Ескерту. Күші жойылды - ҚР Үкіметінің 20.06.2022 № 409 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
2015 жылғы 29 қазандағы Қазақстан Республикасы Кәсіпкерлік кодексінің 98-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Жобаларды индустрияландыру картасына және өңірлер кәсіпкерлігін қолдау карталарына енгізу қағидалары бекітілсін.
2. Мыналардың күшi жойылды деп танылсын:
1) "Жобаларды республикалық және өңірлік индустрияландыру карталарына енгізу қағидаларын бекіту туралы" Қазақстан Республикасы Үкіметінің 2012 жылғы 25 мамырдағы № 675 қаулысы (Қазақстан Республикасының ПҮАЖ-ы, 2012 ж., № 52, 707-құжат);
2) "Жобаларды республикалық және өңірлік индустрияландыру карталарына енгізу қағидаларын бекіту туралы" Қазақстан Республикасы Үкіметінің 2012 жылғы 25 мамырдағы № 675 қаулысына өзгерістер мен толықтырулар енгізу туралы" Қазақстан Республикасы Үкіметінің 2014 жылғы 9 қазандағы № 1073 қаулысы (Қазақстан Республикасының ПҮАЖ-ы, 2014 ж., № 61, 575-құжат).
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының | |
Премьер-Министрі | К.Мәсімов |
| Қазақстан Республикасы Үкіметінің 2016 жылғы 27 қаңтардағы № 32 қаулысымен бекітілген |
Жобаларды индустрияландыру картасына және өңірлер кәсіпкерлігін қолдау карталарына енгізу қағидалары
1. Жалпы ережелер
1. Осы Жобаларды индустрияландыру картасына және өңірлер кәсіпкерлігін қолдау карталарына енгізу қағидалары (бұдан әрі – Қағидалар) жобаларды индустрияландыру картасына және өңірлер кәсіпкерлігін қолдау карталарына енгізу тәртібін айқындайды.
2. Қағидаларда мынадай негізгі ұғымдар пайдаланылады:
1) индустриялық-инновациялық жоба – технологиялар трансфертіне, жаңа немесе жетілдірілген өндірістер, технологиялар, тауарлар, жұмыстар және көрсетілетін қызметтер жасауға бағытталған, белгілі бір уақыт мерзімі ішінде іске асырылатын іс-шаралар кешені (бұдан әрі – жоба);
2) индустрияландыру картасы республика деңгейінде индустриялық-инновациялық жүйені мониторингтеу (іске асыру) құралы болып табылады және индустриялық-инновациялық қызмет субъектілері іске асыратын индустриялық-инновациялық жобалар жиынтығын білдіреді;
3) өңірде кәсіпкерлікті қолдау картасы өңір деңгейінде индустриялық-инновациялық жүйені мониторингтеу (іске асыру) құралы болып табылады және индустриялық-инновациялық қызмет субъектілері іске асыратын индустриялық-инновациялық жобалар жиынтығын білдіреді;
4) өтініш беруші – жобаны жоспарлауды және іске асыруды жүзеге асыратын жеке/заңды тұлға;
5) өңірлік үйлестіру кеңесі – облыстардың, Нұр-Сұлтан, Алматы және Шымкент қалаларының әкімдері жалпы санының кемінде 50%-ін бизнес-қоғамдастық өкілдерінің қатысуымен құратын және басқаратын консультативтік-кеңесші орган (бұдан әрі – кеңес);
6) жобаларды қарау жөніндегі салалық комиссия – мемлекеттік органның қызметкерлері мен тиісті саланы білдіретін бизнес-қауымдастық мүшелері қатарынан келісім бойынша тиісті салалық мемлекеттік орган басшысының бұйрығымен қалыптасатын, нақты салалар бойынша индустрияландыру картасына енгізуге ұсынылатын жобаларды қарайтын консультативтік-кеңесші орган (бұдан әрі – салалық комиссия);
7) уәкілетті орган – индустриялық даму саласында басшылықты, сондай-ақ Қазақстан Республикасының заңнамасында көзделген шекте салааралық үйлестіруді және индустриялық-инновациялық қызметті мемлекеттік қолдауды іске асыруға қатысуды жүзеге асыратын орталық атқарушы орган;
8) индустрияландыру картасының мәселелері жөніндегі штаб – жобаларды қарау жөніндегі мүдделі салалық комиссиялардың басшылары, уәкілетті органның, салалық министрліктер мен ведомстволардың, ұлттық холдингтер мен даму институттарының, сондай-ақ басқа да мүдделі ұйымдардың қызметкерлері қатысатын индустрияландыру картасына енгізу үшін жобаларды қарау мәселесі жөніндегі уәкілетті орган жанындағы комиссия (бұдан әрі – штаб);
9) Қазақстан Республикасын өнеркәсіптік дамыту жөніндегі комиссия – Қазақстан Республикасын өнеркәсіптік дамыту саласында ұсынымдар мен ұсыныстар әзірлеу мақсатында құрылған уәкілетті орган жанындағы консультативтік-кеңесші орган (бұдан әрі – Комиссия);
10) жергілікті уәкілетті орган – кәсіпкерлік және өнеркәсіп саласындағы даму, үйлестіру, реттеу және басқару функцияларын жүзеге асыратын, тиісті аумақтағы индустриялық-инновациялық қызметті мемлекеттік қолдау саласындағы мемлекеттік саясатты қалыптастыруға және іске асыруға қатысатын облыстың (республикалық маңызы бар қаланың, астананың) атқарушы органы;
11) салалық орталық атқарушы орган – тиісті мемлекеттік басқару саласына (аясына) басшылықты, сондай-ақ заңнамада көзделген шекте салааралық үйлестіруді жүзеге асыратын орталық атқарушы орган;
12) жауапты мемлекеттік орган – жобаны іске асыруға жауапты мемлекеттік орган;
13) өңірлік кәсіпкерлер палатасы – Қазақстан Республикасы Ұлттық кәсіпкерлер палатасының жүйесіне аумақтық деңгейде кіретін облыс, республикалық маңызы бар қала және астана кәсіпкерлерінің палатасы (бұдан әрі – өңірлік палата).
Ескерту. 2-тармаққа өзгеріс енгізілді – ҚР Үкіметінің 23.09.2020 № 601 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).2. Жобаларды индустрияландыру картасына және өңірлер кәсіпкерлігін қолдау карталарына енгізу тәртібі
3. Жобаларды индустрияландыру картасына енгізу кезең-кезеңмен жүргізіледі:
1) бірінші кезең – жобаларды жергілікті деңгейде қарау;
2) екінші кезең – жобаларды орталық деңгейде қарау;
3) үшінші кезең – жобаларды уәкілетті органда қарау;
4) төртінші кезең – жобаларды комиссияда қарау.
4. Жобаларды өңірлер кәсіпкерлігін қолдау картасына енгізу кезең-кезеңмен жүргізіледі:
1) бірінші кезең – жобаларды жергілікті деңгейде қарау;
2) екінші кезең – салалық комиссияда қарамай, жобаларды салалық тиесілілік бойынша орталық деңгейде қарау.
5. Мынадай:
1) құны 4,5 млрд. теңгеге дейінгі жобалар өңірлер кәсіпкерлігін қолдау картасына енгізіледі;
2) құны 4,5 млрд. теңгеден басталатын жобалар индустрияландыру картасына ұсынылады;
3) мемлекеттік қолдау шараларын талап етпейтін жобалар индустрияландыру картасына және өңірлер кәсіпкерлігін қолдау карталарына енгізілмейді.
6. Индустрияландыру картасына және өңірлер кәсіпкерлігін қолдау карталарына жобаларды іріктеу Қазақстан Республикасы Үкіметінің 2019 жылғы 31 желтоқсандағы № 1050 қаулысымен бекітілген Қазақстан Республикасын индустриялық-инновациялық дамытудың 2020 – 2025 жылдарға арналған мемлекеттік бағдарламасының (бұдан әрі – Бағдарлама) басымдықтарына сәйкес жүзеге асырылады.
Ескерту. 6-тармақ жаңа редакцияда – ҚР Үкіметінің 23.09.2020 № 601 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).7. Индустриялық-инновациялық қызметтi мемлекеттiк қолдау саласындағы уәкiлеттi орган, өзге де мемлекеттiк органдар, сондай-ақ облыстардың, республикалық маңызы бар қалалардың, астананың жергiлiктi атқарушы органдары индустриялық-инновациялық қызмет субъектiлерiн мемлекеттiк қолдау шараларын қарау, келiсу және ұсыну кезiнде мынадай өлшемшарттардың бiрiн:
1) инновациялық – экологиялық қауiпсiздiктi қамтамасыз етудi ескере отырып, жаңа немесе жетiлдiрiлген өндiрiстердi, технологияларды, тауарларды, жұмыстар мен көрсетілетін қызметтердi жасау арқылы қызметтiң экономикалық тиiмдiлiгiн арттыруға бағыттылықты;
2) бәсекеге қабілеттілік – шығарылатын өнімнің, көрсетілетін жұмыстардың және (немесе) ұсынылатын қызметтердің төмен өзіндік құнынан, олардың сұранысынан және оларды өндірудің, көрсетудің немесе ұсынудың экономикалық орындылығынан көрінетін ұқсас, индустриялық-инновациялық жобалармен салыстырғандағы артықшылық;
3) ауқымдылық – Қазақстан Республикасын индустриялық-инновациялық дамыту үшiн индустриялық-инновациялық жобаны іске асырудың маңыздылығын басшылыққа алуға міндетті;
4) еңбек өнімділігі – пайдаланылатын ресурстар бірлігіне есептегенде өнім шығаруды сипаттайтын, өндіріс көлемі мен еңбек ресурстары шығындарының арақатынасын білдіретін өндіріс тиімділігінің көрсеткіші;
5) экспортқа бағдарланушылық - өндірістің өнім мен көрсетілетін қызметтер экспортына бағытталуы.
Ескерту. 7-тармаққа өзгеріс енгізілді – ҚР Үкіметінің 23.10.2019 № 786 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.8. Индустрияландыру картасының және өңірлер кәсіпкерлігін қолдау карталарының жобалары Қазақстан Республикасының аумағын ұйымдастырудың бас схемасын ескере отырып іріктеледі.
9. Өтінімдерді қабылдауды жергілікті уәкілетті орган тұрақты негізде жүзеге асырады.
10. Өтініш беруші жобаны индустрияландыру картасына немесе өңірлер кәсіпкерлігін қолдау картасына енгізу үшін тиісті өңірдің жергілікті уәкілетті органына мынадай құжаттарды электрондық және қағаз жеткізгіштерде қолма-қол ұсынады:
1) осы Қағидаларға 1-қосымшаға сәйкес нысан бойынша өтінім;
2) осы Қағидаларға 2-қосымшаға сәйкес нысан бойынша өтініш беруші бекіткен жоба паспортының көшірмесі;
3) осы Қағидаларға 3-қосымшаға сәйкес нысан бойынша өтініш беруші бекіткен жобаны іске асыру жоспар-кестесінің көшірмесі;
4) жобаны қаржыландырудың пысықталғанын растайтын құжаттардың көшірмелері (ниет білдіру туралы меморандум және келісім және/немесе қаржыландыру туралы шешім);
5) құны 900 млн. теңгеден басталатын жобалар үшін осы Қағидаларға 4-қосымшаға сәйкес нысан бойынша жоба туралы ақпарат;
6) мынадай мәліметтерді: жобаның атауын, жобаның мақсатын; өтініш берушіні; іске асыру орнын; іске асыру кезеңін; жобаның жалпы құнын; қаржыландыру құрылымын; күтілетін нәтижелерді; құрылыс және пайдалану кезеңінде жұмыс орындарын құруды қамтитын 1 парақтағы слайд-таныстыру;
7) жобаны іске асыру кезінде жер учаскесін бөлу қажет болған жағдайда бос жер учаскесінің болуын растайтын тиісті әкімшілік-аумақтық бірліктегі жергілікті атқарушы орган хатының көшірмесі, сондай-ақ жоба орналасқан жердің координаталары (схемасы), оны іске асыруға бөлінген жоспарланған алаң көрсетілген жер учаскесін алдын ала таңдау актісінің сканерленген көшірмесі қоса беріледі.
11. Құжаттар осы Қағидалардың 10-тармағында көрсетілген тізбеге сәйкес келмеген жағдайда жергілікті уәкілетті орган құжаттарды өтініш берушіге берілген күні қарамай қайтарады.
12. Құжаттар қайтарылған жағдайда өтініш беруші жол берілген сәйкессіздіктерді жойғаннан кейін қайта жүгінеді.
13. Ескертулер болмаған жағдайда өтінім қабылданады, журналға тіркеледі, құжаттардың қабылданғаны туралы белгісі бар өтінімнің көшірмесі өтініш берушіге табыс етіледі.
14. Өңірлер кәсіпкерлігін қолдау картасына енгізу үшін жобаны қарау мерзімі жобаның мазмұнына байланысты болады, бірақ ол өтінім берілген күннен бастап екі айдан аспауға тиіс.
3. Жобаларды жергілікті деңгейде қарау
15. Жергілікті уәкілетті орган мүдделі мемлекеттік органдармен және ұйымдармен бірлесіп, өңірлік сараптама жүргізеді.
Әрбір жобаға өңірлік сараптаманы жүзеге асыру мерзімі өтінім тіркелген кезден бастап 15 (он бес) жұмыс күнінен аспайды.
16. Өңірлік сараптаманың қорытындысы мынадай құрылым бойынша жүзеге асырылады:
1) жоба бойынша коммерциялық бөлігінің пысықталу дәрежесі;
2) жобаны іске асырудың негізгі бастапқы шарттарының болуы;
3) инфрақұрылым мәселесінің пысықталуы;
4) экологиялық қауіпсіздік және табиғи ресурстарды ұтымды пайдалану;
5) рентабельділік;
6) өңірдің бағдарламалық құжаттарына сәйкес келуі;
7) жоба бойынша жалпы тұжырымдар мен ұсынымдар.
17. "Жоба бойынша коммерциялық бөлігінің пысықталу дәрежесі" деген бөлімде жоба бойынша мынадай ақпарат көрсетіледі:
1) өнімдерді/көрсетілетін қызметтерді өткізуді талдау, төлемге қабілетті сұраныстың болуы, нарықтағы бәсекелестік дәрежесі;
2) маркетингтік жоспардың пысықталу дәрежесін, болашақ өнімдерді/көрсетілетін қызметтерді өткізу арналарын бағалау.
18. "Жобаны іске асырудың негізгі бастапқы шарттарының болуы" деген бөлімде жоба бойынша мынадай ақпарат көрсетіледі:
1) жобаны іске асыру үшін қажетті мәлімделген активтердің болуы (жер учаскесі, өндірістік база, негізгі және ақша қаражатының болуы, ауыртпалықтың/активтерге тыйым салудың болмауы);
2) қаржыландыру құрылымының пысықталғанын талдау, қаржы ұйымдарымен жобаны қаржыландыру туралы меморандумдардың/ келісімдердің болуы;
3) шикізат көздерін, оны тасымалдау схемалары мен құралдарын талдау, шикізат берушілермен келісімдердің болуы, шикізаттың/дайын өнімнің оңтайлы/барынша көп қорларын сақтау үшін қоймалардың абаттандырылуы;
4) құрылыс кезеңінде және объектіні пайдалануға беру кезеңінде құзыретті менеджерлердің және мамандардың болуы;
5) техникалық жабдықты пайдалану бойынша персоналды оқытудың қолданыстағы жоспарлы бағдарламасын талдау;
6) өндіріс технологияларының баламалы нұсқаларын және жабдық берушілерді талдау; жабдықты жеткізу және монтаждау кестесі, инновациялық құрамдастардың болуы; тиісті лицензиялар мен сертификаттардың немесе оларды алу жөніндегі іс-шаралар жоспарының болуы.
19. "Инфрақұрылымның мәселесін пысықталуы" деген бөлімде сыртқы және ішкі коммуникациялардың әзірлік дәрежесі, сондай-ақ қажетті мемлекеттік қолдау шаралары көрсетілген инфрақұрылымды дамыту жөніндегі іс-шаралар жоспары сипатталады.
20. "Экологиялық қауіпсіздік" деген бөлімде жобаның экологиялық аспектілері, олардың қоршаған ортаға әсері, табиғатты қорғау іс-шараларының болуы, заманауи ресурс үнемдейтін және энергия үнемдейтін технологияларды енгізу, баламалы энергия көздерін қолдану, өндірістің қоршаған ортаға теріс әсерін қысқарту жөніндегі шаралар көрсетіледі.
21. "Рентабельділік" деген бөлімде жоба тиімділігінің қаржылық көрсеткіштерін талдау, өтелу мерзімі, IRR кірістіліктің ішкі нормасы, NPV таза дисконтталған кіріс көрсетіледі.
22. "Өңірдің бағдарламалық құжаттамаларына сәйкес келуі" деген бөлімде мәлімделген жобаның өңірді дамытудың негізгі стратегиялық және жоспарлы құжаттамаларына сәйкес келуін талдау жүргізіледі.
23. "Жоба бойынша жалпы тұжырымдар мен ұсынымдар" деген бөлімде жобаны сәтті іске асыру үшін қажетті мемлекеттік қолдау шараларының тізбесі және оларды алу тетіктері көрсетіледі, сондай-ақ оң немесе теріс уәжді қорытынды не себептерін негіздей отырып, жобаны пысықтау туралы ұсыным беріледі.
24. Өңірлік сараптаманың қорытындысы екі данада ресімделеді және ол өткізілген кезден бастап 2 (екі) жұмыс күні ішінде бір данасы өтініш берушіге жіберіледі, бір данасы жергілікті уәкілетті органда қалады.
25. Жергілікті уәкілетті орган өтінімдер тіркелген күннен бастап 1 (бір) жұмыс күні ішінде жобаларды қарау және өңірлер кәсіпкерлігін қолдау картасына енгізу бойынша ұсыным беру үшін құжаттарды өңірлік палатаға жібереді.
Өтінімді өңірлік палата тіркеген кезден бастап 15 (он бес) жұмыс күні ішінде ұсыным жергілікті уәкілетті органға ұсынылады.
26. Жергілікті уәкілетті орган өтінімдер тіркелген күннен бастап 2 (екі) жұмыс күні ішінде жобалардың көрсетілген схемаға сәйкес келуін қарау және ұсыным беру үшін құжаттарды Қазақстан Республикасының аумағын ұйымдастырудың бас схемасын әзірлеу жөніндегі функцияларды жүзеге асыратын уәкілетті органға жібереді.
Ұсыным Қазақстан Республикасының аумағын ұйымдастырудың бас схемасын әзірлеу жөніндегі функцияларды жүзеге асыратын уәкілетті орган құжаттарды тіркеген кезден бастап 15 (он бес) жұмыс күні ішінде жергілікті уәкілетті органға ұсынылады.
27. Құны 900 млн. теңгеден басталатын өңірде кәсіпкерлікті қолдау картасына енгізілуге ұсынылатын жобалар бойынша өңірлік сараптама жүргізілген кезден бастап 2 (екі) жұмыс күні ішінде жергілікті уәкілетті орган құжаттарды тиісті салалық мемлекеттік органдарға салалық тиесілілік бойынша сараптама қорытындысын алу үшін жібереді.
Салалық мемлекеттік органның құрылымдық бөлімшесінің немесе ведомствосының басшысы қол қойған салалық тиесілілік бойынша сараптама қорытындысы құжаттар салалық мемлекеттік органда тіркелген кезден бастап 15 (он бес) жұмыс күні ішінде жергілікті уәкілетті органға ұсынылады.
28. Құны 900 млн. теңгеге дейін жобалар, сондай-ақ индустрияландыру картасына енгізілуге ұсынылатын жобалар бойынша жергілікті уәкілетті орган өңірлік сараптаманың қорытындысы ресімделген және Қазақстан Республикасының аумағын ұйымдастырудың бас схемасын әзірлеу жөніндегі функцияларды жүзеге асыратын уәкілетті органның ұсынымы алынған кезден бастап, өңірлік палатаның ұсынымы бар болған кезде, материалдарды 3 (үш) жұмыс күні ішінде кеңес отырысы өткізілетін күнді айқындау үшін кеңес төрағасына жібереді.
Құны 900 млн. теңгеден асатын өңірлер кәсіпкерлігін қолдау картасына енгізілуге ұсынылатын жобалар салалық тиесілілік бойынша сараптама қорытындысы алынған кезден бастап 3 (үш) жұмыс күні ішінде кеңес отырысына енгізеді.
29. Кеңес жобаларды олардың түсуіне қарай, бірақ өтінімдер болған кезде айына бір реттен сиретпей қарайды.
30. Кеңес хатшысы өткізілетін күнге дейін 3 (үш) жұмыс күні бұрын өтініш берушілерді кеңес отырысының күні туралы хабардар етеді.
31. Жобаларды өңірлер кәсіпкерлігін қолдау карталарына енгізу мәселесі бойынша шешім және жоба бойынша индустрияландыру картасына енгізу ұсынымдары кеңес мүшелерінің қарапайым көпшілік даусымен қабылданады.
Кеңес шешімі кеңес отырысы өткізілген кезден бастап 2 (екі) жұмыс күні ішінде екі данада хаттамамен ресімделеді. Хаттама ресімделген кезден бастап 3 (үш) жұмыс күні ішінде жергілікті уәкілетті орган жоба бойынша қабылданған шешім туралы өтініш берушіні хабардар етеді.
32. Кеңес отырысы өткізілген кезден бастап 3 (үш) жұмыс күні ішінде индустрияландыру картасына ұсынылған жобалар бойынша материалдарды, оның ішінде өңірлік сараптамалардың, мемлекеттік жоспарлау жөніндегі уәкілетті орган ұсынымының, кеңес хаттамасының екінші даналарын жергілікті уәкілетті орган одан әрі қарау үшін уәкілетті органға жібереді.
33. Жобаларды өңірлер кәсіпкерлігін қолдау картасына енгізу,
сондай-ақ одан алып тастау, мемлекеттік қолдау шараларын ұсыну, негізгі параметрлерді өзгерту бойынша шешім кеңес отырысында қабылданады.
4. Жобаларды орталық деңгейде қарау
34. Уәкілетті орган кеңес ұсыным берген жобалар бойынша материалдарды алған кезден бастап 5 (бес) жұмыс күні ішінде салалық тиесілілігі бойынша бөліп таратады және салалық комиссияның отырысында қарау үшін тиісті салалық орталық мемлекеттік органдарға жібереді, сондай-ақ жергілікті қамтуды дамыту саласындағы ұлттық даму институтына жергілікті қамту бойынша сараптама жүргізу үшін жібереді.
35. Тиісті салалық орталық мемлекеттік орган материалдарды алған кезден бастап әрбір жоба бойынша сараптаманы жүзеге асырады және Қазақстан Республикасының заңнамасына сәйкес қажетті мемлекеттік қолдау шараларын көрсету мәселесін пысықтайды.
36. Салалық мемлекеттік органдар жобаларды күрделілік дәрежесіне қарай сараптама жүргізу үшін мамандандырылған ведомстволық бағынысты ұйымдарға жібере алады.
37. Салалық сараптаманың қорытындысы мынадай құрылым бойынша жүзеге асырылады:
1) ел ауқымындағы стратегиялық маңызы;
2) басқа жобалармен және өндірістермен теңгерімділігі;
3) өндіріс технологиясындағы инновациялық құрамдас;
4) экспортқа бағдарлану немесе импортты алмастыру;
5) салалық рұқсат беру құжаттары;
6) еңбек өнімділігі;
7) жоба бойынша жалпы тұжырымдар мен ұсынымдар.
38. "Ел ауқымындағы стратегиялық маңызы" деген бөлімде жобаның ел ауқымындағы маңызы ашылады.
39. "Басқа жобалармен және өндірістермен теңгерімділігі" деген бөлімде біртекті жобалар мен өндірістердің болуы тұрғысынан өңір және көршілес өңірлер бойынша талдау жүргізіледі.
40. "Өндіріс технологиясындағы инновациялық құрамдас" деген бөлімде жобада инновациялық технологиялардың қолданылуы көрсетіледі.
41. "Экспортқа бағдарлану немесе импортты алмастыру" деген бөлімде экономиканың дәстүрлі экспорттық/импорттық секторларын дамытуға және қосылған құны жоғары өндірістер құра отырып, жобаның өнімдерді әртараптандыруға әсерін талдау жүргізіледі.
42. "Салалық рұқсат беру құжаттары" деген бөлімде жобаны іске асыру үшін тиісті салалық мемлекеттік органдар беретін қажетті рұқсаттар көрсетіледі.
43. "Еңбек өнімділігі" деген бөлімде жылына бір қызметкерге шаққанда құндық мәндегі уақыт бірлігіне өндірілетін тауарлардың (жұмыстардың және көрсетілетін қызметтердің) көлемімен өлшенетін көрсеткіш ашылады.
44. "Жоба бойынша жалпы тұжырымдар мен ұсынымдар" деген бөлімде жобаны сәтті іске асыру үшін қажетті мемлекеттік қолдау шараларын талдау және оларды көрсету тетіктері көрсетіледі, сондай-ақ уәжді болуға тиіс оң немесе теріс қорытынды не себептерін негіздей отырып, жобаны пысықтау тұралы ұсыным көрсетіледі.
45. Әрбір жобаға сараптама өткізу мерзімі тиісті салалық мемлекеттік органға материалдар келіп түскен кезден бастап 15 (он бес) жұмыс күнінен аспайды.
46. Сараптама ресімделген кезден бастап 2 (екі) жұмыс күні ішінде оның қорытындысына сараптаманы жүзеге асырған салалық мемлекеттік органның құрылымдық бөлімшесінің немесе ведомствосының басшысы немесе, егер сараптаманы ведомстволық бағынысты ұйым жүзеге асырса, ведомстволық бағынысты ұйымның басшысы қол қояды және ол келіп түскен жобалар бойынша материалдарға қоса тіркеледі.
47. Сараптама өткізілгеннен кейін индустрияландыру картасына енгізуге ұсынылатын жобалар оларға қол қойылған кезден бастап 5 (бес) жұмыс күні ішінде салалық комиссияның қарауына шығарылады.
48. Салалық комиссия қарауға арналған жобалар болған кезде жобаны айына бір реттен сиретпей қарайды.
49. Салалық комиссияның хатшысы жобаны қарау туралы мәселе күн тәртібіне енгізілген кеңес отырысы өткізілетін күнге дейін 3 (үш) жұмыс күні бұрын өтініш берушілерді отырыстың күні туралы хабардар етеді.
50. Салалық комиссияның қарауына жобалар бойынша материалдар, оның ішінде кеңес хаттамасының көшірмесі, әрбір жоба бойынша өңірлік сараптамалардың нәтижелері және салалық тиесілілік бойынша орталық мемлекеттік органның сараптама қорытындылары ұсынылады.
51. Салалық комиссияның отырысына индустриялық-инновациялық қызмет субъектілеріне, атап айтқанда жобалары индустрияландыру картасына енгізілуге жататын өтініш берушілерге мемлекеттік қолдау шараларын көрсететін әлеуетті операторлардың уәкілетті өкілдері шақырылады.
52. Салалық комиссияның отырысында жобалар және мемлекеттік қолдау шараларын ұсыну мүмкіндігі талқыланады, одан кейін жобаларды уәкілетті органда қарау немесе жобаны жергілікті уәкілетті органға пысықтауға қайтару туралы алқалы шешім қабылданады және мемлекеттік қолдау шаралары бекітіледі. Салалық комиссияның шешімі 3 (үш) жұмыс күні ішінде үш данада хаттамамен ресімделеді.
53. Мақұлданған жобалар бойынша материалдар қоса берілген бір данасы уәкілетті органға жіберіледі, екінші данасы жергілікті уәкілетті органға жіберіледі, үшінші данасы салалық мемлекеттік органда қалады.
5. Жобаларды уәкілетті органда қарау
54. Индустрияландыру картасына енгізу үшін ұсынылатын жобалар бойынша салалық комиссияның қорытындысы және жергілікті қамту бойынша сараптама алынған кезден бастап 5 (бес) жұмыс күні ішінде уәкілетті орган барлық материалдарды жүйелендіреді, штаб отырысында қаралатын индустрияландыру картасына енгізу туралы ұсыныстары бар жобаларды жалпы жинақтауды жүзеге асырады.
55. Материалдар түскен кезден бастап 5 (бес) жұмыс күні ішінде штаб жобаларды индустрияландыру картасына енгізу бойынша ұсыным беру, Бағдарламада белгіленген индустрияландыру картасының өлшемшарттарына сәйкес келмеген кезде жобаны жергілікті уәкілетті органға пысықтауға қайтару немесе одан бас тарту туралы хаттамалық шешім қабылдайды.
56. Хаттамалық шешім қабылданған кезден бастап 3 (үш) жұмыс күні ішінде уәкілетті орган хаттамалық шешімнің көшірмесін жергілікті уәкілетті органға жібереді, ол хаттамалық шешімнің көшірмесін алған кезден бастап 3 (үш) жұмыс күні ішінде штаб қабылдаған шешім туралы өтініш берушіні хабардар етеді.
57. Штаб отырысында индустрияландыру картасына енгізуден бас тартылған жобалар кеңестің шешімі бойынша өңірлер кәсіпкерлігін қолдау карталарына енгізіледі.
58. Штабтың хаттамалық шешімінің негізінде уәкілетті орган жобалардың тізбесін комиссияның таяудағы отырысында қарауға ұсыным береді.
6. Жобаларды өнеркәсіптік дамыту жөніндегі комиссияда қарау
59. Комиссия мемлекеттік қолдау шараларын енгізу, алып тастау, ұсыну, сондай-ақ индустрияландыру картасының жобалары бойынша негізгі параметрлерді өзгерту жөнінде ұсыныстар әзірлейді.
60. Комиссия индустрияландыру картасының жобасын іске асыруға жауапты мемлекеттік органды айқындау жөнінде ұсыныстар әзірлейді.
7. Қорытынды ережелер
61. Жобалар индустрияландыру картасына өтінімдердің түсуіне және олардың тиісті қаралуына қарай жылына кемінде бір рет өткізілетін өзектілендіру қорытындылары бойынша Қазақстан Республикасы Үкіметінің қаулысымен енгізіледі.
Жобалар индустрияландыру картасынан жылына кемінде бір рет өткізілетін өзектілендіру қорытындылары бойынша Қазақстан Республикасы Үкіметінің қаулысымен мынадай:
1) бір жыл бойы кемінде қуаттар үздіксіз 70 % деңгейінде жүктелген;
2) Бағдарламаны іске асыру кезеңінде шешілуі мүмкін емес проблемалар, оның ішінде форс-мажорлық мән-жайлар туындаған жағдайларда алынып тасталады.
Ескерту. 61-тармақ жаңа редакцияда – ҚР Үкіметінің 23.09.2020 № 601 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).62. Жобалар өңірде кәсіпкерлікті қолдау картасына өтінімдердің түсуіне және олардың тиісті қаралуына қарай жылына кемінде екі рет өзектілендіру қорытындылары бойынша облыстар, республикалық маңызы бар қала, астана әкімдіктерінің қаулысымен енгізіледі.
Жобалар өңірде кәсіпкерлікті қолдау картасынан жылына кемінде екі рет өзектілендіру қорытындылары бойынша облыстар, республикалық маңызы бар қала, астана әкімдіктерінің қаулысымен мынадай:
1) бір жыл бойы кемінде қуаттар үздіксіз 70 % деңгейінде жүктелген;
2) Бағдарламаны іске асыру кезеңінде шешілуі мүмкін емес проблемалар, оның ішінде форс-мажорлық мән-жайлар туындаған жағдайларда алынып тасталады.
Ескерту. 62-тармақ жаңа редакцияда – ҚР Үкіметінің 23.09.2020 № 601 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).| Жобаларды индустрияландыру картасына және өңірлер кәсіпкерлігін қолдау карталарына енгізу қағидаларына 1-қосымша |
______________________
(облыс, қала)
кәсіпкерлік және өнеркәсіп
басқармасының басшысы
____________________________________
(тегі, аты, әкесінің аты (бар болса)
Жобаны индустрияландыру картасына немесе өңірлер кәсіпкерлігін қолдау картасына енгізуге өтінім
Индустрияландыру картасына немесе өңірлер кәсіпкерлігін қолдау картасына енгізу үшін
____________________________________________________________________
____________________________________________________________________
(ұйым атауы)
____________________________________________________________________
________________________________
(жоба атауы)
жобасы бойынша өтінімін тіркеуді сұраймын.
Өтінімге мынадай құжаттар қоса беріледі:
____________________________________________________________________
_______________________________________________
____________________________________________________________________
_______________________________________________
____________________________________________________________________
______________________________________________
Бірінші басшы: _____________________________________________________
Қолы: ___________ М.О., толтырылған күні 20__жылғы "___"____________
Әкімдіктің жауапты қызметкері: _____________________________________
Қолы: ___________, №____, қабылданған күні 20__жылғы "___"__________
осы өтінімнің көшірмесі өтініш берушіге беріледі
| Жобаларды индустрияландыру картасына және өңірлер кәсіпкерлігін қолдау карталарына енгізу қағидаларына 2-қосымша |
"Бекітемін"
_____________________________
өтініш берушінің тегі, аты,
әкесінің аты (бар болса), лауазымы
20__ жылғы "___"______________
Жобаның паспорты
Р/с № | Көрсеткіштің атауы | Өлшем бірлігі | Мәні |
1 | 2 | 3 | 4 |
1 | Жобаның атауы | ||
2 | Жобаның түрі | ||
1) | Жаңа жоба | ||
2) | Қолданыстағы өндірісті жаңғырту | ||
Қолданыстағы өндірістің қуат түрі | |||
Қолданыстағы өндірістің жобалық қуаты | |||
3 | Жобаның мақсаты | ||
4 | Жобаның кезеңі: (төменде аталғандардың бірін таңдау) | ||
1) | Іске асырылып жатқан | ||
2) | Жоспарланған | ||
3) | Перспективалық | ||
5 | Жобаны іске асыру орны: | ||
1) | Облыс (анықтамалық) | ||
2) | Қала (анықтамалық) | ||
3) | Аудан (анықтамалық) | ||
6 | ӘАОК коды (анықтамалық) | ||
7 | Экономика саласы (анықтамалық) | ||
ЭҚЖЖ коды (анықтамалық) | |||
8 | Жауапты мемлекеттік орган, холдинг | ||
9 | Жер учаскесінің болуы (бөлінуі) (иә, жоқ) | ||
1) | Жер учаскесін беру талап етіледі (иә, жоқ) | ||
2) | Учаскенің қажетті аумағы | ||
10 | Іске асыру мерзімі (ай, жыл саны) | ай, жыл – ай, жыл | |
1) | Жоспарлау (іске асыру мерзімі инвестиция алдындағы кезеңнен басталады – ТЭН немесе бизнес-жоспарды әзірлеуге арналған шартқа қол қою) | ай, жыл – ай, жыл | |
2) | Іске асыру кезеңдері | ай, жыл – ай, жыл | |
11 | Құрылыстың басталуы (құрылысқа рұқсат алу) | ай, жыл | |
12 | Құрылыстың аяқталуы (пайдалануға беру туралы мемлекеттік акт) | ай, жыл | |
Пайдалануға беруді растайтын құжаттың атауы, нөмірі және күні | |||
13 | Жобаның ҚҚС-сыз жалпы құны | млн. теңге | |
14 | Негізгі өндірілетін тауарлардың және көрсетілетін қызметтердің (атауы) | ||
1) | Өнім түрі 1-кезең | ||
2) | Өнім түрі 2-кезең | ||
... | Өнім түрі …кезең | ||
15 | Жылына жобалық қуаты: | ||
1) | Заттай мәнде | өлшем бірлігі | |
2) | Құндық мәнде | млн. теңге | |
16 | Құрылыс уақытындағы жұмыс орындарының саны | адам | |
17 | Пайдалануға беру уақытындағы жұмыс орындарының саны | адам | |
18 | Қаржыландыру құрылымы | ||
1) | Меншікті қаражат, оның ішінде: | млн. теңге | |
Отандық жеке инвесторлардың қаражаты | млн. теңге | ||
Тікелей шетелдік инвестициялар (жарғылық капиталға қатысу) | млн. теңге | ||
Мемлекет бақылауындағы ұйымдардың қаражаты (жарғылық капиталға қатысу) | млн. теңге | ||
2) | Қарыз қаражаты (лизингті қоса алғанда), оның ішінде: | млн. теңге | |
Негізгі компаниялардың кредиттері | млн. теңге | ||
Отандық даму институттарының кредиттері | млн. теңге | ||
Екінші деңгейдегі банктердің (резиденттер) кредиттері | млн. теңге | ||
Ішкі облигациялық кредиттер | млн. теңге | ||
Бюджеттік кредиттер | млн. теңге | ||
Сыртқы қарыздар, оның ішінде: | млн. теңге | ||
Қаржы ұйымдарының (резиденттер емес) кредиттері | млн. теңге | ||
Халықаралық даму институттарының кредиттері | млн. теңге | ||
Сыртқы облигациялық қарыздар | млн. теңге | ||
Өзге көздер | |||
3) | Бюджет қаражаты, оның ішінде: | млн. теңге | |
Республикалық бюджет (бюджеттік бағдарламаның коды және атауы) | млн. теңге | ||
Жергілікті бюджет (бюджеттік бағдарламаның коды және атауы) | млн. теңге | ||
19 | Өткізу нарығы: | ||
1) | Ішкі нарық | % | |
2) | Экспортқа | % | |
20 | Жоба тиімділігінің көрсеткіштері: | ||
1) | NPV | мың теңге | |
2) | Дисконттық мөлшерлеме | % | |
3) | IRR | % | |
4) | Өтелудің қарапайым мерзімі | жыл | |
5) | Өтелудің дисконтталатын мерзімі | жыл | |
21 | Жобаның ағымдағы жай-күйі мен іске асырылуы | ||
22 | Жобаның инновациялылығы: (төменде аталғандардың бірін таңдау) | иә/жоқ | |
1) | Қазақстан Республикасында әзірленген инновация | ||
2) | Қазақстан Республикасынан тыс жерде әзірленген инновация | ||
3) | Қазақстан Республикасында лицензияланған, бірақ алғаш рет пайдаланылатын инновация | ||
4) | Қазақстан Республикасында сынамақтан өткізілген инновация | ||
23 | Өңдеу өнеркәсібі | иә/жоқ | |
24 | Жобадағы тауарлардың, жұмыстардың және көрсетілетін қызметтердің қазақстандық қамтуы | % | |
25 | Жобаны іске асырудың ел экономикасына мультипликативтік әсері |
Жобаға өтінім беруші жөніндегі мәліметтер
Заңды тұлғаның толық атауы | ||
Заңды мекенжайы | ||
Нақты мекенжай | ||
Телефон/факс/e-mail | ||
ЖСН/БСН | ||
Заңды тұлғаны тіркеу (қайта тіркеу) туралы куәліктің нөмірі мен күні немесе мемлекеттік тіркеу (қайта тіркеу) туралы анықтама |
Инвестицияларды (күрделі салымдарды) игеру жоспары
Р/с № | Атауы | 20___ жыл | 20___ жыл | 20___ жыл | 20___ жыл | 20___ жыл |
1-кезең | ||||||
1. | Құрылыс-монтаж жұмыстары | |||||
Жабдықтар | ||||||
Өзге | ||||||
2-кезең | ||||||
2. | Құрылыс-монтаж жұмыстары | |||||
Жабдықтар | ||||||
Өзге |
Қаржыландыру жоспары
Р/с № | Атауы | Барлығы | 20__ жыл | 20__ жыл | 20__ жыл | 20__ жыл | 20__ жыл |
Барлығы, оның ішінде | |||||||
1 | Меншікті қаражат | ||||||
отандық жеке инвесторлардың қаражаты | |||||||
тікелей шетелдік инвестициялар (жарғылық капиталға қатысу) | |||||||
мемлекеттің бақылауындағы ұйымдардың қаражаты (жарғылық капиталға қатысу) | |||||||
2 | Қарыз қаражаты | ||||||
негізгі компаниялардың кредиттері | |||||||
отандық даму институттарының кредиттері | |||||||
екінші деңгейдегі банктердің (резиденттер) кредиттері | |||||||
ішкі облигациялық қарыздар | |||||||
бюджеттік кредиттер | |||||||
қаржы ұйымдарының (резиденттер емес) кредиттері | |||||||
халықаралық даму институттарының кредиттері | |||||||
сыртқы облигациялық қарыздар | |||||||
3 | Өзге көздер | ||||||
4 | Бюджет қаражаты, оның ішінде: | ||||||
республикалық бюджет (бюджеттік бағдарламаның коды және атауы) | |||||||
жергілікті бюджет (бюджеттік бағдарламаның коды және атауы) |
Заттай мәндегі жобалық қуатқа шығу жоспары
Р/с № | Атауы | Өлш. бірл. | 20__ жыл | 20__ жыл | 20__ жыл | 20__жыл | 20__жыл |
1 | 1-кезең | ||||||
Қуат түрі | |||||||
Қуат түрі | |||||||
2 | 2-кезең | ||||||
Қуат түрі | |||||||
Қуат түрі |
Ақшалай мәндегі жобалық қуатқа шығу жоспары
Р/с № | Атауы | Өлш. бірл. | 20__жыл | 20__жыл | 20__жыл | 20__жыл | 20__жыл |
1 | 1-кезең | ||||||
Қуат түрі | |||||||
Қуат түрі | |||||||
2 | 2-кезең | ||||||
Қуат түрі | |||||||
Қуат түрі |
Экспорттың заттай мәндегі жоспарлы көлемі
Р/с № | Атауы | Өлш. бірл. | 20__жыл | 20__жыл | 20__жыл | 20__жыл | 20__жыл |
1 | 1-кезең | ||||||
Экспортталатын тауар түрі (анықтамалық) | |||||||
Экспортталатын тауар түрі | |||||||
2 | 2-кезең | ||||||
Экспортталатын тауар түрі (анықтамалық) | |||||||
Экспортталатын тауар түрі |
Жұмыскерлер мен мамандарға болжамды қажеттілік туралы
Р/с № | Кәсіптің (лауазымның) атауы | ҚМК базалық тобының коды (анықтамалық) | Жұмыскерлерге (адамға) қажеттілік | Талап етілетін білім беру деңгейі (тізім) | Талап етілетін біліктілік деңгейі (тарифтік разряд, санат) (тізім) | |||
20_ | 20_ | 20_ | 20_ | |||||
1 | ||||||||
2 | ||||||||
3 | ||||||||
Жобаның жоспарлы нысаналы көрсеткіштері (іске асырылатын жобалар үшін)
Р/с № | Атауы | Өлш. бірл. | Жыл | ||||
20…. | 20…. | 20…. | 20… | 20… | |||
1 | Отын-энергетика ресурстарына қажеттілік, оның ішінде: | ||||||
электр энергиясы | Квт.сағ | ||||||
жылу энергиясы | Гкал | ||||||
газ | жылына/мың м3 | ||||||
көмір | жылына/тонна | ||||||
мұнай өнімдері (мазут, дизотын) | тонна | ||||||
су | жылына/м3 | ||||||
2 | Инфрақұрылымға қажеттілік, оның ішінде: | ||||||
электр желілері км | ҚС мВт | ||||||
жылу желілері | км | ||||||
су құбыры желілері | км | ||||||
кәріз желілері | км | ||||||
теміржол инфрақұрылымы (МТЖ, кірме жолдар) | км | ||||||
автомобиль жолдары | км | ||||||
3 | Көлік (қосымша көрсетілетін қызметтерге қажеттілік) | ||||||
Жүк тасымалдау көлемі | мың тонна | ||||||
теміржол көлігімен | мың тонна | ||||||
су, теңіз көлігімен | мың тонна | ||||||
| Жобаларды индустрияландыру картасына және өңірлер кәсіпкерлігін қолдау карталарына енгізу қағидаларына 3-қосымша |
"Бекітемін"
____________________________
өтінім берушінің тегі, аты,
әкесінің аты (бар болса), лауазымы
20__ жылғы "___"_____________
Жобаны іске асырудың жоспар-кестесі
Р/с № | Іс-шараның атауы | Орындау мерзімі |
1. | * | |
2. | ||
3. |
*Мысалы:
- жобалық-сметалық құжаттаманы әзірлеу;
- құрылыс-монтаж жұмыстары, оның ішінде іске қосу кешендері бойынша;
- пайдалануға беру, оның ішінде іске қосу кешендері бойынша;
- жобалық қуатқа шығу.
| Жобаларды индустрияландыру картасына және өңірлер кәсіпкерлігін қолдау карталарына енгізу қағидаларына 4-қосымша |
Инвестициялық жобалар үшін жоба бойынша ақпарат
1. Жобаның түйіндемесі
2. Саланың сипаттамасы
3. Өнімді сату жөніндегі жобалар мен жоспарлар
4. Жобаны іске асыру жоспары
5. Қаржылық жоспар мен болжамдар
6. Тәуекелдер мен тәуекелді төмендететін факторлар
7. Әлеуметтік аспект
8. Қоршаған ортаға әсері
9. Қосымшалар
1. Жобаның түйіндемесі
Түйіндеме жобаның қысқаша шолуын білдіреді және үш парақтан аспайтын көлемде берілетін бөлімдердің ішінде ең маңыздысы болып табылады.
1. Түйіндеме мынадай ақпаратты қамтуға тиіс:
1) жобаның ұзақ мерзімді және қысқа мерзімді мақсаттары, жеке өңірге де, сол сияқты тұтастай алғанда елдің экономикасына мультипликативтік әсері, жобаның өтімділік кезеңіне дейінгі ақша ағынының болжамы;
2) инвестицияларға қажеттілік, қаржыландыру құрылымы және көздері, күрделі салымдарды қайтару, болжамды кепілдікті қамтамасыз ету тізбесі және олардың нарықтық құны (қажеттілігіне қарай бағалау күнін көрсету);
3) жобаны іске асыру орны;
4) жоба тиімділігінің түйінді экономикалық көрсеткіштері;
5) жобаны іске асырудың жоспар-кестесі (іске асырудың бірінші жылы – айлар бойынша);
6) жобаны іске асыру кезінде қандай тәуекелдер және қандай сыйақылар туындауы мүмкін;
7) компанияның қысқаша сипаттамасы;
8) жобаны іске асыру активтерінің (жер учаскелері, өндірістік базалар және т.б.) болуы.
2. Саланың сипаттамасы
1. Саланың сипаттамасы:
1) саланың экономикалық секторын айқындау (өндіріс, бөлу, көрсетілетін қызметтер және т.б.);
2) өнеркәсіптің осы саласы ұсынатын негізгі өнімдер мен көрсетілетін қызметтердің тізбесі;
3) маусымдылығы;
4) салалық нарықтың географиялық жағдайы (жергілікті, өңірлік, ұлттық, халықаралық);
5) кәсіпорын жұмыс істейтін немесе жұмыс істеуі болжанатын нарық сегментінің сипаттамасы;
6) қазіргі негізгі клиенттердің сипаттамасы;
7) әлеуетті клиенттердің сипаттамасы;
8) барынша перспективалы клиенттер (кему тәртібімен көрсету);
9) сала бойынша жалпы сату көлемі мен нарықтың өзгеру үрдістері.
3. Өнімді өткізу жөніндегі жоба мен жоспарлар
3. Өнімнің сипаттамасы:
1) өнімнің осы түрін таңдау негіздемесі;
2) номенклатура, болжанатын шығару көлемі;
3) өнімнің сипаттамалық қасиеттері;
4) өнімнің даму кезеңдері (идея, эскиздік жоба, жұмыс жобасы, тәжірибелік партия, қолданыстағы сериялық өндіріс).
4. Өнім нарығының сипаттамасы:
1) сұраныс пен нарық мүмкіндіктерін айқындау;
2) нарықтың ағымдағы үлесі, жобаны іске асырумен тікелей немесе жанама байланысты болжамды өзгерістер;
3) негізгі үрдістер мен нарықтың даму бағыттары (экспорттық әлеует).
5. Шикізат, материалдар нарығын және өндірістің өзге де факторларын зерттеу мен талдау:
1) өндірістің шикізаттық және өзге де факторларының сипаттамасы;
2) шикізатқа, материалдарға және өндірістің өзге де факторларына қолжетімділік (шикізат, материалдар және өндірістің өзге де факторлары үшін есеп айырысу тәртібі);
3) жабдықтау бағдарламасы (жобаның жұмыс істеуінің әрбір жылына, үздіксіз жабдықтау кепілдігі мақсатында шикізатты жеткізу жөніндегі іс-шаралар);
4) жеткізу бағдарламасы (әрбір жылға);
5) еңбек өнімділігі (өндірісті жаңғыртқан жағдайда).
6. Өнімді өткізу бағдарламасы:
1) бағаны есептеу және негіздеу, баға белгілеу;
2) өнімнің өзіндік құнын есептеу;
3) сату бағдарламасы (жобаны іске асырудың әрбір жылына);
4) сатудан күтілетін кіріс (әрбір жыл бойынша);
5) сату және бөлу кезіндегі шығасылар;
6) тұтынушылардың мақсатты тобы (негіздеу);
7) сауда желісінің сипаттамасы;
8) бөлу әдістері мен арналары, жарнама;
9) өткізуді ынталандыру.
7. Кәсіпорынның бәсекеге қабілеттілігі:
1) негізгі бәсекелестер (атауы және қысқаша сипаттамасы), олардың негізгі артықшылықтары мен кемшіліктері, нарықтың иеленген үлесі;
2) қолданылатын технологияларды салыстырмалы талдау;
3) негізгі бәсекелестердің бағаларын салыстырмалы талдау;
4) маркетинг және тауарларды (көрсетілетін қызметтерді) бөлу стратегиясын салыстырмалы талдау.
8. Жобаны орындаудың заңнамалық және нормативтік базасы:
1) лицензия не рұқсат алу қажеттілігі;
2) халықаралық ұйымдардың, республикалық және жергілікті басқару органдарының жобаның іске асырылуын шектеуі/қолдауы;
3) қажетті рұқсат беру құжаттарының болуы.
4. Жобаны іске асыру жоспары
9. Орналасқан жері (жоба орналасқан жерді таңдауға ықпал еткен негізгі факторларды көрсету):
1) шикізат көздері мен оны берушілерге қатысты орналасуы;
2) өнімдерді (көрсетілетін қызметтерді) тұтынушыларға қатысты орналасуы;
3) алаңның сипаттамасы (қолданыстағы және салынуы көзделіп отырған өндірістік және қосалқы ғимараттардың, құрылыстар мен үй-жайлардың, сақтау орындары мен қоймалардың (пайдаланылуын нақтылап) блоктарының/модельдерінің орналасуы көрсетілген, қолданыстағы және жоспарланып отырған алаңішілік учаскелердің және алаң сыртындағы желілер учаскелерінің орындары мен өтпелер, олардың сипаттамалары және басқа жағдайлар белгіленген алаң (жобаны іске асыру жоспарланады) аумағының геодезиялық жағдайлары, экспликациясы бар ахуалдық жоспар);
4) таңдап алынған алаңның кәсіпорынның өндірістік қуатына сәйкес келуі (жобаны іске асыру алаңындағы объектілерді, оның ішінде ғимараттарды, құрылыстарды (паспорттық деректері, жай-күйі), ғимараттарды (эстакадаларды, жерасты қоймаларын, ұңғымаларды және т.б.) қысқаша сипаттау).
10. Инфрақұрылым:
1) электрмен жабдықтау – электр жүктемесі (мвт), электр тұтыну (мың квтсағ), электр желісіне жалғауға техникалық шарттардың болуы, электр желілері (шаршы/км), қосалқы станциялар (дана/мва), инфрақұрылым құрылысын қаржыландыру көзі;
2) жылумен жабдықтау – автономды көздер мен алаңішілік желілердің болуы, жай-күйі және қолда бар қуаты;
3) сумен жабдықтау – автономды көздер мен алаңішілік желілердің болуы, жай-күйі және қолда бар қуаты;
4) кәріз – автономды жинақтаушылар мен алаңішілік желілердің болуы, жай-күйі және қолда бар қуаты;
5) су ағынын бұру, тазарту әдістері, ағынды судың сапасы, жіберу шарттары, жұмыс істеп тұрғандарын пайдалану немесе заманауи тазарту құрылғыларын салу;
6) газбен жабдықтау – тарату құрылғылары мен алаңішілік желілердің болуы, жай-күйі және қолда бар қуаты;
7) автожолдар – алаңішілік өтпелердің болуы, жай-күйі және ұзындығы;
8) теміржолдар – тұйықтың болуы, жай-күйі және ұзындығы;
9) жүк және жолаушы терминалдары;
10) абаттандыру объектілері;
11) басқа коммуникациялар;
12) шикізатты өндірістік алаңға жеткізу (алу) және оны сақтау тәсілі.
11. Технологиялық процестің сипаттамасы:
1) технологияны таңдау негіздемесі (әлемдік стандарттарға сәйкес келуі, қолданыстағы аналогтарымен салыстыру, жаңашылдығы және/немесе Қазақстандағы немесе шетелдегі басқа жобаларда сынамақтан өткізу);
2) таңдалған технологияның сипаттамасы (практикада қолданылатын өнімдерді өндіру технологияларының нұсқаларын сипаттау, іске асырылатын жоба үшін нақ осы технологияны таңдауға негіз болған техникалық өлшемшарттарды және балама нұсқалардың ауытқуын көрсете отырып, өнімдер өндірісінің қолданыстағы нұсқаларының негізгі жетістіктері мен кемшіліктеріне салыстырмалы талдау жүргізу);
3) технология сатып алу шығындары (лицензиялар, патенттер, құқықтар, тұрақты төлемдер және басқалары);
4) өндірістік қуаттың негіздемесі;
5) кәсіпорынның қуатты игеру серпіні;
6) технологиялық және өзге жабдықтың, техниканың болуы және қажеттілігі, оларды сатып алу шарттары (қолда бар техника мен жабдықтың тізбесі, олардың ағымдағы жай-күйі, қажетті жабдық пен техниканың тізбесі, бәсекеге қабілетті бағасы, пайдаланылып жүрген жабдықпен технологиялық үйлесімдігі, жабдықты жеткізудің әртүрлі нұсқаларын салыстырмалы талдау)
7) жер учаскелеріне, ғимараттарға және құрылыстарға, коммуникацияларға қажеттілік.
12. Жобаны басқару және кадрларды орналастыру:
1) жобаны басқару құрылымы;
2) жоба жетекшілерінің және негізгі менеджерлерінің қысқаша түйіндемелері;
3) Т.А.Ә., жасы, білімі, институт, мамандығы, қашан бітірді, тәжірибесі, атқаратын лауазымы, атқаратын лауазымында қанша жыл жұмыс істейді;
4) қызметкерлер саны және кадрларды орналастыру;
5) еңбек ресурстарына қажеттілік және оқыту.
13. Жобаны жүзеге асыру жөніндегі жұмыстардың кестесі:
1) құрылыс кезеңдері (мысалы: жобалау алдындағы зерттеулер, ТЭН әзірлеу, ТЭН, аудандық сәулеттің қорытындысы, аудандық мемлекеттік сараптаманың қорытындысы, ТЭН-ді Мемсәулетқұрылысқадағалауға беру, құрылысқа рұқсат алу, мердігермен бас шартты жасасу)
2) құрылыс мерзімдері;
3) жабдықты жеткізу мерзімдері;
4) монтаждау, іске қосу-баптау және пайдалануға беру мерзімдері;
5) жобалық қуатқа шығу және одан әрі өндіру серпіні;
6) қажет болған жағдайда технологиялық карта келтіріледі.
14. Жоба бойынша шығындар құрылымы:
1) жер учаскесі;
2) құрылыс-монтаж жұмыстары;
3) өндірістік үй-жайлар;
4) жабдық;
5) тасымалдау;
6) сақтандыру;
7) монтаждау және іске қосу-баптау жұмыстары;
8) өндіру шығындары (шикізат нарықтарына талдау жүргізу, негізгі өнім берушілер және шикізат жеткізу бағдарламалары, электр энергиясы, су және басқа да құрамдастар (жарнама науқаны, дистрибьютивтік желіні қалыптастыру және т.б.).
5. Қаржылық жоспар мен болжамдар
15. Қаржыландыру және төлемдер кестесі:
1) аванстық төлемді енгізу мерзімі
2) сақтандыру және комиссиялық төлемдердің мерзімі
3) негізгі қарызды қайтару және олар бойынша пайыздарды төлеу кестесі.
16. Өнім бірлігінің өзіндік құнын есептеу және шығындар сметасы.
17. Сатудан түскен көрістердің баптарын толық жазу (ай сайын шығарылатын өнімнің әрбір түрі бойынша өткізу көлемін көрсете отырып); маусымдық ауытқу болған жағдайда оларды ескеру.
18. Пайда мен залал туралы есепті болжау.
1) шығындардың ірі баптары бойынша түсіндірме беріледі;
2) дайын өнімді өткізу және шикізатты сатып алу бағасы мен көлемінің маусымдық ауытқуы ескеріледі.
19. Қаржылық бағалаудың қарапайым тәсілінің көмегімен жобаны талдау:
1) жобаның өтелуінің қарапайым мерзімі;
2) пайданың қарапайым нормасы (жобаны іске асырудың әрбір жылы және тұтас алғанда бүкіл жоба бойынша);
3) рентабельділік, өтімділік және айналымдық көрсеткіштерді талдау.
20. Дисконттау әдістерінің көмегімен талдау:
1) жобаның таза ағымдағы құны (NPV);
2) рентабельділіктің ішкі нормасы (IRR);
3) жоба өтімділігінің дисконтталған мерзімі.
21. Белгісіздік жағдайларындағы талдау:
1) сезімталдықты талдау (өндіріс көлемі төмендеген кездегі жобаның тұрақтылығын, өткізу бағасын, шығындар сомасының ұлғаюын талдау);
2) залалсыздықты талдау (жылына есептегенде заттай және ақшалай мәндегі залалсыздық нүктесін айқындау).
6. Тәуекелдер мен тәуекелді төмендететін факторлар
Ресурстар тәуекелі, маркетингтік тәуекел, басқару тәуекелі, операциялық-өндірістік тәуекел, салалық тәуекел, құқықтық тәуекел, елдік және өңірлік тәуекелдер, жобаны аяқтау тәуекелі және т.б.:
1) тәуекелдің негізгі факторлары;
2) өзгерістердің болжамды сипаты мен диапазоны;
3) тәуекелдерді төмендету мен басқару жөніндегі іс-шаралар, оның ішінде қажетті мемлекеттік қолдау шаралары.
7. Әлеуметтік аспект
1) өңірдегі әлеуметтік-мәдени және демографиялық жағдайдың сипаттамасы;
2) жобаның халықты жұмыспен қамтуға, біліктілікті арттыруға, білім беруге ықпалы және т.б.
8. Қоршаған ортаға әсері
1) қоршаған ортаға қолайсыз әсер етудің барлық болжанатын ықпалын айқындау және қысқаша мазмұндау;
2) өзі қарсы бағытталған теріс әсерді қоса алғанда, әрбір іс-шараның техникалық аспектісін сипаттау;
3) жоба шеңберінде табиғатты қорғау іс-шараларын іске асыру кестесі;
4) жобаның жалпы құнына жағымсыз ықпалды шектеу жөніндегі іс-шараларды іске асырумен байланысты шамамен алғандағы сметалар мен бастапқы салымдарды, сол сияқты ағымдағы шығыстарды қаржыландыру көздерінің тізбесін енгізу;
5) жоба технологиясының қоршаған ортаға әсер етуі бойынша халықаралық стандарттар мен нормативтерге сәйкес келуі.
Қосымшалар
Қосымшаларда жоба бойынша ұсынылған мәліметтерді растайтын немесе анағұрлым толық түсіндіретін құжаттар қамтылады. Оларға мыналар жатуы мүмкін:
1) кәсіпорын немесе жоба басшыларының құзыреті мен жұмыс тәжірибесін растайтын өмірбаяндар;
2) маркетингтік зерттеулердің нәтижелері;
3) аудиторлардың қорытындылары;
4) өнім үлгілерінің фотосуреттері немесе бейнеролигі;
5) өнімнің толық техникалық сипаттамасы;
6) кәсіпорының жоспары;
7) өнім берушілермен және оны тұтынушылармен жасалған кепілдік хаттар немесе келісімшарттар;
8) жалға беру, жалдау шарттары, лицензиялық келісімдер;
9) экология және қауіпсіздік мәселелері жөніндегі мемлекеттік қадағалау қызметтерінің қорытындылары;
10) кәсіпорынның қызметі туралы журналдар мен газеттердегі мақалалар.
