Алматы қаласының 2023 жылға арналған бюджет қаражатының көлемдері шегінде мүмкіндігі шектеулі балаларды арнаулы психологиялық-педагогикалық қолдауға мемлекеттік білім беру тапсырысын бекіту туралы

Алматы қаласы әкімдігінің 2023 жылғы 16 маусымдағы № 2/348 қаулысы. Алматы қаласы Әділет департаментінде 2023 жылғы 23 маусымда № 1725 болып тіркелді

Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 37 бабына, Қазақстан Республикасының "Білім туралы" Заңының 6 бабы 3 тармағының 7-5) тармақшасына және 62 бабының 6-3 тармағына сәйкес Алматы қаласының әкімдігі ҚАУЛЫ ЕТЕДІ:

1. Осы қаулының қосымшасына сәйкес Алматы қаласының 2023 жылға арналған бюджет қаражатының көлемдері шегінде мүмкіндігі шектеулі балаларды арнаулы психологиялық-педагогикалық қолдауға мемлекеттік білім беру тапсырысы бекітілсін.

2. "Алматы қаласы Білім басқармасы" коммуналдық мемлекеттік мекемесі заңнамамен белгіленген тәртіпте:

1) осы қаулыны Алматы қаласының әділет органдарында мемлекеттік тіркеуді;

2) осы қаулыны Алматы қаласы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау Алматы қаласы әкімінің жетекшілік ететін орынбасарына жүктелсін.

4. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Алматы қаласының әкімі

Е. Досаев

Алматы қаласы әкімдігінің 2023 жылғы 16 маусымдағы № 2/348 Қаулысына қосымша

2023 жылға арналған Алматы қаласының мүмкіндігі шектеулі балаларды
арнаулы психологиялық-педагогикалық қолдауға белгіленген мемлекеттік
білім беру тапсырысы

Мамандар	Жеке сабақтар (1 сағат, теңге)	Кіші топтық сабақтар (1 сағат, теңге)	Топтық сабақтар (1 сағат, теңге)
Психолог	7216	2548	1214
Логопед	7619	2682	1272
Дефектолог	7755	2728	1291
Тифлопедагог	7729	2719	1288
Олигофренопедагог	7917	2782	1314
Сурдопедагог	7593	2674	1268
ЕДШ нұсқаушысы	7212	2593	1273