"Ақмола қаласындағы "Ақмола жаңа құрылыс индустриясы" акционерлiк қоғамының өндiрiс алаңдарында орналасатын жеңiл бетон блоктарын, жиелiк және тротуарлық тастар; үйдiң iшi мен сыртына пайдаланылатын қаптама тақталар; үйдiң шатырына арналған цемент-құм черепица; бетоннан жасалған канализация құбырларын өндiруге арналған технологиялық желiлер мен жабдықтардың" инвестициялық жобасын жүзеге асыру туралы

Қазақстан Республикасы Министрлер Кабинетiнiң Қаулысы 1995 жылғы 20 наурыздағы N 307

"Ақмола жаңа құрылыс индустриясы" акционерлiк қоғамының құрылыс индустриясы базасын құру үшiн шет ел кредиттерiн тарту жолымен Қазақстан Республикасының құрылыс кешенiн дамыту мақсатында, "Қазақстан Республикасының экономикасына шет ел капиталын тарту процестерiн мемлекеттiк басқару мен реттеудiң тиiмдiлiгiн арттыру жөнiндегi шаралар туралы" Қазақстан Республикасы Президентiнiң 1995 жылғы 19 қаңтардағы N 2035 Жарлығына сәйкес және жаңа тұрғын үй саясатын жүзеге асыру мемлекеттiң басым бағыты болып табылатынын ескре отырып, Қазақстан Республикасы Премьер-министрiнiң 1995 жылғы 3 ақпандағы N 37 өкiмi негiзiнде Қазақстан Республикасының Министрлер Кабинетi қаулы етедi:
1. Ақмола қаласындағы жеке тұрғын үй құрылысы мен әлеуметтiк-тұрмыстық мақсаттағы объектiлер үшiн құрылыс индустриясының базасын дамытуға арналған "Ақмола жаңа құрылыс индустриясы" акционерлiк қоғамы мен Германияның "Хенке" фирмасы арасында жалпы сомасы 70,2 (жетпiс млн. екi жүз мың) млн. немiс маркасына жасалған контракт мақұлдансын.
2. Осы контрактiнi қаржыландыру Қазақстан Республикасына берiлген Германия кредит желiсi шеңберiнде жүргiзiлсiн.
3. "Ақмола жаңа құрылыс индустриясы" акционерлiк қоғамы:
Қазақстан Республикасының Қаржы министрлiгiне және мемлекеттiк Экспорт-импорт банкiсiне барлық қажеттi кепiлдiктердi беретiн болсын;
қызмет көрсететiн банктерге аванс, сақтандыру жарнасын, комиссиялық төлемдi, сондай-ақ проценттердi төлеудi және берешектерiн одан әрi өз қаражаттары есебiнен өтеудi қамтамасыз етсiн.
4. Қазақстан Республикасының мемлекеттiк Экспорт-импорт банкi:
техникалық-экономикалық негiздемелер мен контрактiнi, кредиттiк келiсiмдi негiзгi сараптаудан өткiзсiн;
"Ақмола жаңа құрылыс индустриясы" акционерлiк қоғамы үшiн технологиялық желiлер мен жабдықтар берiп тұруға жасалған контрактiге сәйкес Германияның кредит берушi банкiмен осы жоба бойынша жеке кредиттiк келiсiм жасассын;
"Ақмола жаңа құрылыс индустриясы" акционерлiк қоғамымен iшкi кредиттiк келiсiм жасассын;
берешектiдер кезiнде төлеудi қамтамасыз ету жөнiндегi кредиттiк келiсiмдердi тоқтатуға дейiн қажеттi шаралар қолданатын болсын.
5. Қазақстан Республикасының Қаржы министрлiгi:
осы жоба бойынша кредит берушi банкiге Үкiмет кепiлдiгiн берсiн;
төлем мерзiмi өтiп кеткен жағдайда, "Ақмола жаңа құрылыс индустриясы" акционерлiк қоғамының банктегi шоттарынан теңгемен және валютамен алынатын қаражатты берешектi өтеу есебiне жатқызуға рұқсат етiлсiн.
6. "Ақмола жаңа құрылыс индустриясы" акционерлiк қоғамы, Қазақстан Республикасының Экономика министрлiгi, Қаржы министрлiгi және мемлекеттiк Экспорт-импорт банкi жобаны тиiмдi жүзеге асыру үшiн шешiмi қажет барлық мәселелер бойынша Қазақстан Республикасы Министрлер Кабинетiнiң қарауына дер кезiнде ұсыныстар енгiзсiн.
7. Осы өндiрiс орны Ақмола қаласында орналасады және

Қазақстанның этникалық немiстерiнiң жинақы орналасқан аумағын өз
өнiмдерiмен қамтамасыз етедi.
     Осы жоба Қазақстанда тұратын немiстердiң этникалық өркендеуiне
бағытталған шаралар кешенiне қосылсын.
     8. Жобаны жүзеге асыру мен кредит жөнiндегi төлемдердi
уақтылы төлеудi бақылау Ақмола облысының әкiмiне жүктелсiн.

     Қазақстан Республикасы
      Премьер-министрiнiң
      бiрiншi орынбасары