Ескерту. Күші жойылды – ҚР Қаржы министрінің 24.09.2020 № 914 (алғашқы ресми жарияланған күнінен кейін он күнтізбелік күн өткен соң қолданысқа енгізіледі) бұйрығымен.
Кеден одағы Кеден кодексінің 372-бабына, Қазақстан Республикасы Үкіметінің 2011 жылғы 13 желтоқсандағы № 1525 қаулысымен мақұлданған Қарашығанақ жобасы бойынша реттеу туралы келісім ережелеріне сәйкес, БҰЙЫРАМЫН:
1. Құбыржол көлігімен өткізілетін және Атырау облысы арқылы экспортталатын Қарашығанақ мұнайгаз конденсаты кен орны мұнайгаз шикізатын кедендік декларациялау орны ретінде Орал қаласы бекітілсін.
2. Қазақстан Республикасы Қаржы министрлігі Кедендік бақылау комитеті:
1) осы бұйрықтың Қазақстан Республикасының Әділет министрлігінде мемлекеттік тіркелуін және оның бұқаралық ақпарат құралдарында ресми жариялануын қамтамасыз етсін;
2) осы бұйрық Қазақстан Республикасының Әділет министрлігінде мемлекеттік тіркелген күнінен бастап он күндік мерзімде бұйрықты тиісті аумақтық кеден органдарының назарына жеткізсін.
3. Осы бұйрықтың орындалуын бақылау Қазақстан Республикасы Қаржы вице-министрі Д.Е. Ерғожинге жүктелсін.
4. Осы бұйрық оның алғаш ресми жариялған күнінен кейін қолданысқа енгізіледі және 2011 жылғы 14 желтоқсанда туындаған қатынастарға таратылады.
Қазақстан Республикасының | |
Қаржы министрі | Б. Жәмішев |
