Байланыс формасы

"Қылмыстардан жәбірленген адамдардың құқықтары мен міндеттерін реттейтін заңды қолдану тәжірибесі туралы" Қазақстан Республикасы Жоғарғы Соты Пленумының 1992 жылғы 24 сәуірдегі N 2 қаулысына өзгерістер енгізу туралы

Жаңа

Қазақстан Республикасы Жоғарғы Сотының 2008 жылғы 22 желтоқсандағы N 3 Нормативтік қаулысы.

      Қазақстан Республикасы заңнамасының өзгеруіне байланысты Қазақстан Республикасы Жоғарғы Сотының жалпы отырысы

      қаулы етеді:

      1. "Қылмыстардан жәбірленген адамдардың құқықтары мен міндеттерін реттейтін заңды қолдану тәжірибесі туралы" Қазақстан Республикасы Жоғарғы Соты Пленумының 1992 жылғы 24 сәуірдегі N 2 қаулысына мынадай өзгерістер енгізілсін:

      1) тақырыбындағы "Қаулы Қазақ Республикасы Жоғарғы Соты Пленумы 1992 жылғы 24 сәуір N 2" деген сөздер "Қазақстан Республикасы Жоғарғы Сотының 1992 жылғы 24 сәуірдегі N 2 нормативтік қаулысы" деген сөздермен ауыстырылсын;

      2) кіріспедегі "және "Қазақ ССР-інің сот құрылысы туралы" Заңының 51-бабын басшылыққа алып" деген сөздер алып тасталып, "Жоғарғы Сотының Пленумы" деген сөздер "Жоғарғы Сотының жалпы отырысы" деген сөздермен ауыстырылсын;

      3) 3-тармақтың үшінші абзацы мынадай редакцияда жазылсын:

      "Қылмыспен моральдық немесе мүліктік зиян келтірілген заңды тұлға жәбірленуші болып танылуы мүмкін. Мұндай жағдайда заңды тұлғаның өкілі жәбірленушінің құқықтары мен міндеттерін жүзеге асырады.";

      4) 4-тармақтағы "(ұйғарым)", "(ұйғарымда)" деген сөздер алып тасталсын;

      5) 10-тармақ алып тасталсын;

      6) 11-тармақта:

      бірінші абзац алып тасталсын;

      екінші абзацтағы бірінші сөйлем мынадай редакцияда жазылсын:

      "Жеке айыптау істері бойынша айыпталушы қарсы айып тағуға құқылы, мұндай жағдайда сот екі айыптауды бір мезгілде шешуі тиіс.";

      7) 22-тармақтың бірінші абзацындағы "ұйғарым" сөзі "қаулы" сөзімен ауыстырылсын;

      8) 23, 24, 25-тармақтардағы "кассациялық", "Кассациялық" деген сөздер тиісінше "апелляциялық", "Апелляциялық" деген сөздермен ауыстырылсын;

      2. Қазақстан Республикасы Конституциясының 4-бабына сәйкес, осы нормативтік қаулы қолданыстағы құқық құрамына қосылады, сондай-ақ жалпыға бірдей міндетті болып табылады және ресми жарияланған күннен бастап күшіне енеді.

Қазақстан Республикасы


Жоғарғы Сотының Төрағасы

Қ. Мәми

Қазақстан Республикасы


Жоғарғы Сотының судьясы,


жалпы отырыс хатшысы

Ж. Бәйішев


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады