Ескерту. Күші жойылды - ҚР Ұлттық Банкі Басқармасының 2010.11.01 № 88 Қаулысымен.
Банк операцияларының жекелеген түрлерін жүзеге асыратын уәкілетті ұйымдардың құрылтай құжаттарын Қазақстан Республикасы Ұлттық Банкінің нормативтік құқықтық актілеріне сәйкес келтіру мақсатында Қазақстан Республикасы Ұлттық Банкінің Басқармасы қаулы етеді:
1. Қазақстан Республикасы Ұлттық Банкі Басқармасының "Қазақстан Республикасында қолма-қол шетел валютасымен айырбастау операцияларын ұйымдастыру туралы нұсқаулыққа өзгерістер мен толықтыруларды бекіту туралы" 1999 жылғы 19 ақпандағы N 17 қаулысына мынадай өзгеріс енгізілсін:
4-тармақтағы "1999 жылғы 30 қарашаға дейін" деген сөздер "2000 жылғы 1 сәуірге дейін" деген сөздермен ауыстырылсын.
2. Осы қаулы 1999 жылғы 1 желтоқсаннан бастап күшіне енгізілсін.
3. Валюталық реттеу және бақылау басқармасы (Қасымжанова Г.З.):
1) Заң департаментімен (Шәріпов С.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қабылдасын;
2) осы қаулыны Ұлттық Банкінің облыстық филиалдарына жіберсін.
4. Осы қаулының орындалуына бақылау жасау Қазақстан Республикасының Ұлттық Банкі Төрағасының орынбасары М.Т.Құдышевке жүктелсін.
Ұлттық Банк
Төрағасы
Оқығандар:
Багарова Ж.А.
Икебаева А.Ж.
