Қазақстан Республикасының Үкіметi ҚАУЛЫ ЕТЕДI:
"Қазақстан Республикасы мен Халықаралық Қайта Құру және Даму Банкi арасындағы "Сырдария өзенiнiң арнасын реттеу және Арал теңiзiнiң солтүстiк бөлiгiн сақтау (2-кезең)" жобасын дайындауға грант бөлу туралы келiсiм-хатқа қол қою туралы" Қазақстан Республикасының Президентi Жарлығының жобасы Қазақстан Республикасы Президентiнiң қарауына енгiзiлсiн.
Қазақстан Республикасының
Премьер-Министрі
ҚАЗАҚСТАН РЕСПУБЛИКАСЫ ПРЕЗИДЕНТIНІҢ
ЖАРЛЫҒЫ Қазақстан Республикасы мен Халықаралық
Қайта Құру және Даму Банкi арасындағы "Сырдария
өзенiнiң арнасын реттеу және Арал теңiзiнiң
солтүстiк бөлiгiн сақтау (2-кезең)" жобасын
дайындауға грант бөлу туралы келiсiм-хатқа
қол қою туралы
"Қазақстан Республикасының халықаралық шарттары туралы" Қазақстан Республикасының 2005 жылғы 30 мамырдағы Заңына сәйкес ҚАУЛЫ ЕТЕМIН :
1. Қоса берiлiп отырған Қазақстан Республикасы мен Халықаралық Қайта Құру және Даму Банкi арасындағы "Сырдария өзенiнiң арнасын реттеу және Арал теңiзiнiң солтүстiк бөлiгiн сақтау (2-кезең)" жобасын дайындауға грант бөлу туралы келiсiм-хаттың жобасы мақұлдансын.
2. Қазақстан Республикасының Ауыл шаруашылығы министрi Ахметжан Смағұлұлы Есiмовке Қазақстан Республикасының атынан Қазақстан Республикасы мен Халықаралық Қайта Құру және Даму Банкi арасындағы "Сырдария өзенiнiң арнасын реттеу және Арал теңiзiнiң солтүстiк бөлiгiн сақтау (2-кезең)" жобасын дайындауға грант бөлу туралы келiсiм-хатқа қол қоюға өкiлеттiк берiлсiн.
3. Осы Жарлық қол қойылған күнiнен бастап қолданысқа енгiзiледi.
Қазақстан Республикасының
Президентi
Астана, Ақорда, 2006 жылғы
N
The World Bank - Central Asia Regional Office
INTERNATIONAL BANK FOR RECONSTRUCTION AND DEVELOPMENT
INTERNATI0NAL DEVELOPMENT ASSOCIATION
41 Kazybek Вi Str. Bldg. А, 4 th floor Tel. +7 (327 2) 98 05 80
Almaty 050000 Fax +7 (327 2) 98 05 81
Republic of Kazakhstan
2006 жылғы 17 шiлде
Қазақстан Республикасының Ауыл шаруашылығы министрi
А.С.Есiмов мырзаға
Ауыл шаруашылығы министрлiгi
Қазақстан Республикасы
010000, Астана қаласы
Абай даңғылы, 25-үй
"Сырдария өзенiнiң арнасын реттеу және Арал теңiзiнiң солтүстiк бөлiгiн сақтау (2-кезең)" жобасын дайындауға бөлiнетiн PHRD гранты Грант N TF056573
Құрметтi Есiмов мырза:
Халықаралық Қайта Құру және Даму Банкiнiң (бұдан әрi - банк) атынан Жапония Үкiметi ұсынған грант қаражатының әкiмшiсi ретiнде осы арқылы Қазақстан Республикасына (бұдан әрi - алушы) сегiз жүз мың (800 000) АҚШ долларынан аспайтын мөлшердегi гранттың (бұдан әрi - грант) бөлiнгенiне Банктiң келiскенiн бiлдiремiн.
Грант алушының мақсаттарға қаржылай жәрдем көрсету туралы сұрау салуына жауап ретiнде және осы келiсiм-хатқа (бұдан әрi - келiсiм-хат) 1 және 2-қосымшаларда көрсетiлген немесе оларға сiлтемелер жасалған ережелер мен шарттарға сәйкес бөлiнiп отыр. 1-қосымша 2-қосымшамен бiрге қаралуы тиiс. Осы келiсiм-хатқа 2-қосымша грант бойынша жалпы ережелер мен шарттарды белгiлейдi, ал осы келiсiм-хатқа 1-қосымша көрсетiлген ережелер мен шарттардың осы грантқа нақты қолданылуын айқындайды. Алушы көрсетiлген ережелер мен шарттарға сәйкес келiсiм жасасуға және көрсетiлген мақсаттар үшiн грант қаражатын алуға уәкiлеттi екендiгiн мәлiмдейдi, осыны төмендегi келiсiмiмен растайды.
Осы келiсiм-хаттың қоса берiлiп отырған данасына өз қолыңызды және қол қойылған күндi қойып, банкке қайтара отырып, Алушының атынан жоғарыда айтылғандарға өз келісіміңізді растауыңызды сұраймыз. Осы келісім-хаттың Сіз қол қойған көшірмесін банк алғаннан кейін келісім-хат Сіздің тарапыңыздан қол қойылған күнінен бастап күшіне енеді.
Құрметпен,
Халықаралық Қайта Құру және Даму Банкi
Қол қойған____________________________
Аннет Диксон
Өңірлік директордың міндетін атқарушы
Орталық Азиядағы өңірлік кеңсе
Еуропа және Орталық Азия өңірі
Келісілді
Қазақстан Республикасы
Кіммен:_______________
Уәкілетті өкілі
Аты-жөні_______________
Лауазымы:______________
Күні:__________________
1-қосымша
Гранттың арнайы ережелері мен шарттары
А. Осы келісім-хаттың тараптары |
|||
А. 1 Грантты алушы: |
Қазақстан Республикасы |
||
А. 2 Әкімші: |
Халықаралық Қайта Құру және Даму Банкі |
||
В. РНRD грантының мақсаттары |
|||
В. 1 Жобаның атауы: |
Сырдария өзенінің арнасын реттеу және Арал теңізінің солтүстік бөлігін сақтау (2-кезең) |
||
В. 2 Жобада көзделген даму мақсаттары: |
Ұсынылып отырған жобаның мынадай мақсаты бар: (а) Солтүстік Арал теңізі (САТ) мен Сырдария бассейнінің атырауын экологиялық қайта жаңғыртуды жалғастыру, сондай-ақ бассейндегі қоршаған ортаны/экологиялық жағдайды жақсарту, бұл адамдардың денсаулығын, жануарлар әлемі мен биологиялық әр алуандықтың жай-күйін жақсартуға ықпал ететін болады; (b) неғұрлым маңызды су шаруашылығы инфрақұрылымының қауіпсіздігін нығайту жөніндегі жұмысты күшейту және әсіресе қыс мезгілінде су тасқынына қарсы қорғанысты қамтамасыз ету жолымен тұтастай алғанда бүкіл бассейн бойынша суды пайдалану тиімділігін жетілдіру, бұл ауыл шаруашылығы өндірісін жақсартуға, балық өндіруді ұлғайтуға және халықтың денсаулығын сақтауға ықпал ететін болады; және (с) бассейнде орналасқан су шаруашылығы объектілерін пайдалану мен басқаруды жетілдіру арқылы бассейннің су ресурстарын басқаруға бағытталған институционалдық әлеуетті нығайту. |
||
В. 3 РНRD грантының міндеті: |
РНRD грантының міндеті жоғарыда көрсетілген жобаны дайындау болып табылады |
||
С. Грант қаражатын жұмсау жөніндегі санаттар, қаржыландырудың көлемі мен пайыздық үлестері |
|||
Бөлінетін грант қаражатының сомасы (АҚШ долларымен) |
Қаржыландыруға жататын шығыстар %-ы |
||
С. 1 Консультациялық қызметтер: |
754 000 АҚШ доллары |
52% |
|
С. 2 Тауарлар: С. 3 Оқыту және операциялық үстеме шығыстары 1 : |
16 000 АҚШ доллары |
80% |
|
С. 4 Грант қаражатының жалпы сомасы: |
800,000 АҚШ доллары |
||
D. Ретроспективті қаржыландыру |
|||
D. 1 Ретроспективті қаржыландыруға рұқсат етіле ме? |
Жоқ |
||
D. 2 Егер ретроспективті қаржыландыруға рұқсат етілсе, онда қандай көлемде? |
Қолданылмайды |
||
Е. Грантты іске асыру тетіктері |
|||
Е. 1 Аудиторлық тексеруге ұшырамаған аралық қаржылық есептер талап етіле ме? |
Жоқ |
||
Е. 2 Егер қаржылық есептері аудиторлық тексеруге ұшырамаған мерзімділік талап етілсе: |
Қолданылмайды |
||
Е. 3 Аудит жүргізуге қойылатын талаптар |
Бір жолғы аудит |
||
F. 4 Қосымша міндеттемелер: |
|||
F. Грантты әкімшілендіру жөніндегі ақпарат |
|||
F. 1 Трасталық қордың нөмірі: |
ТF056573 |
||
F. 2 Гранттың бекітілген күні: |
2006 жылғы 5 сәуір |
||
F. 3 Грантты жабудың болжамды күні |
2008 жылғы 30 қыркүйек |
||
1. Осы қосымшаның С.3 бөлiмiнiң мақсаттары үшiн мына терминдер:
(i) "оқыту" алушының аумағында жүргiзiлетiн оқытуды, оның iшiнде материалдарды сатып алу мен жариялауды, үй-жайларды жалға алуды, курстар үшiн ақы төлеудi, оқушылардың iссапар және тәулiктiк шығыстарын бiлдiредi; және (іі) "операциялық үстеме шығыстар" терминi шығыс материалдары мен жабдықты, байланыс құралдарын, бұқаралық ақпарат құралдарын, баспа қызметтерiн, сондай-ақ көлiк құралдарын жалға алуды, пайдалануды және оларға техникалық қызмет көрсетудi қоса алғанда, алайда алушының мемлекеттiк қызметiндегi қызметшiлер мен қызметкерлердiң жалақысын қоспағанда, жобаны дайындауға байланысты шығыстарды бiлдiредi.
2-қосымша
Гранттың жалпы ережелерi мен шарттары
1. Мақсаттары мен iс-шаралар
1.1 Осы гранттың мақсаты осы келiсiм-хатқа 1-қосымшаның В бөлiмiнде көрсетiлген жобаны (бұдан әрi - жоба) дайындауда алушыға көмек көрсету болып табылады.
1.2 Жүзеге асырылуына грант ұсынылған iс-шаралар (бұдан әрi - iс-шаралар) орындалуы оқтын-оқтын жобаны дайындау үшiн қажет болуы мүмкiн және банктiң мақұлдауына жататын iс-шараларды қамтиды. Бұл iс-шаралар техникалық-экономикалық негiздемелер әзiрлеудi, экологиялық сараптама, әлеуметтiк және басқа да бағалау түрлерiн жүргiзудi, жобаны iске асыру жоспарларын әзiрлеудi, мүдделi тараптармен консультацияларды жүзеге асыруды, ел iшiнде оқытуды ұйымдастыруды, зерттеулер мен семинарлар, тексерулер жүргiзудi және техникалық қызметтер ұсынуды (оның iшiнде аудиторлық тексерулер жүргiзудi), сондай-ақ осындай iс-шараларды орындау үшiн қажеттi тауарлар сатып алуды қамтиды.
2. Iске асырудың жалпы мәселелерi
2.1 Алушы: (а) iс-шараларды тиiстi ынтамен және тиiмдiлiкпен жүзеге асыруға; (b) бұл үшiн қажеттi қаржыландыруды, құралдарды, қызметтердi және басқа да ресурстарды уақтылы ұсынуға; (с) банк тарапынан негiздi сұрау салуларға жауап ретiнде iс-шаралар мен грант қаражатын пайдалануға қатысты барлық ақпаратты беруге; (d) банк өкiлдерiмен iс-шаралардың орындалу барысы және олардың нәтижелерi туралы оқтын-оқтын пiкiр алмасуға; (е) банкке грантқа байланысты мiндеттердi шешуге қатысты мәселелер бойынша алушының аумағына келуге мүмкiндiк беру үшiн барлық қажеттi шараларды қабылдауға; және (f) грант қаражатынан қаржыландырылатын тауарлар мен қызметтердi жоба мақсаттарына ғана пайдалануды қамтамасыз етуге тиiс. Алушы жоғарыда баяндалғанмен шектелмей, банктiң өтiнiшi бойынша iс-шаралар аяқталғаннан кейiн қысқа мерзiмде нысаны және мазмұны бойынша банктiң талаптарын қанағаттандыратын iс-шаралардың нәтижелерi мен әсерi туралы есеп дайындайды және банкке ұсынады.
2.2 Алушы осы келiсiм-хатқа 1-қосымшаның E.4-бөлiмiнде белгiленуi мүмкiн кез келген қосымша мiндеттемелердi сақтауға тиiс.
3. Сатып алу
3.1 Жалпы
(а) Консультанттардың iс-шараларды жүзеге асыру үшiн қажеттi және грант қаражатынан қаржыландыруға жататын барлық қызметтерi банк жариялаған және 2004 жылғы мамыр күнiмен белгiленген "Дүниежүзiлiк банк қарыз алушыларының консультанттарды iрiктеуi және жалға алуы" басшылығының (бұдан әрi - консультанттар жөнiндегi басшылық) І (1.24-тармақта көзделген ережелердi қоспағанда) және IV бөлiмдерiнде белгіленген немесе көрсетiлген талаптарға және осы 3-бөлiмнiң төменде келтірiлетiн ережелерiне сәйкес сатып алынады.
(b) Іс-шараларды жүзеге асыру үшiн қажеттi және грант қаражатынан қаржыландыруға жататын барлық тауарлар банк жариялаған және 2004 жылғы мамыр күнiмен белгiленген "ХКДБ қарыздары және МАР кредиттерi бойынша сатып алу" басшылығының (бұдан әрi - сатып алу жөнiндегi басшылық) І бөлімінде (1.16-тармақта көзделген ережелердi қоспағанда) белгiленген немесе көрсетілген талаптарға және осы 3-бөлiмнiң төменде келтiрiлетiн ережелеріне сәйкес сатып алынады.
(c) Сатып алуды жүзеге асырудың белгiлi бiр әдiстерiн немесе белгiлi бiр келісім-шарттарды қарау үшiн банк қолданатын әдiстердi сипаттау үшiн осы 3-бөлімде төменде қолданылатын бас әрiппен жазылған терминдер жағдайға қарай сатылып алу жөнiндегi басшылықта немесе консультанттар жөнiндегi басшылықта жазылған тиiстi әдiске жатады.
3.2 Консультанттардың қызметтерiн сатып алудың белгілi бiр әдiстерi
(а) Сапасы және құны бойынша iрiктеу. Егер төменде келтiрiлетiн (b) тармағында өзгеше көзделмесе, консультанттардың қызметтерi сапасы мен құны бойынша iрiктеу негiзiнде тағайындалатын келiсiм-шарттар негiзiнде сатып алынады. Жуықтап алғандағы құны консультанттар жөнiндегi басшылықтың 21-сiлтемесiнде көрсетiлгеннен аз соманы құрайтын қызметтерге арналған әрбiр келiсiм-шарт үшiн консультанттардың қысқаша тiзiмi толығымен ұлттық консультанттардан тұруы мүмкiн.
(b) Консультанттардың қызметтерiн сатып алудың басқа да әдiстерi. Төменде келтiрiлiп отырған сапасы мен құны бойынша iрiктеуге негiзделгеннен өзгеше әдiстер консультанттардың қызметтерiн сатып алу үшiн қолданылуы мүмкiн, олар банктiң пiкiрi бойынша, осы тапсырмаларды орындау үшiн оларды пайдалану жөнiндегi талаптарды қанағаттандырады, бұл консультанттар жөнiндегi басшылықта көзделген: (i) сапасы бойынша iрiктеу; (ii) тiркелген бюджет бойынша iрiктеу; (ііі) ең аз құны бойынша iрiктеу; (iv) консультанттардың бiлiктiлiгi негiзiнде iрiктеу; (v) бiр көз қағидаты бойынша iрiктеу; және (vi) жеке консультанттарды iрiктеу.
3.3 Тауарларды сатып алудың белгілi бiр әдiстерi
Банкпен басқа уағдаластықтар болмағанда тауарлар сауда желiсiнен сатып алу негiзiнде тағайындалған келiсiм-шарттар бойынша сатып алынады.
3.4 Тауарларды сақтандыру
Алушы грант қаражатынан қаржыландырылатын барлық импортталатын тауарларды оларды сатып алуға, пайдаланылатын немесе орнатылатын орнына дейiн тасымалдауға және жеткiзуге байланысты тәуекелдерден, қақтығыстардан осындай сақтандыру жөнiндегi кез келген шығындардың осындай тауарларды ауыстыруды немесе жөндеудi жүзеге асыру үшiн еркiн айырбасталатын валютада ақы төлеуге жататыны сияқты сақтандыруды қамтамасыз етедi. Алушы тиiстi нұсқаулықтарға сәйкес iс-шараларды орындауға қатысы бар жабдықтар мен құралдарды тұрақты пайдалану мен оларға техникалық қызмет көрсетудi қамтамасыз етедi және қажет болған кезде кез келген жөндеу жұмыстары мен жаңарту тезарада жүргiзiледi.
3.5 Банктiң сатып алу туралы шешiмдердi қарауы
Сатып алудың белгiлi бiр әдiсiне сәйкес тағайындалатын бiрiншi келiсiм-шарт банктiң алдын ала қарауына жатады. Егер банк алушыға берiлетiн хабарламада өзгеше нұсқама берiлмесе, барлық қалған келiсiм-шарттар банктiң кейiннен қарауына жатады.
4. Шоттан грант қаражатын алу
4.1 Грант қаражаты банк оның есебiнен алушының атына ашқан шотқа (грант шоты) енгiзiледi. Алушы грант қаражатын iс-шараларды жүзеге асыру үшiн қажеттi және грант қаражатынан қаржыландырылатын тауарлар мен қызметтерге арналған ақылға қонымды шығыстарды қаржыландыру үшiн 4-бөлiмнiң ережелерiне сәйкес және банк алушыға берiлетiн хабарламада нұсқама беретiн осындай қосымша нұсқаулықтарға сай ала алады.
4.2 Осы келiсiм-хатқа 1-қосымшаның С бөлiмiнде келтiрiлiп отырған кесте грант қаражатынан қаржыландырылатын шығыстар баптарының санаттарын, әрбiр санат бойынша грант қаражатын бөлудi, сондай-ақ осылайша әрбiр санат бойынша қаржыландырылатын атаулар бойынша шығыстардың пайыздық үлесiн белгiлейдi.
4.3 Жоғарыда келтiрiлген 4.2-тармақтың шарттарына қарамастан, грант шотынан қаражат алуға рұқсат етiлмейдi:
(а) осы келiсiм-хатқа 1-қосымшаның F.2 бөлiмiнде көрсетiлген грант бекiтiлген күнi немесе ол күннен кейiн жүргiзiлетiн төлемдер үшiн жүзеге асырылуы мүмкiн қаражатты алуды қоспағанда, осы келiсiм-хатқа қол қойылған күнге дейiн, егер мұндай осы келiсiм-хатқа 1-қосымшаның D. бөлiмiнде көзделген болса, ретроспективтi қаржыландыру сомасына баламалы жалпы сомаға жүргiзiлген төлемдер үшiн;
(b) егер мұндай төлемдерге немесе импортқа, банктiң пiкiрi бойынша, Бiрiккен Ұлттар Ұйымы Жарғысының VII тарауына сәйкес Бiрiккен Ұлттар Ұйымы Қауiпсiздiк кеңесiнiң шешiмiмен тыйым салынған болса, жеке немесе заңды тұлғаларға төлеу мақсатында немесе тауарлардың кез келген импортына ақы төлеу мақсатында;
(с) осы келiсiм-хатқа 1-қосымшаның F.3 бөлiмiнде көрсетiлген грантты жабудың болжанып отырған күнiнен немесе банк алушыға берiлетiн хабарламада нысаналы мақсатта белгiлеуi мүмкiн неғұрлым кешiрек күннен кейiн (бұдан әрi - жабатын күн). Солай бола тұра, грант шотының қаражаты егер қаражатты алуға арналған тиiстi өтiнiмдi банк жабатын күннен кейiн төрт ай ішiнде алатын болса, жабатын күнге дейiн жүргiзiлген шығыстарға ақы төлеу үшiн жабатын күннен кейiн алынуы мүмкiн, ол бiткеннен кейiн грант шотында қалатын гранттың пайдаланылмаған қаражатының кез келген сомасы күшін жояды.
4.4 Егер, банктiң пiкiрi бойынша, осы келiсiм-хатқа 1-қосымшаның С бөлiмiнде белгiленген қандай да бiр санаттың шеңберiнде бөлiнген грант сомасы осы сипат бойынша шығыстарды қаржыландыру үшiн жеткiлiксiз болып шықса, С.2 санаты ("Тауарлар, оқыту және үстеме операциялық шығыстар") үшiн бөлiнетiн грант қаражатының жалпы сомасы қандай жағдайда болмасын грант сомасының 10 %-ынан аспауы шартымен банк алушыға жазбаша хабарлама жiбере отырып, осы санатқа басқа санатқа бөлiнген грант қаражатының, банктiң пiкiрi бойынша, басқа шығыстарды қаржыландыру үшiн қажет болмайтын сомасын аудара алады.
4.5 Алушы грант шотынан қаражаттың белгiлi бiр сомасын алғысы келген кезде ол банкке банк белгiлеген нысан бойынша осы соманы алуға жазбаша өтiнiм жiберуге тиiс. Қаражат алуға арналған өтiнiмдерге: (а) алушының атынан жазбаша түрде осыған уәкiлеттiк берiлген тұлға немесе тұлғалар қол қоюға; және (b) банкiн негiздi өтiнiшi бойынша өтiнiмдi растау үшiн деректермен бiрге берiлуге тиiс. Қаражат алуға арналған өтiнiмдер және iс-шараларға арналған шығыстарға қатысты тиiстi iлеспе құжаттар тезарада дайындалуға тиiс. Қаражат алуға арналған өтiнiмдерге қол қоюға уәкiлеттi тұлға немесе тұлғалар қолдарының расталған үлгiлерi оның немесе олардың қолын немесе қолдарын қамтитын өтiнiм берiлгенге дейiн немесе бiрiншi өтiнiммен бiрге ұсынылуға тиiс. Грант қаражатын алуға арналған әрбiр өтiнiм және растайтын құжаттар нысаны мен мазмұны бойынша банктi алушының грант шотынан көрсетiлген қаражат көлемiн алуға құқығы бар екендiгiне және осы сома iс-шараларды жүргiзуге пайдаланылатынына көз жеткiзу үшiн жеткiлiктi болуы тиiс. Банк алушы грант шотынан алатын қаражатты тек алушыға немесе оның тапсырмасы бойынша төлейдi.
4.6 Грант қаражатын алу грант валютасымен жүргiзiледi. Банк алушының өтiнiшi бойынша және алушының өкiлi ретiнде әрекет ете отырып, грант шотынан алынған грант валютасына грант қаражатынан қаржыландырылатын шығыстарға ақы төлеу үшiн қажеттi валюталарды сатып алады. Егер осы келiсiм-хаттың мақсаттары үшiн бiр валютаның екiншiсiне қатысты құнын анықтау қажет болса, бұл құнды банк негiздi түрде анықтайды.
4.7 Iс-шаралардың орындалуын жеңiлдету үшiн алушы банк үшiн қолайлы, банктiң талаптарын қанағаттандыратын шарттар мен ережелерде қандай да бiр қаржы институтында арнайы депозиттiк шот (бұдан әрi - арнайы шот) ашуы және ұстауы мүмкiн. Арнайы шотқа салымдар мен одан алынатын төлемдер банк алушыға берiлетiн хабарламада көрсететiн рәсiмдерге сәйкес жүргiзiлуге тиiс.
4.8 Алушы грант шеңберiнде қаржыландырылатын тауарлар мен қызметтерге немесе олардың импортына, өндiрiсiне, оларды сатып алуға немесе беруге салатын немесе оның аумағында салынатын салықтарды төлеу үшiн гранттың кез келген қаражатын пайдалану банктiң грант қаражатын, оның iшiнде осы грантты да үнемдi және тиiмдi пайдалануды талап ететiн саясатына байланысты. Осыған байланысты, егер банк қандай да бiр сәтте грант қаражатынан қаржыландырылатын тауарларға немесе қызметтерге немесе солардың кез келгенiне қатысты салынатын кез келген салықтардың сомасы шамадан тыс немесе өзге түрде негiзсiз болып табылады деп анықтайтын болса, банк алушыны хабардар ету жолымен осы келiсiм-хатқа 1-қосымшаның С бөлiмiнде көзделген немесе көрсетiлген осындай тауарларды немесе қызметтердi қаржыландыру пайызын түзетуi және қажет болған кезде банктiң жоғарыда көрсетiлген саясатына сәйкес келтiруi мүмкiн.
5. Есептер және аудит
5.1 Алушы iс-шараларға байланысты операцияларды да, ресурстарды да, шығыстарды да барабар көрсететiн банктiң жалпы қабылданған бухгалтерлiк есепке алу стандарттарына сәйкес қаржы менеджментi жүйесiн жүргiзуге және ресми қаржылық есептер (бұдан әрi - қаржылық есептер) дайындауға тиiс.
5.2 Егер осы келiсiм-хатқа 1-қосымшаның E.1 бөлiмi аудиторлық тексеруге ұшырамаған аралық қаржылық есептердiң талап етiлуiн белгiлейтiн болса, алушы осындай кезеңдi қамтитын және нысаны мен мазмұны бойынша банктiң талаптарын қанағаттандыратын, аудитке ұшырамаған аралық қаржылық есептердi жоғарыда көрсетiлген 1-қосымшаның Е.2 бөлiмiнде көрсетiлген күнтiзбелiк мерзiм бiткеннен кейiн 30 күннен кешiктiрмей дайындауға және банкке тапсыруға тиiс.
5.3 (а) Егер осы келiсiм-хатқа 1-қосымшаның Е.3 бөлiмi жылдық қызметтiң нәтижелерi бойынша аудиттi жүргiзу туралы талапты белгiлейтiн болса, алушы: (i) банк үшiн қолайлы бiрге қолданылатын аудиторлық стандарттарға сәйкес банк үшiн қолайлы тәуелсiз аудиторларды (бұдан әрi - аудиторлар) тарта отырып, әрбiр қаржы жылы бойынша қаржылық есептердi аудиторлық тексеруге ұшыратуға; (ii) банкке олар қол жетiмдi бола салысымен, бiрақ кез келген жағдайда әрбiр осындай жыл аяқталғаннан (немесе банкпен келiсiлген өзге осындай күннен) кейiн алты айдан кешiктiрмей банктiң талаптарын қанағаттандыратын көлем мен бөлiкте осындай жыл үшiн аудитке ұшыраған қаржылық есептердiң нәтижелерiн ұсынуға; және (iii) банкке аудиторлық тексеруге ұшыраған қаржылық есептерге қатысты өзге ақпаратты, сондай-ақ банк оқтын-оқтын негiздi түрде сұратуы мүмкiн аудиторларға қатысты мәлiметтердi ұсынуға тиiс.
(b) Егер осы келiсiм-хатқа 1-қосымшаның Е.3 бөлiмi бiр жолғы аудиттi жүргiзу туралы талапты белгiлейтiн болса, алушы: (i) банк үшiн қолайлы қолданылатын аудиторлық стандарттарға сәйкес тәуелсiз аудиторларды тарта отырып, грант шотынан қаражатты алу жүргiзiлген бүкiл кезең үшiн қаржылық есептердi аудиторлық тексеруге ұшыратуға; (ii) банкке олар қол жетiмдi бола салысымен, бiрақ кез келген жағдайда жабатын күннен (немесе банкпен келiсiлген өзге осындай күннен) кейiн алты айдан кешiктiрмей банктiң талаптарын қанағаттандыратын көлем мен бөлiкте осындай кезең үшiн аудитке ұшыраған қаржылық есептердiң нәтижелерiн ұсынуға; және (ііі) банкке аудиторлық тексеруге ұшыраған қаржылық есептерге қатысты өзге ақпаратты, сондай-ақ банк оқтын-оқтын негiздi түрде сұратуы мүмкiн аудиторларға қатысты мәлiметтердi ұсынуға тиiс.
(с) Егер осы келiсiм-хатқа 1-қосымшаның Е.3 бөлiмi талап ету бойынша аудиттi жүргiзу туралы талапты белгiлейтiн болса, алушы банктiң талап етуi бойынша: (i) банк үшiн қолайлы қолданылатын аудиторлық стандарттарға сәйкес тәуелсiз аудиторларды тарта отырып, банк талапта көрсеткен кезең үшiн қаржылық есептердi аудиторлық тексеруге ұшыратуға; (іі) банкке олар қол жетiмдi бола салысымен, бiрақ кез келген жағдайда банк осындай аудиттi жүргiзу жөнiндегi талапта көрсеткен күннен кейiн алты айдан кешiктiрмей банктiң талаптарын қанағаттандыратын көлем мен бөлiкте осындай кезең үшiн аудитке ұшыраған қаржылық есептердiң нәтижелерiн ұсынуға; және (ііі) банкке аудиторлық тексеруге ұшыраған қаржылық есептерге қатысты өзге ақпаратты, сондай-ақ банк оқтын-оқтын негiздi түрде сұратуы мүмкiн аудиторларға қатысты мәлiметтердi ұсынуға тиiс.
5.4 Алушы iс-шараларды орындауға байланысты шеккен шығыстарды растайтын барлық жазбаларды (келiсiм-шарттарды, бұйрықтарды, шоттарды, чектердi, түбiртектердi және басқа да құжаттарды) банк грант шотынан қаражатты соңғы алу жүзеге асырылған қаржы жылын қамтитын аудитке ұшыраған қаржылық есептердi алғаннан кейiн кемiнде бiр жыл сақтауға тиiс. Алушы банктiң өкiлдерiне осы жазбаларды тексеру мүмкiндiгiн қамтамасыз етуге тиiс.
6. Тоқтата тұру және тоқтату
6.1 Банк кез келген уақытта алушыны хабардар ете отырып, алушының грант шотынан қаражатты одан әрi алу құқығын тоқтата тұруы мүмкiн, егер мыналар болса немесе болуын жалғастырса: (а) алушының осы келiсiм-хатта көзделген немесе көрсетiлген өз мiндеттемелерiнiң кез келгенiн орындамауы; немесе (b) банкпен кез келген келiсiм шеңберiнде алушының қаражатты алу құқығын тоқтата тұру.
6.2 Банк алушыны жазбаша хабардар ете отырып, алушыны грант шотынан қаражатты одан әрi алу құқығынан айыруы мүмкiн: (а) алушының грант шотынан қаражатты алу құқығы жоғарыда 6.1 бөлiмде айтылған себептермен тоқтатылатыннан кейiнгi кез келген уақытта; немесе (b) егер алушы осы келiсiм-хат күшiне енгеннен кейiн алты ай iшiнде банктi қанағаттандыратын, iс-шараларды орындауға бағытталған iс-қимылдар жасамаған болса; немесе (с) егер банк алушымен келiскеннен кейiн кез келген уақытта осы жоба бойынша өз қолдау көрсетуiн тоқтатуды шешсе; немесе (d) егер алушы жобаны қаржыландыруға банктiң көмегi туралы өзiнiң өтiнiшiн қайтарып алса.
7. Қайтарып алу
Егер банк қандай да бiр кезеңде: (а) грант шотынан алынған гранттың қандай да бiр сомасы (i) осы келiсiм-хатқа сәйкес қаржыландыру үшiн қолайлы болып табылмайтын немесе (іі) банкке тапсырылған құжаттармен расталмайтын шығыстар бойынша ақы төлеудi жүргiзу үшiн пайдаланылған деп; немесе (b) грант қаражатынан қаржыландырылған қандай да бiр келiсiм-шартқа қатысты осындай келiсiм-шартты сатып алуды жүзеге асыру немесе орындау кезiнде сыбайлас жемқорлық тәжiрибе, алаяқтық пайдаланылған, құпия ымыраласу арқылы шешу әдiстерi, алушының өкiлдерi немесе грант бенефициарлары тарапынан мәжбүрлеу iс-қимылы қолданылған әрi алушы ахуалды түзету үшiн банктiң талаптарын қанағаттандыратын уақтылы және баламалы iс-қимылдар жасамады және банк грант қаражатынан қаржыландыру үшiн қолайлы болып табылатындай өзге жағдайларда осындай келiсiм-шарт бойынша шығыстардың сомасын анықтайды деп; немесе (с) грант қаражатынан қаржыландырылған қандай да бiр келiсiм-шартты сатып алу осы келiсiм-хатта белгiленген немесе көрсетiлген рәсiмдерге сәйкес келмедi және банк грант қаражатынан қаржыландыру үшiн қолайлы болып табылатындай өзге жағдайларда осындай келiсiм-шарт бойынша шығыстардың сомасын анықтайды деп; немесе (d) алушымен консультациядан кейiн грант сомасынан алынған гранттың қандай да бiр сомасы грант сомасынан қаржыландыруға жататын iс-шаралар бойынша шығыстарды қаржыландыру үшiн талап етiлмейдi деп шешсе, алушы банктiң хабарламасы бойынша осындай сомаға тең соманы банкке тезарада қайтаруға тиiс. Банкпен өзге уағдаластықтар болмағанда банк банкке осылайша қайтарылған барлық соманың күшiн жояды және грант қаражатының сомасы тиiсiнше азаяды.
8. Ашу
Банк осы келiсiм-хатты және онымен байланысты кез келген ақпаратты ақпаратты ашудың өз саясатына сәйкес жария етуi мүмкiн.
