"Қазақстан Республикасындағы жергiлiктi мемлекеттiк басқару туралы" Заңының 6 бабының 1 тармағының 8) тармақшасына сәйкес аудандық мәслихат шештi:
1. Аудан елдi мекендерiнiң аумағын жинастыруды ұйымдастыру, тазалықты сақтау, санитарлық тазалау, көркейту Ережелерi бекiтiлсiн (қоса берулi).
2. Хромтау қаласы мен селолық округтердiң әкiмдерi өз қызметтерiнде осы Ережелердi басшылыққа алсын.
3. Осы шешiмнiң орындалуын қадағалау аудан әкiмiнiң орынбасары Е.Әубәкiровке жүктелсiн.
| Аудандық мәслихат | Аудандық мәслихаттың |
| сессиясының төрағасы | хатшысы |
| Аудандық мәслихаттың 2003 жылғы 11 сәуiрдегi он тоғызыншы сессиясының N 4 шешiмiмен бекiтiлген |
Ауданның елдi мекендерiнiң аумағын жинастыруды ұйымдастыру, тазалықты сақтау, санитарлық тазалау, көркейту
ЕРЕЖЕЛЕРI
Осы Ережелер 2001 жылғы 30 қаңтардағы Әкiмшiлiк құқық бұзушылық туралы Кодексiне және Қазақтан Республикасының халықтың санитарлық-эпидемиологиялық салауаттылығы мәселелерi жөнiндегi заңнамаларына сәйкес жасалды, және аудан елдi мекендерiнiң аумақтарын жинастыруды ұйымдастыру, тазалықты сақтау, санитарлық тазалау, көркейту және жасыл желектендiру саласындағы жеке және заңды тұлғалардың қатынастарын реттейдi.Осы Ережелердiң мақсаты қысқы және жазғы мерзiмде аудан елдi мекендерiнiң аумағын тазарту тәртiбiн анықтау. Көлiктердiң, жаяу адамдардың жүру-қозғалысының қауiпсiздiгiн және тазалауды қамтамасыз ету үшiн, ауданның елдi мекендерiнiң аумағын көркейтудi және санитарлық күтудi, сыртқы жарықтандыру, жасыл желектер, ғимараттар және басқа да нысандарды бұзу жауапкершiлiгiн, жинастыру жұмыстарын орындау кезiндегi талаптарды белгiлеу.
Ауданның елдi мекендер аумағында орналасқан меншiк түрiне қарамастан барлық субъектiлер үшiн мiндеттi Ережелер.
1. Жалпы ережелер
1. Санитарлық тазалау, ауданның елдi мекендерiнiң аумағын жинау жүйесi тұрмыс қалдықтарын ұтымды жию, тез арада жою, сенiмдi зиянсыздандыру және экономикалық мақсатқа сәйкес қайта өңдеудi қамтиды. Соның iшiне тұрғын және қоғамдық ғимараттардан, сауда, қоғамдық тамақтану және мәдени тұрмыстық бағыттағы кәсiпорындардан, канализациясыз ғимараттардан сұйық, көше-қоқысы, қар және басқа да ауданның елдi мекендер аймағындағы жиналған тұрмыс қалдықтары, жазғы және қысқы мерзiмде қоғамдық орындар аумағын жинау және күтудi ұйымдастыру кiредi.2. Ауданның елдi мекендерiнiң аумағын тазалау жұмыстарын қажеттi деңгейде қамтамасыз ету үшiн және арнайы машиналарды тиымды пайдалануға барлық жинастыру, тұрмыс қалдықтарын шығаруды ұйымдастыру жұмыстары бiрыңғай орталықтандырылған жүйеге (жоспарлы-үнемi және мәлiмдеу), белгiленген тәртiпке, тарифке және басқа нормативтiк материалдарға бағынуы тиiс.
3. Тұрғын үйлер ауласын, өтетiн жерлердi тазалау тұрғын үй иелерiне немесе тұрғын үй кооперативтерiне жүктеледi, олар бекiтiлген аумақты жинастыруды және қоқыс шығаруды өз күштерiмен, сондай-ақ келiсiм шарт негiзiнде мамандандырылған кәсiпорындарды тарту арқылы жүргiзе алады.
Жергiлiктi атқарушы органдардың белгiлеуiмен әрбiр мекемеге тазалау жұмыстарын жүргiзу үшiн нақты аумақ шекарасымен бекiтiлуi тиiс.
Тұрғын үйлер ауласын, үйге келетiн жолдарды жинастыру тұрғын үйлер кооперативтерiне, ал магистральдық көшелердi, iшкi кварталдық өтетiн жерлердiң аралығын, көк желектердiң аймағын, тротуарларды жинау олармен жақын арада орналасқан (шектелiскен) мекемелерге, кәсiпорындарға жүктеледi.
Жанар-жағар май станцияларынан 15 м радиуста орналасқан аумақтарды жинастыру және тазалықты ұстау станция қызметкерлерiмен iске асырылады. 15 м радиустағы сауда орны орналасқан аумақтарды тазалау және жинау барлық меншiк түрiндегi сауда ұйымдарының басшылары қамтамасыз етедi. Өнеркәсiп орындарының, құрылыс алаңшыларының, қоймалардың, баздардың, оған баратын жерлер аумағы осы ұйымдардың күшiмен, қаржысымен тазартылады және тағы басқа аумағын (стадион, базар, жәрмеңке өткiзiлетiн орындар, ауыл шаруашылық жерлерi және басқалары) жинау және таза сақтау тиiстi жердi қолданушыларға жүктеледi.
Құрылыс, күрделi, ағымдағы жөндеу нысандарына тиiп жатқан аумақтарды жинау және таза ұстау жауапкершiлiгi құрылыс-жөндеу жүргiзiп жатқан мекемеге жүктеледi.
Ескерту мақсатында төмен учаскелер аумақтарының қар немесе жаңбыр суымен толуы мүмкiн болуын бақылайтын жаңбыр жинағыш құдықтарды жыл мерзiмiнде екi реттен кем емес тазалау, балансында тұрған тиiстi тұтынушылық қызметтерi жүргiзедi.
4. Тиiстi құрылыс аудандарында жоспарлы-үнемi тазалау жұмыстарын жүргiзу кезегi жергiлiктi басқару органдарының және санитарлық-эпидемиологиялық қызмет келiсiмiмен белгiленедi.
Жаңадан салынып жатқан тұрғын үй құрылыс ауданында ғимараттар салу мерзiмiнде құрылыс қоқысын жинауды ұйымдастыруды үйге тапсырыс берушi қамтамасыз етедi, орталықтандырылған жоспарлы-үнемi тазалау ғимаратты пайдалануға беру кезiнде ұйымдастыру керек.
5. Қатты және сұйық қоқыс қалдықтарын зиянсыз ету белгiленген тәртiпке сай арнайы орындарда, ыдыстарда жүргiзiледi.
Қалдықтарды белгiленбеген орындарға шығаруға және де ауыл шаруашылық егiстiктерiне көмiп тастауға тиым салынады.
2. Жалпы пайдалану орындарын тазалау және күту
6. Парктердiң, базарлардың демалыс аймақтарының аумақтары, көпшiлiк ойын-сауық орындары және басқа жалпы пайдалану орындары белгiленген жалпы ережелердiң талаптарына сәйкес күтiледi.7. Барлық алаңдарда және көшелерде, базарларда, көлiк аялдамаларында және басқа жерлерде жеткiлiктi қоқыс салғыштардың болуы тиiс. Қоқыс салғыш арасы магистральды (аумақтарды) қарқынды пайдалану жиiлiгiне байланысты анықталады, бiрақта көп жүретiн көшелерде 40 метрден, ал жүрушiлерi аз көшелерде 100 метрден аспауы тиiс. Қоқыс салатындар жүйелi түрде толуына байланысты тазартылуы тиiс. Қоқыс салатындардың тазалығын сақтау өздерiне бекiтiлген аумақты жинастыруды қамтамасыз ететiн ұйымдар, кәсiпорындар және мекемелер жауапты. Меншiк иелерi өз офистерiнiң және үйлерiнiң кiретiн және шығатын фасад бөлшегiне, сауда жерлерiне, скверлерге, парктерге қоқыс салғыш орналастырады. Қоқыс салғыштар жарақты жағдайда күтілу керек, қоқыс толуына байланысты тазартылып, күнiге бiр рет жуып, дезинфекцияланып, жылына 2 рет сырланып тұруы қажет.
8. Бос ыдыстарды немесе артық тауарларды дүкен және дүңгiршектердiң алдына үюге және де оған жақын аумақтарды үюге пайдалануға тиым салынады.
Көшелерде тез бұзылатын тағамдық азықтар, көкөнiс, жемiс сату үшiн дүңгiршектер, киоскiлер, лот орналастыру санитарлық эпидемиологиялық стансамен келiсiлуi керек.
9. Балалар алаңшасына көлiк құралдарын қоюға, көлiк құралдарын пайдалану және жөндеуге байланысты аумақты ластауға тиым салынады.
10. Жасыл желектер меншiк иелiгiне қарамастан ұсталмайтын мемлекеттiк қор болып есептеледi және заң жүзiнде қорғалады. Жеке және заңды тұлғалар өзiне бекiтiлген аумақтағы жасыл желектердiң сақталуын қамтамасыз етуге заңнамаларға сәйкес мiндеттi, ол үшiн толық агротехникалық шаралар жинағын жүргiзу керек, атап айтқанда:
суару, қию, кепкендi кесу, апатқа ұшыраған және кепкен ағаштарды жинау, бағандарын тазалау, бағандар және тамыр бойындағы жас бұтақшаларды шығару, тыңайтқыш салу, жас ағаштардың бағандарында шұқыр орналастыру, дезинфекциялау, жарасын ысылау, қуысын бiтеу, және де арам шөптердi (арам шырмауық, амброзия, жусан, сора және басқалар) жою үшiн механикалық өңдеу;
өсiмдiктердi қорғау станциясымен шарт бойынша немесе өз күшiмен ауыл шаруашылық аурулары мен жауларына, тиым салынған арамшөпке қарсы жүйелi жұмыстар жүргiзу;
түскен мерзiмде жапырақтарды уақытында жинау. Жиналған жапырақтарды белгiленген жерге шығарады. Тұрғын үй жанында, скверлерде, парктерде жапырақтарды жағуға тиым салынады;
ҚР "Қоршаған ортаны қорғау туралы" Заңына сай қорды сақтауды қамтамасыз ету;
құрылыс мекемелерi меншiк иелiгiне қарамастан, жердiң құнарлы бөлiгiнiң сақталуын қамтамасыз етулерi тиiс.
11. Базарлардың орналасуы оқшау аумақта Қазақстан Республикасының мемлекеттiк санитарлық дәрiгерiнiң 2002 жылғы 4 қыркүйектегi N 38 бұйрығымен бекiтiлген СНиП және басқа нормативтiк құжаттардың талабына сай болуы керек.
12. Жұмыс уақытын өз бетiмен иелерi тағайындайды. Аптасына бiр күн санитарлық күн болып есептеледi.
13. Техникалық қызметкерлер базар жабылысымен тазалау жұмыстарын жүргiзедi. Жылы кезде қатты төселгенi бар базар аумағын тек қана мiндеттi сыпырудан басқа күнбе-күн жуу керек.
Қоғамдық әжетханалары жиналған көпшiлiк демалатын орындарынан арасы 50 метр жақын болмай орналасуы қажет: есеп бiр орын 500 келушiге.
14. Арнайы аумақтандырылған нысандарда (базарлар, парктер, емделу-сауықтандыру мекемелерi) санитарлық құрылғыларды салуға және қайта жабдықтауға санитарлық-эпидемиологиялық станцияның келiсiмiсiз, қалдық жинауға, көлiктi жууға, бос ыдыстарды және отын ағаштарды осы мақсаттарға бөлiнбеген жерлерде сақтауға тиым салынады.
3. Өтетiн жерлердi және тротуарларды күту және тазалау
15. Аумақты көрiктендiру және тазалау жұмыстары жазғы және қысқы болып бөлiнедi, жүйелi, мерзiмдi немесе жедел түрде жүргiзiледi.Жүйелiгіне қатысты: сыпыру, жуу, суару, тырмалау, қарды сыпыру және шығару, мұзды ою және қар-мұз жиынтығын шығару.
Мерзiмдiге жер жиынтығын, түскен жапырақтарды жинау, канализациялардағы қалдықтарды тазалау, жағалаудағы шөптердi кесу.
Жедел түрге (қар жауғанда, мұздақ, қатты жел) жолға құм төсеу, қар тырмалау және сыпыру, тоғысқан жердегi, қақпадан шығатын жердегi жиналған қарды ысыру және басқа.
16. Жазғы тазалау жұмыстары 15 сәуiрден 15 қарашаға дейiн суару машиналары және сыпыру көмегімен, сыпыру-жинау машиналары көмегiмен жол төсеніштерін жуу арқылы жүргізіледі. Жуу тәулiкте бiр рет сағат ертеңгi 6.00, 24.00 сағатта жүргiзiледi.
17. Түнгi уақытта жұмыс жүргiзгенде (мезгiлге қарамастан) шуды болдырмау ережелерi сақталуы керек.
18. Механикаландырылған жуу, суару, сыпыру жұмыстарын жазғы уақытта жоспарлы түрде жүргiзу керек.
19. Жол төсенiштерiн жуу жұмыстары кезiнде, жол жағалау бөлiгiнде жиналған ластар су ағымдарымен тротуарларға түспеуiн қадағалау керек.
20. Жаңбыр суларының құбырлары жоқ көшелердiң өтетiн бөлiгiн сыпыру-жинау машиналарымен жинаған дұрыс.
21. Жасыл желеңдердi және газондарды суару үшiн, суару-жуу және сыпыру-жинау машиналарына су құбырынан су құю аудандық санитарлық-эпидемиологиялық станцияның келiсiмiмен жүргiзiледi.
22. Өтетiн жерлердi қысқы тазалау мерзiмi 15 қараша және 15 сәуiр аралығында жүргiзiледi. Төтенше жағдайлардың алдын алу үшiн үлкен жолдарда тәулiктiк кезекшiлiк белгiленедi.
Машиналар шұғыл шығуға әрдайым дайын болуы тиiс.
23. Хлорид себу жұмыстарын мұз тайғақтың, қарды басталысымен бiр рет, ал келесi қар жауғаннан соң сыпырудан кейiн керегi бойынша жүргiзу қажет. Мұз тайғақта түсуге, көтеріліске, түйіспеге қоғамдық көлік аялдамалайтын орындарға, жаяу адамдар өтетін жерлерге, тротуарларға құм себулі болуы керек.
24. Жолдың қар қалыңдығы 4-5 см аспағанда қар жаууы басталған соң 4 сағаттан кейiн қарды ысыру және сыпыру жүргiзiледi, қайтадан сол интервалмен қар жауу жалғасқанда және қар түскеннен кейiн.
25. Мұзды сынықтарын, ластанған қарды жасыл желектердiң ауласына жинау, тасу, орналастыруға тиым салынады. Тазартылған қар арнайы белгiленген орындарға шығарылады.
26. Ғимараттар төбелерiндегi қарды, мұзды тазалау олардың иелерiне жүктеледi және сақтық шараларын алу керек (кезекшi бөлу, тротуарларды қоршау).
27. Өтетiн жерлерде арнайы қызметтi жинаған, төбеден түсiрiлген, жолдар төсенiштерiнен сыпырылған қар шығарылғанға дейiн жалпы жиынға салынады. Осы өтетiн жерден лақтырылған қарды шығару арнайы қызметке жүктеледi және округ әкiмiнiң бекiтуi бойынша.
28. Қарды тазалау мына уақыттарда жүзеге асырылады:
6 см қалыңдығы кем түскенде қар негiзгi қала магистральдарынан 2 тәулiк, ал қалғандарынан 4 тәулiк iшiнде;
жауған қар 6 см жоғары болса тиiсiнше 4-7 тәулiктен кейiн.
29. Мұз тайғақпен күресу және "құрғақ" қар жиынын орналастыру жолдарын санитарлық-эпидемиологиялық станциямен жергiлiктi жағдайды ескерiп қоршаған ортаға керi әсер етпейтiн мүмкiншiлiгiн қарап келiскен қажет.
4. Тұрғын үйлердiң ауласын тазалау және күту
30. Тұрғын үйлер ведомстволық бағынуына және меншiк түрiне қарамастан тұрмыс қалдықтары күнбе-күн ешқандай сұраусыз жоспар бойынша арнайы машинамен шығарылуы тиiс.31. Тұрғын үй аулаларында көлiк өтуiне ыңғайлы контейнерлер орналастыратын арнаулы алаң бөлу керек. Алаңша ашық, су өткiзбейтiн жабылғышпен, жасыл желекпен қоршалуы қажет.
32. Контейнерлер қондырылатын орын тұрғын үйлерден, қоғамдық ғимараттардан, спорт алаңдарынан және халық демалатын орындардан кемiнде 20 метр, әрi кеткенде 100 метр қашықтықта болуы керек. Контейнерлердiң керектi санын қондыруға қажет аула мөлшерi 5-ке есептелуi керек. Контейнерден аула шетiне дейiнгi аралық 1 метрден кем болмауы керек.
33. Қоқыс жинағыштар (контейнерлер) санын белгiлегенде қоқыс жинайтынмен қолданатын тұрғындар санын, қалдықтың жиналу нормасын, қалдықты сақтау мерзiмiн еске алу керек.
34. Қатты тұрмыс қалдықтар қоқыс таситын машинамен, канализациясы жоқ үйден сұйық қалдықтар арнайы сорғыш машинамен шығарылады.
35. Тұрғындарға шу болдырмау мақсатында тұрмыс және тамақ қалдықтары таңертең сағат 7-00 де, 23 сағаттан кешiкпей тұрғын үйлердiң ауласынан шығарылады.
36. Тұрмыс қалдықтары және қоқысты уақытша сақтайтын (контейнер) қоқыс өткiзгiш алаңша иесi қоқысты өз күшiменен мiндеттi немесе арнаулы ұйыммен жасалған шарт бойынша уақытында шығарады, iрiктеу және контейнерлердi дезинфекциялауды жүзеге асырады.
Қоқысты өз күшiмен шығаруда қоқыс пен тұрмыс қалдықтарын уақытында шығармаса жауапкершiлiктi меншiк иесi көтередi.
Меншiк иесiнiң қоқыс және тұрмыстық қалдықтарды шығаруға, шығару графигi, орын далған жұмысқа ақы төлеу үшiн арнаулы ұйыммен жасаған шарты болса, уақытында шығарылмаған қоқыс үшiн жауапкершiлiктi шарт жасаған арнаулы ұйым көтередi.
37. Қалдықтарды уақытша сақтау орнына орналастыру, әсiресе тұрғын аумағында, санитарлық-эпидемиологиялық станциясымен келiсуi қажет. Құрылыс болып жатқан аудандарда аула әжетханасынан, қалдықтарды уақытша сақтау орындарынан белгiленген қашықтық мүмкiндiгiне қарай комиссия арқылы белгiленедi (сәулетшi, тұрғын үй пайдалану ұйымы, санитарлық дәрiгердiң қатысуымен). Комиссия актiлерi жергiлiктi басқару ұйымдарымен бекiтiлуi тиiс.
Қалдықтарды уақытша аула жинағышта сақтағанда олардың еруiн және шiруiн болдырмау керек. Сондықтан жылдың сақтаулы салқын уақытында (0 градустық температура және төмен) 3 тәулiк, жылы мезгiлде бiр тәулiк (күнбе-күн шығару). Әрбiр елдi мекенде қатты тұрмыстық қалдықтардан құтылу мерзiмi аудандық СЭС-пен келiсiледi.
38. Жақсы жабдықталған тұрғын қорында қатты тұрмыстық қалдықтарды жинау үшiн стандартты темiр контейнерлердi (0,75 куб.м) қолдану керек. Канализациясы жоқ үйлер иесiне ағаш немесе темiр жинағыштар қолдануға болады.
39. Жаз уақытында темiр қалдық жинағыштарды жуу керек (ауыстырмайтын жүйеде 10 күнде бiр рет, ауыстырғанда босағаннан кейiн). Ағаш жинағыштарды-дезинфекциялау (әрбiр босағаннан кейiн). Энтомологиялық көрсеткiштер бойынша дезинсекция жасау керек. Үй ауласынан габаритсiз қалдықтарды алуды жиналуына байланысты жүргiзу керек, кем дегенде жетiсiне бiр рет.
40. Канализациядан тыс үйлерден сұйық қалдықтарды жинау үшiн жуынды құятын орнатылады, олар су өткiзбейтiн шұқыр және жер бетiндегi бөлiгi қақпағымен және қатты фракциялардан айыратын решеткасымен болу керек. Решеткасын тазалауға қолайлы болу үшiн жуынды құятынның жарлары алынатын және ашылатын болу керек. Аула әжетханасы бар болса шұқыр жалпы болуы мүмкiн.
41. Канализациясыз үй аулалары және қоғамдық әжетханалар тұрғын және қоғамдық ғимараттардан, балалар ойнайтын және халық демалатын аулалардан кемiнде 20 метр және 100 метрден аспайтын қашықтықта болу керек.
Қоқыс жинауыштар, аула әжетханалары және жуынды шұқырлары жеке үй ауласының аумағындағы орналасу орнының қашықтығын үй иесiлерiнiң өздерi белгiлейдi, айырмашылығы 8-10 метрге дейiн қысқартылуы мүмкiн. Орталықсыздандырылған су мен қамтамасыз ету жағдайында аула әжетханалары құдықтардан 50 метр қашықтықта болуы тиiс. Келiсiлмеген жағдайда аула әжетханасын орналастыру орны қоғамдық өкiлдермен анықталады.
42. Аула әжетханасының жер үстi бөлiгiмен шұқыры болу керек. Жер үстiндегi құрылысын тығыз келтiрiлген материалдардан салады (тақтай, кiрпiш, блоктар және басқа). Шұқыр су өткiзбейтiн болу керек, көлемi әжетхананың қолданатын халық санына есептеледi. Шұқырдың тереңдiгi грунттық судың деңгейiне байланысты, үш метрден артық болмауы керек, жер бетiнен шұқырдың толуы 0,35 метрден асуы жiберiлмейдi.
43. Аула әжетханасының iшi тазалықта күтілу керек. Күнбе-күн тазалануы қажет. Аптасына бiр реттен ыстық сумен жуып, дезинфекциялау керек. Аула әжетханасымен қалдық төгетiн жер үстi кемiргiштер мен жәндiктер өтпейтiндей болуы тиiс.
44. Канализация жүргiзiлмеген әжетханалармен қазылған шұқырлар төмендегi құрамдағы ерiтiндiлермен дезинфекциялау қажет: хлорлы известь (10 пайыз), гидрохлорид (3-5 пайыз), металсиликат (10 пайыз), нафтализол (10 пайыз), креолин (5 пайыз), бұл ерiтiндiлер ағаш қоқыс жинағыштыда дезинфекциялау үшiн қолданылады. Араласу уақыты 2 минуттан кем емес. Құрғақ хлорлы известь қолдануға болмайды (тағамдық нысандар және дәрiгерлiк емдеу-профилактикалық мекемелерін қоспағанда). Шыбындарға қарсы дезинфекция энтомологиялық көрсеткiштерге байланысты жүргiзiледi.
45. Тамақ қалдықтарын жинау, сақтау және шығаруды ұйымдастыру нұсқаушы органдармен сәйкестендiрiп санитарлық-эпидемиологиялық станция қызметi органдарының келiсiмiмен жүргiзiледi.
46. Тамақ қалдықтарын арнайы iшi сырты сырланған, қақпағы жабылатын ыдысқа (бак, шелек және басқа) жинау керек.
47. Тамақ қалдықтарын жинайтын ыдысты басқа мақсатта қолдануға болмайды. Күнбе-күн ыдысты жылы сумен жуып, 2 пайыздық кальций тұзымен немесе натрий немесе хлорлы известь 2 пайыздық активтi хлормен. Дезинфекциядан кейiн жинағышты сумен жуу қажет. Жинағыштың қолдану және дұрыс ұстау жауапкершiлiгi тамақ қалдықтарын жинайтын кәсiпорын көтередi.
48. Тұрғын үйлерде тамақ қалдықтарын жинайтын ыдыстар санитарлық-эпидемиологиялық қызметiнiң жергiлiктi мекемелерiнiң келiсiмi бойынша белгiленген орындарға орналастырылады. Қалдық жинайтын адамдарға ыдыстың тазалығын сақтау және басқа заттың (шүберек, қағаз, шыны, темiр және басқа) араласпауын тапсыру керек. ПМК жинаған тамақ қалдықтарын уақытша сақтау үшiн санитарлық-эпидемиологиялық қызмет мекемелерiмен келiсiлген арнаулы жинау пунктi бөлiнедi.
49. Тамақ қалдықтарын уақытша сақтау олардың шiруi және жағдайына керi ықпалын тоқтату үшiн уақыты бiр аптадан аспауы тиiс. Сауда және көпшiлiк тамақтану нысандарында меншiк иелiгiне және түрiне қарамастан, тамақ қалдықтарын уақытша сақтауға тек қана салқындатқыш жерлерi бар болғанда жүзеге асырылады.
50. Тамақ қалдықтарын жинау бөлек жүйе жағдайында және тек қана арнайы бордақылайтын шаруашылықтарға тұрақты өткiзу бар болғанда жүргiзiледi. Тамақ қалдықтарын шошқа тамақтандыруға қолданатын бордақылайтын шаруашылықтар шаруашылық тұрған жердегi ауданның бас ветеринарлық дәрiгерiнен арнайы рұқсат алу керек. Мал өсiрушi шаруашылықтарда эпидемиологиялық жағдайдың өзгеруiне байланысты осы тұрғын жерде әрбiр нақты жағдайда тамақ қалдықтарын жинауды жалғастыруға ауданның бас ветеринарлық дәрiгерi рұқсат бередi. қалдықтарды жеке адамдарға беруге тиым салынады.
51. Асхана және аудандық емханалардың жұқпалы ауруларды, туберкулез ауруларын емдейтiн бөлiмдерiнде тамақ қалдықтарын жинауға және де тамақ қалдықтарын басқа қалдықтар жинайтын ыдыстардан теруге тиым салынады.
