ЗҚАИ-ның ескертпесі!
Осы бұйрықтың қолданысқа енгізілу тәртібін 6 т. қараңыз
Қазақстан Республикасы Үкіметінің 2020 жылғы 23 қазандағы № 701 қаулысымен бекітілген Қазақстан Республикасы Төтенше жағдайлар министрлігі туралы ереженің 16-тармағының 98) тармақшасына және "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармағына сәйкес БҰЙЫРАМЫН:
Ескерту. Кіріспе жаңа редакцияда – ҚР Төтенше жағдайлар министрінің 14.07.2023 № 382 (алғашқы ресми жарияланған күнінен кейiн күнтізбелік он күн өткен соң қолданысқа енгiзiледi) бұйрығымен.1. Қоса беріліп отырған қауіпті өндірістік объектілер мен қауіпті техникалық құрылғыларды есепке қою және есептен шығару қағидалары бекітілсін.
2. "Қауіпті техникалық құрылғыларды есепке қою және есептен шығару" мемлекеттік қызмет көрсету қағидаларын бекіту және Қазақстан Республикасы Инвестициялар және даму министрінің және Қазақстан Республикасы Индустрия және инфрақұрылымдық даму министрінің кейбір бұйрықтарының күші жойылды деп тану туралы" Қазақстан Республикасы Индустрия және инфрақұрылымдық даму министрінің 2020 жылғы 24 сәуірдегі № 229 бұйрығының (Нормативтік құқықтық актілерді мемлекеттік тіркеу тізілімінде № 20497 болып тіркелген) күші жойылды деп танылсын.
3. "Өнеркәсіптік қауіпсіздік саласындағы мемлекеттік қызметтер көрсету саласындағы кейбір бұйрықтарға өзгерістер енгізу туралы" Қазақстан Республикасы Төтенше жағдайлар министрінің 2021 жылғы 2 маусымдағы № 256 бұйрығында (Нормативтік құқықтық актілерді мемлекеттік тіркеу тізілімінде № 22938 болып тіркелген):
өзгерістер енгізілетін өнеркәсіптік қауіпсіздік саласында мемлекеттік қызметтер көрсету саласындағы кейбір бұйрықтардың тізбесінде:
6-тармақ алып тасталсын.
4. Қазақстан Республикасы Төтенше жағдайлар министрінің Өнеркәсіптік қауіпсіздік комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Төтенше жағдайлар министрлігінің интернет-ресурсында орналастыруды;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Төтенше жағдайлар министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
5. Осы бұйрықтың орындалуын бақылау жетекшілік ететін Қазақстан Республикасы Төтенше жағдайлар вице-министріне жүктелсін.
6. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.
|
Қазақстан Республикасы Төтенше жағдайлар министрі |
Ю. Ильин |
"КЕЛІСІЛДІ"
Қазақстан Республикасы
Ұлттық экономика министрлігі
"КЕЛІСІЛДІ"
Қазақстан Республикасы
Цифрлық даму, инновациялар және
аэроғарыш өнеркәсібі министрлігі
| Қазақстан Республикасы Төтенше жағдайлар министрі 2021 жылғы 29 қыркүйектегі № 485 бұйрығымен бекітілген |
Қауіпті өндірістік объектілер мен қауіпті техникалық құрылғыларды есепке қою және есептен шығару қағидалары
1-тарау. Жалпы ережелері
1. Осы Қауіпті өндірістік объектілер мен қауіпті техникалық құрылғыларды есепке қою және есептен шығару қағидалары (бұдан әрі – Қағидалар) Қазақстан Республикасы Үкіметінің 2020 жылғы 23 қазандағы № 701 қаулысымен бекітілген Қазақстан Республикасы Төтенше жағдайлар министрлігі туралы ереженің 16-тармағының 98) тармақшасына және "Мемлекеттік көрсетілетін қызметтер туралы" Қазақстан Республикасы Заңы (бұдан әрі – Мемлекеттік көрсетілетін қызметтер туралы Заң) 10-бабының 1) тармақшасына сәйкес әзірленді және қауіпті өндірістік объектілер мен қауіпті техникалық құрылғыларды есепке қою және есептен шығару тәртібін анықтайды.
Ескерту. 1-тармақ жаңа редакцияда – ҚР Төтенше жағдайлар министрінің 14.07.2023 № 382 (алғашқы ресми жарияланған күнінен кейiн күнтізбелік он күн өткен соң қолданысқа енгiзiледi) бұйрығымен.2. Осы Қағидаларда пайдаланатын негізгі ұғымдар Қазақстан Республикасының өнеркәсіптік қауіпсіздік саласындағы заңнамасына сәйкес қолданылады.
2-тарау. Қауіпті өндірістік объектілерді есепке қою және есептен шығару тәртібі
3. Қауіпті өндірістік объектілерді есепке қоюды және есептен шығаруды өнеркәсіптік қауіпсіздік саласындағы уәкілетті органның аумақтық бөлімшелері жүзеге асырады.
4. Қазақстан Республикасы Инвестициялар және даму министрінің 2014 жылғы 30 желтоқсандағы № 353 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10310 болып тіркелген) қауіпті өндірістік объектілерді сәйкестендіру қағидаларында (бұдан әрі – Сәйкестендіру қағидалары) айқындалған тәртіппен пайдалануға берілген және сәйкестендіруден өткен қауіпті өндірістік объектілер есепке қоюға жатады.
5. Қауіпті өндірістік объектілерді есепке қою үшін қауіпті өндірістік объектілерді пайдаланатын ұйымның басшысы сәйкестендіру нәтижелері бойынша 15 (он бес) жұмыс күні ішінде қауіпті өндірістік объектілерді сәйкестендіру жөніндегі ақпаратты қоса бере отырып, өнеркәсіптік қауіпсіздік саласындағы уәкілетті органның аумақтық бөлімшесіне Сәйкестендіру қағидаларға 2-қосымшаға сәйкес нысан бойынша өтініш береді.
6. Өнеркәсіптік қауіпсіздік саласындағы уәкілетті органның аумақтық бөлімшесі өтініш келіп түскен күннен бастап 15 (он бес) жұмыс күнінен аспайтын мерзімде ұсынылған ақпаратты қарайды және оны сәйкестендірудің толықтығын, анықтығын және дұрыстығын, "Азаматтық қорғау туралы" Қазақстан Республикасының Заңының (бұдан әрі – Заң) 70-бабында белгіленген қауіпті өндірістік объект белгілерінің болуын тексереді және қауіпті өндірістік объект және оны пайдаланатын ұйым туралы мәліметтерді осы Қағидаларға 1-қосымшаға сәйкес нысан бойынша қауіпті өндірістік объектілерді есепке алу журналына енгізеді.
Заңның 70-бабында белгіленген қауіпті өндірістік объект белгілерінің толықтығын, анықтығын және дұрыстығын және болуын өнеркәсіптік қауіпсіздік саласындағы уәкілетті органның аумақтық бөлімшесі қауіпті өндірістік объектілерді есепке қоюды жүзеге асыру кезінде пайдаланушы ұйым ұсынған деректер негізінде тексереді.
Ескерту. 6-тармаққа өзгеріс енгізілді – ҚР Төтенше жағдайлар министрінің 14.07.2023 № 382 (алғашқы ресми жарияланған күнінен кейiн күнтізбелік он күн өткен соң қолданысқа енгiзiледi) бұйрығымен.7. Өтінішті қарау нәтижелері бойынша өтініш берушіге Заңның 70-бабында белгіленген қауіпті өндірістік объект белгілері болмаған, толық емес, дұрыс емес және дұрыс сәйкестендірілмеген жағдайда қауіпті өндірістік объектілерді есепке қою туралы жазбаша хабарлама немесе бар ескертулер мен кемшіліктерді жою қажеттігі туралы хабарлама жолданады.
8. Қауіпті өндірістік объектіні пайдаланатын ұйым қайта ұйымдастырылған немесе оның атауы өзгерген жағдайда, оның басшысының өтініші негізінде қауіпті өндірістік объектіні қайта есепке алу жүзеге асырылады.
Қауіпті өндірістік объектіні қайта есепке алу осы Қағидаларға сәйкес қауіпті өндірістік объектілерді есепке қою үшін көзделген тәртіппен жүзеге асырылады.
9. Қауіпті өндірістік объектілерді есептен шығаруды қауіпті өндірістік объектілерді пайдаланатын ұйым басшысының өнеркәсіптік қауіпсіздік саласындағы уәкілетті органның аумақтық бөлімшесі мынадай жағдайларда:
қауіпті өндірістік объектіні жою немесе оны пайдаланудан шығару;
Заңның 70-бабында белгіленген қауіпті өндірістік объект белгілерінің жоғалуы және Сәйкестендіру қағидаларында айқындалған қауіпті өндірістік объектілерді сәйкестендіру тәртібінің өзгеруі.
10. Қауіпті өндірістік объектілерді есептен шығару кезінде өнеркәсіптік қауіпсіздік саласындағы уәкілетті органның аумақтық бөлімшесі өтініш берушіге тиісті хабарлама жолдайды.
3-тарау. Қауіпті техникалық құрылғыларды есепке қою және есептен шығару тәртібі
11. Заңның 1-бабының 32-1) тармақшасында айқындалған қауіпті техникалық құрылғылар есепке қоюға және есептен шығаруға жатады.
12. Қауіпті техникалық құрылғыны есепке қою, есептен шығару үшін қауіпті техникалық құрылғының иесі немесе қауіпті техникалық құрылғыны пайдаланатын ұйымның басшысы:
өнеркәсіптік объектілерде, өнеркәсіптік қауіпсіздік саласындағы уәкілетті органның аумақтық бөлімшесіне өтініш береді;
әлеуметтік инфрақұрылым объектілерінде өнеркәсіптік қауіпсіздік саласындағы мемлекеттік қадағалауды жүзеге асыратын жергілікті атқарушы органға өтініш береді.
13. "Қауіпті техникалық құрылғыларды есепке қою және есептен шығару" мемлекеттік көрсетілетін қызмет (бұдан әрі – мемлекеттік көрсетілетін қызмет) болып табылады және осы Қағидаларға сәйкес Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің аумақтық департаменттері және аудандардың, облыстық маңызы бар қалалардың, Нұр-Сұлтан, Алматы және Шымкент қалаларының жергілікті атқарушы органдары (бұдан әрі – көрсетілетін қызметті беруші) көрсетеді.
14. Мемлекеттік қызметті алу үшін жеке және (немесе) заңды тұлға (бұдан әрі – көрсетілетін қызметті алушы) көрсетілетін қызметті берушіге www.egov.kz "электрондық үкімет" веб-порталы (бұдан әрі – портал) арқылы осы Қағидаларға 2-қосымшаға сәйкес мемлекеттік көрсетілетін қызмет стандартының (бұдан әрі – стандарт) 8-тармағында көрсетілген құжаттарды қоса бере отырып электрондық цифрлық қолтаңба (бұдан әрі – ЭЦҚ) қойылған электрондық құжат түрінде осы Қағидаларға 3 және 4-қосымшаларға сәйкес өтінішті жолдайды.
15. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі стандартта жазылған.
16. Мемлекеттік қызметті көрсету мерзімі 3 (үш) жұмыс күні.
17. Көрсетілетін қызметті алушы барлық қажетті құжаттарды портал арқылы берген кезде көрсетілетін қызметті алушының "жеке кабинетінде" мемлекеттік көрсетілетін қызмет нәтижесін алу күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.
18. Мемлекеттік қызметті көрсетуге өтініш бергеннен кейін көрсетілетін қызметті берушінің кеңсе қызметкері өтінішті порталда тіркеуді жүзеге асырады, көрсетілетін қызметті алушы құжаттарды қабылдау туралы хабарлама алады, көрсетілетін қызметті берушінің басшысы өтініштің орындаушысын анықтайды.
Көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.
19. Көрсетілетін қызметті беруші көрсетілетін қызметті алушының құжаттарын алған сәттен бастап олардың толықтығын тексереді.
Жеке басын куәландыратын құжат туралы, заңды тұлғаны, жеке кәсіпкерді мемлекеттік тіркеу (қайта тіркеу) туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.
Көрсетілетін қызметті алушы стандарттың 8-тармағында көрсетілген құжаттар топтамасын толық ұсынбаған немесе осы Қағидаларға сәйкес мемлекеттік қызметті көрсету үшін қажетті мәліметтер болмаған жағдайда, көрсетілетін қызметті беруші осы тармақтың бірінші бөлігінде көрсетілген мерзімдерде осы Қағидаларға 5-қосымшаға сәйкес көрсетілетін қызметті беруші басшысының не оны алмастыратын тұлғаның ЭЦҚ қойылған электрондық құжат нысанында өтінішті одан әрі қараудан дәлелді бас тартуды (бұдан әрі – дәлелді бас тарту) көрсетілетін қызметті алушының "жеке кабинетіне" портал арқылы жібереді.
Көрсетілетін қызметті алушы құжаттар топтамасын толық ұсынған жағдайда, көрсетілетін қызметті беруші 2 (екі) жұмыс күні ішінде мемлекеттік көрсетілетін қызмет нәтижесін – осы Қағидаларға 6 немесе 7-қосымшаларға сәйкес нысандар бойынша қауіпті техникалық құрылғыны есепке қою туралы хабарламаны немесе қауіпті техникалық құрылғыны есептен шығару туралы хабарламаны не дәлелді бас тартуды дайындайды және көрсетілетін қызметті беруші басшысының не оны алмастыратын тұлғаның ЭЦҚ қойылған электрондық құжат нысанында көрсетілетін қызметті алушының "жеке кабинетіне" портал арқылы жібереді.
Стандарттың 9-тармағында көзделген мемлекеттік қызметті көрсетуден бас тарту үшін негіздер болған кезде көрсетілетін қызметті беруші көрсетілетін қызметті алушыға алдын ала шешім бойынша көрсетілетін қызметті алушыға позициясын білдіру мүмкіндігі үшін мемлекеттік қызметті көрсетуден бас тарту туралы алдын ала шешім, сондай-ақ тыңдауды өткізу уақыты мен орны (тәсілі) туралы хабарлайды.
Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі.
Алдын ала шешім бойынша көрсетілетін қызметті алушының қарсылығын көрсетілетін қызметті беруші оны алған күннен бастап 2 (екі) жұмыс күні ішінде қабылдайды.
Тыңдау нәтижелері бойынша көрсетілетін қызметті беруші оң нәтиже береді немесе мемлекеттік қызметті көрсетуден дәлелді бас тартады.
20. Мемлекеттік қызметті көрсету нәтижесі көрсетілетін қызметті алушының "жеке кабинетіне" көрсетілетін қызметті беруші басшысының не оны алмастыратын тұлғаның ЭЦҚ-сы қойылған электрондық құжат нысанында жолданады және сақталады.
21. Көрсетілетін қызметті беруші мемлекеттік қызмет көрсету сатысы туралы деректерді Мемлекеттік көрсетілетін қызметтер туралы Заң 5-бабы 2-тармағының 11) тармақшасына сәйкес мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.
4-тарау. Көрсетілетін қызметті берушілердің мемлекеттік қызмет көрсету мәселелері бойынша шешімдеріне, әрекетіне (әрекетсіздігіне) шағымдану тәртібі
22. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды тұлға, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.
Шағым әкімшілік актісіне, әкімшілік әрекетіне (әрекетсіздігіне) шағым жасалатын көрсетілетін қызметті берушіге, лауазымды тұлғаға беріледі.
Әкімшілік актісіне, әкімшілік әрекетіне (әрекетсіздігіне) шағым жасалатын көрсетілетін қызметті беруші, лауазымды тұлға шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.
Бұл ретте әкімшілік актісіне, әкімшілік әрекетіне (әрекетсіздігіне) шағым жасалатын көрсетілетін қызметті беруші, лауазымды адам, егер ол 3 (үш) жұмыс күні ішінде шағымда көрсетілген талаптарды толық қанағаттандыратын қолайлы әкімшілік акт қабылдаса, әкімшілік әрекет жасаса, шағымды қарайтын органға шағымды жібермеуге құқылы.
23. Көрсетілетін қызметті берушінің атына келіп түскен көрсетілетін қызметті алушының шағымы Мемлекеттік көрсетілетін қызметтер туралы Заң 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.
24. Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.
25. Егер Мемлекеттік көрсетілетін қызметтер туралы Заңында өзгеше көзделмесе, сотқа жүгінуге сотқа дейінгі тәртіппен шағым жасалғаннан кейін жол беріледі.
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 1-қосымша |
|
| Нысан |
Қауіпті өндірістік объектілерді есепке қою журналы
| р/c № | Күні | Қауіпті өндірістік объектінің атауы | Өнеркәсіп саласы және қызмет түрі | Қауіпті өндірістік объектіні сәйкестендіру ерекшеліктері | Объектінің орналасқан жері (мекенжайы) | Заңды, жеке тұлғаның толық атауы | БСН, ЖСН | Заңды, жеке тұлғаның мекен-жайы, басшының Т.А.Ә. (бар болса) | Өзгерістерді енгізу себептері | Есептен шығару себептері | Ескертпе |
|---|---|---|---|---|---|---|---|---|---|---|---|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 |
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 2-қосымша |
"Қауіпті техникалық құрылғыларды есепке қою және есептен шығару" мемлекеттік көрсетілетін қызмет стандарты | ||
1. | Көрсетілетін қызметті берушінің атауы |
Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің аумақтық департаменттері – өнеркәсіптік объектілерде пайдаланылатын қауіпті техникалық құрылғыларды есепке қою, есептен шығару кезінде; |
2. | Мемлекеттік қызметті ұсыну тәсілдері | www. egov. kz "электрондық үкімет" веб-порталы |
3. | Мемлекеттік қызмет көрсету мерзімі | 3 (үш) жұмыс күні |
4. | Мемлекеттік қызмет көрсету нысаны | Электрондық (толық автоматтандырылған) |
5. | Мемлекеттік қызмет көрсету нәтижесі | Қауіпті техникалық құрылғыны есепке қою туралы хабарлама немесе қауіпті техникалық құрылғыны есептен шығару туралы хабарлама не мемлекеттік қызмет көрсетуден дәлелді бас тарту |
6. | Мемлекеттік қызметті көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері | Тегін |
7. | Жұмыс графигі |
1) көрсетілетін қызметті беруші–Қазақстан Республикасының Еңбек кодексіне (бұдан әрі–Кодекс) сәйкес демалыс және мереке күндерін қоспағанда, белгіленген жұмыс графигіне сәйкес дүйсенбіден бастап сағат 9.00-ден 18.30-ға дейін демалыс және мереке күндерін қоспағанда, сағат 13.00-ден 14.30-ға дейін тамақтанады. |
8. | Мемлекеттік қызметті көрсету үшін қажетті құжаттар тізбесі |
Қауіпті техникалық құрылғыларды есепке қою үшін: |
9. | Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер |
1) көрсетілетін қызметті алушы мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау; |
10. | Өзге де талаптар мемлекеттік қызметті көрсету ерекшеліктері ескерілген |
Көрсетілетін қызметті алушының ЭЦҚ болған жағдайда Мемлекеттік көрсетілетін қызметті портал арқылы электрондық нысанда алуға мүмкіндігі бар. |
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 3-қосымша |
|
| Нысан |
[Жеке немесе заңды тұлғаның деректемелері (мекенжайы, жеке сәйкестендіру нөмірі / бизнес сәйкестендіру нөмірі, телефоны)]
| Басшыға | |
| [Мемлекеттік органның атауы] |
Өтініш нөмірі: [Нөмір]
Өтініш күні: [Күні]
Қауіпті техникалық құрылғыны есепке қою туралы ӨТІНІШ
_____________________________________________________________
(жеке немесе заңды тұлғаның атауы)
"Азаматтық қорғау туралы" Қазақстан Республикасы Заңының 77-бабын басшылыққа ала отырып, Сізден қоса берілген құжаттар тізбесін қарауды және есепке қоюды сұрайды:
_____________________________________________________________
(қауіпті техникалық құрылғының атауы, типі, түрі)
Зауыттық (сериялық) №_______________________________________
Дайындалған _______________________________________________
(дайындалған күні мен жылы, дайындаушы зауыттың атауы, елі)
Қосымша: [Мемлекеттік қызметті көрсету үшін қажетті құжаттар тізбесі]
Ақпараттық жүйелердегі заңмен қорғалатын құпияны құрайтын мәліметтерді пайдалануға келісемін.
Ұсынылған ақпараттың дұрыстығын растаймын және дұрыс емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын.
| ____________________________ | |
| [Тегі, аты, әкесінің аты (бар болса), электрондық цифрлық қолтаңба] |
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 4-қосымша |
|
| Нысан |
[Жеке немесе заңды тұлғаның деректемелері (мекенжайы, жеке сәйкестендіру нөмірі / бизнес сәйкестендіру нөмірі, телефоны)]
| Басшыға [Мемлекеттік органның атауы] |
Өтініш нөмірі: [Нөмір]
Өтініш күні: [Күні]
Қауіпті техникалық құрылғыны есептен шығару туралы ӨТІНІШ
_____________________________________________________________
(жеке немесе заңды тұлғаның атауы)
"Азаматтық қорғау туралы" Қазақстан Республикасы Заңының 77-бабын басшылыққа ала отырып, Сізден қоса берілген құжаттар тізбесін қарауды және есептен шығаруды сұрайды:
_______________________________________________________________
(есептен шығару себебі, қауіпті техникалық құрылғының атауы, типі, түрі)
Зауыттық (сериялық) №_______________________________________
Дайындалған _______________________________________________
(дайындалған күні мен жылы, дайындаушы зауыттың атауы, елі)
Қосымша: [Мемлекеттік қызметті көрсету үшін қажетті құжаттар тізбесі]
Ақпараттық жүйелердегі заңмен қорғалатын құпияны құрайтын мәліметтерді пайдалануға келісемін.
Ұсынылған ақпараттың дұрыстығын растаймын және дұрыс емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын.
| ____________________________ [Тегі, аты, әкесінің аты (бар болса), электрондық цифрлық қолтаңба] |
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 5-қосымша |
|
| Нысан |
[Мемлекеттік органның атауы] |
| [Наименование государственного органа] |
[Мемлекеттік органның деректемелері] | [Реквизиты государственного органа] | |
Күні: [Беру күні] | [Жеке немесе заңды тұлғаның атауы] | |
Нөмір: [Құжат нөмірі] | [Жеке немесе заңды тұлғаның деректемелері (мекенжайы,жеке сәйкестендіру нөмірі / бизнес сәйкестендіру нөмірі, телефоны)] |
ДӘЛЕЛДІ БАС ТАРТУ
[Мемлекеттік органның атауы], Сіздің [өтініш күні] жылғы № [өтініш нөмірі] өтінішіңізді және қоса берілген құжаттар тізбесін қарап, мынадай хабарлайды.
[Бас тарту негізі]
[Қол қоюшының лауазымы] | [Тегі, аты, әкесінің аты (бар болса), электрондық цифрлық қолтаңба] |
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 6-қосымша |
|
| Нысан |
[Мемлекеттік органның атауы] |
| [Наименование государственного органа] |
[Мемлекеттік органның деректемелері] | [Реквизиты государственного органа] | |
Нөмір: [Құжат нөмірі] | [Жеке немесе заңды тұлғаның атауы] | |
Өтініш нөмірі: [Нөмір] | [Жеке немесе заңды тұлғаның деректемелері (мекенжайы,жеке сәйкестендіру нөмірі / бизнес сәйкестендіру нөмірі, телефоны)] | |
Беру күні: [Күні] |
Қауіпті техникалық құрылғыны есепке қою туралы ХАБАРЛАМА
[Мемлекеттік органның атауы], "Азаматтық қорғау туралы" Қазақстан Республикасы Заңның 16 және 77-баптарына және өнеркәсіптік қауіпсіздік саласындағы Қазақстан Республикасы заңнамалық талаптарына сәйкес, қоса берілген құжаттар тізбесін ескере отырып, қауіпті техникалық құрылғы [Техникалық құрылғының атауы] [Зауыттық (сериялық) №] [Әзірлеу күні] [Зауыт-әзірлеушінің атауы] [Әзірлеуші ел] [Есепке қою күні] жылғы № [Нөмірінде] есепке қойылған.
Ескертпе: Қауіпті техникалық құрылғыны қосымшасымен бірге есепке қою туралы хабарламаны қауіпті техникалық құрылғыны есептен шығарғанға дейін пайдаланудың бүкіл кезеңі ішінде дайындаушы зауыттың паспортымен бірге иесі сақтайды.
[Қол қоюшының лауазымы] | [Тегі, аты, әкесінің аты (бар болса), электрондық цифрлық қолтаңба] |
| Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларына 7-қосымша |
|
| Нысан |
[Мемлекеттік органның атауы] |
| [Наименование государственного органа] |
[Мемлекеттік органның деректемелері] | [Реквизиты государственного органа] | |
Нөмір: [Құжат нөмірі] | [Наименование юридического лица] | |
Өтініш нөмірі: [Нөмір] | [Реквизиты физического или юридического лица (адрес, индивидуальный идентификационный номер/бизнес-идентификационный номер, телефон)] | |
Беру күні: [Күні] |
Қауіпті техникалық құрылғыны есептен шығару туралы ХАБАРЛАМА
[Мемлекеттік органның атауы], "Азаматтық қорғау туралы" Қазақстан Республикасы Заңның 16 және 77-баптарына және өнеркәсіптік қауіпсіздік саласындағы Қазақстан Республикасы заңнамалық талаптарына сәйкес, қоса берілген құжаттар тізбесін ескере отырып, қауіпті техникалық құрылғы [Техникалық құрылғының атауы] [Зауыттық (сериялық) №] [Әзірлеу күні] [Зауыт-әзірлеушінің атауы] [Әзірлеуші ел] [Есепке қою күні] жылғы № [Нөмірінде] есептен шығарылған.
Ескертпе: Қауіпті техникалық құрылғыны қосымшасымен бірге есепке қою туралы хабарламаны қауіпті техникалық құрылғыны есептен шығарғанға дейін пайдаланудың бүкіл кезеңі ішінде дайындаушы зауыттың паспортымен бірге иесі сақтайды.
[Қол қоюшының лауазымы] | [Тегі, аты, әкесінің аты (бар болса), электрондық цифрлық қолтаңба] |
