2011 жылға арналған қоғамдық жұмыстарды ұйымдастыру, көлемдері, түрлері және жағдайлары туралы

Қостанай облысы Алтынсарин ауданы әкімдігінің 2011 жылғы 10 наурыздағы № 51 қаулысы. Қостанай облысы Алтынсарин ауданының Әділет басқармасында 2011 жылғы 5 сәуірде № 9-5-119 тіркелді

"Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 31 бабының 1 тармағының 13) тармақшасына және "Халықты жұмыспен қамту туралы" 2001 жылғы 23 қаңтардағы Қазақстан Республикасы Заңының 20 бабына сәйкес Алтынсарин ауданының әкімдігі ҚАУЛЫ ЕТЕДІ:
1. Қоса беріліп отырған қоғамдық жұмыстардың 2011 жылға арналған ұйымдардың тізбесі, түрлері, көлемдері мен нақты жағдайлары бекітілсін.
2. Қоғамдық жұмыстармен қамтылған жұмыссыздардың еңбек ақысы аудандық бюджеттін ең қаражатынан төменгі жалақының бір жарымы мөлшерінде бекітілсін.
3. Қоғамдық жұмыстарды ұйымдастыру "Алтынсарин ауданы әкімдігінің жұмыспен қамту және әлеуметтік бағдарламалар бөлімі" мемлекеттік мекемесі және ұйымдар арасындағы қолданыстағы заңнамаға сәйкес жасалған қоғамдық жұмыстарды орындауға арналған келісім шартта көрсетілген талаптарға сәйкес, қоса беріліп отырған тізбеге сәйкес жүргізілсін.
4. Әлеуметтік сақтандыру және әлеуметтік салық мемлекеттік қорына әлеуметтік аударулар, шартпен белгіленген шеңберінде жалақыны есептеу және төлеу жөніндегі екінші деңгейдегі банк қызметіне комиссиялық сыйақы төлеуге шығындар аудандық бюджеттен өтелсін және жұмыс берушілердің есеп айырысу шоттарына аударылсын.
5. Осы қаулының орындалуын бақылау аудан әкімінің бірінші орынбасары А.В. Кириченкоға жүктелсін.
6. Осы қаулы алғаш рет ресми жарияланған күннен кейін он күнтізбелік күн өткен соң қолданысқа енгізіледі.

Аудан әкімі Б. Ахметов

Әкімдіктің
2011 жылғы 10 наурыздағы
№ 51 қаулысымен бекітілген

Қоғамдық жұмыстардың 2011 жылға арналған ұйымдардың
тізбесі, түрлері, көлемдері мен нақты жағдайлары

Ұйымның атауы	Қоғамдық жұмыстардың түрлері	Қоғамдық жұмыстардың көлемдері	Қоғамдық жұмыстардың нақты жағдайлары
"Көмек-Алтын" мемлекеттік коммуналдық кәсіпорыны	1. Жұмысшының алдын ала кәсіби даярлығын талап етпейтін, қоршауларды сырлау және жөндеуге, елдi мекендер пунктерiн жинауға көмектесу: 1) барлық селолар аумағын күн сайын қоқыстардан жинау; 2) барлық селолардағы қоқыстарды көлік құралдарына арттыру; 3) Докучаево, Лермонтов, Свердловка, Новоалексеев, Силантьев, Первомай, Проиозерный, Больше Чураков, Щербаков, Обаған селолары аумақтарының арам шөптерін жинау; 4) көлік құралдарына арам шөптерді арттыру; 5) Красный Кордон, Свердловка, Приозерный, Щербаков, Танабай, Докучаево, Лермонтов, Новоалексеев, Силантьев, Первомай, Больше Чураков селоларындағы зираттық жерлердегі қоқыстар мен арамшөптерден тазалау; 6) Красный Кордон, Танабай, Докучаево, Лермонтов, Новоалексеев, Силантьев селоларындағы зираттық жерлердiң қоршауларын жөндеуге көмектесу; 7) Танабай, Докучаево, Лермонтов, Красный Кордон, Свердловка, Новоалексеев, Первомай, Больше Чураков селоларындағы зираттардың қоршауларын сырлауға көмектесу; 8) Докучаево, Красный Кордон, Новоалексеев, Первомай, Приозерный, Больше Чураков, Щербаков, Свердловка, Силантьев, Обаған селоларында жол маңдарындағы және саябақтардағы шөптерді шабу. 2. Жұмысшының алдын ала кәсіби даярлығын қажет етпейтін, елді мекендерді көгалдандыру және абаттандыруға көмектесу: 1) барлық селоларда топырақты гүлзарлар мен гүл бағылар үшін жырту; 2) Танабай, Докучаево, Красный Кордон, Свердловка, Новоалексеев, Первомай, Обаған, Силантьев, Больше Чураков, Приозерный селоларында ағаштардағы кепкен бұтақтарды кесу және оларды жинау; 3) барлық селоларда жас көшеттерді отырғызу және күнделiктi күту; 4) барлық селолардағы жиектегi тастарды шөптерден, қоқыстардан тазарту, жиектердi, шарбақтарды ақтау; 5) Свердловка, Докучаево, Лермонтов, Силантьев, Красный Кордон, Новоалексеев, Первомай, Больше Чураков, Обаған, Приозерный селоларындағы көше қоршауларын жөндеу; 6) Докучаево, Красный Кордон, Щербаков, Свердловка, Новоалексеев, Приозерный селоларындағы қоршауларды сырлауға көмектесу; 7) барлық селолардағы ағаштарды, бағандарды ақтау; 8) барлық селоларда гүлзарларын бөлу және гүлдерді отырғызу (күн сайынғы күтім); 9) барлық селолардағы ескерткiштердi, обелисктерді ақтау, сырлау, және айналасымдағы аумақты жинау. 10) Докучаево, Лермонтов, Красный Кордон, Свердловка, Новоалексеев, Силантьев, Первомай, Больше Чураков, Щербаков, Обаған селоларындағы автобус аялдамаларын ақтау, інішара ырлау және айналасындағы жинау; 3. Селолық округтер аумақтарында жұмысшылардың алдын ала кәсіби даярлығын талап етпейтін, су құбырлары желілерін жөндеуге көмектесу: 1) Докучаево, Лермонтов, Красный Кардон, Новоалексеев, Силантьев, Первомай, Приозерный, Обаған селоларында колонкалар, су құбырлар құдықтары маңындағы аумақтарының манын қоқыстардан, шөптерден тазарту; 2) Танабай, Докучаево, Лермонтов, Первомай, Свердловка, Больше Чураков, Щербаков, Силантьев селоларындағы құдықтарды қоқыстан тазартуға қатысу, құдықтарды қоршауға және кесінділерді жөндеуге көмектесу; 3) Құдықтар мен колонкалардың айналасына топырақ төсеу және нығыздау; 4) Докучаево, Красный Кардон, Свердловка, Новоалексеев, Первомай, Приозерный, Больше Чураков, Щербаков селоларында ағаш қоршаулар (шарбақ, тақтай) орнату; 5) Танабай, Докучаево, Лермонтов, Красный Кордон, Новоалексеев селоларында шатырларды, кесінділерді, ағаш қоршауларды сырлау.	2930000 шаршы метр 256 тонна 81708 шаршы метр 21,5 тонна 94000 шаршы метр 4470 қума метр 5360 шаршы метр 57150 шаршы метр 7407 шаршы метр 6,7 тонна 4545 дана 13983 қума метр 7415 шаршы метр 6250 шаршы метр 5949 шаршы метр 153 дана 635 шаршы метр 29 дана 128 дана 43 дана 43,7 тонна 827 қума метр 268 шаршы метр	1) жұмыс уақытының ұзақтығы аптасына 40 сағаттан аспауға тиіс; 2) заңнамаға сәйкес қорғау мен жағдайларды қамтамасыз етсін, әрбір жұмыссызбен еңбек қауіпсіздік техникасы жайында нұсқау өткізу; 3) қолданыстағы заңнамаға сәйкес уақытша еңбекке жарамсыздығы бойынша әлеуметтік жәрдемақы төлеуді қамтамасыз етсін; 4) Қазақстан Республикасын Еңбек кодексіне сәйкес жұмыс беруші мен жұмыскер арасындағы барлық еңбек қатынастары сақталсын; 5) зейнетақымен қамсыздандыру және сақтандыру туралы заңнамасы сақталсын.