БҰЙЫРАМЫН:
1. "Инвестицияларды салық кредитін алу үшін инвестициялық салық кредиті туралы келісім жасасу қағидаларын бекіту туралы" Қазақстан Республикасы Сыртқы істер министрінің 2021 жылғы 26 наурыздағы № 11-1-4/106 бұйрығына (нормативтік құқықтық актілерді мемлекеттік тіркеу тізілімінде № 22396 болып тіркелген) мынадай өзгерістер енгізілсін:
көрсетілген бұйрықпен бекітілген инвестициялық салық кредитін алу үшін инвестициялық салық кредиті туралы келісім жасасу қағидаларында (бұдан әрі – Қағидалар):
1-тармақ мынадай редакцияда жазылсын:
"1. Осы инвестициялық салық кредитін үшін инвестициялық салық кредиті туралы келісім жасасу қағидалары (бұдан әрі – Қағидалар) "Салық және бюджетке төленетін басқа да міндетті төлемдер туралы (Салық Кодексі)" Қазақстан Республикасының Кодексінің 50-бабының 3-тармағына сәйкес әзірленді.";
5-тармақ мынадай редакцияда жазылсын:
"5. Мемлекеттік кіріс органы өтініш берушіден алынған құжаттарды 5 (бес) жұмыс күні ішінде қарастырады.
Өтініш беруші жұмыс уақыты аяқталғаннан кейін, Қазақстан Республикасының Еңбек кодексіне сәйкес демалыс және мереке күндері жүгінген жағдайда, өтінішті қабылдау келесі жұмыс күні жүзеге асырылады.";
көрсетілген Қағидаларға қосымшаға сәйкес Инвестициялық салық кредиті туралы үлгілік келісімде:
"Нұр-Сұлтан қаласы
__________________
(саны, айы, жылы)" деген жол мынадай редакцияда жазылсын:
"Астана қаласы
________________
(күні, айы, жылы)";
30-тармақ мынадай редакцияда жазылсын:
"30. Келісімге Қазақстан Республикасының Астана қаласында __ _____ __ күні Тараптардың уәкілетті өкілдері қол қойды.";
Инвестициялық салық кредиті туралы үлгілік келісімге қосымша осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Сыртқы істер министрлігінің Инвестиция комитеті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Сыртқы істер министрлігінің интернет-ресурсында орналастырылуын;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтердің Қазақстан Республикасы Сыртқы істер министрлігінің Заң қызметі департаментіне жіберілуін қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Сыртқы істер министрінің орынбасарына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Сыртқы істер министрі |
М. Тілеуберді |
"КЕЛІСІЛДІ"
Қазақстан Республикасының
Қаржы министрлігі
"КЕЛІСІЛДІ"
Қазақстан Республикасының
Ұлттық экономика министрлігі
| Қазақстан Республикасы Сыртқы істер министрінің 2023 жылғы 13 наурыздағы № 11-1-4/106 бұйрығына қосымша |
|
| Инвестициялық салық кредиті туралы үлгілік келісімге қосымша |
Салық төлеуші | Мемлекеттік кірістер органы |
Уәкілетті лауазымды тұлғаның тегі, аты, әкесінің аты (бар болса) және қолы | Уәкілетті лауазымды тұлғаның тегі, аты, әкесінің аты (бар болса) және қолы |
Мөр (бар болған жағдайда) | Мөр |
Төлем кестесі
________ бастап ________ дейінгі кезеңде корпоративтік табыс салығы бойынша жинақталған кредиттің жалпы сомасы ____________ теңгені құрайды (жазбаша).
________ бастап ________ дейінгі мүлік салығы бойынша жинақталған кредиттің жалпы сомасы ____________ теңгені құрайды (жазбаша).
Корпоративтік табыс салығы бойынша инвестициялық салық кредитін төлеудің соңғы мерзімі: "__"________20__ ж.
Мүлік салығы бойынша инвестициялық салық кредитін төлеудің соңғы мерзімі: "__"________________ 20__ж.
Төлем күні | КБК | Берешек сомасы | Өтеуге қалдық |
1 | 2 | 3 | 4 |
Өтініш беруші: қолы және мөрі (бар болған жағдайда)
Мемлекеттік кірістер органы (жазу керек): қолы және мөрі
