Успен ауданы әкімдігінің кейбір қаулыларының күші жойылды деп тану туралы

Павлодар облысы Успен аудандық әкімдігінің 2016 жылғы 19 қыркүйектегі № 172/9 қаулысы

Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 37-бабының 8-тармағына, Қазақстан Республикасының 2016 жылғы 6 сәуірдегі "Құқықтық актілер туралы" Заңының 46-бабының 2-тармағының 4) тармақшасына сәйкес, Успен ауданы әкімдігі ҚАУЛЫ ЕТЕДІ:
1. Аудан әкімдігінің келесі қаулыларының күші жойылды деп танылсын:
1) Успен ауданы әкімдігінің 2016 жылғы 05 шілдедегі "2016 жылға Успен ауданының ұйымдарында мүгедектерді жұмысқа орналастыру үшін жұмыс орындарының квотасын белгілеу туралы" № 121/7 қаулысы (Нормативтік құқықтық актілерді мемлекеттік тіркеу тізілімінде 2016 жылы 26 шілдедегі № 5180 болып тіркелген, "Аймақ ажары" және "Огни села" газетінде 2016 жылғы 13 тамыздағы № 32 номерінде жарияланған);
2) Успен ауданы әкімдігінің 2016 жылғы 05 шілдедегі "Қылмыстық-атқару инспекциясы пробация қызметінің есебінде тұрған, сондай-ақ бас бостандығынан айыру орындарынан босатылған тұлғаларды және Успен ауданының білім беру ұйымдарының түлектері болып табылатын, кәмелетке толғанға дейін ата-анасынан айырылған немесе қамқорлығынсыз қалған жастар қатарындағы азаматтарды жұмысқа орналастыру үшін жұмыс орындары квотасын белгілеу туралы" № 122/7 қаулысы (Нормативтік құқықтық актілерді мемлекеттік тіркеу тізілімінде 2016 жылы 26 шілдесінде № 5182 болып тіркелген, "Аймақ ажары" және "Огни села" газетінде 2016 жылғы 13 тамыздағы № 32 номерінде жарияланған);
2. Осы қаулы қол қойылған күннен бастап қолданысқа енгізіледі.
3. Осы қаулының орындалуын бақылау Успен ауданы әкімінің жетекшілік етуші орынбасарына жүктелсін.

Аудан әкімі

С. Саламацкий