Қазақстан Республикасының Үкіметі қаулы етеді:
1. Қазақстан Республикасы Үкіметінің резервінен Жамбыл облысының әкіміне кәсіби науқастарға, еңбек жарақатын алған және асыраушысынан айырылған адамдарға 1999 жылдың 1 желтоқсанына дейін қайтарымды негізде 15,7 млн. теңге, оның ішінде 1999 жылдың мамырында 13,8 млн. теңге мөлшерінде қарыз бөлсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті:
1) "Нодфос", "Суперфосфат зауыты", "Промтранс" акционерлік қоғамдарының қаржы-шаруашылық қызметіне тексеріс жүргізсін;
2) "Тексуна Кемиклз Инк." компаниясы мен бұрын "Нодфос" АҚ-на тиесілі болған N 4 цехты сату мәселесін реттеу тұрғысында келіссөздер жүргізсін.
3. "Нодфос", "Суперфосфат зауыты", "Промтранс" акционерлік қоғамдарына заңда белгіленген тәртіппен кәсіби науқастарға, еңбек жарақатын алған және асыраушысынан айырылған адамдарға зиянды өтеу төлемдері бойынша қарыздарды жабу жөнінде шаралар қабылдау ұсынылсын.
4. Қазақстан Республикасының Мемлекеттік кіріс министрлігі жоғарыда аталған акционерлік қоғамдарға банкроттық рәсімдерін қолдану жөніндегі жұмысты жеделдетсін.
5. Осы қаулының орындалуын бақылау Қазақстан Республикасы Премьер-Министрінің Кеңсесіне жүктелсін.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
