылуын тоқтата тұруға негiз болып табылады.";
9) 14-бапта:
мынадай мазмұндағы 1-1-тармақпен толықтырылсын:
"1-1. Бұқаралық ақпарат құралдарына бұқаралық ақпарат құралдарының өнімдерін дайындау, жариялау, ойнату және тарату кезінде мынадай жағдайларда:
1) егер осы адам ойын-сауық мәдени-бұқаралық, мәдениет саласында әлеуметтік маңызы бар, спорттық-бұқаралық іс-шараларға, жиналыстарға, митингтерге, шерулерге немесе демонстрацияларға және өзге де көпшілік алдында сөз сөйлейтін іс-шараларға қатысса;
2) егер таратылатын ақпаратта адамның бейнесі және осы адамның қызметтік және (немесе) жария қызметі туралы мәліметтер қамтылса;
3) егер бейнеленетін адам қоғам мүддесі үшін пайдаланылатын болса, бейнеленетін адамның келісімі талап етілмейді.";
мынадай мазмұндағы 3-4 тармақпен толықтырылсын:
"3-4. Бұқаралық ақпарат құралдарында немесе телекоммуникациялар желілерінде тегін, атын, әкесінің атын, ата-анасының және өзге де заңды өкілдерінің фото- және бейнесуретін, туған күнін, дауысының аудиожазбасын, тұрғылықты жерін немесе уақытша болатын жерін, оқу немесе жұмыс орнын қоса алғанда:
1) құқыққа қарсы әрекеттердің (әрекетсіздіктен) нәтижесінде зардап шеккен бала туралы;
2) әкімшілік және (немесе) қылмыстық құқық бұзушылықтарды жасады және (немесе) жасаған деп күдік келтірілген немесе айып тағылған кәмелетке толмағандар туралы ақпаратты, оның жеке басын анықтауға мүмкіндік беретін өзге де ақпаратты таратуға тыйым салынады.
Осы тармақтың 2) тармақшасының күші ауыр немесе аса ауыр қылмыстарды жасағаны үшін сот кінәлі деп таныған және (немесе) кәмелетке толмағандарға қолданылмайды.
Осы тармақта белгіленген шектеулер осы Заңның 25-бабы 2-2-тармағы екінші абзацының 1), 2) және 3) тармақшаларында көзделген жағдайларға қолданылмайды.";
10) 15-баптың 1-тармағында:
7) тармақша мынадай редакцияда жазылсын:
"7) осы шығарылымның таралымы;";
мынадай мазмұндағы екінші бөлікпен толықтырылсын:
"Мерзімді баспасөз басылымының шығарылым деректері әр шығарылымның соңғы бетінде орналастырылады.";
11) 16-бапта:
1-тармақ мынадай редакцияда жазылсын:
"1. Бұқаралық ақпарат құралының меншік иесі мерзiмдi баспасөз басылымдарының мiндеттi тегiн даналарын не олардың электрондық-цифрлық нысандарын оларды шығарған күннен бастап күнтізбелік 15 күн ішінде ұлттық кiтапханаларға жiбереді.
Бас редактордың (редактордың) электрондық цифрлық қолтаңбасымен куәландырылған мерзiмдi баспасөз басылымдарының мiндеттi тегiн даналарының, оның iшiнде осы Заңның 12-бабына орай есепке қоюдан босатылған даналарының электрондық-цифрлық нысаны олар әзiрленген күнi уәкiлеттi органға жiберіледi.";
3-тармақ мынадай редакцияда жазылсын:
"3. Уәкілетті орган мерзiмдi баспасөз басылымдарының міндетті тегін даналарының электрондық архивін қалыптастырады.";
12) 17 және 18-баптар мынадай редакцияда жазылсын:
"17-бап. Авторлық туындылар мен хаттар
1. Редакция, интернет-ресурстың меншік иесі пайдаланылатын зияткерлік меншік құқығының объектілеріне құқықтарды, оның iшiнде зияткерлік меншiкке, сондай-ақ заңнамаға сәйкес дербес деректерді өңдеуге және қорғауға авторлық, сабақтас және өзге де құқықтарды сақтауға мiндеттi.
2. Оқырмандардың хаттарын, оның ішінде пайдаланушылардың интернет-ресурста орналастыратын ақпараттарын жариялау кезінде олардың мәтінін қысқартуға және оның мазмұнының мағынасын бұрмаламай редакциялауға жол беріледі.
3. Егер заңда өзгеше көзделмесе, бұқаралық ақпарат құралы редакциясын ол қабылдаудан бас тартқан материалды жариялауға міндеттеуге ешкімнің құқығы жоқ.
Заңмен тыйым салынған ақпаратты қамтитын оқырмандардың хаттарын, оның ішінде интернет-ресурстың пайдаланушысы орналастыратын ақпаратты бұқаралық ақпарат құралдарында жариялауға жол берілмейді.
18-бап. Ресми хабарлар
1. Ресми хабар ауызша немесе жазбаша нысанда, оның ішінде электрондық құжат түрінде таралуы мүмкін.
Ресми хабарламаны ауызша нысанда тарату басшының немесе ақпарат иеленушінің осы лауазымға уәкілетті адамының көпшілік алдында сөз сөйлеуі арқылы жүзеге асырылуы мүмкін.
Жазбаша нысанда тарату кезінде, басшы немесе ақпарат иеленушінің осы лауазымға уәкілетті адамы ресми хабарламаға қол қоюы тиіс.
2. Ресми хабарламалар бұқаралық ақпарат құралдарына, олардың меншік нысанына және тиесілілігіне қарамастан, тең шарттарда беріледі.
3. Бұқаралық ақпарат құралдарының берілген ресми хабарламаларды түсіндіру жөніндегі жазбаша сұрау салуларына ақпарат иеленуші Қазақстан Республикасының заңнамасында белгіленген тәртіппен өтініштерді тіркеген күннен бастап екі жұмыс күнінен кешіктірмей жауап беруге не оны беру мерзімін немесе беруден бас тарту себебін көрсете отырып, жауап беруге міндетті.
Қосымша зерделеуді және тексеруді талап ететін, берілген ресми хабарламаларды түсіндіру жөніндегі жазбаша өтінішке жауап оны тіркеген күннен бастап күнтізбелік он бес күннен кешіктірмейтін мерзімде бұқаралық ақпарат құралдары тиісінше хабардар етіле отырып, берілуге тиіс.
4. Бұқаралық ақпарат құралдарынан берілген ресми хабарларды түсіндіру бойынша мемлекеттік органдарға жазбаша сұрау салулар келіп түскен жағдайда, қойылған мәселелерге рұқсат беру құзыреттеріне кірмейтін жергілікті өзін-өзі басқару органдары екі жұмыс күнінен кем емес мерзімде аталған өтініш тиісті органдарға жіберілуі, бұл туралы бұқаралық ақпарат құралдарына хабар жіберілуі тиіс.
Бұқаралық ақпарат құралдары өкілдерінің жазбаша және (немесе) электрондық түрде берілген ресми хабарларды түсіндіру бойынша сұрау салулары бас редактордың (редактордың), уәкілетті адамның немесе аккредиттелген журналистің қолымен және (немесе) электронды цифрлы қолтаңбасымен куәландырыла отырып жіберіледі.
5. Жазбаша немесе электрондық түрде берілген ресми хабарларды түсіндіру бойынша сұрау салуларға жауаптар өтініш келіп түскен тілде беріледі.
Берілген ресми хабарларды түсіндіру бойынша сұрау салуларға жауаптар, егер өтініштің өзінде басқаша көрсетілмесе, өтініш ұсынылған нысанда беріледі.
6. Сұралып отырған мәліметтерді беруден бас тартылған жағдайда, бұқаралық ақпарат құралының өкілі жоғары тұрған органға немесе лауазымды тұлғаға не мемлекеттік басқару органдарының және лауазымды тұлғалардың азаматтардың құқықтарына қысым жасайтын заңсыз іс-әрекеттеріне шағым беру үшін заңда көзделген тәртіппен сотқа шағым беруі мүмкін.";
13) мынадай мазмұндағы 18-1, 18-2 және 18-3-баптармен толықтырылсын:
"18-1-бап. Бұқаралық ақпарат құралдарының ақпаратты алу және тарату тәртібі
1. Уәкілетті органда есепке қойылған бұқаралық ақпарат құралы ақпарат иеленушіге ресми хабарға жатпайтын ақпаратты ұсыну туралы сұрау салумен жүгінуге құқылы.
Журналист ақпарат иеленушіге телефон арқылы ауызша сұрау салумен жүгінген кезде, өзін таныстыруы және әңгіменің аудиожазбасы жүргізілген жағдайда, ол туралы хабарлауға міндетті.
Бұқаралық ақпарат құралдары өкілдерінің жазбаша түрде және (немесе) электрондық құжат түрінде берілген ақпарат ұсыну жөніндегі сұрау салулары бас редактордың (редактордың), уәкілетті тұлғаның немесе аккредиттелген журналистің қолы қойылып жіберіледі және (немесе) электрондық цифрлық қолтаңбасымен куәландырылады.
Сұрау салуға жауап келіп түскен күннен бастап күнтізбелік он бес күн ішінде беріледі.
Ақпарат иеленушінің интернет-ресурсында орналастырылатын ақпаратты ұсыну бойынша сұрау салуға жауап келіп түскен күннен бастап күнтізбелік бес күн ішінде беріледі.
Егер сұрау салуда өзгеше көрсетілмесе, сұрау салуға жауап ұсынылған сұрау салу нысанында беріледі.
Жазбаша түрде немесе электрондық құжат түрінде берілген сұрау салуларға жауаптар өтініш жасалған тілде беріледі.
Қарау үшін өзге субьектілерден, лауазымды адамдардан ақпарат алу не жергілікті жерге барып тексеру талап етілетін бұқаралық ақпарат құралының сұрау салуы тіркелген күнінен бастап осы заңда белгіленген тәртіппен бір айдан аспайтын мерзімде қаралады.
2. Сұрау салу бойынша ақпарат ұсынудан:
1) егер сұрау салудың мазмұны жіберілген лауазымды тұлғаның не ұйымның құзыретіне жатпаса;
2) егер сұрау салу осы Заңның талаптарына сәйкес келмейтін болса;
3) егер сұрау салынатын ақпараттың қолжетімділігі шектелген ақпаратқа жатса;
4) мемлекеттік бақылау және қадағалау шеңберінде жүргізілетін тексерулердің нәтижелері бойынша шешім қабылданғанға дейін;
5) ведомствоаралық және ведомствоішілік хат алмасулардың негізінде немесе мемлекеттік органдардағы кеңестердің негізінде әзірленетін түпкілікті шешім қабылданғанға дейін;
6) шет мемлекеттерден немесе халықаралық ұйымдардан келіп түскен құжаттарды ашу шарттары туралы өзара келісім қабылданғанға дейін бас тартылады.
3. Бұқаралық ақпарат құралдарының сұрау салуына жауап бермегені немесе уақтылы жауап бермегені үшін мемлекеттік қызметшілер Қазақстан Республикасының заңдарында белгіленген жауаптылықта болады.
4. Сұрау салынған мәліметтерді беруден бас тартқанда, бұқаралық ақпарат құралының өкілі Қазақстан Республикасының заңдарында көзделген тәртіппен шағым жасауы мүмкін.
5. Уәкілетті органда есепке қойылмаған бұқаралық ақпарат құралдарының сұрау салуларын алу және қарау тәртібі "Жеке және заңды тұлғалардың өтініштерін қарау тәртібі туралы" және "Ақпаратқа қол жеткізу туралы" Қазақстан Республикасының заңдарына сәйкес жүзеге асырылады.
18-2-бап. Міндетті хабарлар
1. Бұқаралық ақпарат құралдарының редакциялары өтеусіз негізде мыналарды:
1) заңды күшіне енген сот шешімін, егер ол бұқаралық ақпарат құралында жауапты немесе теріске шығаруды жариялау туралы талапты қамтитын болса;
2) "Төтенше жағдай туралы" Қазақстан Республикасы Заңының 5-бабына сәйкес төтенше жағдайды енгізу туралы ресми хабарларды;
3) "Азаматтық қорғау туралы" Қазақстан Республикасы Заңының 47-бабында көзделген уәкілетті мемлекеттік органдардың ресми хабарларын;
4) "Терроризмге қарсы іс-қимыл туралы" Қазақстан Республикасы Заңының 15-бабының 2-тармағында көзделген уәкілетті мемлекеттік органдардың ресми хабарларын жариялауға міндетті.
2. Міндетті хабарларды жариялау мерзімдері:
1) бір тәулік ішінде – эфирге күн сайын шығатын теле-, радиоарна;
2) жарыққа (эфирге) шығу кезеңділігі немесе уақыты өзгеше бұқаралық ақпарат құралдары – осындай жарияланымдар үшін уәкілетті мемлекеттік органдар не сот белгілеген мерзімде.
18-3-бап. Бұқаралық ақпарат құралдарымен өзара іс-қимыл жасау бойынша уәкілетті тұлғалар (бөлімшелер)
1. Орталық мемлекеттік және жергілікті атқарушы органдарда, ведомстволарда, сондай-ақ Қазақстан Республикасының Президентіне тікелей бағынатын және есеп беретін мемлекеттік органдарда (Қазақстан Республикасының Мемлекеттік күзет қызметін қоспағанда) ұйымның қызметі туралы ақпарат таратуды жүзеге асыратын бұқаралық ақпарат құралдарымен өзара іс-қимыл жөніндегі уәкілетті тұлғалар не уәкілетті бөлімшелер құрылады.
Қазақстан Республикасының заңнасына сәйкес бекітілген штат саны лимитінің шегінде дербес құрылымдық бөлімшелер және (немесе) штаттық лауазым бөлінеді, сондай-ақ осы заңды тұлғаның бірінші басшысына тікелей бағынады.
Аталған тармақтың бірінші бөлігінде көрсетілген, штат саны жиырма бес адамнан аз ұйымдарда осы баптың 2-тармағында белгіленген функциялар осы ұйымның бір қызметкеріне өзінің негізгі функционалдық міндеттерінен босатылмай жүктеледі.
2. Бұқаралық ақпарат құралдарымен өзара іс-қимыл жасау жөніндегі уәкілетті тұлғаның (бөлімшенің) негізгі функциялары:
1) журналистер мен бұқаралық ақпарат құралдарына ұйымның қызметі туралы дұрыс және қажетті ақпаратты беру;
2) бұқаралық ақпарат құралдарында сұхбаттар, түсіндірмелер, жарияланымдар әзірлеуге жәрдемдесу;
3) журналистерді және бұқаралық ақпарат құралдарының басқа өкілдерін уақытша немесе тұрақты аккредиттеуден өткізу, сондай-ақ оларға ұйымның қызметі туралы ақпаратты анағұрлым толық және кең тарату үшін жәрдемдесу;
4) лауазымды адамдардың бұқаралық ақпарат құралдарының өкілдерімен баспасөз конференцияларын, брифингтерді, сұхбаттар мен кездесулерін ұйымдастыру;
5) ресми интернет-ресурстың қызметін техникалық қамтамасыз ету, оны кешенді қайта құру, дизайнын жетілдіру, жаңа технологияларды жаңғырту және енгізу мәселелері бойынша ұсыныстарды әзірлеу және енгізу;
6) бұқаралық ақпарат құралдарынан келіп түсетін сұрау салуларға және (немесе) өтініштерге уақтылы жауаптар дайындау;
7) ұйымның ресми интернет ресурсын және (немесе) оның бірінші басшысын ақпаратпен толықтыру;
8) Қазақстан Республикасының заңдарында тыйым салынған немесе өзге де тәсілмен тарату шектелген немесе сот актілерімен заңды күшіне енген ақпаратты қоспағанда, ұйымның қызметі туралы ақпаратты барынша ашуға бағытталған өзге де міндеттер болып табылады.
3. Бұқаралық ақпарат құралдарымен өзара іс-қимыл жасау жөніндегі уәкілетті бөлімшелер өз қызметін арнаулы мемлекеттік органдар мен Қазақстан Республикасы Ұлттық Банкінің қызметі ерекшеліктерін ескере отырып, уәкілетті орган бекіткен үлгілік ереженің негізінде әзірленген ереже негізінде жүзеге асырады.
4. Бұқаралық ақпарат құралдарымен өзара іс-қимыл жасау жөніндегі уәкілетті тұлғалар (бөлімшелер) уәкілетті органмен ол бекіткен тәртіпке сәйкес өзара іс-қимыл жасайды.
5. Бұқаралық ақпарат құралдарымен өзара іс-қимыл жасау жөніндегі уәкілетті тұлғалар (бөлімшелердің қызметкерлері) (орталық мемлекеттік және жергілікті атқарушы органдардың, ведомстволардың, сондай-ақ Қазақстан Республикасының Президентіне тікелей бағынатын және есеп беретін мемлекеттік органдардың) Қазақстан Республикасының заңнамасында белгіленген тәртіппен біліктілікті арттыру курстарынан өтеді.
6. Бұқаралық ақпарат құралдарымен өзара іс-қимыл жасау жөніндегі уәкілетті тұлға (бөлімше) заңды тұлғаның өзінің қайта құрылған немесе таратылған жағдайларынан басқа, таратылуға не осы баптың 1-тармағында көрсетілген заңды тұлғалардың штаттық лауазымынан алып тастауға жатпайды.";
14) 19-бап мынадай редакцияда жазылсын:
"19-бап. Теріске шығару не жауап беру құқығы
1. Азамат немесе заңды тұлға бұқаралық ақпарат құралдарынан сол бұқаралық ақпарат құралдарында таратылған шындыққа сәйкес келмейтін және олардың ар-намысы мен қадір-қасиетіне, іскерлік беделіне нұқсан келтіретін мәліметтерді теріске шығаруды талап етуге құқылы. Мұндай құқыққа, сондай-ақ азаматтың және заңды тұлғаның заңды өкілдері де ие.
Азамат немесе заңды тұлға теріске шығаруға өтініш жасаған жағдайда, таратылған мәліметтердің шындыққа сәйкес келуі жөнінде дәлелдемелері болмаған бұқаралық ақпарат құралдарының редакциясы оларды сол бұқаралық ақпарат құралында теріске шығаруға міндетті.
Теріске шығару туралы талап шындыққа сәйкес келмейтін мәліметтердің, осы бұқаралық ақпарат құралында таратылған уақыты мен тәсілі көрсетіле отырып, жазбаша түрде ресімделуге тиіс.
2. Теріске шығаруда шындыққа сәйкес келмейтін мәліметтердің, осы бұқаралық ақпарат құралдарында таратылған уақыты мен тәсілі көрсетілуге тиіс.
Мерзімді баспасөз басылымдарында теріске шығару сол қаріппен басылып, "Теріске шығару" тақырыбымен жолақтың теріске шығарылатын хабарлама немесе материал орналасқан жеріне орналастырылуға тиіс. Радио және телеарна арқылы теріске шығару теріске шығарылатын хабар немесе материал берілген сол тәуліктік уақытта және сол бағдарламада берілуге тиіс.
Теріске шығару көлемі таратылған хабардың немесе материалдың теріске шығарылатын фрагментінің көлемінен екі еседен аспауға тиіс.
3. Бұқаралық ақпарат құралдарында өздерінің құқықтарына немесе заңды мүдделеріне қатысты нұқсан келтіретін мәліметтер жарияланған азаматтың немесе заңды тұлғаның сол бұқаралық ақпарат құралдарында өз жауабын тегін жариялауға құқығы бар.
Мерзімді баспасөз басылымдарында жауап сол қаріппен басылып және "Жауап" тақырыбымен жолақтың жауап берілетін, хабар немесе материал орналасқан жеріне орналастырылуға тиіс.
Радио және теледидар арқылы теріске шығарылатын жауап хабар немесе материал берілген тәуліктік уақытта және сол бағдарламада берілуге тиіс.
Жауаптың көлемі таратылған хабардың немесе материалдың теріске шығарылатын фрагментінің көлемінен екі еседен аспауға тиіс.
Азаматтың немесе заңды тұлғаның жауабы осы тұлғадан не оның уәкілетті өкілінен алынатын жауапқа құқықты беру туралы талапты алған күннен бастап күнтізбелік бес күн ішінде бұқаралық ақпарат құралдарында жарияланады немесе беріледі.
4. Азаматтың немесе заңды тұлғаның бұқаралық ақпарат құралында терiске шығаруды не жауапты жариялау туралы талабы, егер бұқаралық ақпарат құралы мұндай жарияланымнан бас тартса не бiр айдың iшiнде жарияланым жасамаса, сондай-ақ ол таратылған жағдайда, сотта қаралады.
5. Заңды күшіне енген сот шешімін орындау үшін жариялатын не таралатын теріске шығару не жауап:
1) аптасына кемінде бір рет жарыққа (эфирге) шығатын бұқаралық ақпарат құралында - егер өтініш білдіруші өзгеше белгілемесе, теріске шығару туралы талапты алған күннен бастап екі тәулік ішінде;
2) жарыққа (эфирге) шығару кезеңділігі мен уақыты өзгеше бұқаралық ақпарат құралдарында - егер өтініш білдіруші өзгеше белгілемесе, дайындық үстіндегі немесе жақын арадағы жоспарланған шығарылымда орындалуға тиіс.
6. Ар-намысына, қадiр-қасиетiне және iскерлiк беделіне нұқсан келтiретiн мәлiметтер таратылған азамат мұндай мәлiметтердi терiске шығарумен қатар, олардың таратылуынан өзiне келтiрiлген залалдың және моральдық зиянның орнын толтыруды талап етуге құқылы.
Іскерлiк беделіне нұқсан келтiретiн мәлiметтер таратылған заңды тұлға мұндай мәлiметтердi терiске шығарумен қатар заңнамада белгіленген тәртіппен олардың таратылуынан келтiрiлген залалдың орнын толтыруды Қазақстан Республикасының заңнамасында белгіленген тәртіппен талап етуге құқылы.";
15) 21-бап мынадай мазмұндағы 1-2) және 3-1) тармақшалармен толықтырылсын:
"1-2) таратылатын ақпараттың дұрыстығын тиісті тұлғаларға және (немесе) ұйымдарға сұрау салулар жолдау, іздеу арқылы не Қазақстан Республикасының заңнамасында тыйым салынбаған өзге де тәсілдермен тексеруге;";
"3-1) егер мәліметтер ресми хабарламаларда көрсетілген және (немесе) адамның өзі немесе оның заңды өкілі қолжетімділігі шектелмеген көздерде оларды таратқан жағдайларды қоспағанда, адамның немесе оның заңды өкілінің бұқаралық ақпарат құралдарында жеке басының, отбасылық, дәрігерлік, банктік, коммерциялық және заңмен қорғалатын өзге құпияны таратуға келісімін алуға;";
16) 24-баптың 1-тармағы мынадай редакцияда жазылсын:
"1. Шетелдік бұқаралық ақпарат құралдарының өкiлдiктерiн және олардың журналистерiн аккредиттеуді Қазақстан Республикасының Сыртқы iстер министрлiгi өзі белгілеген тәртіппен жүргiзедi.";
17) 25-бап мынадай мазмұндағы 2-2 және 2-3-тармақтармен толықтырылсын:
"2-2. Интернет-ресурсты пайдаланатын бұқаралық ақпарат құралының меншік иесінің, бас редакторының (редакторының), журналисінің, оның ішінде жеке немесе заңды тұлғалардың Заңның 14-бабының 3-4-тармағында көрсетілген ақпаратты, егер мұндай ақпараттың таратылуы құқыққа қарсы әрекет (әрекетсіздік) нәтижесінде зардап шеккен баланың және ауыр немесе аса ауыр қылмыстар жасауда сот кінәлі деп таныған кәмелетке толмағандарды қоспағанда, әкімшілік және (немесе) қылмыстық құқық бұзушылықтардың жасалуына күдікті және (немесе) айыпталатын кәмелетке толмағандардың құқықтары мен заңды мүдделерін қорғау мақсатында жүзеге асырылатын жағдайларды қоспағанда, таратылатын хабарламалар мен материалдарда жария етуге құқығы жоқ.
Осы тармақтың бірінші бөлігінде көзделген оқиғалар орын алған жағдайларда, мұндай ақпарат:
1) құқыққа қарсы әрекет (әрекетсіздік) нәтижесінде зардап шеккен, он төрт жасқа толған кәмелетке толмағанның және зардап шеккен кәмелетке толмағанның заңды өкілінің келісімімен;
2) құқыққа қарсы әрекет (әрекетсіздік) нәтижесінде зардап шеккен, он жасқа толмаған кәмелетке толмағанның заңды өкілінің келісімімен;
3) әкімшілік және (немесе) қылмыстық құқық бұзушылық жасаған, он алты жасқа толған кәмелетке толмағанның және осы кәмелетке толмағанның заңды өкілінің келісімімен бұқаралық ақпарат құралдарында таратылуы мүмкін.
Осы тармақтың 2-2-тармағының екінші бөлігінің 1), 2) және 3) тармақшаларында көрсетілген тұлғалардың бірі бұқаралық ақпарат құралдарында ақпараттың таратылуына келісімін бермеген жағдайда, онда мынадай:
1) он төрт жасқа толған және құқыққа қарсы әрекет (әрекетсіздік) нәтижесінде зардап шеккен кәмелетке толмағанның және (немесе) егер мұндай баланың заңды өкілі осы құқыққа қарсы әрекеттердің жасалуына күдікті немесе айыпталушы болып табылса, мұндай баланың заңды өкілінің келісімінсіз;
2) егер екінші заңды өкілі Қазақстан Республикасының шегінен тыс жерде болған және оның келісімін алу мүмкін болмаған жағдайда, зардап шеккен кәмелетке толмағанның бір заңды өкілінің келісімімен болған жағдайларды қоспағанда, осы ақпаратты таратуға тыйым салынады.
2-3. Бұқаралық ақпарат құралдары қылмысты тергеу, қылмыс жасауға қатысы бар тұлғаларды анықтау, жоғалған кәмелетке толмағандарға іздеу салу мақсатында көрсетілген мақсаттарға жету үшін қажетті көлемде және қылмыстық процесті жүргізетін уәкілетті органдардан алынған процестік құжаттар негізінде Қазақстан Республикасының Қылмыстық-процестік кодексінде белгіленген талаптарды сақтай отырып, бұқаралық ақпарат құралдарында Заңның осы бабының 2-2-тармағының екінші бөлігінің 1), 2) және 3) тармақшаларында белгіленген тұлғалардың келісімін алмай, кәмелетке толмаған балаға қатысты ақпаратты таратуға құқылы.";
18) 26-бап мынадай редакцияда жазылсын:
"26-бап. Шындыққа сәйкес келмейтін мәліметтерді тарату үшін жауапкершіліктен босатылатын жағдайлар
Бұқаралық ақпарат құралында шындыққа сәйкес келмейтін мәліметтерді таратқаны үшін:
1) егер олар ресми хабарларда айтылған болса;
2) егер олар бұқаралық ақпарат құралының өтінішіне және (немесе) сұрау салуына берілген жауапта айтылған болса немесе бұқаралық ақпарат құралдарымен өзара іс-қимыл жасау жөніндегі уәкілетті тұлғаның (бөлімшенің) материалдарынан алынған болса;
3) егер олар жарнама берушілерден немесе жарнама жасаушылардан алынса;
4) Қазақстан Республикасының заңды күшіне енген сот актілері мен заңдарында таратуға тыйым салынған немесе таратылуына өзгеше түрде шектеу қойылған ақпаратты қоспағанда, өкілді органдар депутаттарының, мемлекеттік органдардың, жергілікті өзін-өзі басқару органдарының лауазымды немесе уәкілетті адамдарының, заңды тұлғалардың және азаматтардың ресми сөйлеген сөздерінің сөзбе-сөз қайталанып берілуі болса;
5) егер олар алдын ала жазылып алынбай эфирге шығарылатын авторлық сөздерде не осы Заңға сәйкес редакциялауға жатпайтын мәтіндерде айтылса;
6) егер олар өз хабарында осы хабарды таратқан бұқаралық ақпарат құралына сілтеме жасалған жағдайда және таратылуына Қазақстан Республикасының заңды күшіне енген сот актілері мен заңдарында тыйым салынған немесе өзгеше түрде шектеу қойылған ақпаратты таратуды қоспағанда, уәкілетті органда есепке қойылған басқа бұқаралық ақпарат құралдары таратқан хабарларда, материалдарда және олардың үзінділерінде болса;
7) егер бұл мәліметтер осы Заңның 18-2-бабына сәйкес белгіленген міндетті хабарларда қамтылса, бұқаралық ақпарат құралы, сол сияқты оның бас редакторы (редакторы), журналисі жауапты болмайды.".
7. "Электрондық құжат және электрондық цифрлық қолтаңба туралы" 2003 жылғы 7 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2003 ж., № 1-2, 1-құжат; 2004 ж., № 23, 142-құжат; 2009 ж., № 11-12, 53-құжат; № 18, 84-құжат; 2010 ж., № 5, 23-құжат; № 17-18, 111-құжат; 2011 ж., № 1, 2-құжат; № 12, 111-құжат; № 15, 118-құжат; 2012 ж., № 8, 64-құжат; № 14, 95-құжат; № 15, 97-құжат; 2013 ж., № 14, 75-құжат; 2014 ж., № 1, 4-құжат; № 19-I, 19-II, 96-құжат; № 23, 143-құжат, 2015 ж., № 22-V, 156-құжат):
1) 1-бапта:
мынадай мазмұндағы 3-1), 3-2), 3-3) және 3-4) тармақшалармен толықтырылсын:
"3-1) Қазақстан Республикасының мемлекеттік органдарын куәландырушы орталық – Қазақстан Республикасы мемлекеттік органдарының ақпараттық жүйелерінде және басқа да мемлекеттік ақпараттық ресурстарында мемлекеттік органдарға, мемлекеттік органдардың лауазымды адамдарына қызмет көрсететін куәландырушы орталық;
3-2) Қазақстан Республикасының негізгі куәландырушы орталығы – куәландырушы орталықтардың электрондық цифрлық қолтаңбасының ашық кілттерінің тиесілілігін және жарамдылығын растауды жүзеге асыратын куәландырушы орталық;
3-3) Қазақстан Республикасының сенім білдірілген үшінші тарапы – трансшекаралық өзара іс-қимыл жасау шеңберінде шетелдік электрондық цифрлық қолтаңбаның және Қазақстан Республикасының аумағында берілген электрондық цифрлық қолтаңбаның төлнұсқалығын растауды жүзеге асыратын ақпараттық жүйе;
3-4) Қазақстан Республикасының ұлттық куәландырушы орталығы – мемлекеттік органдардың ақпараттық жүйелерінде және мемлекеттік емес ақпараттық жүйелерде электрондық құжаттарды қалыптастыру үшін жеке және заңды тұлғаларға электрондық, цифрлық құралдарды және тіркеу куәліктерін ұсынатын куәландырушы орталық;";
8) тармақша алып тасталсын;
2) 5-баптың 1-тармағында:
13) тармақша мынадай редакцияда жазылсын:
"13) Қазақстан Республикасы сенім білдірілген үшінші тараптың электрондық цифрлық қолтаңбасының төлнұсқалығын растау қағидаларын бекітеді;
мынадай мазмұндағы 13-1) және 13-2) тармақшалармен толықтырылсын:
"13-1) Қазақстан Республикасының негізгі куәландырушы орталығы, Қазақстан Республикасы мемлекеттік органдарының куәландырушы орталығы, Қазақстан Республикасының ұлттық куәландырушы орталығы және Қазақстан Республикасының сенім білдірілген үшінші тарапы қызметін үйлестіруді қамтамасыз етуді жүзеге асырады;
13-2) Қазақстан Республикасының электрондық құжат және электрондық цифрлық қолтаңба саласындағы заңнамасы талаптарының бұзылғаны анықталған кезде нұсқамалар береді.";
3) 18-баптың 1-тармағының бірінші абзацы мынадай редакцияда жазылсын:
"1. Тіркеу куәлігін берген куәландырушы орталық тиісті хабарлама негізінде оны мынадай жағдайларда:";
4) 20-1-бап алып тасталсын;
5) 20-2-баптың 1-тармағы мынадай редакцияда жазылсын:
"1. Куәландырушы орталықтарды аккредиттеу куәландырушы орталықтардың (Қазақстан Республикасының Негізгі куәландырушы орталығын қоспағанда) өз қызметін Қазақстан Республикасының аумағында жүзеге асыруы үшін міндетті шарт болып табылады. Аккредиттеу ақпараттандыру саласындағы уәкілетті орган Қазақстан Республикасының заңды тұлғалары болып табылатын куәландырушы орталықтарға қатысты жүзеге асырады.".
8. "Жарнама туралы" 2003 жылғы 19 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2003 ж., № 24, 174-құжат; 2006 ж., № 15, 92-құжат; № 16, 102-құжат; 2007 ж., № 12, 88-құжат; 2009 ж., № 17, 79, 82-құжаттар; 2010 ж., № 5, 23-құжат; № 24, 146-құжат; 2011 ж., № 11, 102-құжат; 2012 ж., № 3, 25-құжат; № 14, 92-құжат; 2013 ж., № 8, 50-құжат; № 21-22, 115-құжат; 2014 ж., № 2, 11-құжат; № 11, 65-құжат; № 21, 122-құжат; № 23, 143-құжат; 2015 ж., № 8, 44-құжат, № 20-IV, 113-құжат;):
1) 3-бап мынадай мазмұндағы 7-3) тармақшамен толықтырылсын:
"7-3) телесауда – тауарларды немесе қызметтерді өткізу мақсатындағы телеарнадағы жария ұсыныс.";
2) 6-баптың 2-тармағы мынадай редакцияда жазылсын:
"2. Қазақстан Республикасының аумағындағы жарнама (мерзімді баспасөз басылымдарын, интернет-ресурстарын, ақпараттық агенттіктерді қоспағанда) мемлекеттік және орыс тілдерінде, сондай-ақ жарнама берушінің қалауы бойынша басқа да тілдерде таратылады.
Жарнама мазмұнының бiр тiлден екiншi тiлге аудармасы оның негiзгi мағынасын бұрмаламауға тиiс.
Жергілікті уақыттың нөл сағатынан бастап есептелетін ұзақтығы әрбір алты сағат сайынғы уақыт аралығында мемлекеттік тілдегі теле,-радиоарналардағы жарнама көлемі басқа тілдерде таратылатын жарнаманың жиынтық көлемінен кем болмауға тиіс.";
3) 8-баптың 1-тармағы мынадай мазмұндағы екінші абзацпен толықтырылсын:
"Жарнама сипатындағы хабарламаларға және материалдарға мамандандырылмаған телеарналардағы телесауда тәулік ішінде жарнама таратудың жалпы көлемінің он бес пайызынан аспауға тиіс.".
9. "Байланыс туралы" 2004 жылғы 5 шілдедегі Қазақстан Республикасының Заңына (Қазақстан Республикасы Парламентінің Жаршысы, 2004 ж., № 14, 81-құжат; 2006 ж., № 3, 22-құжат; № 15, 95-құжат; № 24, 148-құжат; 2007 ж., № 2, 18-құжат; № 3, 20-құжат; № 19, 148-құжат; 2008 ж., № 20, 89-құжат; № 24, 129-құжат; 2009 ж., № 15-16, 74-құжат; № 18, 84-құжат; № 24, 121-құжат; 2010 ж., № 5, 23-құжат; № 24, 146, 150-құжаттар; 2011 ж., № 1, 2-құжат; № 11, 102-құжат; № 12, 111-құжат; 2012 ж., № 3, 25-құжат; № 8, 63, 64-құжаттар; № 14, 92, 95-құжаттар; № 15, 97-құжат; 2013 ж., № 12, 57-құжат; № 14, 72, 75-құжаттар; 2014 ж., № 1, 4-құжат; № 7, 37-құжат; № 8, 44, 49-құжаттар; № 10, 52-құжат; № 14, 87-құжат; № 19-I, 19-II, 96-құжат; № 23, 143-құжат, 2015 ж., № 20-IV, 113-құжат; № 22-І, 141-құжат; № 22-V, 156-құжат; 2016 ж., № 8-I, 65-құжат; № 8-II, 67-құжат, № 24, 126-құжат):
1) 2-бапта:
2) тармақша мынадай редакцияда жазылсын:
"2) абоненттер туралы қызметтік ақпарат (бұдан әрі – қызметтік ақпарат) – байланыс желілерінде тек қарсы барлау қызметін және жедел-іздестіру іс-шараларын жүргізу мақсатына ғана арналған абоненттер туралы және жеке тұлғаларға арналған жеке сәйкестендіру нөмірін және заңды тұлғаларға арналған бизнес-сәйкестендіру нөмірін, биллинг мәліметтерін, абоненттік құрылғының желілеріндегі орналасқан жерін (мобильді байланыс желілері үшін техникалық регламенттің талаптарына сәйкес абоненттік құрылғының желілерде орналасқан жері), деректер беру желісіндегі мекенжайларды және деректер беру желісінде интернет-ресурстарға кіру мекенжайларын, интернет-ресурс идентификаторларын, деректер беру желісінің хаттамаларын қамтитын мәліметтер;";
18) тармақша мынадай редакцияда жазылсын:
"18) байланыс операторы – байланыс қызметтерін көрсететін және (немесе) байланыс желілерін пайдаланатын Қазақстан Республикасының аумағында тіркелген заңды тұлға немесе жеке тұлға;";
30-1) тармақша мынадай редакцияда жазылсын:
"30-1) мобильдік байланыс желісінің абоненттік құрылғысы – абонент берген ақпаратты беру немесе қабылдау үшін электр байланыс сигналдарын қалыптастыратын және байланыс операторының желісіне қосылатын, қызмет көрсетілетін аумақтың шеңберінде географиялық тұрғыдан айқындалатын тұрақты орналасқан жері жоқ, мобильдік байланыс желілерінде (ұялы, транкингтік, спутниктік телекоммуникациялар желісінде және басқаларда) жұмыс істейтін жеке пайдаланудағы байланыс құралы;";
мынадай мазмұндағы 36-2 тармақшамен толықтырылсын:
"36-2) қорғалған байланыс – ақпаратты қорғаудың арнаулы құралын қолданумен электрлік байланыс (кодталған байланыс, құпияландырылған байланыс, шифрланған байланыс);";
мынадай мазмұндағы 44-1) тармақшамен толықтырылсын:
"44-1) президенттік байланыс – Қазақстан Республикасы Президентінің қызметін қамтамасыз етуге арналған арнайы электрлік байланыс;";
55) тармақша мынадай редакцияда жазылсын:
"55) телекоммуникация желісі – коммутациялық жабдықтан (станциялардан, кіші станциялардан, концентраторлардан), жол-кабельдік құрылыстардан (абоненттік жолдардан, жалғаным жолдары мен байланыс арналарынан), тарату жүйелері мен абоненттік құрылғылардан тұратын, телекоммуникациялар хабарламаларының берілуін қамтамасыз ететін телекоммуникация құралдары мен байланыс жолдарының жиынтығы;";
64-1) тармақша мынадай редакцияда жазылсын:
"64-1) тіркелген байланыс желісінің абоненттік құрылғысы – абонент берген ақпаратты беру немесе қабылдау үшін электр байланыс сигналдарын қалыптастыратын және байланыс операторының желісіне қосылатын, қызмет көрсетілетін аумақтың және нөмірлену ресурстарының шеңберінде географиялық тұрғыдан айқындалатын тұрақты орналасқан жері бар, тіркелген байланыс желілерінде жұмыс істейтін жеке пайдаланудағы байланыс құралы;";
мынадай мазмұндағы 65-1) тармақшамен толықтырылсын:
"65-1) ұйымдастырушылық-техникалық іс-шара – телекоммуникация желілерін ұйымдастыруға, құруға, басқаруға, жетілдіруге және пайдалануға арналған құралдардың, әдістердің және шешімдердің жиынтығы.";
66) тармақша мынадай редакцияда жазылсын:
"66) ұялы байланыс – қызмет көрсетілетін аумақты бірқатар ұяшықтарға бөлуді пайдаланатын, абонент ұяшықтан ұяшыққа өткен кезде байланыстың үзіліссіз болу мүмкіндігін қамтамасыз ететін және радиотолқындар арқылы берілетін екіжақты (көпжақты) ақпарат алмасуға арналған электр байланысының түрі;";
2) 7-баптың 12) тармақшасы алып тасталсын;
3) 8-бапта:
1-тармақта:
5-4) тармақша мынадай редакцияда жазылсын:
"5-4) ұялы байланыс желісінің абоненттік құрылғыларының идентификаттау кодтарының бірыңғай дерекқорын қалыптастыруды, жұмыс істеуін, сүйемелдеу мен дамытуды қамтамасыз ету және оның ресурстарына қол жеткізуге рұқсат беру;";
6-1) тармақша мынадай редакцияда жазылсын:
"6-1) қалааралық және халықаралық байланыс операторларының желілерін интернет-трафик алмасу нүктесіне жалғау, ажырату мен трафикті өткізу қағидаларын бекіту;";
6-7) тармақша алып тасталсын;
мынадай мазмұндағы 6-10) тармақшамен толықтырылсын:
"6-10) байланыс операторының желісін орталықтандырылған басқару:
халықаралық түйісу нүктелерін ұйымдастыруды, тіркеу мен пайдалануды;
ұйымдастырушылық-техникалық іс-шаралар кешенін, басқарушы параметрлерді қалыптастыруды;
қолданылатын байланыс құралдарына және оларды басқаруға қойылатын техникалық талаптарды;
байланыс желілерінде ақпараттық қауіпсіздікті қамтамасыз етуді;
байланыс желілерін пайдалануға енгізуді және олардың орындалуын бақылауды қамтитын жұмыс істеу тәртібін және жүйесін бекіту;";
8) тармақша мынадай редакцияда жазылсын:
"8) өз құзыретi шегiнде байланыс саласындағы нормативтiк құқықтық актiлердi, оның iшiнде радиоэлектрондық құралдарды, жоғары жиiлiктi құрылғыларды пайдалану, сондай-ақ оларды шет елдерден әкелу тәртiбiн, байланыс қызметтерiн көрсету қағидаларын әзiрлеу және қабылдау;";
8-4) тармақша мынадай редакцияда жазылсын:
"8-4) азаматтық пайдаланушыларға жиіліктер белдеуін, радиожиілікті (радиожиілік арнасын) бөлу, иелікке беру (тағайындау), шақыру сигналын иелікке беруді қоса алғанда, кеме станциясына рұқсаттар беру;";
мынадай мазмұндағы 8-8) тармақшамен толықтырылсын:
"8-8) ұялы байланыс желісінің абонентік құрылғыларын тіркеу қағидаларын бекіту;";
13) тармақша мынадай редакцияда жазылсын:
"13) радиоэлектрондық құралдарды және (немесе) жоғары жиілікті құрылғыларды пайдаланудың басталғаны туралы хабарлама болмаған және (немесе) техникалық сипаттамалары белгіленген нормаларға сәйкес келмеген жағдайда, радиоэлектрондық құралдар мен жоғары жиілікті құрылғыларды өшіру;";
19-15) тармақша мынадай редакцияда жазылсын:
"19-15) радиоәуесқойлық қызметтердің радиоэлектрондық құралдарын пайдалану қағидаларын бекіту;";
2-тармақта:
4) тармақша алып тасталсын;
6) тармақша мынадай редакцияда жазылсын:
"6) радиоэлектрондық құралдарды және (немесе) жоғары жиілікті құрылғыларды пайдаланудың басталғаны туралы хабарлама болмаған және (немесе) техникалық сипаттамалары белгiленген нормаларға сәйкес келмеген жағдайда, азаматтық мақсаттағы радиоэлектрондық құралдар мен жоғары жиiлiктi құрылғыларды өшiру;";
8) тармақша мынадай редакцияда жазылсын:
"8) үкіметтік және президенттік байланыс желілерін қоспағанда, байланыс ғимараттары, телекоммуникация желілері құрылысының жоспарларын келісуге және пайдалануға қабылдануына қатысу;";
мынадай мазмұндағы 9-7) тармақшамен толықтырылсын:
"9-7) радиоәуесқойлық қызметтің радиоэлектрондық құралдары мен жоғары жиілікті құрылғыларын қоса алғанда, радиоэлектрондық құралдарды және (немесе) жоғары жиілікті құрылғыларды пайдаланудың басталғаны немесе тоқтатылғаны туралы хабарламаны қабылдау;";
4) 9-баптың 2-тармағында:
3) тармақша мынадай редакцияда жазылсын:
"3) Қазақстан Республикасының аумағында азаматтық мақсаттағы радиоэлектрондық құралдар және (немесе) жоғары жиiлiктi құрылғылар үшін радиожиілік спектрін пайдалануға рұқсаттар беру;";
10) тармақша алып тасталсын;
5) 9-1-баптың 1-тармағында:
4) тармақша мынадай редакцияда жазылсын:
"4) Қазақстан Республикасының радиожиілік ресурстарын және орбиталық позициясын халықаралық үйлестіру жөніндегі іс-шараларды техникалық сүйемелдеуді;";
5) тармақша алып тасталсын;
6) 10-баптың 1-тармағының 1) тармақшасы мынадай редакцияда жазылсын:
"1) қызметін тиісті әкімшілік-аумақтық бірлікте жүзеге асыратын уәкілетті органның аумақтық бөлімшелерімен және Қазақстан Республикасы әскери басқару, ұлттық қауіпсіздік және ішкі істер уәкілетті мемлекеттік органдарының аумақтық бөлімшелерімен бірге, үкіметтік және президенттік байланыс бөлімшелерінің желілерін қоспағанда, байланыс ғимараттарының, байланыс желілері мен басқа да инженерлік инфрақұрылым объектілері құрылысының жоспарларын айқындайды және әзірлейді;";
7) 11-баптың 3-тармағы мынадай мазмұндағы екінші бөлікпен толықтырылсын:
"Ұялы байланысты ұйымдастыру үшін радиожиілікті және радиоэлектрондық құралдарды бірлесіп пайдалану кезінде радиожиілік спектрін пайдаланғаны үшін төлемді Қазақстан Республикасының Салық кодексіне сәйкес тәртіппен оған иелікке берілген жиіліктер белдеуі, радиожиілік (радиожиілікті арнасы) үшін әрбір байланыс операторы жүзеге асырады.";
8) 12-баптың 5-1-тармағы мынадай редакцияда жазылсын:
"5-1. Жеке және заңды тұлғаларға иеленген жиілік, радиожиілік (радиожиілік арналарын) жолақтарын басқа жеке және заңды тұлғаларға, мына жағдайларды:
1) радиожиілік спектрін негізгі пайдаланушы келісім берген жағдайда, ішкі өндірістік қызмет үшін радиожиілікті бірлесіп пайдалануды қоспағанда, уақытша немесе тұрақты пайдалану құқығын беруге тыйым салынады. Әрбір пайдаланушыға радижиілік спектрін пайдалануға арналған жеке рұқсат ресімделеді.
2) ұялы байланыс ұйымына бөлінген радиожиілікті бірлесіп пайдалануды қоспағанда, уақытша немесе тұрақты пайдалану құқығын беруге тыйым салынады. Радиожиілікті бірлесіп пайдалану шартпен ресімделеді.";
9) 14-бапта:
1-тармақ мынадай редакцияда жазылсын:
"1. Әлеуметтік, табиғи және техногендік сипаттағы төтенше жағдай қатері төнген немесе туындаған, сондай-ақ төтенше жағдай енгізілген кезде байланыс желілерін басқаруды Қазақстан Республикасының заңнамасына сәйкес уәкілетті орган Қазақстан Республикасының Үкіметі айқындайтын тізбе бойынша, үкiметтiк және президенттік байланысты, шұғыл қызметтердің байланыс желілері мен құралдарын қоспағанда, байланыс желiлерi мен құралдарын басымдықпен пайдалануға, сондай-ақ олардың қызметiн тоқтата тұруға құқығы бар мемлекеттік органдармен өзара іс-қимыл жасай отырып жүзеге асырады.";
4-тармақ мынадай редакцияда жазылсын:
"4. Байланыс операторлары өтеусіз негізде бірыңғай кезекшілік-диспетчерлік "112" қызметіне қоңырау шалушы абоненттің орналасқан жерін анықтау және әлеуметтік, табиғи және техногендік сипаттағы төтенше жағдайлар қатері төнген немесе қатер туындаған және жойылған, төтенше жағдай енгізілген кезде, қорғаныс, қауіпсіздік және құқық тәртібі мүддесінде халықтың ұялы байланысының абоненттік құрылғысына қысқа мәтіндік хабарлар жіберу жөнінде қызметтер көрсетуге міндетті. Көрсетілген мақсаттарда байланыс операторларының желілерін пайдалану тәртібін уәкілетті орган белгілейді.";
10) 15-бапта:
тақырыбы мынадай редакцияда жазылсын:
"15-бап. Байланыс операторларының, абоненттік нөмірлер мәліметтерінің орталықтандырылған дерекқоры операторының, ұялы байланыс желісі абоненттік құрылғыларының идентификаттау кодтары мәліметтерінің бірыңғай дерекқоры операторының жедел-іздестіру қызметін жүзеге асыратын органдармен өзара іс-қимылы";
1-тармақтың 2) тармақшасы мынадай редакцияда жазылсын:
"2) Қазақстан Республикасының Үкіметі айқындайтын тәртіппен қызметтік ақпаратты жинауды және сақтауды жүзеге асыруға міндетті. Абонеттер туралы қызметтік ақпаратты сақтау тек қана Қазақстан Республикасының аумағында жүзеге асырылады. Қазақстан Республикасынан тыс жерлерге роумингтегі Қазақстан Республикасының абоненттеріне байланыс қызметтерін көрсеткен жағдайларды қоспағанда, абоненттер туралы қызметтік ақпаратты беруге тыйым салынады;";
2, 2-1, 2-2, 4 және 5-тармақтар мынадай редакцияда жазылсын:
"2. Ұялы байланыс операторлары олардың желілерінде жұмыс атқаратын ұялы байланыс желілерінің абоненттік құрылғыларының идентификаттау кодтарының тізілімін жүргізуге міндетті. Желіде ұқсас идентификаттау кодтары бар бірнеше ұялы байланыс желілерінің абоненттік құрылғылары анықталған жағдайда ұялы байланыс операторы бұл туралы Қазақстан Республикасының Үкіметі айқындаған тәртіппен жедел-іздестіру қызметін жүзеге асыратын тиісті органдарды хабардар етуге міндетті.
2-1. Абоненттік нөмірлердің орталықтандырылған дерекқорының операторы байланыс желілерінде жедел-іздестіру қызметін жүзеге асыратын органдардың абоненттік нөмірлердің орталықтандырылған дерекқорындағы ұялы байланыстың көшірілген абоненттік нөмірлері туралы мәліметтерге қол жеткізуін қамтамасыз етуге міндетті.
2-2. Ұялы байланыс желісінің абоненттік құрылғыларының идентификаттау кодтарының бірыңғай дерекқорының операторы байланыс желілерінде жедел-іздестіру қызметін жүзеге асыратын органдардың ұялы байланыс желісінің абоненттік құрылғыларын тіркеу қағидаларына сәйкес ұялы байланыс желісінің абоненттік құрылғыларының идентификаттау кодтарының бірыңғай дерекқорына қол жеткізуін қамтамасыз етуге міндетті.";
"4. Байланыс операторларының, абоненттік нөмірлердің орталықтандырылған дерекқоры операторының, ұялы байланыс желісінің абоненттік құрылғыларын идентификаттау кодтарының бірыңғай дерекқоры операторының жедел-іздестіру қызметін жүзеге асыратын органдармен өзара қарым-қатынастары осы Заңға және Қазақстан Республикасының жедел-іздестіру қызметі туралы заңнамасына сәйкес реттеледі.
5. Ұялы байланыс операторлары ұялы байланыс желісінің абоненттік құрылғыларын тіркеу қағидаларына сәйкес абоненттік құрылғы иесінің өтініші бойынша өз желісіндегі абоненттік құрылғының жұмысын идентификаттау коды бойынша тоқтата тұруға не оны жаңғыртуға міндетті.";
11) мынадай мазмұндағы 16-2-баппен толықтырылсын:
"16-2-бап. Радиоэлектрондық құралдарды және (немесе) жоғары жиілікті құрылғыларды пайдаланудың басталғаны немесе тоқтатылғаны туралы хабарлама
Жеке және заңды тұлғалар, оның ішінде шет мемлекеттердің дипломатиялық және консулдық өкілдіктері радиоэлектрондық құралдарды және (немесе) жоғары жиілікті құрылғыларды пайдалану басталғанға дейін немесе тоқтатылғанға дейін уәкілетті органның аумақтық бөлімшелеріне Қазақстан Республикасының рұқсаттар мен хабарламалар туралы заңнамасына сәйкес айқындалған нысан бойынша хабарлама жолдауға міндетті.";
12) 21-бапта:
2-тармақ алып тасталсын;
3-тармақ мынадай редакцияда жазылсын:
"3. Қазақстан Республикасының бiрыңғай телекоммуникациялар желiсiне кiретін барлық санаттардағы желiлердің байланыс операторлары өз қаражаты есебінен Қазақстан Республикасының аумағында орналасуға тиіс өз желiлерiн басқару орталықтары жүйесін құруға мiндеттi.
Функционалдық міндеттеріне абоненттер туралы қызметтік ақпараттармен жұмыс істеу кіретін байланыс операторларының қызметкерлері Қазақстан Республикасының азаматтары болуы тиіс. Байланыс операторларының өз желілерін қандай да бір басқару түрінде өзге адамдарға беруіне тыйым салынады.
Телекоммуникациялар желiлерiн құру кезiнде байланыс операторлары байланыс желiлерінің телекоммуникациялық жабдығының жедел-iздестiру iс-шараларын жүргiзуді қамтамасыз ету жөнiндегi талаптарды белгiлейтiн ұлттық стандарттарға технологиялық тұрғыдан сәйкес болуын қамтамасыз етедi.";
7-тармақтың үшінші бөлігі мынадай редакцияда жазылсын:
"Шифрланған, құпияландырылған, кодталған байланыс желілерін және арнайы мақсаттағы телекоммуникация желілерін құру, басқару, пайдалану, нөмірлеуді бөлу, жұмыс істеуін, ақпараттық қауіпсіздігін, трафик өткізуді, өзара іс-қимыл жасау және пайдалануға қабылдау (пайдаланудан шығару) шарттарын ұйымдастырушылық-техникалық қамтамасыз ету тәртібін осы желілер қажеттіліктерін өтеуге арналған Қазақстан Республикасы уәкілетті мемлекеттік органдарының, Мемлекеттік күзет қызметінің, әскери басқару, ұлттық қауіпсіздік және ішкі істер органдарының басшылары айқындайды.";
13) 23-бап мынадай редакцияда жазылсын:
"23-бап. Қазақстан Республикасының уәкілетті мемлекеттік органдарының, әскери басқару, ұлттық қауіпсіздік және ішкі істер органдарының мұқтажына арналған байланыс желілері
1. Үкіметтік байланысты Қазақстан Республикасының Президенті бекітетін тәртіппен Қазақстан Республикасының ұлттық қауіпсіздік органы қамтамасыз етеді.
Президенттік байланысты Қазақстан Республикасының Президенті бекітетін тәртіппен Қазақстан Республикасының Мемлекеттік күзет қызметі қамтамасыз етеді.
Байланыс операторлары үкіметтік және президенттік байланыстың техникалық мүмкіндіктері мен жарақтандырылуын ескеріп, ортақ пайдаланылатын телекоммуникация желілерін жаңғыртуды және дамытуды Қазақстан Республикасының ұлттық қауіпсіздік органымен және Мемлекеттік күзет қызметімен келісе отырып жүргізеді.
Үкіметтік, президенттік байланыс жүйелері, шифрланған, құпияландырылған және кодталған байланыс Қазақстан Республикасының заңнамасында көзделген тәртіппен қамтамасыз етіледі.
2. Қазақстан Республикасының уәкілетті мемлекеттік органдарында, әскери басқару, ұлттық қауіпсіздік және ішкі істер органдарында шифрлау жұмысын ұйымдастыру тәртібін және үкіметтік байланыспен қамтамасыз ету тәртібін Қазақстан Республикасының Ұлттық қауіпсіздік комитеті әзірлейді.
3. Қазақстан Республикасының уәкілетті мемлекеттік органдарында, әскери басқару, ұлттық қауіпсіздік және ішкі істер органдарында шифрлау жұмысын ұйымдастыру тәртібін Қазақстан Республикасының Президенті бекітеді.
4. Қазақстан Республикасының уәкілетті мемлекеттік органдарының, Мемлекеттік күзет қызметінің, әскери басқару, ұлттық қауіпсіздік және ішкі істер органдарының, сондай-ақ "электрондық үкіметтің" ақпараттық-коммуникациялық инфрақұрылымы операторының мұқтаждары үшін техникалық құралдарды орналастыруға қажетті байланыс желілері мен арналарын, кабельдік кәріздегі арналарды және алаңдарды беру Қазақстан Республикасының Үкіметі айқындайтын тәртіппен уәкілетті орган реттейтін бағалар (тарифтер) бойынша шарттық негізде жүзеге асырылады.
5. Арнаулы мақсаттағы телекоммуникация желілерінің жұмыс істеуін қамтамасыз ету үшін бірыңғай телекоммуникация желісінің ресурстарын дайындау және пайдалану тәртібін Қазақстан Республикасы Үкіметі айқындайды.
6. Байланыс операторлары Қазақстан Республикасы мемлекеттiк органдарының, Мемлекеттік күзет қызметінің, әскери басқару, ұлттық қауіпсiздiк және ішкі істер органдарының мұқтаждары үшiн байланыс арналары мен желiлерiн басымдықпен берудi қамтамасыз етуге және байланыс арналары бүлінген жағдайда оларды ауыстыру немесе қалпына келтiру бойынша бiрiншi кезектегi және шұғыл шараларды қолдануға мiндеттi.
7. Байланыс операторларының, сот шешiмiмен болмаса, байланыс арналарын ажыратуға және (немесе) Қазақстан Республикасының Мемлекеттік күзет қызметіне, әскери басқару, ұлттық қауiпсiздiк және ішкі iстер органдарына үкіметтік және президенттік байланыс қызметтерiн, байланыс қызметтерiн көрсетудi тоқтата тұруға құқығы жоқ.
8. Байланыс операторлары байланыстың жұмыс iстеп тұрған және жаңадан салынып жатқан құрылысжайлары мен тораптарында техникалық құралдарды орналастыру үшiн қажеттi алаңдарды, сондай-ақ арнайы мақсаттағы телекоммуникациялар, үкiметтiк және президенттік байланыс желілері мүддесінде пайдаланылатын желiлiк-кабельдiк құрылысжайлардағы резервтiк сыйымдылықтар мен кепiлдендірілген электрмен қоректендiруді көздеуге мiндеттi.
9. Бейбiт уақытта жедел жағдай шиеленiскен, аса маңызды жұмыстар мен iс-шаралар жүргізілген кезде байланыс операторлары жедел-iздестiру қызметiн жүзеге асыратын немесе аса маңызды жұмыстар мен iс-шараларды жүргiзуге уәкілеттiгi бар көрсетілетін байланыс қызметтерiн пайдаланушыларға жеке өтiнiмдер бойынша шарттарды ресiмдемей уақытша жалдау жағдайында шығындарды кейiннен өтей отырып, қажет болған жағдайда ортақ пайдаланудағы телекоммуникация желiлерi байланысының жұмыс арналарын пайдалану арқылы қосымша арналар мен тiкелей байланыс желілерін бөліп береді.";
14) 25-бап мынадай мазмұндағы 4 және 5-тармақтармен толықтырылсын:
"4. Байланыс операторлары арасында интернет-трафик алмасуды Қазақстан Республикасынан тыс жерде шетел операторлары арқылы жүзеге асыруға тыйым салынады.
5. Интернет-трафик алмасу нүктесіне барлық қосылғандар мен байланыс операторлары арасында интернет-трафик алмасу нүктесі арқылы трафикті өткізу және алмасу тегін жүзеге асырылады.";
15) 26-бапта:
3-тармақ алып тасталсын;
3-1-тармақтың 2) тармақшасы мынадай редакцияда жазылсын:
"2) уәкілетті орган айқындайтын тәртіппен өз қаражаты есебінен интернет-трафик алмасу нүктелерін өткізуді және олардың жұмыс істеуін қамтамасыз етуге;";
16) 28-7-баптың 1) тармақшасы мынадай редакцияда жазылсын:
"1) радиоэлектрондық құралдар мен жоғары жиiлiктi құрылғылардың техникалық сипаттамалары мен пайдаланылу шарттарының радиоэлектрондық құралдарды және (немесе) жоғары жиілікті құрылғыларды пайдаланудың басталғаны немесе тоқтатылғаны туралы хабарламада жазылған параметрлерге, сондай-ақ белгiленген қағидалар мен нормаларға сай келуiн қамтамасыз етедi;";
17) 29-бапта:
мынадай мазмұндағы 4-3-тармақпен толықтырылсын:
"4-3. Байланыс операторлары шарт негізінде инженерлік инфрақұрылым объектілерін, телекоммуникациялық жабдықтар мен байланыс желілерін бірлесіп пайдалана алады.";
7-тармақ мынадай редакцияда жазылсын:
"7. Жұмыскерлерi үкiметтiк және президенттік байланыс желiсiнiң абоненттерi болып табылатын мемлекеттiк органдардың, ұйымдардың ғимараттарын, құрылысжайлары мен объектiлерiн салу кезiнде, сондай-ақ олардың орналасқан жерi өзгерген кезде қосу желiлерiн және арнаулы мақсаттағы iшкi байланыс желiлерiн жобалау мен тартуды құрылысқа тапсырыс берушiлер өз қаражаты есебiнен жүзеге асырады.";
18) 29-2-бап мынадай редакцияда жазылсын:
"29-2-бап. Авариялар мен апаттар кезінде шұғыл шақыру жүйесі үшін телекоммуникация желілерін пайдалануға беру
Ұялы байланыс операторы шұғыл шақыру жүйесінің операторына автомобиль жолдарындағы жол-көлік оқиғалары және өзге де төтенше жағдайлар туралы хабарламаларды беру және шұғыл шақыру жүйесінің операторымен екіжақты дауыс байланысын орнату үшін өзінің ұялы байланыс желісін пайдалануға өтеусіз негізде беруге міндетті.";
19) 36-баптың 4-тармағы мынадай редакцияда жазылсын:
"4. Байланыс операторынан қызметтiк ақпарат алуға абоненттің келiсiмiмен ғана және осы Заңның 15-бабында көзделген жағдайларда жол беріледi.
Телефонмен сөйлесудi тыңдауға, телекоммуникация хабарламаларымен танысуға, пошта жөнелтiмдерi мен құжаттамалық хат-хабарларды кiдiртуге, қарап-тексеруге және алуға, олар туралы мәлiметтер алуға, сондай-ақ байланыс құпияларын өзге де шектеулерге Қазақстан Республикасының заңдарында белгiленген жағдайларда және тәртiппен ғана жол беріледі.
Ұялы байланыстың тіркелмеген абоненттік нөмірлерін анықтау мақсатында қызметтік ақпаратқа (абоненттік нөмір, тегі, аты, әкесінің аты (егер ол жеке басты куәландыратын құжатта көрсетілсе), заңды тұлғаның атауы) қол жеткізу Қазақстан Республикасының Кәсіпкерлік кодексіне сәйкес жүзеге асырылады.";
20) 36-2-бап мынадай редакцияда жазылсын:
"36-2-бап. Ұялы байланыс желісінің абоненттік құрылғыларын тіркеу
1. Қазақстан Республикасының аумағындағы ұялы байланыс желісінің абоненттік құрылғыларының идентификаттау кодтары ұялы байланыс желісінің абоненттік құрылғылары идентификаттау кодтарының бірыңғай дерекқорына енгізіледі.
2. Ұялы байланыс желісінің абоненттік құрылғыларын өзгерген және (немесе) қайталанған идентификаттау кодтарымен әкелуге, өндіруге және таратуға, сондай-ақ ұялы байланыс желісінің абоненттік құрылғыларының идентификаттау кодтарын өзгертуге арналған және (немесе) сол үшін пайдаланылатын бағдарламалық қамтылым мен жабдыққа тыйым салынған.
3. Ұялы байланыс желісінің абоненттік құрылғыларын тіркеу қағидаларында көзделген жағдайларды қоспағанда, ұялы байланыс операторына ұялы байланыс желісінің тіркелмеген абоненттік құрылғылары арқылы қызметтер көрсетуге тыйым салынады.
4. Ұялы байланыс желісінің абоненттік құрылғылары идентификаттау кодтарының бірыңғай дерекқорында ұялы байланыс желісінің абоненттік құрылғыларын тіркеу, сондай-ақ ұялы байланыс желісінің абоненттік құрылғылары идентификаттау кодтарының бірыңғай дерекқорының жұмыс істеу және (немесе) оны жүргізу, ұялы байланыс желісінің абоненттік құрылғылары идентификаттау кодтарының бірыңғай дерекқорының жұмыс істеуін қамтамасыз ету мақсатында ұялы байланыс операторларының оған қол жеткізу тәртібі ұялы байланыс желісінің абоненттік құрылғыларын тіркеу қағидаларында айқындалады.
5. Ұялы байланыс операторлары ұялы байланыс желісінің абоненттік құрылғылары идентификаттау кодтарының бірыңғай дерекқорының операторына ұялы байланыс желісінің абоненттік құрылғыларын тіркеу қағидаларында айқындалатын тәртіппен ұялы байланыс желісінің абоненттік құрылғылары идентификаттау кодтарының тізілімінен мәліметтердің берілуін қамтамасыз етуге міндетті.
6. Ұялы байланыс операторлары желіні, ақпараттық жүйені және ақпараттық қамтылымды жаңғыртудың барлық шығынын өздері көтереді.";
21) 39-1-бап мынадай редакцияда жазылсын:
"39-1-бап. Ұялы байланыс желісінің абоненттік құрылғысы арқылы электрондық нысанда көрсетілетін қызметтерді алу кезінде абоненттік нөмірді пайдалану тәртібі
1. Абонент Қазақстан Республикасының заңнамасына сәйкес ұялы байланыс желісінің абоненттік құрылғысы арқылы электрондық нысанда көрсетілетін қызметтерді алуға құқылы.
2. Абонент ұялы байланыс желісінің абоненттік құрылғысы арқылы электрондық нысанда көрсетілетін қызметтерді алу үшін ұялы байланыс операторы ұсынған абоненттік нөмірді "электрондық үкіметтің" веб-порталының есептік жазбасына қосуы қажет.
3. Абонентті идентификаттау оның ұялы байланыс операторы ұсынған абоненттік нөмірі бойынша жүзеге асырылады.
Қазақстан Республикасының заңнамасында көзделген жағдайларда ұялы байланыс желісінің абоненттік құрылғысы арқылы электрондық нысанда көрсетілетін қызметтерді алу үшін абонент электрондық цифрлық қолтаңбаны пайдаланады.";
22) мынадай мазмұндағы 39-2-баппен толықтырылсын:
"39-2-бап. Байланыс қызметтерін көрсету
1. Қазақстан Республикасының аумағында байланыс қызметтерін көрсетуді Қазақстан Республикасының резиденттері жүзеге асырады.
2. Ғарыш аппараттарын пайдалануды қарастыратын байланыс қызметтерін ұйымдастыру тек Қазақстан Республикасының резиденттеріне және (немесе) шетелдік заңды тұлғаларға тиесілі ғарыш аппараттарын пайдаланған жағдайда және Қазақстан Республикасында тіркелген шетелдік заңды тұлғалардың филиалдары және (немесе) өкілдіктері арқылы қызмет көрсеткен жағдайда ғана жүзеге асырылады.
3. Ғарыш аппараттарының транспондерлік сыйымдылығын ұсыну қызметін көрсету байланыс операторының сұрау салуы бойынша резервте қалдыруды қамтамасыз ете отырып жүзеге асырылады.";
23) 40-бап мынадай мазмұндағы 1-2-тармақпен толықтырылсын:
"1-2. Байланыс операторларына абоненттер туралы қызметтік ақпаратты жинау және сақтау жүйесіне абонент туралы мәліметтерді енгізбей байланыс қызметтерін көрсетуге тыйым салынады.";
24) 41-1-баптың 1-1-тармағы мынадай редакцияда жазылсын:
"1-1. Заңды күшіне енген сот актілерімен немесе Қазақстан Республикасының заңдарымен тыйым салынған немесе өзге де түрде таратылуы шектелген, сондай-ақ қолжетімділігі Қазақстан Республикасы Бас Прокурорының немесе оның орынбасарларының уәкілетті органға заң бұзушылықтарды жою туралы енгізген нұсқамасымен уақытша тоқтатыла тұрған ақпарат телекоммуникациялар желісі арқылы таратылған жағдайда, уәкілетті органның нұсқамасы бойынша байланыс операторлары және (немесе) мемлекеттік техникалық қызмет тыйым салынған ақпаратқа қолжетімділікті шектеу бойынша шұғыл шаралар қолдануға міндетті.".
10. "Білім туралы" 2007 жылғы 27 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 20, 151-құжат; 2008 ж., № 23, 124-құжат; 2009 ж., № 18, 84-құжат; 2010 ж., № 5, 23-құжат; № 24, 149-құжат; 2011 ж., № 1, 2-құжат; № 2, 21-құжат; № 5, 43-құжат; № 11, 102-құжат; № 12, 111-құжат; № 16, 128-құжат; № 18, 142-құжат; 2012 ж., № 2, 11-құжат; № 4, 32-құжат; № 15, 97-құжат; 2013 ж., № 2, 7-құжат; № 7, 34-құжат; № 9, 51-құжат; № 14, 72, 75-құжаттар; № 15, 81-құжат; 2014 ж., № 1, 4, 6-құжаттар; № 3, 21-құжат; № 10, 52-құжат; № 14, 84-құжат; № 19-I, 19-II, 96-құжат; № 23, 143-құжат; 2015 ж., № 2, 3-құжат; № 10, 50-құжат; № 14, 72-құжат; № 20-IV, 113-құжат; № 21-III, 135-құжат; № 22-I, 140-құжат; № 22-V, 156, 158-құжаттар; № 23-II, 170, 172-құжаттар; 2016 ж., № 8-II, 67-құжат; № 23, 119-құжат):
43-баптың 3-тармағы мынадай мазмұндағы 11-2) тармақшамен толықтырылсын:
"11-2) балалардың денсаулығына және дамуына зиянын тигізетін ақпаратқа қолжетімділікті шектеуге арналған, байланыс операторларының көрсетілетін қызметтерін пайдалана отырып, білім алушылардың, тәрбиеленушілердің Интернет желісіне қол жеткізуін қамтамасыз ету;".
11. "Телерадио хабарларын тарату туралы" 2012 жылғы 18 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2012 ж., № 3, 24-құжат; № 14, 92-құжат; № 15, 97-құжат; 2013 ж., № 14, 72-құжат; 2014 ж., № 10, 52-құжат; № 19-I, 19-II, 96-құжат; № 23, 143-құжат; 2015 ж., № 22-V, 156-құжат):
1) 1-бапта:
мынадай мазмұндағы 1-1), 1-2) және 1-3) тармақшалармен толықтырылсын:
"1-1) балалар телебағдарламасы – 12 жасқа дейінгі балаларға арналған, осы жастағы топ үшін сюжеттік сипаты бар телебағдарлама;
1-2) білім беру телебағдарламасы – мазмұны телекөрерменді оқытуға бағытталған, ғылымның, мәдениеттің, өндірістің, өнердің, әлеуметтік өмірдің қандай да бір саласындағы нақты білім жүйесінде адамдардың көпшілік тобына арналған телебағдарлама;
1-3) діни телебағдарлама – дін саласы мәселелері бойынша халықты ақпараттандыруға және олардың сауаттылығын арттыруға бағытталған телебағдарлама;";
мынадай мазмұндағы 2-1) тармақшамен толықтырылсын:
"2-1) дара спутниктік және эфирлік қабылдау құрылғыларын таратушы – телерадио хабарларын тарату саласында лицензиясы бар және Қазақстан Республикасының аумағында өзінің спутниктік хабар тарату жүйесіне ие телерадио хабарларын тарату операторларының теле-, радиосигналды дара қабылдауға арналған жабдықты, телерадио хабарларын тарату операторларының көрсетілетін қызметтеріне шартты қолжетімділік карталарын тарататын жеке немесе заңды тұлға;";
9) тармақша мынадай редакцияда жазылсын:
"9) ретрансляция – телекоммуникациялардың техникалық құралдарын пайдалана отырып және телекоммуникациялар желілерінде тарата отырып, теле-, радиобағдарламаларды, теле-, радиоарналарды қабылдау және сонымен бір мезгілде не жазып алып тарату;";
мынадай мазмұндағы 11-1) тармақшамен толықтырылсын:
"11-1) телегазет – мерзімді баспасөз басылымдарында, сондай-ақ мерзімді баспасөз басылымдарын меншік иелерінің Интернет-ресурстары желісінде жарияланатын, телерадио хабарларын тарату операторлары электрондық форматта адамдардың шектеусіз тобы үшін тарататын ақпарат;
13) тармақша мынадай редакцияда жазылсын:
"13) теле-, радиоарналар топтамасы – көпарналы хабар тарату және телекоммуникациялар желілері арқылы тарату үшін телерадио хабарларын тарату операторы қалыптастырған теле-, радиоарналардың жиынтығы;";
18) тармақша мынадай редакцияда жазылсын:
"18) телерадио хабарларын тарату – телекоммуникациялардың техникалық құралдарын пайдалана отырып және телекоммуникациялар желілерінде тарата отырып, теле-, радиоарналарды ашық немесе кодталған түрде тұтынушының жария қабылдауы үшін қалыптастыру және (немесе) тарату;";
24) тармақша мынадай редакцияда жазылсын:
"24) трансляция – телекоммуникациялардың техникалық құралдарын пайдалана отырып және телекоммуникациялар желілерінде тарата отырып, теле-, радиоарналардың сигналын бастапқы тарату;";
мынадай мазмұндағы 26-1) тармақшамен толықтырылсын:
"26-1) шартты қолжетімділік картасы – абоненттің телерадио хабарларын тарату операторының көрсетілетін қызметтеріне қол жеткізуді қамтамасыз ететін дара спутниктік және эфирлік қабылдау құрылғыларының идентификаторын қамтитын құрылғы;";
2) 7-бапта:
1-тармақта:
11) тармақша мынадай редакцияда жазылсын:
"11) өз құзыреті шегінде телерадио хабарларын тарату саласындағы нормативтік құқықтық және нормативтік техникалық актілерді, оның ішінде телерадио хабарларын тарату қызметтерін көрсету қағидаларын бекітеді;";
мынадай мазмұндағы 18-1) тармақшамен толықтырылсын:
"18-1) Қазақстан Республикасының телерадио хабарларын тарату саласындағы заңнамасы талаптарының бұзылғаны анықталған кезде ұйғарымдар береді;";
2-тармақ мынадай мазмұндағы 5-1) тармақшамен толықтырылсын:
"5-1) Қазақстан Республикасының телерадио хабарларын таратуды техникалық сүйемелдеу саласындағы заңнамасы талаптарының бұзылғаны анықталған кезде ұйғарымдар береді;";
3) 14-баптың 2-тармағы алып тасталсын;
4) 16-бап мынадай редакцияда жазылсын:
"16-бап. Телерадио хабарларын тарату саласындағы көрсетілетін қызметтерге арналған тарифтер
Егер Қазақстан Республикасының заңнамасында өзгеше көзделмесе, көпарналы хабар таратуда және телекоммуникациялар желілерінде теле-, радиоарналарды тарату бойынша көрсетілетін қызметтерге арналған тарифтердi телерадио хабарларын тарату операторлары негiзделген шығындар негiзiнде дербес белгiлейдi.";
5) 18-1-баптың 3-тармағының бірінші бөлігі мынадай редакцияда жазылсын:
"3. Жарғылық капиталында толық немесе ішінара мемлекеттік акциялар (үлестер, пайлар) пакеті, сондай-ақ олармен үлестес тұлғалары бар Қазақстан Республикасының аумағындағы шетелдік теле-, радиоарналардың иелерінің қызметі Қазақстан Республикасының аумағында жарғылық капиталына шетелдік заңды тұлғалар акцияларының (үлестерінің, пайларының) пакеті жиырма пайыздан аспай қатыстырылатын заңды тұлғаны құра отырып жүзеге асырылады.";
6) 23-баптың 2-тармағының 2) және 3) тармақшалары мынадай редакцияда жазылсын:
"2) қалыптастырылатын теле-, радиоарналардың техникалық параметрлерінің телерадио хабарларын таратудың ұлттық стандарттарының талаптарын, сондай-ақ телерадио хабарларын тарату сапасының техникалық параметрлерін сақтауын қамтамасыз етеді;
3) телерадио хабарларын таратудың техникалық құралдарын телерадио хабарларын тарату операторларының желілеріне қосу, телерадио хабарларын тарату жүйелерін техникалық пайдалану қағидаларына және телерадио хабарларын таратудың ұлттық стандарттарының талаптарына, сондай-ақ телерадио хабарларын таратудың техникалық параметрлеріне сәйкес теле-, радиоарналардың теле-, радиобағдарламалар беру сапасын қамтамасыз етеді;";
7) 24-бапта:
1-тармақта:
бірінші абзац мынадай редакцияда жазылсын:
"1. Телерадио хабарларын тарату операторлары телекоммуникация желілерінде:";
3) тармақша мынадай мазмұндағы екінші абзацпен толықтырылсын:
"осы тармақшаның ережесі осы Заңның 34-бабы 2-тармағында көзделген жағдайларға қолданылмайды.";
4) тармақша мынадай редакцияда жазылсын:
"4) Осы Заңның 19-бабына сәйкес есепке қою рәсімінен өткен шетелдік теле-, радиоарналарды телерадио хабарларын тарату операторы мен шетелдік теле-, радиокомпания немесе Қазақстан Республикасының заңды тұлғаларды мемлекеттік тіркеу және филиалдар мен өкілдіктерді есептік тіркеу туралы заңнамасында белгіленген тәртіппен тіркелген шетелдік заңды тұлғаның өкілдіктері арасында жасалған шарттардың негізінде трансляциялау және (немесе) ретрансляциялау;";
мынадай мазмұндағы екінші бөлікпен толықтырылсын:
"Телерадио хабарларын тарату операторлары телекоммуникация желілерінде телегазет тарату жөніндегі қызметті жүзеге асыруға құқылы.";
2-тармақ мынадай мазмұндағы екінші және үшінші бөліктермен толықтырылсын:
"цифрлық форматта сигнал алатын телерадио хабарларын тарату операторы бағдарламалық ағынның тұрақты өзгеріссіз жылдамдығын телерадио бағдарламалар көзінен желіге жалғанған нүктеден және телерадио хабарларын таратудың көрсететін қызметіне клиенттің қолжетімділік нүктесінен алынған мәннен төмен емес деңгейде қамтамасыз етуге;
телерадио хабарларын тарату сапасының техникалық параметрлеріне сәйкес отандық теле-, радиоарналарды трансляциялауды және (немесе) ретрансляциялауды жүзеге асыруға міндетті.";
8) 25-баптың 2-тармағы мынадай мазмұндағы 8) тармақшамен және екінші бөлікпен толықтырылсын:
"8) цифрлық және аналогтық эфирлік хабар тарату желілерінде міндетті теле-, радиоарналарды таратуға арналған спутникте спутниктік ресурстарды резервтеуді қамтамасыз етеді.
Ұлттық телерадио хабарларын тарату операторы телекоммуникация желілерінде телегазет тарату жөніндегі қызметті жүзеге асыруға құқылы.";
9) 28-бап мынадай редакцияда жазылсын:
"28-бап. Ұлттық телерадио хабарларын таратудың мүдделерін қорғау
1. Отандық телеарналардың телерадио хабарларын таратудың апта сайынғы көлемінде, жарнаманы қоспағанда, отандық телебағдарламалардың саны:
2018 жылғы 1 қаңтардан бастап – елу пайыздан кем емес мөлшерді құрауға тиіс.
2. Отандық радиоарналардың радио хабарларын таратудың апта сайынғы көлемінде, жарнаманы қоспағанда, қазақстандық авторлардың не орындаушылардың музыкалық шығармаларының және отандық радиобағдарламалардың саны:
1) 2018 жылғы 1 қаңтардан бастап – қырық бес пайыздан кем емес;
2) 2020 жылғы 1 қаңтардан бастап – елу пайыздан кем емес мөлшерді құрауға тиіс.";
10) 30-баптың 1-тармағы мынадай редакцияда жазылсын:
"1. Жаңалықтар сипатындағы кем дегенде бір телебағдарлама жергілікті уақыт бойынша сағат он алтыдан жиырма екіге дейінгі аралықта сурдоаудармамен немесе субтитрлер түріндегі аудармамен қамтамасыз етіледі.
Телеарналарда орналастырылатын міндетті хабарламалар сурдоаудармамен немесе субтитрлер түріндегі аудармамен қамтамасыз етіледі.";
11) 32-баптың 2-тармағы мынадай редакцияда жазылсын:
"2. Коммерциялық жарнама сипатындағы қосымша ақпараттың көлемі кадр алаңының жиырма бес пайызынан аспауға және телебағдарламалардағы мәтiндiк немесе ақпараттық материалды бұзбауға тиіс.";
12) 34-баптың 3-тармағы мынадай редакцияда жазылсын:
"3. Теле-, радиоарнаны, теле-, радиобағдарламаны ретрансляциялауға тек қана телерадио хабарларын тарату операторы мен теле-, радиокомпания немесе Қазақстан Республикасының заңды тұлғаларды мемлекеттік тіркеу және филиалдар мен өкілдіктерді есептік тіркеу туралы заңнамасында белгіленген тәртіппен тіркелген шетелдік заңды тұлғаның өкілдіктері арасында жасалған шарттың негізінде жол беріледі.";
13) 37-бап мынадай мазмұндағы 4 және 5-тармақтармен толықтырылсын:
"4. Телерадио хабарларын тарату операторларының көрсетілетін қызметтеріне шартты қолжетімділік картасын және телерадио хабарларын тарату саласында лицензиясы жоқ және Қазақстан Республикасының аумағында меншікті спутниктік хабар тарату жүйесіне ие емес телерадио хабарларын тарату операторларының теле-, радиосигналын дара қабылдауға арналған жабдықтарға таратуға тыйым салынады.
5. Дара спутниктік және эфирлік қабылдау құрылғыларын таратушылардың қызметі телерадио хабарларын тарату қызметін көрсету қағидаларында көзделген тәртіппен жүзеге асырылады.";
14) мынадай мазмұндағы 40-1-баппен толықтырылсын:
"40-1-бап. Теле-, радиоарналарды көпшілікке көрсету үшін тарату
Мемлекеттік органдар мен ұйымдар ғимараттарының күту залдарында көпшілікке көрсету үшін тек отандық теле-, радиоарналар ғана таратылады.".
12. "Дербес деректер және оларды қорғау туралы" 2013 жылғы 21 мамырдағы Қазақстан Республикасының Заңына (Қазақстан Республикасы Парламентінің Жаршысы, 2013 ж., № 7, 35-құжат, 2015 ж., № 22-V, 156-құжат):
16-бап мынадай мазмұндағы 5-тармақпен толықтырылсын:
"5. Абоненттер және (немесе) байланыс қызметтерін пайдаланушылар туралы қызметтік ақпараттың трансшекаралық берілуінің ерекшеліктері "Байланыс туралы" Қазақстан Республикасының Заңымен айқындалады.";
13. "Рұқсаттар және хабарламалар туралы" 2014 жылғы 16 мамырдағы Қазақстан Республикасының Заңына (Қазақстан Республикасы Парламентінің Жаршысы, 2014 ж., № 9, 51-құжат; № 19-I, 19-II, 96-құжат; № 23, 143-құжат; 2015 ж., № 2, 3-құжат; № 8, 45-құжат; № 9, 46-құжат; № 11, 57-құжат; № 16, 79-құжат; № 19-II, 103-құжат; № 20-IV, 113-құжат; № 21-I, 128-құжат; № 21-III, 135-құжат; № 22-II, 144, 145-құжаттар; № 22-V, 156, 158-құжаттар; № 22-VI, 159-құжат; № 23-I, 169-құжат; 2016 ж., № 1, 2, 4-құжаттар; № 6, 45-құжат; № 7-I, 50-құжат; № 7-II, 53-құжат; № 8-I, 62-құжат; № 8-II, 68-құжат; № 12, 87-құжат; 2017 ж., № 1-2, 3-құжат; № 4, 7-құжат):
1) 2-қосымшада 146-тармақ алып тасталсын;
2) 3-қосымша мынадай мазмұндағы 56-тармақпен толықтырылсын:
"56. Радиоэлектрондық құралдарды және (немесе) жоғары жиілікті құрылғыларды пайдаланудың басталғаны немесе тоқтатылғаны туралы хабарлама.";
14. "Мемлекеттік-жекешелік әріптестік туралы" 2015 жылғы 31 қазандағы Қазақстан Республикасының Заңына (Қазақстан Республикасы Парламентінің Жаршысы 2015 ж., № 20-VII, 116-құжат):
1) 1-баптың 20) тармақшасы мынадай редакцияда жазылсын:
"20) сервистік келісімшарт – мемлекеттік-жекешелік әріптестік жобасын іске асыру шеңберінде, оның ішінде Қазақстан Республикасының заңнамасында белгіленген ерекшеліктер ескеріле отырып, қызметтер көрсетуді көздейтін мемлекеттік-жекешелік әріптестік шарты;";
2) 10-бап мынадай мазмұндағы 1-1-тармақпен толықтырылсын:
"1-1. Ақпараттандырудың сервистік моделі бойынша мемлекеттік-жекешелік әріптестік жобаларының іске асырылуы Қазақстан Республикасының ақпараттандыру саласындағы заңнамасына сәйкес жүзеге асырылады.";
3) 31-баптың 2-тармағы мынадай мазмұндағы екінші бөлікпен толықтырылсын:
"Жекеше әріптесті айқындау және ақпараттандырудың сервистік моделі бойынша мемлекеттік-жекешелік әріптестік шартын жасасу осы заңның нормалары қолданылмай, ақпараттандыру туралы заңнамаға сәйкес жүзеге асырылады.";
15. "Ақпараттандыру туралы" 2015 жылғы 24 қарашадағы Қазақстан Республикасының Заңына (Қазақстан Республикасы Парламентінің Жаршысы, 2015 ж., № 22-V, 155-құжат; 2016г. № 24, 126-құжат):
1) 1-бапта:
мынадай мазмұндағы 3-1) және 3-2) тармақшалармен толықтырылсын:
"3-1) ақпараттандырудың сервистік моделі бойынша мемлекеттік-жекешелік әріптестік шарты – мемлекеттік орган "электрондық үкіметтің" ақпараттық-коммуникациялық инфрақұрылымдарының операторы және сервистік бағдарламалық өнімдерді беруші немесе ақпараттық-коммуникациялық инфрақұрылым объектілері тараптары болып табылатын мемлекеттік органдарға ақпараттық-коммуникациялық қызметтерді көрсету кезінде тараптардың құқықтарын, міндеттерін, жауапкершілігін және өзге де жағдайларын айқындайтын сервистік келісімшарт;
3-2) ақпараттандырудың сервистік моделі бойынша мемлекеттік-жекешелік әріптестік жобасы – ақпараттандырудың сервистік моделі бойынша мемлекеттік-жекешелік әріптестік шартына мемлекеттік органдардың, "электрондық үкіметтің" ақпараттық-коммуникациялық инфрақұрылымы операторының және сервистік бағдарламалық өнімдерді берушілердің немесе ақпараттық-коммуникациялық инфрақұрылым объектілерінің міндетті түрде қатысуын көздейтін ақпараттық-коммуникациялық көрсетілетін қызметтерді жасау жөніндегі дәйекті іс-шаралар жиынтығы;";
14) тармақша мынадай редакцияда жазылсын:
"14) ақпараттандыру объектілерінің интеграциясы – деректерді берудің Қазақстан Республикасында пайдаланылатын стандарттық хаттамалары негізінде ақпараттандыру объектілері арасындағы ақпараттық өзара іс-қимылды ұйымдастыру және қамтамасыз ету жөніндегі іс-шаралар;";
мынадай мазмұндағы 26-1) тармақшамен толықтырылсын:
"26-1) ақпараттық-коммуникациялық көрсетілетін қызметтерді жобалауға арналған тапсырма – "электрондық үкіметтің" ақпараттық-коммуникациялық инфрақұрылымы операторының мемлекеттік органдарға көрсететін ақпараттық-коммуникациялық қызметтеріне қойылатын техникалық, ұйымдастырушылық және өзге де талаптарды, сондай-ақ ақпараттық-коммуникациялық көрсетілетін қызметтердің шекті құнын бейнелейтін құжат;";
мынадай мазмұндағы 47-1) тармақшамен толықтырылсын:
"47-1) қорғау бейіні – ақпараттандыру объектілерінің құрамбөліктері болып табылатын бағдарламалық және техникалық құралдардың қауіпсіздігіне қойылатын ең төменгі талаптар тізбесі;";
мынадай мазмұндағы 53-1) тармақшамен толықтырылсын:
"53-1) "электрондық үкіметтің" сыртқы шлюзі – мемлекеттік органдардың бірыңғай көлік ортасынан тысқары тұрған ақпараттық жүйелермен мемлекеттік органдардың бірыңғай көлік ортасында тұрған ақпараттық жүйелердің өзара іс-қимылын қамтамасыз етуге арналған "электрондық үкімет" шлюзінің кіші жүйесі;".
2) 7-бапта:
13) тармақша мынадай редакцияда жазылсын:
"13) "электрондық үкіметтің" ақпараттандыру объектілерін интеграциялау қағидаларын бекітеді;";
мынадай мазмұндағы 13-1) тармақшамен толықтырылсын:
"13-1) "электрондық үкіметтің" сыртқы шлюзінің жұмыс істеу қағидаларын және техникалық талаптарын бекітеді;";
24) және 25) тармақшалар мынадай редакцияда жазылсын:
"24) бюджетті жоспарлау жөніндегі уәкілетті органмен келісу бойынша мемлекеттік органдар үшін ақпараттық-коммуникациялық көрсетілетін қызметтердің құнын есептеу әдістемесін бекітеді;
25) мемлекеттік органдардың ақпараттық-коммуникациялық технологияларды қолдану жөніндегі қызметінің тиімділігін бағалау әдістемесін әзірлейді және бекітеді;";
мынадай мазмұндағы 25-1) тармақшамен толықтырылсын:
"25-1) мемлекеттік органдардың ақпараттық-коммуникациялық технологияларды қолдану жөніндегі қызметінің тиімділігін бағалауды және электрондық нысанда мемлекеттік қызмет көрсету сапасын бағалауды жүргізеді;";
33) тармақша мынадай редакцияда жазылсын:
"33) "электрондық үкіметтің" сервистік интеграторы әзірлеген ақпараттық-коммуникациялық көрсетілетін қызметтерді жобалауға арналған тапсырманы бекітеді;";
35) тармақша мынадай редакцияда жазылсын:
"35) ақпараттандырудың сервистік моделі бойынша мемлекеттік-жекешелік әріптестік жобаларын қоспағанда, ақпараттандыру саласындағы мемлекеттік-жекешелік әріптестік жобасының тұжырымдамасына салалық қорытынды береді;";
мынадай мазмұндағы 42-1) тармақшамен толықтырылсын:
"42-1) шарттық қатынастарды орындау кезеңінде ақпараттандырудың сервистік моделі бойынша мемлекеттік-жекешелік әріптестік жобаларының жүзеге асырылуына мониторинг жүргізуді жүзеге асырады;";
43) тармақша мынадай редакцияда жазылсын:
"43) Интернетке қол жеткізудің бірыңғай шлюзінің және "электрондық үкіметтің" электрондық поштасының бірыңғай шлюзінің жұмыс істеуі мәселелері бойынша ведомствоаралық үйлестіруді жүзеге асырады;";
50) тармақша мынадай редакцияда жазылсын:
"50) мемлекеттік заңды тұлғаның ақпараттық жүйелерін және мемлекеттік электрондық ақпараттық ресурстарды қалыптастыруға арналған мемлекеттік емес ақпараттық жүйелерді құруға немесе дамытуға арналған техникалық тапсырмаларды келіседі;";
54) тармақша мынадай редакцияда жазылсын:
"54) мемлекеттік органдардың ақпараттық жүйелерін және сервистік бағдарламалық өнімдерді құру немесе дамыту кезінде стандартты шешімдер ретінде көп рет пайдаланылуға жататын ақпараттық жүйелердің (немесе олардың бөліктерінің) тізбесін бекітеді;";
мынадай мазмұндағы 63-1) 63-2), 63-3), 63-4), 63-5), 63-6) және 63-7) тармақшалармен толықтырылсын:
"63-1) сервистік интегратор қалыптастырған ақпараттандырудың сервистік моделі бойынша мемлекеттік-жекешелік әріптестік жобалары тізбесін келісуді жүзеге асырады;
63-2) ақпараттық қауіпсіздік талаптарына сәйкес "электрондық үкіметтің" ақпараттандыру объектілерінің жұмыс істеу және функционалдылығы шарттарының өзгермейтіндігіне мониторинг жүргізу қағидаларын бекітеді;
63-3) мемлекеттік техникалық қызмет, байланыс операторы және интернетке қол жеткізудің бірыңғай шлюзін пайдаланушылар арасында жұмыстың атқарылуы және ұйымдастыру-техникалық өзара іс-қимыл қағидаларын, сондай-ақ мемлекеттік техникалық қызмет, оператор және "электрондық үкіметтің" электрондық поштасының бірыңғай шлюзін пайдаланушылар арасында жұмыстың атқарылуы және ұйымдастыру-техникалық өзара іс-қимыл қағидаларын бекітеді;
63-4) қорғау бейіндерін әзірлеу әдістемесін бекітеді;
63-5) қорғау бейіндерін бекітеді;
63-6) мемлекеттік органдардың бекітілген қорғау бейіндерінің талаптарын орындауын бақылауды жүзеге асырады;
63-7) Қазақстан Республикасының ақпараттандыру саласындағы заңнамасының талаптарын бұзу анықталған кезде ұйғарым береді;";
3) 12-бапта:
8) тармақша мынадай редакцияда жазылсын:
"8) ақпараттық-коммуникациялық көрсетілетін қызметтерді жобалауға арналған тапсырманы әзірлейді;";
12) тармақша мынадай редакцияда жазылсын:
"12) мемлекеттік органдардың ақпараттық-коммуникациялық технологияларды қолдану жөніндегі қызметтің тиімділігіне бағалау жүргізуді және электрондық нысанда мемлекеттік көрсетілетін қызметтер сапасына бағалау жүргізуді сүйемелдейді;";
20) тармақша мынадай редакцияда жазылсын:
"20) "электрондық үкіметтің" ақпараттандыру объектілері мен Қазақстан Республикасының ұлттық шлюзінің интеграциясын ұйымдастырады;";
мынадай мазмұндағы 21-1) тармақшамен толықтырылсын:
"21-1) ақпараттандырудың сервистік моделі бойынша мемлекеттік-жекешелік әріптестік жобалары тізбесін қалыптастырады;";
4) 13-бапта:
3) тармақша мынадай редакцияда жазылсын:
"3) "электрондық үкіметтің" ақпараттық-коммуникациялық инфрақұрылымын дамыту үшін өзге тұлғалардың ақпараттық-коммуникациялық инфрақұрылымының объектілерін, сондай-ақ мемлекеттік органдардың ақпараттық қызметін сүйемелдеу және жүйелік-техникалық қызмет көрсетуді жүзеге асыру үшін тұлғаларды тартуға құқылы;";
10) тармақша мынадай редакцияда жазылсын:
"10) мемлекеттік органдарға, олардың ведомстволық бағынысты ұйымдарына, жергілікті өзін-өзі басқару органдарына, сондай-ақ уәкілетті орган айқындаған және мемлекеттік органдардың бірыңғай көліктік ортасына қосылған өзге де ақпараттандыру субъектілеріне олардың электрондық ақпараттық ресурстары мен ақпараттық жүйелерінің жұмыс істеуі үшін байланыс қызметін көрсетеді. Байланыс қызметін көрсету үшін қосалқы мердігерлер ретінде өзге тұлғаларды (бірлесіп атқарушыларды) тартуға құқығы бар.";
мынадай мазмұндағы 12-1) тармақшамен толықтырылсын:
"12-1) Қазақстан Республикасының негізгі куәландырушы орталығын, Қазақстан Республикасы мемлекеттік органдарының куәландырушы орталығын, Қазақстан Республикасының ұлттық куәландырушы орталығын және Қазақстан Республикасының сенім білдірілген үшінші тарапын сүйемелдеуді және жүйелік-техникалық қызмет көрсетуді жүзеге асырады;";
5) 14-баптың 1-тармағында:
6) тармақша мынадай редакцияда жазылсын:
"6) интернетке қол жеткізудің бірыңғай шлюзі арқылы интернетке қосылған телекоммуникациялар желілерін және "электрондық үкіметтің" электрондық поштасының бірыңғай шлюзі арқылы мемлекеттік органдардың және жергілікті атқарушы органдардың электрондық пошталарын қорғауды қамтамасыз ету жөніндегі іс-шараларды жүргізеді;";
мынадай мазмұндағы 13-1) тармақшамен толықтырылсын:
"13-1) байланыс операторларының трафигін интернетке қол жеткізудің бірыңғай шлюзі арқылы және оператордың пошталық трафигін "электрондық үкіметтің" электрондық поштасының бірыңғай шлюзі арқылы қосуды және өткізуді жүзеге асырады;";
6) 26-бап мынадай мазмұндағы 3-тармақпен толықтырылсын:
"3. "Электрондық үкіметтің" ақпараттық-коммуникациялық платформасын өнеркәсіптік пайдалануға ақпараттық қауіпсіздік талаптарына сәйкестікке сынақтардың оң нәтижелері бар акті және ақпараттық қауіпсіздік талаптарына сәйкестік аттестаты болған жағдайда жол беріледі.
Сервистік бағдарламалық өнімді өнеркәсіптік пайдалануға ақпараттық қауіпсіздік талаптарына сәйкестікке сынақтардың оң нәтижелері бар акті, бағдарламалық құжаттамалар талаптарына және Қазақстан Республикасының аумағында қолданыстағы ақпараттандыру саласындағы стандарттарға сәйкес сапаны бағалау мақсатындағы сынақ хаттамалары және бағдарламалық құжаттама сараптамасының хаттамалары болған жағдайда жол беріледі.";
7) 30-бап мынадай мазмұндағы 1-1-тармақпен толықтырылсын:
"1-1. Байланыс операторларын Интернетке қол жеткізудің бірыңғай шлюзі арқылы қосу және олардың трафигін өткізу шарттық негізде жүзеге асырылады.";
8) 36-бап мынадай мазмұндағы 5-1-тармақпен толықтырылсын:
"5-1. Жалпыға бірдей қолжетімді электрондық ақпараттық ресурстың меншік иесінің немесе иеленушісінің пайдаланушының ақпаратты орналастыру бойынша қызмет көрсетуі жазбаша (оның ішінде электрондық) нысанда жасалатын келісім негізінде "электрондық үкімет" порталында сәйкестендіруді пайдалана отырып немесе пайдаланушының шартты жасау үшін бір реттік паролі бар, қысқаша мәтіндік хабарды жіберу жолымен жалпыға бірдей қолжетімді электрондық ақпараттық ресурста тіркелген ұялы байланыстың абоненттік нөмірі арқылы жүзеге асырылады.
Пайдаланушының ақпаратын орналастыруы өзінің немесе шартты аты (бүркеншік аты) арқылы жүзеге асырылады. Дербес деректердi иесiздендiру келісімде белгіленген негізде және тәртіппен жүзеге асырылады.
Электрондық ақпараттық ресурстың меншік иесі немесе иеленушісі келісімді жасау кезінде пайдаланатын ақпаратты оның барлық қолданылу кезеңінде, сондай-ақ ол бұзылғаннан кейін үш ай ішінде сақтауға міндетті.";
9) 38-бапта:
2-тармақтың 4) тармақшасы мынадай редакцияда жазылсын:
"4) "электрондық үкіметтің" басқа ақпараттандыру объектілерімен интеграциясы (қажет болғанда);";
мынадай мазмұндағы 2-1-тармақпен толықтырылсын:
"2-1. Мемлекеттік заңды тұлғаның мемлекеттік электрондық ақпараттық ресурстарды қалыптастыруға арналған ақпараттық жүйесі және мемлекеттік емес ақпараттық жүйе Қазақстан Республикасының заңнамасына, Қазақстан Республикасы аумағында қолданыстағы стандарттарға, ақпараттық жүйенің өмірлік циклына сәйкес және:
1) уәкілетті органмен келісілген техникалық тапсырма;
2) ақпараттық қауіпсіздік талаптарына сәйкестігіне сынақтардың оң нәтижелері бар сынақтар акті;
3) ақпараттық қауіпсіздік талаптарына сәйкестік аттестаты талаптарының қамтамасыз етілуі ескеріле отырып құрылады, пайдаланылады және дамытылады.
Осы тармақшада белгіленген талаптар "электрондық үкіметтің" өнеркәсіптік пайдалануға енгізілген сыртқы шлюзі арқылы интеграцияланған кезде қаржы ұйымдарының ақпараттық жүйелеріне қолданылмайды;
4) ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарды сақтау талаптарының қамтамасыз етілуі ескеріле отырып құрылады, пайдаланылады және дамытылады.";
10) 42-баптың 3-тармағының үшінші абзацы мынадай редакцияда жазылсын:
"Мемлекеттік электрондық ақпараттық ресурстарды резервтік көшірме жасаудың мерзімділігі ақпараттық жүйеге арналған техникалық құжаттамада белгіленеді.";
11) 43-бапта:
тақырыбы және 1-тармақ мынадай редакцияда жазылсын:
"43-бап. "Электрондық үкіметтің" ақпараттандыру объектілерінің интеграциясы
1. Мемлекеттік органдардың ақпараттық жүйелерінің интеграциясы "электрондық үкіметтің" ақпараттандыру объектілерінің интеграциясы қағидаларына және мемлекеттік және мемлекеттік емес ақпараттық жүйелерінің қорғау профилімен айқындалатын және ақпараттық қауіпсіздік бойынша бірлескен жұмыстар шартымен ресімделетін ақпараттық қауіпсіздік талаптарын сақтай отырып жүзеге асырылады.";
3 және 4-тармақтар мынадай редакцияда жазылсын:
"3. Мемлекеттік емес ақпараттық жүйенің мемлекеттік органның ақпараттық жүйесімен интеграциясы "электрондық үкіметтің" ақпараттандыру объектілерінің интеграциясы қағидаларына сәйкес тек қана "электрондық үкіметтің" шлюзі немесе "электрондық үкіметтің" ақылы шлюзі (ақы төлеу мақсатында) арқылы жүзеге асырылады.
4. Электрондық цифрлық қолтаңбаның төлнұсқалығын тексеру үшін мемлекеттік органның ақпараттық жүйесі мен мемлекеттік емес ақпараттық жүйенің "электрондық үкіметтің" шлюзіне қосылуы талап етілмейді.";
12) 44-бапта:
1 және 2-тармақтар мынадай редакцияда жазылсын:
"1. Мемлекеттік емес ақпараттық жүйенің мемлекеттік органның ақпараттық жүйесімен интеграциясы "электрондық үкіметтің" ақпараттандыру объектілерінің интеграциясы қағидаларына сәйкес тек қана "электрондық үкіметтің" шлюзі немесе "электрондық үкіметтің" төлем шлюзі арқылы (төлемдерді жүзеге асыру мақсатында) жүзеге асырылады.
2. Мемлекеттік органның ақпараттық жүйесімен интеграцияланатын немесе мемлекеттік электрондық ақпараттық ресурстарды қалыптастыруға арналған мемлекеттік емес ақпараттық жүйенің электрондық ақпараттық ресурстары, интерфейсі, техникалық құжаттамасы және басқа да ілеспе құжаттары қазақ және орыс тiлдерiнде жасалады және сақталады.";
3-тармақ мынадай мазмұндағы екінші бөлікпен толықтырылсын:
"Осы тармақта белгіленген талаптар өнеркәсіптік пайдалануға енгізілген "электрондық үкіметтің" сыртқы шлюзі арқылы интеграцияланған кезде қаржы ұйымдарының ақпараттық жүйелеріне қолданылмайды.";
13) 45-бап мынадай редакцияда жазылсын:
"45-бап. Ақпараттандырудың сервистік моделі
1. Ақпараттандырудың сервистік моделін іске асыру мемлекеттік органның ақпараттық-коммуникациялық көрсетілетін қызметтер каталогына сәйкес "электрондық үкіметтің" ақпараттық-коммуникациялық инфрақұрылымы базасында ақпараттық-коммуникациялық көрсетілетін қызметтерді жоспарлауды, құруды және көрсетуді қамтиды.
2. Ақпараттандырудың сервистік моделі осы Заңға, ақпараттандырудың сервистік моделін іске асыру қағидаларына және ақпараттандыру саласындағы өзге де нормативтік құқықтық актілерге сәйкес іске асырылады.
3. Мемлекеттік органға ақпараттық-коммуникациялық қызметтерді көрсету ақпараттандырудың сервистік моделі бойынша мемлекеттік-жекешелік әріптестік шартын не Қазақстан Республикасының мемлекеттік сатып алу туралы заңнамасына сәйкес оператор мен мемлекеттік органның арасындағы шартты жасау жолымен іске асырылуы мүмкін.
4. Оператордың, мемлекеттік органның және сервистік бағдарламалық өнімдердің немесе ақпараттық-коммуникациялық инфрақұрылым объектілерінің өнім берушілерінің ақпараттық-коммуникациялық қызметтерді көрсету (алу) кезіндегі міндеттері мен жауапкершілігі Қазақстан Республикасының заңдарымен және тараптардың келісімінде белгіленеді.
5. Ақпараттандырудың сервистік моделі бойынша мемлекеттік-жекешелік әріптестік жобаларын жоспарлаған кезде уәкілетті орган:
1) мемлекеттік-жекешелік әріптестік жобаларының қаржылай қамтамасыз етілуін анықтау үшін бюджеттік жоспарлау жөніндегі уәкілетті органның келісуіне ақпараттық-коммуникациялық қызметті жобалауға бекітілген тапсырмаларды қоса бере отырып, іске асыруға жоспарланған ақпараттандырудың сервистік моделі бойынша мемлекеттік-жекешелік әріптестік жобалары тізбесінің жобасын ақпараттандырудың сервистік моделі бойынша енгізеді;
2) бюджеттік жоспарлау жөніндегі уәкілетті органның ақпараттандырудың сервистік моделі бойынша мемлекеттік-жекешелік әріптестік жобаларының қаржылай қамтамасыз етілуін анықтау жөніндегі оң қорытындысы негізінде іске асыруға жоспарланған ақпараттандырудың сервистік моделі бойынша мемлекеттік-жекешелік әріптестік жобаларының тізбесін бекітеді.
Іске асыру жоспарланған мемлекеттік-жекешелік әріптестік жобаларының тізбесін қалыптастыру және бекіту ақпараттандырудың сервистік моделін іске асырудың қағидаларында белгіленген тәртіппен іске асырылады.
6. Республикалық бюджет жобасына іске асыру жоспарланған ақпараттандырудың сервистік моделі бойынша мемлекеттік-жекешелік әріптестік жобаларын енгізу үшін:
1) ақпараттандырудың сервистік моделі бойынша мемлекеттік-жекешелік әріптестік жобаларының қаржылай қамтамасыз етілуін анықтау бөлігінде бюджеттік жоспарлау жөніндегі уәкілетті органның ақпараттандырудың сервистік моделі бойынша мемлекеттік-жекешелік әріптестік жобаларының тізбесіне оң қорытындысы;
2) ақпараттандыру саласындағы уәкілетті орган бекіткен ақпараттық-коммуникациялық қызметтерді жобалауға тапсырма;
3) Республикалық бюджет комиссиясының оң қорытындысы негіз болып табылады.
7. Сервистік бағдарламалық өнімдердің немесе ақпараттық-коммуникациялық инфрақұрылым объектілерінің өнім берушілерін айқындау, ақпараттандырудың сервистік моделі бойынша мемлекеттік-жекешелік әріптестік шартын жасасу, орындау және тоқтату рәсімдері осы Заңға және ақпараттандырудың сервистік моделін іске асыру қағидаларына сәйкес жүзеге асырылады.
8. Ақпараттандырудың сервистік моделі бойынша мемлекеттік-жекешелік әріптестіктің жобаларын іске асырудың мониторингі және оны бағалау, сондай-ақ, шарттық қатынастарды орындау кезеңінде шарттық міндеттерді орындау мониторингі ақпараттандырудың сервистік моделін іске асыру қағидаларына сәйкес жүзеге асырылады.";
14) мынадай мазмұндағы 45-1, 45-2, 45-3-баптармен толықтырылсын:
"45-1-бап. Сервистік бағдарламалық өнімнің немесе ақпараттандырудың сервистік моделі бойынша мемлекеттік-жекешелік әріптестік жобалары бойынша ақпараттық-коммуникациялық инфрақұрылым объектісінің өнім берушісін айқындау
1. Сервистік бағдарламалық өнімді немесе ақпараттық-коммуникациялық инфрақұрылым объектісінің өнім берушісін айқындауды конкурстық комиссия конкурстық негізде жүзеге асырады.
2. Сервистік бағдарламалық өнімнің немесе ақпараттық-коммуникациялық инфрақұрылым объектісінің өнім берушісін айқындау жөніндегі конкурстық комиссияны ақпараттық-коммуникациялық қызмет көрсетуге тапсырыс беруші мемлекеттік орган құрады.
3. Конкурстық комиссияның төрағасы ақпараттық-коммуникациялық қызметке тапсырыс берушінің бірінші басқарушысы немесе ол уәкілеттік берілген тұлға болып табылады.
4. Конкурстық комиссия құрамына ақпараттық-коммуникациялық қызметке тапсырыс берушінің, уәкілеттік органның, сервистік интегратордың және өзге де мүдделі мемлекеттік органдар мен ұйымдардың өкілдері кіреді.
5. Сервистік бағдарламалық өнімнің немесе ақпараттық-коммуникациялық инфрақұрылым объектісінің өнім берушісін айқындау жөніндегі конкурс, оның ішінде біліктілік іріктеу ақпараттандырудың сервистік моделін іске асыру қағидаларында белгіленген тәртіппен жүзеге асырылады.
45-2-бап. Сервистік бағдарламалық өнімдердің немесе ақпараттандырудың сервистік моделі бойынша мемлекеттік-жекешелік әріптестік жобалары бойынша ақпараттық-коммуникациялық инфрақұрылым объектісінің әлеуетті өнім берушілеріне қойылатын біліктілік талаптары
1. Ақпараттандырудың сервистік моделі бойынша мемлекеттік-жекешелік әріптестігінің жобаларын іске асыру кезінде сервистік бағдарламалық өнімнің немесе ақпараттық-коммуникациялық инфрақұрылым объектісінің әлеуетті өнім берушілеріне мынадай біліктілік талаптары қойылады:
1) құқыққа қабілеттілігінің (заңды тұлғалар үшін), азаматтық әрекет қабілеттілігінің (жеке кәсіпкерлер үшін) болуы;
2) төлемге қабілетті болып табылуы, салықтық берешегінің болмауы;
3) ақпараттандырудың сервистік моделі бойынша мемлекеттік-жекешелік әріптестіктің шарты бойынша міндеттемелерді орындауға қажет қаржы және (немесе) материалдық және (немесе) еңбек ресурстарының болуы;
4) Қазақстан Республикасының заңнамасына сәйкес банкротқа ұшырау не таратылу рәсіміне жатпау, оның мүлігіне тыйым салынбау, оның қаржы-шаруашылық қызметі тоқтатылмауы қажет;
5) заңды күшіне енген, жосықсыз әлеуетті жеке әріптес ретінде тану туралы сот шешімі негізінде мемлекеттік-жекешелік әріптестіктің соңғы үш жылында жасасқан шарттар бойынша міндеттемелерін орындамағаны және (немесе) тиісті орындамағаны үшін жауапкершілікке тартылмауы қажет.
2. Сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісі оның біліктілік талаптарға сәйкестігін растау үшін ақпараттандырудың сервистік моделін іске асыру қағидаларында көзделген тәртіпте және көлемде растаушы құжаттарды ұсынады.
3. Қазақстан Республикасының резиденті емес сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісі оның осы баппен белгіленген біліктілік талаптарға сәйкестігін растау үшін Қазақстан Республикасының резиденттері ұсынғандай құжаттарды не Қазақстан Республикасының резиденті емес сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісінің біліктілігі туралы ұқсас мәліметтерді қамтитын құжаттарды ұсынады.
4. Сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісі біліктілік талаптарға сәйкестікке дәйексіз ақпарат ұсынуы жағдайында соттың оны сервистік бағдарламалық өнімдердің немесе ақпараттық-коммуникациялық инфрақұрылым объектілерінің жосықсыз әлеуетті өнім берушісі ретінде тану сәтінен бастап соңғы үшін жыл ішінде сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісін айқындау жөніндегі конкурсқа қатысуға жіберілмейді.
5. Ақпараттық-коммуникациялық қызмет көрсетудің тапсырыс берушілері мемлекеттік органдар конкурстық комиссия осындай фактіні белгілеген күннен бастап күнтізбелік отыз күннен кешіктірмей, біліктілік талаптар бойынша дәйексіз ақпарат ұсынған сервистік бағдарламалық өнімнің немесе ақпараттық-коммуникациялық инфрақұрылым объектілерінің әлеуетті өнім берушісін жосықсыз әлеуетті өнім берушісі ретінде тану туралы сотқа талап-арыз береді.
6. Сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісі ұсынатын біліктілік талаптар бойынша дәйекті ақпараттың дәйектілігін - конкурстық комиссия сервистік бағдарламалық өнімнің немесе ақпараттық-коммуникациялық инфрақұрылым объектілерінің өнім берушісін біліктілігі бойынша іріктеу сатысында белгілейді.
7. Ақпараттық-коммуникациялық қызмет көрсетудің тапсырыс берушісі сервистік бағдарламалық өнімнің немесе ақпараттық-коммуникациялық инфрақұрылым объектілерінің әлеуетті өнім берушісін сервистік бағдарламалық өнімнің немесе ақпараттық-коммуникациялық инфрақұрылым объектісінің жосықсыз әлеуетті өнім берушісі ретінде тану туралы осындай шешімдерді алған кезінен бастап бес жұмыс күн ішінде жосықсыз әлеуетті жеке әріптестер тізбесіне енгізу үшін мемлекеттік жоспарлау жөніндегі орталық уәкілетті органға жібереді.
45-3-бап. Сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісін ақпараттандырудың сервистік моделі бойынша мемлекеттік-жекешелік әріптестік жобаларын іске асыру кезінде біліктілік талаптарына сай келмейді деп танудың негіздері
Сервистік бағдарламалық өнімдердің немесе ақпараттық-коммуникациялық инфрақұрылым объектілерінің әлеуетті өнім берушісі ақпараттандырудың сервистік моделі бойынша мемлекеттік-жекешелік әріптестік жобаларын іске асыру кезінде мына негіздемелердің бірі бойынша:
1) сервистік бағдарламалық өнімнің немесе ақпараттық-коммуникациялық инфрақұрылым объектілерінің әлеуетті өнім берушісінің біліктілік талаптарға сәйкестігін растау үшін құжатты (құжаттарды) ұсынбауы;
2) сервистік бағдарламалық өнімнің немесе ақпараттық-коммуникациялық инфрақұрылым объектілерінің әлеуетті өнім берушісінің біліктілік талаптарға сәйкестігін растау үшін ұсынған құжаттардағы ақпарат негізінде біліктілік талаптарға сәйкес еместігі фактісінің белгіленуі;
3) біліктілік талаптар бойынша дәйексіз ақпарат ұсыну фактісінің белгіленуі біліктілік талаптарға сәйкес емес деп танылады.";
15) 46-бап мынадай редакцияда жазылсын:
"46-бап. Мемлекеттік органдарға ақпараттық-коммуникациялық
қызметтер көрсету
1. Оператор, ақпараттық-коммуникациялық инфрақұрылым объектілерінің, сервистік бағдарламалық өнімдердің меншік иелері осы тұлғаларға тиесілі объектілерде орналастырылған мемлекеттік органдардың электрондық ақпараттық ресурстарын пайдалануға және оларға билік етуге құқықтарды сатып алмайды.
2. Оператордың мемлекеттік органдарға көрсететін ақпараттық-коммуникациялық қызметтің шекті құнын есептеу уәкілетті орган бекіткен әдістеме негізінде жүзеге асырылады.
3. Оператор мемлекеттік органдарға көрсететін ақпараттық-коммуникациялық қызметтердің сипаттамасы және олардың құны туралы ақпарат оператордың интернет-ресурсында орналастырылады.
4. Ақпараттық-коммуникациялық көрсетілетін қызметтер каталогына енгізілетін ақпараттық-коммуникациялық көрсетілетін қызметтер осы көрсетілетін қызметтерді алу түрлері мен субъектілері бойынша сыныпталады.
5. Мемлекеттік органдарға ақпараттық-коммуникациялық қызметтерді көрсету сапасын мониторингтеу және осы көрсетілетін қызметтерді алушыларды консультациялық сүйемелдеуін қамтамасыз ету мақсатында уәкілетті орган және оператор бірыңғай байланыс орталығын тартады.
6. Оператор ақпараттық-коммуникациялық қызметтер көрсеткен кезде Қазақстан Республикасының заңында және тараптардың келісімінде белгіленген тәртіппен электронды ақпараттық ресурстардың сақталу қауіпсіздігін қамтамасыз етеді және ол үшін мемлекеттік органдар алдында жауапты болады.";
16) 47-баптың 3-тармағы мынадай редакцияда жазылсын:
"3. Сервистік бағдарламалық өнімнің меншік иесінің бастамасы бойынша келісім мерзімінен бұрын тоқтатылған жағдайда оператор сервистік бағдарламалық өнімді басқа сервистік бағдарламалық өніммен ауыстырғанға дейін оны пайдалануды жүзеге асырады.";
17) 49-бап мынадай редакцияда жазылсын:
"49-бап. Ақпараттық қауіпсіздік талаптарына сәйкессіздікке сынаулар, техникалық құжаттаманың сараптамасы, сондай-ақ сапаны бағалау мақсатындағы сынақтар
1. Ақпараттық қауіпсіздік талаптарына сәйкестікке сынақтар міндетті түрде немесе меншік иесінің немесе иеленушісінің бастамасы бойынша жүргізіледі.
2. Ақпараттық қауіпсіздік талаптарына сәйкестікке міндетті сынаққа жататын сынақ объектілеріне:
1) сервистік бағдарламалық өнім;
2) "электрондық үкіметтің" ақпараттық-коммуникациялық платформасы;
3) мемлекеттік органның интернет-ресурсы;
4) мемлекеттік органның ақпараттық жүйесі;
5) ақпараттық-коммуникациялық инфрақұрылымның аса маңызды объектілеріне жатқызылған ақпараттық жүйе;
6) мемлекеттік органның ақпараттық жүйесімен интеграцияланатын немесе мемлекеттік электрондық ақпараттық ресурстарды қалыптастыруға арналған мемлекеттік емес ақпараттық жүйе жатады.
3. Қазақстан Республикасы ұлттық куәландырушы орталығының электрондық цифрлық қолтаңбаның төлнұсқалылығын тексеру бойынша сервистерін пайдалану үшін мемлекеттік органның ақпараттық жүйесі мен мемлекеттік емес ақпараттық жүйенің ақпараттық қауіпсіздік талаптарына сәйкестікке сынақтан өтуі талап етілмейді.
4. Ақпараттық қауіпсіздік талаптарына сәйкестікке сынаулар өткізу кезінде сынаулар объектісінің әрбір түрі үшін сервистік бағдарламалық өнімді, "электрондық үкіметтің" ақпараттық-коммуникациялық платформасын, мемлекеттік органның интернет-ресурсын және ақпараттық жүйені ақпараттық қауіпсіздік талаптарына сәйкестігіне сынақтар жүргізу қағидалары және әдістемесіне сәйкес жұмыстар тізбесі айқындалады.
5. Бағдарламалық қамтылымның, бағдарламалық кодтың, интернет-ресурстың және ақпараттық жүйелердің сапасын бағалау мақсатындағы сынақтар Қазақстан Республикасының бағдарламалық құжаттамасы мен Қазақстан Республикасы аумағында қолданыстағы ақпараттандыру саласындағы стандарттардың талаптарына сәйкес жүргізіледі.
Техникалық құжаттаманың сараптамасы оның Қазақстан Республикасы аумағында қолданыстағы ақпараттандыру саласындағы стандарттардың талаптарына сәйкестігін бағалау мақсатында жүргізіледі.
Бағдарламалық қамтылымды, бағдарламалық кодты, интернет-ресурсты, ақпараттық жүйені сынау меншік иесінің немесе иеленушісінің бастамасы бойынша жүзеге асырылады және оны осы Заң мен Қазақстан Республикасының техникалық реттеу саласындағы заңнамасына сәйкес сынақ зертханалары жүргізеді.";
18) 51-бапта:
2-тармақта:
2) тармақша мынадай редакцияда жазылсын:
"2) мемлекеттік заңды тұлғаның ақпараттық жүйесі, мемлекеттік органның ақпараттық жүйесімен интеграцияланатын немесе мемлекеттік электрондық ақпараттық ресурстарды қалыптастыруға арналған мемлекеттік емес ақпараттық жүйе.
Осы тармақта белгіленген талаптар өнеркәсіптік пайдалануға енгізілген "электрондық үкіметтің" сыртқы шлюзі арқылы интеграцияланған кезде қаржы ұйымдарының ақпараттық жүйелеріне қолданылмайды.";
мынадай мазмұндағы екінші бөлікпен толықтырылсын:
"Қазақстан Республикасының ұлттық куәландырушы орталығының электрондық цифрлық қолтаңбаның төлнұсқалылығын тексеру бойынша сервистерін пайдаланған кезде осы тармақта көрсетілген аттестаттау объектілері үшін ақпараттық қауіпсіздік талаптарына сәйкестікке аттестаттаудан өту талап етілмейді.";
12-тармақтың 3) және 4) тармақшалары мынадай редакцияда жазылсын:
"3) осы баптың 2-тармағында көрсетілген аттестаттау объектісінің жұмыс істеуі мен функционалдығы шарттары өзгерген;
4) осы баптың 2-тармағында көрсетілген аттестаттау объектісін пайдалану тоқтатылған жағдайларда қабылдайды.";
19) 55-баптың 3-тармағы мынадай мазмұндағы 3) тармақшамен толықтырылсын:
"3) ақпараттандыру объектілері меншік иелерінің немесе иеленушілерінің қорғау шараларын айқындауы үшін бекітілген қорғау профильдерінің негізінде қауіпсіздік жөніндегі тапсырманы әзірлеу жатады.";
20) 59-баптың 2-тармағы мынадай редакцияда жазылсын:
"2. "Электрондық үкiметтiң" сервистік интеграторы әзірлеген ақпараттық-коммуникациялық көрсетілетін қызметті жобалауға арналған тапсырманы келісуді тиісті салаға (аяға) жетекшілік ететін мемлекеттік орган ақпараттандырудың сервистік моделін іске асыру қағидаларында айқындалған тәртіпке және мерзімге сәйкес жүзеге асырады.";
21) 66-бап мынадай редакцияда жазылсын:
"66-бап. Өтпелі ережелер
1. Осы Заң қолданысқа енгізілгенге дейін өнеркәсіптік пайдалануға енгізілген және ақпараттық қауіпсіздік талаптарына сәйкестігіне сынаулар хаттамасы және ақпараттық қауіпсіздік талаптарына сәйкестікке аттестаты жоқ мемлекеттік органдардың интернет-ресурстары және мемлекеттік органдардың ақпараттық жүйелері бар мемлекеттік органдар осы Заң қолданысқа енгізілген күннен бастап үш жыл ішінде олардың ақпараттық қауіпсіздік талаптарына сәйкестігіне сынаулар және аттестаттау жүргізеді.
Мемлекеттік органның интернет-ресурсына, мемлекеттік органның ақпараттық жүйесінің техникалық құжаттамасы және (немесе) мемлекеттік органның ақпараттық жүйесі мен мемлекеттік органның интернет-ресурсын өнеркәсіптік пайдалануға енгізу туралы растаушы құжаттары болмаған жағдайда, мемлекеттік органдар осы тармақта белгіленген мерзімдерде ақпараттандыру объектілерін пайдалану жөніндегі жалпы міндеттерді, қағидаттарды және қағидаларды айқындайтын қалпына келтірілген техникалық құжаттаманы және ақпараттық қауіпсіздікті қамтамасыз ету мәселелерін регламенттейтін құжаттарды бере отырып, оларға сынақ, техникалық құжаттамаларына сараптама, ақпараттық қауіпсіздік талаптарына сәйкестігіне сынақтар және аттестаттау жүргізеді.
Осы тармақта белгіленген мерзімдерде мемлекеттік органдар осы тармақта көрсетілген мемлекеттік органдардың ақпараттық жүйелерінің лицензиялық бағдарламалық өнімдерін және техникалық құралдарын және мемлекеттік органдардың интернет-ресурстарын сүйемелдеуді, жүйелік-техникалық қызмет көрсетуді, сондай-ақ техникалық қолдауды жүзеге асыра алады.
2. Мемлекеттік органдардың ақпараттық жүйелерімен интеграцияланған немесе мемлекеттік электронды ақпараттық ресурстарды қалыптастыруға арналған және ақпараттық қауіпсіздік талаптарына сәйкестікке сынаулар хаттамасы және ақпараттық қауіпсіздік талаптарына сәйкестікке аттестаты жоқ мемлекеттік емес ақпараттық жүйелер осы Заң қолданысқа енгізілген күннен бастап үш жыл ішінде ақпараттық қауіпсіздік талаптарына сәйкестігіне сынақтар мен аттестаттаудан өтеді.".
16. "Пошта туралы" 2016 жылғы 9 сәуірдегі Қазақстан Республикасының Заңына (Қазақстан Республикасы Парламентінің Жаршысы, 2016 ж., № 8-I, 64-құжат; № 24, 124-құжат):
5-баптың 1-тармағының 12) тармақшасы алып тасталсын.
2-бап. Осы Заң:
алғашқы ресми жарияланған күнінен кейін алты ай өткен соң қолданысқа енгізілетін 1-баптың 9-тармағы 1) тармақшасының оныншы абзацын, 3) тармақшасының жиырма тоғызыншы абзацын, 6) тармақшасын, 9) тармақшасының екінші абзацын, 12) тармақшасының жетінші абзацын, 13) тармақшасының үшінші, төртінші, бесінші, алтыншы, сегізінші, тоғызыншы, он бірінші абзацтарын, 17) тармақшасының төртінші абзацын;
2019 жылғы 1 қаңтардан бастап қолданысқа енгізілетін 1-баптың 9-тармағы 5) тармақшасының төртінші абзацын, 12) тармақшасының екінші және үшінші абзацтарын;
2021 жылғы 1 қаңтардан бастап қолданысқа енгізілетін 1-баптың 2-тармағын қоспағанда, алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Президенті |