Қауымдық сервитутін белгілеу туралы

Ақтөбе облысы Шалқар ауданы әкімдігінің 2020 жылғы 20 сәуірдегі № 90 қаулысы. Ақтөбе облысының Әділет департаментінде 2020 жылғы 22 сәуірде № 7067 болып тіркелді

Қазақстан Республикасының 2003 жылғы 20 маусымдағы Жер кодексінің 17, 69 және 71-1 баптарына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабына сәйкес, Шалқар ауданы әкімдігі ҚАУЛЫ ЕТЕДІ:

1. Осы қаулының қосымшасына сәйкес "Алюминий Казахстана" Акционерлік қоғамымен пайдалы қазбаларды барлау үшін жер учаскелерді жер пайдаланушылардан алып қоймай, 2025 жылдың 7 тамызына дейінгі мерзімге қауымдық сервитуті белгіленсін.

2. "Шалқар аудандық жер қатынастары бөлімі" мемлекеттік мекемесі заңнамада белгіленген тәртіппен:

1) осы қаулыны Ақтөбе облысының Әділет департаментінде мемлекеттік тіркеуді;

2) осы қаулыны, оны ресми жариялағаннан кейін Шалқар ауданы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау аудан әкімінің жетекшілік ететін орынбасарына жүктелсін.

4. Осы қаулы оның алғаш ресми жариялаған күнінен бастап қолданысқа енгізіледі.

Шалқар ауданының әкімі

Б. Каниев

Шалқар ауданы әкімдігінің 2020 жылғы 20 сәуірдегі № 90 қаулысына қосымша

"Алюминий Казахстана" Акционерлік қоғамымен пайдалы қазбаларды барлау үшін қауымдық сервитут белгіленетін жер учаскелері

№	Жер пайдаланушылардың атауы	Жалпы алаңы (гектар)	Кадастр нөмірі	Жер учаскесiнiң орналасқан жерi
1	"Сәрсенғали" шаруа қожалығы	5000 629,9 3000	02-035-017-094 02-035-017-026 02-035-017-070	Шалқар ауданы, Шетырғыз ауылдық округі
2	"Қайнар" шаруа қожалығы	3262	02-035-017-072
3	"Қаратоғай" Машина-технологиялық стансасы" өндірістік кооперативі	2640 3500	02-035-017-029 02-035-017-083
4	"Нұрлыаман" шаруа қожалығы	680	02-035-017-098
5	"Шәкір" шаруа қожалығы	3700	02-035-017-100
6	"Ырғыз аудандық қаржы бөлімі" мемлекеттік мекемесі	19,86 5,03	02-035-026-330 02-035-026-483