ИПС "Әділет"

Ескерту. Күші жойылды - ҚР Ішкі істер министрінің 2012.03.29 № 182 (алғаш ресми жарияланған күнінен бастап күнтізбелік он күн өткен соң қолданысқа енгізіледі) Бұйрығымен.

      Қазақстан Республикасының Әділет министрлігі Қылмыстық-атқару жүйесі комитетінің тергеу изоляторында қылмыстың жасалуына сезіктілер мен айыпталушыларды күзетте ұстау жөніндегі қызметті жетілдіру мақсатында бұйырамын:
      1. Қоса беріліп отырған Қазақстан Республикасының Әділет министрлігі Қылмыстық-атқару жүйесі комитетінің тергеу изоляторында ұсталатын адамдарды күзету мен қадағалауды ұйымдастыру жөніндегі нұсқаулық бекітілсін.
      2. Қылмыстық-атқару жүйесі комитетінің төрағасы, Қылмыстық-атқару жүйесі комитетінің аумақтық қылмыстық-атқару жүйесі департаменттерінің бастықтары осы Нұсқаулықты жеке құрамның зерделеуін ұйымдастырсын және оның талаптарына сәйкес тергеу изоляторларының жұмысын қамтамасыз етсін.
     Ескерту: 2-тармаққа өзгерту енгізілді - ҚР Әділет министрінің 2010.12.22 № 341 (ресми жарияланғаннан кейін он күнтізбелік күн өткен соң қолданысқа енгізіледі) Бұйрығымен.
      3. Осы бұйрықтың орындалуын бақылау Қазақстан Республикасы Әділет министрлігі Қылмыстық-атқару жүйесі комитетінің төрағасына жүктелсін.
      4. Осы бұйрық мемлекеттік тіркелген күнінен бастап күшіне енеді.

Министрдің міндетін атқарушы

      Келісілді
      Қазақстан Республикасы
      Бас прокурорының
      бірінші орынбасары
      3-дәрежелі мемлекеттік
      әділет кеңесшісі
      ______________________
      2004 жылғы 27 тамыз

"Қазақстан Республикасының
Әділет министрлігі Қылмыстық-
атқару жүйесі комитетінің тергеу
изоляторында ұсталатын адамдарды
күзету мен қадағалауды ұйымдастыру
жөніндегі нұсқаулықты бекіту туралы"
Қазақстан Республикасы Әділет
министрінің міндетін атқарушының
2004 жылғы 27 тамыздағы
N 244 бұйрығымен бекітілген

Қазақстан Республикасының Әділет министрлігі
Қылмыстық-атқару жүйесі комитетінің тергеу изоляторларында ұсталатын адамдарды күзету мен қадағалауды ұйымдастыру жөніндегі нұсқаулық

Ескерту: Барлық мәтіндегі «ҚАЖКБ» деген сөздер «ҚАЖК ҚАЖД» деген сөздермен ауыстырылды - ҚР Әділет министрінің 2010.12.22 № 341 (ресми жарияланғаннан кейін он күнтізбелік күн өткен соң қолданысқа енгізіледі) Бұйрығымен.

1-тарау. Жалпы ережелер

1. Осы Ереже Қазақстан Республикасы Әділет министрлігінің Қылмыстық-атқару жүйесі комитетінің (бұдан әрі - ҚР ӘдМ ҚАЖ комитеті) тергеу изоляторларында ұсталатын адамдар қылмыстың жасалуына сезіктілерді, айыпталушыларды және сотталғандарды (бұдан әрі - сезіктілер мен айыпталушылар) күзету мен қадағалау жағдайларын реттейді.

2. Кезекші ауысымдар мен режимдік бөлімдердің сандық құрамы режимдік корпустардың, күзет орындарының санын, сезіктілердің және айыпталушылардың тәуліктік қозғалысын, айдауыл, тінту және тағы басқалар жөніндегі міндеттерді орындауды ескере отырып анықталады.

3. Тергеу изоляторларының сыртқы және ішкі күзетін, күзетте ұсталатын адамдардың тәртібін қадағалауды қатардағы және кіші басшы құрамдағы адамдар - бақылаушылар жүзеге асырады.

2-тарау. Күзет пен қадағалаудың негізгі талаптары

4. Сезіктілер мен айыпталушыларды күзету мен олардың тәртібін қадағалауды бірін бірі кезекпен ауыстыратын төрт кезекші ауысымдағы жеке құрам тәулік бойы жүзеге асырады. Сезіктілер мен айыпталушыларды серуенге шығаруды, тергеушіге, дәрігерге, кездесуге апаруды және ұстау режимімен байланысты басқа да функцияларды орындауды режимдік бөлім бақылаушылары қамтамасыз етеді.

      5. Сыртқы және ішкі күзет орындарының саны мен орналасуын, тергеу изоляторының корпусты бөлімшелерінің санын Астана қаласы бойынша және облыстар бойынша Қылмыстық-атқару жүйесі комитеті қылмыстық-атқару жүйесі департаменттері (бұдан әрі - ҚАЖК ҚАЖД) бекіткен күзет орындары табельдерімен (NN 1-3) белгіленеді.
      Табельдер үш данада толтырылады: біріншісі - тергеу изоляторында, екіншісі - ҚАЖК ҚАЖД-де сақталады, үшіншісі - ҚР ӘдМ ҚАЖ Комитетіне ұсынылады.
     Ескерту: 5-тармаққа өзгерту енгізілді - ҚР Әділет министрінің 2010.12.22 № 341 (ресми жарияланғаннан кейін он күнтізбелік күн өткен соң қолданысқа енгізіледі) Бұйрығымен.

6. Корпустық бөлімшелер режимдік корпустар немесе қабаттар бойынша белгіленеді. Олардың саны бір корпустық бөлімшеде ең көбі 300 сезіктілер мен айыпталушылардың есебінен анықталады. Әрбір корпустық бөлімшеге табельдегі жазба бойынша нөмір беріледі.
Ескерту: 6-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

7. Табельмен бекітілген ішкі және сыртқы күзет орындары табельдік постар деп аталады. Нақты жағдайларға байланысты олар табельде көрсетілгендей бір ауысымды, екі ауысымды немесе үш ауысымды, тәулік бойғы болуы мүмкін, ол табельде көрсетіледі. Ішкі және сыртқы күзет орындарының әрбір табельдік постқа табельдегі жазба бойынша реттік номер беріледі. Табельде әрбір постының күзетуінде нақты не бар екені көрсетіледі.

8. Тергеу изоляторы бастығының, тергеу изоляторы бастығының кезекші көмекшісі немесе оның орынбасарларының (бұдан әрі - кезекші, кезекшінің орынбасары) өкімі бойынша табельдік күзет орындарынан басқа қолда бар деректер бойынша сезіктілер мен айыпталушылар қашуға, күзетке шабуыл жасауға не болмаса құқыққа қарсы басқа да әрекеттер жасауға ниет ететін сезіктілер мен айыпталушылар бір немесе бірнеше камераларға бақылауды күшейту үшін қосымша (уақытша) күзет постылары белгіленуі мүмкін.

      9. Сыртқы күзет орындары:
      1) мұнарадағы күзет орындарында тәулік бойы;
      2) нарядтың жолында;
      3) негізгі қақпаларда;
      4) қосалқы қақпаларда;
      5) серуендеу өткізу кезеңінде серуендеу аулаларында (қарусыз) орналастырылады.
      Сыртқы күзет орындарындағы бақылаушылар жұмыс істейтін қарулармен:
      1) мұнарадағы және нарядтың жолындағы күзет орындарында 40 патроны бар автоматпен (20 патроны бар екі магазин);
      2) негізгі және қосалқы қақпаларда 16 патроны бар тапаншамен қаруланады. Сыртқы күзет орындарына дайындалған, қарудың материалдық бөлігін және қолдану тәртібін жақсы білетін бақылаушылар қойылады.

      10. Ішкі күзет орындары:
      1) камераларда, аурухана палаталарында, карцерлерде;
      2) оқу-өндірістік шеберханаларында;
      3) техникалық құралдарды басқару пультінде орналастырылады.
      Ішкі күзет орындарындағы бақылаушылар қызметтерін қарусыз өткереді, міндетті түрде арнайы құралдармен жабдықталады ал техникалық құралдармен басқару пультінде 16 патроны бар тапаншамен қаруландырылады.
      Камералардағы күзет орындары бір күзет орнына 15-тен 20-ға дейінгі аралас немесе қарсы орналасқан камераларды, карцерлерді күзетке тапсыру есебінен орналастырылады. Карцерлердің оқшау орналасуы кезінде жеке күзет орны қойылады.

      11. Сезіктілер мен айыпталушылар шұғыл медициналық көмек көрсету үшін денсаулық сақтау органдарының емдеу мекемелеріне жіберген жағдайларда оны күзету үшін тәулік бойына күзет орны белгіленеді.
      Бұл күзет орнына әр ауысымнан кемінде екі бақылаушыдан бөлінеді, оның біреуі аға бақылаушы болып тағайындалады. Бір бақылаушы өз қызметін тікелей ауру адамның палатасында, ал екінші жағдайға байланысты дәлізде, терезе алдында немесе аурухана ғимаратының сыртқы жағындағы басқа орында өткереді.
      Ауруханадағы күзет орнына тағайындалған бақылаушылар азаматтық киімде болулары, радиостанция алып жүрулері және жасырын алып жүретін тапаншалармен, арнайы құралдармен қаруланулары тиіс.
      Егер ауруханаға сезікті немесе айыпталушы әйел орналастырылса, онда күзетуге арналған күзет орнына қарусыз бақылаушы - әйелдер тағайындалады.
      Күзет тәртібін анықтау және бақылаушыларға нұсқама өткізу үшін ауруханаға тергеу изоляторы басшыларының бірі келеді.

      12. Кезекші ауысымның түнгі уақытта қызмет өткеруін тексеруді тергеу изоляторының бастығы, оның орынбасарлары және аға мен орта басшы құрамның басқа да адамдары кесте (N 4 қосымша) бойынша, тексерушіге тексеруден 10-15 сағат бұрын тапсырылатын ұйғарым (N 5 қосымша) негізінде кенеттен тексеру жолымен жүргізіледі.
      Кесте әрбір кезекші ауысымды түнгі сағат екіден таңғы сағат алтыға дейін, айына кем дегенде 4 рет тексеру есебімен жасалады.
      Жүргізілген тексерулер және олардың нәтижелері туралы тексерген адам тергеу изоляторындағы (N 6 қосымша) және корпустық бөлімшедегі (N 7 қосымша) кезекшілік кітабына белгі жасайды.

      13. Әрбір тергеу изоляторында күзетудің жедел жоспары жасалады, оған:
      1) сыртқы күзет орындары және ескерту белгілерін беру секторлары мен шекаралары көрсетілген тергеу изоляторы аумағының бас жоспары;
      2) ішкі күзет орындары енгізілген режимдік корпустардың әр қабаттық жоспарлары;
      3) тергеу изоляторының кесілген макеті;
      4) дабыл бойынша және жағдай ушыққан кездегі іс-қимылдар туралы нұсқаулық;
      5) дабыл кезінде шұғыл шақыруға жатқызылатын қызметкерлердің мекен-жайлары, телефондары және шақыру тәсілдері көрсетілген тізімдері (тізімдер өзгерген жағдайда режим және күзет бөлімімен жаңартылады);
      6) төтенше жағдайлар кезінде құлақтандырылуға тиіс лауазымды адамдардың тізімдері енгізіледі. Осы барлық құжаттар (макеттен басқалары) жазбалары бар папкаға тігіліп, жазбамен кезекшіде сақталады.

3-тарау. Кезекші ауысымдардың қызмет
өткерулерін ұйымдастыру

      14. Күзеттің кезекші ауысымына ауысымның бастығы болып табылатын кезекші басшылық жасайды. Кезекші тікелей тергеу изоляторының бастығына, оның орынбасарларына бағынады және олар жоқ кезде жауапты лауазымды адам болып табылады.
      Әрбір кезекші ауысымға тұрақты нөмір (бірінші ауысым, екінші ауысым және т.б.) беріледі. Әдетте, ауысым құрамы тұрақты болуы керек. Ауысымға бақылаушылар тергеу изоляторы бастығының бұйрығымен тағайындалады. Бақылаушылар бір ауысымнан екінші ауысымға тек өте қажет жағдайда ғана ауыстырылады.
      Бақылаушы бір күзет орнына қатарынан 12 ауысымнан артық қызмет өткермейді, бұдан соң басқа күзет орнына ауыстырылады.
      Кезекші ауысым құрамына әйелдер камераларының санына байланысты қажетті мөлшерде бақылаушы-әйелдер тағайындалады. Бестен көп емес әйелдер камералары бар, жалпы дәлізде орналасқан тергеу изоляторында күзет бақылаушы - ер адамдарға тапсырылуы мүмкін. Әйелдерді тінтуді және санитарлық тазартуға апаруды тек бақылаушы-әйелдер ғана жүзеге асырады.

15. Кезекші ауысымның жұмыс режимі әдетте 8 немесе 12 сағаттық кесте (N 8 қосымша) бойынша белгіленеді.
Жағдай ушыққан кезде бақылаушыларды тергеу изоляторы бастығының өкімімен 5 тәулікке дейінгі мерзімге, ҚАЖК ҚАЖД басшылығының рұқсаты бойынша - бір айға дейінгі белгіленген кестеден тыс қызмет өткеруге тартуға рұқсат етіледі.

      16. Кезекші ауысымға:
      1) сыртқы және ішкі күзет орындарының;
      2) құрама бөлімшелерінің;
      3) резервтегі топтардың бақылаушылары;
      4) техникалық құралдармен басқару пультінің операторлары кіреді.

17. Кезекшілікке ауысымды тергеу изоляторын күзету жөніндегі тағайындау тергеу изоляторы бастығының әр тәулік қарсаңындағы, 8 сағаттық кезекшілік кезінде екі ауысымға және 12 сағаттық кезекшілік екі ауысымға шығарылатын бұйрығымен (N 9 қосымша) жүргізіледі.
Бұйрықта әрбір ауысымның жеке құрамының күзет орындары бойынша орналасуы көрсетіледі. Күзет орындарының саны көп болған тергеу изоляторының бастығына ауысымның жеке құрамын (N 10 қосымша) орналастыруға күзет орындары бойынша 6, 12 кезекшілікке дербес орналастыруды бекітуге рұқсат етіледі. Мұндай жағдайда бұйрықта бекітілген орналастыруға тек қана сілтеме жасалады. Күзет орындар бойынша бақылаушыларды орналастырудағы барлық өзгерістер ауысымның жеке құрамын орналастырудағы өзгерістер туралы анықтамада белігіленеді.

      18. Күзет жөніндегі бұйрықта кезекші ауысымдарға және режимдік бөлімге нұсқау көрсетіледі. Уақытша күзет орындары арқылы күзетті күшейту шаралары, сондай-ақ бақылау, тінту техникалық қарау жүргізілуі тиіс камералардың номерлерін қою күзетті күшейту жөніндегі шаралар және басқа да өкімдер көрсетіледі.
      Күзетті күшейту жөніндегі нұсқау нақтылы болуы тиіс. Күзет жөніндегі бұйрық қызмет бабында пайдалану үшiн болып табылады, бір данада ғана шығарылады және іс-әрекеті жойылғанға дейін кезекшіде сақталады, одан кейін арнайы есепке алу бөлімінің бастығына тапсырылады және тергеу изоляторының күзет жөніндегі бұйрықтар ісіне тігіледі.
      Ескерту: 18-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

      19. Кезекші өзіне бекітілген ауысымның тікелей бастығы ретінде:
      1) кәсіби даярлық сапасына, қызметтік тәртіптің жағдайына, ауысым жеке құрамының заңдылықтарды қатаң сақтауларына дербес жауап береді;
      2) ауысымның жеке құрамымен арнайы және жауынгерлік дайындық жөнінде сабақ өткізеді.

      20. Көмекші қызмет өткеру кезінде:
      1) сезіктілерді және айыпталушыларды күзетуді, қадағалауды және оқшаулауды ұйымдастырады және қамтамасыз етеді, олармен ұстаудың белгіленген тәртібін сақтауларын қамтамасыз етеді;
      2) тергеу изоляторының бастығы, орынбасары болмаған кезде ұстау тәртібін өрескел бұзудың, сезіктілердің және айыпталушылардың бағынбаушылықтарының, шабуыл жасаудың, қашудың немесе өзге де төтенше оқиғалардың алдын алу, жолын кесу және жою шараларын қабылдайды;
      3) корпус жөніндегі жетекші мен ішкі және сыртқы күзет орындарындағы бақылаушылардың қызмет өткерулерін жеке өзі, сондай-ақ орынбасар арқылы күндізгі уақытта кемінде екі рет, ал түнгі уақытта кемінде үш рет тексереді;
      4) инженерлік-техникалық күзет құралдарының, белгі беру, байланыс құралдарының, сондай-ақ есіктердің, есіктердегі желдеткіштердің, құлыптардың, торлардың, камералық жабдықтардың ақауларын тез арада жою жөнінде шаралар қолданады;
      5) режимдік аумақта баспалдақ, тақтай және шабуыл жасау мен қашу үшін пайдаланылатын басқа да заттарды сақтауға жол бермейді;
      6) қарулар, оқ-дәрілер және арнайы құралдарды сақтауды ұйымдастырады және олардың сақталуын қамтамасыз етеді;
      7) сезіктілер мен айыпталушыларды қабылдауды және жіберуді жүзеге асырады, оларды құрама бөлімшенің камераларына орналастыруды және жеке тінтуді ұйымдастырады;
      8) ауруларға шұғыл көмек көрсету үшін медицина қызметкерлерін шақырады және ауырғандарды емдеу мекемелеріне тасымалдауды қамтамасыз етеді;
      9) сезіктілер мен айыпталушыларды жедел бөліммен құрастырылған камераларға орналастыру жоспарына сәйкес камераларға орналастыруды ұйымдастырады;
      10) режимдік бөлімнің күндізгі қызметі жұмыс істемеген кезде сезіктілер мен айыпталушыларды сұрақ алуға тергеушіге апаруды қамтамасыз етеді;
      11) өткізу жүйесі ережелерінің орындалуын бақылайды;
      12) карцерге немесе жалғыз адамдық камераға орналастырылған адамдардың жаза өтеу мерзімдерін қадағалайды және оларды уақытында босатады;
      13) медицина қызметкерлерімен бірлесіп тамақтың сапасын және дер кезінде дайындалуын бақылайды;
      14) тергеу изоляторында өрт қауіпсіздігі ережесінің сақталуын бақылайды.

21. Кезекшіге ішкі және сыртқы күзет орындарының бұйрықпен бекітілген санын өз бетінше азайтуға немесе төтенше жағдайлар тудырған оқиғалар (күзетке шабуыл жасау көрініс бергенде, қашудың алдын алу кезінде, табиғи апаттың алдын алу кезінде) кезінен басқа кезде олардың тұрған жерін өзгертуге рұқсат етілмейді. Оған осы Нұсқаулықтың 8-тармағында көрсетілген жағдайларда қосымша күзет орындарын белгілеуге рұқсат етіледі. Кезекші күзет орындары санын азайтуға немесе қосымша күзет орындарын белгілеу туралы кезекші кезекшілік кітабына жазба жазады және бұл туралы тергеу изоляторының бастығына не болмаса оның орынбасарына баяндайды.

22. Кезекшіге нарядттан бос бақылаушыларды және басқа қызметкерлерді шұғыл тапсырмаларды орындау үшін қызмет өткеруге шақыртуға және тағайындауға рұқсат етіледі.

      23. Кезекші кезекші бөлімінде:
      1) тергеу изоляторының күзеті бойынша бұйрықтарды;
      2) ауысым жеке құрамының дербес орналасуын;
      3) ауысым жеке құрамының орналасуының өзгеруі туралы анықтамасын;
      4) кезекші ауысымның жеке құрамының жұмысын орналастырылған есепке алу журналын (N 12 қосымша);
      5) карцерге және бір адамдық камераға орналастырылғын адамдарды есепке алу кітабын (N 13 қосымша);
      6) сезіктілер мен айыпталушылардың сандық тексерісінің кітабын (N 14 қосымша);
      7) N 5 нысанды қаруды және оқ-дәрілерді беру және қабылдау кітабын (N 15 қосымша);
      8) арнайы кілттерді есепке алу кітабын (N 16 қосымша);
      9) тергеу изоляторына жеткізілген адамдарды есепке алудың тәулік ведомосын (N 17 қосымша);
      10) тергеу изорляторынан уақытша кеткен адамдарды есепке алудың тәулік ведомосы (N 18 қосымша);
      11) оқшау ұстауға жататын адамдардың тізімі бар ісін (N 19 қосымша);
      12) (келуі, кетуі) әр тәулікке 8-сағаттық кезекшілікте (N 20 қосымша), 12 сағаттық кезекшілікте (N 21 қосымша) қозғалысы туралы анықтама;
      13) тергеу изоляторы күзетінің жедел жоспары;
      14) мастикалық мөрді;
      15) қару қоймасының артық кілтін;
      16) постық қаруларды, арнайы құралдарды;
      17) өлім жазасына сотталған және өмірлік бас бостандығынан айырылған сотталғандар ұсталатын түрмелік типтес кілттердің және камералардың екінші құлыптарының кілттерінің артығын;
      18) аппеляциялық шағымдарға арналған мөртабандарды;
      19) камера бойынша орналастыру жоспарын;
      20) сыртқы шаруашылық жұмыстарға шағаруға жататын сотталғандардың тізімін;
      21) тергеу изоляторы бойынша кезекшілік кітабын сақтайды және жүргізеді.
      Нұсқаулықтың осы тармағында көрсетілген жеке құжаттарды жүргізуді және сақтауды кезекші өзінің орынбасарына жүктеуі мүмкін.

      24. Кезекшіге:
      1) ауырған жағдайдан басқа уақытта ауысым құрамынан біреуді кезекшілікті өткеруден босатуға;
      2) тергеу изоляторының аумағынан кетіп қалуға;
      3) қызмет өткеру кезінде ұйықтауға тыйым салынады.

25. Қызмет өткеру кезеңіндегі ауырып қалған жағдайда кезекші тергеу изоляторының бастығына немесе оның орынбасарына баяндайды және әрі қарай олардың нұсқауы бойынша әрекет етеді.

26. Кезекшінің орынбасары кезекшіге бағынады және ауысымның жеке құрамымен жұмыс бойынша нұсқаулықтырын орындайды және кезекшілікті өткеру уақытында тергеу изоляторын күзету бойынша міндеттерді жүзеге асырады.
Тергеу изоляторында штат бойынша әр ауысымда кезекшінің бірнеше орынбасарлары болады, олардың лауазымдық міндеттерін жұмыстың ерекшелігін ескере отырып тергеу изоляторының бастығы белгілейді.

      27. Корпусты бөлімшені кезекші ауысымның корпус бойынша аға қызметкері басқарады. Корпус бойынша аға қызметкер корпуста кезекші ауысым құрамында корпуста қызмет өткереді және кезекші мен оның орынбасарына бағынады. Оған ішкі күзет орындарының бақылаушылары бағынады. Корпус бойынша аға қызметкерге корпустық бөлімшеде бөлме бөлінеді, оған:
      1) ішкі телефон байланысы және кезекшімен тікелей байланыс аппараттары;
      2) камералары бар біржақты байланыс жасайтын дауыс зорайтқыш аппараттары;
      3) күзет-дабыл белгілерін беретін түйме;
      4) құжаттарды сақтауға арналған металл шкаф орналастырылады.

      28. Корпус бойынша аға қызметкер:
      1) күзет орнына бақылаушылардың өздеріне бекітілген корпустық бөлімшеде қызмет атқаруларын тексереді, дабыл кезінде дереу белгі түскен күзет орнына келеді;
      2) корпустық бөлімшеге келгендерді қабылдайды және оларды кезекшінің нұсқауына сәйкес камераларға орналастырады. Қамаудағы адам орналасуға тиіс орынды (төсекті) жеке көрсетеді және оны тиісті төсек жабдықтарымен, жеке басқа қажетті заттармен қамтамасыз етеді;
      3) орын ауыстыру талоны (N 22 қосымша) немесе орын ауыстыру тізімі (N 23 қосымша) негізінде сезіктілер мен айыпталушыларды басқа камераға ауыстыруды жүргізеді;
      4) камералық картотека бойынша сезіктілер мен айыпталушылардың есебін жүргізеді, камералық карточкаға (N 24 қосымша) бір камерадан екінші камераға ауыстыру туралы мәлімет берілгені туралы немесе қайтарылған мүлік туралы барлық қажетті жазбаларды жүргізеді;
      5) ішкі тәртіп ережесінің сақталуын, уақытында ұйқыдан тұруды, ұйқыға жатуды, тамақ таратуды қадағалайды, сезіктілер мен айыпталушылар арасындағы тәртіпті қадағалау шараларын қолданады, байқалған тәртіп бұзушылықтарды дереу жояды және олардың тарапынан болған заңсыз қауіпті әрекеттердің жолын кеседі;
      6) кезекшіге сезіктілердің, айыпталушылардың кенеттен ауырып қалғаны, шұғыл медициналық көмекті қажет ететіндер туралы баяндайды және медициналық бөлімді хабардар етеді;
      7) камералар бойынша кезекшілерді тағайындайды және корпустық бөлімшелерде тазалық сақтауды қамтамасыз етеді;
      8) белгіленген тәртіппен киімдердің ұсақ-түйек жөндеу жұмыстары үшін камераларға инелер, жіптер және қайшыларды бақылаумен береді және қайтарылуын қамтамасыз етеді;
      9) тергеу изоляторынан кететін адамдарды шығарушы бақылаушыларға тапсырады;
      10) жазбаша арыздар мен шағымдарды қабылдайды және оларды кезекшіге тапсырады;
      11) сезіктілер мен айыпталушылар босатылған кезде олардың есебіндегі мүкәммал заттарды беруді бақылайды, жетпеген немесе бүлінген заттар туралы кезекшіге баяндайды;
      12) ұйқыға жатқаннан кейiн ішкі күзет орындарының бақылаушыларынан камералардың кілттерін алады және оларды сезіктілер мен айыпталушылардың таңғы ұйқыдан тұруына дейін металл шкафтарында сақтайды немесе кезекшінің сақтауына тапсырады;
      13) сезіктілер мен айыпталушыларды серуендеуге, санитарлық тазартуға шығаруларын, камераларға техникалық қарау, жоспарлы және жоспардан тыс тінту жүргізулерін бақылайды.
      Ескерту: 28-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

29. Корпус бойынша аға қызметкер өзінің корпустық бөлімшесін қалдыруға тек қажет жағдайларда кезекшінің рұқсаты бойынша жіберіледі.

30. Ауырған жағдайда корпус бойынша аға қызметкер бұл туралы кезекшіге баяндайды және оның тиісті нұсқауы бойынша әрекет етеді.

      31. Әр кезекші ауысымда бақылаушылар ішінен тергеу изоляторы бастығының бұйрығымен резерв тобының аға қызметкері тағайындалады, ол тікелей кезекшіге және оның орынбасарына бағынады және олардың нұсқауы бойынша әрекет етеді.
      Резерв тобының аға қызметкері:
      1) резерв тобын басқарады;
      2) қарумен қызмет өткереді;
      3) күзетке шабуыл жасаудың, қашудың және басқа да қауіпті іс-қимылдардың жолын кесу үшін кезекшінің бөлмесінде үнемі дайын отырады;
      4) алдын ала белгі беру шебінен белгі келіп түскен кезде дабыл жөніндегі нұсқаулыққа сәйкес әрекет етеді;
      5) кейбір ауысымдарда ғана кезекшінің орынбасары болса атын немесе мүлдем жоқ болса тергеу изоляторында ауысымды жұмысқа бөлуге дайындайды;
      6) кезекшілікті қабылдау кезінде сыртқы күзет орындарының бақылаушыларын күзет орындарына таратады. Оларды алмастыруды және ауыстыруды қамтамасыз етеді;
      7) сыртқы күзет орындарының жабдықтарын (қашуға қарсы-ескерту белгілерін беретін, байланыс, өртке қарсы құрал-саймандар және т.б.) тексеруге қатысады.

32. Күзет орындарындағы бақылаушылар тергеу изоляторының бастығына, оның орынбасарларына, кезекшіге және оның орынбасарларына, корпус бойынша аға қызметкерлерге (ішкі күзет орындары), резерв тобының аға қызметкерлерге (сыртқы күзет орындары) бағынады және олардың бұйрықтарын орындайды.

33. Күзетке кірісер алдында бақылаушы күзет жабдықтарының: камералардың есігін, құлыптарды, жарық түсіргіштерді, белгі беру және байланыс құралдарын, өртке қарсы жабдықтарды және мүкәммалдарды мұқият тексеруі және олардың жұмыс істейтіндігіне көз жеткізуі, сондай-ақ бұл құжаттар көзделген күзет нұсқаулықтары мен рұқсат қағаздарының үлгілерін күзет орындарында қабылдап алуы тиіс.

34. Күзет орнындағы бақылаушы жалпы дабыл бойынша әрекет ету жөніндегі нұсқаулықпен өзіне жүктелген міндеттерге және өзі бағынатын бастықтардың нұсқауларына сәйкес әрекет етеді.

35. Күзет орнындағы бақылаушыға: оқуға, отыруға (ішкі күзет орнында камера алдында және сыртқы күзет орнында), ұйықтауға, бөгде адамдармен сөйлесуге, қандай да бір затты сақтауға қабылдауға немесе бір затты бір камерадан екінші камераға беруге және сезіктілер мен айыпталушыларды және күзетудегі объектіні үзіліссіз бақылаудан басқа жайларға тыйым салынады.

36. <*>
Ескерту: 36-тармақ алынып тасталды - ҚР Әділет министрінің 2006 жылғы 9 маусымдағы N 175 бұйрығымен.

4-тарау. Сыртқы күзетті ұйымдастыру

      37. Бақылау өткізу пунктіндегі (бұдан әрі - БӨП) күзет орны шлюзге жанасып тұрған бөлмеге орналастырылады. Бұл күзет орны күзетте тұрған бақылаушыға басқа адамдарға қолы жетімділік мүмкіндігі шектеулі етіп қоршалуы тиіс.
      БӨП-ке көшеден және режимдік аймақтан немесе әкімшілік ғимраттан кіретін есік "көзі" бар есіктегі тереземен және күзет орнындағы бақылаушылар басқарып отыратын электромеханикалық тиекпен жабдықталады. Шлюздің қақпасы электрлік (механикалық) тартпаның көмегімен ашылады және жабылады.
      Бас қақпаның құлпына, БӨП және бақылаушының күзет орнының есігіне басқа үй-жайлардың құлыптарының кілттері сәйкес келмеуі тиіс. Бұл кілттердің барлығының екі данасы ғана сақталады: біріншісі күзет орнындағы бақылаушыда, екіншісі - кезекшіде.

      38. БӨП-тің күзет орнында:
      1) екі жақты күзет-дабыл дабыл белгісін беретін және кезекшінің бөлмесімен немесе оператордың бөлмесімен телефон байланысының аппараттары, сондай-ақ сырттан келетін белгіні қабылдауға арналған қоңырау;
      2) қуыс бұрғымен әкеленетін және алып шығарылатын жүктерді тексеруге арналған басқа да құралдар;
      3) тергеу изоляторына кіруге және шығуға қолданылып жүрген рұқсат қағазының үлгілері;
      4) азаматтардың кіру және шығу тәртібі туралы күзет орнының нұсқаулығы, айдауылдың, көліктің рұқсат қағаздары;
      5) сезіктілер мен айыпталушылардың бас қақпа арқылы қозғалысын есепке алу ведомосі (N 25 қосымша);
      6) стол немесе тумбочка болуы керек. Қолданылып жүрген рұқсат қағаздарының үлгілері күзет орнындағы бақылаушының көріп отыруы үшін ыңғайлы жағдайда қабырғада жабдықталған жәшік-сөреде сақталады. Жәшік-сөре құлыпқа жабылады, мөр басылады және пломба салынады және пердесі болады.

      39. БӨП күзет орнының бақылаушысы:
      1) бас қақпа арқылы қашуға және тергеу изоляторына кіруге және құқы жоқ адамдардың кіруіне жол бермеуіне;
      2) қақпаны және кіретін есікті үнемі құлыпқа жауып ұстауға, ал олардың кілттерін өзінде сақтауға;
      3) лауазымды адамдардың, қызметкерлерді, келушілерді, айдауылдарды, айдауылдан босатылған сотталғандарды және көліктерді тергеу изоляторынан осы Нұсқаулықта белгіленетін тәртіп бойынша шығаруға және кіргізуге міндетті.

      40. Бақылаушы тергеу изоляторындағы өткізу режимінің талаптарын қатаң түрде жүзеге асырады. Ол кірген (шыққан) адамның бетін көруі және қызметтік куәлігін, жеке бас куәлігін немесе рұқсат қағазын мұқият тексеруі тиіс.
      Егер БӨП күзет орнындағы бақылаушы басқарып отыратын электрлік және механикалық тиектермен жабдықталмаса, онда кіретін есікті ашпас бұрын және кіретін адамды тергеу изоляторына (түрмеге) жіберер бұрын бақылаушы есіктегі терезе көзін ашады және жеке бас куәлігін немесе рұқсат қағазын қабылдайды. Сонымен бірге бақылаушы:
      1) рұқсат қағазын күзет орнындағы үлгімен салыстыруға;
      2) рұқсат қағазы мерзімінің өтпегенін, рұқсат қағаздарының фотографиялық карточкаларының оларды көрсетушісімен сәйкес келуін, шыққан кезде бір жолғы рұқсат қағазында оны қабылдаған адамның белгісі болуын бақылауға;
      3) құжатының дұрыстығы күдік келтіретін адам туралы телефонмен бақылаушыға баяндауға және оның нұсқау бойынша әрекет етуге;
      4) тергеу изоляторынан босатылған адамның түр-сипатын босатылғаны туралы анықтамадағы суретімен салыстыруға;
      5) айдауылды шығарар кезде сезіктілер мен күдіктілер санын рұқсат қағазында көрсетілген санмен салыстыруға;
      6) кіретін немесе шығатын көліктерді шығарылатын немесе кіргізілетін жүкті қуыс бұрғының және басқада құралдардың көмегін пайдалана отырып тексеру жүргізуге; Жүгі бар көлікті осы жүкке берілген рұқсат қағазын көрсеткен кезде шығаруға;
      7) шаруашылық қызмет ету бойынша жұмыс істеп жүрген сотталғандарды алып жүрген айдауылдарды шығарған кезде "С" нысанды рұқсат қағазында (N 26 қосымша) көрсетілген санмен салыстыруға және тегі бойынша тексеру жүргізуге міндетті. Бұл кезде әрбір қамаудағы өзінің тегін атауға тиіс.

41. Қосалқы қақпаларды күзетуге арналған күзет орыны олардың маңыздылығына байланысты жабдықталады. Бұл қақпалардың құлыптарында тек екі кілт қана болуы тиіс: оның біреуі бақылаушыда және екіншісі кезекшіде. Басқа үй-жайлардың құлыптарының кілті бұл құлыптарға тура келмеуі керек.

42. Қосалқы қақпадағы күзет орнының бақылаушысы өз міндеттерін күзет орнының нұсқаулығына сәйкес, осы Нұсқаулықтың 39, 40-тармақтарын басшылыққа ала отырып орындайды.

43. Тергеу изоляторының периметрі бойынша сыртқы жағынан күзетуді тәулік бойы мұнарадағы күзет орнының қаруланған бақылаушылары жүзеге асырады. Мұнаралар олардың саны аз болса барлық периметрдің сыртқы жағын күзетуді қамтамасыз ететіндей есеппен орнатылады. Мұнарадағы күзет орындары осы Нұсқаулыққа (N 27 қосымша) сәйкес жабдықталады.

44. Мұнарадағы күзет орнындағы бақылаушының күзетуіне мұнараның әр жағынан ұзындығы 150 метрге дейін периметр бойынша аумақ тапсырылады.

      45. Мұнарадағы күзет орнындағы бақылаушыда:
      1) күзет-дабыл белгілерін хабарлағыш және кезекшімен байланыс жасауға арналған телефон аппараты;
      2) полицейлік үлгідегі ысқырық болуы қажет.

      46. Мұнарадағы күзет орнындағы бақылаушы:
      1) ауыстырылғанша немесе орнынан алынғанша күзет орнын тастамауға;
      2) негізгі қоршау арқылы қашуға және тергеу изоляторына бөгде адамдардың енуіне жол бермеуге;
      3) оқталған қару ұстауға, мұнымен бірге патронды патрон салғышқа салмауға міндетті. Қаруды қолынан шығармауы және оны тіптен өзі бағынатын адамдарды қосқанда ешкімге бермеуге тиіс;
      4) резерв тобының аға қызметкерінен, кезекшіден, оның орынбасарларынан және олар ілестіріп жүретін адамдардан басқа ешкімді күзет орнына кіргізбеуге;
      5) күзет орнына жақындаған адамды: "Тоқта! Кім келеді?" деген көтеріңкі дауыспен тоқтатуға міндетті. Жауап: "Резерв тобының аға қызметкері, кезекші оның орынбасары" болғанда, оған күзет орнына жақындауға рұқсат береді. Егер адам бөгде болса, бақылаушы оны ұстау үшін дабыл белгісін беруге;
      6) бөгде адамдармен сөйлесуге және олардың сұрақтарына жауап беруге;
      7) қашуға қарсы алдын ала белгі беретін аппараттардың ақауы туралы кезекшіге баяндауға міндетті.

47. Мұнарадағы күзет орнындағы бақылаушы қаруды осы Нұсқаулықтың 180 және 181-тармақтарында белгіленген тәртіппен қолданады.

48. Мұнарадағы күзет орнындағы бақылаушы өзінің назарындағы аумақтағы жағдайлардың барлық өзгерістері туралы (режимдік корпустардың қабырғаларының, шатырларының, терезелерінің зақымдалуы туралы), сондай-ақ негізгі қоршаудың сыртқы жағынан жақын жерлердегі барлық күдікті адамдар мен автокөліктер туралы баяндауға тиіс. Сезіктілер мен айыпталушылар қызметкерлерге шабуыл жасаған, сондай-ақ төбелескен, қашуға тырысқан жағдайларда дабыл белгісін береді.

49. Тергеу изоляторында мұнарадағы күзет орындарының бақылаушысы периметрдің сенімді күзетін қамтамасыз ететін мүмкіндігі болмаса, негізгі қоршау мен белгі беру шекарасының арасында наряд жолындағы күзет орнына қаруланған бақылаушы қойылады.

      50. Наряд жолындағы күзет орнының бақылаушысында:
      1) маусымға байланысты күзет киімдері;
      2) бақылаушымен немесе оператормен байланыстыратын радиобайланыс аппараты;
      3) электр шамы (түнгі уақытта);
      4) ішкі телефон жүйесіне қосуға арналған телефон трубкасы;
      5) полицейлік үлгідегі ысқырық;
      6) өзімен бірге арнайы құралдар болуы қажет.

51. Наряд жолындағы күзет орнындағы бақылаушы осы Нұсқаулықтың 46-48-тармақтарында көрсетілген міндеттерді орындайды.

52. Қажет жағдайда түнгі уақытта режимдік аймақты айналып шығу үшін қарусыз бақылаушы қойылуы мүмкін. Оның міндеттерін осы Нұсқаулықтың 48-тармағының талаптарына және жергілікті жағдайға қарай тергеу изоляторының басшылығы анықтайды.

5-тарау. Ішкі күзет орындарындағы күзет
пен қадағалауды ұйымдастыру

      53. Камералар алдындағы ішкі күзет орнының бақылаушысында:
      1) күзетілетін камераның кілті (күндізгі уақытта);
      2) бақылаушының қолы жетуі үшін ыңғайлы жерге орналастырылған күзет-дабыл белгілерін хабарлағыш;
      3) кезекшінің бөлмесімен тікелей байланыс жасауға арналған телефон аппараты;
      4) өртке қарсы қолданылатын құралдар мен құрал-саймандар;
      5) қабырғаға орнатылған тиекті шкаф болуы керек. Камера алдындағы әрбір күзет орнында күзет орнының ведомосы (N 28 қосымша) жүргізіледі;
      6) тікелей өзімен бірге арнайы құралдар (кісендер, ПР-73 бұйымдары, "Черемуха" немесе "Сирень" түріндегі аэрозоль орамдары) болуы керек.

      54. Камера алдындағы ішкі күзет орнының бақылаушысы:
      1) өзі күзетіп отырған камерадан қашудың алдын алуға және басқа да төтенше қылмыстардың жолын кесуге бағытталған шаралар қолдануға;
      2) сезіктілер мен айыпталушылардың режим және ішкі тәртіп ережелерін орындауларын бақылауға міндетті. Барлық байқалған тәртіп бұзушылықтар туралы корпус бойынша аға қызметкерге немесе кезекшіге баяндауға міндетті.
      3) камераның есігін әр ашқан сайын "көзше" арқылы камераға кірудің қауіпсіздігіне көз жеткізуге;
      4) сезіктілер мен айыпталушыларды камерадан серуендеуге немесе санитарлық тазалықтан өткізуге алып шыққан кезде оларды айдауылдарға санап тапсыруға және олардан санап қабылдауға міндетті, оны күзет орнының ведомосіне жазады;
      5) түнгі уақытта барлық күзеттегі камераларда жарық болуын қадағалауға;
      6) әртүрлі камераларда ұсталушы сезіктілер мен айыпталушылардың, сондай-ақ шаруашылық қызметін көрсету жұмыстарына қалдырылған сотталғандармен және басқа адамдармен байланысына жол бермеуге;
      7) камерадан шақырту келіп түскен жағдайда оның себебін анықтауға міндетті.

55. Камерада ұсталушы адамдардың мінез-құлқын бақылауды бақылаушы "көзше" арқылы сезіктілер мен айыпталушылардың күдік тудыратын мінез-құлқына назар аудара отырып, ың-тыңсыз жүзеге асырады.

      56. Бақылаушы сезіктілер мен айыпталушылардың шағымын қабылдамайды және оған олармен қызметтік міндеттерді орындауға қатысы жоқ жайлар туралы сөйлесуге тыйым салынады.
      Егер сезікті және айыпталушы өтініш жасаса немесе жедел шағым жасағысы келсе, онда бақылаушы бұл туралы корпус бойынша аға қызметкерді хабардар етеді.
      Камерадан жазба хат лақтырған немесе берген кезде бақылаушы оларды дереу корпус бойынша аға қызметкерге немесе бақылаушыға береді.

57. Қашуға оқталуды немесе қашуды байқаған кезде бақылаушы дабыл белгісін береді және күзет орнында отырып олардың жолын кесу шараларын қолданады.

58. Камерада тәртіпсіздік, төбелес, бағынбаушылық немесе күдікті әрекеттер болған жағдайда бақылаушы бұл әрекеттерді тоқтатуды талап етеді және дереу корпус бойынша аға қызметкерге баяндайды және дабыл белгісін береді.

      59. Камерада немесе режимдік корпуста өрт болған кезде бақылаушы:
      1) дабыл белгісін береді;
      2) қолда бар өрт сөндіргіш құралдармен өртті өшіру шараларын қолданады. Тікелей камерада жанған кезде бақылаушы дабыл белгісін бергеннен кейін есіктегі терезені ашады және камераға өрт сөндіргіш құралдарды береді және көмектің келуін күтеді.

60. Өзін өзі өлтіру немесе өзін өзі өлтіруге оқталу кезінде бақылаушы дабыл белгісін береді. Егер бұл жалпы камерада болса, онда ол есіктегі терезе арқылы камерадағы адамдарға өзін өзі өлтіруді болдырмауды және зардап шегушіге көмек көрсетуді талап етеді.

61. Камера алдындағы ішкі күзет орнының бақылаушысына режимдік корпусқа немесе дәлізге кіретін есіктердің кілтін ұстауға, сондай-ақ жалғыз өзі камераларды ашуға және оған кіруге үзілді-кесілді тыйым салынады.
Тамақ ішетін уақытында бақылаушыны корпус бойынша аға қызметкер немесе резерв тобының бақылаушысы алмастырады.

62. Бақылаушыға тамақ, ыстық су, кітап таратуға, сондай-ақ камерадан камераға әртүрлі заттар, хаттар беруге және өзінің тікелей міндетін орындаумен байланысты емес басқа әрекеттерді жүзеге асыруға рұқсат етілмейді.
Сезіктілер мен айыпталушыларға камераларына сәлемдемелерді, тамақ, дәрі-дәрмектер, кітаптар, ларектан сатып алынған заттар және т.б. беруді есіктегі терезе арқылы тиісті қызметкерлер жүзеге асырады.

63. Камераларды әкімшілік, медицина қызметкерлері және нұсқаушылар аралаған кезде, олардың жанында камера алдындағы ішкі күзет орнының бақылаушысы есікті ашқаннан кейін, камераға бірінші болып кіретін корпус бойынша аға қызметкер немесе арнайы бөлінген бақылаушы ілесіп жүреді.
Камера алдындағы күзет орнының бақылаушысына аралап жүрген адаммен бірге камераға кіруге тыйым салынады.

      64. Камераларға кіру барлық қауіпсіздік шараларын сақтай отырып жүргізіледі.
      Камераның есігін ашпас бұрын камера алдындағы ішкі күзет орнының бақылаушысы есіктегі терезе арқылы сезіктілер мен айыпталушыларға есікке қарама-қарсы қабырғаға және кіретін есіктен екі метрден алыс жерге сапқа тұруды талап етеді.
      Камераны ашу кезінде ол есікті иығымен тіреп тұрып жартылай ашады да, камерада ұсталынушы адамдардың мінез-құлқын мұқият бақылайды. Камераларды ашуға кем дегенде 3 адам, ал түнгі уақытта камера алдындағы күзет орнының бақылаушысын қосқанда 4 адам қатысулары керек.

65. Сезіктілер мен айыпталушыларды басқа камераларға ауыстыру үшін орын ауыстырудың сипатына байланысты оларды бір-бірден немесе тобымен, немесе камерадағы барлық құрамымен, корпус бойынша аға қызметкердің қатысуымен, орын ауыстыру туралы талон немесе орын ауыстыру тізімі негізінде шығарады.

66. Сезіктілер мен айыпталушыларды корпустық бөлімшенің шегінде орналасқан дәрігердің қызмет бөлмесіне қабылдауға корпус бойынша аға қызметкердің немесе резервтегі бақылаушының қатысуымен шығарылады.

67. Тергеу изоляторынан жөнелтілуіне байланысты сезіктілерді және айыпталушыларды камералардан медициналық бөлімге, фотодактилоскопистке, басшылыққа, туыстарымен кездесуге шығару талонының негізінде (N 29 қосымша), ал тергеушіге сұрақ алуға апару адвокатпен кездесуге шығару-шақыру талоны (N 30 қосымша) негізінде шығарушы бақылауышының қатысуымен жүзеге асырылады.

68. Дәрігерге амбулаториялық қабылдауға, санитарлық тазалықтан өткізу үшін серуенге шығару кезінде сезіктілер мен айыпталушыларды шығарудың мақсаты ескертіледі. Барлық қалған жағдайларда шығару және шақыру мақсаты оларға хабарланбайды, тек олардың қалай киінуіне және өздерімен бірге не алуларына нұсқау беріледі.
Сезіктілер мен айыпталушыларды алдағы жіберу немесе тергеу изоляторынан босатылу туралы алдын ала ескертуге тыйым салынады.

69. Сезіктілер мен айыпталушыларды камерадан шығару бір-бірден немесе екеуден қатарға тұру арқылы жүзеге асырылады, ол кезде айдауылшы бақылаушы камера есігіне қырынан тұрады.

70. Күзет орны орналасқан жерде күзет орны арқылы өтуге құқығы жоқ адам пайда болған жағдайда бақылаушы оларды ұстайды және корпус бойынша аға қызметкерге хабарлайды.

71. Күзет орнына бастықтар және тергеу изоляторын тексеруші адамдар келген кезде бақылаушы рапорт бермейді, тек өзін таныстырады (мысалы "Полковник мырза, күзет орнының бақылаушысы сержант Ахметов").

72. Денсаулық сақтау жүйесіндегі емдеу мекемесіне бекітілген күзет орнының бақылаушысы тергеу изоляторы бастығының, оның орынбасарының, кезекшінің және оның орынбасарының бұйрықтарын орындаудан басқа, сондай-ақ дәрігерлердің және аурухана қызметкерлерінің емдеу шараларын жүргізу үшін науқастың орнын ауыстыруға қатысты нұсқауларын да орындайды.

      73. Күзет орнының бақылаушысы ауруханада:
      1) науқасқа тұрақты бақылауды қамтамасыз етеді және қашудың алдын алу шараларын қабылдайды;
      2) оған туысқандарын немесе бөгде адамдарды жібермейді, сондай-ақ басқа науқастармен және оны емдеуге қатысы жоқ аурухана қызметкерлерімен қарым-қатынас жасауына жол бермейді;
      3) науқасты дәретханаға шығарғанда, дәрігерге барғанда оның қызмет кабинетіне дейін ілесіп жүреді, ал содан соң дәрігердің нұсқауына сәйкес әрекет етеді: онымен бірге кабинетке кіреді немесе оны дәлізге шығар жерде күтеді;
      4) күзет орнынан ауысарда кезекшіге қызмет өткеру нәтижесін және күзет орнын тапсыруды баяндайды.

6-тарау. Құрама бөлімшелер мен резерв топтары бақылаушыларының жұмысын ұйымдастыру

74. Әр ауысым үшін құрама бөлімшелердің бақылаушылар топтарының сандық құрамы сезіктілер мен айыпталушылардың тәулік сайынғы қозғалыс көлеміне (келулері және кетулері) қарай анықталады.
Тәуліктік қозғалыс көп емес тергеу изоляторларында құрама бөлімшелердің бақылаушылар тобы бөлінбейді, ал олардың функцияларын резерв тобының бақылаушылары атқарады.

75. Құрама бөлімшелердің бақылаушылар топтарының басшылығына топтың аға бақылаушысы тағайындалады.

      76. Құрама бөлімшелердің бақылаушылар топтары сезіктілер мен айыпталушыларды қабылдау және жөнелтумен байланысты барлық жұмыстарды атқарады.
      Құрама бөлімшелер топтарының бақылаушылары:
      1) келген сезіктілер мен айыпталушыларға тінту жүргізеді және жеке тінту хаттамасын толтырады (N 31 қосымша);
      2) сезіктілер мен айыпталушылардың ақшаларын, бағалы қағаздарын және заттарын қоюға акт жасайды. Алып қойылғандарды сәйкесінше қаржылық бөлімге немесе қоймаға тапсырады;
      3) келгендерге бастапқы құжаттар ресімдеуді жүргізеді. Оның ішінде анықтама карточкасын (N 32 қосымша) және камералық карточканы толтырады;
      4) сезіктілер және айыпталушыларды құрама бөлімшеден дәрігерге медициналық қарауға және санитарлық тазалаудан өткізуге шығаруды қамтамасыз етеді;
      5) орналастыру жоспарына сәйкес, келген сезіктілер мен айыпталушыларды камера бойынша орналастырады және оларды оқшаулаудың бекітілген тәртібін қамтамасыз етеді;
      6) сезіктілер мен айыпталушыларды сотқа жіберуге дайындайды және соттан қайтып оралғандарды қабылдайды;
      7) кезең-кезеңмен ауыстырылатындарды жөнелтуге әзірлейді, олардың жеке басына қажетті заттарын береді, тінту және санитарлық тазалау өткізеді, оларды маусымға сай киімдермен қамтамасыз етеді;
      8) осы Нұсқаулықта көзделген тәртіппен құрама бөлімшелерде ұсталушы сезіктілер мен айыпталушыларды күзетуді жүзеге асырады;
      9) камералардың, құрама бөлімшелердің бокстарының техникалық және санитарлық жағдайын бақылайды.
      Құрама бөлімшелердің бақылаушылар топтарының жұмысы кезекшінің және оның орынбасарының тікелей басшылығымен жүргізіледі.

77. Құрама бөлімшелері топтарының бақылаушылары қажет жағдайда резервтік топ құрамында пайдаланылады.

78. Әрбір ауысым құрамында бақылаушылардың резервтік топтары бөлінеді, ол туралы күзет жөніндегі тәуліктік бұйрығында хабарланады және кезекшінің өкімінде болады.

      79. Резервтік топтардың бақылаушылары:
      1) дабыл жағдайында күзет бақылаушыларына шұғыл көмек көрсетуге;
      2) күзет бақылаушыларын тамақ ішкен кезде және басқа да қажетті жағдайларда ауыстыруға;
      3) камераларды аралаған кезде медицина қызметкерлеріне ілесіп жүруге;
      4) кезекшінің немесе оның орынбасарының нұсқау бойынша камераларды бақылау, техникалық қарауға қатысуға міндетті.

80. Ерекше жағдайларда (мойын ұсынбау, табиғи зілзала, апат және т.б. кездеріне) күзетті күшейту үшін бақылаушылардан арнайы қаруландырылған резервтік топ құрылуы мүмкін.
Күзет жөніндегі бұйрықта топтың сандық және дербес құрамы, оның әрекет ету мерзімі, қарулануы, ауысым тәртібі анықталады және басқа да қажетті нұсқаулар беріледі.

7-тарау. Ауысымдарды бөлу, кезекшілікті
қабылдау және тапсыру

81. Кезекші және оның орынбасары қызметке ауысым кезекшілікке түсерден 30 минут бұрын келеді. Олар күзет жөніндегі бұйрықпен танысады, содан кейін кезекшінің орынбасары немесе резерв тобының аға қызметкері ауысымды бөлуге дайындайды.

82. Бақылаушылар қызметке алдын ала нысандық киім киіп, сырт келбеті ұқыпты күйде кіреді.
Ауысымдарды бөлу әкімшілік корпусының осы мақсат үшін арнайы бөлінген қызмет бөлмесінде өтеді.

      83. Кезекші ауысымды бөлуге дайындау төмендегідей тәртіппен жүргізіледі. Кезекшінің көмекшісі немесе резерв тобының аға қызметкері:
      1) ауысымның жеке құрамын сапқа тұрғызады және олардың сырт келбетін тексереді;
      2) бұйрық бойынша (дербес орналастыру) бақылаушылардың қызметке келуін тексереді және жоқ адамдарды белгілейді;
      3) кезекші ауысым адамдарынан қызметтік куәліктерін қабылдайды;
      4) сырттағы күзет орындарының бақылаушыларына қару және патрондар береді, қарулардың түзулігін тексереді.

84. Бөлу үшін кезекші ауысымның жеке құрамы екі сапқа тұрғызылады: оң жақ қанатқа - корпус бойынша аға қызметкерлердің бастауымен ішкі күзет орындарының бақылаушылары, содан соң топ аға қызметкерінің бастауымен құрама бөлімше бақылаушылары, сол қанатқа - сыртқы, күзет орындарының бақылаушылары тұрғызылады.

      85. Кезекшіні қарсы алу үшін оның орынбасары немесе резерв тобының аға қызметкері "Сап түзе! Оңға түзел (солға)!" деп команда береді содан кейін қолын бас киіміне апарып, ауысымның қызмет өткеруге дайындығы, қызметке бөлуге келмеген және кешіккен адамдар туралы баяндайды.
      Кезекші рапортты қабылдап, ауысымның жеке құрамымен амандасады, "Еркін тұрыңдар!" деген команда береді және баяндама негізінде жоқ адамдардың орнын ауыстыру үшін шаралар қолданады, жеке өз міндеттерін білулерін және дайындықтарын тексереді, тергеу изоляторының (түрменің) бастығынан алған нұсқауларға сәйкес нұсқаулама өткізеді, жедел ақпараттарды жеткізеді.
      Бақылаушылар күзетке кірісер алдында өткізілетін нұсқаулама нақты және оларды жауапкершілікті сезіну мен әсіресе түнгі уақытта күзет орнында қырағы болуға тәрбиелейтін мақсатта болуы керек. Қажет жағдайда осының алдындағы кезекшілікті өткеру кезіндегі кемшіліктерге қысқаша талдау жасалады.

86. Нұсқаулама аяқталған соң кезекші құрама бөлімшелердің бақылаушыларына күзет орындарына дербес, ал ішкі күзет орындарының бақылаушыларына корпус бойынша аға қызметкердің басқаруымен баруға бұйрық береді. Кезекші бұдан кейін резерв тобының аға қызметкеріне сыртқы күзет орындарын ауыстыруға бұйрық береді.

      87. Қызметке кірісетін ауысымның резерв тобының аға қызметкері сыртқы күзет орындарының бақылаушыларына қаруларын оқтауға бұйрық береді.
      Автоматтар мен тапаншаларды оқтау резерв тобының аға қызметкерінің немесе кезекшінің оның орынбасарының тікелей бақылауымен қызметке бөлу бөлмесінде қауіпсіздік шараларын сақтай отырып жүргізіледі. Автомат пен тапаншаға магазин орнатылады, бұл кезде патрон патрон салғышқа салынбайды. Бұл уақытқа қарай қызметке бөлуге алдындағы ауысымның резерв тобының аға қызметкері келеді.
      Резерв топтарының екі аға қызметкерлері де сыртқы күзет орындарын қабылдау-тапсыру үшін сыртқы күзет орындары бақылаушыларының нарядымен бірге келеді. Қаруларды оқтау қауіпсіздік шаралары сақтала отырып, арнайы бөлінген үй-жайда жүргізіледі.

88. Қызметке бөлуге тергеу изоляторының бастығы оның орынбасары немесе тергеу изоляторын инспекциялаушы келген жағдайда кезекші "Түзу тұр! Оңға түзел (солға)!" деген команда береді және келген адамға "Майор мырза! Кезекші ауысымды қызметке бөлу жүргізілуде, кезекші аға лейтенант Ахметов" деп рапорт береді.
Егер нұсқаушы қызметке бөлуге тергеу изоляторының бастығымен бірге келсе, онда тексерушіге рапорт егер оның шені тергеу изоляторының бастығының шенімен бердей болса немесе шені жоғары болған жағдайда ғана беріледі.

89. Кезекті ауысымды қызметке бөлуден жарты сағат бұрын сезіктілер мен айыпталушыларды тергеушінің қызмет бөлмесіне апарудан басқа барлық қозғалыстар (серуенге шығару, моншаға, дәрігерге апару және т.б.) жаңа ауысым кезекшілікке кіріскен сәтке дейін тоқтатылады.

      90. Ішкі күзет орындары төмендегідей тәртіппен ауыстырылады:
      1) қызметке кірісетін ауысымның корпус бойынша аға қызметкері күзет орындарының бақылаушыларымен бірге қызметке бөлуден кейін корпус бойынша аға қызметкердің қызмет бөлмесіне келіп, ауысымның келгені туралы хабарлайды;
      2) корпус бойынша екі аға қызметкер қызметке кірісетін бақылаушыларды күзет орындары бойынша бөледі және күзет орындарын қабылдау-тапсыруға кірісуді бұйырады.
      Сонымен бірге корпус бойынша аға қызметкер жаңа ауысымның әрбір бақылаушысына күзет ведомосінің бүлінбеген бланкісін тапсырады.

91. Бақылаушылардың камера алдындағы күзет орындарын қабылдау-тапсырулары қамаудағыларды қабылдаудан басталады. Қабылдау болып өткен қозғалыстарды (келу, кету) ескере отырып, соңғы тексеру мәліметтері бойынша жүргізіледі.
Ауысымды тапсыратын және қызметке кірісетін бақылаушылар әр камера жөніндегі нәтижелерді жеке өздерінің күзет ведомісіне көрсетеді. Барлық күзетілетін камераларды қабылдау аяқталған соң жаңа ауысымның камера алдындағы ішкі күзет бақылаушысы одан қамаудағыларды қабылдауда ауысымды тапсырушы бақылаушының күзет ведомосіне қол қояды.

92. Қабылдау кезінде қарау және күзет орнының жабдықтарының белгі беру және байланыс құралдарының, құлыптардың, тиектердің және "көзшелердің" өртке қарсы құралдардың түзіктігін тексеру жүргізіледі. Бұдан соң тапсырушы ауысымның бақылаушысы қызметке кірісетін ауысымның бақылаушысына камералардың кілттерін (күндізгі уақытта) тапсырады және күзет орны қабылданды деп есептелінеді.

93. Егер күзет орнын тапсырушы бақылаушының жекелеген сезіктілер мен айыпталушылардың мінез-құлықтарына қатысты ескертпелері болса, ол бұл туралы күзетке жаңадан кірісуші бақылаушыға хабарлауға міндетті.
Ауысымды қабылдаушы бақылаушы құлыптардың, тиек құрылғыларының қарайтын "көзшелердің", белгі беру аппараттарының ақаулары және күзет орнындағы басқа да кемшіліктер туралы күзет ведомосіне жазады және ол туралы өз ауысымының корпус бойынша аға қызметкеріне баяндайды.

      94. Жаңа және бұрынғы ауысымдардың корпус бойынша аға қызметкерлері бақылаушылардың қабылдау-тапсыруларынан кейін сезіктілер мен айыпталушыларды сан бойынша тексеруді жүргізеді және қабылдау-тапсыру барысында туындаған мәселелерді шешеді.
      Сан бойынша тексеру төмендегі тәртіппен өткізіледі:
      1) корпус бойынша аға қызметкерлер камераның есігін ашады және барлықтарына бір екі немесе оданда көп сапқа тұруды ұсынады, камераға кіреді және сан бойынша тексереді. Сапқа тұру кезінде саптың шетінен камера есігіне дейін кем дегенде 2 метр қалу тәртібін сақтауы керек;
      2) егер ауысым кезекшілікке түнде кірісетін болса, онда аз орындық камераларда санау бойынша тексеру есіктегі терезе арқылы жүргізіледі, ал жалпы камералардағы сезіктілер мен айыпталушылар қозғалысты (күзет ведомосін) есепке ала отырып, соңғы тексеру деректері бойынша қабылданады.
      Корпустық бөлімшелер бойынша санау нәтижесі тексеру анықтамасына (N 33 қосымша) енгізіледі.

95. Бұрыңғы ауысымның бақылаушылары күзет орнын тапсырғаннан кейін күзет ведомосін корпус бойынша аға қызметкерге тапсырады және өзінің қызметтік куәлігін (рұқсат қағазын) алады және өз ауысымының кезекшісінің немесе оның орынбасарының рұқсатымен кезекшіліктен кетеді.

      96. Бақылаушылардың күзет орнын қабылдау-тапсырулары және сезіктілер мен айыпталушыларды тексеру аяқталған соң корпус бойынша аға қызметкерлердің кезекшілікті қабылдау-тапсырулары төмендегідей тәртіппен жүргізіледі:
      1) бұрыңғы және жаңа ауысымдардың корпус бойынша аға қызметкерлері корпус бөлімшелері бойынша өткізілген сандық тексеру нәтижелерін камералық картотекадағы деректермен салыстырады және корпустық бөлімше бойынша кезекшілік кітабына жазылады;
      2) егер уақытша болмаған сезіктілер мен айыпталушылар болса, онда бұл туралы корпустық бөлімше бойынша кезекшілік кітабына көрсетіледі;
      3) сезіктілер мен айыпталушыларды тергеушінің қызмет бөлмесіне шақыру (N 34 қосымша) жөніндегі талаптарды бұрыңғы ауысымның корпус бойынша аға қызметкері кезекшілікке кірісетін корпус бойынша аға қызметкерге тапсырады;
      4) егер қабылдау-тапсыру кезінде күзет орындарында немесе корпустық бөлімшелерде ақаулар анықталса бұл туралы да корпустық бөлімше бойынша кезекшілік кітабында көрсетіледі;
      5) бұрыңғы ауысымның корпус бойынша аға қызметкері қызметке кірісетін ауысымның корпус бойынша аға қызметкеріне корпустық бөлімшеге немесе режимдік корпусқа кіретін есіктің кілтін және жабдықтарды тапсырады.
      Корпус бойынша екі аға қызметкер де корпустық бөлімше бойынша кезекшілік кітабына қол қояды және осы сәттен бастап кезекшілік қабылданды деп есептелінеді.
      Кезекшілікті қабылдап-тапсырған соң корпус бойынша аға қызметкерлер сезіктілер мен айыпталушыларды қабылдау-тапсыру туралы, корпустық бөлімшелердегі сандық тексерулердің нәтижелері туралы тексеру анықтамасына қол қояды. Бұдан кейін корпус бойынша екі аға қызметкер де өз ауысымдарының кезекшілеріне кезекшілікті қабылдау-тапсыру туралы және табылған ақаулар туралы баяндайды. Тексеру анықтамасын күзет ведомосімен бірге бұрыңғы ауысымның корпус бойынша аға қызметкері өз ауысымының кезекшісіне тапсырады.
      Тексеру анықтамасы күзет ведомосімен бірге күзет жөніндегі бұйрыққа тігіледі.

97. Егер қабылдау және тапсыру сәтінде камерадан шығарылған сезіктілер мен айыпталушылар құрама бөлімшенің камералары мен бокстарында немесе тергеушінің қызмет бөлмесінде болса онда оларды қабылдау және тапсыру корпустық бөлімшелердегі сияқты күзет ведомосі бойынша жүргізіледі.

      98. Жаңа ауысымның резерв тобының аға қызметкері техникалық күзет құралдарымен басқару пультінде күзетке тұратын бақылаушы-операторға күзет орнын қабылдау-тапсыруға кірісуге нұсқау береді.
      Техникалық күзет құралдарымен басқару пультіндегі күзет орнын қабылдау кезінде күзетке кірісетін бақылаушы-оператор ауысатын оператормен бірге басқару пультінің, таратушы қалқанның жарық беретін құралдардың автономиялы қоректендіру көздерінің және басқа да құралдардың дұрыстығын тексереді.
      Ешқандай ақау болмаған кезде бақылаушы-оператор қабылдау-тапсыруды өз ауысымдарының резерв топтарының аға қызметкерлеріне күзет орнын қабылдау-тапсыру туралы баяндама жасауымен аяқталады. Сондай-ақ техникалық күзет құралдарының белгі беру және байланыс құралдарының жұмыстарын есепке алу журналына (N 35 қосымша) кезекшілікті тапсыру-қабылдау туралы жазылып, күзет орнын тапсырушы және қабылдаушы бақылаушылардың, жаңа және бұрыңғы ауысымымен резерв топтарының аға қызметкерлері қол қояды.

99. Қызметке кірісетін ауысымның резерв тобының аға қызметкерімен бірге сыртқы күзет орындарының қарулы бақылаушылар нарядын күзет орындарына бөледі.
Наряд белгіленген бағыт бойынша бір бірден колоннамен қозғалады, бұл кезде бұрыңғы ауысымның резерв тобының аға қызметкері колоннаның басында жүреді және барлық команданы береді.

      100. Ең бірінші БӨП-тегі күзет орнының бақылаушысы ауыстырылады. Күзет орнын қабылдау және тапсыру кезінде бұрыңғы ауысымның бақылаушысы жаңа ауысым бақылаушысына:
      1) күзет орнының жабдықтарын, байланыс және белгі беру құралдарын;
      2) кіре беріс есіктің және қақпаның кілттерін;
      3) күзет орнының нұсқаулығын;
      4) қолданылып жүрген рұқсат қағаздарының үлгілерін;
      5) күзет киімдерін тапсырады.
      Күзет орнын қабылдап және тапсырып болған соң екі бақылаушы да бұл туралы өздерінің резерв тобының аға қызметкеріне: "Күзет орнын тапсырдым" және "Күзет орнын қабылдадым" деп рапорт береді. Баяндалған сәттен бастап күзет орныны тапсырылды және қабылданды деп есептелінеді.

      101. Мұнарадағы күзет орнын қабылдаған және тапсырған кезде күзет орнын тапсырушы қызметке кірісетін бақылаушыға бақылау секторын және қызмет өткеру кезінде өзінің байқағандары туралы хабарлайды.
      Бұдан соң күзет орнының жабдықтарын тексеру және қарау жүргізіледі. Қызметке кірісуші күзет орнының техникалық түзіктілігіне көз жеткізген соң резерв тобының аға қызметкеріне "Күзет орнын қабылдадым" деп баяндайды. Күзет орнын тапсырушы өзінің резерв тобының аға қызметкеріне "Күзет орнын тапсырдым" деп баяндайды. Осы сәттен бастап күзет орны тапсырылды және қабылданды деп есептелінеді.
      Тапсырушы бақылаушы мұнарадан шығып, колоннаның сол жақ қанатына тұрады. Резерв тобының аға қызметкері бақылаушылары осы тәртіппен қабылдау және тапсыру жүргізілетін келесі күзет орнына ертіп апарады.

102. Наряд жолындағы күзет орнын қабылдау және тапсыру кезінде жаңа ауысымның бақылаушысы бұрыңғы ауысымның бақылаушысымен бірге осы ауысымдардың резерв тобының аға қызметкерлерінің қатысуымен инженерлік ғимараттарды және белгі беру шептерін, жарық беретін және байланыс құралдарын тексереді. Күзет орнының жабдықтары, байланыс және белгі беруші жабдықтары жұмыс істеп тұрған кезде күзет орнына кірісетін және күзет орнынан ауысатын бақылаушылардың әрқайсысы өздерінің резерв тобының аға қызметкеріне "Күзет орнын тапсырдым" және "Күзет орнын қабылдадым" деп баяндайды. Баяндалған сәттен бастап күзет орны тапсырылды және қабылданды деп есептелінеді.

103. Қашудың немесе белгі беру және байланыс құралдарының күзет сенімділігіне ықпал ететін ақаулары табылған кезде күзет орнын ауыстыру тоқтатылады, бұл туралы бұдан әрі әрекет ету және күзет орнын қабылдау және тапсыру жөнінде нұсқау алу үшін бұрыңғы және жаңа ауысымдардың кезекшілеріне баяндалады.

104. Сыртқы күзет орындары ауыстырылған соң бұрыңғы ауысымның резерв тобының аға қызметкері бақылаушыларды қызметке бөлу бөлмесіне ертіп келіп, оларға қаруларын оқсыздандыруды, тазалауды және тапсыруды бұйырады, бұдан соң бұрыңғы және байқалған ақаулар туралы баяндайды.

105. Сыртқы күзет орындарында үзіліссіз қызмет өткеру ұзақтығын ауаның температурасына және метеорлогиялық жағдайларға қарай тергеу изоляторының бастығы немесе кезекші белгілейді. Ауыстыруды кезекшінің нұсқауы бойынша резерв топтарының бақылаушылары жүргізеді. Сыртқы күзет орындарынан ауысқан бақылаушылар демалыс уақыттарында резерв тобының құрамына кіреді.

106. Денсаулық сақтау емдеу мекемелерінде қызмет өткеру үшін бөлінген бақылаушылар кезекшіге нұсқауламаға келеді, қаруларын алады және автокөлікпен ауруханаларға жеткізіледі.
Ауыстырылған бақылаушылар тергеу изоляторына жеткізіп, қаруларын тапсырады.

      107. Жаңа ауысымның кезекшісі қызметке бөлуден соң кезекші бөлмеге келеді және кезекшілікті қабылдауға кіріседі. Корпустық бөлімше бойынша тексеру анықтамасы негізінде тексерулердің сандық деректері сезіктілерді, айыпталушыларды сандық тексеру кітабына жазады және олардың жалпы есебі жүргізіледі.
      Егер санақ нәтижесінде тергеу изоляторындағы сезіктілер мен айыпталушылардың сандық құрамы нақтыланса, бұрыңғы және жаңа ауысымдардың кезекшілері қабылдау және тапсыру кітабына қол қояды.
      Деректерде алшақтық болған жағдайда бұл туралы тергеу изоляторы бастығына баяндалады және дереу екінші санақ жүргізіледі.

      108. Ауысымға түсетін кезекші:
      1) күзет қаруларын, оқ-дәрілерді, арнайы құралдарды және кілттерді;
      2) белгі беру және байланыс құралдарын;
      3) Осы Ережеде көзделген құжаттарды;
      4) арнайы кілттердің резервтік қорын;
      5) кезекшілік бөлмесінің жабдықтарын қабылдайды.
      Кезекшілік кітабына қажетті жазбаларды жазған соң екі кезекші де оған қол қояды. Осы сәттен бастап тергеу изоляторы бойынша кезекшілік тапсырылады және қабылданды деп есептелінеді.

      109. Кезекшіліктің қабылданғаны және тапсырылғаны туралы бұрыңғы және жаңа ауысымның кезекшілері тергеу изоляторының бастығына баяндайды.
      Кезекшілікті тапсырушы тергеу изоляторындағы жағдай туралы, кезекшілікті қабылдаушы ауысымды қызметке бөлу және кезекшілікті қабылдау кезінде анықталған кемшіліктер туралы баяндайды.
      Егер кезекшілікті тапсыру және қабылдау бастық болмаған кезде жүргізілсе, келуі бойынша жаңа кезекшіліктің кезекшісіне баяндалады.

110. Тергеу изоляторында кезекшілер тергеу изоляторы бойынша кезекшілік кітабын, ал корпус бойынша аға қызметкер корпустық бөлімше бойынша кезекшілік кітабын жүргізеді. Тергеу изоляторы және корпустық бөлімше бойынша кезекшілік кітабы нөмірленеді, байланады, сүргіштік мөрмен мөрленеді және құпия құжаттармен бірге сақталады. Оларда жазбалар хронологиялық тәртіпте орындалы. Кітаптар пайдаланылуы бойынша ағымдағы жылғы реттік нөмірмен нөмірленеді және мұрағатта сақталады.

8-тарау. Режимдік бөлім жеке құрамының
қызмет өткеруін ұйымдастыру

111. Режимдік бөлім бақылаушыларына басшылық жасау осы бөлімнің бастығына, ал бұл лауазым штатта көзделмеген тергеу изоляторында режимдік бөлімінің аға инспекторына жүктеледі.
Режимдік бөлімнің құрамына күндізгі ауысымның бақылаушылары, инженерлік-техникалық күзет құралдары, белгі беру және байланыс құралдарына қызмет көрсету жөніндегі инспектор-инженер (техник), өрттің алдын алу жөніндегі нұсқаушы (нұсқаушының көмекшісі) кіреді.

      112. Режимдік бөлім:
      1) камераларды және сезіктілер мен айыпталушыларды тінтуді техникалық қарауларды жүргізуді;
      2) тәртіп бұзушылықтардың алдын алуды, ұстау тәртібін бұзушыларды тексеруді;
      3) сезіктілер мен айыпталушыларды серуенге шығаруды, санитарлық тазалықтан өткізуге, тергеушінің, адвокаттың, дәрігердің қызмет бөлмесіне, тергеу изоляторының әкімшілігіне, туысқандарымен немесе өзге де адамдармен кездесуге, сондай-ақ шаруашылық жұмыстарға апаруды;
      4) сәлемдемелерді, сәлем-саухаттарды қабылдауды және сезіктілер мен айыпталушылар үшін ларектен тамақ өнімдері мен бірінші кезекте қажет заттарды сатып алуды;
      5) тергеу изоляторына кіруге арналған бір жолғы және тұрақты рұқсат қағаздарын беруге;
      6) қаруларды, оқ-дәрелерді және арнайы құралдарды, сондай-ақ өткір кескіш және басқа да аспаптарды есепке алуды, сақтауды;
      7) тиісті жабдықтарды және инженерлік-техникалық күзет құралдарын, белгі беру және байланыс құралдарын пайдалануды;
      8) өрттің алдын алу жұмыстарын;
      9) режимдік аумақтың қар мен қоқыстан дер кезінде тазалануын қамтамасыз етеді.

113. Режимдік бөлімнің қызметкерлерін, соның ішінде бақылаушыларды жұмыс учаскелері бойынша орналастыруды, қызмет өткеру тәртібін, жұмыс күнінің басталуы мен аяқталуын, түскі үзілістің уақыты мен ұзақтығын, әр топ пен жекелеген қызметкерлердің өзара ауысуын тергеу изоляторының бастығы анықтайды. Сонымен бірге бір топтың немесе бір қызметкердің екі-үш жұмыс учаскесіне қызмет көрсетуіне рұқсат беріледі. Егер қандай бір жұмысты атқаруға екі және одан да көп қызметкер бөлінсе, олардың біреуі топтың аға қызметкері болып тағайындалады.

      114. Қабылдау орындарында қызмет өткеру үшін жұмыс көлеміне қарай бір бақылаушы немесе бақылаушылар тобы тағайындалады, оларға:
      1) сезіктілер мен айыпталушыларға заттай және азық-түліктей сәлем-саухатты (сәлемдемелерді) қабылдау, қарау және тапсыру;
      2) сезіктілер мен айыпталушыларды туысқандарымен немесе өзге де адамдармен кездестіруге шығару;
      3) алынып тасталды;
      4) тергеу изоляторына кіруге арналған бір жолғы рұқсат қағаздарын беру жүктеледі.
      Ескерту: 114-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

      115. Қабылдау бөлмесінде жұмыс істейтін бақылаушылар тобының аға қызметкері:
      1) анықтамалық картотека жүргізуге, қамаудағылардың келуі мен кетуі туралы өзгерістердің дер кезінде енгізілуін және карточкалардың сақталуын қамтамасыз етуге;
      2) сәлем-саухатты қабылдау, кездесулер беру туралы өтініштерді және кездесулер беру үшін негіз болған құжаттарды сақтауға;
      3) бір жолғы рұқсат қағаздарын беру тәртібі туралы нұсқаулықты сақтауға;
      4) тергеу изоляторына және рұқсат қағаздарына арналған мөрді кіруге арналған бір жолғы рұқсат қағаздарының кітапшаларын жүргізуге және сақтауға;
      5) рұқсат қағаздарын тергеу изоляторының бастығы бекіткен нұсқаулықта көрсетілген тәртіппен және нұсқаулықта көрсетілген тізімдегі адамдардың рұқсатымен беруге, күн сайын жұмыс аяқталған соң берілген рұқсат қағаздарының санын түбіршекпен салыстыруға және оларды бір жолғы рұқсат қағаздарының кітапшасына желімдеуге міндетті;
      6) қабылдау орындарында жұмыс істейтін бақылаушылардың өз міндеттерін орындауларына жауап береді.

      116. Қабылдау бөлмесінде жұмыс істейтін бақылаушы:
      1) сәлем-саухаттар қабылдауға, сезіктілер мен айыпталушылардың туысқандарымен және өзге адамдармен кездесулерін өткізуге;
      2) кездесуге шығарылған адамның қашып кетпеуі үшін алдын алу шараларын қолдануға, кездесу өткізу кезінде бекітілген тәртіптің сақталуын бақылауға;
      3) алынып тасталды;
      4) қабылдауды дұрыс өткізуге және сақтауға тыйым салынған заттардың камераға енуіне немесе хат алмасуларға жол бермеу мақсатында қарауды ұқыпты өткізуге;
      5) камераларға сәлем-саухаттардың дер кезінде жеткізілуін ұйымдастыруға, жеткізу кезінде олардың толық сақталуын бақылауға;
      6) қажет болған жағдайда сәлем-саухаттарды қарау үшін медицина қызметкерлерін шақыруға;
      7) қабылдау үй-жайында тазалық пен тәртіптің сақталуын қолдануға, бұл үй-жайлардың жабдықтары мен мүкәммалын сақталуын бақылауға;
      8) құжатының дұрыстығына күдік туған адамдар туралы, сондай-ақ келушілерді қабылдау кезінде туындағын түсінбеушіліктер мен инцеденттер туралы топтың немесе режимдік бөлімнің аға қызметкеріне баяндауға міндетті.
      Ескерту: 116-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

      117. Сезіктілер мен айыпталушыларды туысқандарымен және өзге адамдармен кездестіруді жүзеге асырушы бақылаушы:
      1) кездесуге келген адамдардың құжаттарын және кездесуге алған рұқсатын тексеруге;
      2) сезіктілер мен айыпталушыларға және кездесуге келген адамдарға жүріс-тұрыс ережелерін түсіндіруге;
      3) белгіленген кездесу тәртібінің орындалуын бақылауға;
      4) кездесу тәртібі бұзылған жағдайда ескертуге, ал екінші қайта бұзылған жағдайда кездесуді тоқтатуға және бұл туралы режимдік бөлімнің бастығына жағдайды және кездесуді тоқтату себептерін көрсете отырып, рапортпен баяндауға міндетті.

      118. Сезіктілер мен айыпталушыларды тергеу қызмет бөлмелеріне апаруды қамтамасыз ететін бақылаушы:
      1) келуші адамдардың шақыруына ресімделген құжаттарының дұрыстығын тексеруге;
      2) камерадан шығарылатын сезіктілер мен айыпталушыларды оқшаулауды сақтай отырып, қызмет бөлмелеріне және кері қарай айдауылдап жүруге;
      3) сезіктілер мен айыпталушылардың жолда, сондай-ақ қызмет бөлмелерінен және басқа үй-жайлардан қашып кетуінің алдын алуға бағытталған шараларды қолдануға;
      4) камерадан шығарар кезде және оған қайтып келген кезде сезіктілер мен айыпталушыларға толық емес тінту жүргізуге;
      5) сезіктілерді және айыпталушыларды қызмет бөлмелеріне шақыру есебін жүргізуге міндетті.

      119. Сезіктілер мен айыпталушыларды тамақ өнімдерімен және ларектен алынған тауарлармен қамтамасыз етуге:
      1) сезіктілер мен айыпталушылармен сату үшін алынған тамақ өнімдері мен басқа да тауарлардың дұрыс сақталуын қамтамасыз етуге;
      2) тамақ өнімдерін тапсырыс берілген салмақ бойынша өлшеп орауға, салмағын және таразаның жағдайын қадағалауға;
      3) сезіктілерге және айыпталушыларға пайдалануға тиым салынған тамақ өнімдері мен заттардың камераларға еніп кетуіне жол бермеуге;
      4) ларек үй-жайының тазалығын қолдауға және санитарлық, гигиеналық ереженің сақталуына;
      5) есепте тұрған сома мен тауарлар үшін қаржы бөлімшесінің алдында уақтылы есеп беруге міндетті.

      120. Сезіктілер мен айыпталушыларды серуенге шығаруды төмендегідей әдістердің бірімен бекітілген кесте бойынша бақылаушылар тобы қамтамасыз етеді:
      1) бақылаушылар сезіктілер мен айыпталушыларды серуендеу ауласына шығарады, оларды қадағалайды және серуендеу аяқталған соң камераға кері әкеледі;
      2) топтағы бақылаушылардың бір бөлігі немесе бір бақылаушы серуендеп жүрген сезіктілер мен айыпталушыларға үзіліссіз бақылау жасайды, басқасы - оларды камерадан серуендеу ауласына шығарады және кері айдап әкеледі.

121. Серуендеу ауласында сезіктілер мен айыпталушылардың мінез-құлқын серуендеу ауласынан жоғарырақ орналасқан арнайы орындағы бақылаушы қадағалайды. Жекелеген жағдайларда бақылаушы сереуендеу аулысының дәлізінде тұрып, есіктен қарайтын "көзше" арқылы қадағалайды.

      122. Серуендеуге шығаруды жүзеге асырушы бақылаушылар:
      1) режимді аумақ және дәліз бойынша қозғалу ережелерін қамтамасыз етуге, сезіктілер мен айыпталушыларды жүру жолында және серуендеу ауласында қадағалаусыз қалдырмауға;
      2) әр камерадағы сезіктілер мен айыпталушыларды әкеткен соң серуендеу ауласын тексеруге міндетті.
      Серуендеу ауласынан табылған заттар немесе жазбалар рапорт беріле отырып, жедел бөлімге тапсырылады.

123. Санитарлық тазалаудан өткізуге апару үшін санитарлық тазалау өткізу күніне тағайындалған уақытша немесе тұрақты бақылаушылар құрамы бөлінеді. Осы бақылаушылар тобы сезіктілер мен айыпталушыларды камерадан санитарлық өткізу пункітіне және кері қарай айдауылдауды, сондай-ақ санитарлық тазалау кезінде оларды бақылауды қамтамасыз етеді.
Әйелдерді санитарлық тазалаудан өткізу кезінде оларды бақылауды әйел-бақылаушылар жүзеге асырады.

      124. Санитарлық тазалаудан өткізуге апаруды жүзеге асырушы бақылаушылар медициналық бөлім бастығының немесе кезекші медициналық қызметкердің нұсқауын орындайды:
      Олар:
      1) камерадан шығару тәртібін және дәлізбен аумақта жүріп-тұру ережесін қамтамасыз етуге;
      2) әр камерадағы сезіктілер мен айыпталушыларды санитарлық тазалаудан өткізу аяқталған соң санитралық тазалаудан өткізуді жүргізетін барлық үй-жайларда тексеру жүргізуге міндетті. Тексеру кезінде табылған қандай да бір заттар немесе жазбалар рапорт беріле отырып, жедел бөлімге тапсырылады.

      125. Камераларға техникалық қарау және камералар мен оларда ұсталынушы адамдарға жоспарлы тінту жүргізуі үшін режимдік бөлім құрамынан неғұрлым тәжірибелі бақылаушылар бөлінеді.
      Әрбір камераны техникалық қарау күн сайын онда сезіктілер мен айыпталушылар жоқ кезде жүргізіледі, ол үшін оларды серуендеуге, санитарлық тазалаудан өткізуге, жұмысқа алып кеткен уақыт пайдаланылады.
      Қарау жүргізу кезінде терезе торлар, жалюздер, қабырғалар, едендер, төбелер мұқият тексеріледі. Кереуеттер, үстелдер, орындықтар, қол жуғыштардың бекіткіштері, санитарлық-техникалық және су жүретін құбырлар тексеріледі. Қашуға дайындықты көрсететін белгілер: төсектердің астында, унитаздарда топырақ, кірпіш, құрылыс қалдықтарының болуы, төсектерде немесе торларда жекелеген детальдардың жоқ болуы, өрілген жгуттер және т.б. болуы.

126. Аптасына кемінде бір рет аға және орта басшы құрамындағы қызметкерлердің күшімен кесте бойынша камераларды бақылау техникалық қарап жүргізіледі. Бұл мақсатта әрбір қызметкерге ауыр қылмыстар жасауға сезікті адамдар ұсталатын 2-3 камера бекітіледі.
Бақылау техникалық қарауын өткізу үшін бұл қызметкерге кезекші ауысымның резерв тобынан бақылаушылар бөлінуі мүмкін.

127. Камералардан тыйым салынған заттарды табу мақсатында күндізгі уақытта камераларға және сезіктілер мен айыпталушыларға график бойынша жоспарлы тінтулер жүргізіледі. Әрбір камера және онда ұсталынушылар айына кем дегенде екі рет тінтуден өткізіледі, ал қажет жағдайда графиктен тыс тінту жүргізіледі.

128. Камералардан техникалық қараулар, бақылау техникалық қарауларын, камераларды және сезіктілер мен айыпталушыларды жоспарлы тінтуден өткізу нәтижелерін бұл шараларды өткізуші адамдар арнайы журналға (N 36 қосымша) жазады және кезекші оларды дереу жою жөнінде шаралар қабылдайды, ол туралы тергеу изоляторы бойынша кезекшілік кітабына жазба жазылады.
Камерада ақаулар мен зақым келген жерлер табылған кезде режимдік бөлімнің бастығы және кезекші оларды жоюға шұғыл шаралар қолданады, ол туралы тергеу изоляторы бойынша кезекші кітабына жазба жазылады.

129. Режимдік бөлім құрамынан фотографияға, дактилоскопияға түсу және арнайы есепке алу бөлімі жүргізетін тұтқындағыларды есепке алудың басқа да құжаттарын ресімдеу міндеттерін орындайтын және өзіне осы бөлімнің бастығы жүктеген өзге де функцияларды атқаратын бақылаушы (бақылаушылар) - фотодактилоскопияшы бөлінеді.
Бақылаушы-фотодактилоскопияшы шығару талонының негізінде камерадан сезіктілер мен айыпталушыларды суретке түсіру және олардың есепке алу құжаттарын ресімдеу үшін фотодактилоскопистің қызмет бөлмесіне (тұтқындағылардың тергеу изоляторына келуі мен оларды жинау бөлімшесінде ұстау кезеңінде) шығара алады.

      130. Режимдік және шаруашылық аймақтардағы шаруашылық жұмыстарында сезіктілер мен айыпталушылар бақылаушылардың күзетінде және қадағалауында болады.
      Күзету және қадағалау төмендегідей әдістердің бірімен жүзеге асырылады:
      1) сезіктілер мен айыпталушылар бір орында үлкен топ болып жұмыс істеген кезде жұмыс объектісінде (шеберханаға, шеберхананың кіреберісіне, режимдік аулаға және т.б.) жылжымайтын бақылаушылар посты қойылады;
      2) сезіктілер мен айыпталушылар әртүрлі орындарда шағын топ болып жұмыс істеген кезде, оларды күзету және жүріс-тұрыстарын қадағалау патрульдік шолу жолымен жүргізеледі.
      Бақылаушыға оның қандай жерде адамдарды бақылауы тиіс екені хабарланады. Бағыты бойынша қозғалу оның күзетуіндегі және қадағалауындағы әрбір адам оның көзіне кем дегенде 15 минут сайын көрініп тұруы әдісімен жүзеге асырылады.
      Айыпталушыны жұмыс орнынан тыс жерде жүргенін анықтаса, бақылаушы оны кері шақырады, ал егер оның жүріс-тұрысы күдікті көрінсе режимдік бөлім бастығына жеткізеді.

      131. Жұмыста жүрген сезікті мен айыпталушыны күзету мен қадағалауды жүзеге асырушы бақылаушылар:
      1) қашуға жол бермеуге және барлық шығарылғандардың жұмыс істеуін қамтамасыз етуге;
      2) жұмысқа шығарылған адамдардың басқа санаттағы сезіктілер мен айыпталушыны және өзге де адамдармен байланыс орнатуға ұмтылыс жасауына жол бермеуге;
      3) жүріс-тұрыс ережесін бұзған сезіктілер мен айыпталушылар жайлы және олардың күдікті әрекеттері жайлы режимдік бөлімнің бастығына баяндауға;
      4) жұмыс аяқталған соң сезіктілер мен айыпталушыларды тегі бойынша тексеруге және камераларға кіргізер алдында оларға тінту жүргізуге міндетті.

132. Тергеу изоляторының шегінен тысқары жерге мекеме үйі мен ғимараттарының тиісті техникалық жағдайын материалдық қамтамасыз етуге, көріктендіруге және техникалық жай-күйін тиісінше сақтауға байланысты жұмыстарға күзетілетін аумақ шегінен тыс жерде айдауылсыз және ілесіп жүрусіз құқық берілген, шаруашылық қызмет көрсету жөніндегі жұмыстарға қалдырылған сотталғандарды ғана шығаруға рұқсат етіледі.
Сотталғандарды тергеу изоляторының шегінен тыс жерге жұмысқа шығарған кезде бақылаушылардың саны, айдауылдау тәртібі және сотталғандарды күзету осы Нұсқаулықтың 15-тарауымен анықталады.

133. Қару мен оқ дәрілердi есепке алуды, сақтауды режім бөлiмiнiң инспекторы жүзеге асырады.
Ескерту: 133-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

134. Сотталғандарға жұмыс істеу үшін уақытша пайдалануға берілген аспаптар (пышақтар, балталар, егеулер және т.б.) режимдік бөлімнің қызметкерінің бірінде сақталады және тізім бойынша есепке алынады.

135. Азық-түлік блогында аспаптар (пышақтар, балталар, қырғыштар және т.б.) таңбаланады және тізім бойынша есепке алынады, ол өндіріс меңгерушісінде немесе ерікті жалдамалы аспазда, ал көшірмесі - режимдік бөлімде сақталады. Аспаптарды сақтау үшін ас бөлмесінде арнайы бекітілетін шкаф жабдықталады. Жұмыс аяқталған соң аспаптар алынып қойылады және тізім бойынша салыстырылады.

136. Шеберханаларда аспап таңбаланады, тізім бойынша есепке алынады, оның бір данасы өндіріс меңгерушісінде, ал екінші данасы - режимдік бөлімде сақталады. Сотталғандарға аспаптар қол хатпен беріледі және қабылданады.

137. Сондай-ақ, жұмысқа пайдаланылатын аспаптарға (балталар, ломдар, аралар, темір күректер, сүргілер және т.б.) екі данада тізім жасалады. Тізімнің бір данасы режимдік бөлімде сақталады, ал екіншісі жұмысты жүргізетін адамның (инженерге, техникке, прорабқа және т.б.) қолына беріледі.
Сотталғандарды жұмысқа шығарған кезде аспаптар оларға объектінің меңгерушісі адамның бақылауымен беріледі, ал жұмыс аяқталған соң оны сақтау үшін арнайы бөлінген бекітілетін үй-жайға қойылады.

138. Тергеу изоляторының аумағында сатылар, балталар, жәшіктер, жіптер, тақтайлар, сондай-ақ басқа заттар мен құрылыс материялын қалдыруға болмайды. Жұмыс уақытынан тыс кезде олар құлып салынған тиісті үй-жайда сақталуы тиіс.

9-тарау. Өткізу режимі кезінде күзетті ұйымдастыру
ерекшелiктерi

Ескерту: 9-тарауға өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

      139. Автомобильде келген әскери қарауыл немесе полицейлік айдауыл қарауыл немесе айдауыл бастығында құжаттары тексерілгеннен кейін өткізу қағазысыз кіргізіледі.
      Сезіктілер мен айыпталушылары бар қарауыл немесе айдауыл тергеу изоляторынан уақытша шығып кеткен адамдарды есепке алу рұқсат қағазы немесе тәулік ведомосы бойынша шығарылады.
      Ескерту: 139-тармаққа өзгерту енгізілді - ҚР Әділет министрінің 2006 жылғы 9 маусымдағы N 175 бұйрығымен.

140. Күзет қамауынан босатылған адамдар тергеу изоляторынан "Б" нысанды рұқсат қағазы бойынша шығарылады (N 37 қосымша). "Б" нысанды рұқсат қағазын арнайы бөлімнің бастығы жазып береді.

141. Режимдік және шаруашылық жерінің аумағына қызметкерлердің және басқа да адамдардың жеке көліктерінің келуі және кетуіне тыйым салынады.

142. Сыртқы шаруашылық жұмыстарына шығарылған сотталғандармен бірге жүретін айдауыл "С" нысанды рұқсат қағазы бойынша шығарылады. БӨП-тің күзет орнындағы бақылаушы сотталғандарды шығарған кезде оларды тегі бойынша тексереді және ҚАЖК ҚАЖД басшылығы бекіткен, сыртқы жұмыстарға шығаруға рұқсат берілген адамдардың тізімімен салыстырылады.

143. Жүкпен келген көлік "Г" нысанды рұқсат қағазы (N 38 қосымша) бойынша шығарылады.
Пайдаланылған "Б", "С", "Г" нысанды рұқсат қағаздарды рұқсат қағаздарының түбіршегіне желімделеді және барлық кітапшалардың пайдалануы бойынша мұрағатқа сақтауға тапсырылады.

144. Жалпы дабыл берілген және қарулы жеке құрамды кіргізу қажеттілігінен басқа жағдайда режимдік аумаққа қарумен кіруге үзілді-кесілді тыйым салынады.

145. Егер тергеу изоляторына қаруы бар адам келсе, онда ол қару БӨП постының бақылаушысына сақтау үшін тапсырылуы тиіс. Қаруды уақытша сақтау үшін БӨП күзет орнының бақылаушысына нөмірленген ұялары бар, бекітілген темір шкаф беріледі. Әрбір ұяда қаруды тапсырған кезде қару иесіне берілетін жетон болуы керек. Қаруды берген кезде жетон қайтып алынады. Сонымен бірге, аталған адамдардың қарулар мен оқ-дәрілерді қабылдаулары мен берулері N 5 нысандағы кітапқа жазылады. Қарауылдар мен айдауылдардың да қару тапсырулары үшін осындай тәртіп қолданылады.

11-тарау. Техникалық күзет, белгі
беру және байланыс құралдарын қолдану

146. Сезіктілер мен айыпталушыларды күзетуді күшейту мақсатында тергеу изоляторлары техникалық-инженерлік күзет, белгі беру байланыс құралдарымен жабдықталады.
Оператордың немесе кезекшінің бөлмесінде техникалық құралдармен басқару пульті жабдықталады, оған айналаны шолуға ыңғайлы басқару панелі және жарық түсетін таблосы қосылады, оның ішінде барлық тосқауыл секторлары аумағы және қамаудан қашуға оңай жерлер, сондай-ақ дабыл қағу және өрттен сақтау белгісін беретін құралдар орнатылады.

147. Режимдік корпус терезелерінің темір торлары немесе қалқанша жалюздері, есіктері, сондай-ақ қылмыстың аса қауіпті қайта қайталануы бойынша сотталғандар ұсталатын камералардың есіктері торды аралау, бүлдіру, есікті ашуға немесе сындыруға ұмтылыс туралы белгілерді алу мақсатында қандай да бір типтегі белгі беру жүйесімен қоршалады.

148. Ішкі және сыртқы күзет орындарына, жер астындағы және жер үстіндегі жолдарға, сезіктілер мен айыпталушылардың келуі мүмкін режимдік және әкімшілік корпустардың қызмет бөлмелеріне дабыл белгісін беру үшін хабарлағыштар орнатылады. Режимдік корпустардың дәліздері мен өту жолдарында хабарлағыштардың арақашықтығы 20 метрден аспауы тиіс. Дабыл белгісін қабылдау үшін кезекшінің немесе оператордың бөлмесіне қажетті көлемде қабылдағыш қондырғы орнатылады, ал ішкі және сыртқы күзет орындарымен және қызметтермен тікелей телефон байланысы үшін коммутатор отырады.

149. Кезекшінің бөлмесімен тікелей телефон байланысының аппараты барлық ішкі және сыртқы күзет орындарында, сонымен қатар корпус бойынша аға қызметкердің, медициналық және жедел қызметкерлердің, тергеушілердің, анықтаушылардың бөлмелерінде және тергеу изоляторы басшылығының қарауы бойынша қондырылады.

150. Тыйым салынған зонада, режимдік шаруашылық зоналардың басқа жерлерінде қоршаудың периметрі бойынша наряд жолы жағы күзет орындары мен аумақтағы патрульдердің кезекшімен немесе оператормен байланысуы үшін телефон розеткаларымен жабдықталады.
Ішкі жедел телефон байланысының коммутаторы (станция немесе пульт) қалалық телефон жүйесіне шықпауы керек.

151. Режимдік корпусқа, камераларға, аурухана палаталарына және режимдік зонаның аумағында орналасқан, қамаудағылар ұсталынушы немесе олар бара алатын басқа да үй-жайлар (азық-түлік блогы, санитарлық тазалықтан өткізгіш, түрменің өндірістік кәсіпорындары, шеберханалар және т.б.) арнайы (түрмеге арналған) типтегі құлыптармен жабдықталады. Құлыптар үнемі екі бұралып жабылуы керек.

152. Арнайы типті құлыптардың кілтін пайдаланатын тергеу изоляторының қызметкерлеріне оларды қараусыз қалдыруға, сондай-ақ сезіктілер мен айыпталушыларға, олардың ішінде шаруашылық қызметінде жұмыс істеп жүрген сотталғандарға беруге тыйым салынады.

      153. Тергеу изоляторында бар арнайы типтегі барлық кілттер режимдік бөлімде есепте тұруы және ведомосқа (N 39 қосымша) тіркелуі тиіс. Кезекші ауысымға берілген кілттер арнайы кілттерді есепке алу кітабына жазылады.
      Ведомость бойынша және есепке алу кітабы бойынша қанша кілт бар, кімге және қанша кілт жеке пайдалануға берілгені белгілі болуы керек.
      Арнайы типтегі резервтегі кілттер күзет қаруларын тапсыру және сақтау тәртібімен сақталады және тапсырылады.

154. Режимдік корпустардың, дәліздердің және режимдік аумақта орналасқан басқа да үй-жайлардың есіктерінің екі жағына да құлып салынуы керек, олардың кілттері бір типті, бірақ камераға салынатын құлыптың кілтінен өзгеше болуы тиіс.
Камералардың есіктеріне салынатын құлыптары күзет орны шегінде бір типті болуы керек. Барлық жағдайда да бұл құлыптардың кілттері режимдік зонадағы үй-жайлардың есіктеріне орнатылған құлыптарға сәйкес келмеуі қажет.

155. Техникалық күзет, белгі беру мен байланыс құралдарын басқару пульт арқылы кезекшінің қызмет бөлмесінен немесе оған жалғасып жатқан аралас үй-жайдан жүзеге асырылады.
Техникалық құралдарды басқару пультында тәулік бойғы күзет қойылады, оған күзет дабыл аппаратураларымен, қашуға қарсы қолданылатын және белгі беру мен байланыстың басқа да құралдарымен жұмыс істеуді арнайы меңгерген бақылаушы-операторлар тағайындалады.

      156. Техникалық құралдармен басқару пультының бақылаушы-операторы:
      1) техникалық күзет құралдарын жұмыс жағдайында ұстауға;
      2) кезекшіге пультке белгі келіп түскенін баяндауға;
      3) күзет шебіндегі белгі беру жүйесінің іске қосылғаны туралы мұнарадағы (наряд жолындағы) күзет орнының бақылаушысына хабарлауға;
      4) инженерлік-техникалық күзет, белгі беру және байланыс құралдарымен жұмысты есепке алу журналына келіп түскен белгілер, ақаулар және қабылданған шарлар туралы жазуға міндетті.

      157. Бақылаушы-оператор шептерден белгі беру келіп түскен кезде, оның қай шептен және сектордан түскенін анықтап, дереу бұл туралы кезекшіге баяндайды және резервтегі топ үшін дабыл белгісін береді. Бір мезгілде мұнарадағы, наряд жолындағы күзет орнының бақылаушыларына күзет шебінде белгі беру жүйесінің іске қосылғаны туралы хабарлайды.
      Ішкі күзет орнынан дабыл белгісі түскен кезде бақылаушы-оператор дереу кезекшіге баяндайды, бақылаушылардың резервтегі тобы үшін дабыл белгісін береді, дабыл туралы корпустық бөлімше бойынша аға қызметкерге және дабыл белгісі түскен жерге жақын орналасқан күзет орнының бақылаушыларына хабарлайды. Белгі беру себептерін нақтылау және анықтау үшін дабыл белгісін берген күзет орнына телефон шалуға тыйым салынады.
      Байланыс желісі бойынша келіп түскен шақыруға бақылаушы-оператор шақырудың себебін анықтайды. Мұнарадағы, наряд жолындағы күзетшінің, патрульдік бақылаушының немесе қызмет өткеруді тексеруші адамның талабы бойынша барлық периметр бойынша немесе белгі беру учаскеге жарық түсіреді (сөндіреді).

158. Құралдардың ақаулары анықталған кезде бақылаушы-оператор оның туу себептерін түсіндіреді және кезекшінің рұқсатымен оларды жояды. Ақауды оператор жөндей алмаған жағдайда маман (инженер, байланыс технигі) шақыртылады.

159. Электр жүйесі, қуат көзін беретін аппаратура (белгі беру жүйесі) істен шыққан (сөніп қалған) жағдайда бақылаушы-оператор аппаратураны қайталама электр жүйесіне немесе жеке қоректендіру көзіне көшіреді және бұл туралы кезекшіге баяндайды.

160. Белгі беру жүйесінің желілік бөлігін тексеру (жөндеу) үшін немесе басқа бір себептермен техникалық күзет құралдарымен басқару пультін қалдыратын жағдайда бақылаушы-оператор өз міндетін кезекші тағайындаған басқа бақылаушыға тапсырады.

12-тарау. Қызметтік иттерді пайдалану тәртібі

      161. Қызметтік иттер:
      1) режимдік корпустарды, режимдік шаруашылық зоналарын, үй-жайлардың шатырларын, тергеу изоляторының жер астындағы және жер үстіндегі жолдарын күзету үшін;
      2) серуендету, санитарлық тазалаудан өткізуге, шаруашылық жұмыстарына, айырбастау пункттеріне айдап апарғанда және кері қайтқан кезде;
      3) кезекшілікті қабылдау-тапсыру кезеңінде күзетті күшейтуде (бақылаушы итпен бірге дәлізде тұрады);
      4) қашқындық жасаған адамдарды табу мақсатында, транспорт құралдарын және әкетілетін жүктерді қарау кезінде;
      5) есірткі заттарын табу үшін;
      6) қашып кеткен адамдарды іздеуге, ұстауға және айдап апаруға;
      7) қаруларды және оқ-дәрілерді беру және қабылдау кезінде пайдаланылады.

162. Қызметтік иттермен қызмет өткеру үшін арнайы дайындықтан өткен бақылаушылар бөлінеді. Бір бақылаушыға кем дегенде бес иттен бекітіледі.

      163. Қызметтік иттермен қызмет өткеру үшін бөлінген бақылаушы тікелей тергеу изоляторы бастығының орынбасарына, кезекшіге, ал айдауыл құрамында тапсырма орындаған кезде - айдауыл бастығына бағынады.
      Ол:
      1) иттерді орналастыруды, оларды ұстауды және тиісті ветеринарлық қадағалауды қамтамасыз етуге;
      2) иттер үшін азық-түлік жаздыруға және алуға, оларды тамақтандыруға;
      3) үйретудің жалпы және арнайы курстарын өткізуге, иттердің арнайы қызмет түрлері (айдап апару, ұстау, іздеу) жөніндегі жұмыстарын жетілдіруге;
      4) бекітілген кесте бойынша иттерді күзет орындарына бөлуге және күзет орындарынан алуға;
      5) иттермен бірге дұрыс қызмет өткеру үшін қалыпты жағдайды қамтамасыз етуге;
      6) қамаудағылардың және иттерді тамақтандыру, оларды күзет орындарына қою және үй-жайларды тазалау үшін тағайындалған бақылаушылардан басқа тергеу изоляторының (түрменің) қызметкерлерін иттерімен қарым-қатынасына жол бермеуге;
      7) қызмет өткеру нәтижелері туралы кезекшіге баяндауға;
      8) иттерді дайындауға және олардың қызмет етуін есепке алатын күнделік жүргізуге міндетті.

164. Қызметтік иттерді тұрғылықты жерлерде ұстаған немесе жеке иттерімен қызмет өткерген жағдайда тергеу изоляторының қатардағы және ішкі басшылық құрамының адамдарына оларды тамақтандыру шығыны өтеледі.

165. Иттерге ветеринарлық қызмет көрсетуді және оларды бақылауды жергілікті ветеринарлық мекемелер келісім-шарт негізінде жүзеге асырады. Иттерді тексеру кемінде айына бір рет жүргізіледі.

166. Шаруашылық қызмет көрсету жұмыстарына қалдырылған сотталғандардың иттерді тамақтандыруларына және оларды күтімге алуларына үзілді-кесілді тыйым салынады.

      167. Режимдік және шаруашылық зоналарды күзету үшін қызметтік иттер негізгі қоршаудың ішкі жағынан, қашуға неғұрлым мүмкін жерлерге және бақылап тұруға қиын учаскелерге, қоршау қабырғасынан бір метрден үш метрге дейінгі арақашықтықта қойылады.
      Қызметтік иттердің күзет орындары төмендегідей болуы мүмкін:
      1) 20 метрден 100 метрге дейінгі периметрлік қоршау бойынша учаскені күзетуге арналған блокта жылжымалы;
      2) биіктігі кем дегенде 2,5 метр тұтас дуалмен қоршалған жабық зонаны еркін қарауылдау үшін жылжымалы;
      3) жіңішке өткелдерді, кіретін жерлерді, қоршаудың ойылған жерлерін және т.б. күзету үшін қатты байлауда (шынжырда). Әр иттің өзіне тұрақты күзет орны бекітіледі. Тікенекті сым дуалмен қоршалған зонада еркін қарауылдау үшін иттерді қоюға тыйым салынады.
      Қызметтік иттердің күзет орындарын жабдықтау жазбаға сәйкес жүргізіледі (N 40 қосымша).

168. Иттерді күзет орындарына қоюға және оларды күзет орындарынан алу қызметтік иттердің күзет орындарының табелімен бекітіледі. Бұл табельдерді тергеу изоляторының бастығы бекітеді.

169. Бақылаушы күзет орындарына және күзет орындарынан бір мезгілде қысқа қарғы бауымен және тұмсыққапсыз ұсталады. Иті бар бақылаушы итті айдап алып жүру арақашықтығы үшін қауіпсіз жақта, сезіктілер мен айыпталушылардың бір жағында немесе артында болуы керек.

170. Қызметтік иттердің күзет орындары оқтын-оқтын тексеріледі. Әрбір тексеру туралы сырттағы күзет орындарының күзетші бақылаушыларына ескертіледі. Мұнымен бірге тексеруші блок-күзет орны мен тергеу изоляторының қоршауы арасынан өтуге тыйым салынады.

171. Иттер үрген кезде мұнарадағы, наряд жолындағы күзетші бақылаушы немесе аумақ бойынша патрульде жүрген бақылаушы оның себептерін анықтайды және кезекшіге хабарлайды.

172. Дабыл кезінде, сондай-ақ осы Нұсқаулықтың 161-тармағының 3), 4), 5), 6) тармақшаларында көрсетілген міндеттерді орындауға әрекет ету үшін, иттермен қызмет өткеруді қамтамасыз ету үшін тағайындалған бақылаушылардан басқа, қажет болған жағдайда әрбір кезекші ауысым, сондай-ақ режимдік бөлім құрамына арнайы үйретілген иттермен тиісті мөлшерде бақылаушылар бөлінуі мүмкін.

13-тарау. Қару қолданудың қауіпсіздік
шаралары, негіздері және тәртібі

173. Қазақстан Республикасының "Қылмыс жасауға сезіктілер мен айыпталушыларды күзет қамауында ұстаудың тәртібі мен шарттары туралы" Заңынасәйкес (бұдан әрі - Заң), күзет қамауында ұстау орындары әкімшіліктерінің заңға негізделген талаптарын орындамаған сезіктілер мен айыпталушыларға, егер күш қолданылмайтын әдістер құқық бұзушылықты тоқтатуды не болмаса заңды талаптарды орындауды қамтамасыз етпейтін болса, күш, арнайы құралдар, газды және атыс қарулары қолданылады. Жаппай тәртіпсіздіктердің және күзет қамауында ұстаудың бекітілген режимін топтасып бұзушылықтың жолын кесу, кепілдікке алынғандарды босату, мекеме үйлерінде, үй-жайларға, ғимараттарға, көлік құралдарына жасалған шабуылдарды тойтару, оларды басып алудан босату жағдайында басқа да арнайы және көлік құралдарын қолдануға жол беріледі. (РҚАО-ның сілтемесі: 42-45-баптарды қараңыз)
Жоғарыда тізбеленген қауіпсіздік шараларын негізсіз қолдануға жол берген адамдар бұл үшін қолданылып жүрген заңдылықтарға сәйкес жауапты болады.

      174. Қол кісендері тергеу изоляторы бастығының, оның орынбасарларының, кезекшінің және айдауыл бастығының өкімі бойынша Заңда көзделген жағдайда, оның ішінде:
      1) тергеу изоляторы қызметкерлерінің заңды талаптарын мойынсынбай қарсылық көрсеткенде;
      2) өзін-өзі өлтіруге, дене мүшесін зақымдауға ұмтылғанда, сезіктілер мен айыпталушыларды немесе өзге адамдарға шабуыл жасағанда;
      3) сезіктілер мен айыпталушыларды ұшақта (тікұшақта) айдауылдау кезінде;
      4) қашқан адамды ұстаған соң айдауылдау кезінде қолданылады.
      Қол кісендер қолдану кезінде сезіктілер мен айыпталушылардың қолдары артына қайырылады.

175. Қол кісендер оларды қолдану туралы өкім берген адамдардың, осы адамдардың бастықтарының нұсқауы бойынша, сондай-ақ тамақ ішу кезінде, қажеттілік кезінде, өмірге қауіп төнген кезде (өрт, сел және т.б.), сондай-ақ сезікті мен айыпталушының кенеттен ауырып қалған жағдайда алынады. Қол кісендер сондай-ақ айдауылда жүрген адамдарды белгіленген пунктке тапсырған соң және санитарлық тазарудан өту кезінде алынады.

176. Әйелдерге, мүгедектік белгілері анық адамдарға қатысты, егер олар айналасындағылардың өмірі мен денсаулығына қауіп төндірген, топтасып шабуыл жасаған не болмаса қарулы қарсылық көрсеткен жағдайлардан басқа уақытта арнайы құралдарды, газды қарулар және күрестің әскери тәсілдерін қолдануға тыйым салынады. Адамдардың өліміне немесе басқа да ауыр зардаптарға душар еткен арнайы құралдар қолданылған әрбір жағдай туралы тергеу изоляторының бастығы тергеу изоляторына бақылау жасауды жүзеге асырушы прокурорға баяндайды.

      177. Қатты су қысымы заңдарда көзделген жағдайда, мысалы сезіктілер мен айыпталушылар камераның есігін қоршап алғанда және оны ашуға ұмтылса немесе олар камерадан дәлізге шығып кетсе қолданылуы мүмкін.
      Су тергеу изоляторы бастығының, оның орынбасарының, ал олар болмағанда кезекшінің нұсқауы бойынша қолданылады.
      Қатты су қысымының әсері жеке құрамының бүркемелеуімен жүзеге асырылады. Камераға су есік көзшесі арқылы немесе "көзше" белгісі арқылы беріледі.

      178. Елірушілерді тыныштандыруға арналған камера оған елесті ауру, қозбалы психоз жағдайындағы және әлсіреп, мұндай жағдайда өз денесін зақымдауға, өзін-өзі өлтіруге ұмтылған, басқа сезіктілер мен айыпталушыларға, тергеу изоляторының қызметкерлеріне және өзге де адамдарға шабуылдаған адамдарын орналастыруға арналған.
      Жалғыз адамдық камераға сезіктілер мен айыпталушыларды орналастыру алдында олармен өз мүшесін зақымдау, өз өзіне қол жұмсауға немесе күзетке немесе басқа да адамдарға шабуыл жасауға пайдалана алатын барлық заттар алынып алынады. Сыртқы киім (пальто, бушлат, бас киім) камераға берілмейді. Сезікті немесе айыпталушылар камераға үш бақылаушымен еріп барады.
      Жалғыз адамдық камераға орналасқан адамдарға үздіксіз қадағалау жүргізіледі. Бұл үшін күзет орындары қойылады.
      Сезіктілер мен айыпталушыларды мұндай камераға орналастыру тергеу изоляторы бастығының, ол болмаған кезде - орынбасарының не болмаса кезекшінің нұсқауы бойынша дәрігердің (фельдшердің) келісімімен жүзеге асырылады.
      Жалғыз адамдық камерадан шығару дәрігермен келісілген (фельдшермен) тергеу изоляторы бастығының нұсқауы бойынша жүргізеледі.
      Жалғыз адамдық камераға орналастыру туралы қаулыда: онда камераға қамаудың себептері, аталған қауіпсіздік шарасын қолдану туралы жарлық берген адам, оны қолдануға келісім берген дәрігер (фельдшер), камерада болу уақыты, аталған шараны қолдануды сипаттайтын басқа да мәліметтер көрсетіледі.

179. Сезіктілер мен айыпталушылардың тергеу изоляторы қызметкерлерінің не болмаса өзге адамдардың өмірі мен денсаулығына қауіп төндіретін қарсы іс-қимылдар жасаған кезде, аталған іс-қимылдардың жолын өзге шаралармен кесу мүмкін болмаса онда Заңның 45-бабына сәйкес қару қолдануға жол беріледі.

      180. Қару:
      1) тергеу изоляторына күзет пен қадағалауды жүзеге асырушы адамдарға, айдауыл құрамына, тергеу изоляторының басқа қызметкерлеріне, сотқа, прокуратураға, ішкі істер органдарына, сезіктенушілер мен айыпталушыларға не болмаса өзге адамдарға қарулы шабуыл жасалған кезде;
      2) аталған тармақтың 1-тармақшасында тізбеленген адамдардың өмірі мен денсаулығына тікелей қауіп төндіретін өзге де ашық шабуыл жасаған кезде;
      3) қарумен, көлік құралдарында, сондай-ақ қозғалған уақытында автомобиль немесе темір жол көлігінен қашқындық жасаған сезіктілер мен айыпталушыларға;
      4) түнде, көру мүмкіндігі нашар жағдайда және орманды жерлерде қашқан кезде;
      5) қашқан сезікті мен айыпталушыны ұстау кезінде, қарулы қарсылық көрсеткен қамаудағыларға ескертусіз қолданылады.

      181. Қарушы "Тоқта! Атамын!" деген ескерту айқайынан соң және:
      1) қоршалған объектідегі сезікті мен айыпталушы күзет желісінен өтуге ұмтылған кезде, ал басқа барлық жағдайда күзет желісінен өткен соң (осы Нұсқаулықтың 180-тармағында көрсетілген ескертулерсіз қару қолдану жағдайынан басқа);
      2) күзет қамауынан қашқан адамның ізіне түскен кезде;
      3) осы Нұсқаулықтың 180-тармағының 1) тармақшасында көрсетілген адамдарға шабуыл жасау кезінде, олардың өмірі мен денсаулығына тікелей қауіп төнген жағдайда жоғарыға атудан соң қолданылады.

182. Әйелдерге және жасөспірімдерге қатысты, олар қарулы шабуыл жасаған, қарулы қарсылық көрсеткен адамдарды, көлік құралдарын, оның ішінде әуе кемелерін кепілдікке алған не болмаса топтасып шабуыл жасаған, сондай-ақ өрт қауіпі мен жарылу қауіпі көп қоймаларға (сақтау қоймаларына) бағытталған жағдайлардан басқа кезде қару қолдануға тыйым салынады.

183. Қару қолданушы бастықтардың бұйрығы бойынша қару қолдану жағдайынан басқа кезде, жағдайға қарай штыкпен, мылтықтың дүмімен немесе атыс қаруымен іс-қимыл жасауды өзі шешеді.

184. Алдын ала қамауда отырған адам күзет қамауында ұстау орнын өз бетінше тастап кетсе не болмаса айдауылдау (еріп жүру) кезінде күзеттен немесе қадағалаудан өз бетінше кетіп қалса, күзет қамауында ұстау орнынан қашқан болып есептелінеді.

      185. Күзет шеңбері болып табылғандар:
      1) тергеу изоляторының негізгі қоршауының ішкі және сыртқы жағына орналасқан, "Тыйым салынған зона, өтуге болмайды!" деген жазу жазылған ескерту белгілері, қойылған ескерту қоршаулары, ал олар жоқ кезде - негізгі қоршаулар;
      2) участоктың аз уақыт қана жұмыс істейтін учаскелеріне жылжымалы қоршаулар қойылған немесе "Тыйым салынған зона, өтуге болмайды!" деген жазу жазылған ескерту белгілері бар шекаралары;
      3) көлік құралдарында, вагондардың, автомобильдердің қабырғалары (борттары) есіктері (люктері), едендері, шатырлары (төбелер);
      4) сот мәжілісі залдарының (қызмет бөлмелерінің) және сотталушыларға (сотталғандарға) арналған камералардың қабырғалары, едендері, есіктері және терезелері;
      5) жаяу айдауылдау кезінде айдауылдар колоннасына таяу жердегі шеңбер, айдауылдар еріп жүрген кезде тек қана колоннаның артында - колонна айналасындағы метрлік шартты шеңбер.

186. Төтенше жағдайлар туындаған кезде тергеу изоляторының режимдік корпусына және режимдік зонасына қарулы жеке құрам кіргізу және мұнымен бірге қару қолдану ҚР ӘдМ ҚАЖ Комитетінің төрғасының, аумақтық облыстық ҚАЖК ҚАЖД бастығының, тергеу изоляторы бастығының шешімі бойынша жүзеге асырылады. Мұндай жағдайда қару тек "Жат! Атамын!" деген ескерту айқайынан соң ғана және жоғарыға атқаннан кейін қолданылады.

187. Қару қолдану салдарынан адам жараланған немесе өлген жағдайда прокурор, анықтаушы немесе тергеуші келгенше оқиға болған жер күзетпен қамтамасыз етіледі. Тергеу изоляторынан сырт жерде, оқиға болған жерді айдауылдың күшімен күзету мүмкіндігі болмаған кезде айдауылданушы сезікті мен айыпталушы өлген немесе жараланған жағдайда айдауылдың бастығы болған оқиға жайлы тергеу изоляторының немесе аумақтық ҚАЖК ҚАЖД бастығына хабарлайды, олар оқиға орнын күзетпен қамтамасыз етуде айдауылға қажетті көмек көрсетуге міндетті.
Қару қолдану салдарынан жараланған адамдарға медициналық көмек көрсетіледі.

188. Әрбір қару қолдану, сондай-ақ өлімге, жаралануға душар еткен кездейсоқ ату және басқа да ауыр зардаптар жайлы тергеу изоляторының бастығы дереу прокурорды, тікелей бастығын хабардар етеді және қызметтік тексеріс жүргізеді.

189. Өлімге, жаралануға және басқа да ауыр зардаптарға соқтырмаған кездейсоқ ату кезінде тергеу изоляторының бастығы қызметтік тексеріс жүргізуімен ғана шектеледі.

14-тарау. Күрделі жағдай кезінде күзетпен
және қадағалаумен қамтамасыз ету

      190. Төтенше оқиға кезінде тергеу изоляторында жекелеген күзет орындарында дабыл немесе жалпы дабыл жарияланады.
      Күзет орындарындағы дабыл күзет орнынан кезекшіге немесе корпус бойынша аға қызметкерге белгі беру арқылы жарияланады.
      Күзет орнына дабыл белгісі күзет-дабыл белгісін беретін аппарат бойынша бір рет қысқа белгі берумен немесе телефонмен "Күзет орнында" деген сөздермен беріледі.
      Күзет орнында дабыл кезекшінің немесе оның орынбасарының өкімімен тоқтатылады.
      Жалпы дабылды тергеу изоляторының бастығы немесе оның орынбасары ал олар болмаған кезде кезекші барлық күзет орындарына және жеке құрамның жатақханасына белгі беріп жариялайды.
      Жалпы дабыл белгісі күзет-дабыл белгісін беретін аппарат бойынша ұзаққа созылған дабыл белгісін үш рет берумен жарияланады, ал белгі беруі жоқ жерлерге телефонмен "Тыңдаңыздар! Жалпы дабыл жарияланады" деген сөздермен хабарланады.

      191. Күзет орнына дабыл:
      1) күзет орнындағы бақылаушыға, корпус бойынша аға қызметкерге немесе басқа адамдарға шабуыл болған;
      2) сезіктілер мен айыпталушылар бақылаушының немесе корпус бойынша аға қызметкердің талаптарына топтанып бағынбаған;
      3) камера ішінде сотқарлық және тәртіпсіздіктер жасалған;
      4) қашу немесе қашуға оқталу анықталған;
      5) өрт болған;
      6) қамаудағыны камераластары өлтірген немесе дене жарақатын салған;
      7) өзін өзі өлтірген немесе өзін өзі өлтіруге оқталған және күзет орнында шұғыл шара қолдануды талап ететін басқа да жағдайларда жарияланады.

      192. Жалпы дабыл:
      1) күзет орнындағы оқиға қауіпті сипат алған кезде немесе барлық корпустарға не болмаса тергеу изоляторына таралу қауіпі туған кезде;
      2) тергеу изоляторына қарулы шабуыл жасалған кезде;
      3) топтанып қашу кезінде;
      4) режимдік корпуста немесе тергеу изоляторының аумағында өрт болған кезде;
      5) сезіктілер мен айыпталушылар тергеу изоляторының қызметкерлерін немесе өзге де адамдарды кепілдікке алған кезде, сондай-ақ тәртіп сақтау үшін төтенше шара қолдануды талап ететін басқа да оқиғалар кезінде жарияланады.

      193. Күзет орнындағы дабыл белгісі бойынша кезекші дереу өзінің орынбасарын не болмаса резервтегі екі-үш бақылаушымен бірге резерв тобының аға қызметкерін оқиға сипатын анықтау және шара қолдану үшін дабыл белгісі берілген күзет орнына жібереді. Сонымен бірге жіберілгендер резина таяқтармен, арнайы химиялық құралдармен және қол кісендермен қаруланулары тиіс.
      Кезекші оқиға сипаты анықталғанға дейін кезекшілік бөлмесінен кетпейді.
      Егер күзет орнындағы оқиға өзінің сипаты және көлемі жағынан шұғыл жалпы дабыл жариялауды талап етсе, кезекші оны жариялайды.

      194. Жалпы дабыл жарияланған кезде барлық күзет орындарына дабыл белгісі берілген соң және оқиғаны жоюдың шұғыл шаралары қабылданған соң кезекші:
      1) болған оқиға жайлы тергеу изоляторының бастығына, ҚАЖК ҚАЖД басшылығына, ҚАЖК ҚАЖД бойынша кезекшіге баяндайды;
      2) тергеу изоляторындағы заңдылықты қадағалауды жүзеге асырушы прокурорды хабардар етеді;
      3) тергеу изоляторының барлық қызметкерлерін қызметке шақырады;
      4) туындаған жағдайға қарай, дабыл кезіндегі іс-қимылдар туралы нұсқаулықты басшылыққа ала отырып, оқиға сипатына байланысты тәртіп орнатуға бағытталған шешімді шаралар қабылдайды;
      5) резервтегі және дабыл бойынша келген бақылаушылардан қарулы топ жасақтайды;
      6) қосымша күзет орындарын қою жолымен сыртқы және ішкі күзетті күшейтеді;
      7) телефон байланысы бұзылған кезде оқиға туралы ҚАЖК ҚАЖД бойынша кезекшіге рация арқылы баяндайды немесе шабарман арқылы хабар жібереді. Хабарда болған оқиға жайлы қысқа және нақты деректер беріледі, ал егер қажет болса қарулы немесе өзге де көмек сұралады.

195. Жалпы дабыл белгісі бойынша сезіктілердің және айыпталушылардың барлық қозғалыстары тоқтатылады және олар дабыл тоқтатылғанша немесе кезекшінің не болмаса оның орынбасарының нұсқауын алғанша дабыл берілген кезде болған орындарында қалады.

196. Жалпы дабыл белгілері бойынша оқиғаға тартылмаған корпус бойынша аға қызметкерлермен күзет орындарының бақылаушыларды сезіктілер мен айыпталушыларды бақылауды күшейтеді және кезекшінің немесе оның орынбасарының берген нұсқауларына сәйкес әрекет етеді.

197. Тергеу изоляторының бастығы немесе оның орынбасары келгеннен кейін тәртіп орнатуға әрі қарай басшылық жасау соларға көшеді.

198. Барлық дабыл жағдайында және кез келген жағдайлар кезінде жеке құрамның негізгі міндеті қашу мен топтасқан бұзақылықтың алдын алу және жолын кесу болып табылады.

199. Дабыл бойынша келіп жеткен қызметкерлерге қаруды кезекші немесе оның өкімі бойынша орынбасарлары, резерв тобының аға қызметкері, не болмаса басқа қызметкерлер береді.

200. Күзет орындағы бақылаушыға шабуыл жасаған кезде ол күзет-дабыл белгі беру түймесін басып немесе өзге әдістермен күзет орнына дабыл белгісін беруге және сезіктілер мен айыпталушылардың арнайы кілттерді иеленуіне жол бермеуіне міндетті.
Көмек келгенше бақылаушы кезекші жауынгерлік күрес тәсілдерін және сезіктілер мен айыпталушыларға ықпал ететін басқа да әдістерді қолдана отырып, өзінің барлық күш-жігерін, оларды өзіне бағындыруға және камераға қамауға бағыттайды.

201. Егер күзет орнындағы бақылаушыға шабуыл жасалған жағдайда ол күзет орнына дабыл беруге мүмкіндігі болмаған кезде, оны көрші күзет орнындағы бақылаушы немесе тергеу изоляторының басқа да қызметкері беруге міндетті.

202. Күзет орнындағы дабыл белгісі бойынша бақылаушылармен бірге оқиға орнына келген кезекшінің орынбасары немесе резерв тобының аға қызметкері шабуылды тоқтатудың және қамаудағыларды камераға қамаудың шарларын қолданады. Ол "Жат" деген команда береді және оның орындалуы бойынша оларға бір-бірден тұруға және камераға кіруге бұйрық береді.

203. Егер шабуыл қауіпті сипат алса (шабуылдаушыларға кілттерді иемдену және көрші камераларды ашу немесе көрші дәлізге шығу мүмкіндігі туса) ол туралы дереу кезекшіге хабарланады және көмек келгенше қолда бар күштермен шабуылды тоқтату шаралары қолданылады.
Кезекші мұндай жағдайда жалпы дабыл белгісін береді, осы Нұсқаулықтың 194-тармағында көрсетілген іс-қимылдарды орындауды қамтамасыз етеді және резина таяқтармен, арнайы химиялық құралдармен, қол кісендермен және жеке қорғаныс құралдарымен (қалқаншалармен, бронекеудешелермен, каскалармен), бақылаушылар тобының бастауымен оқиға орнына бағытталады.

204. Оқиға орнына келген соң кезекші қалыптасқан жағдайға сәйкес сезіктілердің және айыпталушылардың қарсылықтарын тоқтатудың және оларды камераларға қамаудың барлық шараларын қолданады.
Бағынбаған немесе қарсы күш қолданған адамдарға қатысты жауынгерлік күрес қолданылады, ал кезекшінің өкімі бойынша арнайы құралдар мен қол кісендер пайдаланылады.

205. Шуға, айқайға, камера бүліктерін қиратуға, есіктерді қоршап алуға, есіктерді бұзуға және дәлізге шығуға ұмтылуға ұласқан жаппай тәртіпсіздіктерді, сезіктілер мен айыпталушылардың бағынбаушылығы туындаған жағдайда кезекші жалпы дабыл белгісін береді және осы Нұсқаулықтың 194 және 203-тармақтарында көзделген шараларды қолданады.

      206. Оқиға орнына келген кезекші төмендегідей өз кезегімен әрекет етеді:
      1) есіктегі терезе көзі арқылы сезіктілерге немесе айыпталушыларға тәртіпсіздіктерді тоқтатуды және өз орындарына тұруды ұсынады. Мұнымен бірге камераны ашуды бұйырады және қамаудағыларға бір бірлеп дәлізге шығуды ұсынады;
      2) егер тәртіпсіздік тоқтамаса кезекші бақылаушылар тобымен бірге камераға кіреді (бақылаушылардың осындай басқа тобы дәлізде қалулары керек) және жауынгерлік күрес тәсілдерін қолдана отырып шағын топтарға бөліп бос камераларға қамайды.

207. Сезіктілер мен айыпталушылар камералардың есіктерін қоршап алған және оның ашылуына кедергі жасаған жағдайда тергеу изоляторы бастығының немесе оның орынбасарының нұсқауымен, олар жоқ кезде кезекшінің нұсқауымен камераға есіктегі терезе көзі, "көзше" саңылауы арқылы су қысымын жібереді немесе химиялық құралдар қолданады.
Судың бұлағы егер сезіктілер немесе айыпталушылар камералардан коридорға шыққан жағдайларда қолдануы мүмкін.

208. 204, 206, 207-тармақтарда көрсетілген жағдайларда резина таяқтар, арнайы химиялық құралдар, қызметтік иттер, қол кісендер, жеке қорғаныс құралдарын қолдану осы Нұсқаулықтың 173-189-тармақтарында қарастырылған тәртіп пен негіздер және басқа да нормалар бойынша жүзеге асырылады.

      209. Сезіктілер мен айыпталушылармен тергеу изоляторы қызметкерлерін немесе өзге де адамдарды кепілдікке алған жағдайда кезекші жалпы дабыл белгісін береді және осы Нұсқаулықтың 193-194-тармақтарында көзделген шараларын қолданады.
      Оқиға орнына келген кезекші төмендегідей өз кезегі бойынша әрекет етеді:
      1) дауыспен немесе радиомен, сондай-ақ дауыс күшейткіш қондырғылар арқылы сезіктілерден немесе айыпталушылардан кепілдікке алынғандарды босатуды, қарсылық көрсетуді тоқтатуды талап етеді, оларға кепілдікке алынғандардың өмірі үшін жауапкершілік туралы ескертеді және берілуді ұсынады;
      2) жағдайға және жалпы жағдайға байланысты сезіктілер мен айыпталушылармен байланыс орнатады және ұстамдылық таныта отырып, қызбалыққа жол бермей олармен келіссөз жүргізеді.
      Келіссөз барысында сезіктілер мен айыпталушылардың талаптары анықталады, олармен жедел ойын басталады. Мүмкіндікке қарай олардың онша елеулі емес талаптары бойынша қару, оқ-дәрі және қарсылық көрсету үшін немесе жеке құрамға, кепілдікке алынғандарға немесе өзге адамдарға өзге де зиян келтіру үшін қолдана алатын басқа да заттарды беруге үзілді-кесілді тыйым салынады. Әртүрлі себептермен (көліктің болмауы, жоғары тұрған басшылармен келісу қажеттілігі және т.б.) уақыттың созылуын түсіндіре отырып, сезіктілер мен айыпталушылардың талаптарын барынша баяу орындау мақсат етіледі. Уақытты созу, сезіктілер мен айыпталушыларды "шатастыру" мақсаты келіссөз кезінде де, операцияны жүргізу кезінде де сақталуы керек. Келіссөздерді операция нәтижесіз болған жағдайда, бұл кезде әзірленіп жатуы тиіс операция басталғанға дейін де жүргізіле беруі керек.

      210. Келіссөздер нәтижесіз болған жағдайда операция басшысы жағдаймен санаса отырып, қолда бар күштер мен құралдардың көмегімен кепілдікке алынғандарды босату үшін шаралар қолданады.
      Қажет болған жағдайда аумақтық ҚАЖК ҚАЖД арқылы кепілдікке адамдар алған сезіктілер мен айыпталушыларды қолға түсіру (жою) жөнінде мамандырылған қосымша көмек шақырылады.
      Әдетте аталған операция қылмыскерлер кепілдікке алынғандарды ұстап тұрған орындарды қоршау жолымен жүргізіледі. Бұл ретте бірге бірнеше топ құралады. Қаруды, залалсыздандыру және ұстау тәсілдерін жақсы меңгерген қызметкерлерден басып алу тобы құрылады. Оның міндеттері:
      1) объектіге кіру;
      2) қылмыскерлерді ұстау, ал ерекше жағдайларда жою;
      3) кепілдікке алынғандарды босату;
      4) қылмыс іздерінің сақталуын қамтамасыз ету болып табылады.
      Бүркемелеу тобы басып алу тобының соңынан оған көмек көрсету үшін жіберіледі. Оның құрамына кіретін мергендер қылмыскерлерге тигізуге және олардың қарсылығын басу үшін орын алады. Бұл топ кепілдікке алынғандарды эвакуациялайды және зардап шеккендерге медициналық көмек көрсету үшін шаралар қолданады.
      Бастапқы тергеу әрекеттерін жинау жұмыстарын жүргізу үшін және басшылыққа қылмыскерлермен олардың әрекеттері туралы деректерді баяндап отыру үшін тергеушілер мен жедел қызметкерлерден жедел топ құрылады.
      Материалдық-техникалық қамтамасыз ету тобы операцияға қатысушыларға қарумен, қорғаныс құралдарымен, байланыс құралдарымен, көлікпен және т.б. қамтамасыз етеді.

211. Сезіктінің және айыпталушының камерада, серуенде, шаруашылық жұмыстар объектісінде және т.б. болмағандығын анықтаған кезекші олардың болмау себебін анықтағанша барлық қозғалыстарды тоқтатады. Сезіктінің және айыпталушының болмау себебі анықталмаған жағдайда кезекші көп ұзатпай жалпы дабыл белгісін береді, бұл туралы тергеу изоляторының бастығына баяндайды және бұдан әрі нұсқауы бойынша әрекет етеді.

212. Ескерту белгі беру шектерінен шептен өтіп кетуге оқталғандығы туралы белгісі келіп түскен кезде қашудың алдын алу үшін кезекші дереу изолятор қоршауының ішкі жағына қарулы бақылаушыны немесе бақылаушылар тобын жібереді және сол кезде белгі беру жүйесінің іске қосылу себептерін анықтау үшін дабыл белгісі келіп түскен шепке қарусыз бақылау жібереді.

213. Қашу анықталған кезде кезекші бұл туралы тергеу изоляторы бастығына хабарлайды және дереу жақын аумақтарды мұқият қарау үшін өзінің орынбасарының немесе резерв тобының аға қызметкерінің бастауымен бақылаушылардың қарулы тобын жібереді. Егер мұндай шаралар жүргізу оңды нәтижелер бермесе, тергеу изоляторының бастығы немесе оның орынбасары қашушы адамның ізіне түсуді және жергілікті жеке іздестіруді өздері ұйымдастырады.

214. Тергеу изоляторының күзетіне сырттан шабуыл жасалған кезде, сондай-ақ тергеу изоляторы ауданында күзет жүйесінің бұзылуына соқтыратын тәртіпсіздіктер туындаған кезде кезекші жалпы дабыл белгісін береді, дереу шабуылға тойтарыс беру және күзетті, қамаудағыларды қадағалауды күшейту жөнінде шаралар қабылдайды және осы Нұсқаулықтың 194-тармағына сәйкес әрекет етеді.

215. Тергеу изоляторы қызметкерлерінің әрқайсысы режимдік корпуста немесе тергеу изоляторының аумағында өртті байқаса дереу жақын жердегі күзет-дабыл белгісін беру нүктесінен дабыл белгісін беруге міндетті.
Күзет орнында тұрған бақылаушылардан басқа тергеу изоляторының барлық қызметкерлері өртті сөндіруге қатысуға міндетті.

      216. Режимдік корпуста немесе аумақта өрт болған кезде кезекші осы Нұсқаулықтың 194 тармағында көзделген шаралардан басқа:
      1) қалалық өрт күзетін шақыруға;
      2) қолда бар күштермен және құралдармен өртті сөндіру шараларын қолдануға;
      3) ішкі және сыртқы күзет орындарын күшейтуге және сезіктілер мен айыпталушыларды камерадан шығару жағдайына дабыл бойынша келген бақылаушылардан резерв тобын құруға міндетті.

217. Қызметтен бос бақылаушылар келісіммен барлық ішкі күзет орындары екі есе күшейтіледі, ауыр қылмысқа тартылған сезіктілер мен айыпталушылар ұсталатын камераларға күшейтілген наряд қойылады. Дәліздер мен камераларда тыныштық пен тәртіп орнатылады.

218. Егер өрттің таралуы режимдік корпусқа қауіп төндірсе кезекші қарусыз бақылаушылардың айдауылын барынша күшейту арқылы сезіктілер мен айыпталушыларды бұл корпустардан қауіпсіз орынға шығару шараларын қолданады.

219. Бұл адамдарды тергеу изоляторының шегіндегі қауіпсіз орынға шығару мүмкін болмаған кезде олар жергілікті ішкі істер органы басшысының рұқсатымен неғұрлым осы мақсатқа сай келетін, қарулы тізбекпен қоршалған орынға шығарылады. Осы мақсатқа бақылаушылар құрамын көмекке әскери және полиция бөлімшелері тартылады.

220. Өрт сөндіруді ұйымдастырумен бір уақытта сезіктілердің және айыпталушылардың жеке істерінің, кәртішкелерінің, жедел бөлімшенің және мұрағаттың материалдарының, қарулар мен оқ-дәрілердің сақталуын қамтамасыз етуге шаралар қолданылып, олардың сақталуы үшін арнайы бөлінген қызметкерге жеке жауапкершілік жүктеледі.

221. Өрт сөндіру командасын, әскери бөлімшелерді, полиция қызметкерлерін режимдік аулаға кіргізу кезінде сезіктілер, айыпталушылар өрт сөндіру бойынша әрекет етіп жүрген адамдарға қосылу жолымен қашуларын және олардың тасасымен тергеу изоляторының шегінен тыс жерге шығуларына мүмкіндік бермейтін ерекше шаралар қолданылады.

222. Сейсмикалық белсенділігі жоғары жерлерде, сондай-ақ су тасқыны және басқа да табиғи зілзалаларға ұшыраған жерлерде осы Нұсқаулыққа сәйкес жергілікті жерлерде іс-қимыл жасаудың тиісті жоспары жасалады.

      223. Өрт жағдайында топтасқан және жаппай тәртіпсіздіктердің, бағынбаушылықтардың, топтасып қашулардың, қызметкерлерге шабуыл жасаудың, кепілдікке алудың жолын кесу және жою мақсатында әрбір тергеу изоляторында жеке құрамының төтенше оқиғалар кезінде іс-қимыл жасау жоспары әзірленеді. Жоспарда мұндай іс-шараларда бөлімшелер мен ішкі әскер бөлімдерінің қалалық, аумақтық ҚАЖК ҚАЖД, ішкі істер мен әскериленген өрт күштері мен құралдарының өзара қарым-қатынасының шарты мен тәртібі қарастырылады.
      Жоспарға тергеу изоляторының бастығы қол қояды және облыстық аумақтық ҚАЖК ҚАЖД бастығы және ішкі әскер бөлімшесінің командирі бекітеді.
      Жоспардың даналары тергеу изоляторының бастығында және кезекшіде сақталады.

224. Жаппай тәртіпсіздіктерді, бағынбаушылықтарды, кепілдікке алуларды және өртті жою ішкі әскерлердің бөлімдерімен, бірге кемінде жылына бір рет өткізілетін жаттығуларда меңгеріледі.

225. Осы Нұсқаулықтың негізінде әрбір тергеу изоляторында дабыл бойынша әрекет ету нұсқаулығы бекітіледі, онда жергілікті жағдайлардан және әрбір тергеу изоляторының ерекшелігінен туындайтын жекелеген мәселелер нақтыланады.
Нұсқаулықтың бір данасы тергеу изоляторының күзет жөніндегі жедел жоспардың бір бөлігі ретінде кезекшіде сақталады.

      226. Тергеу изоляторын күзету:
      1) тергеу изоляторындағы жағдай шиеленіскен кезде немесе жаппай тәртіпсіздіктерге және күзетке шабуыл жасауға дайындық туралы деректер алынған кезде;
      2) Ұлттық және мемлекеттік мейрам күндері;
      3) аумақтық ҚАЖК ҚАЖД басшылығының арнайы өкімін алған кезде күшейтілген түріне көшіріледі.

227. Күшейтілген түрі бойынша күзетуді тергеу изоляторының бастығы 3 тәулік мерзімге дейін, ҚР ӘдМ ҚАЖ Комитетінің басшылығымен - жағдай қалыпқа келгенше енгізіледі.
Күзеттің күшейтілген түріне көшіру туралы шешім тергеу изоляторы бастығының бұйрығымен ресімделеді және жеке құрамға жарияланады.

      228. Күзетті күшейту кезеңіне арналған жоспарда:
      1) сыртқы және ішкі күзет орындарын ұлғайту;
      2) кезекші ауысым санын және режимдік бөлімінің күндізгі қызметін ұлғайту;
      3) барлық жеке құрамды немесе оның бір бөлігін нақты жағдайға байланысты казармалық жағдайға көшіру;
      4) өртке қарсы құралдарды, автокөліктерді, байланыс құралдарын дайындыққа келтіру;
      5) кезекші ауысымдардың қызмет өткерулерін тексеруді жиілету;
      6) қашудың немесе басқа да қылмыстарды ескерту жөніндегі жедел-алдын-алу жұмыстарын жандандыру, өткізу режимін күшейту, жиілендірілген кесте бойынша тінтулер жүргізу, өткір кесетін аспаптарды пайдалануды бақылауға алу, сезіктілер мен айыпталушыларды ішкі шаруашылық жұмыстарына шығаруды барынша қысқарту;
      7) орта және аға басшы құрамның, дәрігерлердің (фельдшерлердің) жедел кезекшілігін бекіту;
      8) азық-түлік блогының, қазандықтардың, сумен қамтамасыз ету көздерінің жұмысы мен санитарлық жағдайына бақылауды күшейту;
      9) тәрбие жұмыстарын күшейту және жеке құрамның қырағылығын көтеру жөнінде шаралар өткізу;
      10) сәлем-саухатты қабылдауды, кездесулерді, сезіктілерді және айыпталушыларды айдауды және оларды осы Нұсқаулықтың 226-тармағының 2-тармақшасында көрсетілген күндері тергеу изоляторына қабылдауды қысқарту.

15-тарау. Сезіктілер мен айыпталушыларды
айдап алып жүру

      229. Тергеу изоляторларының жеке құрамы сезіктілер мен айыпталушылардың:
      1) режимдік корпустың ішіндегі, режимдік және шаруашылық аймақтардың аумағындағы қозғалыс кезінде;
      2) ішкі шаруашылық жұмыстарына шығару кезінде;
      3) денсаулық сақтау органдарының ауруханаларына орналастыру кезінде;
      4) тергеу изоляторы қызметкерлерінің күзетінен қашқан адамдарды ұстау кезінде;
      5) ішкі әскерлердің осы мақсаттарға арналған бөлімдері (бөлімшелері) болмаған пункттерде қарауылдар арасында жоспарлы бағыттармен алмасу үшін станцияларға, пристандарға, әуежайларға жеткізу кезінде айдап алып жүреді, оларды күзету мен қадағалауды қамтамасыз етеді.

230. Сезіктілер мен айыпталушылар режимдік үй-жайлардың және тергеу изоляторының аумағында топтанып немесе жеке қозғалғанда бақылаушылар ілесіп (айдап алып) жүреді. Топтасып қозғалу тек саппен жүзеге асырылады.

231. Режимдік үй-жайлардың ішінде және негізгі қоршаудың ішкі жағына, соның ішінде серуендеу ауласына орналасқан аумақтарда айдап алып жүру қарусыз жүзеге асырылады.

      232. Сезіктілердің және айыпталушылардың қозғалысы бекітілген бағыттар бойынша жүзеге асырылады. Бағыттарда:
      1) басқа камерадағы сезіктілермен және айыпталушылардың кездесіп қалуына жол бермеу мақсатында жалғыз айдап алып жүргендерді бөлектеу үшін бағыттық бокстар белгіленеді;
      2) режимдік корпустың дәлізіне кіретін есіктер "көзшелермен" жабдықталады;
      3) баспалдақты клеткалар галереялар қорғаныс тормен немесе шарбақпен бүркемеленеді.

      233. Сезіктілер мен айыпталушылардың режимдік үй-жайларда және тергеу изоляторының аумағында қозғалысы бекітілген бағыттар бойынша:
      1) қашу және еріп апарғандарға (айдауылдаған) бақылаушыларға шабуыл;
      2) қашуға дайындық үшін, күзетке шабуыл жасағанда, өлімге немесе өзінің өліміне пайдалануға болатын қандай да бір заттармен және қаруларды иемдену;
      3) әр түрлі камераларда ұсталатын сезіктілердің және айыпталушылардың кездесуі;
      4) бостандықта жүрген адамдармен байланысты белгілеу мүмкінділігі ескертіледі.

234. Бір топ қамаудағыларды шығарған кезде бір бақылаушыға, әдетте бір мезгілде 15-тен аспайтын адамдарды айдап алып жүру жүктеледі. Олардың саны көп болған жағдайда оларды айдап алып жүру үшін екі бақылаушы тағайындалады.
Аса қауіпті қылмыстарды қайталап жасағандарды, қашуға және шабуылдауға бейім адамдарды, сондай-ақ басқа да қауіпті қылмыскерлерді аталған жағдайда айдап алып жүру үшін бақылаушылар құрамы мынадай есеппен тағайындалады: 2-5 адамы шығару кезінде - екі бақылаушы, 6-10 адамды шығару кезінде - үш бақылаушы. Қажетті жағдайда ерекше қауіпті қылмыскерді жалғыз айдап алып жүруді екі бақылаушы жүзеге асырады.

235. Екі және оданда көп бақылаушылар айдап алып жүру кезінде олардың біреуі айдаудағылардың алдында, қалғандары артында жүреді. Бір бақылаушы ғана айдап алып жүрген кезде, ол сезіктілермен және айыпталушылардың сапының артында екі қадам кейін жүреді. Сезіктілер мен айыпталушыларды үй-жайдың ішінде бір бақылаушы ғана айдап алып жүрген кезде басқа дәлізге бұрылатын жерде бақылаушы айдаудағыларды бұрылысқа екі қадам қалғанда тоқтатады. Өтетін жолдың бос екенін көз жеткізген соң, айдаудағы топты өзінің жанынан өткізіп, олардың артынан жүреді.
Дәліздің күзетілмейтін есігіне жақындаған кезде бақылаушы сезіктілер мен айыпталушыларды есікке бес қадам қалғанда тоқтатады, өзі алдыға өтіп, есіктің "көзшесінен" қарайды және өтетін жердің бос екенін анықтаған соң есікті ашып, сезіктілерді және айыпталушыларды өзінің жанынан өткізеді де айдаудағылардың артынан қозғалысын жалғастырады. Серуендеу ауласына шығаруда да осындай тәртіппен жүргізіледі.

236. Бақылаушы қозғалыстың барлық бағытында тынышты қамтамасыз етуде, қамаудағылардың саптан шығуына, темекі шегулеріне, өздері өтіп бара жатқанда камера есіктеріндегі "көзшені" ашуға жол бермеуге тиіс.

237. Әрбір айдап алып жүруші бақылаушының өзімен бірге арнайы құралдары және полицейлік типтегі ысқырығы болуы керек.

238. Бақылаушыға шабуыл жасаған кезде ол оған жауынгерлік күрес тәсілдерімен және қолда бар мүмкіндіктерді (ысқырық, дауыс, жақын жердегі күзет-дабыл белгісін нүктелер, рация) пайдалана отырып, тойтарыс береді.

239. Режимдік, шаруашылық зонада және тергеу изоляторы шегінен тыс жердегі жұмыстарда сезіктілер мен айыпталушыларды айдап алып жүру, күзету және оларды қадағалау осы Нұсқаулықта қарастырылған тәртіппен жүзеге асырылады.

240. Тергеу изоляторының орналастыру орнында арнайы айдауыл бөлімшелері болмаған жағдайда, тергеу изоляторының (түрменің) бастығы жоспарлы бағыттағы арнайы вагон келмегенше изоляторда қарауылына тапсыруға жататын адамдардың бар немесе жоғына қарамастан айдауыл жібереді.

241. Айдауылдардың саны алмастыру пунктіне және тергеу изоляторына жеткізілетін адамдардың санына қарай анықталады, бірақ барлық жағдайда да айдауылдар төрт адамнан (N 41 қосымша) кем болмауы керек, соның ішінде айдауыл бастығы, оның көмекшісі (егер айдауыл құрамында бес адамнан көп болса) болуы қажет.
Айдауыл құрамын тергеу изоляторының бастығы немесе оның орынбасарлары, ал олар жоқ кезде кезекші тағайындайды.

242. Тергеу изоляторының айдауыл құрамына басшы және қатардағы құрам болып табылмайтын адамдарды тағайындауға тыйым салынады.

      243. Әдеттегідей және күшейтілген болуы мүмкін.
      Айдалушылар құрамында күшейтілген күзет пен қадағалауды талап ететін адамдар болған жағдайда күшейтілген айдауылдар тағайындалады.
      Күшейтілген айдауыл санын әрбір жекелеген жағдайда, тергеу изоляторының бастығы анықтайды.

244. Алмастыру пунктіне айдап алып жүру тек арнайы машинамен жүзеге асырылады. Елді мекен шегінде жаяу саппен және ашық көлікпен айдап алып жүруге тыйым салынады.

      245. Алмастыру пункттеріне айдап алып жүру кезінде, күзет жүйесін тікелей бағыттағы айдауыл қызметін өткерудің нақты жағдайын ескере отырып тергеу изоляторының бастығы анықтайды.
      Алмастыру пунктіне айдап алып жүруді зерделеген кезде мыналарға ерекше назар аударылады:
      1) Сезіктілерді және айыпталушыларды түсіру және отырғызу үшін автокөлік тұратын неғұрлым жасырын және қолайлы жерге;
      2) автокөліктегі арнайы вагонға дейін және кері қарай айдап алып жүру жолына;
      3) жоспарлы бағыттардың қарауылдары алмастыратын жерде және автокөлікке отырғызарда қамаудағыларды күзету тәртібіне;
      4) тергеу изоляторының кезекшісімен және көліктегі полиция бөлімшесінің кезекшісімен байланыс тәсіліне баса назар аударылады.
      Алмастыру пунктеріне айдап алып жүру қозғалысының бағыттарын таңдаған кезде:
      1) көлік және адамдар аз жүретін көшелер белгіленеді;
      2) тергеу изоляторымен, полициямен байланысуға мүмкіндік бар пунктер анықталады;
      3) медициналық көмек көрсету пунктері анықталады.
      Күзет жағдайын және айдап алып жүру бағыттарын зерделеу негізінде айдап алып жүру кезіндегі күзет жоспары әзірленеді, оған:
      1) күзет сызбасы және айдап алып жүру бағыты;
      2) күзет орындарының табелі және айдауылдың жеке құрамының жауынгерлік есебі енеді. Жоспар екі данада жасалады және оны тергеу изоляторының бастығы бекітеді.

      246. Айдауылды тағайындаушы бастық:
      1) айдауыл бастығына ұйғарымды (N 42 қосымша) және айдауыл түрлеріне сай келетін басқа да құжаттарды тапсырады және оған әр құжаттың мазмұнын және мәнін түсіндіреді;
      2) көлік бөледі және айдауылшыларды бекітілген керек-жарақпен қамтамасыз етеді;
      3) айдауыл бастығының білімін және айдауылдардың өз міндеттерін білуін, қару ұстау шеберліктерін, қарудың жай-күйін, оқ-дәрілерді және нысанды киімдерді тексереді;
      4) айдауылдау жөнінде алда тұрған міндеттерді орындау тәртібі туралы айдауыл бастығына және айдауылдаушыларға нұсқаулама жүргізеді;
      5) айдауылдауға жататын адамдардың санын атайды және олардың ішінде кімнің күшейтілген қадағалауды талап ететін, қайда және қай уақытқа қарай келуі керектігін қандай жолмен ізіне түсуді, ізіне түсу жолында жағдай асқынған болса не істеу керектігін түсіндіреді;
      6) айдауыл бастығы оралған соң одан тапсырманың орындалуы туралы мәлімдеме қабылдайды.

      247. Айдауыл бастығы және оның көмекшісі тапаншамен, ал айдауылдаушылар автоматпен қаруланады.
      Айдауылдар оқ-дәрілермен мынадай есеппен қамтамасыз етіледі: бір тапаншаға 16 патрон (екі магазинде), әрбір автоматқа 40 патрон (екі магазин 20 патроннан).
      Әрбір айдауылды тағайындау тергеу изоляторы бойынша кезекшілік кітабына жазылып, ресімделеді.

      248. Айдауыл бастығы тергеу изоляторының бастығына, оның орынбасарына және кезекшіге бағынады. Ол айдауыл жеке құрамының тікелей бастығы болып табылады және:
      1) айдауылдау жөніндегі міндеттерді нақты және дер кезінде орындау үшін;
      2) айдауыл жеке құрамының жауынгерлік дайындығы үшін, нарядтағы әрбір адамның өз міндеттерін қатаң орындаулары үшін, тәртіп жағдайы үшін;
      3) қарулардың, техникалардың, инженерлік-техникалық және айдауылдың пайдалануындағы материалдық құралдар үшін жауап береді.

      249. Айдауыл бастығы:
      1) айдауылдарға тапсырма береді, осы тапсырманы орындау тәртібін түсіндіреді және айдауылдардың міндеттерін тексереді;
      2) айдауыл жеке құрамынан асқан қырағылық пен тәртіпті, өз міндеттерін нақты орындауды және оны жақсы білуді талап етеді;
      3) қамаудағылар қашқан, шабуыл жасаған жағдайда, өрт немесе басқа да оқиғалар болған жағдайда жеке құрамның жауынгерлік есебін жүргізеді;
      4) белгіленген тәртіппен айдауылдап жүруге жататындарды қабылдайды;
      5) айдауылдауға тәртібінің орындалуын, еріп жүру бағытының сақталуын, жөнелту және белгіленген пунктке келу уақытын қамтамасыз етеді;
      6) қару, арнайы құралдар қолдану тәртібінің сақталуын қамтамасыз етеді;
      7) сезіктілер мен айыпталушыларды айдауылдауға жүру үшін пайдаланылатын автомашинаны бөгде адамдардың жүргізуіне, сондай-ақ жүк тасымалдауына жол бермейді;
      8) сезіктілер мен айыпталушылар қашқан жағдайда олардың ізіне түсуді және ұстауды ұйымдастырады;
      9) жеке өзі және өзінің көмекшісі арқылы айдауылдардың қызмет өткерулерін тексереді;
      10) сезіктілер мен айыпталушыларды белгіленген пункте тапсыруды жеке өзі белгіленген тәртіппен ресімдейді; V020001879
      11) жеке құрамның қауіпсіздік шараларын сақтауларын, қару және оқ-дәрілерді ұстаудың, қаруларды оқтау және оқсыздандыру тәртібінің сақталуын бақылайды;
      12) айдауылдау жүру жолында айдауылданушылардың бөгде адамдармен қарым-қатынас жасауларына, олардың қандай да бір затты лақтыруларына жол бермейді, азық-түлік және заттар сатып алуға, сатуға немесе айырбастауға, хат-хабарлар жөнелтуге ұмтылудың жолын кеседі;
      13) баратын орынды және айдауылдап жүру бағытын жария етпейді;
      14) кезекшіге тапсырманың орындалуы жайлы баяндайды, қызметтік құжаттарды, қаруларды, оқ-дәрілерді және мүліктерді тапсырады.

250. Айдауыл бастығының белгіленген тәртіппен айдаудағы сезіктілер мен айыпталушыларға қатысты арнайы құралдар мен қару қолдануға құқығы бар.

251. Айдауыл бастығына айдауылдан кетуге, айдауылдаушыларды қандай да бір жерге тек қызметін орындауға және ауруына байланысты жағдайлардан басқа, жіберуге тыйым салынады.

252. Айдауыл бастығының көмекшісі айдауыл бастығына бағынады және оның ғана бұйрығын орындайды, ал айдауыл бастығы жоқ кезде соның міндеттерін атқарады.

      253. Айдауыл бастығының көмекшісі айдауыл бастығының міндеттерін атқару кезінде айдауылдауға толық жауап береді және айдауыл бастығының барлық құқықтарын пайдаланады.
      254. Айдауыл:
      1) айдауылданушылардың жүріс-тұрысына үнемі және мұқият бақылау жасайды;
      2) қаруды әр кез жауынгерлік дайындықта ұстайды;
      3) үнемі өзіне көрсетілген орында болады;
      4) сезіктілер мен айыпталушыларды айдауылдауға есеп бойынша қабылдайды;
      5) айдалуданушылардан қаруды еркін қолдануға мүмкіндік беретін және оқыс шабуылдауды болдырмайтын қашықтықта жүреді;
      6) айдалуданушылармен қызметтік міндеттерге байланысты емес сөйлесулеріне болмайды;
      7) сезіктілер мен айыпталушылармен талаппен, бірақ сыпайы қарым-қатынас жасайды;
      8) айдауыл бастығына айдауылданушылардың белгіленген тәртіпті бұзғандықтары жайлы баяндайды.

255. Алмастыру пунктерінде айдауылданушылардың белгіленген тәртіппен жөнелтуге дайын болуы қажет. Тергеу изоляторының арнайы есепке алу және қаржы бөлімі оларды жөнелту құжаттарын кезекшіге тапсырады, ал айдалушы адамдар құрама бөлімнің камерасына алып барады, онда оқшаулаудың белгіленген тәртібі сақтала отырып бокстар бойынша бөлінеді.
Айдауылға тапсырар алдында сезіктілерден және айыпталушылардан өтініштері мен шағымдары сұралады. Ауруы туралы мәлімдеген сезіктілер мен айыпталушыларды дәрігер қарайды. Айдауылданушы адамдар маусым бойынша киінулері керек.

256. Айдауылданушы адамдарды қабылдау оларды айдауыл бастығының кезекшіден алған құжаттар бойынша тексеруінен басталады. Айдауыл бастығы әрбір сезіктіні және айыпталушыны шақырып алады, одан сұрақ алады және алынған жауаптарды оның құжаттарында бар мәліметтермен салыстырады.
Қабылдауға келген адамның жеке басына күмән туған кезде айдауыл бастығы кезекшіге өтініш жасайды және оның нұсқауы бойынша іс-қимыл жасайды.

      257. Айдауылдап жүру айдауылданушыларға:
      1) құжатсыз немесе құжаты дұрыс ресімделмеген;
      2) дәрігердің қорытындысы бойынша жөнелту мүмкін емес аурулар;
      3) киімдері маусымға сай келмейтін және бірінші тамақтандыру пунктіне дейін азық-түлікпен қамтамасыз етілмеген адамдар қабылданбайды.

258. Айдауыл құрамы айдауылданушыларды қабылдаған кезде тінту, ал олардың заттарына тексеру жүргізіледі.

259. Айдауылдап жүруге айдауылданушыларға жататын адамдарды айдауыл бастығы бас қақпаның посты бақылаушысының осы адамдарға рұқсат қағазын берген және олар тергеу изоляторынан тыс шығарылған сәттен бастап кезекшіден (оларды қабылдап алу туралы құжаттарда айдауыл бастығының қолы болғанда) қабылдап алды деп есептелінеді.

      260. Айдауылдау кезінде:
      1) сезіктілер мен айыпталушыларға белгіленген қозғалыс тәртібін бұзуға тыйым салынады;
      2) сезіктілер мен айыпталушыларға өздерімен бірге сақтауға рұқсат етілген тамақ өнімдерін, заттар мен бұйымдарды алып жүруге, сонымен бірге науқастарға - өздерімен бірге медициналық-санитарлық бөлімнің жолға берген дәрі-дәрмектерін, баласы бар әйелдерге - оларды күтуге арналған заттарды алып жүруге рұқсат етіледі.

261. Айдауылданушы адамдар тамақ өнімдерімен (құрғақ пайекпен) жүру жолында бірінші алмастыру пунктіне дейін, ал егер олар ауысып отырмаса, онда соңғы пункте дейін белгіленген норма бойынша қамтамасыз етіледі.
Бір бағытта айдауылданушы адамның әрқайсысына немесе бір топ адамға азық-түлік аттестаты бекітілген нысан бойынша жазылып беріледі. Аттестаттың бір данасы тергеу изоляторының айдауыл бастығы арқылы айдауылданушыларды тапсырған уақытпен бір мезгілде қарауыл бастығына тапсырылады.

262. Арнайы автомобильдермен айдауылдап жүру үшін әрбір автомобилдердің әрқайсысына кем дегенде үш айдауылдан тағайындалады, олардың ішінен айдауыл бастығы және бір бақылаушы арнайы бөлінген орында кузовқа орналасады, ал екінші айдауыл - жүргізушінің кабинасына орналасады. Айдауылдаушы адамдарға арналған есіктер бекітіліп жабылады. Автомобильмен әйелдер мен ер адамдарды бір мезгілде тасымалдауға, егер автомобильде ер адамды әйелдерден оқшаулауға мүмкіндік бар жекелеген жабылатын камераларға бөлінген жағдайда ғана рұқсат етіледі.

263. Айдауылшыларды автомобильге отырғызар алдында айдауыл бастығы тиектердің, есіктер мен кузов камерасының дұрыстығын тексереді және кузовқа кіре беріске айдауыл қояды.
Айдауылшыларды автомобильге отырғызуды айдауыл бастығы бір бірлеп дауыстап санап тұрып жеке өзі жүргізеді.

264. Тергеу изоляторы темір жол станциясынан, әуежайдан (аэродромнан), пристаннан айтарлықтай алыс болған кезде қажет жағдайда осы мекемелердің әкімшіліктерімен келісім-шарт бойынша үй-жай жалға алынады, онда айдауылданушылардың поездың, ұшақтың келуін күтуде уақытша болулары үшін жылу беру пункттері ұйымдастырылады.

265. Айдауыл бастығы алмасу пунктіне келіп, тергеу изоляторынан этаппен жөнелтуге жататын адамдарды және олардың жеке істері бар пакеттерді қабылдайды. Айдауылданушыларды және олардың жеке істері бар пакеттерді қабылдағаны туралы айдауыл бастығы тергеу изоляторында қалдырылған ілеспе тізімнің бір данасына қол қояды. Кезекші айдауыл бастығына екі дана ілеспе тізімді, жеке істері бар пакеттерді және жөнелтілетін адамдарға бекітілген үлгідегі азық-түлік аттестатын тапсырады.
Айдауыл бастығы сезіктілер мен айыпталушыларды қабылдау және тапсыруға арналған ұйғарыммен жабдықталады.

266. Станцияларда, пристандарда, әуежайларда қарауылдар мен айдауылдар арасында сезіктілер мен айыпталушыларды тапсыру және қабылдау тек күзет жоспарында белгіленген орындарда ғана жүргізіледі.

      267. Егер тергеу изоляторынан сезіктілер мен айыпталушылар бір автомобильмен бірнеше рейспен тасымалданса, айдауыл бастығы қамаудағыларды толық қабылдап, оларды тергеу изоляторында күзету үшін айдауылдың бір бөлігімен өзінің көмекшісін қалдырады, ал өзі бірінші рейспен кетеді және сезіктілер мен айыпталушыларды автомобильден дабыл айдауыл бастығының көмекшісі қалғандарды келесі рейспен айдауылдауды ұйымдастырады.
      Алмастыру пунктінен тергеу изоляторына бірнеше рейспен айдауылдау кезінде айдауыл бастығы күзетке және келген сезіктілер мен айыпталушыларды автомобильге отырғызуға басшылық жасайды және тергеу изоляторына соңғы рейспен келіп, барлық жеткізілгендерді тапсырады.
      Бір мезгілде бірнеше автомобильмен айдауылдап жүру кезінде сезіктілер мен айыпталушыларды автомобильдерге отырғызу айдауыл бастығының басшылығымен жүргізіледі. Әрбір автомобильге аға айдауыл тағайындалады. Автомобильдер айдауыл бастығы көрсеткен бағыт бойынша дербес жүреді. Айдауыл бастығы колоннаның бас жағында жүреді. Ол келгенше сезіктілер мен айыпталушылар автомобильден түсірілмейді.

268. Өтіп бара жатқан жоспарлы қарауылға тапсыру үшін айдалушы адамдар, поезд қысқа уақытқа ғана тоқтаған жағдайда арнайы вагон тоқтайтын жерге поезд келерден 15 минут бұрын жеткізіледі.

269. Автомобильден арнайы вагонға және бұрын кері айдауылдап жүру алдын ала белгіленген бағыт бойынша 3-8 адамдық топпен жүргізіледі. Айдауылдау алдында айдауыл бастығы поздың қай жолға келетінін және арнайы вагонның тоқтайтын орнын нақтылайды.

270. Алмастыру пунктінде (автомобильден арнайы вагонға, автомобильге отырғызу және түсіру кезінде, арнайы вагонда алмастыру уақытында) айдауылдау кезіндегі күзетті айдауылдар екі қатар болып тұрып жүзеге асырылады. Бірінші қатардың айдауылдары этаптандырылғандарды тікелей күзете отырып, олардың айналасына шеткі қатардан 2-3 метр орналасады. Айдауылдардың әрқайсысына нақты айдалушы адам бекітіледі, оларда үздіксіз бақылауды ұсынады. Қашуға бейім адамдар колоннаның ортасына шоғырландырылады, оларды күзету күшейтіледі. Қажет болған жағдайда бұндай санаттағы адамдарды жеке айдауылдайды.
Екінші қатардағы айдауылдар дер кезінде қашудың алдын алу, күзеттегілерге бөгде адамдарды жібермеу және айдауыл бастығына поездардың және көрші жолдарда маневр жасаушы паровоздардың жақындап қалғанын ескерту маңыздылығын сақтай отырып, айдауылдаушыларды 8-10 метр орналастырады.

271. Арнайы вагонның келуі бойынша айдауыл бастығы қарауыл бастығына сезіктілер мен айыпталушыларды қабылдау-тапсыру туралы ұйғарымды ұсынады, қарауыл бастығынан осындай ұйғарымды талап етеді және бұдан соң тапсыруға және қабылдауға кіріседі. Айдауыл бастығы қарауыл бастығына айдалушы адамдарды, айдауылданушылардың жеке істері бар пакеттерді, ілеспе тізімнің бір данасы және азық-түлік аттестатын тапсырады. Сонымен бірге қамаудағылардың айдауыл бастығы белгіленген тәртіппен қарауыл бастығына тапсыратын бағалы заттарынан басқа жеке заттары олардың өздеріне қалады.
Жоспары бағыттың қарауыл бастығы сезіктілер мен айыпталушылар мен олардың жеке істері бар пакеттерді қабылдағаны туралы ілеспе тізімге қол қояды.

272. Жеткізілгендерді тапсырған соң айдауыл бастығы келген сезіктілер мен айыпталушыларды (егер олар келсе) тергеу изоляторына жеткізу үшін оларды қабылдайды. Алмастыру пунктінен келген соң айдауыл бастығы қарауылдан қабылданған жеке істер бар пакеттерді, азық-түлік аттестаттары, сондай-ақ жоспарлы бағыт қарауылына тапсырылған адамдардың құжаттарын кезекшіге тапсырады.

273. Тергеу изоляторының айдауылы вагонда алмастыру уақытында: тапсыру кезінде - жоспарлы бағыт қарауылының бастығы есепті қайталанғанға дейінгі; қабылдау кезінде - тергеу изоляторы айдауылдың бастығы есепті қайталаған соңғы уақыттағы қашу үшін жауап береді.

274. Жоспарлы бағыт қарауылының бастығы сезіктілер мен айыпталушыларды қабылдаудан бас тарқан әрбір жағдайда тергеу изоляторының айдауыл бастығының және жоспарлы бағыт қарауылы бастығының қолдарымен акт жазылады, онда қабылданғандардың саны, олардың тектері, аты-жөндері және бас тарту себебі көрсетіледі. Акт тергеу изоляторының бастығына беріледі. Поезд аз уақытқа тоқтаған кезде актіде тек қабылданған адамдардың саны және оларды қабылдаудан бас тарту себебі ғана көрсетіледі.

Қазақстан Республикасы Әділет
министрінің міндетін атқарушының
2004 жылғы 27 тамыздағы
N 244 бұйрығымен бекітілген
Қазақстан Республикасының Әділет
министрлігі Қылмыстық-атқару
жүйесі комитетінің тергеу
изоляторында ұсталатын адамдардың
күзетін және қадағалауын ұйымдастыру
жөніндегі нұсқаулыққа N 1 қосымша

"БЕКІТЕМІН"
ҚАЖК ҚАЖД-нің бастығы
________________________
________________________

N _______ тергеу изоляторының сыртқы күзеті күзет орындарының
ТАБЕЛІ

N_______ тергеу изоляторының бастығы (қолы)

"БЕКІТЕМІН"
ҚАЖК ҚАЖД-нің бастығы

N _______ тергеу изоляторының ішкі күзеті күзет орындарының
ТАБЕЛІ

N_______ тергеу изоляторының бастығы (қолы)

"БЕКІТЕМІН"
ҚАЖК ҚАЖД-нің бастығы
________________________
________________________

N __________ тергеу изоляторының корпустық бөлімшелерінің
ТАБЕЛІ

2. 2 корп.
1 қабаты

3.
___________________________________________________________________
___________________________________________________________________

N_______ тергеу изоляторының бастығы (қолы)

_____қ. N _ тергеу изоляторының кезекші
ауысымдарының қызмет өткеруін тексеру
КЕСТЕСІ

3.
................................

      Резерв:         1. Лауазымы, атағы, тегі, аты-жөні.
                      2.
                      3.

N_____ тергеу изоляторының бастығы (қолы)

Ұйғарым

__________________________________________________________________
(лауазымы, атағы, тегі мен аты-жөні)

200 ж. " " _____________ сағаттан " " бастап N _____ ауысымдағы жеке құрамның қызмет атқаруын тұтқиылдан тексеру ұсынылады.
Тексеру нәтижелері жөнінде күзет орны ведомостерінде, сондай-ақ корпустық бөлімшелер бойынша кезекшілік атқару кітаптарында және тергеу изоляторы бойынша кезекшілік атқару кітабында жазба жасалсын.

N___________ тергеу изоляторының бастығы
(атағы) _______________ (қолы)__________

200 ж. " " _____________

Тергеу изоляторы бойынша кезекшілік кітабы

200 жылғы. " "____________Басталды:
200 жылғы " "____________ Аяқталды:

Ішкі жағы
      Тергеу изоляторы бойынша кезекшілік кітабында еркіндік түрде мына жазбалар жазылады:
      1) кезекшілікті қабылдау мен тапсыру;
      2) кезекшілікті қабылдау кезінде табылған кемшіліктерді және оларды жою бойынша шаралар;
      3) сезіктілерді және айыпталушыларды қабылдау-тапсыруды;
      4) күзетшінің қаруды және оқ-дәріні, арнайы құралдарды, кілттерді қабылдау-тапсыру;
      5) кезекшілік уақытында тергеу изоляторында орын алған оқиғалар;
      6) кезекшілік барысында күзет орындарының және күзет техникалық құралдардың табылған ақаулықтарды табу кезінде (дабыл беру, байланыс, жарықтандыру, торлар, құлыптар және т.б.);
      7) күзет бойынша, режимдік бөлімнің камераларды техникалық тексерісінің жүргізілуі туралы, жоспарлы тінту бұйрықтарын орындау;
      8) кезекшілікпен және оның орынбасарымен жүргізілген күзет қызметін атқарылуын тексеру;
      9) тергеу изоляторының бастығымен немесе өзге де тексеретін адамдармен кезекші ауысымның қызметін атқаруын тексерулер;
      10) бақылаушыларды күзет орындары бойынша орналастыруда кезекшіліктің барысында бақылаушыларды постылар бойынша өзгерістерге немесе кезекшілікке келмегендерге, кешіккендерге, ауырып қалғандар;
      11) қосымша уақытша күзет орындарын қою, сонымен қатар денсаулық сақтау органдарының емдеу мекемелерінде;
      12) тергеу изоляторынан тағайындалған бақылаушылардың құрамы көрсетілген айдауыл туралы, оның кету орыны мен уақыты, айдауылдағылардың саны, айдауылды нұсқаушы адамдар, және айдауылдың оралу уақыты;
      13) тергеу изоляторына қайта келген және одан шыққан сезіктілер, айыпталушылардың саны туралы.

Корпустық бөлімше бойынша кезекшіліктің кітабы

200 жылдың " "____________Басталды:
200 жылдың " "____________Аяқталды:

Ішкі жағы
      Корпустық бөлімше бойынша кезекшілік кітабында еркіндік түрінде мына жазбалар жазылады:
      1) корпустық бөлімше бойынша кезекшіліктің қабылдау-тапсырылуы;
      2) кезекшілікті қабылдау-тапсыру кезінде күзетудің техникалық құралдарының дабыл беру, байланыс, құлыптар, есіктер, "көзше" және т.б. табылған кемшіліктер мен түзетулер және оларды жою бойынша қабылданған шаралар;
      3) корпустық бөлімше бойынша сезіктілер мен айыпталушыларды сандық тексерісінің қорытындысы (жазба тексеріс анықтамасының нысаны бойынша жүргізіледі);
      4) кезекшілік уақытында орын алған оқиғалар;
      5) сезіктілердің және айыпталушылардың тәртібін бақылауда бақылаушылардың мәліметі;
      6) корпустық бөлімшенің күзет орындарын тексеру корпус бойынша аға және басқа да тексерушілермен қорытындалады;
      7) жағдайлары мен тәртіптері бақылауды талап ететін аурулардың болуы, өз өзіне қол жұмсауға әрекет жасаған адамдарды. Камералардың, дәліздердің және дәретханалардың санитарлық жағдайы (жазбаны медициналық-санитарлық қызметкерлер жасайды);
      8) сезіктілерді және айыпталушыларды серуенге және санитарлық тексеріске шығаруда кестенің орындалуы. Мұндай кезде қандай камералардан және кім серуенге және санитарлық тексеріске шығарылмағаны, себептері көрсетіледі;
      9) камералардың және жоспарлы тінтудің техникалық тексерістерінің режимдік бөлімінің бақылаушылардың жүргізуі (қандай камераларда техникалық тексеріс және тінту жүргізілгені көрсетіледі).

Кезекші ауысымдардың жұмыс кестесі

      8 сағаттан
___________________________________________________________________
N |   атағы, тегі     |   | 1 | 2 | 3 | 4 | 5 | 6 | 7 | 8 | 9 |10
р/с|                   |   |   |   |   |   |   |   |   |   |   |
___________________________________________________________________
1. і. қ. майоры Ахметов      8    8 16 16 24 24   х   х   8   8
2. і. қ. Капитаны Иванов     16 16 24 24   х   х   8   8 16 16
3. і. қ. лейтенанты Петров   24 24 х    х   8   8 16 16 24 24
4. і.қ. майоры Хитров         х   х 8    8 16 16 24 24   х   х
___________________________________________________________________

кестенің жалғасы
___________________________________________________________
N р/с|11 | 12 | 13 | 14 | 15 | 16 | 17 | 18 |және бұдан әрі
___________________________________________________________
1.     16 16    24   24   х    х    8    8 және бұдан әрі
2.     24 24     х    х   8    8   16   16 және бұдан әрі
3.      х   х     8    8 16   16   24   24 және бұдан әрі
4.      8   8    16   16 24   24    х    х және бұдан әрі
___________________________________________________________

      12 сағаттан
___________________________________________________________________
1. і. қ. майоры Ахметов      8   20   х   х   8 20   х   х   8 20
2. і. қ. Капитаны Иванов    20    х   х   8 20   х   х   8 20 х
3. і. қ. лейтенанты Петров   х    8 20   х   х   8 20   х   х 8
4. і.қ. майоры Хитров        х    х   8 20   х   х   8 20   х х
___________________________________________________________________

кестенің жалғасы
___________________________________________________________
1.      х   х     8   20   х    х    8   20 және бұдан әрі
2.      х   8    20    х   х    8   20    х және бұдан әрі
3.      20 х     х    8 20    х    х    8 және бұдан әрі
4.      8 20     х    х   8   20    х    х және бұдан әрі
___________________________________________________________

      Ескерту:
      1. Кесте цифрлары кезекшілікке кірісу уақытын көрсетеді.
      2. 8 сағаттық кезекшілік кезінде қалалық көлікті пайдаланудың қолайлығы мақсатында түнгі кезекшілік 23 сағат 30 минуттан басталуы мүмкін.

Күзет бойынша бұйрықтардың үлгі нысаны

N тергеу изоляторын күзету бойынша

200__ ж. "__"__________ N 25

      БҰЙРЫҚ
      Кезекшілікке тағайындалсын:
      8-00 сағ. бастап 16-00 сағ. дейін 26 қаңтарда 1 ауысымға
                   Ауысым бастығы і. қ. капитаны Ахметов К.К.
      16-00 сағ. бастап 23-00 сағ. дейін 26 қаңтарда 2 ауысымға
                   Ауысым бастығы і. қ. аға лейтенанты Иванов Н.П.
      23-00 сағ. бастап 8-00 сағ. дейін 27 қаңтарда 3 ауысымға
                   Ауысым бастығы і. қ. капитаны Сидоров А.А.

                 8-00 бастап     16-00 бастап      23-00 бастап
                 16-00 дейін     23-00 дейін       8-00 дейін
ТИБКК-нің        і/қ л-ты        к-н Аубаиров С.Т. к-н Аганин С.Т.
орынбасары       Иванов О.Б.

Құрама бөлімше і/қ аға л-ты с-на Ивлев С.Т. с-на Иванов Т.Т.
бойынша Котов Р.Т.
ТИБКК-нің
орынбасары

Резервтік топтың і/қ с-насы і/қ к-ны і/қ к-ны
аға қызметкері Оспанов К.Д. Икманов Т.Д. Илюшин Т.Д.

Кезекші дәрігер, к-н Ахметова к-н Улманова А.Т. к-н Уткина А.В.
фельдшер (мед. А.Ж.
қызметкерлердің
кезекшілігі ен.
гізілген ТИ-де
және түрмеде)

Күзет орындарына N 1,3 N 1,2,3 N 1,2,3,4
иттер шығарылсын:

кестенің жалғасы
                         16-00 бастап          23-00 бастап
                         23-00 дейін           8-00 дейін
ТИБКК-нің орынбасары     к-н Аубаиров С.Т.     к-н Аганин С.Т.

Құрама бөлімше бойынша с-на Ивлев С.Т. с-на Иванов Т.Т.
ТИБКК-нің орынбасары

Резервтік топтың аға і/қ к-ны Икманов Т.Д. і/қ к-ны Илюшин Т.Д.
қызметкері

Кезекші дәрігер, к-н Улманова А.Т. к-н Уткина А.В.
фельдшер (мед. қызмет.
керлердің кезекшілігі
енгізілген ТИ-де және
түрмеде)

Күзет орындарына N 1,2,3 N 1,2,3,4
иттер шығарылсын:

(сыртқы жағы) (сыртқы жағы)

Резервтік топқа
1. Бақылаушылар: с-т Кротов О.Д., с-т Быков И.Л., аға. с-т Лосев А.А.
1. Сол сияқты.
Ерекше нұсқаулар:
ТИБКК капитан Паршин О.Д. мырза. ӨЖ-ге сотталғандардың камералары мен карцерлер алдындағы күзет орын-да қызмет атқаруды тексерсін.
ТИБКК капитан Иванов О.Д. мырза. Кешкі астан кейін ішкі күзет орындарының бақылаушыларынан камералардың (карцерлердің) кілттерін алып қоюды, сондай-ақ сыртқы күзет орын-да қызмет атқаруды тексерсін.
ТИБКК капитан Ахметов Т.Г. мырза, бекітілген нарядтарға сәйкес шаруашылық қызмет көрсету үшін (азық-түлік блогіне, қазандыққа және т.б.) қалдырылған сотталғандарды жұмысқа шығарсын, сондай-ақ кемінде үш рет ішкі және сыртқы күзет орындарында қызмет атқаруды тексеруді қамтамасыз етсін.
Барлық ТИБКК денсаулық саулық органдарының ауруханаларындағы бақылаушылардың қызмет атқаруын тексеруді қамтамасыз етсін.

Қамаудағыларға ерекше бақылау орнатсын:
қашуға бейім
1. 25-камера Иванов И.Б.
2.

шабуыл жасауға бейім
1. 10-камера Беркімбаев К.Ж.
2.

өзін-өзі өлтіруге бейім
1. 12-камера Потапов И.Д.
2.

Әрбір ауысымның ТИБКК негізгі қоршауды ішкі жағынан айналып өту мен қарауды қамтамасыз етсін және қарау нәтижелерін кезекшілік кітабында көрсетсін.

Режимдік бөлім:
3, 5, 6, 8-камераларда жоспарлы тінтулер жүргізсін 10, 12, 18, 21, 33, 38-камераларда техникалық байқалуар жүргізсін.
і/қ л-ты Ақышев пен капитан Айтпаевтың бақылау тінтулер және техникалық байқаулар жүргізуін қамтамасыз етсін.

Бекітемін
N_____тергеу изоляторының бастығы
ҚАЖК ҚАЖД _______________________
_________________________________
(атағы, тегі)
200 жыл " "______________________

200 жылғы 1___ бастап 15 дейінгі кезеңдегі тергеу изоляторын күзету жөніндегі қызметтің N_ постыларға және учаскелерге ауысымның жеке құрамын арнайы орналастыру

ТИБКК ____________________________________________________________
ТИБКК орын. ______________________________________________________
Резервті топтың аға ______________________________________________
Сыртқы постылар __________________________________________________
N 1 посты (басты қақпа) __________________________________________
N посты және т.б. ________________________________________________
Ішкі постылар ____________________________________________________
1 корпустық бөлімше бойынша басшысы ______________________________
N 1 посты (камера N____)__________________________________________
N 2 посты ________________________________________________________
2 корпустық бөлімше бойынша басшысы ______________________________
N 4 посты ________________________________________________________
N 5 посты ________________________________________________________
Топтық бөлімшелер ________________________________________________
Бақылаушылар _____________________________________________________
Ст.группы оформления личных дел __________________________________
Старший по обыску ________________________________________________
Бақылаушылар _____________________________________________________
Ауысымда барлығы ___________________________________________ адам.
Сонымен қатар бастықтың құрамы ___________________________________
Бақылаушылар _____________________________________________________
ТИБКК ____________________________________________________________

(Бірінші беті)

Тергеу изоляторын күзету бойынша N____ бұйрықпен тағайындалған ауысымның жеке құрамын орналастырудың
өзгерісі туралы анықтама

      200__жылғы " "__________
___________________________________________________________________
Посты қайда |Постының нөмірі| Бұйрықпен | Кіммен ауыстырылған
орналасқан |               |тағайындалған|
___________________________________________________________________
ТИБКК _______________________________________________
                             (қолы)

200 жылғы " "_______

(артқы беті)

200 жылғы " "____________ сағат " " ________ кезекшілікке түсу кезіндегі жеке құрамның саптық жазбасы

1. Тізім бойынша барлығы
2. Кезекшілікке түсті

Сонымен қатар:
ТИБКК
Бақылаушылардың
ТИБКК орын.

2. Барлығы болмағандар ______, олардан:
1) іс-сапарда
2) ауырып жатқандар
3) демалыста
4) аусымнан тыс жұмыстарда
5) әскери-спорттық жаттығуларда, жарыстарда бос еместер
6) белгісіз себептермен

ТИБКК ___________________
200 жылғы " "_________ (қолы)

N тергеу изоляторының N_ ауысымның
жеке құрамының жұмысын есепке алу журналы

___________________________________________________________________
N | Тегі, аты, |Лауа.| Айдың сандары
р\с|әкесінің аты|зымы |____________________________________________
| | |1|2|3|4|5|6|7|8|9|10|11|12|13|14|15|16|17|18
___________________________________________________________________
___________________________________________________________________
___________________________________________________________________
___________________________________________________________________

Кестенің жалғасы
____________________________________
N |19|20|21|22|23|24|25|және т.б.
р\с| | | | | | | |
____________________________________
____________________________________
____________________________________
____________________________________

Ескерту: бағаналарда әр санға нақты орындалған сағаттардың саны қойылады.

Карцерге, жалғыз адамдық камераға
орналастырылған адамдарды есепке алу
кітабы

200 жылғы " "____________Басталды:
200 жылғы " "____________Аяқталды:

200жылғы сағат " " ____ тергеу изоляторында
ұсталынатын адамдарды сандық тексеру кітабы

___________________________________________________________________
Камераның нөрімі және     |       |         |         |
онда бар адамдар барысы     |       |         |         |
а) алымымен камера N, бөлімі|   А   | 1/12   | 2/10   |   3/9
камерадағы орын лимиті;     |______________________________________
б) камерада адамның саны    |    Б |    7    |    4    |     5
___________________________________________________________________
                            |    А |   4/12 |   5/10 | 6/9
                            |______________________________________
                            |    Б |    8    |    7   |   9
___________________________________________________________________
Корпус бойынша барлығы:     |       |         |        |
___________________________________________________________________

Камера бойынша орналастырылмаған " " адам.
Тергеу изоляторында барлығы " " сезіктілер, айыпталушылар және сотталғандар орналасқан.

      Тапсырды:
      Тергеу изоляторы бастығының
      кезекші көмекшісі (тегі, қолы)

      Қабылдадым:
      Тергеу изоляторы бастығының
      кезекші көмекшісі (тегі, қолы)

Жеке құрамға қаруды және оқ-дәріні
беру және қабылдау кітабы
____________________________________________________
(мекеменің атауы)

200 жылғы " "____________ Басталды:
200 жылғы " "____________ Аяқталды:

Нысанға түсінік: Қаруды берген және қабылдау кезінде 4 және 7 бағаналарда санының орнына қарудың сериясы мен нөмірі қойылады.

Арнайы кілттерді есепке алу кітабы

Ескерту: Кітап кезекші бөлімде жүргізіледі.

200 жылдың таңертенгі сағат " " 200 жылдың
таңертенгі сағат " " уақытынан бастап тергеу
изоляторына жеткізілген адамдарды есепке алудың
тәулік ведомосы

Тергеу изоляторы бастығының
кезекші көмекшісі (тегі, қолы)

200 жылдың " " ____

200 жылдың таңертенгі сағат " " бастап
200 жылдың таңертенгі сағат " " дейінгі уақытта
тергеу изоляторынан уақытша кетіп қалған адамдарды
есепке алудың тәулік ведомосы

Тергеу изоляторы бастығының
кезекші көмекшісі (тегі, қолы)

200 жылдың " " ____

Оқшаулап ұстауға жататын адамдардың тізімі N____

      ________________________________________________, бір-бірінен оқшаулап ұстауға жататындар
___________________________________________________________________
               (қатысы N _______________________)
___________________________________________________________________
N | Тегі, аты, |Туған жылы |Жеке ісінің N |Камераның N |Ескерту
р/с|әкесінің аты|           |              |            |
___________________________________________________________________

Тергеу изоляторы бастығының
кезекші көмекшісі (тегі, қолы)

200 жылдың " " ____

Ескерту: Топтық іс бойынша және оқшаулап ұстауға жататын адамның жеке ісінің сыртқы бетінде штемпель қойылады: "Топтық іс бойынша өткізіледі. Оқшаулау тізімі N_____".

Тергеу изоляторында

200 жылғы сағат 8.00. "" ___ бастап 200 жылдың сағат 8.00. "_" ____дейін қозғалысы (келуі, кетуі) туралы анықтама

1. сағат 8.00 ұсталынған - адам.
2. сағат 8.00 бастап 16.00 дейін ауысым қозғалысы

_______________________________________________
Келді (қайдан) | Саны | Кетті (қайда) | Саны
_______________________________________________
1.                       1.
2.                       2.
3.                       3.
_______________________________________________

Ауысым бойынша барлығы: