2009 жылғы 30 тамызда Қазақстан Республикасының Конституциясы күнін мерекелеуге дайындық және оны өткізу мақсатында, сондай-ақ "2009 - 2011 жылдарға арналған республикалық бюджет туралы" Қазақстан Республикасының 2008 жылғы 4 желтоқсандағы Заңына және "Бюджеттің атқарылуы және оған кассалық қызмет көрсету ережесін бекіту туралы" Қазақстан Республикасы Үкіметінің 2009 жылғы 26 ақпандағы N 220 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған 2009 жылғы 30 тамызда Қазақстан Республикасының Конституциясы күнін мерекелеуге дайындық және оны өткізу жөніндегі іс-шаралар жоспары (бұдан әрі - Жоспар) бекітілсін.
2. 2009 жылға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен:
1) әскери шеру өткізуге:
Қазақстан Республикасы Қорғаныс министрлігіне 215 652 600 (екі жүз он бес миллион алты жүз елу екі мың алты жүз) теңге сомасында қаражат;
Қазақстан Республикасы Ішкі істер министрлігіне 6740000 (алты миллион жеті жүз қырық мың) теңге сомасында қаражат;
Қазақстан Республикасы Төтенше жағдайлар министрлігіне 7346941 (жеті миллион үш жүз қырық алты мың тоғыз жүз қырық бір) теңге сомасында қаражат;
Қазақстан Республикасы Ұлттық қауіпсіздік комитетіне 39 302 858 (отыз тоғыз миллион үш жүз екі мың сегіз жүз елу сегіз) теңге сомасында қаражат;
2) Қазақстан Республикасы Мәдениет және ақпарат министрлігіне мерекелік іс-шараларды ұйымдастыруға және өткізуге 463074449 (төрт жүз алпыс үш миллион жетпіс төрт мың төрт жүз қырық тоғыз) теңге сомасында қаражат, оның ішінде:
мерекелік концерт өткізуге 201674449 (екі жүз бір миллион алты жүз жетпіс төрт мың төрт жүз қырық тоғыз) теңге;
Қазақстан Республикасының Конституциясы күнін мерекелеуге дайындық және оны өткізуге байланысты іс-шараларға Астана қаласының әкіміне ағымдағы нысаналы трансферттер түрінде аудару үшін 261400000 (екі жүз алпыс бір миллион төрт жүз мың) теңге сомасында қаражат бөлінсін.
Ескерту. 2-тармаққа өзгерту енгізілді - ҚР Үкіметінің 2009.12.25 № 2179 Қаулысымен.
3. Қазақстан Республикасы Қаржы министрлігі заңнамада белгіленген тәртіппен бөлінген қаражаттың мақсатты пайдаланылуын бақылауды қамтамасыз етсін.
4. Осы қаулының орындалуын бақылау Қазақстан Республикасы Премьер-Министрінің орынбасары С.Н.Ахметовке жүктелсін.
5. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2009 жылғы 31 шілдедегі
N 1165 қаулысымен
бекітілген
2009 жылғы 30 тамызда Қазақстан Республикасының Конституциясы
күнін мерекелеуге дайындық және оны өткізу жөніндегі іс-шаралар
жоспары
Ескерту. Жоспарға өзгерту енгізілді - ҚР Үкіметінің 2009.10.23 N 1653 Қаулысымен
Р/с |
Іс-шара |
Орындау мерзімі |
Жауапты орындаушылар |
1 |
2 |
3 |
4 |
| 1. Ұйымдастыру-дайындық іс-шаралары | |||
|---|---|---|---|
1. |
Мерекелік іс-шараларды ақпараттық сүйемелдеудің медиа-жоспарын өңірлеу және бекіту |
1 тамыз |
МАМ, "Арна Медиа" ұлттық ақпараттық холдингі" АҚ (келісім бойынша) |
2. |
Қалалар мен елді мекендерді мерекелік безендіру (билбордтар, баннерлер, пилондар, тартпалар және т.б.) |
15-30 тамыз |
Облыстардың, Астана және Алматы қалаларының әкімдері |
3. |
Шақырылатын адамдардың құрамын қалыптастыру және келісу, Мемлекет басшысының қатысуымен Астана қаласында өтетін мерекелік іс-шараларға көрермендердің қатысуын қамтамасыз ету |
25 тамызға дейін |
Астана қаласының әкімі, МАМ, Астана қаласының әкімі |
4. |
Трибуналар мен көрермендердің орындарын дайындау, монтаждау және безендіру, сауданы және мерекелік іс-шараларды өткізу үшін белгіленген аумақтарды абаттандыруды ұйымдастыру |
25-30 тамыз |
Астана қаласының әкімі |
5. |
Астана қаласында және өңірлерде мерекелік іс-шаралар өткізілетін орындарда қоғамдық тәртіпті қамтамасыз ету |
28-30 тамыз |
ІІМ |
6. |
Астана қаласында және өңірлерде мерекелік іс-шаралар өткізілетін орындарда медициналық қызмет көрсетуді ұйымдастыру |
28-30 тамыз |
ДСМ |
7. |
Астана қаласында және өңірлерде мерекелік іс-шараларды өткізу кезінде өртке қарсы қауіпсіздікті қамтамасыз ету |
28-30 тамыз |
ТЖМ |
8. |
Астана қаласында өткізілетін мерекелік іс-шараларға қазақстандық және шетелдік БАҚ өкілдерін аккредиттеу |
25 тамыз |
Президенттің Баспасөз қызметі (келісім бойынша), МАМ, СІМ |
9. |
Республикалық телеарналар эфирінде мерекелік іс-шараларды тікелей трансляциялауды қамтамасыз ету |
30 тамыз |
МАМ, "Арна Медиа" ұлттық ақпараттық холдингі" АҚ (келісім бойынша), Астана қаласының әкімі |
| 2. Әскери шеруді ұйымдастыру және өткізу | |||
10. |
"Қазақ елі" монументі алдындағы алаңда әскери шеру өткізу сценарийін әзірлеу және Қазақстан Республикасы Президентінің Әкімшілігіне келісуге енгізу |
1 тамыз |
Қорғанысмині |
11. |
Әскери шеруге арналған әскери техника тізбесін бекіту |
10 тамыз |
Қорғанысмині |
12. |
Шеру кезінде көрсету үшін әскери техниканы техникалық байқау және дайындау |
15 тамыз |
Қорғанысмині |
13. |
Әскери шеруге дайындық: жеке құрамды, қару-жарақ пен техниканы тасымалдау; орналастыру және тамақтандыру; шеруге қатысушыларға салтанатты киімдерді жеке тігу |
20 шілде - 30 тамыз |
Қорғанысмині, ІІМ ТЖМ, ҰҚК (келісім бойынша), РҰ (келісім бойынша) |
14. |
Әскери шеруді сүйемелдеу үшін дыбыс жабдығын орнату |
28 тамыз |
Қорғанысмині, Астана қаласының әкімі |
15. |
Әскери шеру жаттығуларын ұйымдастыру және өткізу |
20 шілде - 28 тамыз |
Қорғанысмині, ІІМ, ТЖМ, ҰҚК (келісім бойынша), РҰ (келісім бойынша) |
16. |
Әскери шерудің бас дайындығын өткізу |
28 тамыз |
Қорғанысмині, ІІМ, ТЖМ, РҰ (келісім бойынша), ҰҚК (келісім бойынша) |
17. |
Әскери шеру өткізу |
30 тамыз |
Қорғанысмині, ІІМ, ТЖМ, РҰ (келісім бойынша), ҰҚК (келісім бойынша) |
| 3. Астана қаласында мерекелік концертті ұйымдастыру және өткізу | |||
18. |
Сценарийлік және режиссерлік-қоюшы топтың құрамын бекіту |
1 тамыз |
МАМ |
19. |
Мерекелік концерт бағдарламасын дайындау және бекіту |
10 тамыз |
МАМ |
20. |
Артистердің, шығармашылық ұжымдардың, жүргізушілердің және мерекелік концерттің басқа да қатысушыларының құрамын анықтау |
10 тамыз |
МАМ |
21. |
Сахна эскиздерін әзірлеу және бекіту |
10 тамыз |
МАМ |
22. |
Декорацияларды дайындау, костюмдер тігу |
15 тамыз |
МАМ |
23. |
Сахнаны монтаждау және безендіру |
24-30 тамыз |
МАМ, Астана қаласының әкімі |
24. |
Мерекелік концертке дайындық және оны өткізу кезінде "Бейбітшілік және келісім сарайы" ғимаратының техникалық қызметтерінің үздіксіз жұмысын қамтамасыз ету |
25-30 тамыз |
Астана қаласының әкімі |
25. |
Жарық және дыбыс жабдықтарын орнату |
24-30 тамыз |
МАМ |
26. |
Мерекелік концертке қатысушылардың орналастыруды және тамақтандыруды ұйымдастыру |
24-30 тамыз |
МАМ, Астана қаласының әкімі |
27. |
Мерекелік концерттің бас дайындығын өткізу |
28 тамыз |
МАМ |
28. |
Мерекелік концертті тапсыру |
29 тамыз |
МАМ |
29. |
Мерекелік концертті өткізу |
30 тамыз |
МАМ |
30. |
Мерекелік отшашуды ұйымдастыру |
30 тамыз |
Астана қаласының әкімі |
| 4. Орталық және жергілікті атқарушы органдардың мерекелік іс-шараларды ұйымдастыруы және өткізуі | |||
31. |
Қазақстан Республикасының Конституциясы күніне арналған шерулер, салтанатты жиналыстар, концерттер, спорттық жарыстар және басқа да мерекелік іс-шаралар өткізуді көздейтін өңірлік жоспарларды бекіту және іске асыру |
25-30 тамыз |
Облыстардың және Алматы қаласының әкімдері |
32. |
Алматы қаласы мен облыс орталықтарының орталық алаңдарында дисплейлер (мониторлар) орната отырып, Астана қаласында өткізілетін мерекелік іс-шараларды тікелей трансляциялауды қамтамасыз ету |
30 тамыз |
Облыстардың және Алматы қаласының әкімдері, "Арна Медиа" ұлттық ақпараттық холдингі" АҚ (келісім бойынша) |
33. |
Қазақстан Республикасы Конституциясының ережелерін іске асыруға елеулі үлес қосқан азаматтарды құрметтеу және көтермелеу |
20-30 тамыз |
Орталық және жергілікті атқарушы органдар |
34. |
Қазақстан Республикасының Конституциясы күні 16 жасқа толатын жас азаматтарға төлқұжаттар, Негізгі Заңның мәтіндерін табыс етуді ұйымдастыру |
тамыз бойы |
Облыстардың, Астана және Алматы қалаларының әкімдері |
35. |
Мемлекеттік қызметке жаңадан орналасқан мемлекеттік қызметшілердің салтанатты ант қабылдауы |
20-30 тамыз |
Орталық және жергілікті атқарушы органдар |
36. |
Әскери бөлімдер мен бөлімшелерде жауынгерлік және жаттығу дайындықтарында ерекше көзге түскендерді көтермелей отырып, салтанатты сап түзеу өткізу |
20-30 тамыз |
Қорғанысмині |
37. |
Таяу және алыс шет елдердегі Қазақстан Республикасының шетелдік мекемелерінде Қазақстан Республикасының Конституциясы күніне орайластырылған іс-шараларды ұйымдастыру және өткізу |
10-30 тамыз |
СІМ |
38. |
Мұрағаттарда, мұражайларда және кітапханаларда Қазақстан Республикасының Конституциясы күніне арналған тақырыптық көрмелер мен экспозициялар өткізу |
тамыз-қыркүйек |
Орталық және жергілікті атқарушы органдар |
39. |
Қазақстан Республикасындағы конституциялық құрылыс мәселелері бойынша ғылыми-практикалық конференциялар, "дөңгелек үстелдер" отырыстарын, "тамыз оқуларын" өткізу |
тамыз-қыркүйек |
Орталық және жергілікті атқарушы органдар |
40. |
Жалпы білім беру мектептерінде: |
29 тамыз - 20 қыркүйек |
БҒМ, облыстардың, Астана және Алматы қалаларының әкімдері |
41. |
Жоғарғы оқу орындарының студенттері арасында Қазақстан Республикасының Конституциясы күніне арналған ең үздік ғылыми жұмысқа конкурстар өткізу |
қыркүйек |
БҒМ, облыстардың, Астана және Алматы қалаларының әкімдері |
Ескертпе: аббревиатуралардың толық жазылуы:
БҒМ - Қазақстан Республикасы Білім және ғылым министрлігі
ДСМ - Қазақстан Республикасы Денсаулық сақтау министрлігі
Қорғанысмині - Қазақстан Республикасы Қорғаныс министрлігі
МАМ - Қазақстан Республикасы Мәдениет және ақпарат
министрлігі
РҰ - Қазақстан Республикасы Республикалық ұланы
СІМ - Қазақстан Республикасы Сыртқы істер министрлігі
ТЖМ - Қазақстан Республикасы Төтенше жағдайлар министрлігі
ҰҚК - Қазақстан Республикасы Ұлттық қауіпсіздік министрлігі
ІІМ - Қазақстан Республикасы Ішкі істер министрлігі
БАҚ - бұқаралық ақпарат құралдары
АҚ - акционерлік қоғам
