Қазақстан Республикасының 2008 жылғы 10 желтоқсандағы "Салық және бюджетке төленетін басқа да міндетті төлемдер туралы" Кодексіне (Салық кодексі), Қазақстан Республикасының 2003 жылғы 8 шілдедегі Орман кодексіне, 2001 жылғы 23 қаңтардағы Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңын басшылыққа ала отырып және Батыс Қазақстан облыстық орман және аңшылық шаруашылығы аумақтық инспекциясымен келісе отырып, Батыс Қазақстан облысының жергілікті атқарушы органы жасаған есептеулер негiзiнде облыстық мәслихат ШЕШІМ ЕТТІ:
1. Мемлекеттік орман қоры учаскелерінде орман пайдалану төлемақысының ставкалары (түбiрiмен босатылатын сүрек үшiн белгiленетiн ставкаларды қоспағанда) бекітілсін:
1) қосалқы ағаш ресурстарын дайындау үшін (1 қосымша);
2) орманды жанама пайдалану үшін (2 қосымша);
3) мемлекеттiк орман қоры учаскелерiн мәдени-сауықтыру, рекреациялық, туристiк спорттық және ғылыми-зерттеу мақсаттары үшін пайдалану (3 қосымша);
4) аңшылық шаруашылығы қажеттерi үшін пайдалану (4 қосымша).
2. Батыс Қазақстан облыстық мәслихатының "Мемлекеттік орман қоры телімдеріндегі орманды пайдаланғаны үшін төлемдер мөлшері туралы" 2009 жылғы 11 ақпандағы № 11-15 (Нормативтік құқықтық актілерді мемлекеттік тіркеу тізілімінде № 3022 тіркелген, 2009 жылғы 3 наурызда "Орал өңірі" газетінің № 24 жарияланған) шешімінің күші жойылды деп танылсын.
3. Осы шешімнің орындалуын бақылау облыстық мәслихаттың экология, табиғи және техногендік үрдістер бойынша тұрақты комиссияға жүктелсін.
4. Осы шешім әділет органдарында мемлекеттік тіркеуден өткен кезден бастап күшіне енеді және алғаш ресми жарияланған күннен кейін күнтізбелік он күн өткен соң қолданысқа енгізіледі.
| Сессия төрағасы | Б. Мырзахметов |
| Облыстық мәслихат хатшысы | М. Құлшар |
| 2013 жылғы 28 наурыздағы № 7-3 Батыс Қазақстан облыстық мәслихаттың шешімімен бекітілген 1 қосымша |
Қосалқы ағаш ресурстарын дайындау үшін
төлемақы ставкалары
Атауы | Өлшем бірлігі | Төлемақы ставкасының есептеулері |
| Қабығы | 1 тонна | Емен 0,41АЕК х 0,10% Терек 0,11 АЕК х 0,10% |
| Бұтақтары | 1 тонна | Емен 0,41АЕК х 0,20% Қайың 0,16 АЕК х 0,20% |
| Тамыры | 1 тонна | Терек 0,11 АЕК х 0,30% |
| Жапырақтары | 1 тонна | Терек 0,11 АЕК х 0,15% |
| Бүршіктері | 1 кг | Қайың 0,16 АЕК х 0,10% |
| Түбірі | 1 тонна | Терек 0,11 АЕК х 0,05% |
| 2013 жылғы 28 наурыздағы № 7-3 Батыс Қазақстан облыстық мәслихаттың шешімімен бекітілген 2 қосымша |
Орманды жанама пайдалану үшін
төлемақы ставкасы
Атауы | Өлшем бірлігі | Төлемақы ставкасы (теңге) |
| Шөп шабу, мал жаю | 1 гектар | 1 775 |
| Ара ұялары мен омарта орналастыру | 1 дана | 1 775 |
| Бақша шаруашылығы және басқа да ауыл шаруашылық дақылдарын өсіру | 1 гектар | 3,47 |
| Дәрілік өсімдіктер мен техникалық шикізаттар | 1 кг | шөптер, гүлдер, жапырақтар, сабақтар және бұтақтар, жеміс- жидектер: 1 800 бүршіктері: 1 600 |
| Саңырауқұлақтар | 1 кг | 180 |
| Жидектер және басқа да тағамдық өнімдер | 1 кг 1 кг | 200 жемістер: дәнділер – 150 сүйектілер – 250 |
| Мүк, орман төсемдері мен түскен жапырақтар, қамыс | 1 кг | 40 |
| 2013 жылғы 28 наурыздағы № 7-3 Батыс Қазақстан облыстық мәслихаттың шешімімен бекітілген 3 қосымша |
Мемлекеттiк орман қоры учаскелерiн
мәдени-сауықтыру, рекреациялық,
туристiк және спорт, ғылыми-зерттеу
мақсаттары үшін пайдалану
төлемақы ставкалары
Атауы | Өлшем бірлігі | Төлемақы ставкасы | ||
қысқа мерзімде пайдалану | ұзақ мерзімде пайдалану | қысқа мерзімде пайдалану (АЕК) | ұзақ мерзімде пайдалану (теңге) | |
| Мемлекеттiк орман қоры учаскелерiн рекреациялық, туристiк және спорттық мақсаттары үшін пайдалану | 1 күн | 1 гектар | 0,1 | 4128 |
| Ғылыми-зерттеу және мәдени-сауықтыру мақсаттары үшін пайдалану | 1 күн | 1 гектар | 0,1 | 986 |
| 2013 жылғы 28 наурыздағы № 7-3 Батыс Қазақстан облыстық мәслихаттың шешімімен бекітілген 4 қосымша |
Аңшылық шаруашылығы қажеттерi үшін пайдалану
төлемақы ставкасы
Атауы | Өлшем бірлігі | Төлемақы ставкасы (теңге) |
| Аңшылық шаруашылығы қажеттері үшін | 1 гектар | 0 |
кг – килограмм;
АЕК – айлық есептік көрсеткіш.
