Мерзімінің өтуіне байланысты күші жойылды - Павлодар облысы Павлодар қалалық әкімдігінің 2009 жылғы 30 қаңтардағы N 130/2 қаулысымен.
Қазақстан Республикасының "Қазақстан Республикасындағы жергілікті мемлекеттік басқару туралы" Заңының 31-бабы 1 тармағының 14) тармақшасына, Қазақстан Республикасының 2004 жылғы 24 сәуірдегі Бюджеттік кодекстің 92-бабы 8-тармақшасына сәйкес, 2008 жылға арналған Павлодар қаласының бюджетін нақтылауға байланысты Павлодар қаласының әкімдігі ҚАУЛЫ ЕТЕДІ:
1. Павлодар қаласы әкімдігінің 2008 жылғы 8 сәуірдегі "Әлеуметтік көмекті тағайындау жөніндегі нұсқаулықты бекіту туралы" N 424/10 қаулысына мынадай өзгерістер мен толықтырулар енгізілсін:
3-тараудағы "Біржолғы әлеуметтік көмек" 20-тармақтың 24)-тармақшасындағы екінші, үшінші абзацтар мынадай мазмұндағы мәтінмен ауыстырылсын:
"айына 800 теңге мөлшерінде мынадай санаттағы азаматтарға: республикалық және облыстық маңыздағы зейнеткерлерге; Әскер мүгедектеріне, соның ішінде Кеңестік Әскер мүгедектеріне, Ауғанстанда соғыс әрекеттеріне қатысушыларға және мүгедектерге; Чернобыль АЭС апаты салдарын жоюға қатысқан тұлғаларға; ата-анасының қамқорлығынсыз қалған жетім-балаларға (толығымен мемлекеттің қамтуында тұрғандардан басқа), 23 жасқа дейін күндізгі оқу орнында оқитындарға; 1 топтағы мүгедектерге және еріп жүретін тұлғалары бар көру бойынша 1 топтағы мүгедектерге (еріп жүретін тұлғалар үшін өтемақы алушының берілген жәрдемақы түрінде төленеді); 16 жасқа дейінгі 7 жастан бастап 16 жасқа дейінгі жастағы мүгедектерге және 16 жасқа дейінгі мүгедек бала деп белгілеген айдан бастап мүгедек балалармен еріп жүретін тұлғалар үшін (еріп жүретін тұлғалар үшін өтемақы алушының берілген жәрдемақы түрінде төленеді); Ауғанстанда әскери әрекеттер кезінде қаза болған жауынгерлердің ата-аналарына; бейбітшілік уақытта әскери қызметін өтеп жүрген кезінде қаза, қайтыс болған әскери қызметкерлердің отбасыларына; 18 жасқа дейін төрт және одан да көп балалары бар аналарға; 2 топтағы мүгедектерге; "Ленинградты қорғағаны үшін" медалімен және "Құрсаудағы Ленинград тұрғыны" белгісімен марапатталған тұлғаларға өтемақы төленеді";
25-тармақша мынадай мазмұнда: "негізгі азық-түлік тағамдарына бағаның өсуіне байланысты әлеуметтік-әлжуаз санаттағы азаматтарға көмек көрсету: көмекті алушы отбасы мүшелерінің есебімен мемлекеттік атаулы әлеуметтік көмекті алушыларға; 18 жасқа дейінгі балалары бар отбасыларына мемлекеттік балалар жәрдемақысын алатын өтініш берушілерге; азаматтарды жұмысқа орналастыруға жәрдемдесу бөлімінде есепте тұрған жұмыссыздарға, соның ішінде қоғамдық жұмыстарға қатысушыларға, курстарға қатысушыларға; көп балалы аналарға (18 жасқа дейінгі төрт және одан да көп балалары бар көп балалы аналарға мемлекеттік арнайы жәрдемақы алушылар; "Күміс Алқа", "Алтын Алқа" алқаларымен марапатталған); амбулаториялық емделуде жүрген туберкулезбен ауыратын азаматтарға; өткен тоқсанға өтініш берген тоқсандағы бас бостандығынан айыру мекемелерінен шыққан тұлғаларға; жалғызбасты және жалғыз тұратын зейнеткерлерге және бөгде адамның көмегіне мұқтаж мүгедектерге; 16 жасқа дейінгі мүгедек балаларға" толықтырылсын.
Көмек мөлшері тоқсан сайын 1,5 айлық есеп көрсеткішін құрайды. Төлемдер осы тармақшадағы басқа санаттар бойынша растайтын тұлғалардан басқа, әрбір санаттағы азаматтар бойынша бұрынғы тоқсандағы төлемдер тоқсандар үшін Бөлімнің және ЗТМО мәліметтер базасына сәйкес жүзеге асырылады";
26)-тармақша мынадай мазмұнда: "соғыс және еңбек ардагерлеріне, тыл еңбеккерлеріне, Павлодар облысының 70 жылдығы мерейтойы қарсаңында, облысты дамытуға қомақты үлес қосқан, ардагерлермен және еңбегі сіңірген адамдарға Астана қаласына саяхатқа жол жүру үшін әлеуметтік көмек көрсету; көмек мөлшері 50000 теңге; төлемдер Павлодар ауылының әкімімен бекітілген тізімге сәйкес жүзеге асырылады" толықтырылсын.
7-бөлімдегі "Жеңілдікпен жол жүру саласындағы әлеуметтік көмек"
43-тармақтағы мынадай редакцияда жазылсын: "Ленин кентіне, Кенжекөл ауылына, Мойылды кентіне және басқа саяжай серіктестігіне дейін Павлодар қаласындағы қоғамдық жолаушылар көлігінде (таксиден басқа) бір рет жол жүруге 20 теңге төлей отырып азаматтардың мынадай санаттары: республикалық және облыстық маңыздағы зейнеткерлерге; Әскери мүгедектерге, соның ішінде Кеңестік Әскер мүгедектері, Ауғанстанда соғыс әрекеттеріне қатысушылар және мүгедектер; Чернобыль АЭС апаты салдарын жоюға қатысқан тұлғалар; 23 жасқа дейін күндізгі оқу орнында оқитын, жетім балалар және ата-анасының қамқорлығынсыз қалған балалар (толығымен мемлекет қамтамасыз ететіндерден басқа); 1 топтағы мүгедектер, соның ішінде көру бойынша 1 топтағы мүгедектерді алып жүретін тұлғалар; 16 жасқа дейінгі мүгедек балалар және оларды алып жүретін тұлғаларға; Ауғанстандағы соғыс әрекеті кезінде қаза болған жауынгерлердің ата-аналарына; бейбітшілік уақытта әскери қызметін өтеп жүрген кезінде қаза, қайтыс болған әскери қызметкерлердің отбасылары; 18 жасқа дейін төрт және одан да көп балалары бар көп балалы аналар; 2 топтағы мүгедектер; "Ленинградты қорғағаны үшін" медалімен және "Құрсаудағы Ленинград тұрғыны" белгісімен марапатталған тұлғалар; жасы және қызмет істеген жылдары бойынша зейнеткерлер; Қазақстан Республикасының бұрынғы Кеңестік Социалистік Республикасы Одағында, Ұлы Отан соғысы жылдары ерен еңбегі және мінсіз әскери қызметі үшін мемлекеттік белгілерімен марапатталған тұлғаларға; ҰОС жылдары концлагерлерде, гетто және басқа жерлерде еріксіз ұстауда болған тұтқын жасөспірімдер; басқа мемлекет аумағында соғыс әрекеттеріне қатысқан тұлғалар жеңілдікпен жол жүре алады.
Барлық жеке меншік нысандағы (таксиден басқа) қалалық қоғамдық көліктерде жоғарыда көрсетілген санаттағы азаматтар тегін немесе жеңілдікпен жол жүру үшін негіздеме тегін немесе жеңілдікпен жол жүруге құқығын растайтын куәліктің түпнұсқасы болып табылады".
2. "Мемлекеттік зейнетақы және жәрдемақы төлеу жөніндегі орталық" республикалық мемлекеттік қазыналық кәсіпорны Павлодар қалалық филиалы "Павлодар қаласы жұмыспен қамту және әлеуметтік бағдарламалар бөлімі" мемлекеттік мекемесінің сұранысы бойынша әлеуметтік көмекті тағайындау бойынша нұсқаулықта көрсетілген азаматтардың тізімін (келісім бойынша) ұсынады.
3. Осы қаулы алғаш рет ресми жарияланған күнінен бастап 10 (он) күнтізбелік күн өткен соң қолданысқа енгізіледі.
4. Осы қаулының орындалуын бақылау қала әкімінің орынбасары Б. Ә. Қапеновке жүктелсін.
Павлодар қаласының әкiмi Б. Демеуов
