Ескерту. Күші жойылды - ҚР Премьер-Министрінің орынбасары - Еңбек және халықты әлеуметтік қорғау министрінің 30.06.2023 № 279 (01.07.2023 бастап қолданысқа енгізіледі) бұйрығымен.
"Халықты жұмыспен қамту туралы" 2016 жылғы 6 сәуірдегі Қазақстан Республикасы Заңының 7-бабы 20) тармақшасына, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:
1. "Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарын бекіту туралы" Қазақстан Республикасы Денсаулық сақтау және әлеуметтік даму министрінің міндетін атқарушының 2016 жылғы 27 маусымдағы № 559 бұйрығына (Нормативтік құқықтық актілерді мемлекеттік тіркеу тізілімде № 14170 болып тіркелген, 2016 жылғы 10 қазанда № 191 (28919) "Егемен Қазақстан" газетінде жарияланған) мынадай өзгерістер енгізілсін:
кіріспесі мынадай редакцияда жазылсын:
"Халықты жұмыспен қамту туралы" 2016 жылғы 6 сәуірдегі Қазақстан Республикасы Заңының 7-бабы 20) тармақшасына, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:";
көрсетілген бұйрықпен бекітілген Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Еңбек және халықты әлеуметтік қорғау министрлігінің Еңбек, әлеуметтік қорғау және көші-қон комитеті заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер беруді қамтамасыз етсін.
3. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау вице-министрі А.Ә. Сарбасовқа жүктелсін.
4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.
|
Қазақстан Республикасының Еңбек және халықты әлеуметтік қорғау министрі |
Б. Нурымбетов |
КЕЛІСІЛДІ
Қазақстан Республикасының
Ұлттық экономика министрлігі
КЕЛІСІЛДІ
Қазақстан Республикасының
Ішкі істер министрлігі
Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттары
1-тарау. Жалпы ережелер
1. Осы Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттары (бұдан әрі – Қағидалар) "Халықты жұмыспен қамту туралы" 2016 жылғы 6 сәуірдегі Қазақстан Республикасы Заңының (бұдан әрі – Заң) 7-бабының 20) тармақшасына, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленді және жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру тәртібі мен шарттарын айқындайды.
2. Осы Қағидаларда мынадай негізгі ұғымдар пайдаланылады:
1) бос орын – жұмыс берушідегі бос жұмыс орны (лауазым);
2) жергілікті бюджеттен қаржыландырылатын атқарушы орган – халықты жұмыспен қамтуға жәрдемдесуді қамтамасыз ету бойынша функцияларды орындауға облыстардың, Нұр-Сұлтан, Алматы және Шымкент қалаларының әкімдіктері уәкілеттік берген мемлекеттік мекеме (бұдан әрі – жергілікті атқарушы орган);
3) жұмыс беруші – жұмыскер еңбек қатынастарында болатын жеке немесе заңды тұлға;
4) корпоративішілік ауыстыру – Дүниежүзілік сауда ұйымына мүше елдің аумағында құрылған, Қазақстан Республикасының шегінен тыс жерде орналасқан және әрекет ететін заңды тұлғада басшы, менеджер немесе маман лауазымында еңбек қызметін жүзеге асыратын шетелдікті немесе азаматтығы жоқ адамды осы заңды тұлғаның Қазақстан Республикасының аумағында Қазақстан Республикасының заңнамасына сәйкес құрылған филиалдарына, еншілес ұйымдарына, өкілдіктеріне еңбек шартында айқындалған, бірақ үш жылдан аспайтын мерзімге, бір жылға ұзарту құқығымен уақытша ауыстыру;
5) маусымдық шетелдік жұмыскер – климат немесе өзге де табиғат жағдайларына байланысты белгілі бір кезең (маусым) ішінде, бірақ бір жылдан аспайтын мерзімде атқарылатын маусымдық жұмыстарды орындау үшін жұмыс беруші жұмысқа тартатын шетелдік немесе азаматтығы жоқ адам;
6) халықты жұмыспен қамту мәселелері жөніндегі уәкілетті орган – Қазақстан Республикасының заңнамасына сәйкес халықты жұмыспен қамту саласындағы басшылықты және салааралық үйлестіруді жүзеге асыратын орталық атқарушы орган;
7) халықты жұмыспен қамту орталығы – жұмыспен қамтуға жәрдемдесудің белсенді шараларын іске асыру, жұмыссыздықтан әлеуметтік қорғауды және жұмыспен қамтуға жәрдемдесудің өзге де шараларын ұйымдастыру мақсатында ауданның, облыстық және республикалық маңызы бар қалалардың, астананың жергілікті атқарушы органы құратын заңды тұлға;
8) шетелдік жұмыскер – Қазақстан Республикасының аумағында еңбек қызметін жүзеге асыру үшін жұмыс беруші тартатын көшіп келуші;
9) шетелдік жұмыс күші – маусымдық шетелдік жұмыскерлерді қоса алғанда, жұмыс берушілер еңбек қызметін жүзеге асыру үшін, оның ішінде корпоративішілік ауыстыру шеңберінде тартатын шетелдік жұмыскерлер;
10) шетелдік жұмыс күшін тартуға арналған квота – Қазақстан Республикасының аумағында еңбек қызметін жүзеге асыру үшін жұмыс берушінің тартуына рұқсат етілген шетелдік жұмыс күшінің шекті саны;
11) шетелдік жұмыс күшін тартуға рұқсат (бұдан әрі – рұқсат) – Қазақстан Республикасына шетелдік жұмыс күшін тарту үшін жұмыс берушіге жергілікті атқарушы орган беретін осы Қағидаларға 1-қосымшаға сәйкес белгіленген нысандағы құжат.
2-тарау. Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру тәртібі мен шарттары
1-параграф. Жұмыс берушілерге шетелдік жұмыс күшін тартуға рұқсат беру және (немесе) ұзарту тәртібі мен шарттары
3. "Жұмыс берушілерге шетелдік жұмыс күшін тартуға рұқсат беру және (немесе) ұзарту" мемлекеттік қызметін алу үшін жұмыс беруші немесе оның уәкілетті өкілі www.egov.kz, www.elіcense "электрондық үкімет" веб-порталы (бұдан әрі - ЭҮП) арқылы шетелдік жұмыс күшінің еңбек қызметін жүзеге асыру жері бойынша жергілікті атқарушы органға осы Қағидаларға 3-қосымшаға сәйкес мемлекеттік көрсетілетін қызмет стандартының мемлекеттік қызметін көрсету үшін қажетті құжаттар тізбесіне сәйкес "Жұмыс берушілерге шетелдік жұмыс күшін тартуға рұқсат беру және (немесе) ұзарту" мемлекеттік көрсетілетін қызмет стандартында (бұдан әрі – Стандарт) көрсетілген құжаттарды қоса бере отырып, осы Қағидаларға 2-қосымшаға сәйкес өтінішті ұсынады.
4. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Қағидаларға 3-қосымшаға сәйкес мемлекеттік көрсетілетін қызмет стандартында келтірілген.
5. Рұқсат беру және (немесе) ұзарту тәртібі мен шарттарын айқындау мақсатында жұмыскерлердің мынадай санаттары белгіленеді:
1) бірінші санат – бірінші басшылар мен олардың орынбасарлары;
2) екінші санат – кәсіптік стандарттарда, басшылар, мамандар және басқа да қызметшілер лауазымдарының біліктілік анықтамалығында, ұйымдар басшылары, мамандары және басқа да қызметшілері лауазымдарының үлгілік біліктілік сипаттамаларында белгіленген біліктілік талаптарына сәйкес келетін құрылымдық бөлімшелер басшылары;
3) үшінші санат – кәсіптік стандарттарда, басшылар, мамандар және басқа да қызметшілер лауазымдарының біліктілік анықтамалығында, ұйымдар басшылары, мамандары және басқа да қызметшілері лауазымдарының үлгілік біліктілік сипаттамаларында белгіленген біліктілік талаптарына сәйкес келетін мамандар;
4) төртінші санат – кәсіптік стандарттарда, Жұмыстар мен жұмысшы кәсіптерінің бірыңғай тарифтік-біліктілік анықтамалығында, жұмысшы кәсіптерінің тарифтік-біліктілік сипаттамаларында белгіленген біліктілік талаптарына сәйкес келетін білікті жұмысшылар.
6. Жергілікті атқарушы орган құжаттар келіп түскен күні оларды қабылдау мен тіркеуді жүзеге асырады.
Жұмыс беруші еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.
Жұмыс беруші құжаттарды берген кезде жұмыс берушінің "жеке кабинетінде" мемлекеттік көрсетілетін қызметтің нәтижесін алу күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.
7. Жергілікті атқарушы органның өтінішті қабылдаған жұмыскері құжаттарды тіркеген сәттен бастап үш жұмыс күні ішінде жұмыс берушіден қабылданатын құжаттар топтамасының толықтығы мен дұрыстығын тексереді.
Жеке басын куәландыратын құжаттар, заңды тұлғаны мемлекеттік тіркеу (қайта тіркеу) туралы мәліметтерді жұмыс беруші тиісті мемлекеттік ақпараттық жүйелерден "электрондық үкімет" шлюзі арқылы алады.
Құжаттар толық көлемде ұсынылмаған және (немесе) белгіленген нысан бойынша толтырылмаған, сондай-ақ мемлекеттік көрсетілетін қызметтер стандартында көзделген қолданылу мерзімі өткен құжаттар ұсынылған жағдайда, жергілікті атқарушы орган белгіленген мерзімде өтінішті одан әрі қараудан негізді бас тартуды ресімдейді. (ұсынылмаған және (немесе) Қағидаларға сәйкес нысан бойынша толтырылмаған және өзге де сәйкессіздіктері бар құжаттардың толық тізбесін көрсете отырып).
Жергілікті атқарушы орган басшысының электрондық цифрлық қолтаңбасымен (бұдан әрі - ЭЦҚ) қол қойылған өтінішті одан әрі қараудан негізді бас тарту өтініш берушіге ЭҮП "жеке кабинетіне" электрондық құжат нысанында жіберіледі.
Құжаттар толық болған жағдайда олар шетелдік жұмыс күшін тартуға рұқсаттар беру жөніндегі комиссияның (бұдан әрі – Комиссия) қарауына беріледі.
8. Жергілікті атқарушы орган рұқсат беру не рұқсат беруден бас тарту туралы шешімді жұмыс берушінің құжаттарын қабылдаған күннен бастап жеті жұмыс күні ішінде қабылдайды.
Жергілікті атқарушы орган шешімді жергілікті атқарушы орган құратын комиссия ұсынымдарының негізінде қабылдайды.
Комиссияның әрбір отырысы барысында жұмыс берушілердің өтініштерін қараудың бейнежазбасы жүргізіледі.
9. Комиссияның құрамына ішкі істер органдарының, білім беру саласындағы органның және еңбек инспекциясы жөніндегі жергілікті органның өкілдері кіреді.
10. Жұмыс беруші не оның өкілі өз ұйғарымы бойынша Комиссияның отырысына қатыса алады. Жергілікті атқарушы орган отырыс өткізілетін күнге дейін кемінде үш жұмыс күні қалғанда өзінің интернет-ресурсында Комиссия отырысының өткізілетін күні, уақыты және орны туралы ақпаратты орналастырады.
11. Рұқсатты беру туралы шешім қабылдаған жағдайда жергілікті атқарушы орган шешім қабылданған күннен бастап бір жұмыс күні ішінде жұмыс берушінің "жеке кабинетіне" осы Қағидаларға 4-қосымшаға сәйкес жергілікті атқарушы орган басшысының ЭЦҚ-сы арқылы қол қойылған электрондық құжат нысанындағы хабарламаны жібереді.
12. Төртінші санат бойынша рұқсат беру кезінде жұмыс беруші алты айдан бір жылға дейін шетелдік жұмыскерлерді бірдей лауазымдар бойынша қазақстандық азаматтармен алмастыруды жүзеге асырады.
Рұқсат беру және ресімдеу кезінде міндеттемелерді жұмыс берушімен келісу осы Қағидаларға 5-қосымшаға сәйкес жүзеге асырылады.
13. Рұқсат беруден бас тарту туралы шешім қабылданған жағдайда жергілікті атқарушы орган шешім қабылданған күннен бастап бір жұмыс күні ішінде осы Қағидалардың 24-тармағына сәйкес негіздемелерін көрсете отырып, жұмыс берушінің "жеке кабинетіне" осы Қағидаларға 4-қосымшаға сәйкес жергілікті атқарушы орган басшысының ЭЦҚ-сы арқылы қол қойылған электрондық құжат нысанындағы хабарламаны жібереді.
14. Жергілікті атқарушы орган рұқсаттарды халықты жұмыспен қамту мәселелері жөніндегі уәкілетті орган бөлген квота шегінде береді.
15. Тиісті әкімшілік-аумақтық бірліктің аумағында қолданыстағы, бұрын берілген рұқсаттардың саны халықты жұмыспен қамту мәселелері жөніндегі уәкілетті орган шетелдік жұмыс күшін тартуға бөлген квотаның тиісті күнтізбелік жылға арналған санынан аспауға тиіс.
16. Жергілікті атқарушы орган мынадай:
1) Қазақстан Республикасы азаматтар санының бірінші және екінші санаттарға жататын жұмыскерлердің тізімдік санының кемінде 70%-ын;
2) Қазақстан Республикасы азаматтар санының үшінші және төртінші санаттарға жататын жұмыскерлердің тізімдік санының кемінде 90%-ын құрауы шарттарын сақтаған кезде рұқсат беруді және (немесе) ұзартуды жүзеге асырады.
Қадрлардағы жергілікті қамтуды есептеу кезінде шетелдік жұмыскерлер қатарында 2014 жылғы 14 қазандағы Қазақстан Республикасының Заңымен ратификацияланған Еуразиялық экономикалық одақ туралы шартқа қатысушы мемлекеттердің азаматтары есептелмейді.
Жұмыс беруші кадрлардағы жергілікті қамту туралы ақпаратты жергілікті атқарушы органға осы Қағидаларға 6-қосымшаға сәйкес нысан бойынша ұсынады.
17. Осы Қағидалардың 16-тармағы:
1) шағын кәсіпкерлік субъектілеріне;
2) мемлекеттік мекемелер мен кәсіпорындарға;
3) "Халықты жұмыспен қамту туралы" 2016 жылғы 6 сәуірдегі Қазақстан Республикасы Заңының 7-бабының 21) тармақшасына сәйкес өз бетінше жұмысқа орналасу үшін Қазақстан Республикасына келген шетелдік жұмыскерге;
4) Қазақстан Республикасы ратификациялаған еңбек көші-қоны және еңбекші мигранттарды әлеуметтік қорғау саласындағы ынтымақтастық туралы халықаралық шарттар болған кезде шығу елдері бойынша квота шеңберінде берілген рұқсаттарға;
5) шетелдік заңды тұлғалардың жұмыскерлерінің саны 30 адамнан аспайтын өкілдіктері мен филиалдарына қолданылмайды.
18. Басымды жобалар үшін кадрлардағы жергілікті қамту жөніндегі шарттарды аумағында жобалар іске асырылып жатқан жергілікті атқарушы органмен және халықты жұмыспен қамту мәселелері жөніндегі уәкілетті органмен келісу бойынша осы Қағидаларға 7-қосымшаға сәйкес белгіленген нысан бойынша мүдделі орталық мемлекеттік органдар айқындайды.
19. Рұқсатты бергені және (немесе) ұзартқаны үшін жұмыс берушілерден "Қазақстан Республикасына шетелдік жұмыс күшін тартуға рұқсатты бергені және (немесе) ұзартқаны үшін алым мөлшерлемелерін белгілеу туралы" Қазақстан Республикасы Үкіметінің 2018 жылғы 3 сәуірдегі № 157 қаулысымен бекітілген Қазақстан Республикасына шетелдік жұмыс күшін тартуға рұқсатты бергені және (немесе) ұзартқаны үшін алым мөлшерлемелеріне сәйкес салық алымы (бұдан әрі – алым) алынады.
20. Жұмыс беруші хабарламаны алған күннен бастап он жұмыс күні ішінде жергілікті атқарушы органға рұқсатты бергені үшін алымды енгізгенін растайтын құжаттарды ұсынады.
Жұмыс беруші хабарламаны алған күннен бастап он жұмыс күні ішінде жергілікті атқарушы органға алымды енгізгенін растайтын құжаттарды бермеген кезде жергілікті атқарушы органның рұқсат беру туралы шешімі, сондай-ақ рұқсаттың қолданысы осы Қағидалардың 37-тармағының 5) тармақшасына сәйкес тоқтатылады.
Бас тарту туралы хабарлама осы Қағидаларға 4-қосымшаға сәйкес жергілікті атқарушы орган басшысының ЭЦҚ-сы арқылы қол қойылған электрондық құжат нысанында жұмыс берушінің "жеке кабинетіне" жіберіледі.
21. Жергілікті атқарушы орган рұқсат беру үшін алымның енгізілгенін растайтын құжаттарды алған күннен бастап бір жұмыс күні ішінде жергілікті атқарушы орган басшысының ЭЦҚ-сы арқылы қол қойылған электрондық құжат нысанындағы рұқсатты қалыптастырады және жұмыс берушінің "жеке кабинетіне" жібереді.
22. Шетелдік жұмыс күшін тартуға рұқсат:
1) бірінші санат үшін – жұмыс берушінің өтініші негізінде рұқсат мерзімін бір, екі немесе үш жылға ұзарту құқығымен бір, екі немесе үш жылға;
2) екінші және үшінші санаттар үшін – он екі ай мерзімге, бірақ үш реттен артық емес ұзартумен он екі айға;
3) төртінші санат үшін – ұзарту құқығынсыз он екі айға;
4) маусымдық шетелдік жұмыскерлер үшін – ұзарту құқығынсыз он екі айға дейінгі мерзімге беріледі.
23. Осы Қағидалардың шетелдік жұмыскерлерге қолданылатын ережесі сондай-ақ Қазақстан Республикасында жұмыс істеу үшін корпоративішілік ауыстыру шеңберінде немесе осы Қағидалардың 35-тармағына сәйкес тартылатын шетілдіктер мен азаматтығы жоқ адамдарға қолданылады.
24. Мынадай:
1) бөлінген квотаның мөлшерінен асып кеткен;
2) жұмыс беруші осы Қағидалардың 16-тармағында белгіленген шарттарды сақтамаған;
3) төртінші санат бойынша шетелдік жұмыс күшін алмастыру жөніндегі міндеттемелерді орындамаған;
4) жұмыс берушінің шетелдік жұмыскерлерді рұқсатсыз тарту, сондай-ақ шетелдік жұмыскердің рұқсатта көрсетілген кәсіпке немесе мамандыққа сәйкес келмейтін кәсіпке немесе мамандыққа тартылуы фактісі анықталған жағдайларда шетелдік жұмыс күшін тартуға рұқсат берілмейді. Мұндай жағдайда осындай факт анықталған күннен бастап он екі ай бойы жаңа рұқсаттар берілмейді;
5) шетелдік жұмыс күшінің білім деңгейі (кәсіби даярлығы) және практикалық жұмыс тәжірибесі (еңбек өтілі) кәсіптік стандарттарға, Жұмыстар мен жұмысшы кәсіптерінің бірыңғай тарифтік-біліктілік анықтамалығына және Басшылар, мамандар және басқа да қызметшілер лауазымдарының біліктілік анықтамалығына, ұйымдар басшылары, мамандары және басқа да қызметшілері лауазымдарының үлгілік біліктілік сипаттамаларына сәйкес жұмысшы кәсіптеріне және басшылар, мамандар және қызметшілер лауазымдарына қойылатын біліктілік талаптарына сәйкес келмеген жағдайда шетелдік жұмыс күшін тартуға рұқсат берілмейді және ұзартылмайды.
25. Рұқсат берілген шетелдік жұмыскер жұмыс орнына келмеген немесе онымен еңбек шарты бұзылған, шетелдік жұмыс күшін тартуға рұқсаттың қолданылу мерзімі аяқталғанға дейін ауыстыру туралы хаттың немесе келісімнің қолданылу мерзімі уақытынан бұрын тоқтатылған кезде 2015 жылғы 23 қарашадағы Қазақстан Республикасы Еңбек кодексінің 16-бабының 16-1) тармақшасында көзделген тәртіппен осы кәсіп үшін белгіленген біліктілік талаптарына сәйкес келген жағдайда бұрын берілген рұқсатты бастапқыда берілген рұқсаттың қолданылу мерзімі аяқталғанға дейін қалған мерзімге осы Қағидаларда белгіленген тәртіппен жаңа нөмір бере отырып, басқа шетелдік жұмыскерге қайта ресімдеуге жол беріледі.
Бұл ретте жұмыс беруші жергілікті атқарушы органға рұқсат қайта ресімделетін шетелдік жұмыскерге осы Қағидаларда көзделген құжаттарды жібереді. Осы Қағидалардың 37-тармағы 6) тармақшасына сәйкес бастапқыда берілген рұқсаттың қолданысы тоқтататылуға тиіс.
26. Жергілікті атқарушы орган бұрын берген рұқсатты басқа шетелдік жұмыскерге қайта ресімдеу туралы шешімді құжаттарды қабылдаған күннен бастап бес жұмыс күні ішінде, Комиссия отырысында қарамай қабылдайды.
Жергілікті атқарушы органның рұқсатты қайта ресімдеу бойынша қабылдаған шешімі туралы хабарлама жергілікті атқарушы орган басшысының ЭЦҚ-сы арқылы қол қойылған электрондық құжат нысанында жұмыс берушінің "жеке кабинетіне" жіберіледі.
27. Рұқсаттың қолданылу мерзімі аяқталғанға дейін күнтізбелік алпыс күннен ерте емес және күнтізбелік отыз күннен кешіктірмей рұқсаттың қолданылу мерзімін ұзартуға жол беріледі.
28. Жергілікті атқарушы орган берілген құжаттардың негізінде құжаттарды қабылдаған күннен бастап үш жұмыс күні ішінде шетелдік жұмыс күшін тартуға рұқсатты ұзарту не ұзартудан бас тарту туралы шешім қабылдайды.
Жергілікті атқарушы орган рұқсаттың қолданылу мерзімін ұзарту туралы оң шешім қабылдаған жағдайда рұқсат он екі айға ұзартылады, бұл ретте рұқсаттың қолданылу мерзімі бұрын берілген рұқсаттың қолданылу мерзімі аяқталған күні басталады.
Рұқсатты ұзарту туралы шешім қабылдауды жергілікті атқарушы орган Комиссия отырысында қарамай жүзеге асырады.
29. Жергілікті атқарушы орган шетелдік жұмыс күшін тартуға рұқсаттың мерзімін ұзарту не ұзартудан бас тарту туралы шешім қабылдаған күннен кейін бір жұмыс күні ішінде электрондық құжат нысанында жұмыс берушінің "жеке кабинетіне" рұқсаттың мерзімін ұзарту не ұзартудан бас тарту туралы хабарлама жібереді.
30. Жұмыс беруші рұқсатты ұзарту туралы хабарламаны алғаннан кейін он жұмыс күні ішінде жергілікті атқарушы органға рұқсатты ұзартқаны үшін алымды енгізгенін растайтын құжаттарды ұсынады.
31. Жұмыс беруші хабарламаны алған күннен бастап он жұмыс күні ішінде жергілікті атқарушы органға алымды енгізгенін растайтын құжаттарды ұсынбаған жағдайда жергілікті атқарушы орган шетелдік жұмыс күшін тартуға рұқсаттың қолданысын тоқтату туралы шешім қабылдайды.
32. Жергілікті атқарушы орган рұқсатты ұзарту үшін алым енгізілгенін растайтын құжаттарды алған күннен бастап бір жұмыс күні ішінде жергілікті атқарушы орган басшысының ЭЦҚ-сы арқылы қол қойылған электрондық құжат нысанындағы рұқсатты қалыптастырады және жұмыс берушінің "жеке кабинетіне" жібереді.
33. Жергілікті атқарушы орган мемлекеттік қызмет көрсету сатысы туралы деректерді ақпараттандыру саласындағы уәкілетті орган белгілеген тәртіппен мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.
Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде мемлекеттік қызметті көрсету сатысы туралы деректер мемлекеттік қызметтерді көрсету мониторингінің ақпараттық жүйесіне автоматты режимде түседі.
34. Жергілікті атқарушы орган берген рұқсатты басқа жұмыс берушілерге беруге болмайды, ол тиісті әкімшілік-аумақтық бірліктің аумағында ғана қолданылады.
Бұл ретте жұмыс берушінің рұқсат алынған шетелдік жұмыскерлерді өзге әкімшілік-аумақтық бірліктердің аумағындағы кәсіпорындарға, ұйымдарға күнтізбелік бір жыл ішінде жиынтығы күнтізбелік тоқсан күннен аспайтын мерзімге іссапарға жіберуіне жол беріледі.
35. Қызметін Қазақстан Республикасында филиал, өкілдік құрмай жүзеге асыратын шетелдік заңды тұлға – жұмыс беруші өз жұмыскерлерін жұмыстарды орындауға, қызметтерді көрсетуге арналған келісімшарт бойынша Қазақстан Республикасына жіберген жағдайда не шетелдік заңды тұлға – жұмыс беруші өз жұмыскерлерін Қазақстан Республикасына жұмыстарды орындау, қызметтерді көрсету үшін онда мұндай шетелдік заңды тұлға – жұмыс берушінің тікелей немесе жанама қатысу акциясы немесе үлесі бар шетелдік заңды тұлғаның еншілес ұйымына, өкілдігіне, филиалына жіберген жағдайда, қабылдаушы тараптың уәкілетті адамы ЭҮП арқылы шетелдік жұмыс күшінің еңбек қызметін жүзеге асыру орны бойынша жергілікті атқарушы органға осы Қағидаларға 3-қосымшаға сәйкес мемлекеттік көрсетілетін қызмет стандартының мемлекеттік қызметін көрсету үшін қажетті құжаттар тізбесінде көрсетілген құжаттарды қоса бере отырып, осы Қағидаларға 2-қосымшаға сәйкес өтінішті ұсынады.
Рұқсат беру осы Қағидалардың 8, 11, 13, 20, 21 және 24-тармақтарында белгіленген тәртіппен айқындалады.
Қағидалардың осы тармағына сәйкес жұмыстарды орындау, қызметтерді көрсету кезеңіндегі еңбек қатынастары шетелдік жұмыскер мен шетелдік жұмыскерді уақытша ауыстыру жүзеге асырылатын заңды тұлға-жұмыс берушінің арасында жасалған құжатпен (ауыстыру туралы хатпен немесе келісіммен) реттеледі.
36. Шетелдік жұмыскерді рұқсатта көрсетілген кәсіпке немесе мамандыққа сәйкес келмейтін кәсіп немесе мамандық бойынша тартқан кезде, сондай-ақ жұмыс беруші осы Қағидалардың 16-тармағында белгіленген шарттарды сақтамаған кезде жергілікті атқарушы орган шетелдік жұмыс күшін тартуға арналған қолданыстағы рұқсатты кері қайтарып алады.
Бұл ретте жергілікті атқарушы орган саны осы Қағидалардың 16-тармағында белгіленген пайыздық қатынастан асатын соңғы берілген рұқсаттарды кері қайтарып алады.
37. Шетелдік жұмыс күшін тартуға рұқсаттың қолданысы мынадай:
1) ол берілген мерзім аяқталған;
2) рұқсат кері қайтарып алынған;
3) жеке тұлға – жұмыс берушінің қызметі тоқтатылған, заңды тұлға – жұмыс беруші таратылған;
4) жұмыс беруші рұқсатты жергілікті атқарушы органға өз еркімен қайтарған;
5) рұқсатты бергені және ұзартқаны үшін алымды төлегенін растайтын құжаттардың көшірмелерін енгізбеген;
6) рұқсатты басқа шетелдік жұмыскерге қайта ресімдеген жағдайларда тоқтатылады.
Жергілікті атқарушы орган осы тармақтың 2), 3), 4) және 6) тармақшаларында көзделген рұқсаттың қолданысын тоқтату туралы шешім қабылдаған күннен бастап үш жұмыс күні ішінде Қазақстан Республикасы Ішкі істер министрлігінің (бұдан әрі – ҚР ІІМ) облыстық, Нұр-Сұлтан, Алматы және Шымкент қалалардағы аумақтық органына рұқсат қолданысының тоқтатылғаны туралы ақпарат жолдайды.
38. Осы Қағидалардың жұмыс берушілерге қолданылатын ережесі сондай-ақ Қазақстан Республикасының аумағында тіркелген, корпоративішілік ауыстыру шеңберінде немесе осы Қағидалардың 35-тармағына сәйкес шетелдік жұмыс күшін тартатын заңды тұлғаларға, шетелдік заңды тұлғаның филиалдарына, өкілдіктеріне қолданылады.
2-параграф. Корпоративішілік ауыстыру шеңберінде жүзеге асырылатын шетелдік жұмыс күшін тартуға рұқсат беру және (немесе) ұзарту шарттары мен тәртібі
39. Корпоративішілік ауыстыру кезеңінде шетелдік жұмыскерге қабылдаушы тараптың жұмыс уақыты мен тынығу уақытының режимі, сондай-ақ еңбек қауіпсіздігі және еңбекті қорғауды сақтау бойынша талаптары қолданылады, бұл ретте еңбек қатынастары шетелдік жұмыскер мен одан корпоративішілік ауыстыру жүзеге асырылатын заңды тұлғаның арасында келісілген еңбек шартымен (немесе еңбек қатынастарын растайтын өзге құжатпен) реттеледі.
40. Корпоративішілік ауыстыру шеңберінде шетелдік жұмыс күшін тартуға рұқсат беру және (немесе) ұзарту тегін негізде жүзеге асырылады.
41. Корпоративішілік ауыстыру шеңберінде шетелдік жұмыскерлерді тарту шарттарын айқындау мақсатында жұмыскерлердің мынадай санаттары белгіленеді:
1) басшылар;
2) менеджерлер;
3) мамандар.
42. Корпоративішілік ауыстыру шеңберіндегі рұқсат басшыда, менеджерде және маманда Дүниежүзілік сауда ұйымына мүше елдің аумағында құрылған, Қазақстан Республикасының аумағынан тыс жерде орналасқан және әрекет ететін заңды тұлғада кемінде бір жыл жұмыс тәжірибесі болған және шетелдік жұмыскерлер Қазақстан Республикасында қолданылатын Басшылар, мамандар және басқа да қызметшілер лауазымдарының біліктілік анықтамалығына, басшылар, мамандар және басқа да қызметшілер лауазымдарының үлгілік біліктілік сипаттамаларына, сондай-ақ 01-99 "Кәсіптер сыныптауышы" Қазақстан Республикасының мемлекеттік сыныптауышына сәйкес біліктілік талаптарына сәйкес келген, жұмыскерді корпоративішілік ауыстыру жүзеге асырылатын заңды тұлғаның оның біліктілігі мен кәсіби тәжірибесі туралы хатымен, сондай-ақ қабылдаушы тараптың жұмыскердің қажетті біліктілігі мен кәсіби жұмыс тәжірибесі бар екені туралы хатымен расталған жағдайда беріледі.
Корпоративішілік ауыстыру шеңберінде ауыстырылатын басшылар мен менеджерлердің лауазымдары Басшылар, мамандар және басқа да қызметшілер лауазымдарының біліктілік анықтамалығына, басшылар, мамандар және басқа да қызметшілер лауазымдарының үлгілік біліктілік сипаттамаларына, сондай-ақ 01-99 "Кәсіптер сыныптауышы" Қазақстан Республикасының мемлекеттік сыныптауышына сәйкес басшылар лауазымдары үшін белгіленген біліктілік талаптарына сәйкес келуге тиіс.
Корпоративішілік ауыстыру шеңберінде ауыстырылатын мамандардың лауазымдары Басшылар, мамандар және басқа да қызметшілер лауазымдарының біліктілік анықтамалығына, басшылар, мамандар және басқа да қызметшілер лауазымдарының үлгілік біліктілік сипаттамаларына, сондай-ақ 01-99 "Кәсіптер сыныптауышы" Қазақстан Республикасының мемлекеттік сыныптауышына сәйкес мамандар лауазымдары үшін белгіленген біліктілік талаптарына сәйкес келуге тиіс.
43. Жұмыс беруші ішкі еңбек нарығында тиісті кандидатуралар іздеуді "Халықты жұмыспен қамту туралы" 2016 жылғы 6 сәуірдегі Қазақстан Республикасының Заңына сәйкес шетелдік жұмыс күшінің еңбек қызметін жүзеге асыру жері бойынша жұмыспен қамту орталығына бос жұмыс орындары (бос лауазымдар) туралы мәліметтер жіберу жолымен жүзеге асырады.
Жергілікті атқарушы орган жұмыс берушінің шетелдік жұмыс күшін тартуға рұқсат беру туралы өтінішін қабылдауды бос жұмыс орындары (бос лауазымдар) туралы мәліметтер берілген күннен бастап күнтізбелік он бес күннен ерте емес және күнтізбелік алпыс күннен асырмай жүзеге асырады.
44. Корпоративішілік ауыстыру шеңберінде шетелдік жұмыскерлерді тартуға рұқсат алу үшін жұмыс беруші не ол уәкілеттік берген адам ЭҮП арқылы шетелдік жұмыс күшінің еңбек қызметін жүзеге асыру жері бойынша жергілікті атқарушы органға осы Қағидаларға 3-қосымшаға сәйкес мемлекеттік көрсетілетін қызмет стандартының мемлекеттік қызметін көрсету үшін қажетті құжаттар тізбесінде көрсетілген құжаттарды қоса бере отырып осы Қағидаларға 2-қосымшаға сәйкес өтінішті ұсынады.
45. Жергілікті атқарушы орган құжаттар келіп түскен күні оларды қабылдау мен тіркеуді жүзеге асырады.
Жұмыс беруші еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.
Жұмыс беруші құжаттарды берген кезде жұмыс берушінің "жеке кабинетінде" мемлекеттік көрсетілетін қызметтің нәтижесін алу күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.
46. Өтінішті қабылдаған жергілікті атқарушы органның жұмыскері құжаттар тіркелген сәттен бастап үш жұмыс күні ішінде жұмыс берушіден қабылданатын құжаттар топтамасының толықтығы мен дұрыстығын тексереді және құжаттар толық көлемде ұсынылмаған және (немесе) осы Қағидалардың 44-тармағында көзделген белгіленген нысан бойынша толтырылмаған, сондай-ақ ұсынылған құжаттардың және (немесе) деректердің (мәліметтердің) дәйексіздігі анықталған жағдайларда осы Қағидалардың 7-тармағына сәйкес өтінішті одан әрі қараудан бас тартады.
47. Жергілікті атқарушы орган корпоративішілік ауыстыру шеңберінде шетелдік жұмыскерлерді тартуға рұқсат беру не рұқсат беруден бас тарту туралы шешімді жұмыс берушінің құжаттарын қабылдаған күннен бастап жеті жұмыс күні ішінде қабылдайды.
Жергілікті атқарушы орган осы Қағидалардың 8-тармағына сәйкес Комиссия ұсынымдарының негізінде шешім қабылдайды.
48. Жергілікті атқарушы орган корпоративішілік ауыстыру шеңберінде рұқсатты беру не беруден бас тарту туралы шешім қабылдаған күннен кейін бір жұмыс күні ішінде ол туралы жұмыс берушіге хабарлайды.
49. Корпоративішілік ауыстыру шеңберінде шетелдік жұмыскерлерді тартуға рұқсатты беру туралы шешім қабылдаған жағдайда жергілікті атқарушы орган жұмыс берушінің "жеке кабинетіне" осы Қағидаларға 4-қосымшаға жергілікті атқарушы орган басшысының ЭЦҚ-сы арқылы қол қойылған электрондық құжат нысанындағы хабарламаны жібереді.
50. Корпоративішілік ауыстыру шеңберінде шетелдік жұмыскерлерді тартуға рұқсат беруден бас тарту туралы шешім қабылдаған жағдайда жергілікті атқарушы орган осы Қағидалардың 59-тармағына сәйкес негіздемелерін көрсете отырып, жұмыс берушінің "жеке кабинетіне" осы Қағидаларға 4-қосымшаға сәйкес жергілікті атқарушы орган басшысының ЭЦҚ-сы арқылы қол қойылған электрондық құжат нысанындағы хабарламаны жібереді.
51. Рұқсатты беру кезінде жұмыс берушіге оның келісімен мынадай ерекше шарттардың бірі жүктеледі:
1) Қазақстан Республикасының азаматтарын тартылатын шетелдік жұмыскердің мамандығы бойынша кәсіптік даярлау;
2) Қазақстан Республикасының азаматтарын тартылатын шетелдік жұмыскердің мамандығы бойынша қайта даярлау;
3) Қазақстан Республикасы азаматтарының біліктілігін арттыру;
4) Қазақстан Республикасының азаматтары үшін шетелдік жұмыскерлер тартылатын мамандықтар бойынша қосымша жұмыс орындарын құру.
52. Жұмыс берушіде кадрлардағы жергілікті қамтуды ұлғайту жөніндегі бағдарлама болған кезде ерекше шарттарды қабылдау талап етілмейді.
53. Корпоративішілік ауыстыру кезінде:
менеджерді – жұмыс беруші осы Қағидалардың 51-тармағында көзделген шарттардың бірін таңдайды;
маманды – жұмыс беруші осы Қағидалардың 51-тармағының 1), 3) және 4) тармақшаларында көзделген шарттардың бірін таңдайды.
54. Жергілікті атқарушы орган жұмыс берушіге шетелдік жұмыс күшін тартуға берілген рұқсаттардың санына сәйкес ерекше шарттар санын жүктейді.
55. Рұқсатты алу үшін қабылданатын ерекше шарттар туралы ақпарат Қағидаларға 8-қосымшаға сәйкес нысан бойынша ұсынылады.
56. Шетелдік жұмыс күшін тартуға рұқсаттардың:
осы Қағидалардың 51-тармағының 3) және 4) тармақшаларында көзделген ерекше шарттарын орындау рұқсаттың қолданылу мерзімі ішінде жүргізіледі;
осы Қағидалардың 51-тармағының 1) және 2) тармақшаларында көзделген ерекше шарттарын орындау рұқсаттың қолданылу мерзімінің алғашқы алты айы ішінде басталады.
57. Корпоративішілік ауыстыру шеңберінде шетелдік жұмыскерлерді тартатын жұмыс беруші корпоративішілік ауыстыру шеңберінде тартылатын шетелдік жұмыскерлер (менеджерлер және мамандар) санының тиісті санаттағы қазақстандық кадрлар санына елу пайыздан аспайтын пайыздық қатынасын қамтамасыз етеді.
Жұмыс беруші корпоративішілік ауыстыру шеңберінде шетелдік жұмыскерлерді тартқан кезде кадрлардағы жергілікті қамту туралы ақпаратты жергілікті атқарушы органға осы Қағидаларға 9-қосымшаға сәйкес нысан бойынша береді.
58. Шетелдік жұмыскерді басшы лауазымдарына тартқан кезде Қазақстан Республикасы азаматтарының санына қатынасты сақтау жөніндегі талаптар қолданылмайды.
59. Корпоративішілік ауыстыру шеңберінде шетелдік жұмыс күшін тартуға рұқсат мынадай:
1) жұмыс беруші осы Қағидалардың 57-тармағында белгіленген шарттарды сақтамаған;
2) жұмыс берушінің шетелдік жұмыскерлерді рұқсатсыз тарту, сондай-ақ шетелдік жұмыскерді рұқсатта көрсетілген кәсіпке немесе мамандыққа сәйкес келмейтін кәсіпке немесе мамандыққа тарту фактісі анықталған жағдайда берілмейді. Мұндай жағдайда осындай факт анықталған күннен бастап он екі ай бойы жаңа рұқсаттар берілмейді;
3) өткен және ағымдағы күнтізбелік жылдар үшін берілген рұқсаттардың орындалу мерзімі келген ерекше шарттарын (бар болса) орындамаған;
4) шетелдік жұмыс күшінің білім деңгейі (кәсіптік даярлығы) мен практикалық жұмыс тәжірибесі (өтілі) осы Қағидалардың 41 және 42-тармақтарында көзделген талаптарға сәйкес келмеген;
5) кадрлардағы жергілікті қамтуды ұлғайту жөніндегі бағдарламада көзделген шараларды (шарттарды) орындамаған жағдайларда берілмейді.
60. Шетелдік жұмыскер жұмыс орнына келмеген немесе онымен еңбек шарты бұзылған, шетелдік жұмыс күшін тартуға рұқсаттың қолданылу мерзімі аяқталғанға дейін ауыстыру туралы хаттың немесе келісімнің қолданылу мерзімі уақытынан бұрын тоқтатылған кезде осы кәсіп үшін белгіленген, осы Қағидаларға 3-қосымшаға сәйкес мемлекеттік көрсетілетін қызмет стандартының мемлекеттік қызметін көрсету үшін қажетті құжаттар тізбесінде көрсетілген құжаттармен расталған біліктілік талаптарына сәйкес келген жағдайда, бұрын берілген рұқсатты бастапқыда берілген рұқсаттың қолданылу мерзімі аяқталғанға дейін қалған мерзімге осы Қағидаларда белгіленген тәртіппен жаңа нөмір бере отырып, корпоративішілік ауыстыру шеңберінде шетелдік жұмыс күшін тартуға арналған рұқсатты басқа шетелдік жұмыскерге ресімдеуге жол беріледі.
Қайта ресімделген рұқсат бастапқыда берілген рұқсаттың қолданылу мерзімі аяқталғанға дейін қалған мерзімге беріледі.
61. Жергілікті атқарушы орган бұрын берілген корпоративішілік ауыстыру шеңберінде шетелдік жұмыс күшін тартуға арналған рұқсатты басқа шетелдік жұмыскерге қайта ресімдеу туралы шешімді құжаттарды қабылдаған күннен бастап бес жұмыс күні ішінде, Комиссия отырысында қарамай қабылдайды.
62. Корпоративішілік ауыстыру шеңберінде шетелдік жұмыс күшін тартуға арналған рұқсаттың қолданылу мерзімін ұзартуға рұқсаттың қолданылу мерзімі аяқталғанға дейін күнтізбелік алпыс күннен ерте емес және күнтізбелік отыз күннен кешіктірмей жол беріледі.
63. Жергілікті атқарушы орган рұқсатты ұзарту туралы шешімді Қағидаларға сәйкес құжаттарды қабылдаған күннен бастап бес жұмыс күні ішінде, Комиссия отырысында қарамай жүзеге асырады.
64. Жергілікті атқарушы орган корпоративішілік ауыстыру шеңберінде шетелдік жұмыс күшін тартуға арналған рұқсаттың мерзімін ұзарту не ұзартудан бас тарту туралы шешім қабылдаған күннен кейін бір жұмыс күні ішінде жұмыс берушінің "жеке кабинетіне" электрондық құжат нысанында рұқсаттың мерзімін ұзарту не ұзартудан бас тарту туралы хабарлама жібереді.
65. Жергілікті атқарушы орган осы Қағидалардың 33-тармағына сәйкес мемлекеттік қызметтер көрсету мониторингінің ақпараттық жүйесіне мемлекеттік қызмет көрсету сатысы туралы деректерді енгізуді қамтамасыз етеді.
66. Рұқсатты ұзарту кезінде жұмыс берушіге оның келісімімен осы Қағидалардың 51-тармағына сәйкес ерекше шарттардың бірі жүктеледі.
67. Рұқсатты ұзарту үшін қабылданатын ерекше шарттар туралы ақпарат Қағидаларға 8-қосымшаға сәйкес нысан бойынша ұсынылады.
68. Шетелдік жұмыс күшін тартуға арналған рұқсаттардың шарттарын орындау осы Қағидалардың 56-тармағына сәйкес көзделеді.
69. Корпоративішілік ауыстыру шеңберінде шетелдік жұмыскерлерді тартатын жұмыс беруші осы Қағидалардың 57-тармағына сәйкес пайыздық қатынасты қамтамасыз етеді.
70. Шетелдік жұмыскерді басшы лауазымдарына тартқан кезде Қазақстан Республикасы азаматтарының санына қатынасты сақтау жөніндегі талаптар қолданылмайды.
71. Корпоративішілік ауыстыру шеңберінде шетелдік жұмыс күшін тартуға рұқсат осы Қағидалардың 59-тармағында көзделген жағдайларда ұзартылмайды.
72. Жергілікті атқарушы орган мынадай:
1) шетелдік жұмыскерді рұқсатта көрсетілген кәсіпке немесе мамандыққа сәйкес келмейтін кәсіп немесе мамандық бойынша тартқан;
2) жұмыс беруші осы Қағидалардың 57-тармағында белгіленген шарттарды сақтамаған жағдайларда қолданыстағы корпоративішілік ауыстыру шеңберінде шетелдік жұмыс күшін тартуға рұқсатты кері қайтарып алуды жүргізеді. Бұл ретте жергілікті атқарушы орган саны осы Қағидалардың 57-тармағында белгіленген пайыздық қатынастан асатын соңғы берілген рұқсаттарды кері қайтарып алады.
Жергілікті атқарушы орган рұқсатты кері қайтарып алған күннен бастап үш жұмыс күні ішінде ҚР ІІМ облыстық, Нұр-Сұлтан, Алматы және Шымкент қалаларындағы аумақтық органына осы Қағидаларға 10-қосымшаға сәйкес кері қайтарып алынған шетелдік жұмыс күшін тартуға рұқсаттар туралы ақпарат жолдайды.
73. Корпоративішілік ауыстыру шеңберінде шетелдік жұмыс күшін тартуға рұқсаттар еңбек шартында көрсетілген ауыстыру мерзіміне, бірақ бір реттен асырмай он екі айға ұзарту құқығымен үш жылдан аспайтын мерзімге беріледі.
Еңбек шарты болмаған кезде корпоративішілік ауыстыру мерзімі корпоративішілік ауыстыру туралы хатта немесе келісімде (шартта), бірақ бір реттен асырмай он екі айға ұзарту құқығымен үш жылдан аспайтын мерзім болып айқындалады.
74. Жергілікті атқарушы орган берген рұқсатты басқа жұмыс берушілерге беруге болмайды, жұмыс берушінің рұқсат алған шетелдік жұмыскерлерді өзге әкімшілік-аумақтық бірліктердің аумағында орналасқан кәсіпорындарға, ұйымдарға күнтізбелік бір жыл ішінде жиынтығы күнтізбелік тоқсан күннен аспайтын мерзімге іссапарға жіберуін қоспағанда, тиісті әкімшілік-аумақтық бірліктің аумағында ғана қолданылады.
75. Корпоративішілік ауыстыру шеңберінде шетелдік жұмыс күшін тартуға рұқсаттың қолданысы мынадай:
1) ол берілген мерзім аяқталған;
2) рұқсат кері қайтарып алынған;
3) жеке тұлға – жұмыс берушінің қызметі тоқтатылған, заңды тұлға – жұмыс беруші таратылған;
4) жұмыс беруші рұқсатты жергілікті атқарушы органға өз еркімен қайтарған жағдайларда тоқтатылады.
76. Жергілікті атқарушы орган:
1) корпоративішілік ауыстыру шеңберінде жұмыс істейтін жұмыскерлерді есепке алуды жүргізеді;
2) ай сайын, есепті кезеңнен кейінгі айдың 10-күніне дейінгі мерзімде халықты жұмыспен қамту жөніндегі уәкілетті органды, сондай-ақ еңбек инспекциясы жөніндегі жергілікті органды корпоративішілік ауыстыру шеңберінде жұмыс істейтін шетелдік жұмыскерлер туралы хабардар етеді.
77. Шетелдік жұмыскердің тегі, аты, әкесінің атының, жеке басын куәландыратын құжатының нөмірі мен сериясының өзгеруіне байланысты және жұмыс беруші – Қазақстан Республикасының заңды тұлғасы немесе шетелдік заңды тұлғаның филиалы (өкілдігі) бірігу, қосылу, бөлініп шығу немесе қайта құрылу нысанында қайта құрылған, сондай-ақ оның шетелдік жұмыс күшін тартуға рұқсатта көрсетілген атауы немесе деректемелері өзгерген жағдайда рұқсатты қайта ресімдеу үшін жұмыс беруші не ол уәкілеттік берген адам ЭҮП арқылы шетелдік жұмыс күшінің еңбек қызметін жүзеге асыру жері бойынша жергілікті атқарушы органға осы Қағидаларға 3-қосымшаға сәйкес мемлекеттік көрсетілетін қызмет стандартының мемлекеттік қызметін көрсету үшін қажетті құжаттар тізбесінде көрсетілген құжаттарды қоса бере отырып осы Қағидаларға 2-қосымшаға сәйкес өтінішті ұсынады.
Жергілікті атқарушы орган өтінішті қабылдаған күннен бастап бес жұмыс күні ішінде рұқсатты жаңа нөмір бере отырып қайта ресімдейді.
Жергілікті атқарушы органның рұқсатты қайта ресімдеу бойынша қабылдаған шешімі туралы хабарлама жергілікті атқарушы орган басшысының ЭЦҚ-сы арқылы қол қойылған электрондық құжат нысанында жұмыс берушінің "жеке кабинетіне" жіберіледі.
78. Шетелдік жұмыс күшін тартуға рұқсаттар алған жұмыс берушілер жергілікті атқарушы органға осы Қағидаларға 11-қосымшаға сәйкес ерекше шарттардың орындалуы және шетелдік жұмыс күші туралы мәліметтер ұсынады.
79. Жұмыс беруші шетелдік жұмыс күшін тартуға рұқсат берілген шетелдік жұмыскер жұмыс орнына келмеген жағдайда ерекше шартты орындамайды.
Бұл ретте жұмыс беруші жергілікті атқарушы органға шетелдік жұмыскердің келмегені туралы хабарлама жібереді.
3-тарау. Мемлекеттік қызмет көрсету мәселесі бойынша жергілікті атқарушы органның және (немесе) оның лауазымды адамдарының шешімдеріне, әрекеттеріне (әрекетсіздігіне) шағымдану тәртібі
80. Мемлекеттік қызмет көрсету мәселелері бойынша жергілікті атқарушы органның және (немесе) оның лауазымды адамдарының шешімдеріне, әрекеттеріне (әрекетсіздігіне) шағымдану: шағым жергілікті атқарушы орган басшысының атына беріледі.
Жергілікті атқарушы органның атына келіп түскен өтініш берушінің шағымы тіркелген күнінен бастап 5 (бес) жұмыс күні ішінде қаралуға тиіс.
Көрсетілген мемлекеттік қызмет нәтижелерімен келіспеген жағдайда жұмыс беруші мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгінеді.
Мемлекеттік қызметтер көрсету сапасын бағалау және бақылау жөніндегі уәкілетті органның мекенжайына келіп түскен өтініш берушінің шағымы тіркелген күнінен бастап 15 (он бес) жұмыс күні ішінде қарауға жатады.
Көрсетілген мемлекеттік қызметтің нәтижелерімен келіспеген жағдайда жұмыс беруші халықты жұмыспен қамту мәселелері жөніндегі уәкілетті органға немесе Қазақстан Республикасының заңнамасында белгіленген тәртіппен сотқа жүгінеді.
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 1-қосымша |
|
| нысан |
_______________________________________________________________
(рұқсат беруші органның толық атауы)
Шетелдік жұмыс күшін тартуға РҰҚСАТ
20 __ жылғы "___" _________ № ____
Жұмыс беруші
_______________________________________________________________
(заңды тұлға үшін: атауы, мекенжайы,
_______________________________________________________________
тіркеу нөмірі, тіркелген күні, бизнес сәйкестендіру нөмірі;
_______________________________________________________________
жеке тұлға үшін: тегі, аты, әкесінің аты (бар болса), жеке сәйкестендіру
нөмірі, үйінің мекенжайы)
_______________________________________________________________
Рұқсат қолданылатын аумақ ______________________________________
_______________________________________________________________
Шетелдік жұмыскер______________________________________________
(тегі, аты, әкесінің аты (бар болса), санаты, лауазымы/кәсібі)
_______________________________________________________________
(паспорттың/жеке куәліктің №, берілген күні және берген орган)
Жұмыс істеу әдісі (тұрақты, вахталық)______________________________
Рұқсатты беру үшін негіздеме _____________________________________
_______________________________________________________________
Рұқсаттың қолданылу мерзімі_____________бастап ___________дейін
(күні, айы, жылы) (күні, айы, жылы)
М.О. қолы _______________________
(тегі, аты-жөні)
ӨТІНІШ
__________________ облысына (қаласына) ______ адамға, оның ішінде:
бірінші санат бойынша – ____ адамға,
оның ішінде лауазымдары
(кәсіптері) бойынша:
__________________________________________________________________
__________________________________________________________________
екінші санат бойынша – ____ адамға,
оның ішінде лауазымдары (кәсіптері) бойынша (рұқсаттың қолданылу мерзімін көрсету
қажет (рұқсат берілген/ұзартылған кезде):
__________________________________________________________________
үшінші санат бойынша – ____ адамға,
оның ішінде лауазымдары (кәсіптері) бойынша:
__________________________________________________________________
төртінші санат бойынша – ____ адамға,
оның ішінде лауазымдары (кәсіптері) бойынша:
__________________________________________________________________
маусымдық жұмыстарға – ____ адамға шетелдік жұмыс күшін тартуға
рұқсат беруді/ ұзартуды/ қайта ресімдеуді (қажеттінің асты сызылсын) сұраймын.
Шетелдік жұмыс күші еңбек қызметін жүзеге асыратын экономикалық қызмет түрі:
__________________________________________________________________
Корпоративішілік ауыстыру шеңберінде тартылатын шетелдік жұмыскерлерді тартқан кезде:
Облыс (қала):______________________.
Шетелдік жұмыскерлер саны: __________ адам, оның ішінде:
басшы – ___ адам,
лауазымы
_________________________________________________________________;
менеджерлер – ___ адам,
оның ішінде лауазымдары (кәсіптері) бойынша: ________________________
мамандар – ___ адам,
оның ішінде лауазымдары (кәсіптері) бойынша:
__________________________________________________________________
Жұмыс берушінің (қабылдаушы ұйымның) атауы:
___________________________________________________________________
___________________________________________________________________
Жұмыс беруші (қабылдаушы ұйым) туралы мәліметтер:
___________________________________________________________________
___________________________________________________________________
Ұйымның меншік нысаны
___________________________________________________________________
_________________________________________________________________
Құрылған күні 20___ жылғы "____" _________________.
Қазақстан Республикасының әділет органдарында тіркелгені туралы
куәлік
__________________________________________________________________
(нөмірі, қашан және кім берген)
жеке сәйкестендіру нөмірі: __________________________________________________,
бизнес сәйкестендіру нөмірі:
____________________________________________________________
Жүзеге асыратын қызмет түрі:
__________________________________________________________________
Кәсіпкерлік субъектісінің санаты:
_________________________________________________________________
_________________________________________________________________
(шағын/орта/ірі кәсіпкерлік субъектісі)
Мекенжайы, телефон, факс:
__________________________________________________________________
Қоса берілетін құжаттар:
__________________________________________________________________
__________________________________________________________________
__________________________________________________________________
Шетелдік жұмыс күшін тартуға рұқсат беру/ұзарту/қайта ресімдеу
қажеттілігінің негіздемесі:
__________________________________________________________________
__________________________________________________________________
__________________________________________________________________
Корпоративішілік ауыстыру шеңберінде ауыстырылатын шетелдік
жұмыскерлерді тартқан кезде
Шетелдік заңды тұлғаның – жұмыс берушінің толық атауы:
___________________________________________________________________
___________________________________________________________________
Резидент елде тіркелгені туралы деректер:
____________________________________________________________________
____________________________________________________________________
(мемлекеттік тіркеу №, күні және тіркеу органының атауы)
Резидент елдегі салықтық тіркеу нөмірі немесе оның аналогі:
___________________________________________________________________
___________________________________________________________________
Жүзеге асыратын қызмет түрі:
__________________________________________________________________
__________________________________________________________________
Резидент елдегі мекенжайы, телефоны:
__________________________________________________________________
Шетелдік жұмыс күшін тарту қажеттілігінің негіздемесі:
__________________________________________________________________
__________________________________________________________________
Шетелдік жұмыс күшін тартуға рұқсат беру және (немесе) ұзарту, сондай-ақ
корпоративішілік ауыстыруды жүзеге асыру қағидалары мен шарттарының
35-тармағына сәйкес шетелдік жұмыскерлерді тартқан кезде:
Шетелдік заңды тұлға – жұмыс берушінің толық атауы:
__________________________________________________________________
__________________________________________________________________
Резидент елде тіркелгені туралы деректер:
__________________________________________________________________
__________________________________________________________________
(мемлекеттік тіркеу №, күні және тіркеу органының атауы)
Резидент елдегі салықтық тіркеу нөмірі немесе оның аналогі:
___________________________________________________________________
___________________________________________________________________
Жүзеге асыратын қызмет түрі:
___________________________________________________________________
___________________________________________________________________
Резидент елдегі мекенжайы, телефоны:
____________________________________________________________________
"Қолданыстағы Жұмыс берушілерге шетелдік жұмыс күшін тартуға рұқсат беру
мен (немесе) ұзарту, сондай-ақ корпоративішілік ауыстыруды жүзеге асыру
қағидалары мен шарттарымен таныстым".
"Жұмыс берушілерге шетелдік жұмыс күшін тартуға рұқсат беру және (немесе)
ұзарту" мемлекеттік қызметін көрсету үшін қажетті менің дербес деректерімді
жинауға және өңдеуге келесім беремін.
Басшы __________________________________________________________
(қолы, тегі, аты-жөні, лауазымы)
20 ___жылғы "___" _____________
Өтініш 20 ___жылғы "___" ______________ қарауға қабылданды
_________________________________________________________________
_________________________________________________________________
(жауапты адамның тегі, аты-жөні, қолы)
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 3-қосымша |
"Жұмыс берушілерге шетелдік жұмыс күшін тартуға рұқсат беру және (немесе) ұзарту" мемлекеттік көрсетілетін қызмет стандарты (бұдан әрі – Стандарт) | ||
1 | Көрсетілетін қызметті берушінің атауы | Облыстардың, Нұр-сұлтан, Алматы және Шымкент қалаларының жергілікті атқарушы органдары |
2 | Мемлекеттік қызметті ұсыну тәсілдері (қол жеткізу арналары) | www.egov.kz, www. elіcense.kz "электрондық үкімет" веб-порталы |
3 | Мемлекеттік қызметті көрсету мерзімі |
Рұқсат беру 19 жұмыс күні ішінде жүзеге асырылады, оның ішінде: |
4 | Мемлекеттік қызметті көрсету нысаны | Электрондық (толық автоматтандырылған) |
5 | Мемлекеттік қызметті көрсету нәтижесі |
Осы Қағидаларға 1-қосымшаға сәйкес нысан бойынша жұмыс берушілерге шетелдік жұмыс күшін тартуға берілген рұқсат, қайта ресімделген және ұзартылған рұқсат не мемлекеттік қызметті көрсетуден бас тарту туралы уәждемелі жауап. |
6 | Мемлекеттік қызмет көрсету кезінде жұмыс берушіден алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері |
Мемлекеттік қызмет жеке және заңды тұлғаларға ақылы/тегін көрсетіледі. |
7 | Жұмыс кестесі |
Порталдың жұмыс кестесі – жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы Еңбек кодексіне (бұдан әрі – Кодекс) сәйкес жұмыс күні аяқталғаннан кейін, демалыс және мереке күндері жүгінген кезде өтініштерді қабылдау және мемлекеттік қызметті көрсету нәтижесін беру келесі жұмыс күні жүзеге асырылады); |
8 | Құжаттар тізбесі |
Шетелдік жұмыс күшін тартуға рұқсат алу немесе қайта ресімдеу үшін: |
9 | Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер |
Шетелдік жұмыс күшін тартуға рұқсат алу үшін: |
10 | Мемлекеттік қызмет көрсетудің, оның ішінде электрондық нысанда көрсетілетін қызметтің ерекшеліктерін ескере отырып қойылатын өзге де талаптар |
Бизнес сәйкестендіру нөмірі және электрондық цифрлық қолтанба болған кезде мемлекеттік қызметті, сондай-ақ рұқсатты беру, қайта ресімдеу және ұзарту туралы ақпаратты портал арқылы қашықтықтан қол жеткізу режимінде алу мүмкіндігі бар. |
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 4-қосымша |
|
| нысан |
кімнен ________________________________________________________
(облыстың, Нұр-Сұлтан, Алматы және Шымкент қаласының жергілікті атқарушы
органының атауы)
кімге__________________________________________________________
(заңды немесе жеке тұлғаның толық атауы және мекенжайы)
______________________________________________________________
Хабарлама
(облыстың, Нұр-Сұлтан, Алматы және Шымкент қаласының жергілікті атқарушы
органының атауы)
______________________________________________________________
(заңды немесе жеке тұлғаның толық атауы және мекенжайы)
шетелдік жұмыс күшін тартуға рұқсат беру/ұзарту туралы шешім
қабылданғаны туралы хабарлайды.
______________________________________________________________
(заңды немесе жеке тұлғаның толық атауы)
____________________________ үшін салық алымын енгізу талап етіледі:
(рұқсат (тар) беру немесе ұзартуды көрсету)
______________________________________________________________.
(шетелдік жұмыскердің тегін, атын, әкесінің атын (бар болса), санатын, кәсібін және
лауазымын, тартылатын экономикалық қызмет түрін және салық алымының сомасын
көрсету қажет)
Рұқсатты беру/ұзарту үшін салық алымын мына шотқа енгізу талап
етіледі: №_____________________, бюджеттік сыныптама коды: 105433
Салық алымының төленгені туралы он жұмыс күні ішінде
жергілікті атқарушы органға салық алымының төленгенін растайтын
құжаттың (құжаттардың) көшірмесін (көшірмелерін) енгізу жолымен хабарлау қажет.
Жұмыс беруші хабарламаны алған күннен бастап он жұмыс күні
ішінде салық алымының төленгенін растайтын құжаттың (құжаттардың)
көшірмесін (көшірмелерін) ұсынбаған жағдайда жергілікті атқарушы
органның рұқсат беру туралы шешімінің күші жойылады.
Басшы ____________________ ________ ____________________
(тегі, аты-жөні) (қолы) (күні: күні, айы, жылы)
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 5-қосымша |
Рұқсат беру және ұзарту кезіндегі міндеттемелерді жұмыс берушімен келісу нысаны
Р/с № | Тартылатын шетелдік жұмыскерлердің тегі, аты, әкесінің аты (бар болса) | Жұмыс берушінің өтінішіне сәйкес тартылатын шетелдік жұмыскерлердің санаты, кәсібі (мамандығы) | Шетелдік жұмыскерлерді алмастыру жүзеге асырылатын кәсіптің (мамандықтың) атауы | Ерекше шарттарды орындау мерзімі |
1 | 2 | 3 | 4 | 5 |
______________________________________________
(жұмыс берушінің атауы)
_______________________________________________
(қолы, тегі, лауазымы)
20 ___ жылғы "____" ________
Келісілді:
_______________________________________________
(уәкілетті органның атауы)
_______________________________________________
(қолы, тегі, лауазымы)
20 ___ жылғы "____" ________
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 6-қосымша |
|
| нысан |
Кадрлардағы жергілікті қамту туралы ақпарат
Р/с № | Тартылатын шетелдік жұмыс күшінің санаттары | Жұмыс беруші жұмыскерлерінің саны, адам | Тартуға жоспар ланған шетелдік жұмыс күшінің саны, адам | 3-баған + 5-баған | 4-баған + 5-баған | Шетелдік жұмыс күшінің жұмыскер лердің жалпы санына қатысты %, 7-баған/6-баған*100% | |
Барлығы (шетелдік жұмыс күшін тартуға арналған рұқсатсыз жұмыс істейтін шетелдік жұмыскерлер есепке алынбайды) | оның ішінде шетелдік жұмыс күшін тартуға арналған рұқсаттар бойынша тартылатын шетелдік жұмыс күші | ||||||
1 | 2 | 3 | 4 | 5 | 6 | 7 | 8 |
1 | 1 және 2- санаттар | ||||||
2 | 3 және 4- санаттар | ||||||
3 | БАРЛЫ ҒЫ | ||||||
Ескертпе: шетелдік жұмыскер 4-бағанда есепке алынған жағдайда ол 6-бағанда есепке алынбайды.
Жұмыс беруші: ________________________________________________
(қолы, тегі, аты-жөні, лауазымы, күні)
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 7-қосымша |
|
| нысан |
Басымды жобалар үшін кадрлардағы жергілікті қамту жөніндегі шарттар
Р/с № | Басымды жобаның атауы | Тартылатын шетелдік жұмыс күшінің санаттары | Басымды жобада жұмыс істейтін қазақстандық азаматтардың % | Басымды жобада жұмыс істейтін шетелдік жұмыс күшінің % |
1 | 2 | 3 | 4 | 5 |
1. | 1-санаттағы | |||
2- санаттағы | ||||
3- санаттағы | ||||
4- санаттағы |
Келісілді: | Келісілді: | Келісілді: |
___________________ |
___________________ |
____________________ |
____________________ |
___________________ |
____________________ |
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 8-қосымша |
|
| нысан |
Рұқсаттарды алу және ұзарту үшін қабылданатын ерекше шарттар туралы ақпарат
Р/с № | Тартылатын шетелдік жұмыскерлердің тегі, аты, әкесінің аты | Жұмыс берушінің өтінішіне сәйкес тартылатын шетелдік жұмыскерлердің санаты, кәсібі (мамандығы) | Қазақстан Республикасының азаматтарын даярлау, қайта даярлау, біліктілігін арттыру жүзеге асырылатын кәсіпті (мамандықты) және (немесе) олар үшін құрылатын жұмыс орындарының санын көрсете отырып, ерекше шарттардың атауы | Ерекше шарттарды орындау мерзімі |
1 | 2 | 3 | 4 | 5 |
_______________________________________ | ||||
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 9-қосымша |
|
| нысан |
Корпоративішілік ауыстыру шеңберінде шетелдік жұмыскерлерді тартқан кезде кадрлардағы жергілікті қамту туралы ақпарат
Р/с № | Жұмыс беруші жұмыскерлерінің саны, адам | Корпоративішілік ауыстыру шеңберінде тартуға жоспарланған шетелдік жұмыс күшінің саны, адам | 3-баған + 5-баған | 4-баған + 6-баған | Қазақстандық азаматтар қатарындағы жұмыскерлердің жалпы санына корпоративішілік ауыстыру шеңберінде тартылатын шетелдік жұмыс күшінің %, 8-баған/7-баған*100 % | ||
Барлы ғы | оның ішінде: | ||||||
корпоративішілік ауыстыру шеңберінде рұқсаттар бойынша жұмыс істейтін шетелдік жұмыс күші | |||||||
1 | 2 | 3 | 4 | 5 | 6 | 7 | 8 |
1 | Менеджерлер | ||||||
2 | Мамандар | ||||||
3 | БАРЛЫҒЫ | ||||||
Ескертпе: шетелдік жұмыскер 4-бағанда есепке алынған жағдайда ол 5-бағанда есепке алынбайды.
Жұмыс беруші:___________________________________________________
(қолы, тегі, аты-жөні, лауазымы, күні)
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 10-қосымша |
|
| нысан |
Қайда______________________________________
(ҚР ІІМ облыстық, Нұр-Сұлтан, Алматы және Шымкент қаласының
аумақтық органының атауы)
кімнен____________________________________
(облыстың, Нұр-Сұлтан, Алматы қаласының жергілікті
атқарушы органының атауы)
Кері қайтарып алынған шетелдік жұмыс күшін тартуға рұқсаттар туралы ақпарат
Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарының ___ -тармағына сәйкес
__________________________________________________________________________
(облыстың, Нұр-Сұлтан, Алматы және Шымкент қаласының жергілікті атқарушы
органының атауы)
__________________________________________________________________________
(жұмыс берушінің атауы, шетелдік жұмыскердің деректері: тегі, аты, әкесінің аты (бар болса),
паспорттық деректері (нөмірі, берілген күні). Рұқсаттың нөмірі, рұқсат берілген күн,
рұқсат қолданысының аяқталу мерзімі) шетелдік жұмыс күшін тартуға рұқсаты (тары)
кері қайтарып алынғанын хабарлаймыз.
___________________ ____________________ ___________
(лауазымы) (қолы) (тегі, аты)
| Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына 11-қосымша |
|
| нысан |
Ерекше шарттардың орындалуы және тартылатын шетелдік жұмыс күші туралы мәліметтер
_______________________________________________________________
(рұқсат беретін органның толық атауы)
1. Қайта оқытылған қазақстандық азаматтардың саны_________________
2. Шетелдік жұмыскерлерді ауыстырған қазақстандық азаматтардың саны
____________________________________________________________
3. Жұмыс істейтін қазақстандық азаматтар саны_______________________
4. Қазақстандық азаматтар үшін құрылған жұмыс орындарының саны
______________________________________________________________
5. Айдың аяғындағы жұмыс істейтін шетелдік жұмыс күшінің саны
_____________________________________________________________
6. Шығу елі ________________________________________________________
7. Шетелдік жұмыс күші тартылатын мамандықтар ______________________
________________________________________________________________
________________________________________________________________
________________________________________________________________
8. Санаттар бойынша айдың аяғындағы жұмыс істейтін шетелдік жұмыс күшінің саны
___________________________________________________________
________________________________________________________________
________________________________________________________________
________________________________________________________________
9. Экономикалық қызмет түрлері бойынша айдың аяғындағы жұмыс істейтін шетелдік
жұмыс күшінің саны _____________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
Жұмыс беруші ____________________________________________________
_________________________________________________________________
_________________________________________________________________
_________________________________________________________________
(ұйымның атауы , тегі, аты, әкесінің аты (бар болса), лауазымы, күні, қолы)