БҰЙЫРАМЫН:
1. "Әлеуметтік маңызы бар облысаралық жолаушылар қатынастарының тізбесін айқындау туралы" Қазақстан Республикасы Инвестициялар және даму министрінің міндетін атқарушының 2014 жылғы 8 желтоқсандағы № 247 бұйрығына (Нормативтік құқықтық актілерді мемлекеттік тіркеу тізілімінде № 10069 болып тіркелген) мынадай өзгеріс енгізілсін:
көрсетілген бұйрықпен бекітілген әлеуметтік маңызы бар облысаралық жолаушылар қатынастарының тізбесі осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Индустрия және инфрақұрылымдық даму министрлігінің Көлік комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Индустрия және инфрақұрылымдық даму министрі |
К. Ускенбаев |
Әлеуметтік маңызы бар облысаралық жолаушылар қатынастарының тізбесі
1. Ақтөбе – Алматы.
2. Ақтөбе – Атырау.
3. Ақтөбе – Маңғыстау.
4. Алматы – Нұр-Сұлтан.
5. Алматы – Атырау.
6. Алматы – Достық.
7. Алматы – Жезқазған.
8. Алматы – Өскемен-1.
9. Алматы – Қостанай.
10. Алматы – Локоть.
11. Алматы – Маңғыстау.
12. Алматы – Озинки.
13. Алматы – Орал.
14. Алматы – Павлодар.
15. Алматы – Петропавл.
16. Алматы – Сарыағаш.
17. Алматы – Шымкент.
18. Арқалық – Қостанай – Нұр-Сұлтан.
19. Нұр-Сұлтан – Айсары – Арқалық.
20. Нұр-Сұлтан – Атбасар.
21. Нұр-Сұлтан – Достық.
22. Нұр-Сұлтан – Жезқазған.
23. Нұр-Сұлтан – Өскемен-1.
24. Нұр-Сұлтан – Көкшетау.
25. Нұр-Сұлтан – Көкшетау – Володаровка.
26. Нұр-Сұлтан – Қарағанды – Семей.
27. Нұр-Сұлтан – Қызыл-Ту – Петропавл.
28. Маңғыстау – Нұр-Сұлтан – Семей.
29. Нұр-Сұлтан – Павлодар.
30. Нұр-Сұлтан – Павлодар – Семей.
31. Нұр-Сұлтан – Шымкент.
32. Атырау – Ақсарай.
33. Атырау – Нұр-Сұлтан.
34. Атырау – Маңғыстау.
35. Көкшетау – Нұр-Сұлтан – Ерейментау.
36. Көкшетау – Қызылорда.
37. Қарағанды – Нұр-Сұлтан.
38. Қарағанды – Петропавл.
39. Қарағанды – Жезқазған.
40. Қостанай – Есіл – Арқалық.
41. Қостанай – Қарағанды.
42. Қызылорда – Жезқазған – Нұр-Сұлтан – Павлодар.
43. Қызылорда – Петропавл.
44. Қызылорда – Семей.
45. Орал – Ақтөбе – Құлсары.
46. Орал – Нұр-Сұлтан.
47.Өскемен – Жаланашкөл.
48. Павлодар – Пресногорьковская.
49. Шалқар – Сексеуіл.
50. Павлодар – Нұр-Сұлтан – Шымкент.
Әлеуметтік маңызы бар қатынас қоғам мен мемлекеттің әлеуметтік-экономикалық жағдайына ықпал ететін және мынадай өлшемшарттарға сәйкес келетін қатынас болып танылады:
1) мемлекеттік маңызы – мемлекетаралық байланыстарды дамыту, Қазақстан Республикасының астанасы мен облыс орталықтарын Қазақстан Республикасымен айтарлықтай қоғамдық, сауда немесе өзге де өзара қатынастары бар мемлекеттердің әкімшілік-аумақтық бірліктерінің астаналарымен және басты қалаларымен қосу;
2) баламасыздығы – ұзақтығы үлкен әрі тармақталуы aз болғанда қайта отырғызусыз қатарлас қатынастардың болмауы, ауа райы жағдайларына тәуелсіздігі, барлық маусымдылығы, жолаушыларды біржолғы жаппай тасымалдау;
3) әлеуметтік маңызы – халықтың жан басына шаққандағы табысында жол жүруге арналған шығысының қолжетімді деңгейінің сақталуы;
4) қолжетімділігі – азаматтардың қолжетімді балама көлік түрлері жоқ бағыттары бойынша Қазақстан Республикасының аумағында еркін орын ауыстыру, оның шегінен тыс шығу және кедергісіз қайтып келу мүмкіндігін қамтамасыз ету.