Қазақстан Республикасының Yкiметi қаулы етеді:
1. 2000 жылғы 22 мамырда Минск қаласында жасалған Қазақстан
Республикасының Yкiметi мен Беларусь Республикасы Үкiметiнiң арасындағы
Жоғары бiлiкті ғылыми және ғылыми-педагог кадрларды аттестациялау
саласындағы ынтымақтастық туралы келiсiм бекiтiлсiн.
2. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Қазақстан Республикасының Үкiметі мен
Беларусь Республикасы Yкiметiнiң арасындағы Жоғары біліктi ғылыми
және ғылыми-педагог кадрларды аттестациялау саласындағы
ынтымақтастық туралы
КЕЛIСIМ*
2002 жылғы 15 ақпаннан бастап күшіне енді - ҚР халықаралық
шарттары бюллетені, 2002 ж., N 4, 40-құжат
Бұдан әрi Тараптар деп аталатын Қазақстан Республикасының Үкiметi мен
Беларусь Республикасының Үкiметi
ғылыми дәрежелер жөнiндегi құжаттарды тану және нострификациялау (теңестiру) ғылыми дәрежелердің салғастырмалылығы қағидаттары туралы 1993 жылғы 17 мамырдағы келiсiмдi басшылыққа ала отырып,
ғылыми байланыстарды сақтауға және дамытуға ұмтыла отырып,
жоғары бiлiктi ғылыми және ғылыми-педагог кадрларды аттестациялау саласындағы ынтымақтастықты жалғастыруға ұмтылушылықты растай отырып,
төмендегiлер туралы уағдаласты:
1-бап
Тараптар белгiленген тәртiпте дипломдардың иегерлерiн қайта аттестациялау арқылы Тараптар мемлекеттерiнің тиiстi аттестациялық органдары берген ғылыми дәрежелердi беру туралы мемлекеттiк үлгiдегi құжаттарды өз мемлекеттерiнiң аумағында таниды.
2-бап
Қазақстан Республикасынан уәкiлеттi орган - Қазақстан Республикасы Бiлiм және ғылым министрлiгінің Жоғары аттестациялық комиссиясы, Беларусь Республикасынан - Беларусь Республикасының Мемлекеттiк жоғары аттестациялық комитетi.
3-бап
Тараптардың уәкiлеттi органдары:
аттестациялаудың ұлттық жүйелерiн дамыту тұжырымдамалары мен жоғары бiлiктi ғылыми және ғылыми-педагог кадрларды аттестациялауға қойылатын талаптарды, сондай-ақ ғылыми қызметкерлер мамандықтарының ұлттық тiзбелерiн (номенклатураларын) әзiрлеу кезiнде өзара консультациялар өткiзедi;
жоғары бiлiктi ғылыми және ғылыми-педагог кадрларды аттестациялаудың мемлекеттік жүйелерiнде ғылыми дәрежелердің iзденушiлерiне қойылатын негiзгi талаптардың салғастырмалдығын қамтамасыз етедi.
4-бап
Тараптар мемлекеттерiнiң уәкiлеттi органдары жоғары бiлiктi ғылыми және ғылыми-педагог кадрларды аттестациялау саласында:
өзiнiң мемлекетiнiң аумағындағы диссертациялар қорғау жөнiндегi кеңестерде екiншi Тарап мемлекетi iзденушiлерiнiң диссертацияларын қорғауларын өткiзуi үшiн тең жағдайлар жасау;
жоғары бiлiктi ғылыми және ғылыми-педагог кадрларды аттестациялаудың мемлекеттiк жүйелерiндегi өзгерiстер туралы дер кезiнде өзара хабарлау, осы кадрларды аттестациялау мәселелерi бойынша тиiстi нормативтiк құқықтық актiлермен және басқа да материалдармен алмасу;
жоғары бiлiктi ғылыми және ғылыми-педагог кадрларды аттестациялауды жетiлдiруге бағытталған процестердi басқару тәжiрибесiмен алмасу жөнiндегi қажеттi бiрлескен iс-шараларды өткiзу арқылы ынтымақтастықты дамытады.
5-бап
Диссертациялық жұмыстарды сараптау сапасын арттыру үшiн Тараптардың Уәкiлеттi органдары:
Тараптар мемлекеттерiнiң диссертациялар қорғау жөнiндегi кеңестерiнiң жұмысына жетекшi ғалымдар мен мамандардың, сондай-ақ олардың диссертациялар қорғау кезiнде оппоненттер ретiнде қатысуына;
өз аумағындағы диссертация қорғау жөнiндегi кеңестерде екiншi
Тараптың диссертациялар қорғау жөнiндегi кеңестерiнде қорғалған
диссертацияларға қосымша сараптаулар өткiзуге жәрдемдеседi.
6-бап
Осы Келiсiмге қатысу Тараптардың жоғары бiлiктi ғылыми және
ғылыми-педагог кадрларды аттестациялау саласындағы ынтымақтастықтың басқа
да нысандарын пайдалану құқықтарын шектемейдi.
7-бап
Осы Келiсiмдi iске асыруға байланысты нақты мәселелер бойынша қосымша
келiсiмдер мен хаттамаларға қол қойылуы мүмкiн.
8-бап
Тараптардың өзара келiсiмi бойынша Келiсiм мәтiнiне осы Келiсiмнiң
ажырамас бөлiгi болып табылатын жеке хаттамалармен ресiмделетiн өзгертулер
мен толықтырулар енгiзiлуi мүмкiн.
9-бап
Осы Келiсiмнiң ережелерiн түсiндiру немесе қолдану мәселелерi бойынша келiспеушiлiктер туындаған жағдайда Тараптар оларды консультациялар және келiссөздер арқылы еңсеретiн болады.
10-бап
Осы Келiсiм оның күшiне енуi үшiн қажеттi мемлекетiшілік рәсiмдердi орындау туралы соңғы жазбаша хабарлама алынған күннен бастап күшiне енедi.
Осы Келiсiм бес жыл бойына қолданыста болады және оның қолданыста болу мерзiмi егер Тараптардың бiр де бiрi осы Келiсiмнің қолданыста болуын тоқтауға өзiнiң ниеттерiн оның қолданыста болуының тиiстi кезеңiнiң өтуiне дейiн алты айдан кешiктiрмей жазбаша хабарлау жолымен мәлiмдемесе,
өздiгiнен келесi бес жылдық кезеңге ұзаратын болады.
Минск қаласында, 2000 жылғы 22 мамырда түпнұсқа екi данада, әрқайсысы
қазақ, беларусь және орыс тілдерінде жасалды және де барлық мәтiндердiң
күштерi бiрдей. Түсiндiрiлуде пiкiр алшақтығы болған жағдайда орыс
тiлiндегi мәтiн басымдылыққа ие.
Қазақстан Республикасының Беларусь Республикасының
Үкіметі үшін Үкіметі үшін
Мамандар:
Багарова Ж.А.,
Қасымбеков Б.А.
