Мемлекеттік сатылатын астық ресурстарын пайдаланудың кейбір мәселелері туралы

Қазақстан Республикасы Үкіметінің 2008 жылғы 28 мамырдағы N 507 Қаулысы

Қазақстан Республикасының 2001 жылғы 19 қаңтардағы " Астық туралы " Заңына, "Мемлекеттік астық ресурстарын қалыптастыру, сақтау, жаңарту, орнын ауыстыру және пайдалану ережесін бекіту туралы" Қазақстан Республикасы Үкіметінің 2001 жылғы 28 наурыздағы N 394 қаулысына сәйкес Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Ауыл шаруашылығы министрлігі ішкі нарықты реттеу мақсатында заңнамада белгіленген тәртіппен мемлекеттік сатылатын астық ресурстарынан 2008 жылғы 1 қыркүйекке дейін 195000 (бір жүз тоқсан бес мың) тонна азық-түліктік астықты сатуды қамтамасыз етсін.

2. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасының
Премьер-Министрі К. Мәсімов