"Мемлекеттік-жекешелік әріптестік туралы" Қазақстан Республикасы Заңының 23-бабының 2-1) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес Жекеше әріптесті айқындау және мемлекеттік-жекешелік әріптестік шартын жасасу қағидалары бекітілсін.
2. Қазақстан Республикасы Ғылым және жоғары білім министрлігінің Инфрақұрылымдық жобалар, мемлекеттік сатып алу және активтер департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық ресми жарияланғаннан кейін Қазақстан Республикасы Ғылым және жоғары білім министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ғылым және жоғары білім министрі |
С. Нурбек |
"КЕЛІСІЛДІ"
Қазақстан Республикасының
Қаржы министрлігі
"КЕЛІСІЛДІ"
Қазақстан Республикасының
Ұлттық экономика министрлігі
| Қазақстан Республикасының Ғылым және жоғары білім министрі 2024 жылғы 30 желтоқсандағы № 605 бұйрығына қосымша |
Жекеше әріптесті айқындау және мемлекеттік-жекешелік әріптестік шартын жасасу қағидалары
1-тарау. Жалпы ережелер
1. Осы жекеше әріптесті айқындау және мемлекеттік-жекешелік әріптестік шартын жасасу қағидалары (бұдан әрі – Қағидалар) "Мемлекеттік-жекешелік әріптестік туралы" Қазақстан Республикасы Заңының (бұдан әрі – Заң) 23-бабының 2-1) тармақшасына сәйкес әзірленді және жекеше әріптесті айқындау және мемлекеттік-жекешелік әріптестік шартын жасасу тәртібін айқындайды.
2 Осы Қағидаларда мынадай негізгі ұғымдар пайдаланылады:
1) мемлекеттік әріптес – Қазақстан Республикасы, оның атынан әрекет ететін, мемлекеттік-жекешелік әріптестік шартын жасасқан мемлекеттік органдар, мемлекеттік мекемелер, мемлекеттік кәсіпорындар және жарғылық капиталға қатысу үлестерінің немесе дауыс беретін акцияларының елу және одан көп пайызы мемлекетке тікелей немесе жанама түрде тиесілі жауапкершілігі шектеулі серіктестіктер, акционерлік қоғамдар;
2) мемлекеттік-жекешелік әріптестік объектілерін салу және пайдалану жөніндегі мемлекеттік-жекешелік әріптестік жобасы – осы Заңға және Қазақстан Республикасының бюджет заңнамасына сәйкес шектеулі уақыт кезеңі ішінде іске асырылатын және аяқталған сипатқа ие, мемлекеттік-жекешелік әріптестікті жүзеге асыру жөніндегі реттілікпен болатын іс-шаралар жиынтығы (бұдан әрі-МЖӘ жобасы);
3) мемлекеттік-жекешелік әріптестік объектісі – мемлекеттік-жекешелік әріптестік жобасын іске асыру шеңберінде құрылатын (оның ішінде салынатын және қажет болған жағдайда жобаланатын) және (немесе) реконструкцияланатын және (немесе) жаңғыртылатын, сондай-ақ пайдаланылатын ғимараттар, құрылысжайлар және (немесе) жабдықтар, мүліктік кешендер, зияткерлік шығармашылық қызметтің нәтижелер (бұдан әрі - МЖӘ объектісі).
Осы Қағидаларда пайдаланылатын барлық терминдер мен анықтамалар Заңда жазылған анықтамаларға сәйкес түсініледі.
3. Акцияларының елу және одан да көп пайызы мемлекетке тиесілі жоғары және (немесе) жоғары оқу орнынан кейінгі білім беру ұйымдарының МЖӘ жобасын мемлекеттік әріптес бастамашылық етеді:
1) тиісті саланың орталық мемлекеттік органы;
2) облыстың, республикалық маңызы бар қаланың және астананың жергілікті атқарушы органы;
3) акцияларының елу және одан да көп пайызы мемлекетке тиесілі жоғары және (немесе) жоғары оқу орнынан кейінгі білім беру ұйымы (бұдан әрі – ЖЖОКБҰ).
4. МЖӘ жобасын іске асыру конкурстық негізде жекеше әріптесті айқындау жолымен жүзеге асырылады. МЖӘ жобасын жоспарлау кезінде бір МЖӘ жобасының кезеңдерін бірнеше МЖӘ жобаларына бөлуге жол берілмейді.
5. МЖӘ жобасы мынадай базалық параметрлерде жүзеге асырылады:
1) мемлекеттік-жекешелік әріптестік шартына (бұдан әрі – МЖӘ Шарты) сәйкес МЖӘ объектісінде ЖЖОКБҰ студенттерінің, магистранттары мен докторанттарының тұруы үшін жаңадан енгізілетін орындардың жалпы саны кемінде 500 (бес жүз) орын;
2) бір орынды салу құны МЖӘ объектісінің жобалық қуатын ескере отырып, Қазақстан Республикасының заңнамасында белгіленген тәртіппен нормативтік техникалық құжаттарға сәйкес тиісті өңірдің ірілендірілген сметалық нормативтерінде белгіленген құннан аспайды;
3) жекеше әріптеске Қазақстан Республикасының заңнамасына сәйкес жер учаскесіне уақытша өтеусіз жер пайдалану құқығын беру және ол болмаған жағдайда МЖӘ объектісіне тиісті инженерлік-коммуникациялық инфрақұрылымды жүргізу;
4) МЖӘ объектісін пайдалануға бергеннен кейін жекеше әріптестің меншігіне берілетін коммерциялық үй-жайларды қоспағанда, МЖӘ объектісін салудың нөлдік циклі аяқталғаннан кейін МЖӘ жобасының инвестициялық кезеңінде МЖӘ объектісін салудың сметалық құнының отыз пайызынан аспайтын мөлшерде бірлесіп қаржыландыру немесе жарналар;
5) МЖӘ Шарты 96 (тоқсан алты) ай мерзімге жасалады;
6) құрылысқа арналған жер учаскесіне үшінші тұлғалардың ауыртпалықтары мен талаптарының болмауы;
7) студенттерді, магистранттар мен докторанттарды жатақханалардағы орындармен қамтамасыз етуге мемлекеттік тапсырысты орналастыру үшін ЖЖОКБҰ мен жекеше әріптес арасында бірлескен қызмет туралы шарт (консорциум шарты) жасасу;
8) МЖӘ объектісін пайдалануға бергеннен кейін жекеше әріптестің меншігіне МЖӘ объектісінің он бес пайызын (бірінші және екінші қабаттарда орналасқан коммерциялық үй-жайлар) беру;
9) МЖӘ объектісі ЖЖОКБҰ-ның (тұрғын бөлмелерге, тамақ дайындауға арналған тиісті үй-жайларға, санитариялық тораптарға, душ бөлмелеріне, сондай-ақ жүріп-тұруға, спортпен шұғылдануға, демалуға және әлеуметтік өзара іс-қимылға арналған үй-жайларға арналған жатақхана ғимаратының жалпы алаңының сексен бес пайызы) және жекеше әріптестің (бірінші және екінші қабаттарда орналасқан коммерциялық үй-жайларға арналған жатақхана ғимаратының жалпы алаңының он бес пайызы) Қазақстан Республикасының заңнамасына сәйкес объектінің нысаналы мақсатының өзгермейтіндігіне ауыртпалық салумен;
10) МЖӘ объектісін жабдықтау және жарақтандыру (жиһаз, қатты және жұмсақ мүкәммал) Қазақстан Республикасының аумағында қолданылып жүрген санитариялық-эпидемиологиялық нормалар мен талаптарға сәйкес келеді;
11) Қазақстан Республикасының заңнамасына сәйкес ЖЖОКБҰ студенттерін, магистранттарын және докторанттарын жатақханалардағы орындармен қамтамасыз етуге мемлекеттік тапсырысты орналастыру шеңберінде пайдалану кезеңінде жүзеге асырылатын төлемдер;
12) жекеше әріптес МЖӘ объектісін жетпіс екі ай бойы пайдаланады.
Егер МЖӘ жобасының бастамашысы тиісті саланың орталық мемлекеттік органы немесе облыстың, республикалық маңызы бар қаланың және астананың жергілікті атқарушы органы болған жағдайда, ол инвестициялық кезеңде осы тармақтың 4) тармақшасында көзделген МЖӘ жобасын қоса қаржыландыруды жүзеге асырады.
Егер МЖӘ жобасының бастамашысы инвестициялық кезеңде ЖЖОКБҰ болса, оларға осы тармақтың 4) тармақшасында көзделген жарналар енгізіледі.
2-тарау. МЖӘ жобасының конкурстық құжаттамасын әзірлеу және бекіту тәртібі
6. Конкурсты ұйымдастырушы осы Қағидаларға 1-қосымшаға сәйкес нысан бойынша МЖӘ жобасының конкурстық құжаттамасын әзірлеуді жүзеге асырады. МЖӘ жобасының үлгілік конкурстық құжаттамасын келісу және сараптау талап етілмейді.
7. МЖӘ жобасының конкурстық құжаттамасы, оның ішінде оған тиісті өзгерістер және (немесе) толықтырулар енгізілген кезде, Заңда және осы Қағидаларда белгіленген тәртіппен қазақ және орыс тілдерінде әзірленеді.
8. МЖӘ жобасының конкурстық құжаттамасы Заңның 37-бабының 2-тармағына сәйкес осы Қағидаларға 1-қосымшаға сәйкес нысан бойынша ресімделеді.
9. Конкурсты ұйымдастырушы МЖӘ жобасының конкурстық құжаттамасын әзірлегеннен кейін МЖӘ жобасының конкурстық құжаттамасын конкурсты ұйымдастырушының бірінші басшысының, оны алмастыратын адамның не Заңның 37-бабының 1-тармағына сәйкес ол уәкілеттік берген адамның шешімімен бекітіледі.
10. МЖӘ жобасының конкурстық құжаттамасының қолданылу мерзімі бекітілген күннен бастап 3 (үш) жылдан аспайды.
3-тарау. Конкурстық негізде жекеше әріптесті айқындау тәртібі
1-параграф. Жекеше әріптесті айқындау бойынша конкурс өткізу
11. Конкурсты тиісті саланың орталық мемлекеттік органы не облыстың, республикалық маңызы бар қаланың және астананың жергілікті атқарушы органы не ЖЖОКБҰ ұйымдастырады.
12. Конкурсты ұйымдастырушы жекеше әріптесті айқындау үшін конкурстық комиссия (бұдан әрі – Комиссия) құрады.
13. Комиссия төрағадан және Комиссия мүшелерінің тақ санынан тұрады, бірақ Комиссия төрағасын қоса алғанда, кемінде 7 (жеті) адамнан тұрады.
14. Комиссия құрамына мүдделі мемлекеттік органдар мен ұйымдардың өкілдері, сондай-ақ Қазақстан Республикасы Ұлттық кәсіпкерлер палатасының өкілдері кіреді.
15. Комиссия төрағасы конкурсты ұйымдастырушының бірінші басшысы болып табылады.
16. Комиссия хатшысы құрылымдық бөлімше басшысының орынбасарынан төмен емес конкурсты ұйымдастырушының өкілі болып табылады.
17. Комиссия мынадай функцияларды жүзеге асырады:
1) әлеуетті жекеше әріптесті конкурсқа қатысушы деп тану туралы шешім қабылдау, ол МЖӘ жобасы бойынша жекеше әріптесті айқындау жөніндегі конкурсқа қатысуға рұқсат беру туралы хаттамамен ресімделеді;
2) конкурсқа қатысушылардың конкурстық өтінімдерін қарау;
3) үздік конкурстық өтінімді айқындау;
4) конкурстық өтінімі үздік деп танылған әлеуетті жекеше әріптеспен не жалғыз әлеуетті жекеше әріптеспен МЖӘ шартының талаптарын нақтылау жөнінде келіссөздер жүргізу;
5) өтініш берушіні жекеше әріптесті айқындау жөніндегі конкурстың жеңімпазы деп тану;
6) конкурсты өтпеді деп тану.
18. Комиссия шешімдері мемлекеттік-жекешелік әріптестік веб-порталында (бұдан әрі – МЖӘ веб-порталы) қолданылатын хаттамалармен ресімделеді.
Комиссияның шешімі дауыс беру арқылы қабылданады және егер оған Комиссия мүшелерінің жалпы санының көпшілік дауысы берілсе, қабылданды деп есептеледі. Дауыстар тең болған жағдайда Комиссия төрағасы дауыс берген шешім қабылданды деп есептеледі.
Комиссия шешімімен келіспеген жағдайда осы Комиссияның кез келген мүшесі ерекше пікір білдіреді, ол Комиссия отырысы өткізілген күннен бастап 3 (үш) жұмыс күні ішінде Комиссия хатшысына жіберіледі және хаттамаға қоса беріледі. Комиссия отырысы, егер оған Комиссия мүшелерінің жалпы санының кемінде үштен екісі қатысса, заңды (кворумы бар) болып саналады. Комиссия отырыстарының хаттамаларына комиссия мүшелері, сондай-ақ Комиссия хатшысы электрондық түрде қол қояды.
Комиссия төрағасы отырыста болмаған жағдайда Комиссия отырысы өткізілмейді.
19. Жекеше әріптесті айқындау бойынша конкурс өткізу мынадай дәйекті іс шараларды орындауды көздейді:
1) конкурсты ұйымдастырушының өзінің интернет-ресурсында және МЖӘ веб-порталында осы Қағидаларға 1-қосымшаға сәйкес нысан бойынша жекеше әріптесті айқындау жөніндегі конкурсты және МЖӘ жобасының конкурстық құжаттамасын өткізу туралы хабарламаны қазақ және орыс тілдерінде орналастыруы;
2) әлеуетті жекеше әріптестің конкурстық өтінімді енгізуі, сондай-ақ конкурстық өтінімді қамтамасыз етуі;
3) Комиссияның конкурстық өтінімдерді қарауы;
4) МЖӘ жобасын және МЖӘ шартының талаптарын нақтылау жөніндегі келіссөздердің тиісті хаттамасын ресімдей отырып, конкурстық өтінімі үздік деп танылған әлеуетті жекеше әріптеспен комиссияның келіссөздер жүргізуі;
5) байқау жеңімпазын анықтау.
2-параграф. Жекеше әріптесті айқындау бойынша конкурс өткізу туралы хабарлама және конкурстық құжаттаманы ұсыну
20. Жекеше әріптесті айқындау жөніндегі конкурсты өткізу туралы хабарламаны конкурсты ұйымдастырушы МЖӘ веб-порталында қалыптастырады.
Хабарлама Конкурсты ұйымдастырушының ресми интернет-ресурсында қазақ және орыс тілдерінде жекеше әріптесті айқындау жөніндегі конкурс өткізілетін күнге дейін кемінде 20 (жиырма) жұмыс күні бұрын, ал жекеше әріптесті айқындау жөніндегі қайталама конкурс өткізілген кезде – кемінде 15 (он бес) жұмыс күні бұрын қосымша орналастырылады.
21. Конкурс бұрын бекітілген конкурстық құжаттаманың негізінде, бірақ конкурс өтпеді деп танылған күннен бастап күнтізбелік бір жылдан кешіктірілмей өткізіледі.
Бұл жағдайда көрсетілген мерзімдер МЖӘ веб-порталында хабарлама алғаш жарияланған күннен бастап есептеледі.
22. Жекеше әріптесті айқындау бойынша конкурс өткізу туралы хабарламаны орналастырумен бір мезгілде конкурсты ұйымдастырушы жүктеуге еркін қол жеткізуді қамтамасыз ете отырып, өзінің интернет-ресурсында және МЖӘ веб-порталында конкурстық құжаттаманы орналастырады.
3-параграф. Конкурстық өтінім
23. Конкурстық өтінім әлеуетті жекеше әріптестің МЖӘ үлгілік шарты талаптарында МЖӘ шартын жасасуға келісімін қоса алғанда, конкурстық құжаттамада белгіленген талаптармен және шарттармен келісімін білдіру нысаны болып табылады.
24. Конкурстық өтінімдер МЖӘ жобасының конкурстық құжаттамасында көрсетілген оларды ұсынудың соңғы мерзімі өткенге дейін енгізіледі.
25. Конкурстық өтінім растайтын құжаттарды тіркей отырып, МЖӘ веб-порталында толтырылады, электрондық цифрлық қолтаңбамен қол қойылады және МЖӘ веб-порталы арқылы конкурсты ұйымдастырушыға беріледі.
26. Белгіленген мерзім өткеннен кейін ұсынылған конкурстық өтінімдер конкурс шеңберінде қаралмайды.
27. Әлеуетті жекеше әріптес конкурстық өтінімдерді ұсыну мерзімі аяқталғаннан кешіктірмей:
1) енгізілген конкурстық өтінімді өзгерте және (немесе) толықтыра алады;
2) ол енгізген конкурстық өтінімді қамтамасыз етуді қайтарып алып, өзінің конкурстық өтінімін кері қайтарып алады.
28. Әлеуетті жекеше әріптестің конкурстық өтінімі:
1) әлеуетті жекеше әріптес бұрын жекеше әріптесті айқындау бойынша осы конкурсқа қатысуға конкурстық өтінім берген болатын;
2) конкурстық өтінім жекеше әріптесті айқындау бойынша осы конкурсқа қатысуға конкурстық өтінімдерді қабылдау мерзімі өткеннен кейін келіп түскен жағдайларда қабылданбауға жатады.
29. Конкурстық өтінімнің қолданылу мерзімі конкурстық құжаттамада белгіленген мерзімге сәйкес келеді.
30. Конкурстық өтінімді қамтамасыз етуді әлеуетті жекеше әріптес өзінің:
1) конкурстық өтінімдерді ұсыну мерзімі өткеннен кейін өзінің конкурстық өтінімін қайтармайды не өзгертпейді және (немесе) толықтырмайды;
2) жекеше әріптесті айқындау жөніндегі конкурстың жеңімпазы болып айқындалған жағдайда МЖӘ шартын жасасу.
31. Жекеше әріптесті айқындау жөніндегі конкурсқа қатысуға конкурстық өтінімді қамтамасыз ету МЖӘ жобасы құнының оннан бір пайызы мөлшерінде енгізіледі.
32. Әлеуетті жекеше әріптес конкурстық өтінімді қамтамасыз етудің мынадай түрлерінің бірін таңдайды:
1) конкурсты ұйымдастырушы үшін Қазақстан Республикасының заңнамасында көзделген шотқа енгізілетін кепілдік ақшалай жарна;
2) банк кепілдігі.
Әлеуетті жекеше әріптестің үшінші тұлғаларда оның конкурстық өтінімінің қолданылу мерзімі өткенге дейін енгізілген кепілдік ақшалай жарнаға тұтастай не оның бір бөлігінде талап ету құқығының туындауына әкеп соғатын іс-әрекеттер жасауына жол берілмейді.
Осы Қағидалардың 38-тармағында көрсетілген әрекеттерді қоспағанда, конкурсты ұйымдастырушының әлеуетті жекеше әріптес енгізген кепілдік ақшалай жарнаны пайдалануына жол берілмейді.
33. Конкурстық өтінімді қамтамасыз етуді конкурсты ұйымдастырушы мынадай жағдайлардың бірі басталған кезде қайтармайды:
1) әлеуетті жекеше әріптес конкурстық өтінімдерді ұсынудың соңғы мерзімі өткеннен кейін конкурстық өтінімді кері қайтарып алды не өзгертті және (немесе) толықтырды;
2) конкурстың жеңімпазы болып айқындалған әлеуетті жекеше әріптес МЖӘ шартын жасасудан жалтарған.
34. Осы Қағидалардың 38-тармағында көзделген жағдайлардың бірі басталған кезде конкурстық өтінімді қамтамасыз ету сомасы конкурсты ұйымдастырушының кірісіне есептеледі.
35. Конкурсты ұйымдастырушы әлеуетті жекеше әріптеске өзі енгізген конкурстық өтінімді қамтамасыз етуді мынадай жағдайлардың бірі басталған күннен бастап 3 (үш) жұмыс күні ішінде қайтарады:
1) Конкурсты ұйымдастырушы әлеуетті жекеше әріптеске өзі енгізген конкурстық өтінімді қамтамасыз етуді мынадай жағдайлардың бірі басталған күннен бастап 3 (үш) жұмыс күні ішінде қайтарады:
2) жекеше әріптесті айқындау жөніндегі конкурсқа қатысуға рұқсат беру туралы хаттамаға қол қойылған жағдайда. Аталған жағдай жекеше әріптесті айқындау жөніндегі конкурсқа қатысушылар деп танылған әлеуетті жекеше әріптестерге қолданылмайды;
3) жекеше әріптесті айқындау жөніндегі конкурстың қорытындылары туралы хаттамаға қол қойылған жағдайда. Көрсетілген жағдай жекеше әріптесті айқындау жөніндегі конкурс жеңімпазы болып айқындалған жекеше әріптесті айқындау жөніндегі конкурсқа қатысушыға қолданылмайды;
4) МЖӘ шартының күшіне енуі;
5) әлеуетті жекеше әріптестің конкурстық өтінімінің қолданылу мерзімінің аяқталауы.
4-параграф. Конкурстық өтінімдерді қарау
36. Конкурстық өтінімдерді қарауды Комиссия конкурстық құжаттамада белгіленген үздік конкурстық өтінімді іріктеу өлшемшарттарын ескере отырып жүзеге асырады.
37. Комиссия конкурстық өтінімдерді МЖӘ жобасының конкурстық құжаттамасында көрсетілген мерзімде қарайды.
38. Конкурсқа қатысушылардың конкурстық өтінімдерін қарау кезінде:
1) конкурсты ұйымдастырушы осы конкурс бойынша, оның ішінде:
комиссия құрамы;
конкурстық құжаттаманы алған әлеуетті жекеше әріптестердің саны;
белгіленген мерзімде конкурстық өтінімдер ұсынған әлеуетті жекеше әріптестер туралы ақпарат қалыптастырады;
2) жобаның конкурстық құжаттамасында көрсетілген мерзімде конкурстық өтінімдерді ашу жүзеге асырылады.
39. Комиссия барлық конкурстық өтінімдерді, оның ішінде бір ғана конкурстық өтінімді ұсынған кезде қарайды.
40. Конкурсқа қатысушылардың конкурстық өтінімдерін қарау кезінде Комиссия:
1) конкурстық өтінімдерді толықтығы және тиісті ресімделуі тұрғысынан зерделейді;
2) конкурсқа қатысушыларға конкурстық өтінімдерді қарауды, бағалауды және салыстыруды жеңілдету үшін олардың конкурстық өтінімдеріне байланысты материалдар мен түсініктемелер беру туралы сұрау салулар жібереді;
3) конкурстық өтінімдерде қамтылған мәліметтерді нақтылау мақсатында Комиссия тиісті мемлекеттік органдарға, жеке және заңды тұлғаларға қажетті ақпаратты беру туралы сұрау салулар жібереді;
4) конкурстық өтінімдер ашылған күннен бастап 5 (бес) жұмыс күні ішінде МЖӘ веб-порталында жасалған МЖӘ жобасы бойынша конкурстық өтінімдерді алдын ала қарау хаттамасына қол қояды.
Конкурстық өтінімдерді алдын ала қарау хаттамасында:
конкурстық құжаттаманың талаптарына сәйкес конкурстық өтінімдер берген әлеуетті жекеше әріптестердің тізбесі;
өтінімдері ресімдеу бөлігінде конкурстық құжаттаманың талаптарына сәйкес келмейтін әлеуетті жекеше әріптестердің тізбесі;
конкурстық құжаттаманың талаптарына сәйкес ұсынылуы және (немесе) келтірілуі қажет құжаттардың тізбесі;
құжаттарды ұсыну мерзімі, бірақ 5 (бес) жұмыс күнінен аспайды.
Конкурстық өтінімдерді алдын ала қарау хаттамасы МЖӘ веб-порталында жарияланады. Әлеуетті жекеше әріптес хаттамада белгіленген мерзімнен кейін ұсынған құжаттама қабылданбайды. Конкурстық өтінімдерді алдын ала қарау хаттамасының талаптарын орындау барысында енгізілген конкурстық өтінімнің мазмұнын өзгертуге және (немесе) толықтыруға жол берілмейді;
5) үздік конкурстық өтінімді айқындау критерийлеріне сәйкес 5 (бес) жұмыс күні ішінде конкурстық өтінімдерді бағалайды;
6) үздік конкурстық өтінімді анықтайды.
41. Конкурстық өтінімі үздік деп танылған әлеуетті жекеше әріптеспен комиссия МЖӘ жобасын және МЖӘ шартының талаптарын нақтылау бойынша келіссөздер жүргізеді.
42. Келіссөздер жүргізуге дайындық кезеңінде МЖӘ жобасы мен МЖӘ шарты бойынша ескертулер мен ұсыныстарды комиссия әлеуетті жекеше әріптеске конкурстық өтінімде көрсетілген электрондық мекенжайға жазбаша нысанда жібереді. Келіссөздер жүргізу қорытындысы бойынша Комиссия шешім қабылдайды. Келіссөздер барысында жекеше әріптесті айқындау жөніндегі Конкурс шарттарына өзгерістер енгізуге жол берілмейді.
43. Егер конкурстық өтінімі үздік деп танылған әлеуетті жекеше әріптес комиссияның ескертулері мен ұсыныстарына сәйкес конкурстық өтінімді және МЖӘ шартының талаптарын талқылаудан және нақтылаудан бас тартса не оның ұсыныстары жекеше әріптесті айқындау жөніндегі конкурс талаптары тұрғысынан қолайсыз болып табылса, онда комиссия бұл конкурстық өтінімді қарамайды және үздік конкурстық өтінімді қайта таңдайды.
Комиссияның мұндай конкурстық өтінімді үздік деп тану туралы шешімі жойылады және осы әлеуетті жекеше әріптес конкурстың жеңімпазы болып танылмайды. Комиссия конкурсқа ұсынылған басқа конкурстық өтінімдердің ішінен үздік конкурстық өтінімді қайта таңдайды. Мұндай конкурстық өтінімдер болмаған не қалған конкурстық өтінімдер конкурстық құжаттаманың талаптарына сәйкес келмеген жағдайда, конкурс өткізілмеді деп танылады.
44. Конкурс:
1) егер белгіленген мерзімде конкурсты ұйымдастырушыға конкурстық өтінімдер түспеген жағдайда;
2) егер барлық ұсынылған конкурстық өтінімдер не жалғыз конкурстық өтінім конкурстық құжаттаманың талаптарына сәйкес келмеген жағдайда;
3) осы Қағидалардың 48-тармағында көзделген жағдайда өтпеді деп танылады.
45. Жекешелік әріптесті айқындау жөніндегі конкурстың қорытындысы бойынша Комиссияның шешімімен үздік конкурстық өтінім айқындалады, ал өтініш беруші жекеше әріптесті айқындау жөніндегі конкурстың жеңімпазы болып танылады. Комиссияның шешімі МЖӘ жобасы бойынша жекеше әріптесті айқындау жөніндегі конкурстың қорытындылары туралы хаттамамен ресімделеді.
4-тарау. МЖӘ шартын жасасу тәртібі
1-параграф. Жалпы ережелер
46. Жекеше әріптес ЖЖОКБҰ-мен консорциум шартын жасайды.
Консорциум шарты МЖӘ шартының ажырамас бөлігі болып табылады, бұл ретте осы Қағидалардың 5-тармағының 5), 7), 8), 9), 10) және 11) -тармақшаларында және 63-тармағында көзделген міндетті шарттарды қоспағанда, жекеше әріптес пен ЖЖОКБҰ дербес айқындайды.
47. Конкурсты ұйымдастырушы МЖӘ жобасының қаржы-экономикалық моделін толтырады және оны МЖӘ веб-порталына орналастырады.
48. МЖӘ шарты консорциум шарты жасалғаннан кейін осы Қағидаларда белгіленген жағдайларда жекеше әріптесті айқындау жөніндегі конкурс нәтижелері негізінде жасалады.
49. МЖӘ шарты осы Қағидаларға 2-қосымшаға сәйкес нысан бойынша ресімделеді;
2) ЖЖОКБҰ МЖӘ шартын осы Қағидаларға 6-қосымшаға сәйкес нысан бойынша ресімдейді.
50. МЖӘ-ның үлгілік шартын келісу және сараптау талап етілмейді.
51. МЖӘ шартын жасасу мерзімі жекеше әріптесті айқындау жөніндегі конкурстың қорытындылары шығарылған күннен бастап күнтізбелік 30 (отыз) күнді құрайды.
52. МЖӘ шартының тараптары мемлекеттік әріптес және жекеше әріптес болып табылады.
53. МЖӘ шарты бойынша қолданылатын құқықты, егер Қазақстан Республикасының бейрезиденті жекеше әріптес болып табылған жағдайда, МЖӘ шартының тараптары айқындайды.
54. МЖӘ шарты қазақ және орыс тілдерінде жасалады.
МЖӘ шарты МЖӘ шарты тараптарының келісімі бойынша айқындалған тілдерде қосымша жасалады.
55. МЖӘ шартының қолданылу мерзімі МЖӘ шартында айқындалған тәртіппен сот шешімі бойынша:
1) МЖӘ шартының тараптарына байланысты емес мән-жайлар нәтижесінде МЖӘ жобасы кідірген немесе тоқтаған;
2) мемлекеттік әріптестің және (немесе) мемлекеттік органдардың әрекеттері немесе әрекетсіздігі нәтижесінде МЖӘ жобасы тоқтаған;
3) мемлекеттік әріптес МЖӘ шартында көзделмеген талаптарды қою нәтижесінде МЖӘ жобасын іске асыруға байланысты шығыстар ұлғайған жағдайларда ұзартылады.
2-параграф. МЖӘ шартының өзге де талаптары
56. МЖӘ шарты бойынша жекеше әріптестің талабын басқаға беруге және борышын ауыстыруға мемлекеттік әріптестің жазбаша келісімі және жекеше әріптестің құқықтары мен міндеттері ауысатын адамның жалпы және қосымша (арнайы) біліктілік талаптарына сәйкестігі жағдайында ғана жол беріледі.
57. Жекеше әріптес МЖӘ объектісінің нысаналы мақсатының өзгермейтіндігіне ауыртпалықты алып тастамай, егер Қазақстан Республикасының заңдарында өзгеше белгіленбесе, мемлекеттік әріптестің жазбаша келісімімен ғана МЖӘ шарты бойынша өз құқықтарын кепілге береді.
58. Инвестициялық кезеңде жекеше әріптес қатарынан 6 (алты) ай ішінде МЖӘ шартының талаптарын орындамаған жағдайда, мемлекеттік әріптес біржақты тәртіппен МЖӘ шартындағы Тарапты осы Қағидалардың 62-тармағында көзделген тәртіппен қайтадан өткізілген конкурс қорытындылары бойынша айқындалған жаңа жекеше әріптеске ауыстыру жолымен жекеше әріптеспен МЖӘ шартын мерзімінен бұрын бұзады.
59. Пайдалану кезеңінде жекеше әріптес МЖӘ объектісіндегі үлесті иеліктен шығарған жағдайда, жекеше әріптес мемлекеттік әріптеспен келісім бойынша МЖӘ объектісіне техникалық қызмет көрсетуге кепілдік негізінде жекеше әріптеске қойылатын біліктілік талаптарына сәйкес келетін МЖӘ шартының және Консорциум шартының талаптарын орындауға жаңа жекеше әріптес тарту арқылы консорциум шартындағы тарапты ауыстыруды жүзеге асырады. Мемлекеттік әріптес МЖӘ шартындағы жекеше әріптесті жаңа жекеше әріптеске ауыстыруды жүзеге асырады. Жаңа жекеше әріптес консорциум шартында Тарапты оның қатысушыларымен ауыстыру туралы консорциум шартына қосымша келісім жасайды.
ЖЖОКБҰ жекеше әріптестің МЖӘ объектісіндегі үлесті сатып алу құқығын үшінші тұлғалар алдында басым пайдаланады. Егер МЖӘ объектісіндегі үлесті ЖЖОКБҰ МЖӘ объектісіндегі үлесті сату туралы жекеше әріптес хабарлама жіберген күннен бастап бір ай ішінде ЖЖОКБҰ сатып алмаса, жекеше әріптес үлесті үшінші тұлғаға сатады.
МЖӘ шарты бойынша жекеше әріптесті ауыстыру Қазақстан Республикасының заңнамасына сәйкес осы Қағидалардың 60-тармағында көзделген тәртіппен жүзеге асырылады.
60. Пайдалану кезеңінде жекеше әріптес:
1) студенттерді, магистранттар мен докторанттарды жатақханалардағы орындармен қамтамасыз етуге мемлекеттік тапсырысты орналастыру шеңберінде қызметтер көрсетуді;
2) МЖӘ объектісіне техникалық қызмет көрсету және мүліктің сақталуы;
3) МЖӘ объектісін ағымдағы жөндеуді;
4) коммуналдық төлемдерді төлеуді;
5) өртке қарсы және санитариялық нормалардың, сондай-ақ Қазақстан Республикасының заңнамасында белгіленген МЖӘ объектісіне қолданылатын міндетті талаптардың сақталуын бақылауды қамтамасыз етеді.
Мемлекеттік әріптес Қағидалардың осы тармағының бірінші бөлігінде көзделген талаптарды бұзған жағдайда жекеше әріптеспен МЖӘ шартын бұзады.
61. МЖӘ шарты бұзылған жағдайда, жекеше әріптес студенттерді, магистранттар мен докторанттарды жатақханалардағы орындармен қамтамасыз етуге мемлекеттік тапсырысты орналастыруға байланысты бюджет қаражаты есебінен шеккен шығыстарды 270 (екі жүз жетпіс) күнтізбелік күн ішінде республикалық бюджетке қайтарады.
3-параграф. Жекеше әріптесті ауыстыру тәртібі
62. Инвестициялық кезеңде жекеше әріптес қатарынан 6 (алты) ай ішінде МЖӘ шартының талаптарын орындамаған жағдайда, МЖӘ шарты бұзылған кезде жекеше әріптесті мемлекеттік әріптеспен ауыстыру мынадай тәртіппен жүзеге асырылады:
1) мемлекеттік әріптес қатарынан 6 (алты) ай өткеннен кейінгі күні жаңа жекеше әріптесті айқындау жөніндегі конкурс өткізу туралы шешім қабылдайды;
2) мемлекеттік әріптес осы Қағидалардың 3-тарауында көзделген тәртіппен конкурс қорытындылары бойынша жаңа жекеше әріптесті айқындайды.
МЖӘ шарты шеңберінде жаңа жекеше әріптесті айқындау жөніндегі конкурсты мемлекеттік әріптес 2 (екі) реттен артық өткізбейді;
3) жекеше әріптес жер учаскесін қайтаруды жүзеге асырады;
4) мемлекеттік әріптес жекеше әріптес орналастырған кепілдік сомасына өндіріп алуды қолданады;
5) жекеше әріптес Қағидалардың осы тармағының 7) тармақшасына сәйкес шығындары өтелуге жататын аяқталмаған құрылыс объектісін мемлекеттік әріптеске береді;
6) мемлекеттік әріптес жаңа жекеше әріптеспен МЖӘ шартын жасасады;
7) жаңа жекеше әріптес консорциумның ЖЖОКБҰ-мен шарттағы тарапты ауыстыру туралы шартына қосымша келісім жасайды. МЖӘ объектісін салу бойынша алдыңғы жекеше әріптес жүргізген және орындалған жұмыстар актісімен расталған күрделі шығындар сомасының 100%-ын 270 (екі жүз жетпіс) күнтізбелік күн ішінде алдыңғы жекеше әріптеске жаңа жекеше әріптестің төлем консорциум шартында тарапты ауыстыру туралы қосымша келісімнің міндетті шартын жүргізу болып табылады;
8) мемлекеттік әріптес жаңа жекеше әріптеске МЖӘ объектісі бар жер учаскесін береді.
63. Пайдалану кезеңінде жекеше әріптес МЖӘ объектісіндегі үлесті иеліктен шығарған жағдайда консорциум шартында және МЖӘ шартында тарапты ауыстыру мынадай тәртіппен жүзеге асырылады:
1) МЖӘ объектісіндегі өз үлесін сатуды жоспарлап отырған жекеше әріптес болжамды баға мен сату шарттарын көрсете отырып, өзінің ниеті туралы ЖЖОКБҰ-ға жазбаша хабарлама жібереді;
2) МЖӘ объектісіндегі өз үлесін сатуды жоспарлап отырған жекеше әріптес өзінің ниеті мен жоспарланып отырған жекеше әріптесі туралы Мемлекеттік әріптеске жазбаша хабарлама жібереді;
3) мемлекеттік әріптес 10 (он) жұмыс күні ішінде жекеше әріптесті ауыстыруға келіседі немесе негізді түрде бас тартады.
Жекеше әріптес мемлекеттік әріптес ауыстырудан бас тартқан жағдайда жекеше әріптесті ауыстыруға қайта келіседі;
4) жаңа жекеше әріптес консорциум қатысушыларымен мемлекеттік әріптес келіскен күннен бастап 5 (бес) жұмыс күні ішінде шартта тарапты ауыстыру туралы консорциум шартына қосымша келісім жасасады;
5) жекеше әріптес консорциум шарты жасалған күннен бастап 5 (бес) жұмыс күні ішінде жер учаскесі бар МЖӘ объектісіндегі үлесті жаңа жекеше әріптеске береді;
6) мемлекеттік әріптес жаңа жекеше әріптеспен және алдыңғы жекеше әріптеспен МЖӘ шартында мемлекеттік әріптес келіскен күннен бастап 10 (он) жұмыс күні ішінде тарапты ауыстыру туралы МЖӘ шартына қосымша келісім жасасады;
7) жаңа жекеше әріптес мемлекеттік әріптеске МЖӘ шартының мерзімі аяқталғанға дейін МЖӘ объектісіне техникалық қызмет көрсетуге кепілдік береді.
4-параграф. Консорциум шартының маңызды талаптары
64. Консорциум шартының маңызды талаптары:
1) консорциумдағы ЖЖОКБҰ үлесін сексен бес пайыз мөлшерінде айқындау;
3) МЖӘ объектісін сақтау Қазақстан Республикасының заңнамасында көзделген тәртіппен объектінің нысаналы мақсатының өзгермейтіндігіне ауыртпалық сала отырып, жекеше әріптес пен ЖЖОКБҰ-ның үлестік меншігінде қалады;
4) Қазақстан Республикасының заңнамасына сәйкес ЖЖОКБҰ студенттерін, магистранттарын және докторанттарын жатақханалардағы орындармен қамтамасыз етуге мемлекеттік тапсырысты орналастыру шеңберінде пайдалану кезеңінде жүзеге асырылатын төлемдерді жекеше әріптестің алуы;
5) қосымша өтеулі қызметтер түрлерін айқындау (оның ішінде, бірақ онымен шектелмей, студенттердің, магистранттар мен докторанттардың жайлы тұруы мен демалуы үшін коммерциялық үй-жайларды мүліктік жалдау (тамақтану аймақтары, спорт аймағы, тұрмыстық қызметтер аймағы);
6) консорциум шартының талаптарына сәйкес жекеше әріптестің МЖӘ объектісін пайдалануға беруді және МЖӘ объектісін ЖЖОКБҰ-ның үлестік меншігіне беруді қамтамасыз етуі;
7) жекеше әріптестің Қазақстан Республикасының заңнамасына сәйкес жер учаскесіне уақытша өтеусіз жер пайдалану шартын жасасуы;
9) студенттерді, магистранттар мен докторанттарды жатақханалардағы орындармен қамтамасыз етуге мемлекеттік тапсырысты орналастыру шеңберінде қызметтер көрсету;
10) консорциум шарты тоқсан алты ай мерзімге жасалады.
| Жекеше әріптесті айқындау және мемлекеттік-жекешелік әріптестік шартын жасасу қағидаларына 1-қосымша |
|
| Нысан |
Мемлекеттік-жекешелік әріптестік жобасының үлгілік конкурстық құжаттамасы
Мемлекеттік-жекешелік әріптестік жобасының атауы (бұдан әрі - МЖӘ жобасы):
"Студенттердің, магистранттар мен докторанттардың тұруы үшін
________________________________________________________________
__________________________
(жоғары және (немесе) жоғары оқу орнынан кейінгі білім беру ұйымының (бұдан әрі – ЖЖОКБҰ) атауы көрсетілсін) ___
орындық______________________________________________ жатақхана
салу және пайдалануға беру". (елді мекеннің атауын көрсету)
Мемлекеттік-жекешелік әріптестік объектісінің (бұдан әрі – МЖӘ объектісі)
орналасқан жері:
______________________________________________________________
(МЖӘ объектісінің орналасқан жері көрсетіледі)
Мемлекеттік әріптес:
_______________________________________________________________
(мемлекеттік әріптестің толық атауын, орналасқан жерін, бизнес-сәйкестендіру нөмірін, банкдеректемелерін көрсету)
Конкурсты ұйымдастырушы:
_______________________________________________________________
(конкурсты ұйымдастырушының толық атауын, орналасқан жерін, бизнес-сәйкестендіру нөмірін, банк деректемелерін көрсету)
Конкурстық құжаттама тегін беріледі.
1-тарау. Жалпы ережелер
1. МЖӘ жобасының осы үлгілік конкурстық құжаттамасы әлеуетті жекеше әріптеске олардың конкурсқа қатысу шарттары туралы толық ақпарат беру мақсатында әзірленді.
2. Конкурс МЖӘ жобасын іске асыру үшін жекеше әріптесті айқындау мақсатында өткізіледі.
3. МЖӘ жобасын сипаттау нысаны білім беру саласындағы МЖӘ жобасының үлгілік конкурстық құжаттамасына 1-қосымшада көрсетілген.
4. Ұйымдастырушы өткізетін конкурстың негізгі іс-шаралары МЖӘ жобасының үлгілік конкурстық құжаттамасына 2-қосымшада келтірілген.
5. МЖӘ объектісін салуға және пайдалануға қойылатын талаптар МЖӘ шартының жобасында келтірілген.
6. МЖӘ жобасын қаржыландыру:
1) МЖӘ объектісі құрылысының сметалық құнының отыз пайызынан аспайтын мөлшерде мемлекеттік әріптестің қаражаты;
2) жекеше әріптестің меншікті қаражаты;
3) Қазақстан Республикасының заңнамасында белгіленген тәртіппен қарызға алынған қаражат (қажет болған жағдайда) есебінен жүзеге асырылады.
Осы тармақтың 1) тармақшасында көзделген қаржыландыру МЖӘ объектісі пайдалануға берілгеннен кейін жекеше әріптестің меншігіне берілетін коммерциялық үй-жайларды қоспағанда жүзеге асырылады.
7. МЖӘ жобасының конкурстық құжаттамасы қазақ және орыс тілдерінде әзірленді.
МЖӘ жобасының конкурстық құжаттамасының қолданылу мерзімі оны бекіткен күннен бастап үш жылды құрайды.
8. Конкурсты ұйымдастырушы ғылым және жоғары білім саласындағы уәкілетті орган бекітетін Жекеше әріптесті айқындау және мемлекеттік – жекешелік әріптестік шартын жасасу қағидаларында көзделген тәртіппен жекеше әріптесті айқындау үшін конкурстық комиссия (бұдан әрі - Комиссия) құрады.
9. Осы МЖӘ жобасының конкурстық құжаттамасын қолдану мақсаттары үшін "Мемлекеттік-жекешелік әріптестік туралы" Қазақстан Республикасының Заңында (бұдан әрі – Заң) көзделген негізгі ұғымдар пайдаланылады.
2-тарау. МЖӘ жобасының үлгілік конкурстық құжаттамасының мазмұны
10. МЖӘ жобасының конкурстық құжаттамасы мынадай ақпаратты қамтиды:
1) әлеуетті жекеше әріптестің алдымен қойылатын біліктілік талаптарға сәйкестігін растайтын құжаттарға қойылатын талаптар МЖӘ жобасының үлгілік конкурстық құжаттамасына 3-қосымшаға сәйкес Тізбеге сәйкес ұсынылады;
2) МЖӘ жобасының сипаттамасын қамтитын ақпараттық парақ;
3) МЖӘ объектісінің орналасқан жері;
4) мемлекеттік қолдаудың болжамды түрлері мен көлемдері, сондай-ақ МЖӘ жобасы бойынша кірістер алу көздері;
5) МЖӘ шартының жобасы;
6) үздік конкурстық өтінімді айқындау өлшемшарттарының сипаттамасы;
7) МЖӘ жобасының параметрлері көрсетілуі тиіс валютаны (валюталарды) және оларды салыстыру және бағалау мақсатында бірыңғай валютаға келтіру үшін қолданылатын валюта (валюталар) бағамын көрсету;
8) конкурстық өтінімді ұсыну тіліне қойылатын талаптар;
9) әлеуетті жекеше әріптестің конкурстық өтінімдерді ұсыну мерзімі өткенге дейін өзінің конкурстық өтінімін өзгерту немесе кері қайтарып алу құқығына нұсқау;
10) конкурстық өтінімнің мазмұны, конкурстық өтінімдерді ұсыну тәсілі, орны, мерзімі және қолданысы, сондай-ақ конкурстық өтінімді қамтамасыз етуді енгізу шарттары;
11) МЖӘ жобасының конкурстық құжаттамасының мазмұны бойынша түсініктемелер алу тәсілдері;
12) конкурстық өтінімдерді қарау рәсімдері, орны, күні және уақыты;
13) келіссөздер барысында өзгерістер енгізуге жол берілмейтін конкурс шарттары.
3-тарау. Мемлекеттік қолдаудың түрлері мен көлемдері, сондай-ақ жекеше әріптестің кірістерін алу көздері
11. МЖӘ жобасын іске асыру кезеңінде жекеше әріптес білім беру саласындағы МЖӘ жобасының үлгілік конкурстық құжаттамасына 1-қосымшаға сәйкес МЖӘ жобасын сипаттай отырып, ақпараттық парақта көзделген мемлекеттік қолдаудың түрлері мен көлемін алады.
12. Мемлекеттік қолдау шараларын төлеу және табыс алу мөлшері, тәртібі мен мерзімдері МЖӘ шартында белгіленеді.
4-тарау. Конкурстық өтінім және қамтамасыз етуі
13. Конкурстық өтінім әлеуетті жекеше әріптестің конкурстық құжаттамада белгіленген талаптар және шарттармен келісімін білдіру нысаны болып табылады.
14. Конкурстық өтінімдер МЖӘ жобасының осы конкурстық құжаттамаға 2-қосымшасында көрсетілген оларды ұсынудың соңғы мерзімі өткенге дейін енгізіледі.
15. Жекеше әріптесті айқындау жөніндегі конкурсқа қатысуға конкурстық өтінімді қамтамасыз ету ғылым және жоғары білім саласындағы уәклетті орган бекітетін Жекеше әріптесті айқындау және мемлекеттік-жекешелік әріптестік шартын жасасу қағидаларында көзделген тәртіппен жүзеге асырылады.
16. МЖӘ жобасының құны конкурстық құжаттамада айқындалады.
5-тарау. Конкурсқа қатысу үшін ұсынылатын құжаттарды ресімдеу және енгізу тәртібі
17. Конкурстық өтінімді әлеуетті жекеше әріптес жекеше әріптесті айқындау жөніндегі конкурсты өткізу туралы хабарламада көрсетілген тәртіппен электрондық түрде ұсынады.
18. Конкурсқа қатысуға өтінімдерді конкурсты ұйымдастырушыға әлеуетті жекеше әріптестер не олардың уәкілетті өкілдері ұсынады.
19. Конкурсты ұйымдастырушы:
1) әлеуетті жекеше әріптестің атынан конкурстық өтінім берген әлеуетті жекеше әріптес өкілінің өкілеттіктерін құжаттамалық растаудың болуын тексереді;
2) конкурстық өтінімдерді ұсынудың соңғы мерзімі өткенге дейін енгізілген конкурстық өтінімге өзгерістер мен толықтыруларды қабылдайды;
3) конкурстық өтінімдерді берудің соңғы мерзімі өткенге дейін оны қайтарып алған жағдайда, конкурстық өтінімді қайтаруды қамтамасыз етеді.
6-тарау. Конкурстық өтінімді құрайтын құжаттарды және конкурсқа ұсынылатын құжаттарды жасау тіліне қойылатын талаптар
20. Әлеуетті жекеше әріптестің конкурстық өтінімі және конкурсқа ұсынылатын барлық өзге де құжаттар Қазақстан Республикасының тіл туралы заңнамасына сәйкес мемлекеттік және орыс тілдерінде ұсынылуға тиіс.
21. Құжаттар мемлекеттік және орыс тілдеріне апостиль қойылған немесе заңдастырылған аударма қоса берілген жағдайда басқа тілде жасалуы және ұсынылуы мүмкін (олай болмаған жағдайда құжат ұсынылмады деп танылады).
22. Құжат бойынша ақпаратты түсіндіруге қатысты келіспеушіліктер болған жағдайда қазақ тілдегі құжаттар басымдыққа ие болады.
7-тарау. Конкурстық өтінімде есеп айырысу үшін пайдаланылатын валютаға қойылатын талаптар
23. Конкурстық өтінімде көрсетілген барлық қаржылық көрсеткіштер Қазақстан Республикасының ұлттық валютасында есептеледі.
Егер конкурстық өтінімде немесе конкурстық өтінімге қоса берілген құжаттарда қандай да бір мәліметтер өзге валютада көрсетілсе, Комиссия көрсетілген сомаларды салыстыру және бағалау мақсатында конкурстық өтінімдерді ашу күніне Қазақстан Республикасы Ұлттық банкінің бағамы бойынша Қазақстан Республикасының ұлттық валютасында қайта есептейді.
8-тарау. Конкурстық өтінімдерді берудің соңғы мерзімі
24. Конкурстық өтінімдерді ұсынудың соңғы мерзімі - Астана қаласының (Қазақстан Республикасы) уақыты бойынша сағат_ : 00-ге дейін) 20___жылы "___"__________.
9-тарау. Конкурстық өтінімнің қолданылу мерзімі
25. Конкурстық өтінімді қамтамасыз етуді қоса алғанда, конкурстық өтінімнің қолданылу мерзімі конкурстық өтінімдер қаралған күннен бастап кемінде күнтізбелік 90 (тоқсан) күнді құрайды.
26. Конкурстық өтінімнің қолданылу мерзімі конкурстық өтінімді қамтамасыз етудің қолданылу мерзімінен аспауға тиіс. Асып кеткен жағдайда конкурстық өтінім қабылданбайды.
27. Егер конкурстық өтінімнің қолданылу мерзімі аяқталғанға дейін мемлекеттік әріптес және конкурстық өтінімі үздік деп айқындалған бірінші әлеуетті жекеше әріптес МЖӘ жобасын және МЖӘ шартының талаптарын нақтылау жөніндегі келіссөздерді аяқтамаған жағдайда, бірінші әлеуетті жекеше әріптес Комиссия шешімінің негізінде конкурстық өтінімді қамтамасыз етуді қоса алғанда, өзінің конкурстық өтінімнің қолданылу мерзімін ұзартады.
28. Конкурстық өтінімнің қолданылу мерзімін ұзарту үшін әлеуетті жекеше әріптес конкурсты ұйымдастырушының атына жаңа кезеңге қамтамасыз етуді (егер кепілдік қамтамасыз ету болып табылса), сондай-ақ онда көрсете отырып, жазбаша хабарлама жібереді:
1) өзі берген конкурстық өтінімнің қолданылу мерзімін ұзартуға келісімін білдіреді;
2) конкурстық өтінімнің қолданылу мерзімі ұзартылған мерзім;
3) осы құжатқа қол қойылған күн;
4) әлеуетті жекеше әріптестің немесе оның уәкілетті өкілінің қолы және әлеуетті жекеше әріптестің мөрі (шағын кәсіпкерлік субъектілері болып табылатын тұлғаларды қоспағанда).
10-тарау. Конкурстық өтінімдерді ашу, қарау және іріктеу
29. Осы МЖӘ жобасының үлгілік конкурстық құжаттамасына 2-қосымшаның 5)-тармақшасында көрсетілген мерзімде конкурстық өтінімдерді ашу (МЖӘ веб-порталында конкурсты ашу) жүзеге асырылады.
30. Комиссия конкурстық өтінімдерді ғылым және жоғары білім саласындағы уәклетті орган бекітетін Жекеше әріптесті айқындау және мемлекеттік-жекешелік әріптестік шартын жасасу қағидаларында көзделген тәртіппен қарайды.
31. Конкурстық өтінімдерді қарауды және іріктеуді осы МЖӘ жобасының конкурстық құжаттамасына 4-қосымшада келтірілген үздік конкурстық өтінімді іріктеу өлшемшарттары мен бағалау параметрлері ескеріле отырып, Комиссия жүзеге асырады.
Өлшемшарттары олардың әрқайсысы бойынша тиісті балл (үлестік және пайыздық мән) беру арқылы бағаланады.
32. Конкурстық өтінімі үздік деп танылған әлеуетті жекеше әріптеспен Комиссия МЖӘ жобасын және МЖӘ шартының талаптарын нақтылау бойынша келіссөздер ғылым және жоғары білім саласындағы уәклетті орган бекітетін Жекеше әріптесті айқындау және мемлекеттік-жекешелік әріптестік шартын жасасу қағидаларында көзделген тәртіппен жүргізеді.
33. МЖӘ шартын жасасу мерзімі конкурс қорытындылары шығарылған күннен бастап күнтізбелік 30 (отыз) күннен аспайды.
| Мемлекеттік-жекешелік әріптестік | |
| жобасының үлгілік конкурстық | |
| құжаттамасына | |
| 1-қосымша | |
| Нысан |
МЖӘ жобасын сипаттайтын ақпараттық парақ
| Мемлекеттік-жекешелік әріптестік жобасының үлгілік конкурстық құжаттамасына 2-қосымша |
Негізгі іс-шаралар
| Мемлекеттік-жекешелік әріптестік жобасының үлгілік конкурстық құжаттамасына 3-қосымша |
Әлеуетті жекеше әріптес біліктілік талаптарына сәйкестігін растау үшін ұсынатын құжаттардың тізбесі
Әлеуетті жекеше әріптестер Заңның 32-бабында көзделген біліктілік талаптарына сәйкестігін растау үшін мынадай құжаттарды ұсынады:
1) шоттарда ақшаның болуын, әлеуетті жекеше әріптестің меншік құқығын растайтын құжаттардың түпнұсқалары немесе нотариат куәландырған көшірмелері жылжымайтын және жылжымалы мүліктің құны;
2) Қазақстан Республикасының бухгалтерлік есеп және қаржылық есептілік туралы заңнамасына не халықаралық қаржылық есептілік стандарттарына сәйкес жасалған алдыңғы екі толық қаржы жылы үшін қаржылық есептіліктің түпнұсқасы. Еншілес ұйымдары бар ұйымдар негізгі ұйымның қызметі бойынша қаржылық есептілікке қосымша Қазақстан Республикасының бухгалтерлік есеп және қаржылық есептілік туралы заңнамасының талаптарына не халықаралық қаржылық есептілік стандарттарына сәйкес шоғырландырылған қаржылық есептілікті жасайды және ұсынады;
3) әлеуетті жекеше әріптестің бірінші басшысы немесе уәкілетті өкілі қол қойған және әлеуетті жекеше әріптестің мөрімен (шағын кәсепкерлік субъектілері болып табылатын тұлғаларды қоспағанда) куәландырылған соңғы есепті күнге (соңғы қаржы жылы үшін) "Негізгі құралдар" бухгалтерлік балансының бабын ашып жазу;
4) әлеуетті жекеше әріптестің бірінші басшысы немесе уәкілетті өкілі қол қойған және әлеуетті жекеше әріптестің мөрімен (шағын кәсепкерлік субъектілері болып табылатын тұлғаларды қоспағанда) куәландырылған соңғы есепті күнге (соңғы қаржы жылы үшін) дебиторлық және кредиторлық берешектің толық жазылуы, олардың құрылған күні мен болжамды өтелуі, сондай-ақ берешектің мақсаты (не үшін берешек пайда болған), есептелген резервтердің сомасы көрсетіле отырып, олардың құнсыздануы. Банктік қарыздар болған жағдайда негізгі борыш пен пайыздарды өтеу кестелері бар банктік қарыз шарттарының көшірмелерін қоса беру қажет;
5) әлеуетті жекеше әріптестің оның төлемге қабілетті екендігі, таратылуға жатпайтындығы, оның мүлкіне тыйым салынбағандығы, оның қаржы-шаруашылық қызметі тоқтатылмағандығы, заңды күшіне енген сот шешімі негізінде соңғы үш жыл ішінде МЖС шарттары бойынша міндеттемелерін орындамағаны немесе тиісінше орындамағаны үшін жауапкершілікке тартылмағандығы туралы кепіл-хаты;
6) Қазақстан Республикасының заңнамалық актілерінде міндетті аудит жүргізу белгіленген заңды тұлғалар да соңғы қаржы жылындағы аудиторлық есепті ұсынады;
7) заңды тұлға қызметін үлгілік жарғы негізінде жүзеге асыратын жағдайларды қоспағанда, заңды тұлға Жарғының нотариат куәландырған көшірмесін ұсынады. Қазақстан Республикасының бейрезиденттері мемлекеттік және (немесе) орыс тілдеріне аудармасымен нотариат куәландырған сауда тізілімінен заңдастырылған үзінді көшірмені ұсынады;
8) заңды тұлғаның мемлекеттік тіркелгені туралы анықтама, заңды тұлғаның филиалын (өкілдігін) есептік тіркеу туралы анықтама;
9) кәсіпкерлік қызметті жүзеге асыратын жеке тұлға дара кәсіпкер ретінде қызметті жүзеге асырудың басталғаны туралы хабарламаны қабылдау туралы талон ұсынады;
10) әлеуетті жекеше әріптестің ЖЖОКБҰ-мен консорциум шартын жасасуға, сондай-ақ МЖӘ үлгілік шарты талаптарында МЖӘ шартын жасасуға келісімін растайтын хаты;
11) "Екінші деңгейдегі банктердегі, ипотекалық ұйымдардағы, "Қазақстанның Даму Банкі" акционерлік қоғамындағы және Қазақстан Республикасының бейрезидент - банктердің филиалдарындағы бухгалтерлік есептің үлгі шот жоспарын бекіту туралы" Қазақстан Республикасының Ұлттық Банкі Басқармасының 2011 жылғы 31 қаңтардағы №3 қаулысымен бекітілген (Қазақстан Республикасының Нормативтік құқықтық актілерін мемлекеттік тіркеу тізілімінде тіркелген № 6793) Екінші деңгейдегі банктердегі, ипотекалық ұйымдардағы, "Қазақстанның Даму Банкі" акционерлік қоғамындағы және Қазақстан Республикасының бейрезидент - банктердің филиалдарындағы бухгалтерлік есептің үлгі шот жоспарына сәйкес әлеуетті жекеше әріптеске қызмет көрсететін банктің немесе банк филиалының әлеуетті жекеше әріптестің алдындағы міндеттемелердің барлық түрлері бойынша анықтама берілген күннің алдындағы мерзімі өткен берешегінің жоқтығы туралы қолы мен мөрі бар анықтамасының түпнұсқасы. Егер әлеуетті жекеше әріптес бірнеше екінші деңгейдегі банктердің немесе филиалдардың, сондай-ақ шетелдік банктің клиенті болса, осы анықтама осындай банктердің әрқайсысынан ұсынылады.
"Қазақстан Республикасында кредиттік бюролар және кредиттік тарихты қалыптастыру туралы" Қазақстан Республикасының Заңына сәйкес кредиттік бюро ұсынатын кредиттік есепті ұсынуға жол беріледі.
Банк анықтамасы (не кредиттік есеп) конкурсты ұйымдастырушыға құжаттарды ұсыну күнінің алдындағы екі айдан ерте берілмейді.
Жеке және (немесе) заңды тұлғалар бірлестіктерінің конкурсқа жай әріптестік нысанында қатысқан жағдайда, оның қатысушылары өздерінің біліктілік талаптарын растау үшін осы Қағидаларда белгіленген құжаттардан басқа қосымша келесідей құжаттарды ұсынады:
бірлескен қызмет туралы шарттың нотариат куәландырған көшірмесі;
қарапайым әріптестік мүшелері арасында жасалған ортақ жауапкершілік туралы шарттың нотариат куәландырған көшірмесі;
оның атынан сөз сөйлейтін қарапайым әріптестік өкіліне берілген сенімхаттың нотариат куәландырған көшірмесі конкурс шеңберінде келіссөздер мен басқа да іс-шараларды жүзеге асырады.
Әлеуетті жекеше әріптестер өз қалауы бойынша олардың біліктілік талаптарына сәйкестігін растайтын өзге де құжаттарды ұсынады.
Әлеуетті жекеше әріптес – Қазақстан Республикасының бейрезиденті оның біліктілік талаптарына сәйкестігін растау үшін Қазақстан Республикасының резиденттері сияқты құжаттарды не конкурстық құжаттама тілдеріне нотариат куәландырған аудармасымен Қазақстан Республикасының әлеуетті жекеше әріптесі бейрезидентінің біліктілігі туралы ұқсас мәліметтерді қамтитын құжаттарды, сондай-ақ резиденттіктің апостиль қойылған сертификатын (егер халықаралық шартта басқаша қарастырылмаса) ұсынады.
| Мемлекеттік-жекешелік әріптестік жобасының үлгілік конкурстық құжаттамасына 4-қосымша |
Үздік конкурстық өтінімді іріктеу өлшемшарттары және бағалау параметрлері
№ | Өлшем атауы | Өлшемшарттың шекті (базалық) мәні (100% құрайды) | Бағалау әдісі | Көрсеткіштің шартты белгісі |
1 | Іске асырылған жобалардың тәжірибесі (МЖӘ объектісін ұстау пәні бойынша ұқсас объектілерді салу, құру, реконструкциялау, жаңғырту және/немесе пайдалану тәжірибесінің болуы (дербес не қатысушы ретінде өзге тұлғалармен бірлесіп) |
____________ | әрбір іске асырылған жоба үшін 1 балл қосылады | К1 |
2 | Жекеше әріптес өзіне қабылдайтын тәуекелдер | МЖӘ шартына сәйкес тәуекелдерді бөлу | әлеуетті жекеше әріптес қосымша қабылдаған әрбір тәуекел үшін 1 балл қосылады | К2 |
3 | МЖӘ объектісінің құрылысына тартылатын жекеше әріптестің меншікті қаражатының болуын растау (банктік қарыз шарты, банктік кепілдік, банктен хат) | МЖӘ жобасын іске асыру үшін тартылатын меншікті қаражаттың құны | құрылыс құнының әрбір 1% үшін 2 балл қосылады | К3 |
4 | МЖӘ объектісін салу мерзімдері |
____________ | құрылыс мерзімін қысқартудың әрбір айы үшін 1 балл қосылады | К4 |
5 | Кадрлардағы жергілікті қамту үлесі |
____________ | жергілікті қамтудың әрбір 10% өсуі үшін 1 балл қосылады | К5 |
6 | тауарлардағы, жұмыстардағы және көрсетілетін қызметтердегі жергілікті қамтудың үлесі |
____________ | жергілікті қамтудың әрбір 10% өсуі үшін 1 балл қосылады | К6 |
7 | Айына МЖӘ объектісінде бір тұру орны үшін төлем мөлшері |
____________ | Төлем сомасының әрбір 10% төмендеуі үшін 1 ұпай қосылады. | К7 |
8 | Білікті мамандардың болуы: | К8 | ||
құрылыс қызметі саласында 5 жылдан астам жоғары білімі және жұмыс тәжірибесі бар |
____________ | үлестің әрбір 10% өсуі үшін 1 балл қосылады | ||
орта арнаулы білімі және 5 жылдан астам жұмыс тәжірибесі бар |
____________ | үлестің әрбір 10% өсуі үшін 1 балл қосылады | ||
БАРЛЫҒЫ | Бағалау |
Ескерту:
"Бағалау" конкурстық өтінім өлшемшарттарының жалпы бағасы әрбір өлшемшарт бойынша алынған балдарды жинақтау жолымен айқындалады:
бағалау = К1+К2 + К3+К4+К5+К6 + К7+К8,
мұнда:
К1 - бұл жағдайда МЖӘ объектісінің мазмұны бойынша құрылыс бойынша іске асырылған ұқсас жобалардың тәжірибесі ескеріледі. Әлеуетті жекеше әріптес ұсынған МЖӘ объектісіне мазмұн нысанасы бойынша құрылыс бойынша іске асырылған ұқсас жобалардың тәжірибесі болмаған жағдайда, осы өлшем бойынша "нөлге" теңестіріледі;
К2 - жекеше әріптес қосымша қабылдаған және (немесе) берген тәуекелдер болмаған жағдайда, әлеуетті жекеше әріптес ұсынған конкурстық өтінімді бағалау осы өлшем бойынша "нөлге" теңестіріледі;
К3 - осы өлшемшарт бойынша базалық көрсеткіш МЖӘ объектісін салу құны болып табылады;
К4 - МЖӘ объектісін салу мерзімі 1 (бір) айдан астам қысқартылған жағдайда, әлеуетті жекеше әріптес ұсынған конкурстық өтінімді бағалау осы өлшем бойынша "1" балға теңестіріледі;
К5 - әлеуетті жекеше әріптес ұсынған өлшемшарттарының мәні өлшемшарттарының шекті мәнімен сәйкес келген жағдайда, осы өлшем бойынша бағалау "нөлге" теңестіріледі;
К6 - әлеуетті жекеше әріптес ұсынған өлшемшарттарының мәні өлшемшарттарының шекті мәнімен сәйкес келген жағдайда, осы өлшем бойынша бағалау "нөлге" теңестіріледі;
К7 - бұл жағдайда МЖӘ объектісінде айына бір тұру орны үшін төлем мөлшері ескеріледі. Әлеуетті жекеше әріптес ұсынған өлшемшарттарының мәні өлшемшарттарының шекті мәнімен сәйкес келген жағдайда, осы өлшем бойынша бағалау "нөлге" теңестіріледі.
К8 - әлеуетті жекеше әріптес ұсынған өлшемшарттарының мәні өлшемшарттарының шекті мәнімен сәйкес келген жағдайда, осы өлшем бойынша бағалау "нөлге" теңестіріледі.
| Жекеше әріптесті айқындау және мемлекеттік-жекешелік әріптестік шартын жасасу қағидаларына 2-қосымша |
|
| Нысан |
Мемлекеттік-жекешелік әріптестіктің үлгілік шарты
_________________ "___" _________ 20__ ж.
(елді мекеннің атауы)
________________________________________________________атынан,
(мемлекеттік әріптестің толық атауы)
___________________________________________________, негізінде
(уәкілетті тұлғаның лауазымын, Т. А. Ә, (бар болса жағдайда)
әрекет ететін _____________________________________________________ ,
(атауы, деректемелері, құжаттың белгілейтін тұлғаның өкілеттігін)
бұдан әрі "мемлекеттік әріптес" деп аталатын, бір жағынан және
___________________________________________________________ атынан,
(заңды, жеке тұлғаны және т. б. көрсету.)
___________________________________________________, негізінде әрекет
(уәкілетті тұлғаның лауазымын, Т. А. Ә, (бар болса жағдайда)
ететін __________________________________________________________,
(тұлғаның өкілеттігін белгілейтін құжаттың атауы мен деректемелерін көрсету)
конкурстық комиссияның шешіміне сәйкес бұдан әрі "жекеше әріптес" деп аталатын,
екінші жағынан, бұдан әрі "Тараптар" деп аталатын, жеке-жеке "Тарап" деп аталатын
____________________________________________ бастап "___"
(комиссияның толық атауын көрсету)
_____20__ж. төмендегілер туралы № ____ осы мемлекеттік-жекешелік әріптестік шартын (бұдан әрі – Шарт) жасасты.
1-тарау. Шартта қолданылатын ұғымдар
1. Осы Шартта мынадай ұғымдар пайдаланылады:
1) ағымдағы жөндеу – алдын алу іс-шараларын жүргізу және ұсақ зақымдар мен ақаулықтарды жою арқылы ғимараттар мен инженерлік жабдықтың бөліктерін жүйелі және уақытында сақтауға бағытталған, ғимараттардың құрылымдары мен инженерлік жабдықтың жүйелерінің дұрыстығын (жұмысқа білеттілігін) қалпына келтіру бойынша техникалық іс-шаралардың кешені.
2) ақау – тауарлардың, көрсетілетін қызметтер мен жұмыстардың ақаулық ұпай беруге әкеп соққан шарт талаптарына сәйкес келмеуі;
3) жер учаскесі – Қазақстан Республикасының Жер кодексте белгіленген тәртіппен жер қатынастары субъектілеріне бекітіліп берілетін, тұйық шекара ішінде бөлінген жер бөлігі;
4) жобалау-сметалық құжаттама – МЖӘ объектісін салу үшін сәулет, қала құрылысы және құрылыс қызметі туралы заңнамаға сәйкес әзірленуі және бекітілуі талап етілетін құжаттама;
5) жұмыстардағы (көрсетілетін қызметтердегі) жергілікті қамту – жұмыстардағы (қызметтердегі), шарттың және/немесе Қазақстан Республикасының азаматтары болып табылатын жұмыскерлердің еңбекақысын төлеу құнында, жұмысты орындау кезінде пайдаланылатын тауарлар құнын және қосалқы мердігерлер шарттарының бағаларын шегерумен, жұмысты орындауға немесе қызмет көрсетуге арналған шарт бойынша жұмысты (көрсетілетін қызметті) өндірушінің еңбекақысын төлеу қорында жергілікті қамту құнының жалпы жиынтық үлесі;
6) кепілдік – жекеше әріптес мемлекеттік әріптеске осы шарттың 5-тарауына сәйкес Шартты мемлекеттік тіркегеннен кейін ұсынатын кепілдік.
7) қадрлардағы жергілікті қамту – жұмысшылар мен қызметшілерді әрбір санат бойынша бөлу арқылы келісімшартты орындау кезінде тартылған персоналдың жалпы санына қатысты пайызбен алынған қазақстандық кадрлардың саны;
8) қаржылық жабу – әлеуетті жекеше әріптеспен немесе жекеше әріптеспен инвестициялық кезеңде мемлекеттік-жекешелік әріптестік (бұдан әрі – МЖӘ) жобасын іске асыру үшін қажетті қарыз қаражатын тартуға және олар бойынша қаржыландыруды алудың қолжетімділігіне жеке немесе заңды тұлғалармен, олардың бірлестіктерімен келісімдер, шарттар жасалуы.
9) тауарлардағы жергілікті қамту – пайдаланылатын жергілікті материалдар құнының және Қазақстан Республикасының аумағында жүзеге асырылатын тауарларды өндірушінің тауарды қайта өңдеуге жұмсаған шығындарының тауардың түпкілікті құнындағы пайыздық мазмұны;
10) техникалық қадағалау – орындалған жұмыстың сапасын, мерзiмiн, құнын, қабылдап алынуын және объектiнiң пайдалануға берiлуiн қоса алғанда, жобаны iске асырудың барлық сатысында құрылысты қадағала.
Шартта пайдаланылатын өзге де ұғымдар Қазақстан Республикасының қолданыстағы заңнамасына сәйкес қолданылады.
2-тарау. Қолданылатын заңнама
2. Шарттың негізінде қол қойылған Шарт және басқа да мәмілелер үшін Қазақстан Республикасының заңнамасы қолданылады. Егер жекеше әріптес Қазақстан Республикасының бейрезиденті болып табылған жағдайда, онда Шарт бойынша қолданылатын заңнаманы Шарт тараптары айқындайды.
3. Шарт бойынша құқықты беруге бағытталған мәмілелер бойынша құқықтар мен міндеттерге Қазақстан Республикасының заңнама қолданылады.
3-тарау. Шарттың мәні және МЖӘ объектісі
4. Шарттың мәні жоғары және (немесе) жоғары оқу орнынан кейінгі білім беру ұйымдарының (бұдан әрі – ЖЖОКБҰ) студенттері, магистранттары мен докторанттары үшін жатақханалардағы орындардың қолжетімділігі және оларда студенттердің, магистранттар мен докторанттардың жайлы тұру проблемаларын кешенді шешу үшін нысаналы мақсатына сәйкес мемлекеттік-жекешелік әріптестік объектісін (бұдан әрі – МЖӘ объектісі) салуға және пайдалануға бағытталған.
5. Жекеше әріптес студенттердің, магистранттар мен докторанттардың тұруы үшін жатақхананың құрылысын "толығымен" жүзеге асырады
_____________________________________________________________ орынға
(ЖЖОКБҰ атауын көрсету)
_________________________________________________________________,
(елді мекеннің атауы)
оны ЖЖОКБҰ-ның үлестік меншігіне береді және оны жетпіс екі ай ішінде пайдалануға беруді, сондай-ақ Шартта белгіленген тәртіппен және шарттарда техникалық қызмет көрсетуді жүзеге асырады. ЖЖОКБҰ студенттерін, магистранттары мен докторанттарын қамтамасыз етуге мемлекеттік тапсырысты орналастыру шеңберінде жекеше әріптеске төлемдер жекеше әріптес пен ЖЖОКБҰ арасында жасалған бірлескен қызмет туралы шартқа (консорциум) сәйкес жүзеге асырылады.
Консорциум шарты Шарттың ажырамас бөлігі болып табылады, бұл ретте оның талаптарын ғылым және жоғары білім саласындағы уәкілетті орган бекіткен Жекеше әріптесті айқындау және мемлекеттік-жекешелік әріптестік шартын жасасу қағидаларының 5-тармағының 5), 7), 8), 9), 10) және 11) тармақшаларында және 73-тармағында көзделген міндетті талаптарды қоспағанда, жекеше әріптес пен ЖЖОКБҰ дербес айқындайды.
6. МЖӘ объектісінің сипаттамасы, МЖӘ объектісінің қуаты, құрылымы және техникалық көрсеткіштері Шартқа 1-қосымшада көрсетілген.
Егер бұл МЖӘ объектісін пайдалануға беру мерзімдерін ұлғайтуға әкеп соқпаса, МЖӘ жобасын іске асыру шеңберінде көрсетілетін қызметтердің көлемін немесе сапасын төмендетпесе, жекеше әріптес жақсартылған сипаттамаларды ескере отырып, МЖӘ объектісінің параметрлерін өзгерте алады.
7. Мемлекеттік әріптес шарт жасалған күні иелік ету және пайдалану құқығы Шартқа сәйкес жекеше әріптеске берілетін МЖӘ объектісінің құрылысы болжанатын жер учаскесінің мемлекеттік меншік болып табылатынына, үшінші тұлғалардың құқықтарымен және (немесе) талаптарымен ауыртпалықсыз болуына кепілдік береді, жер учаскесінің нысаналы мақсаты мен параметрлері осы Шартқа сәйкес келеді (көшірмелері және (немесе) меншік құқығын куәландыратын құжаттардың түпнұсқалары қоса беріледі), инженерлік коммуникациялар, МЖӘ объектісін салу мен пайдалануды жүзеге асыру үшін қажетті жер учаскесінің шекарасына дейін жеткізілді.
8. Мемлекеттік әріптес туралы мәліметтер:
___________________________________________________________
(мемлекеттік әріптестің атауы)
Заңды мекенжайы: __________
Телефоны __________
Пошта мекенжайы__________.
9. МЖӘ жобасын жүзеге асыру кестесінің нысаны Шартқа 2-қосымшада көрсетілген.
10. МЖӘ жобасын іске асырудың қаржы-экономикалық жоспарының нысаны Шартқа 3-қосымшада көрсетілген.
11. Шарттан туындайтын немесе Шартқа сәйкес берілген жекеше әріптестің барлық құқықтары, өкілеттіктері мен міндеттері Шарттың қолданылу мерзімінде жекеше әріптес үшін айрықша болып табылады және мемлекеттік әріптес шарттың қолданылу кезеңінде жекеше әріптестің жазбаша келісімінсіз кез келген өзге тұлғаға шарт бойынша жекеше әріптестің осы құқықтарын немесе міндеттемелерін бермеуге міндеттенеді.
4-тарау. Шарттың маңызды талаптары
12. Шарттың маңызды талаптары:
1) МЖӘ объектісінің орналасқан жері;
2) уақытша өтеусіз жер пайдалану құқығы актісіне сәйкес МЖӘ жобасы бойынша жер учаскесінің ауданы;
3) МЖӘ объектісінің қуаты - ___ орын;
4) құрылыс жұмыстарын көрсету сапасы.
13. Шарттың маңызды талаптары өзгертуге жатпайды.
5-тарау. Кепілдік
14. Шартты тіркеген күннен бастап 15 (он бес) жұмыс күні ішінде жекеше әріптестің кепілдігін есепке алу үшін оның атына эскроу-шот ашу туралы банк, жекеше әріптес және мемлекеттік әріптес арасында үшжақты шарт жасалады.
15. Жекеше әріптеске қойылатын кепілдік талаптары:
1) кепілдік сомасы МЖӘ объектісі құнының 0,1% мөлшерінде жекеше әріптесті таңдау бойынша конкурс өткізу шеңберінде конкурс жеңімпазы ұсынған конкурстық өтінімді қамтамасыз етудің тең сомасына сәйкес келеді;
2) жекеше әріптестің МЖӘ объектісін салудың нөлдік циклі аяқталған күнге дейін немесе Шартты бұзу күніне дейін қай күн бұрын болғанына байланысты эскроу-шот бойынша шығыс операцияларын жасау құқығын шектеу;
3) Жекеше әріптес Шарттың 17-тармағында көрсетілген алдын ала талаптарды бұзуының кез келген жағдайында, сондай-ақ Шарт бойынша құрылыс міндеттемелері тіркелген күннен бастап МЖӘ объектісінің нөлдік құрылыс салу циклі аяқталған күнге дейін немесе Шарттың қайсысы бұрын басталғанына қарай бұзылған күнге дейін мемлекеттік әріптеске кепілдік сомасын аудару;
4) кепілдік эскроу-шот ашу туралы шарттың қолданылу мерзімі шегінде қолданылады.
6-тарау. Алдын ала талаптар
16. Тараптар Шарттың 17 және 18-тармақтарында көрсетілген алдын ала талаптарды Шарт тіркелген күннен бастап 2 (екі) айдан кешіктірмей орындайды.
17. Жекеше әріптестің алдын ала талаптары:
1) қарыз қаражаттарын тарту кезінде қаржыландыру шарттарын жасау және қаржыландыру шарттарында қарастырылған барлық талаптарды сақтау және мемлекеттік әріптеске барлық қосымшаларды, ілеспе құжаттарды қоса алғанда, қол қойылған қаржыландыру шарттарының куәландырылған көшірмелерін, сондай-ақ қаржыландыру шарттары өзгерген кезде барлық қосымшаларды, ілеспе құжаттарды қоса алғанда, жасалған қосымша келісімдердің көшірмелерін тиісті түрде тапсыру;
2) Шартқа 1-қосымшаға сәйкес қойылатын МЖӘ объектісіне қойылатын талаптардың сақталуын ескере отырып, ЖСҚ әзірлеу;
3) құрылысқа қажетті барлық рұқсаттарды алу және олардың көшірмелерін мемлекеттік әріптеске тапсыру;
4) Мемлекеттік әріптеске жобалау және құрылыс талаптарына сәйкес құрылыс жұмыстарын бастау және іске асыру үшін қажетті сақтандыру өтемін растайтын сақтандыру шарттарының көшірмелерін тапсыру.
18. Мемлекеттік әріптестің алдын ала талаптары:
1) жекеше әріптеске МЖӘ шарты тіркелген күннен кейін 2 (екі) ай ішінде жер учаскесін беру;
2) 10 жұмыс күні ішінде келісу үшін жекеше әріптес тапсырған ЖСҚ-ны қарау.
19. Жекеше әріптес тіркеу күнінен кейін бір ай ішінде Шарттың 17-тармағында көрсетілген шарттың алдын ала талаптарын орындамаған жағдайда, Тараптар орындалмаған алдын ала талаптарды қалай орындау керектігін шешу мақсатында кездесу өткізеді.
Егер Тараптар тіркеу күнінен 2 ай өткенге дейін келісімге қол жеткізе алмаса:
1) егер қандай да бір талап жекеше әріптестің, оның ішінде қаржылық ұйымның кінәсі бойынша орындалмаса:
Мемлекеттік әріптес Жекеше әріптеске бұзу күніне дейін 10 күнтізбелік күн бұрын хабарлама жолдап, Шартты бұзады, алайда осы кезең ішінде жекеше әріптес Мемлекеттік әріптесті орындалмаған талаптардың орындалғаны туралы хабардар етіп, ал Мемлекеттік әріптес осыған көз жеткізген жағдайда шарт бұзылмайды;
осы тармақшаға сәйкес шартты бұзған жағдайда мемлекеттік әріптес шеккен залалдар мен шығыстардың мөлшері кепілдік сомасы болып есептеледі және мемлекеттік әріптес кепілдік бойынша талаптарды қойып толық көлемде өтеп алады;
2) егер қандай да бір талап мемлекеттік әріптестің кінәсі бойынша орындалмаса:
Жекеше әріптес Мемлекеттік әріптеске бұзу күніне дейін 20 күнтізбелік күн бұрын хабарлама жолдап, Шартты бұзады, алайда осы кезең ішінде Мемлекеттік әріптес Жекеше әріптесті орындалмаған талаптардың орындалғаны туралы хабардар еткенде және Жекеше әріптес осыған көз жеткізген жағдайда Шарт бұзылмайды;
осы тармақшаға сәйкес Шарт бұзылған жағдайда эскроу-шоттағы кепілдік сомасы жекеше әріптеске қайтарылады;
3) егер қандай да бір талап еңсерілмейтін күштің (форс-мажор) мән-жайларына байланысты орындалмаса:
кез келген Тарап бұзу күніне дейін 10 күнтізбелік күн бұрын өзге Тарапқа хабарлама жолдап, шартты бұзады;
осы тармақшаға сәйкес Шартты бұзған жағдайда жекеше әріптеске эскроу-шоттағы кепілдік сомасы қайтарылады.
7-тарау. Жекеше әріптеске жер учаскесін беру тәртібі
20. Мемлекеттік әріптес Шарт тіркелген күннен бастап 2 (екі) ай ішінде Жекеше әріптеске уақытша өтеусіз жер пайдалануға жер учаскесін беру үшін Қазақстан Республикасының заңнамасына сәйкес барлық қажетті шараларды қабылдайды. Жер учаскесін беру күніне МЖӘ объектісін салу және пайдалану үшін қажетті инженерлік коммуникациялар жер учаскесінің шекарасына дейін жүргізілуі тиіс.
21. Мемлекеттік әріптес тарапынан МЖӘ объектісінің құрылысы үшін жер учаскесін беру кідірген жағдайда, Жекеше әріптес Мемлекеттік әріптеске міндеттемелердің орындалмауы туралы хабарлама жолдайды.
22. Мемлекеттік әріптес міндеттемелердің орындалмауы туралы хабарлама жолданған күннен бастап 10 (он) күнтізбелік күн ішінде (немесе ең ұзақ мерзімнің өтуі бойынша міндеттемелердің орындалмауы туралы хабарламада көрсетіледі) жер учаскесін беруді кідіртудің мән-жайын түзетеді.
23. Жекеше әріптеске шартты орындау мақсатында жер учаскесіне уақытша өтеусіз пайдалану құқығын беру Қазақстан Республикасының Жер кодексінде белгіленген тәртіппен жүзеге асырылады.
24. Жер учаскесін уақытша өтеусіз пайдалану құқығы Қазақстан Республикасының заңнамада белгіленген тәртіпте оны мемлекеттік тіркеген сәттен бастап күшіне енеді.
25. МЖӘ объектісін салу және пайдалану үшін қажетті жер учаскесінің сипаттамасы, оның ішінде оның кадастрлық нөмірі, құны, орналасқан орны, ауданы, шекараларының сипатамасы, мемлекеттік жер кадастрынан көшірме Шартқа 4-қосымшада келтірілген.
26. Шарттың қолданылу мерзімі ішінде Жекеше әріптестің жер учаскесіне өзінің құқықтарын өзге тұлғаларға беруге және жер учаскесін қосалқы жалдауға бермейді.
27. Жекеше әріптеске осы шарт шеңберінде берілген жер учаскесін уақытша өтеусіз пайдалану құқығына қатысты мәмілелер жасауға жол берілмейді.
8-тарау. МЖӘ жобасының инвестициялары
28. МЖӘ жобасының көздерін және МЖӘ қаржыландыру кестесін Жекеше әріптес Шартқа 5-қосымшада көзделген нысан бойынша ұсынады.
29. Шарт бойынша қызметті жүзеге асыру нәтижесінде алынған кірістерді алу көздері Шарттың 18-тарауында көрсетілген.
30. Жекеше әріптес МЖӘ объектісін техникалық қызмет көрсету бойынша есеп айырысулар үшін жеке банктік есепшот ашады.
31. Бухгалтерлік есеп жүргізу және қаржылық есептілікті жасау үшін бухгалтерлік есеп және қаржылық есептілік туралы заңнаманың талаптарына, халықаралық немесе ұлттық стандарттарға және бухгалтерлік есепке алудың үлгілік шоттары жоспарына сәйкес, олардың қажеттіліктері мен қызмет ерекшеліктерін негізге ала отырып, Жекеше әріптес есепке алу саясатын қабылдайды.
32. Жекеше әріптес бухгалтерлік есеп және қаржылық есептілік туралы заңнаманың, есепке алу саясатының сақталуын қамтамасыз ету, активтерді сақтау, бухгалтерлік есепті жүргізу және қаржылық есептілікті жасау кезінде жымқыру және қателік жағдайларының алдын алу және оларды анықтау жөніндегі шараларды қоса алғанда, операцияларды тиімді жүргізу мақсатында ішкі бақылау қызметін ұйымдастырады.
9-тарау. МЖӘ жобасын басқаруды ұйымдастыру
33. МЖӘ объектісінің баланс ұстаушысы Мемлекеттік әріптес айқындайтын ЖЖОКБҰ болып табылады.
34. Құрылыс сатысында жобаны басқару жөніндегі МЖӘ объектісінің техникалық жай-күйін бақылауды техникалық қадағалауға жауаптылар Жекеше әріптеспен жасалған шарттың негізінде:
1) жобалық шешімдерді;
2) құрылыс мерзімдерінің, нормативтік құжаттардың талаптарын;
3) жұмыстардың сапасыны;
4) көлемдердің, сапаның сәйкестігін;
5) жобалау-сметалық құжаттаманың, нормативтерге сәйкестігін;
6) орындалған жұмыстардың аралық қабылдау кезеңін;
7) ақауларды уақытында жоюды сақтай отырып жүзеге асырады.
35. Жекеше әріптес МЖӘ объектісін басқару бойынша, оның ішінде персоналды басқаруды, тәуекелдерді басқаруды, сапаны басқаруды, қаржыларды басқаруды, ресурстарды басқаруды қамтитын жоспарын әзірлейді және бекітеді.
36. МЖӘ жобасы бойынша техникалық қызмет көрсетуді бақылау Шартқа сәйкес және заңнамада белгіленген тәртіпте, Мемлекеттік әріптеспен жүзеге асырылады.
10-тарау. МЖӘ объектісін салуға рұқсаттар
37. Жекеше әріптес заңнамаға сәйкес, МЖӘ объектісін салу мен техникалық қызмет көрсету бақылайтын немесе оған әсер ететін мемлекеттік органдардың сертификаттары мен мақұлдауларын қоса алғанда, МЖӘ объектісін салу және техникалық қызмет көрсету үшін талап етілуі мүмкін барлық рұқсаттарды алады, күшінде ұстайды және ұзартады. Жекеше әріптес рұқсаттарды беру және алу туралы өтініштерді даярлаумен байланысты барлық шығыстарды (баждар мен салықтарды қоса алғанда) өтейді.
38. Мемлекеттік әріптес жекеше әріптеске рұқсаттарды беру үшін өзінің құзыреті шегінде қажетті көмек көрсетеді. Бұл тармақ мемлекеттік әріптестің жекеше әріптес үшін қандай да бір рұқсат алуына міндеттемесін белгілемейді.
11-тарау. МЖӘ объектісін салуды ұйымдастыру
39. Жекеше әріптес МЖӘ объектісін заңнамада белгіленген тәртіпте және ЖСҚ-ға сәйкес салады.
40. Құрылыс шарттары:
1) құрылыс жұмыстарының ұзақтығы;
2) ЖСҚ бойынша қойылатын талаптар болып табылады.
41. Жекеше әріптес құрылыс бойынша шарттарды бұзған жағдайда, құрылыс жұмыстары басталған күннен бастап бір ай өткеннен кейін, Тараптар орындалмаған құрылыс шарттарын қалай орындау керектігін шешу үшін жиналыс өткізеді.
42. Жекеше әріптес жұмыстардың, тауарлардың және құрылыс жұмыстарының көрсетілетін қызметтерінің отыз пайызынан аспайтын мөлшерде құрылыс шарттарын қатарынан 6 (алты) ай ішінде орындамаған жағдайда, Мемлекеттік әріптес Шарттың 107-тармағында көзделген тәртіппен МЖӘ шартында тарапты ауыстыру жолымен Жекеше әріптеспен МЖӘ шартын біржақты тәртіппен мерзімінен бұрын бұзады.
43. Жоспарланған аяқтау мерзімі кешіктірілген жағдайда мемлекеттік әріптес құрылыс жұмыстарын аяқтау үшін қосымша 2 (екі) ай мерзімін ұсынады. Бұл ретте мемлекеттік әріптес жоспарланған аяқтау күнінен бастап 20 (жиырма) жұмыс күні өткеннен кейін кешіктірілген әрбір күн үшін МЖӘ объектісі құнының 0, 001% мөлшеріндегі айппұлды өндіріп алады. Бұл ретте тұрақсыздық айыбының (өсімпұлдың) жалпы сомасы МЖӘ объектісі құнының 0,1% - нан аспауы тиіс.
44. МЖӘ объектісінің құрылысы:
1) мемлекеттік әріптес қаражаты МЖӘ объектісі құрылысының сметалық құнының отыз пайызынан аспайтын мөлшерде;
2) жекеше әріптестің меншікті қаражаты;
3) Қазақстан Республикасының заңнамасында белгіленген тәртіппен қарызға алынған қаражат (қажет болған жағдайда).
Осы тармақтың 1) тармақшасында көзделген қаржыландыру МЖӘ объектісі пайдалануға берілгеннен кейін жекеше әріптестің меншігіне берілетін коммерциялық үй-жайларды қоспағанда жүзеге асырылады.
45. Жекеше әріптес МЖӘ объектісіне техникалық қызмет көрсетуді, ұсынылған материалдардың және жабдықтардың тиісті сапасын қамтамасыз етеді.
46. Жекеше әріптес мемлекеттік әріптеске және оның уәкілеттік берген тұлғаларына МЖӘ объектісіне еркін қолжетімділікті қамтамасыз етеді.
47. Жекеше әріптес техникалық қадағалауға жауаптылардың келісуі бойынша, МЖӘ объектісін салу бойынша жұмыстарды орындауға, олардың әрекеттері үшін өзінің меншікті әрекеттері ретінде жауап бере отырып, үшінші тұлғаларды (қажет болған жағдайда нақты тартылатын тұлғаларды көрсетуге болады) тартады.
48. Жекеше әріптес Шарттың әрекет ету мерзімі кезеңінде құрылыс жұмыстарының сапасын қамтамасыз етеді.
49. Жекеше әріптес құрылыс жұмыстарының кезеңінде мемлекеттік әріптеске ай сайын құрылыс жұмыстарының орындалуы және олардың ЖСҚ-ға сәйкестігі туралы мәліметтерден тұратын есеп тапсырады.
50. Құрылыс барысы туралы есептер жұмыстардың жүргізілу тәртібі, қолданылған құрылыс материалдары және құрылыс шығыстары туралы ақпаратты қамтуы тиіс. Құрылыс барысы туралы есептер жекеше әріптестің бас мердігерлермен немесе кредиторлармен қатынастарында қолданылатын кез келген еркін нысанда берілуі мүмкін.
51. Мемлекеттік әріптес МЖӘ объектісін салу бойынша жұмыстардың орындалуын ұйымдастыру кезінде Жекеше әріптеске көмек көрсетеді.
52. Мемлекеттік әріптес ЖСҚ-ның Шартта белгіленген талаптарға сәйкес келмеуін анықтаған жағдайда, Жекеше әріптес мемлекеттік әріптес шешімінің негізінде ЖСҚ-ға қажетті өзгерістер енгізу сәтіне дейін МЖӘ объектісін салу бойынша жұмысты тоқтатады.
53. Жекеше әріптес Шартта көрсетілген техникалық-экономикалық ерекшеліктерге сәйкес МЖӘ объектісін Қазақстан Республикасының заңнамасында және Шартта белгіленген тәртіпте пайдалануға енгізеді.
54. Жекеше әріптес Шартта белгіленген мерзімде МЖӘ объектісін салуды және пайдалануға беруді мүмкін емес ететін Тараптарға тәуелді емес мән-жайларды анықтаған кезде, Жекеше әріптес Шартты орындау бойынша Тараптардың кейінгі іс-қимылдарын келісу мақсатында аталған мән-жайлар туралы Мемлекеттік әріптеске дереу хабарлайды.
55. Жекеше әріптес қажет болған жағдайда, МЖӘ объектісін салудың бүкіл кезеңі ішінде көлік құралдарының жүріп өтуін қамтамасыз ететін уақытша айналма жолды жоспарлайды, салады және оған қызмет көрсетеді. Мұндай шығыстар МЖӘ объектісін салу құнына жатады.
56. Жекеше әріптес Тараптардың келісімі бойынша 15 (он бес) күнтізбелік күн мерзімде жұмыстарды орындау шығыстарының сметасын, сондай-ақ қосымша жұмыстардың орындалу кестесін ұсынады. Бұл ретте Мемлекеттік әріптес тиісті құжаттарды алған күннен бастап 10 күннен аспайтын қысқа мерзімде Жекеше әріптеске оларды бекіту немесе бас тарту туралы хабарлайды.
12-тарау. Археологиялық олжалар
57. Археологиялық олжалар табылған жағдайда Жекеше әріптес:
1) 10 (он) күнтізбелік күн ішінде Мемлекеттік әріптеске осындайлардың табылғаны туралы хабарлайды;
2) табылған археологиялық олжалардың бүлінуін немесе зақымдалуын болдырмау үшін сақтық шараларын қабылдайды;
3) МЖӘ объектісін салу кезінде денсаулықты қорғау және қауіпсіздік бойынша кез келген шараларды және учаскеде қауіпсіздік бойынша кез келген нұсқаулықтарды қамтуы тиіс барлық тиісті қауіпсіздік шараларын сақтай отырып, табылған объектілерді өз қаражаттары есебінен алып шығарады;
4) табылған объектілерді сақтауға, кез келген әрекеттерді жасауға және қолданылатын процедураларды жүргізуге қатысты заңнаманың барлық талаптарын сақтайды.
58. Мемлекеттік әріптес Жекеше әріптестен археологиялық олжа туралы хабарламаны алғаннан кейін 10 (он) күнтізбелік күн ішінде құрылысты тоқтату туралы шешім қабылдайды және қабылданған шешім туралы Жекеше әріптесті және тиісті уәкілетті органды хабардар етеді.
59. Археологиялық олжалардың табылуы себебі бойынша жұмыстардың тоқтатылуы форс-мажорлық жағдаяттар болып есептеледі.
60. Құрылыс жұмыстары Мемлекеттік әріптестің шешімінің негізінде 10 (он) күнтізбелік күннен көп емес мерзімге тоқтатылады.
61. Жекеше әріптес Мемлекеттік әріптестің кезкелген ұсынымдарын есепке алады және кезкелген археологиялық зерттеулерге немесе учаскедегі зерттеулерге қатысты заңнаманың ережелерін сақтайды.
62. Егер тиісті уәкілетті органның зерттеу нәтижесі құрылыс жұмыстарының тоқтатылуын ұзарту қажеттілігін көрсеткен жағдайда, онда Шарт тиісті кезеңге ұзартылады.
63. Жекеше әріптес археологиялық олжаларға байланысты кідіртуді мүмкін болғанша қысқартады. Осы мақсатта ол неғұрлым қолайлы шешімдерді анықтау бойынша сондай-ақ, Мемлекеттік әріптес бекітетін археологиялық олжаларды алу жоспарын жасау және оны жаңа мерзімдерге сәйкестендіру үшін МЖӘ жобасын жүзеге асыру кестесін өзгерту бойынша құзыретті органдармен, Мемлекеттік әріптеспен ынтымақтасады.
64. Жер учаскесінен табылған археологиялық олжалар Қазақстан Республикасының заңнамасына сәйкес мемлекет меншігіне беріледі.
13-тарау. Қауіпті қалдықтардың көмулері
65. Қауіпті қалдықтардың көмілгені анықталған жағдайда Жекеше әріптес:
1) 10 (он) күнтізбелік күн ішінде Мемлекеттік әріптесті және тиісті уәкілетті органды осындайлардың табылғаны туралы хабарлайды;
2) қауіпті қалдықтарды көмуден болған теріс салдарларды жою мақсатында заңнаманың талаптарына сәйкес тиісті түрде және өз қаражаттарының есебінен көмілген қауіпті қалдықтарды жоюмен, зарарсыздандырумен, кәдеге жаратумен байланысты барлық қажетті шараларды жүргізеді және аяқтайды.
66. Мемлекеттік әріптес Жекеше әріптестен көмілген қауіпті қалдықтардың табылғаны туралы хабарламаны алғаннан кейін 10 (он) күнтізбелік күн ішінде құрылысты тоқтату туралы шешім қабылдайды және қабылданған шешім туралы Жекеше әріптесті және тиісті уәкілетті органды хабардар етеді.
67. Жекеше әріптес жер учаскесіндегі қауіпті қалдықтардың көмулеріне қатысты заңнаманың ережелерін сақтайды.
68. Жекеше әріптес қауіпті қалдықтардың көмулерін тапқан жағдайда құрылыс жұмыстары Мемлекеттік әріптестің шешімі негізінде 10 (он) күнтізбелік күннен аспайтын мерзімге тоқтатылады.
69. Егер тиісті уәкілетті органның зерттеу нәтижесі құрылыс жұмыстарының тоқтатылуының ұзартылу қажеттілігін көрсеткен жағдайда, онда Шарт тиісті кезеңге ұзартылады.
14-тарау. МЖӘ объектісіне меншік құқықтары
70. МЖӘ объектісінің құрылысы жоспарлы аяқталған күнге дейін 3 (үш) айдан кешіктірмей Жекеше әріптес бұл туралы Мемлекеттік әріптесті жазбаша хабардар етеді.
71. МЖӘ объектісін пайдалануға қабылдау актісі тіркелгеннен кейін, МЖӘ объектісінің құрылысын аяқтау туралы жекеше әріптеске хабарлама келіп түскен күннен бастап 10 (он) жұмыс күнінен аспайтын мерзімде Жекеше әріптес МЖӘ объектісін консорциум шартының және шарттың талаптарына сәйкес ЖЖОКБҰ-ның үлестік меншігіне береді.
72. МЖӘ объектісін қарау кезінде тапсырылатын МЖӘ объектісінде ақаулар анықталған жағдайда МЖӘ объектісін пайдалануға бергеннен кейін күнтізбелік 30 (отыз) күн ішінде мемлекеттік әріптес анықталған ақау туралы оны жою мерзімін көрсете отырып, Жекеше әріптесті жазбаша хабардар етеді. МЖӘ объектісін кейінгі тексеруді мемлекеттік әріптес Шарттың орындалуына мониторинг жүргізу барысында жүзеге асырады.
73. Жекеше әріптес мемлекеттік әріптесті анықталған ақауларды жою туралы хабарламада көрсетілген мерзімнен кешіктірмей хабардар етеді.
74. Жекеше әріптес анықталған ақауларды жоймаған жағдайда, мемлекеттік әріптес Жекеше әріптестің кепілдігінен ақаулардың есебіне сәйкес келетін соманы техникалық қызмет көрсетуге ұстап қалады.
75 МЖӘ объектісі пайдалануға енгізілгенге дейін Шарт мерзімінен бұрын бұзылған жағдайда, Жекеше әріптес жаңа Жекеше әріптеске беретін МЖӘ объектісіне үшінші тұлғалардың құқықтары жүктелмейді.
76. МЖӘ объектісі пайдалануға берілген күннен кейін мерзімінен бұрын бұзылған жағдайда МЖӘ объектісінің жай-күйі бойынша талаптар Шартқа 6-қосымшада келтірілген ақаулы нүктелерін негізінде қойылады.
15-тарау. МЖӘ объектісін пайдалану
77. Жекеше әріптес МЖӘ объектісін пайдалануға бергеннен кейін жекеше әріптестің меншігіне берілетін коммерциялық үй-жайларды қоспағанда, шарт қолданылу кезеңінде жоғары және (немесе) жоғары оқу орнынан кейінгі білім беру ұйымдарының студенттері, магистранттары мен докторанттары үшін жатақханада орын беру жөніндегі қызметтерді ұйымдастыру үшін ғана МЖӘ объектісін пайдаланады.
78. МЖӘ объектісі 72 (жетпіс екі) ай мерзімге пайдалануға беріледі.
79. Жекеше әріптес МЖӘ объектісін пайдалану кезінде:
1) МЖӘ объектісіне техникалық қызмет көрсету және мүліктің сақталуы;
2) мүлікті ағымдағы жөндеу;
3) коммуналдық төлемдерді төлеу;
4) өртке қарсы, санитарлық және Қазақстан Республикасының заңнамасында белгіленген нормалардың сақталуын бақылау жүзеге асырады.
80. МЖӘ объектісінің ақаулары анықталған жағдайда ұсынылатын қызметтер сапасының индикаторларын және МЖӘ объектісін пайдалану өлшемшарттарын бұзудың ақаулы ұпайларын есептеу Шартқа 6-қосымшаға сәйкес жүзеге асырылады.
81. МЖӘ объектісінің анықталған ақауларын жекеше әріптес өз есебінен жояды.
16-тарау. МЖӘ объектісін жөндеу
82. Жекеше әріптес МЖӘ объектісі пайдалануға енгізілген күннен бастап әр 2 (екі) жыл сайын Шарттың әрекет ету мерзімі аяқталғанға біткенге дейін ағымдағы жөндеу жүргізеді.
83. Ағымдағы жөндеу МЖӘ объектісінде каникул кезеңінде жүргізіледі
17-тарау. Салық салу
84. Жекеше әріптес шарт бойынша қызмет шеңберінде Қазақстан Республикасының салық заңнамасымен реттелетін МЖӘ жобасы бойынша салық міндеттемелерін орындайды.
85. Шарт аясында жүзеге асырылатын қызмет бойынша бюджетке төленетін салықтар мен басқа да міндетті төлемдер бойынша салықтық міндеттемелерді есептеу, оларды төлеу бойынша міндеттемелердің туындаған сәтіне, қолданыстағы Қазақстан Республикасының салық заңнамасына сәйкес жүргізіледі.
86. Шарт шеңберінде жүзеге асырылатын қызмет бойынша салық міндеттемелерін орындау Жекеше әріптесті салық міндеттемесі туындаған күні қолданыста болатын Қазақстан Республикасының салық заңнамасына сәйкес шарттан тыс қызметті жүзеге асыру жөніндегі салық міндеттемесін орындаудан босатпайды.
18. Кірістер алу көздері
87. Жекеше әріптестің кіріс көздері:
1) МЖӘ объектісіндегі жекеше әріптестің үлесі;
2) ЖЖОКБҰ студенттерін, магистранттарын және докторанттарын жатақханалардағы орындармен қамтамасыз етуге мемлекеттік тапсырысты орналастыру шеңберінде төлемдер;
3) МЖӘ объектісінде тұратын студенттерден, магистранттардан және докторанттардан тұру үшін ақы төлеу;
4) жекеше әріптестің меншігіндегі коммерциялық үй-жайлардан түсетін кірістер болып табылады.
88. МЖӘ объектісінің құны әзірленген ЖСҚ-ға және оған тиісті сараптамаларға сәйкес, Шартқа өзгерістер енгізу жолымен түзетіледі.
89. Шарт бойынша қызметті жүзеге асыру нәтижесінде алынған кірістер Жекеше әріптестің меншігі болып табылады.
19-тарау. Тұрақсыздық айыбы
90. Егер Шарттың тиісті тармақтарында өзгеше көзделмесе, Тараптар міндеттемелерді орындауды кешіктірген әрбір күн үшін МЖӘ объектісі құнының 0, 001% мөлшерінде Шартқа сәйкес есептелген тұрақсыздық айыбын төлейді.
91. Тұрақсыздық айыбының (өсімпұлдың) жалпы сомасы Шарттың жалпы сомасының 0,1% -ынан аспауы тиіс.
20-тарау. Жергілікті қамту
92. Кадрлардағы жергілікті қамту мыналарды құрауға тиіс:
1) бірінші санат – басшылық құрам – 20 %;
2) екінші санат – жоғары және орта кәсіптік білімі бар мамандар – 50 %;
3) үшінші санат – білікті жұмысшылар – 20%.
93. Жергілікті қамту:
1) жекеше әріптес алатын (сатып алатын) жұмыстарда (көрсетілетін қызметтерде) – 60 %;
2) жекеше әріптес алатын (сатып алатын) тауарларда 60 % құрауға тиіс.
94. Жекеше әріптес құрылыс материалдарын, бұйымдарын, конструкцияларын, монтаждауға жататын жабдықтарды, салынып жатқан объектіні ЖСҚ-ға, жиһаз өнімдеріне сәйкес жабдықтаушыларды дербес таңдайды. Өнім сапасы мен жеткізілімі тең жағдайда "Самұрық-Қазына" "Ұлттық әл-ауқат қоры" акционерлік қоғамының тауар өндірушілер тізіліміндегі және (немесе) отандық өндірушілер тізіліміндегі ("СТ-KZ" нысанындағы тауардың шығу тегі туралы сертификат және (немесе) индустриялық сертификат негізінде салалық тізілім) "Атамекен" Қазақстан Республикасының Ұлттық кәсіпкерлер палатасының тауар өндірушілер тізіліміндегі жеке және заңды тұлғаларға артықшылық беріледі
21-тарау. Мемлекеттік әріптестің құқықтары мен міндеттері
95. Мемлекеттік әріптес:
1) Жекеше әріптеспен және Шарттың өзге де тараптарымен оның талаптары туралы келіссөздер жүргізуге;
2) өзі конкурсты ұйымдастырушы болған кезде мемлекеттік-жекешелік әріптестік компаниясының басқару органдарына қатысуға;
3) Шарт шеңберінде Жекеше әріптестің қаржылық-шаруашылық қызметін тексеруді, оның ішінде аудиторлық ұйымды тарту арқылы жүзеге асыруға;
4) МЖӘ жобасы шеңберінде МЖӘ объектісіне, сондай-ақ қызметті жүзеге асыруға қатысты құжаттамаға кедергісіз қол жеткізуге;
5) Қазақстан Республикасы заңнамасының және Шарт талаптарының сақталуын бақылауды жүзеге асыру шеңберінде жол берілген бұзушылықтарды жоюды талап етуге;
6) МЖӘ объектісі бойынша Жекеше әріптестің кінәсінен туындаған залалды өтеуді талап етуге;
7) Шартты талаптарын Жекеше әріптес не Шартты өзге де тарапы бұзған жағдайда Шартты бұзуды талап етуге;
8) Қазақстан Республикасының заңдарына және Шартқа сәйкес өзге де құқықтарды жүзеге асыруға құқылы.
96. Мемлекеттік әріптес:
1) Шартта көзделген жағдайларда және мерзімдерде МЖӘ объектісіне құқықтарды Жекеше әріптеске беруге;
2) Қазақстан Республикасының заңдарында және Шартында белгіленген өзге де талаптар мен шарттарды сақтауға міндетті.
22-тарау. Жекеше әріптестің құқықтары мен міндеттері
97. Жекеше әріптес:
1) Шарттың талаптарын өзгерту туралы ұсыныстар енгізуге;
2) Шарт мерзімінен бұрын бұзылған кезде Шартта белгіленген жағдайларда және тәртіппен төлемдер мен өтемақыларды талап етуге;
3) МЖӘ жобасында өз қызметінен алынған таза кірісті Қазақстан Республикасының заңнамасына сәйкес салықтарды және бюджетке төленетін басқа да міндетті төлемдерді төлегеннен кейін қалауы бойынша пайдалануға;
4) МЖӘ объектісіне қатысты құқықтарды Шартта көзделген талаптарда жүзеге асыруға;
5) Қазақстан Республикасының заңдарына және Шартқа сәйкес өзге де құқықтарды жүзеге асыруға құқылы.
98. Жекеше әріптес:
1) МЖӘ объектілерінің бейінін сақтауға, сондай-ақ Шарттың талаптарына сәйкес МЖӘ объектісін тиісті техникалық жай-күйде Мемлекеттік әріптеске беруді қамтамасыз етуге;
2) жасалған Шарт шеңберінде тауарлардың, жұмыстар мен көрсетілетін қызметтердің сапасы мен қолжетімділігін қамтамасыз етуге;
3) МЖӘ жобасын іске асыру үшін бөлінген қаражаттың нысаналы пайдаланылуын қамтамасыз етуге;
4) Қазақстан Республикасының заңдарында және Шартында белгіленген өзге де талаптар мен шарттарды сақтауға міндетті.
23-тарау. Мемлекеттік әріптестің Шарттың орындалуын бақылауды жүзеге асыру тәртібі
99. Мемлекеттік әріптес заңнамада белгіленген тәртіппен жекеше әріптестің Шарт талаптарын, шарт бойынша міндеттемелерді орындау мерзімдерін, сондай-ақ Шартта белгіленген мақсаттарға сәйкес МЖӘ объектісіне техникалық қызмет көрсету жөніндегі міндеттемелерді сақтауын бақылауды жүзеге асырады.
100. Бақылаудың негізгі бағыттары:
1) Шартта айқындалған барлық талаптар мен тәртіптерді сақтау;
2) қоршаған ортаны қорғау және жұмыстарды жүргізу қауіпсіздігі жөніндегі талаптарды сақтау болып табылады.
101. Инвестициялық кезеңде Жекеше әріптес Мемлекеттік әріптеске ай сайын есепті кезең аяқталған күннен бастап 10 (он) жұмыс күні ішінде Шарт бойынша міндеттемелердің орындалуы туралы есеп береді.
Пайдалану кезеңінде Жекеше әріптес мемлекеттік әріптеске есепті кезең аяқталған күннен бастап 10 (он) жұмыс күні ішінде жарты жылда кемінде 1 рет шарт бойынша міндеттемелердің орындалуы туралы есеп береді.
102. Тараптар Шарт бойынша міндеттерді орындау үшін қажетті ақпаратты бір-біріне уақтылы беруге және Шартта көзделген міндеттерді тиісінше орындауға ықпал етуі мүмкін елеулі оқиғалардың басталғаны туралы бір-біріне дереу хабарлайды.
24-тарау. Тәуекелдерді бөлу және оларды басқару жөніндегі іс-шаралар
103. Тараптар шарт талаптарына сәйкес МЖӘ жобасы бойынша тәуекелдерді көтереді.
104. Тараптар Шартқа 7-қосымшаға сәйкес Мемлекеттік әріптес пен Жекеше әріптес арасында тәуекелдерді бөлу туралы келісімге келді.
25-тарау. Дауларды шешу тәртібі
105. Шартты орындауға және тоқтатуға байланысты даулар келіссөздер арқылы шешіледі.
Егер Шартты орындауға, өзгертуге немесе тоқтатуға байланысты даулар 2 (екі) айдың ішінде келіссөздер арқылы шешілмейтін болса, онда Тараптар дауларды Қазақстан Республикасы заңнамаға сәйкес шешеді.
26-тарау. Шартты өзгерту, толықтыру және тоқтату, бұзу талаптары
106. Тараптар өзара келісімі бойынша, Шартқа жазбаша нысандағы қосымша келісімдер жасасу жолымен, Шарттың айрықша талаптарын және ондағы бекітілген МЖӘ жобасының бастапқы параметрлері мен сипаттамаларын өзгертпейтін өзгерістер мен толықтыруларды енгізуге құқықтары бар.
107. Инвестициялық кезеңде Жекеше әріптес Шарт бойынша құрылыс талаптарын қатарынан 6 (алты) ай ішінде орындамаған жағдайда, Шарт бұзылған кезде Мемлекеттік әріптес Жекеше әріптесті ауыстыруды мынадай тәртіппен жүзеге асырады:
1) Мемлекеттік әріптес, егер осындай кезең ішінде Жекеше әріптес Мемлекеттік әріптеске орындалмаған құрылыс шарттарының орындалғанын және орындалмаған құрылыс шарттарын орындалғанын осындай кезең ішінде хабардар еткен жағдайды қоспағанда, 3 (үш) ай ішінде Шарт бойынша құрылыс шарттарының орындалуы туралы хабарламаны Жекеше әріптеске 5 (бес) жұмыс күні мерзімінде қатарынан 3 (үш) айдың ішінде жібереді және Мемлекеттік әріптес бұған көз жеткізді. Соңғы жағдайда Шарт бұзылмайды;
2) Мемлекеттік әріптес осы тармақтың 1) тармақшасында көзделген мерзімнен кейін 5 (бес) жұмыс күні ішінде Жекеше әріптеске шартты бұзу туралы хабарлама жібереді;
3) Мемлекеттік әріптес Жекеше әріптеспен шарт бұзылғаннан кейінгі күні жаңа жекеше әріптесті айқындау жөніндегі конкурс өткізу туралы шешім қабылдайды;
4) Мемлекеттік әріптес конкурс қорытындылары бойынша жаңа Жекеше әріптесті ғылым және жоғары білім саласындағы уәкілетті орган бекіткен Жекеше әріптесті айқындау және мемлекеттік-жекешелік әріптестік шартын жасасу қағидаларының 3-тарауында көзделген тәртіппен айқындайды.
Шарт шеңберінде жаңа Жекеше әріптесті айқындау жөніндегі конкурсты мемлекеттік әріптес 2 (екі) реттен артық өткізбейді;
3) Жекеше әріптес жер учаскесін қайтаруды жүзеге асырады;
4) Мемлекеттік әріптес Жекеше әріптес орналастырған кепілдік сомасына өндіріп алуды қолданады;
5) Жекеше әріптес осы тармақтың 7) тармақшасына сәйкес шығындары өтелуге жататын аяқталмаған құрылыс объектісін береді;
6) Мемлекеттік әріптес жаңа Жекеше әріптеспен шарт жасасады;
7) жаңа Жекеше әріптес консорциумның ЖЖОКБҰ-мен шарттағы тарапты ауыстыру туралы шартына қосымша келісім жасасады. Консорциум шартында тарапты ауыстыру туралы қосымша келісімнің міндетті шарты жаңа жекеше әріптестің алдыңғы жекеше әріптеске 270 (екі жүз жетпіс) күнтізбелік күн ішінде МЖӘ объектісін салу бойынша алдыңғы жекеше әріптес жүргізген және жобалық-сметалық құжаттамаға сәйкес орындалған жұмыстар актісімен расталған күрделі шығындар сомасының 100% төлеуі болып табылады;
8) Мемлекеттік әріптес жаңа Жекеше әріптеске МЖӘ объектісі бар жер учаскесін береді.
108. Пайдалану кезеңінде жекеше әріптес МЖӘ объектісіндегі үлесті иеліктен шығарған жағдайда, жекеше әріптес мемлекеттік әріптеспен келісім бойынша Жекеше әріптес МЖӘ объектісіне техникалық қызмет көрсетуге кепілдік негізінде жекеше әріптеске қойылатын біліктілік талаптарына сәйкес келетін жаңа Жекеше әріптес шарты мен консорциум шартының талаптарын орындауға тарту арқылы консорциум шартындағы тарапты ауыстыруды жүзеге асырады. Мемлекеттік әріптес шарттағы Жекеше әріптесті жаңа Жекеше әріптеске ауыстыруды жүзеге асырады. Жаңа Жекеше әріптес консорциум шартында Тарапты оның қатысушыларымен ауыстыру туралы консорциум шартына қосымша келісім жасайды.
ЖЖОКБҰ Жекеше әріптестің МЖӘ объектісіндегі үлесті сатып алу құқығын үшінші тұлғалар алдында басым пайдаланады. Егер МЖӘ объектісіндегі үлесті ЖЖОКБҰ МЖӘ объектісіндегі үлесті сату туралы жекеше әріптес хабарлама жіберген күннен бастап бір ай ішінде ЖЖОКБҰ сатып алмаса, Жекеше әріптес үлесті үшінші тұлғаға сатады.
Шарт бойынша Жекеше әріптесті ауыстыру ғылым және жоғары білім саласындағы уәкілетті орган бекіткен Жекеше әріптесті айқындау және мемлекеттік-жекешелік әріптестік шартын жасасу қағидаларының 63-тармағында көзделген тәртіппен жүзеге асырылады.
109. Пайдалану кезеңінде Мемлекеттік әріптестің бастамасы бойынша шартты бұзу мынадай тәртіппен жүзеге асырылады:
1) Мемлекеттік әріптес Жекеше әріптеске 5 (бес) жұмыс күні мерзімінде МЖӘ объектісінде бұзушылықтар анықталған күннен бастап күнтізбелік 30 (отыз) күн ішінде оларды жою туралы хабарлама жібереді;
2) Мемлекеттік әріптес 5 (бес) жұмыс күні ішінде Шарттың осы тармағының 1) тармақшасында белгіленген мерзімде бұзушылықтарды жоймаған Жекеше әріптеске шартты бұзу туралы хабарлама жібереді;
3) Жекеше әріптес өз есебінен төленетін МЖӘ объектісін тәуелсіз бағалау нәтижелері бойынша МЖӘ объектісінің бағалау құнын айқындайды және бағалау туралы есепті мемлекеттік әріптеске жібереді;
4) Мемлекеттік әріптес бюджет қаражаты болған кезде 270 (екі жүз жетпіс) күнтізбелік күн ішінде МЖӘ объектісіндегі үлестерді объектінің құны мен ғимараттың амортизациясына алынған шығыстар арасындағы айырмаға тең баға бойынша Жекеше әріптестен сатып алады. Объектінің құны ретінде МЖӘ объектісін пайдалануға беру жылына бекітілген Ғимараттар мен құрылыстар салу құнының ірілендірілген көрсеткіштерінің жинағында көзделген МЖӘ объектісінің бағалау құны мен МЖӘ объектісін салу құны арасындағы ең аз сома қабылданады;
5) Мемлекеттік әріптес МЖӘ объектісін сатып алған жағдайда шартты бұзу туралы келісім жасалады, ол уәкілетті органда мемлекеттік тіркелген күнінен бастап күшіне енеді;
6) МЖӘ объектісін Мемлекеттік әріптес сатып алмаған жағдайда, Шартты бұзу туралы келісім жасалады, ол уәкілетті органда тіркелген күнінен бастап күшіне енеді;
7) Жекеше әріптес студенттерді, магистранттар мен докторанттарды жатақханалардағы орындармен қамтамасыз етуге мемлекеттік тапсырысты орналастыруға байланысты бюджет қаражаты есебінен шеккен шығыстарды 270 (екі жүз жетпіс) күнтізбелік күн ішінде республикалық бюджетке қайтарады.
110. Шарт:
1) Шарттың қолданылу мерзімі өткен;
2) мерзімінен бұрын бұзылған;
3) шартты бұзу туралы сот шешімдері болған;
4) Жекеше әріптес таратылған жағдайларда қолданысын тоқтатады.
111. Алдын ала талаптарды орындау кезеңінде Тараптардың бірінің бастамасы бойынша шартты мерзімінен бұрын бұзу шарттың 6-тарауына сәйкес жүргізіледі.
112. МЖӘ объектісінің инвестициялық кезеңінде тараптардың бірінің бастамасы бойынша шартты мерзімінен бұрын бұзу шарттың 11-тарауына сәйкес жүргізіледі.
113. МЖӘ объектісін пайдалану кезеңінде Тараптардың бірінің бастамасы бойынша мерзімінен бұрын бұзу Шарттың 107-тармағына сәйкес жүргізіледі.
114. Шарттың қолданылуы тоқтатылған жағдайда жұмыстарды тоқтату мынадай тәртіппен жүзеге асырылады:
1) шарттың қолданылуы тоқтатылған кезде Жекеше әріптес дереу:
МЖӘ объектісінің сақталуын қамтамасыз ету үшін қажет жұмыстарды қоспағанда, барлық жұмыстарды тоқтатады;
құрылыс алаңының қауіпсіз күйін сақтау үшін қажет тауарларды қоспағанда, құрылыс алаңынан барлық тауарлар мен материалдарды алып тастайды;
2) құрылыс алаңындағы жұмыстарды тоқтату жұмыстарды тоқтату туралы актімен ресімделеді, онда міндетті түрде көрсетіледі:
оны құрастыру орны;
жасалған күні мен уақыты;
Тараптардың деректемелері;
Жекеше әріптес төлем алған және осы тармақтың 1)-тармақшасының талаптарына сәйкес құрылыс алаңында қалдырған құжаттаманың, материалдар мен тауарлардың нақты сипаттамасы.
Жұмыстарды тоқтату туралы актіге Шарт Тараптары міндетті түрде қол қояды және Тараптардың әрқайсысының мөрімен (шағын кәсепкерлік субъектілері болып табылатын тұлғаларды қоспағанда) бекітіледі.
115. МЖӘ объектісін пайдалану кезеңінде Шарт бұзылған жағдайда қызмет көрсету жаңа Жекеше әріптеске өтеді.
27-тарау. Шарттың тілі
116. Шарт қазақ және орыс тілдерінде, сондай-ақ қажет болған кезде Тараптар үшін қолайлы басқа тілде Тараптардың әрқайсысы үшін бір-бір данадан бірдей заңды күші бар үш түпнұсқа данада жасалды.
117. Шарттың мазмұнын айқындау және түсіндіру кезінде келіспеушіліктер немесе даулар туындаған жағдайда мемелекеттік тілдегі мәтін нұсқасының күші басым болады.
118. Тараптар мемлекеттік және орыс тілдері қарым-қатынас тілі ретінде қолданылатыны жөнінде уағдаласады.
119. Шарт күшіне енген күннен бастап, Шартты орындауға қатысты техникалық құжаттама мен Шартты орындауға қатысты ақпарат мемлекеттік және орыс тілдерінде жасалады.
28-тарау. Шарттың әрекет ету мерзімдері
120. Шарт Қазақстан Республикасының заңнамасында көзделген тәртіппен уәкілетті органда мемлекеттік тіркелген күнінен бастап күшіне енеді және 8 (сегіз) жыл бойы қолданылады, ол мыналарды қамтиды:
1) МЖӘ объектісін салу кезеңі-жиырма төрт ай;
2) МЖӘ объектісін пайдалану кезеңі – жетпіс екі ай.
121. Жекеше әріптес, егер олар Қазақстан Республикасының заңнамасында көзделсе, Шартқа қол қою және тіркеу кезінде алымдарды немесе төлемдерді төлеу жөніндегі шығыстарды көтереді.
29-тарау. Сақтандыру
122. Тараптар сақтандыруға жататын тәуекелдерді айқындайды, оларды Жекеше әріптес Қазақстан Республикасының заңнамада белгіленген тәртіппен сақтандырады.
123. Сақтандыру мүліктік тәуекелдер үшін және мыналарға:
1) құрылыс жүргізу орнына жеткізілетін жүктерді тасымалдауға және қоймаға орналастыруға;
2) жалға алынған немесе лизинг бойынша пайдаланылатын мүлікті қоса алғанда, Жекеше әріптестің құрылыста және техникалық қызмет көрсетуде пайдаланылатын мүлкіне;
3) Шарт бойынша оған иеленуге және пайдалануға берілген мемлекеттік мүліктің, сондай-ақ Шартты орындау нәтижелері бойынша туындайтын мүліктің кездейсоқ жойылуы мен кездейсоқ бүлінуінің тәуекеліне;
4) жерді қоса алғанда, қоршаған ортаны ластауға және қоршаған табиғи ортаға келтірілген залалдың салдарын жоюға арналған шығыстарға;
5) үшінші тұлғалар алдындағы жалпы азаматтық-құқықтық жауапкершілікке байланысты жауапкершілік тәуекелдері үшін көзделеді.
124. МЖӘ объектісін және Жекеше әріптестің жабдығын сақтандыру:
1) Жекеше әріптес заңнамаларға сәйкес МЖӘ объектісінің зақымдалуы немесе жойылуы салдарынан оны иеленумен, пайдаланумен, билік етумен байланысты мүліктік мүдделерге келтірілген зардаптан сақтандыру шартын жасайды. Сақтандыру шарты Шарттың әрекет ету кезеңінде жарамды;
2) Жекеше әріптес МЖӘ объектісін салу және оған техникалық қызмет көрсету үшін сатып алынған жабдықты, тетіктерді, көлік және құралдарды жекеше әріптестің жабдығын иеленуге, пайдалануға, оған билік етуге байланысты оның бүлінуі немесе жойылуы салдарынан келтірілген залалдан сақтандырады. Жекеше әріптес жабдығының кез келген заты үшін сақтандыру шарты осы жабдықты құрылыс алаңына тасымалдау сәтінен оны жабдық ретінде пайдалану қажеттілігі болмайтын сәтке дейін қолданыста болады;
3) Жекеше әріптес жасайтын барлық сақтандыру шарттары, жоғалтуды немесе зақымдалуды өтеудің бір ғана мақсатында Тараптар арасында бөлінуі тиіс сақтандыру төлемдерін алуға ортақ құқыққа ие Тараптардың топтық Шарттары ретінде ресімделуі тиіс.
125. Жеке тұлғаларға және мүлікке зиян келтіргені үшін азаматтық-құқықтық жауапкершілікті сақтандыру:
1) Жекеше әріптес кез келген мүлікке келтірілген кез келген залал (Шартқа сәйкес сақтандырылған заттарды қоспағанда) және (немесе) залал, сондай-ақ кез келген жеке тұлғаға келтірілген, Жекеше әріптестің шартты орындауы салдарынан туындаған және шарттың қолданылуы аяқталғанға дейін болған өлім немесе дене жарақаты (Шартқа сәйкес сақтандырылған адамдарды қоспағанда) үшін өзінің азаматтық-құқықтық жауапкершілігін сақтандырады;
2) сақтандыру шарттары жекеше әріптестің атынан жасалады.
126. Жекеше әріптестің құрылыс және техникалық қызмет көрсету кезеңінде жұмысқа тартылған персоналын сақтандыру:
1) Жекеше әріптес Қазақстан Республикасы заңнамасының талаптарына сәйкес жекеше әріптес персоналына келтірілген мертігу, ауру, ауру немесе қайтыс болу нәтижесінде туындаған талап-арыздардан, залалдардан, шығындардан және шығыстардан (сот шығындары мен төлемдерді қоса алғанда) сақтандыру шартын жасасады;
2) сақтандыру шарты жекеше әріптес персоналы МЖӘ объектісінің құрылысы мен пайдаланылуына, оның ішінде қызмет көрсету кезінде байланысты функцияларды орындаған кезде барлық уақыт бойы күшінде сақталады.
127. Жекеше әріптес Қазақстан Республикасының заңнамасына сәйкес сақтандыру компанияларын қалауы бойынша таңдайды.
30-тарау. Құпиялылық
128. Шарттың ережелері, Шартты орындау процесінде қандай да бір Тарап алған немесе сатып алған ақпарат құпия болып табылады.
129. Тараптар құпия ақпаратты қажетті есептерді жасау үшін пайдалана алады.
130. Тараптардың:
1) азаматтық-процессуалдық және қылмыстық-процессуалдық заңнамада көзделген тәртіппен сот немесе құқық қорғау органдарының сұрау салуларына ақпарат берілген;
2) ақпарат бухгалтерлiк есеп пен қаржылық есептiлiк туралы заңнамаға сәйкес қаржылық және өзге де есептілікті алуға құқылы мемлекеттік органдарға берілген;
3) үшінші тұлға осындай ақпаратты құпия ретінде қарау және оны Шартта көзделген, Тараптар белгілеген мақсаттарда ғана пайдалану міндеттемесін өзіне алған жағдайда, Жекеше әріптеске қызмет көрсететін үшінші тұлғаға ақпарат берілген;
4) инвестор осындай ақпаратты құпия ретінде қарау және оны МЖӘ жобасында көзделген мақсаттарда ғана пайдалану міндеттемесін өзіне алған жағдайда, Жекеше әріптес инвесторға МЖӘ жобасына қаржы қаражатын тарту туралы келіссөздер жүргізетін ақпарат берген жағдайларды қоспағанда, құпия ақпаратты екінші Тараптың келісімінсіз үшінші тұлғаларға беруге құқығы жоқ.
131. МЖӘ объектісін салу және пайдалануға қатысты барлық құжаттар, ақпараттар мен есептер бойынша Шарттың әрекет ету мерзіміне құпиялылықты сақтау мерзімі белгіленеді.
31-тарау. Еңсерілмейтін күш жағдаяттары (форс-мажор)
132. Еңсерілмейтін күш жағдаяттарына:
1) Нақты жағдайда қайтару мүмкін емес және төтенше жағдайлар салдарынан қандай да бір Тараптың Шарт бойынша жағдайларына сәйкес орындау мүмкін емес болуы;
2) Тарап олар туындаған кезде алдын ала болжай алмайтын, құтыла алмайтын немесе еңсере алмайтын;
3) Тараптардың бірінің бұзушылығының тікелей салдары болып табылмайтын ерекше оқиға немесе жағдаят жатады.
133. Еңсерілмейтін күш жағдаяттары (форс-мажор) мынадай ерекше оқиғадан немесе жағдаяттан (бірақ олармен шектеліп қалмай), Шарттың талаптар сақталған жағдайда) тұруы мүмкін:
1) әскери іс-әрекеттер;
2) террористік акт, төңкеріс, көтеріліс;
3) Жекеше әріптестің персоналы болып табылмайтын тұлғалармен алдын ала қамдалған тәртіпсіздіктер мен ереуілдер;
4) археологиялық олжалардың табылуы;
5) табиғи апаттар мен қиратушы құбылыстар, оның ішінде жер сілкінісі, дауыл, су тасқыны, көшкіндер, техногендік және экологиялық апаттар, катаклизмдер, өрт, індет, сондай-ақ МЖӘ объектісін қауіпсіз пайдаланудың мүмкін еместігіне алып келетін қолайсыз климаттық жағдайлар.
134. Тараптар мынадай оқиғалар:
1) Тараптар жол берген абайсыз немесе қасақана әрекет, қателіктер, әрекетсіздік, Шартты бұзу немесе заңнаманы сақтамау;
2) тек Жекеше әріптестің персоналына немесе қандай да бір аралық мердігерге қатысты ереуілдер, жұмыс қарқынының төмендеуі;
3) Жекеше әріптестің күрделі экономикалық жағдайы немесе нарықтық жағдайлардың өзгеруі еңсерілмейтін күш жағдаяттары (форс-мажор) болмайды деп келіседі.
135. Еңсерілмейтін күш жағдаяттарының орын алу фактісі, мүмкіндігінше, тиісті еңсерілмейтін күш жағдаяттарының орын алуын тіркеуге уәкілетті органдардың қорытындыларымен және анықтамаларымен расталуы тиіс.
136. Еңсерілмейтін күш жағдаяттарының (форс-мажор) орын алуы туралы хабарлама:
1) Еңсерілмейтін күш жағдаяттары (форс-мажор) әсер еткен Тарап бұл туралы өзге Тарапты бірінші Тарап мұндай жағдаяттардың орын алуы туралы білгеннен немесе білуге тиіс сәттен бастап 5 (бес) күнтізбелік күн ішінде жазбаша нысанда хабарлауға міндетті.
2) осы тармақтың 1) тармақшасында көрсетілген жазбаша хабарлама еңсерілмейтін күш жағдаяттарының (форс-мажор) орын алу күніне, оның әрекет етуінің болжамды мерзімін көрсетуі, мұндай жағдаятты немесе оның еңсерілмейтін күш жағдаяттарынан (форс-мажор) зардап шеккен Тараптың Шартты орындауына әсерін егжей-тегжейлі сипаттауы, сондай-ақ еңсерілмейтін күш жағдаяттарының (форс-мажор) әсеріне ұшыраған Тарап қамдануға ниетті әрекеттердің сипаттамасынан тұруы тиіс. Аталған хабарламаға еңсерілмейтін күш жағдаяттарының (форс-мажор) орын алғанып растайтын құжаттар қоса берілуі тиіс.
3) Тарап өзге Тарапқа осындай хабарламаны жолдағаннан кейін, осы еңсерілмейтін күш жағдаятының (форс-мажор) әрекет ету уақытына Шарт бойынша көрсетілген міндеттемелерді орындаудан босатылады.
137. Шарттың уақтылы орындалмау ықтималдығын азайту:
1) еңсерілмейтін күш жағдаятының (форс-мажор) әсеріне ұшыраған Тарап мұндай мән-жай туындаған жағдайды түзету үшін барлық саналы күш - жігерін салады және оның салдарларын азайтуы тиіс;
2) кез келген Тарап Шартты орындау барысында, кез келген уақытта еңсерілмейтін күш жағдаяттарының (форс-мажор) орын алуымен туындаған кез келген кідірістерді азайту үшін кез келген мүмкіндікті пайдаланады.
138. Еңсерілмейтін күш жағдаяттарының (форс-мажор) салдары:
1) еңсерілмейтін күш жағдаяттары (форс-мажор) зардап шеккен Тарапқа әсер етуін тоқтатқаннан кейін және оған Шарт бойынша өзінің міндеттемелерін орындауға әрі қарай кедергі келтірмейтін болса, онда мұндай Тарап бұл туралы өзге Тарапты дереу хабардар етеді және Шарт бойынша өзінің міндеттемелерін жаңартады;
2) егер Тараптарға Шарт бойынша өздерінің міндеттемелерін орындауға қандай да бір әсер ететін еңсерілмейтін күш жағдаяттары (форс-мажор) 30 (отыз) күнтізбелік күннен көп жалғасатын жағдайда, онда кез келген Тарап өзге Тараптан кездесу өткізуді талап етеді және қалыптасқан жағдайдан шығуды іздестіру туралы мәселені талқылайды;
3) Шарттың әрекет ету мерзімі және Тараптардың Шарт бойынша белгілі бір міндеттемелерді орындау мерзімі, еңсерілмейтін күш жағдаяттарының (форс-мажордың) әсеріне ұшыраған Тарап Шарт бойынша өзінің міндеттемелерін және тиісті әрекеттерді толық көлемде орындай алмаған уақыт кезеңіне тең кезеңге ұзартылуы тиіс. Егер еңсерілмейтін күш жағдаяттарының (форс-мажордың) әсеріне ұшыраған Тараптың міндеттемелері мен әрекеттері тек ішінара тоқтатылған жағдайда, Тараптар барлық ілеспе жағдаяттарды есепке ала отырып, осындай кезеңді (немесе этаптың) тиісінші ұзарту мәселесін талқылайды және келіседі.
32-тарау. Қоршаған ортаны қорғау және жұмыстарды жүргізу қауіпсіздігі жөніндегі талаптар
139. Қауіпсіздікті және қоршаған ортаны қорғауды қамтамасыз ету мақсатында Жекеше әріптес:
1) МЖӘ объектісін салу және пайдалану жөніндегі жұмыстарды жүргізу кезінде жекеше әріптес персоналының қауіпсіздігі жөніндегі Қазақстан Республикасы заңнамасының нормалары мен талаптарын сақтайды;
2) жұмыстарды жүргізудің оң тәжірибесін басшылыққа ала отырып, адамдардың өмірі мен денсаулығына және қоршаған ортаға, сондай-ақ меншікті жоюға қауіп төндіретін апаттар мен өзге де қауіпті жағдайлардың алдын алу бойынша қажетті барлық шараларды қолдайды;
3) МЖӘ объектісін пайдалану кезінде Жекеше әріптестің қызметімен келтірілетін экологияның залалын барынша азайтуға бағытталған экологиялық заңнамаға және Қазақстан Республикасының экологияны қорғау саласындағы халықаралық шарттарына сәйкес өзге де іс-шараларды жүргізуді қамтамасыз етеді.
140. Егер МЖӘ объектілерін салу және пайдалану адамдардың өмірі мен денсаулығына қауіп туғызатын болса, аталған жұмыстар жүргізілмейді.
141. Шарт бойынша жұмысты қауіпсіз жүргізуді қамтамасыз ету жөніндегі негізгі талаптар:
1) жұмыстарға арнайы даярлығы мен біліктілігі бар адамдарды, құрылыс жұмыстарына басшылық етуге тиісті арнайы білімі бар, заңнамаға сәйкес міндетті медициналық тексеруден өткен адамдарды жіберу;
2) құрылыс жұмыстарында істейтін адамдарды арнайы киімдермен, жеке және ұжымдық қорғау құралдарымен қамтамасыз ету;
3) қауіпсіздік талаптары мен санитариялық ережелерге және гигиеналық нормативтерге сәйкес келетін машиналарды, жабдықтар мен заттарды қолдану;
4) техникалық құжаттаманы және апаттарды жою жоспарларын жұмыстарды қауіпсіз жүргізу аймақтарының шектерін нақтылайтын деректермен уақтылы толықтыру;
5) ғимараттарды әзірлеу мен жайластырудың жобалау жүйелерін, жобалары мен технологиялық схемаларын сақтау болып табылады.
142. Жұмыскерлердің өмірі мен денсаулығына тікелей қауіп төнген жағдайда, Жекеше әріптес жұмыстарды дереу тоқтатып, адамдарды қауіпсіз жерге тасымалдауды қамтамасыз етеді.
143. Халықтың өмірі мен денсаулығына тікелей қауіп төнген жағдайда Жекеше әріптес бұл туралы тиісті саладағы жергілікті атқарушы дереу хабарлайды.
144. Шарт бойынша қызметтің ықпал ету аймағында халықтың өмірі мен денсаулығына қауіп төнген кезде жекеше әріптес халықтың денсаулығы мен өмірі үшін қауіпсіз жағдайлар жасамай және туындаған қауіптің алдын алмай жұмысты тоқтата тұрады және қайта бастамайды. Қауіптің алдын алу үшін шаралар қабылдау мүмкін болмаған кезде Жекеше әріптес халықты қауіпті аймақтардан көшіргеннен кейін ғана шарт бойынша жұмысты қайта бастайды.
145. Жекеше әріптес заңнамаға сәйкес оның кінәсі бойынша Жекеше әріптес персоналының денсаулығына келтірілген зиянды өтейді.
146. Жекеше әріптес апаттар мен өзге де қауіпті жағдайларды болдырмау жөніндегі іс-шаралардың бағдарламаларын әзірлейді және оларды жобалық құжаттардың құрамында бекітеді.
147. Жекеше әріптес заңнамаға сәйкес техника қауіпсіздігін қамтамасыз ету бойынша тиісті шаралар қабылдайды және есептіліктің уақытында тапсырылуын қамтамасыз етеді.
33-тарау. Хабарламалар
148. Шарт аясындағы барлық хабарламалар мемлекеттік және/немес орыс тілінде жазбаша нысанда жасалуы тиіс.
149. Кез келген хабарламаны, егер ол жеткізілгенін автоматты түрде растай отырып, алушының мекенжайына электрондық поштамен жіберілсе, келесі Тарап алған болып есептеледі.
150. Мемлекеттік әріптес Жекеше әріптеске жіберетін кез келген хабарлама немесе хабарлама Шарттың ережелеріне сәйкес жекеше әріптеске және (немесе) оның уәкілетті өкіліне жіберіледі.
151. Шарттың ережелеріне сәйкес Жекеше әріптес Мемлекеттік әріптеске жіберетін кез келген хабарлама немесе хабарлама мемлекеттік әріптеске және (немесе) оның уәкілетті өкіліне жіберіледі.
152. Мемлекеттік әріптес және Мемлекеттік әріптес өкілі Шартқа сәйкес Жекеше әріптес өкілінің кез келген әрекетін Жекеше әріптес тікелей мақұлдаған әрекет ретінде қарастырады.
153. Жекеше әріптес және Жекеше әріптестің өкілі Шартқа сәйкес Мемлекеттік әріптес өкілінің кез келген әрекетін Мемлекеттік әріптес тікелей мақұлдаған әрекет ретінде қарастырады.
34-тарау. Қорытынды ережелер
154. Шартқа барлық қосымшалар мен толықтыруларға Тараптардың уәкілетті өкілдері қол қояды.
155. Шарт бойынша кез келген хат алмасу келесі мекенжайлар бойынша жіберіледі:
Мемлекеттік әріптес: __________;
Жекеше әріптес: __________.
Шарт талаптарын өзгертетін шарт бойынша тараптардың хат алмасуының заңды күші болмайды.
156. Тараптардың заңды мәртебесін не ұйымдық-құқықтық нысанын өзгерту Шарттың қолданылуын тоқтатпайды және Тараптар Шартты бұзуға, оны өзгертуге ниет білдірген не құқық нормалары оны қайта рәсімдеуді талап еткен жағдайларды қоспағанда, барлық құқықтар мен міндеттер тиісті құқықтық мирасқорға көшеді. Бұл ретте Тараптар құқықтық мәртебесінің, орналасқан орнын және өзге де деректемелерінің өзгеруі туралы бірін-бірі жазбаша түрде 10 (он) күнтізбелік күн ішінде хабардар етуге міндетті.
157. Шарт Тараптар арасындағы толық келісім болып табылады және ол Шарт нысанына қандай да бір қатысы бар бұрын болған барлық ауызша немесе жазбаша айтылған немесе топшыланған келісімдерді, өтініштерді немесе мәмілелерді ауыстырады.
158. Тараптардың ешқайсысы Шартта баяндалмаған қандай да бір ауызша немесе жазбаша, айтылған немесе топшыланған келісімдермен, өтініштермен немесе мәмілелермен байланысты немесе оларға қатысты жауапты емес.
159. Тараптардың әрқайсысы, сондай-ақ шарт жасасу кезінде ол шартта көрсетілмеген ауызша немесе жазбаша, айтылған немесе болжанатын уағдаластықтарға, өтініштерге немесе келісімдерге қандай да бір түрде сенбегенін және қандай да бір түрде сенбейтінін мойындайды және келіседі.
160. Шарт бойынша Тараптардың құқықтары мен құқық қорғау құралдары қолданылатын құқықпен қарастырылған қандай да бір құқықтарға немесе құқық қорғау құралдарына қосымша болып табылады, бірақ оны ауыстыра алмайды.
161. Шартқа және заңнамаға сәйкес ресімделетін барлық актілер міндетті түрде төрт түпнұсқа данада, әр Тарап үшін мемлекеттік және/немесе орыс тілдерінде екі данадан жасалуы тиіс.
162. Шарттың барлық қосымшалары және оған қосымша келісімдер Шарттың әрекет ету мерзімі кезеңінде заңды күшіне ие және оларға Тараптардың уәкілетті өкілдері қол қоюы тиіс.
35-тарау. Тараптардың мекен-жайы және банктік деректемелері
Мемлекеттік әріптес | Жекеше әріптес | |
(толық атауы) |
(толық атауы) | |
____________________________ | ___________________________ | |
(мекенжай) |
(мекенжай) | |
(телефон, факс) |
(телефон, факс) | |
(ТӘА) (бар болған жағдайда) |
(ТӘА) (бар болған жағдайда) | |
(қолы) |
(қолы) | |
"___"____________, 20___ж. | "___"____________, 20___ж. | |
МО (шағын кәсіпкерлік субъектілері болып табылатын тұлғаларды қоспағанда) | МО (шағын кәсіпкерлік субъектілері болып табылатын тұлғаларды қоспағанда) |
| Мемлекеттік-жекешелік әріптестіктің үлгілік шартына 1-қосымша |
|
| Нысан |
МЖӘ объектісінің сипаттамасы
МЖӘ объектісі ___ орындық студенттік жатақхана болып табылады __________ (елді мекеннің атауы мен орналасқан жерін көрсету).
___ орындық студенттік жатақхана құрылысына арналған алаң талаптарға сәйкес іргелес аумақпен байланыстыра отырып таңдалды__________ (тиісті саланың нормативтік құқықтық актілерін және (немесе) нормативтік-техникалық құжаттаманы көрсету).
Негізгі техникалық-экономикалық көрсеткіштер
Р/с | Көрсеткіштер | Өлшем бірлігі | |
1 | сыйымдылығы | орын | |
2 | жер учаскесінің ауданы | га | |
3 | құрылыс алаңы | м2 | |
4 | ғимараттың жалпы ауданы | м2 | |
5 | пайдалы аудан | м3 | |
6 | құрылыс көлемінің барлығы | м3 | |
7 | техникалық көрсеткіштер:: | ||
7.1 | жылу қуаты (жылу, желдету, ыстық сумен қамтамасыз ету) | Гкал/жыл | |
7.2 | сумен жабдықтау | м3/тәулік | |
7.3 | кәріздендіру | м3/тәулік | |
7.4 | ҚТҚ | м3 | |
7.5 | электр энергиясының тұтынылатын қуаты | кВт | |
7.6 | өзгелер (байланыс қызметтері) | ||
8 | құрылыстың ұзақтығы | ай | |
МЖӘ объектісінің сипаттамасы (үй-жайлардың экспликациясын көрсету)
Р/с | атауы | ауданы | |
1 қабат | |||
1 | |||
2 | |||
3 | |||
… | |||
n | |||
2 қабат | |||
1 | |||
2 | |||
3 | |||
… | |||
n | |||
N қабат | |||
1 | |||
2 | |||
3 | |||
… | |||
n | |||
Тараптардың қолдары | |||
______________________________ | ______________________________ | ||
Мемлекеттік әріптестің атынан | Жекеше әріптестің атынан | ||
| Мемлекеттік-жекешелік әріптестіктің үлгілік шартына 2-қосымша |
|
| Нысан |
МЖӘ жобасын жүзеге асыру графигі*
* Ескертпе: МЖӘ жобасын жүзеге асыру кестесіне өзгерістер мен толықтырулар енгізу мемлекеттік әріптеспен келісіледі.
| Мемлекеттік-жекешелік әріптестіктің үлгілік шартына 3-қосымша |
|
| Нысан |
Қаржы-экономикалық жоспар
Жатақхананың жұмыс істеуі үшін барлығы ___ қызметкер тартылатын болады.
Жатақхана үшін штат бірліктерінің саны, адам
атауы | саны |
Әкімшілік басқару персоналы | |
Өндірістік персонал | |
Қызмет көрсету персоналы | |
Үй-жайларды тазалаушы | |
әртүрлі жұмысты атқаратын адам; | |
Көмекші персонал | |
Сантехник | |
Электрик | |
Ағаш ұстасы | |
Барлығы |
Жоба бойынша МЖӘ жобасының барлық кезеңінде жекеше әріптес басқарушы компанияны құру жоспарлануда, жобаны Құрылыс және пайдалану кезеңдерінде _________ адам санында басқару үшін.
МЖӘ жобасын іске асырудың қаржылық-экономикалық көрсеткіштері:
* барлық шығыстар МЖӘ объектісін құру (салу) кезеңінде қабылданады
| Мемлекеттік-жекешелік әріптестіктің үлгілік шартына 4-қосымша |
|
| Нысан |
Жер учаскесінің сипаттамасы
Р/с | Сипаттамасы | Көрсеткіш | |
1 | Жер учаскесінің орналасқан жері | ||
2 | Уақытша өтеусіз жер пайдалану құқығына акт | №___, "___"_________, 20__ж. | |
3 | Кадастрлық нөмірі | № ___-___-___-___ | |
4 | Жер учаскесін өтеусіз жер пайдалану мерзімі | ___ жыл | |
5 | Ауданы | ___ га | |
6 | Шекаралардың сипаттамасы | ||
7 | Жерлердің санаты | ||
8 | Жер учаскесін мақсатты тағайындау | ||
9 | Жер учаскесін пайдаланудағы шектеулер мен ауыртпалықтар | ||
10 | Жер учаскесінің бөлінуі | ||
11 | Жер учаскесінің құны | __теңге__тиын | |
Тараптардың қолдары | |||
______________________________ | ______________________________ | ||
Мемлекеттік әріптестің атынан | Жекеше әріптестің атынан | ||
| Мемлекеттік-жекешелік әріптестіктің үлгілік шартына 5-қосымша |
|
| Нысан |
МЖӘ жобасының көздері және МЖӘ қаржыландыру кестесі
Тараптардың қолдары
______________________________ ______________________________
Мемлекеттік әріптестің атынан Жекеше әріптестің атынан
| Мемлекеттік-жекешелік әріптестіктің үлгілік шартына 6-қосымша |
|
| Нысан |
Көрсетілетін қызметтердің сапа индикаторларын және МЖӘ объектісін пайдалану өлшемшарттарын бұзудың ақаулы нүктелерін есептеу
1. Есеп:
1) Жекеше әріптес осы қосымшаның 2-тармағына (ақауы бар көзілдірік) сәйкес мемлекеттік әріптеске қандай да бір ақаудың немесе өзге де бұзушылықтың болуы/болмауы туралы ілеспе хатпен тоқсан сайын/жыл сайын жазбаша есеп беруге міндетті;
2) есепте ақаудың немесе өзге де бұзушылықтың жеткілікті толық сипаттамасы және бұзушылықты жоюдың тиісті мерзімі болуы тиіс;
3) мемлекеттік әріптес есепті алған күннен бастап 10 (он) күнтізбелік күн өткен соң жекеше әріптеске кемшіліктердің бар/жоқтығын растайтын хабарлама жібереді. Есептің дұрыстығын мемлекеттік әріптестің өкілі тексереді;
4) жекеше әріптес келесі есепті кезеңнің нәтижелері бойынша анықталған кемшіліктерді жоюға немесе болдырмауға міндетті;
5) келесі есепті кезеңнің нәтижелері бойынша анықталған кемшіліктер жойылмаған немесе оларға жол берілмеген жағдайда мемлекеттік әріптес ақаулық ұпайларды белгілейді және бұл туралы жекеше әріптеске хабарлайды.
2. Ақаулық ұпайлар:
1) егер жекеше әріптес келесі есепті кезеңнің соңында анықталған кемшіліктерді жоймаса, мемлекеттік әріптес ақаулық ұпайларды береді;
2) егер болмашы ақау анықталса, мұндай ақау үшін айыппұл мөлшері 5 (бес) ақаулық ұпайды құрайды;
3) елеулі ақау анықталса, мұндай ақау үшін өсімпұл мөлшері 10 (он) ақаулық ұпайды құрайды;
4) қауіпті ақау анықталса, мұндай ақау үшін айыппұл мөлшері 15 (он бес) ақаулық ұпайды құрайды;
5) ақаулық ұпайлардың саны бір бұзушылыққа қатысты төленуі мүмкін ең жоғарғы сан болып табылады;
6) ақаулық ұпайлар ақы төлеуге арналған есепте тиісті бөлшектерді көрсетумен барлық есептелген ақаулық ұпайларды қосу жолымен есептелетін болады;
7) жекеше әріптес ақаулық ұпайлардың есептелуі туралы хабарламаны немесе ақы төлеу мөлшерін немесе тиісті ақаулық ұпайлардың санын осындай хабарлама алғаннан кейін 10 (он) күнтізбелік күн ішінде мемлекеттік әріптеске дәлелді наразылық жолдап даулай алады;
8) егер мемлекеттік әріптес және жекеше әріптес жекеше әріптес тарапынан осындай наразылық болған күннен бастап 10 (он) күнтізбелік күн ішінде кез келген осындай мәселе бойынша мәмілеге келе алмаса, тараптардың кез келгені дауларды шешу тәртібін пайдалана алады.
Қызмет көрсету сапасының индикаторлары
Р/с № | Индикаторлардың атауы | Ақпараттың кезеңділігі | Ақпарат көзі | Шекті мәні | Ақаулық мәні |
1 | 2 | 3 | 4 | 5 | 6 |
1 | МЖӘ объектісінде қызмет көрсету сапасын тексеру есебі белгіленген, қызмет көрсету сапасына шағымдарды тіркеу кітабы (журнал) бар | ай сайын | жекеше әріптестің Шарт бойынша міндеттемелерді орындауы туралы есеп | МЖӘ объектісі әкімшілігінің мөрі (шағын кәсепкерлік субъектілері болып табылатын тұлғаларды қоспағанда) бар шағымдар кітабының болуы (беттері нөмірленген және тігілген болуы керек) | азғантай |
2 | тиісті қызметтердің МЖӘ объектісіне техникалық қызмет көрсету жөніндегі санитарлық, басқа да нормалар мен талаптарды бұзу фактісі | тоқсан сайын | шарт бойынша міндеттемелерді орындау туралы есеппен бірге жекеше әріптес ұсынған тиісті қызметтердің есебі | индикатор мәні 2 (екі) фактіден аспайды | елеулі |
3 | Жекеше әріптестің МЖӘ объектісіне ағымдағы жөндеу жұмыстарын жүргізбеуі | тоқсан сайын | жекеше әріптес көрсететін тиісті қызметтер туралы есеп | индикатор мәні 1 (бір) фактіден аспайды | қауіпті |
4 | МЖӘ объектісінің материалдық-техникалық қорының жабдықталмауы | тоқсан сайын | жекеше әріптес көрсететін тиісті қызметтер туралы есеп | индикатор мәні 1 (бір) фактіден аспайды | елеулі |
5 | тиісті қызметтермен МЖӘ объектісін пайдалану кезінде ақаулардың немесе бұзушылықтардың болуы фактісі | тоқсан сайын | жекеше әріптес ұсынған тиісті қызметтер туралы есеп | индикатор мәні 2 (екі) фактіден аспайды | қауіпті |
Ақаулық ұпай
негіздеме | ақаулық ұпайлардың саны |
қандай да бір ақаудың немесе өзге де бұзушылықтың болуы/болмауы туралы есеп беру мерзімін бұзу | әрбір кешіктірілген күн үшін, әрбір тапсырылмаған есеп үшін 10 (он) ақаулық ұпай |
мемлекеттік әріптеске немесе уәкілетті органдарға мемлекеттік-жекешелік әріптестік объектісіне рұқсат беруден бас тарту | Уәкілетті органдардың өкілдерінің қызметіне рұқсат бермеудің немесе кедергі келтірудің әр күні үшін күніне 20 (жиырма) ақаулық ұпай |
жекеше әріптестің Мемлекеттік әріптеске анық емес ақпаратты әдейі тапсыруы | әрбір анықталған анық емес ақпаратты беру жағдайы үшін 20 (жиырма) ақаулық ұпай |
ағымдағы жөндеуді тиісті мерзімінде орындамау | әрбір анықталған бұзушылық жағдайы үшін 50 (елу) ақаулық ұпай |
Тараптардың қолдары | |
___________________________ | ______________________________ |
Мемлекеттік әріптестің атынан | Жекеше әріптестің атынан |
| Мемлекеттік-жекешелік әріптестіктің үлгілік шартына 7-қосымша |
|
| Нысан |