Ескерту. Күші жойылды - Алматы облысы Талдықорған қаласы әкімдігінің 27.01.2014 N 2-38 қаулысымен.
РҚАО ескертпесі.
Мәтінде авторлық орфография және пунктуация сақталған.
Қазақстан Республикасының 2005 жылғы 13 сәуірдегі "Қазақстан Республикасында мүгедектерді әлеуметтік қорғау туралы" Заңының 11-бабы 2-тармағының 3)-тармақшасына, Қазақстан Республикасының 1998 жылғы 24 наурыздағы "Нормативтік құқықтық актілер туралы" Заңының 21-бабы негізінде қала әкімдігі ҚАУЛЫ ЕТЕДІ:
1.Талдықорған қаласы әкімдігінің 2010 жылғы 26 сәуірдегі "Үйде оқытылатын және тәрбиеленетін мүгедек балаларға қосымша әлеуметтік көмек көрсету туралы" (Талдықорған қаласының Әділет басқармасында Нормативтік құқықтық кесімдердің мемлекеттік тіркеу тізілімінде 2010 жылғы 27 мамырда N 2-1-123 тіркелген, "Талдықорған" газетінің 2010 жылғы 04 маусымдағы 23-нөмірінде жарияланған) N 9-294 қаулысына келесі өзгерістер енгізілсін:
кіріспе бөлімінде "Талдықорған қалалық мәслихаттың 2009 жылғы 10 желтоқсандағы "Талдықорған қаласының 2010-2012 жылдарға арналған бюджеті туралы" N 158 шешімін (Талдықорған қаласының Әділет басқармасында Нормативтік құқықтық кесімдердің мемлекеттік тіркеу тізілімінде 2009 жылғы 29 желтоқсанда 2-1-110 нөмірі тіркелген, "Талдықорған" газетінің 2010 жылғы 15 қаңтарындағы 3-нөмірінде жарияланған)" сөздері "Талдықорған қалалық мәслихаттың 2010 жылғы 15 желтоқсандағы "Талдықорған қаласының 2011-2013 жылдарға арналған бюджеті туралы" N 212 шешімін (Алматы облысының Әділет департаментінде Нормативтік құқықтық кесімдерді мемлекеттік тіркеу тізілімінде 2010 жылы 30 желтоқсанда 2-1-134 нөмірі тіркелген, "Талдықорған" газетінің 2011 жылғы 07 қаңтардағы 2-нөмірінде жарияланған)" сөздеріне ауыстырылсын.
4-тармақта "М.Қ. Көлбаевқа" сөздері "Ғалиасқар Төлендіұлы Сарыбаевқа" сөздеріне ауыстырылсын.
2. Осы қаулының орындалуын бақылау қала әкімінің орынбасары Ғалиасқар Төлендіұлы Сарыбаевқа жүктелсін.
3. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
Қала әкімі М. Бигелдиев
