Алматы қаласында иттерді ұстау және серуендету Қағидасын бекіту туралы

Күшін жойған

V сайланған Алматы қаласы мәслихатының ХІХ сессиясының 2013 жылғы 28 тамыздағы N 158 шешімі. Алматы қаласы Әділет департаментінде 2013 жылғы 4 қазанда N 1002 болып тіркелді. Күші жойылды - Алматы қаласы мәслихатының 2018 жылғы 17 сәуірдегі № 223 шешiмiмен

      Ескерту. Күші жойылды - Алматы қаласы мәслихатының 17.04.2018 № 223 (алғашқы ресми жарияланғаннан кейін күнтізбелік он күн өткен соң қолданысқа енгізіледі) шешiмiмен.
      Бас тақырыбы жаңа редакцияда – Алматы қаласы мәслихатының 18.05.2016 № 18 шешімімен (алғаш ресми жарияланғаннан кейін күнтізбелік он күн өткен соң қолданысқа енгізіледі).

      Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабының 2-2-тармағына сәйкес, V сайланған Алматы қаласының мәслихаты ШЕШІМ ЕТТІ:

      1. Қоса беріліп отырған Алматы қаласында иттерді ұстау Қағидасы бекітілсін.

      2. Осы шешімнің орындалуын бақылау Алматы қаласы мәслихатының қала құрылысы, көріктендіру және коммуналдық меншік мәселелері жөніндегі тұрақты комиссиясының төрағасы Б.аШинге және Алматы қаласы әкімінің орынбасары Е. Шормановқа жүктелсін.

      3.аАлматы қаласының мәслихаты (Т.аМұқашев) нормативтік құқықтық актіні Алматы қаласы Әділет департаментінде мемлекеттік тіркеуден өткізсін.

      4. Осы шешім әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      V сайланған Алматы қаласы
мәслихаты XIX сессиясының
төрағасы, мәслихат хатшысы
Т. Мұқашев

  V сайланған Алматы қаласы
мәслихатының 2013 жылғы 28 тамыздағы
XIХ сессиясының № 158 шешімімен
бекітілген

Алматы қаласында иттерді ұстау Қағидасы
1. Жалпы ережелер

      1. Иттерді ұстаудың осы Қағидасы (бұдан әрі - Қағида) Алматы қаласының аумағында иттерді ұстаудың тәртібін анықтайды.

      2. Қағида иттерді ұстайтын барлық жеке және заңды тұлғаларға, меншік (бұдан әрі – иелері) түріне қарамай таралады.

      3. Қағида Қазақстан Республикасының 2014 жылғы 5 шілдедегі "Әкімшілік құқық бұзушылық туралы" Кодексіне, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына және Қазақстан Республикасының 2002 жылғы 10 шілдедегі "Ветеринария туралы" Заңына сәйкес әзірленді.

      Ескерту. 3 – тармақ жаңа редакцияда - Алматы қаласы мәслихатының 18.05.2016 № 18 шешімімен (алғаш ресми жарияланғаннан кейін күнтізбелік он күн өткен соң қолданысқа енгізіледі).

2. Иттерді ұстау жағдайлары

      Ескерту. 2 тарау 8-1 тармақпен толықтырылды - Алматы қаласы мәслихатының 18.05.2016 № 18 шешімімен (алғаш ресми жарияланғаннан кейін күнтізбелік он күн өткен соң қолданысқа енгізіледі).

      4. Иттердің иелері ветеринариялық-санитариялық ережелер мен нормаларды сақтаулары тиіс.

      5. Тұрғын жайларда және көп пәтерлі тұрғын үйлерде иттерді ұстау кезінде иелері тыныштықты қамтамасыз ету бойынша шаралар қолданады.

      6. Жеке тұрғын жайларының иелері иттерін олар қашып кете алмайтын жеке ауласының шекарасында ұстаулары тиіс, ауланың кіре берісінде иттің бары туралы ескерту тақтасы болуы керек.

      7. Иттерді адамдардың көп шоғырланатын орындарында ұстауға рұқсат етілмейді, қоғамдық көлікте және басқа да қоғамдық орындарда итті қысқа тізгінде және тұмылдырықта ұстайды.

      8. Сәндік тұқымды иттерді сөмкелерде, арнайы торларда (тасымалдауға арналған контейнерлерде) тасымалдауға рұқсат етіледі.

      8-1. Иттерді ұстау кезінде иелері келесі талаптарды сақтайды:

      1) жергілікті атқарушы органдардың ветеринария саласындағы қызметті жүзеге асыратын бөлімшелеріне, жергілікті атқарушы органдар құрған мемлекеттік ветеринариялық ұйымдарға, мемлекеттік ветеринариялық-санитариялық бақылау және қадағалау органдарына хабарлайды:

      жаңадан сатып алынған жануар (жануарлар), алынған төлі мен оның өткізілгені туралы;

      жануарлар қырылған, бірнеше жануар бір мезгілде ауырған немесе олар әдеттен тыс мінез көрсеткен жағдайлар туралы хабарлауға және ауру деп күдік келтірілген кезде, ветеринария саласындағы мамандар, мемлекеттік ветеринариялық-санитариялық инспекторлар келгенге дейін жануарларды оқшаулап ұстау жөнінде шаралар қолданады;

      2) үй жануарларын уақтылы бірдейлендіруді қамтамасыз ету;

      3) биологиялық ерекшеліктерін ескере отырып, жануарларды дұрыс тіршілігі үшін қеректі мөлшерде азықпен және сумен қамтамасыз ету, оларды қараусыз қалдырмау, жануарларға ізгілікпен қарау;

      4) өздерінің үй жануарларының ветеринария-санитарлық қауіпсіздігін қамтамасыз ету үшін, сондай-ақ тері-паразитарлық ауруларға және гельминттерге қарсы уақтылы вакцинация мен диагностиканы қамтамасыз етеді;

      5) мемлекеттік ветеринариялық мал дәрігерлеріне олардың негізделген талабы бойынша клиникалық қарауға, диагностикалық зерттеуге және емдеу-алдын алу шаралары, егу мен вакцинация жұмыстарын жүзеге асыру үшін жануарларды кедергісіз көрсетеді.

      9. Иесімен кәсіпорынның және мекеменің жанында байлауда қалдырып кеткен иттерден басқа қоғамдық орындарда алып жүрген тұлғалары жоқ иттер қаңғыбас болып саналады және міндетті түрде аулауға жатады.

      10. Қаңғыбас иттерді аулау және жою Қазақстан Республикасының қолданыстағы заңнамасына сәйкес ұйымдастырылады және жүргізіледі.

      11. Жануарға қатысты қатыгездікке жол берілетін иттердің ұрыстарын ұйымдастыруға және өткізуге рұқсат етілмейді.

      12. Әрі қарай ұстаудың мүмкіндігі болмаған кезде итті басқа иелеріне немесе аулауды жүргізетін ұйымға береді.

      13. Өлген иттің өлексесі аулауды жүргізетін ұйымға өткізіледі.

3. Иттерді ұстау тәртібі

      14. Иттердің иелері:

      1) осы Қағиданың талаптарына сәйкес иттерді тиісті жағдайда ұстауды қамтамасыз етеді;

      2) айналадағылардың қауіпсіздігін қамтамасыз етуде тиісті шаралар қолданады;

      3) ветеринариялық және тиісті денсаулық сақтау мекемелеріне ауруына күдікпен қарауды қажет ететін иттердің қауып алуының, сілекейленуінің, адамдарды тырнап алуының барлық жағдайлары туралы хабарлайды;

      4) ауруға күдік туған жағдайда ветеринариялық қызмет мамандары келгенге дейін итті оқшаулайды немесе жануарды ветеринариялық клиникаға жеткізеді.

4. Иттерді қыдырту тәртібі

      15. Иттерді қыдырту:

      1) арнайы бөлінген орындарда;

      2) иттің иесімен тізгінде (1,5 м) және тұмылдырықта алып жүру арқылы жүзеге асырылады.

      16. Иттің иелері қыдырту кезінде өздерінің иттерінің нәжістерін жинауды қамтамасыз етеді.

      17. Иттің иелеріне:

      1) иттерін аулаларда, балалар алаңдарында, балалардың мектепке дейінгі мекемелерінің орындарында, мектеп аулаларында, денсаулық сақтаудың емдеу-алдын алу және медициналық мекемелерінде, стадиондарда қыдыртуға;

      2) иттерді жағажайларда қыдыртуға, қоғамдық шомылу орындарында, тоғандарда, субұрқақтарында, су айдындарында және бас сағаларда шомылдыруға және жуындыруға рұқсат етілмейді.

5. Иттер иелерінің құқықтары

      18. Тіркелген иттер иесінің меншігі болып табылады және барлық меншік секілді заңмен қорғалады.

6. Қорытынды ережелер

      19. Осы Қағиданы бұзғаны үшін иттің иелері Қазақстан Республикасының заңнамасына сәйкес жауапкершілікке тартылады.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады