Ескерту. Күші жойылды - Қостанай облысы Қарабалық ауданы мәслихатының 28.11.2014 № 305 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына, "Кемтар балаларды әлеуметтік және медициналық-педагогикалық түзеу арқылы қолдау туралы" Қазақстан Республикасының 2002 жылғы 11 шілдедегі Заңының 16-бабына сәйкес Қарабалық аудандық мәслихаты ШЕШТІ:
1. Мүгедектер қатарындағы кемтар балаларды (әрі қарай - бала-мүгедектер) жеке оқыту жоспары бойынша үйде оқытуға жұмсаған шығындарын ай сайын тиісті жылға заңнамамен белгіленген, үш айлық есептік көрсеткіш мөлшерінде өндіріп алуын қамтамасыз ету.
2. Анықталсын:
1) бала-мүгедектерді үйде оқытуға шығындарын өтеу "Қарабалық ауданы әкімдігінің жұмыспен қамту және әлеуметтік бағдарламалар бөлімі" мемлекеттік мекемесімен жасалады.
2) шығындар үйде оқитын бала-мүгедектердің ата-аналарына және басқа заңды өкілдеріне өтеледі.
3) шығынды өтеу үшін тұтынушы өтінішті, жеке куәліктің көшірмесін, тұрғылықты жері бойынша тіркелгенін растайтын құжаттың көшірмесін, бала-мүгедектер үшін - тууы туралы куәлігінің көшірмесін, психологиялық-медициналық-педагогикалық консультацияның үйде оқытуға ұсынысын, медициналық-әлеуметтік сараптаманың мүгедектігі туралы сараптамалық қорытындысын, банктік шот туралы құжаттың көшірмесін, үйде оқуды растайтын құжатты ұсынады.
4) шығынды өтеу бойынша төлемдер 18 жасқа толмаған әрбір бала-мүгедекке ай сайын тиісті оқу жылының ішінде өтініш берген айдан бастап тағайындалады.
3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2013 жылдың 2 қыркүйектен бастап туындаған қатынастарға таратылады.
Кезектен
тыс сессия төрайымы Н. Осипова
Аудандық мәслихаты
хатшысының міндетін атқарушы Г. Ягодин
КЕЛІСІЛДІ:
"Қарабалық ауданы әкімдігінің
жұмыспен қамту және әлеуметтiк
бағдарламалар бөлімі"
мемлекеттiк мекемесінің басшысы
____________________ Т. Салмина
