1) кiрiспесiнде:
"оңалтуға бағытталған арнаулы рәсiмдер" деген сөздер "оңалтудың арнаулы рәсiмдерiн" деген сөздермен ауыстырылсын;
"тартудың" деген сөзден кейiн "сондай-ақ соттан тыс тарату рәсiмiнiң" деген сөздермен толықтырылсын;
2) 1-бапта:
екiншi азатжолда:
"талаптарды" деген сөзден кейiн "және өмiр мен денсаулыққа келтiрiлген зиянды өтеудi" деген сөздермен толықтырылсын;
"өзiне тиесiлi мүлiк есебiнен" деген сөздер алып тасталсын;
үшiншi азатжол "банкроттық рәсiмiнiң" деген сөздерден кейiн "немесе соттан тыс тарату рәсiмiнiң" деген сөздермен толықтырылсын;
бесiншi азатжолда:
қазақша мәтiнi дұрыс, өзгертудiң қажетi жоқ;
"өзiнiң банкроттығы туралы ресми түрде жариялау жолымен несие берушiлермен келiсе отырып" деген сөздер "несие берушiлердiң бақылауымен" деген сөздермен ауыстырылсын;
жетiншi азатжолдағы "немесе несие берушiлермен келiсiм бойынша соттан тыс тәртiппен ресми жарияланған" деген сөздер алып тасталсын;
сегiзiншi азатжолдағы "немесе несие берушiлермен келiсiм бойынша соттан тыс тәртiппен борышкер деп ресми түрде жарияланған" деген сөздер алып тасталсын;
тоғызыншы азатжол мынадай редакцияда жазылсын:
"соттан тыс тарату рәсiмi - борышкердiң несие берушiлердiң бақылауымен оны ерiктi түрде тарату туралы несие берушiлермен келiсiмге қол жеткiзу жолымен дәрменсiз борышкердiң борыштарын соттан тыс тәртiппен реттеу рәсiмi;";
он төртiншi азатжолдағы "және конкурстық жиынтықтан қанағаттандыруды артықшылығы бар және кепiлдiктi несие берушiлердiң талаптарын қанағаттандырғаннан кейiн алатын" деген сөздер алып тасталсын;
он жетiншi азатжол мынадай редакцияда жазылсын:
"конкурс жүргiзу - несие берушiлердiң талаптарын қанағаттандыру және банкротты (дәрменсiз борышкердi) борыштардан бос деп жариялау мақсатымен жүзеге асырылатын рәсiм";
жиырма екiншi азатжолдағы "не соттан тыс рәсiм" деген сөздер "рәсiмi" деген сөзбен ауыстырылсын.
жиырма бесiншi азатжолдағы "сот тәртiбiмен не соттан тыс тәртiппен жүзеге асырылатын" деген сөздер алып тасталып, "борышкер мүлкiнiң иесi (ол уәкiлеттiк берген орган), несие берушiлер немесе өзге адамдар" деген сөздер "борышкер мүлкi иесiнiң (ол уәкiлеттiк берген органның) несие берушiлердiң немесе өзге адамдардың" деген сөздермен, "көмек көрсететiн" деген сөздер "көмек көрсетуi" деген сөздермен, "iске асыратын кездегi" деген сөздер "iске асыруы барысындағы" деген сөздермен ауыстырылсын.
жиырма алтыншы және жиырма жетiншi азатжолдар мынадай редакцияда жазылсын:
"әдейi банкроттық - борышкер мүлкi иесiнiң немесе борышкер - заңды тұлға органдарының жеке мүдделерiн немесе өзге тұлғалардың мүдделерiн көздеп борышкердi төлем қабiлетсiздiгiне қасақана душар етуi;
жалған банкроттық - несие берушiлердiң талаптарын толық көлемiнде қанағаттандыратын мүмкiндiгi бола тұрып, несие берушiлерге тиесiлi төлемдердi кейiнге қалдыру немесе бөлiп-бөлiп төлеу немесе борыштарға шегерiм алу үшiн несие берушiлердi жаңылыстыру мақсатында борышкер органының немесе оның мүлкi иесiнiң сотқа немесе уәкiлеттi органға өзiн банкрот деп тану туралы көрiнеу жалған өтiнiш жасауы";
оныншы, он бiрiншi, он сегiзiншi және жиырмасыншы азатжолдар алып тасталсын;
мынадай мазмұндағы азатжолдармен толықтырылсын:
"уәкiлеттi орган - банкроттық рәсiмдерiнде және соттан тыс тарату рәсiмiнде бюджетке және бюджеттен тыс қорларға мiндеттi төлемдер бойынша несие берушiлердiң мүдделерiн бiлдiруге, сондай-ақ соттан тыс тарату рәсiмiне бастамашылық жасауға Үкiмет, жергiлiктi атқарушы органдар белгiлеген уәкiлеттi орган;
дауыс беретiн несие берушiлер - уәкiлеттi орган арқылы банкроттық рәсiмдерiне және соттан тыс тарату рәсiмiне қатысатын, бюджетке және бюджеттен тыс қорларға мiндеттi төлемдер бойынша несие берушiлер және конкурстық несие берушiлер;
дауыс бермейтiн несие берушiлер - несие берушiлердiң барлық басқа санаттары;
әкiмшiлiк шығыстар - сырттан таратылатын және мамандандырылған ұйымдардың көрсететiн қызметiне ақы төлеу жөнiндегi шығыстарды, оңалтуды және конкурстық басқарушылардың сыйақы сомасын қоса алғанда, банкроттық рәсiмдерiне, оңалту рәсiмiне және соттан тыс тарату рәсiмiне бастамашылық жасау мен оларды өткiзуге байланысты барлық шығыстар";
3) мынадай мазмұндағы 1-1-баппен толықтырылсын:
"1-1-бап. Банкроттық туралы заңдар
Банкроттық туралы заңдар Қазақстан Республикасының Конституциясына негiзделедi және осы Заң мен Қазақстан Республикасының өзге де нормативтiк құқықтық актiлерiнен тұрады.";
4) 2-бапта:
1-тармақтың екiншi бөлiгi мынадай редакцияда жазылсын:
"Ұйымдық құқықтық нысанына қарамастан, ауыл шаруашылық ұйымдарына қатысты банкроттық рәсiмдерiнiң ерекшелiктерi заң актiлерiмен белгiленуi мүмкiн. Осы Заңда көзделген банкроттық рәсiмдерiн үздiксiз өндiрiс циклы бар ұйымдарға қатысты қолдану ерекшелiктерi заңдармен белгiленуi мүмкiн.";
2-тармақта "арнаулы заңдармен" деген сөздер "заң актiлерiмен" деген сөздермен ауыстырылсын;
мынадай мазмұндағы 4-тармақпен толықтырылсын:
"4. Республиканың экономикасы үшiн маңызды стратегиялық мәнi бар, азаматтардың өмiрiне, денсаулығына, ұлттық қауiпсiздiкке немесе қоршаған ортаға ықпал ете алатын ұйымдар банкрот болған, сондай-ақ мемлекеттiң бастамашылығымен банкрот деп танылған жағдайда Қазақстан Республикасының Үкiметi конкурстық жиынтықты сатудың ерекше шарттары мен тәртiбiн және конкурстық жиынтық объектiлерiн сатып алушыларға қосымша талаптар белгiлеуге құқылы.";
5) 3-бапта:
1-тармақ мынадай редакцияда жазылсын:
"1. Банкроттықты борышкердiң сотқа берген өтiнiшi негiзiнде сот белгiлейдi.";
4-тармақтағы "ең төменгi жүз елу жалақыдан" деген сөздер "жүз елу айлық есептiк көрсеткiштен" деген сөздермен ауыстырылсын;
5-тармақта:
"таратылуы мүмкiн" деген сөздер "таратылуға тиiс" деген сөздермен ауыстырылсын;
"осы Заңның 7 және 8-тарауларында" деген сөздер "осы Заңда" деген сөздермен ауыстырылсын;
7-тармақта:
"немесе соттан тыс тәртiппен" деген сөздер "не соттан тыс тарату рәсiмдерiн өткiзумен" деген сөздермен ауыстырылсын;
мынадай мазмұндағы бөлiкпен толықтырылсын:
"Дәрменсiздiк фактiсiн анықтау кезiнде борышкердiң орындау мерзiмi жеткен, сондай-ақ орындауға қабылданған және (немесе) орындалып жатқан мiндеттемелерi ескерiлуге тиiс.";
6) 4-бапта:
баптың атауы "қолдану" деген сөзден кейiн "және соттан тыс тарату рәсiмiн өткiзу" деген сөздермен толықтырылсын;
1-тармақтың бiрiншi бөлiгi мынадай редакцияда жазылсын:
"1. Несие берушiнiң борышкердi банкрот деп тану туралы сотқа не соттан тыс тарату рәсiмдерiн өткiзу туралы уәкiлеттi органға арыз берiп өтiнiш жасауына борышкердiң төлем қабiлетсiздiгi негiз болып табылады.";
2-тармақ мынадай редакцияда жазылсын:
"2. Борышкердiң өзiн банкрот деп тану туралы сотқа не соттан тыс тарату рәсiмдерiн өткiзу туралы уәкiлеттi органға арыз берiп өтiнiш жасауына оның дәрменсiздiгi негiз болып табылады.";
3-тармақ алып тасталсын;
7) 5-бапта:
атауындағы "Қасақана" деген сөз "Әдейi" деген сөзбен ауыстырылсын;
1-тармақтың бiрiншi бөлiгiндегi "қасақана" деген сөз "әдейi" деген сөзбен ауыстырылсын;
2-тармақтағы "не борышкер", "берсе", "соттан тыс тәртiп бойынша несие берушiлердiң келiсуiмен өз банкроттығы туралы ресми түрде жарияласа" деген сөздер алып тасталып, "болған кезде" деген сөздерден кейiн "берсе" деген сөзбен толықтырылсын.
8) 6-бапта:
баптың атауындағы "борышкердi банкрот деп танылғанға дейiн оның жасаған" деген сөздер алып тасталып, "борышкердiң" деген сөзбен ауыстырылсын;
1-тармақта:
бiрiншi азатжол мынадай редакцияда жазылсын:
"1. Борышкердiң өзiн банкрот деп танылғанға дейiн не соттан тыс тарату рәсiмiн өткiзу туралы шешiм қабылданғанға дейiн жасаған мәмiлелерi мынадай жағдайларда:";
1) тармақша мынадай редакцияда жазылсын:
"1) азаматтық заңдарда көзделген негiздер болғанда;";
2) тармақшада:
"әкiмшiнiң," деген сөз алып тасталсын;
"банкроттық туралы iс қозғалғаннан" деген сөздерден кейiн "не соттан тыс тарату рәсiмiн өткiзу туралы шешiм қабылдағаннан" деген сөздермен толықтырылсын;
3) тармақшадағы "көзделген өзге де негiздер бойынша жарамсыз деп танылуы мүмкiн." деген сөздер "көзделген өзге негiздер болған кезде жарамсыз деп танылуға тиiс" деген сөздермен ауыстырылсын;
2-тармақта:
"әкiмшi," деген сөз алып тасталсын;
"соның iшiнде жалға" деген сөздерден кейiн үтiр қойылып, "немесе бұдан бұрын жасалған мәмiлелердiң орындалуын қамтамасыз етуге" деген сөздермен толықтырылсын;
"несие берушiлермен бiрге тарату, не соттан тыс тәртiппен оңалту рәсiмiн қолдану туралы шешiм қабылдағанға" деген сөздер "соттан тыс тарату рәсiмiнiң бастамасына" деген сөздермен ауыстырылсын;
3-тармақта "банкроттық туралы iстi қозғағанға немесе тарату не оңалту рәсiмiн қолдану туралы шешiм қабылдағанға дейiн төрт айға дейiнгi" деген сөздер "банкроттық туралы iстi қозғағанға немесе соттан тыс тарату рәсiмiнiң бастамасына дейiнгi бiр жылға дейiнгi" деген сөздермен ауыстырылсын;
4-тармақта:
"қызметшi (қызметкер), шаруашылық серiктестiгiне қатысушы, дәрменсiз борышкердiң басшысына" деген сөздер " , не соттан тыс тарату рәсiмiн бастап, шаруашылық серiктестiктерiнiң қызметшiлерiне (қызметкерлерiне), қатысушыларына, дәрменсiз борышкердiң басшысына" деген сөздермен ауыстырылсын;
мынадай мазмұндағы бөлiкпен толықтырылсын:
"Осы тармақта белгiленген мүлiктi талап ету туралы ережелер мүлiктi жұбайына, тiкелей өзiнен тарайтын және шыққан тегi бойынша туыстарына беру жағдайларына да қолданылады.";
мынадай мазмұндағы 5 және 6-тармақтармен толықтырылсын:
"5. Өз өкiлеттiктерiн жүзеге асырған кезде оңалтуды немесе конкурсты басқарушы осы бапта көзделгендерден басқа, заң актiлерiнде көзделген негiздер бойынша борышкердiң мүлкiн үшiншi тұлғалардан талап ету туралы, борышкер жасасқан шарттарды бұзу туралы талап қоюға және азаматтық заңдарда көзделген, борышкердiң мүлкiн қайтаруға бағытталған өзге де әрекеттер жасауға құқылы".
6. Мүлiктiң жоғалуына, бүлiнуiне не оны кейiннен үшiншi тұлғалардың адал жолмен сатып алуына байланысты осы бапта көзделген жағдайларда мүлiктi талап ету мүмкiн болмаған кезде талап етiлетiн мүлiктiң бастапқы сатып алушылары борышкердiң алдында осыған байланысты туындаған зиянды жоғалған, бүлiнген не үшiншi тұлғалар адал жолмен сатып алған мүлiктiң құны шегiнде өтеу жөнiнде жауапты болады.";
9) 7-баптың 1-тармағындағы "Әкiмшi, сондай-ақ" деген сөздер алып тасталсын;
10) 9-бапта:
баптың атауындағы "Әкiмшi," деген сөз алып тасталсын;
1-тармақ мынадай редакцияда жазылсын:
"1. Оңалту рәсiмiн, конкурстық iстi (таратуды) жүргiзу не соттан тыс тарату рәсiмiн өткiзу кезеңiнде банкроттық рәсiмдерiн, оңалту рәсiмiн және соттан тыс тарату рәсiмiн жүзеге асыру мақсаттарына қол жеткiзу үшiн дәрменсiз борышкердiң барлық органдары оны басқарудан шеттетiледi және борышкердiң мүлкi мен iстерiн басқару мiндеттерi оңалтуды не конкурсты басқарушыға (таратушыға) берiледi.
Оңалтуды және конкурсты басқарушы (таратушы) борышкердi
басқарудың бiрден-бiр уәкiлеттi органы ретiнде әрекет етедi.";
2-тармақтағы "Әкiмшiнi," және " , ал егер ол құрылмаса - несие
берушiлердiң жиналысы уәкiлдiк берген адам" деген сөздер алып
тасталсын;
3-тармақ мынадай редакцияда жазылсын:
"3. Оңалтуды, конкурсты басқарушы болып осындай қызметтi жүзеге
асыруға уәкiлеттi орган беретiн лицензиясы бар жеке немесе заңды
тұлға тағайындалады.";
4-тармақта:
"әкiмшi," деген сөз алып тасталсын;
мынадай мазмұндағы 5) тармақшамен толықтырылсын:
"5) жұбайы, тiкелей өзiнен тараған және шыққан тегi бойынша
туыстары, сондай-ақ осы тармақтың 1) тармақшасында аталған
адамдардың туған аға-iнiлерi мен апа-сiңлiлерi.";
5-тармақта "Әкiмшi," деген сөз алып тасталсын;
11) 10-бапта:
1-тармақ "банкроттық рәсiмдерiне" деген сөздерден кейiн "және
борышкердi соттан тыс тарату рәсiмiне" деген сөздермен толықтырылсын;
2-тармақта:
"(осы Заңның 32-бабының 1-тармағы)" деген сөздер алып тасталсын;
мынадай мазмұндағы бөлiкпен толықтырылсын:
"Мыналар:
1) борышкерден ақша сомаларын өндiрiп алу туралы соттың шешiмi немесе күшiне енгiзiлген атқарушы құжаттар барларға қатысты;
2) борышкер мойындаған не ол өзiне қойылған талаптар бойынша белгiленген мерзiмде қарсылығын мәлiмдемеген талаптар даусыз болып табылады.";
3-тармақта:
"Банкроттық рәсiмдерiн" деген сөздерден кейiн "немесе соттан тыс тарату рәсiмiн" деген сөздермен толықтырылсын;
"әкiмшi," деген сөз алып тасталсын;
4-тармақ мынадай редакцияда жазылсын:
"4. Несие берушiлердiң талаптарын тiзiлiмге енгiзу не олардың талаптарының көлемi туралы несие берушiлер мен оңалтуды немесе конкурсты басқарушылар арасында туындайтын келiспеушiлiктердi тиiстi несие берушiнiң арызы бойынша банкроттықтың сот рәсiмi
кезiнде - сот не соттан тыс тарату өткiзу кезiнде несие берушiлер
комитетi қарайды.
Мұндай жағдайда соттың ұйғарымы не несие берушiлер комитетiнiң
шешiмi талапты тiзiлiмге енгiзу үшiн негiз болып табылады.
Несие берушiлер комитетiнiң шешiмiне сот тәртiбiмен шағым
жасалуы мүмкiн.";
12) 2-тараудың атауындағы "жиналысы мен" деген сөздер алып
тасталып, "берушiлердiң" деген сөз "берушiлер" деген сөзбен
ауыстырылсын;
13) 11, 12, 13 және 14-баптар мынадай редакцияда жазылсын:
"11-бап. Несие берушiлер комитетiн құру
1. Банкроттық рәсiмдерiнде, оңалту рәсiмiнде және соттан тыс
тарату рәсiмiнде несие берушiлердiң мүдделерiн қамтамасыз ету және
олардың қатысуымен шешiмдер қабылдау мақсатында несие берушiлер
комитетi құрылады.
Несие берушiлер комитетiнiң құрылуы:
1) банкроттық рәсiмi кезiнде осы заңның 70-бабымен;
2) оңалту рәсiмi кезiнде осы заңның 43-бабымен;
3) соттан тыс тарату рәсiмi кезiнде осы Заңның 97-бабымен
реттеледi.
2. Несие берушiлер комитетiнiң құрамына борышкерге ең көп сомада талап қойған конкурстық несие берушiлер, сондай-ақ уәкiлеттi органның өкiлi кiредi.
3. Несие берушiлер комитетi мүшелерi жетi адамнан аспайтын тақ санынан тұрады.
4. Несие берушi несие берушiлер комитетiнiң мүшесi ретiнде банкроттық рәсiмдерiне, оңалту рәсiмiне не соттан тыс тарату рәсiмiне қатысудан бас тартуға құқылы.
5. Құрылған және бекiтiлген несие берушiлер комитетiнiң құрамына осы баптың 2 және 3-тармақтарының талаптары ескерiле отырып, конкурстық несие берушiлер арасынан жаңа мүшелер енгiзiлуi мүмкiн.
12-бап. Несие берушiлер комитетiнiң отырыстары
1. Несие берушiлер комитетiнiң бiрiншi отырысы несие берушiлер комитетiнiң құрамы бекiтiлген күннен бастап он күннен аспайтын мерзiмде өткiзiлуге тиiс.
2. Несие берушiлер комитетi бiрiншi отырысында:
1) дауысқа қою рәсiмiнде дауыстар тең болған жағдайда шешушi дауыс құқығы берiлетiн комитет төрағасын сайлауға;
2) соттан тыс тарату рәсiмiн өткiзу кезiнде оңалтуды басқарушының кандидатурасын бекiтуге, конкурстық басқарушының кандидатурасын тағайындауға;
3) негiзгi және қосымша сыйақының мөлшерiн және оны оңалту немесе конкурстық басқарушыға төлеудiң тәртiбiн белгiлеуге мiндеттi.
3. Несие берушiлер комитетiнiң бұдан кейiнгi отырыстары комитет белгiлейтiн тәртiппен және мерзiмде шақырылады.
13-бап. Несие берушiлер комитетiнiң өкiлеттiгi
Несие берушiлер комитетi:
оңалту рәсiмiн жүргiзу, ұзарту немесе тоқтату туралы сот алдында өтiнiш жасауға;
сотқа оңалтуды басқарушының кандидатурасын ұсынуға, соттан тыс тарату рәсiмiн жүргiзу кезiнде конкурстық басқарушының кандидатурасын тағайындауға;
оңалтуды немесе конкурстық басқарушының iс-әрекеттерiн бақылауды жүзеге асыру үшiн несие берушiлер комитетi мүшелерiнiң арасынан несие берушiлердiң өкiлiн сайлауға;
осы Заңда белгiленген талаптарға сәйкес оңалтуды немесе конкурстық басқарушыға төленетiн негiзгi және қосымша төлемнiң мөлшерiн белгiлеуге;
оңалтуды немесе конкурстық басқарушыдан борышкердiң қаржы жағдайы және банкроттық рәсiмiн, оңалту рәсiмiн және соттан тыс тарату рәсiмiн жүзеге асыру барысы туралы ақпарат берудi талап етуге;
оңалтуды немесе конкурстық басқарушының iс-әрекетiне сотқа
шағымдануға, сондай-ақ оларды атқаратын мiндеттерiнен шеттету туралы
өтiнiшпен сотқа жүгiну жөнiнде шешiм қабылдауға;
борышкердiң өндiрiп алынуы мүмкiн емес дебиторлық
берешектерiнiң көлемiн бекiтуге;
конкурстық басқарушы ұсынған конкурстық жиынтықты iске асыру
жоспарын бекiтуге;
осы Заңда көзделген өзге де құқықтарды иеленуге құқылы.
14-бап. Несие берушiлер комитетiнiң шешiм қабылдауы
1. Комитеттiң барлық мүшелерi немесе олардың сенiм бiлдiрген
адамдары қатысқан жағдайда несие берушiлер комитетiнiң отырысы заңды
болады.
2. Несие берушiлер комитетiнiң отырысы хаттамамен ресiмделедi.
3. Несие берушiлер комитетiнiң шешiмi "бiр комитет мүшесi - бiр
дауыс" деген принцип бойынша жалпы дауыс санының жай көпшiлiк
даусымен қабылданады.
4. Борышкердiң басқа барлық несие берушiлерiнiң несие берушiлер
комитетiнiң отырысына кеңесшi дауыс құқығымен қатысуға құқығы бар.";
14) 15-бапта:
1-тармақта:
"осыған", "мемлекеттiк" деген сөздер алып тасталсын;
"белгiлер" деген сөз "негiздер" деген сөзбен ауыстырылсын;
2-тармақтағы "өзге уәкiлеттi мемлекеттiк органдар" деген сөздер
"өзге уәкiлеттi орган" деген сөздермен ауыстырылсын;
15) 16-бапта:
6) тармақша мынадай редакцияда жазылсын:
"6) уәкiлеттi орган;";
7) тармақшаның қазақша мәтiнi дұрыс, өзгертудiң қажетi жоқ.
16) 17-бапта:
2-тармақта:
"жүгiне алады" деген сөздер "жүгiнуге мiндеттi" деген сөздермен
ауыстырылсын;
"сотқа" деген сөздерден кейiн "немесе уәкiлеттi органға" деген
сөздермен толықтырылсын;
"және борышкердi соттан тыс тәртiппен банкрот деп ресми түрде жариялау туралы несие берушiлермен келiсiмге қол жетпеген" деген сөздер алып тасталсын;
17) 18-бапта:
2-тармақтың 8) тармақшасында "кепiлге берiлген" деген сөздердiң алдына "жалдаудағы және лизингтегi" деген сөздер жазылсын;
3-тармақ алып тасталсын;
18) 19-баптың 1-тармағының 2) тармақшасы алып тасталсын;
19) 20-бап мынадай мазмұндағы 4-тармақпен толықтырылсын:
"4. Сот тәртiбiмен дебиторлық берешектi өндiрiп алу кезiнде алынатын мемлекеттiк бажды төлеуге қажеттi ақша қаражаты болмаған жағдайда конкурстық немесе оңалтуды басқарушының өтiнiшi бойынша сот дебиторлық берешектi өтеу шотына ақша қаражаты келiп түскенге дейiн мемлекеттiк бажды төлеудi кейiнге қалдыруға мұрсат бередi.";
20) 22-бапта:
3-тармақтың 10) тармақшасындағы "және, егер банкроттық туралы iстi қарауға қажет болса, сондай-ақ несие берушiде бар өзге де мәлiметтер" деген сөздер алып тасталып, "айғағы" деген сөзден кейiн нүктелi үтiр қойылсын;
мынадай мазмұндағы 11) тармақшамен толықтырылсын:
"11) егер банкроттық туралы iстi қарау үшiн қажет болса, өзге де мәлiметтер.";
21) 25-бапта:
баптың атауындағы "өзге де" және "мемлекеттiк" деген сөздер алып тасталсын;
1-тармақтағы "өзге" деген сөз алып тасталсын;
22) 27-бап мынадай редакцияда жазылсын:
"27-бап. Банкроттық туралы iс бойынша iс қозғау
1. Борышкердi банкрот деп тану туралы заңдарда белгiленген талаптарға сәйкес келетiн өтiнiштi ала отырып, сот өтiнiш түскеннен кейiн бес күннен кешiктiрмей iс қозғау туралы ұйғарым шығарады.
2. сот банкроттық туралы iс қозғау жөнiндегi ұйғарымның көшiрмесiн борышкерге және арыз берушiге жiбередi.";
23) 28-бап мынадай редакцияда жазылсын:
"28-бап Банкроттық туралы iс бойынша iс қозғаудың салдары
1. Банкроттық туралы iс бойынша iс қозғалған кезден бастап:
1) борышкер мүлкiнiң иесi (ол уәкiлдiк берген орган), құрылтайшылары (қатысушылары), заңды тұлғаның барлық органдары борышкердiң мүлкiн билеу құқығынан айырылады;
2) моральдық зиянды өтеу туралы талаптарды қоспағанда, өмiрiне немесе денсаулығына зиян келтiргенi үшiн борышкер жауап беретiн азаматтарға төлемдердi қоспағанда, соттардың, аралық соттардың бұрын қабылдаған шешiмдерiн орындау тоқтатыла тұрады;
3) несие берушiлердiң борышкерге қоятын кез келген талаптары осы Заңда көзделген банкроттық рәсiмдерi шегiнде ғана қойылуы мүмкiн;
4) несие берушiлердiң, салық және өзге де уәкiлеттi органдардың талаптары, соның iшiнде даусыз (акцептсiз) тәртiппен қанағаттандырылуға тиiстi талаптары бойынша борышкердiң банк шотынан ақша өндiрiп алуға, сондай-ақ борышкердiң мүлкiнен өндiрiп алуға жол берiлмейдi;
5) борышкердiң лауазымды адамдарына өздерiне тиесiлi акцияларды, борышкердiң мүлкiндегi үлесiн иелiктен айыруға тыйым салынады.
2. Сот бес күн iшiнде банкроттық туралы iс бойынша iс қозғалғандығы жөнiнде хабарландыруды орталық әдiлет органының ресми шығарылатын баспасөз басылымдарында жариялауға мiндеттi.
Хабарландыруды жариялау банкроттықты тану туралы өтiнiш берген тұлғаның қаражаты есебiнен жүзеге асырылады, ол осы Заңның 40-бабында белгiленген тәртiппен өтелуге тиiс.";
24) 29-бап мынадай редакцияда жазылсын:
"29-бап. Несие берушiнiң, уәкiлеттi органның немесе
прокурордың мәлiмдемесiне борышкердiң жауабы
1. Борышкер соттың банкроттық туралы iс қозғау жөнiндегi ұйғарымының көшiрмесiн алған күннен бастап он күн мерзiм iшiнде сотқа несие берушiнiң, уәкiлеттi органның немесе прокурордың мәлiмдемесiне жауап қайтаруға мiндеттi.
2. Жауапта:
1) жауап жiберiлiп отырған соттың атауы;
2) мәлiмдеушiнiң атауы, мәлiмдеменiң нөмiрi мен күнi;
3) борышкердiң мәлiмдеушi талабына қарсылықтары;
4) өзге несие берушiлер алдындағы мiндеттемелер, борышкер қызметкерлерiнiң еңбегiне ақы төлеу, бюджетке және бюджеттен тыс қорларға мiндеттi төлемдер жөнiндегi берешектiң жалпы сомасы;
5) борышкердiң қолында бар мүлiк, оның iшiнде кепiлге берiлген, жалдаудағы немесе лизингтегi мүлiк туралы, банктер шоттарындағы ақша туралы мәлiметтер, шоттардың нөмiрлерi және банктердiң пошталық мекен-жайы;
6) борышкер мойындаған жағдайда мәлiмдеушi талаптарының қанағаттандырылғанына айғақтар.
3. Борышкердiң жауабына борышкердiң:
1) орындау мерзiмi жеткен борыштық мiндеттемелерiн орындауға;
2) орындау мерзiмi борышкердi банкрот деп тану туралы арыз берiлген кезден бастап үш айдың iшiнде келетiн борыштық мiндеттемелерiн орындауға қабiлеттi екенiн растайтын құжаттары қоса берiлуге тиiс.
4. Борышкер жауабының болмауы не оның осы баптың 1-тармағында көзделген мерзiмдi дәлелдi себепсiз бұза отырып тапсырылуы борышкердiң өзiнiң дәрменсiздiлiгiн мойындауы деп қаралады және соттың борышкердi банкрот деп тану туралы шешiм шығаруына негiз болады.
5. Борышкердiң жауабында өзiн дәрменсiз деп тануды бiлдiруi соттың оны банкрот деп тану туралы шешiм шығаруына негiз болады.
Борышкер жауабында өзiнiң дәрменсiздiгiн мойындаған жағдайда осы баптың 2 және 3-тармақтарында аталған құжаттардың табыс етiлуi мiндеттi емес.";
25) 31-бап мынадай редакцияда жазылсын:
"31-бап. Iстi соттың қарауына дайындау
1. Несие берушiнiң, уәкiлеттi органның немесе прокурордың сотқа осы Заңның 29-бабының ережелерiн ескере отырып табыс еткен талабына борышкердiң қарсылық бiлдiрген жауабының болуы iстi сотта қарауға дайындау үшiн негiз болып табылады.
2. Борышкердiң банкроттығы туралы iстi сотта қарауға дайындау кезiнде iс жүргiзу заңдарында көзделген әрекеттермен қатар сот:
1) iстi сот отырысында қаралатын уақыты мен орнын iске қатысатын несие берушiлерге және өзге де тұлғаларға хабарлайды;
2) осы Заңның 18-бабының 2-тармағында және 19-бабында көзделген мәлiметтер мен құжаттарды борышкерден талап етiп алады;
3) iстi мәнi бойынша қарау үшiн соттың отырысын тағайындайды,";
26) 32 және 33-баптар алынып тасталсын;
27) 34-бап мынадай редакцияда жазылсын:
"34-бап. Соттың iстi қарауы
Iстi алдын ала дайындау аяқталғаннан кейiн, бiрақ iс қозғалған соң бiр айдан кешiктiрiлмей, банкроттық туралы iс соттың қарауына тағайындалуға тиiс, ол туралы сот ұйғарым шығарады.
Банкроттық туралы iс сотқа өтiнiш түскен күннен бастап екi айдан аспайтын мерзiмде сот отырысында қаралуға тиiс.";
28) 36-бап мынадай редакцияда жазылсын:
"36-бап. Борышкердi банкрот деп тану туралы шешiм
1. Соттың борышкердi банкрот деп тану және конкурстық iс жүргiзудi қозғау туралы шешiмi мынадай жағдайларда:
1) iс қозғалған кезден бастап екi айдан аспайтын мерзiмде соттың iстi қарауы барысында борышкер өзiнiң қабiлеттiлiгiн дәлелдей алмағанда;
2) iс қозғалған кезден бастап отыз күннен аспайтын мерзiмде борышкердiң жауабы болмағанда немесе өз жауабында дәрменсiздiгiн мойындағанда;
3) iс қозғалған кезден бастап он күннен аспайтын мерзiмде борышкер өзiн банкрот деп тану туралы арыз бергенде;
4) несие берушiлер комитетiнiң бас тарту туралы шешiмi алынған кезден бастап бес күннен аспайтын мерзiмде, осы Заңның 14-бабы 2-тармағының талаптарын сақтай отырып, несие берушiлер комитетi борышкерге оңалту рәсiмдерiн қолданудан бас тартқанда;
5) банкроттық туралы iс бойынша iс жүргiзу жаңғыртылған күннен бастап он күннен аспайтын мерзiмде оңалтуды басқарушы оңалту рәсiмдерiнiң сәтсiз өткiзiлгенi туралы сотқа жазбаша жүгiнгенде шығарылады.
2. Соттың борышкердi банкрот деп тану туралы шешiмiнде:
1) борышкердi тарату туралы;
2) конкурстық басқарушы тағайындау туралы;
3) шешiм шығарылғанға дейiн сотқа жүгiнген несие берушiлердiң мәлiмделген талаптарының мөлшерi туралы нұсқаулар болуға тиiс.
3. Борышкердi банкрот деп тану және конкурстық iс жүргiзудi
қозғау туралы хабарландыруды конкурстық басқарушы соттың шешiмi
заңды күшiне енген күннен бастап жетi күннен аспайтын мерзiмде
орталық әдiлет органының ресми баспасөз басылымында жариялайды.
Борышкердi банкрот деп тану туралы жарияланымда:
1) борышкердi банкрот деп тану туралы шешiм шығарған сот
органының атауы;
2) банкроттың атауы және орналасқан жерi;
3) жарияланым шыққан күннен бастап екi ай мерзiм iшiнде
өздерiнiң борышкерге қоятын талаптарын табыс ету қажеттiгi туралы
несие берушiлерге хабарлама болуға тиiс.";
29) 39-бапта:
1-тармақта:
1) тармақша мынадай редакцияда жазылсын:
"1) оңалту рәсiмiн жүргiзу мақсатында қол жеткiзiлгенде;";
2) тармақша алып тасталсын;
2-тармақтағы "Несие берушiлер талаптарының қанағаттандырылуына"
деген сөздер "Оңалту рәсiмiн жүргiзу мақсатына қол жеткiзiлуiне"
деген сөздермен ауыстырылсын;
3-тармақ алып тасталсын;
30) 40-бапта:
баптың атауы мынадай редакцияда жазылсын:
"40-бап. Сот және әкiмшiлiк шығыстарын бөлу"
1-тармақ мынадай редакцияда жазылсын:
"1. Борышкердi банкрот деп тану туралы шешiм қабылданған кезде, төленуi кейiнге қалдырылған мемлекеттiк баж жөнiндегi шығыстарды қоса алғанда, барлық сот шығыстары мен әкiмшiлiк шығыстары борышкердiң мүлкiне жатқызылады және осы мүлiктiң есебiнен кезектен тыс өтеледi. Оңалту рәсiмiн жүргiзу мақсатында қол жеткiзiлуiне байланысты iс жүргiзудi тоқтату туралы ұйғарым шығарылған кезде сот және әкiмшiлiк шығыстары осы тәртiппен өтеледi.";
3-тармақ алып тасталсын;
31) 42-бап мынадай редакцияда жазылсын:
"42-бап. Оңалту рәсiмiн қолдану
Оңалту рәсiмi борышкер өтiнiш жасаған және несие берушiлер комитетiнiң келiсiмi болған жағдайда сот тәртiбiмен тек коммерциялық ұйымдарға қатысты қолданылады.";
32) 43-бап мынадай редакцияда жазылсын:
"43-бап. Оңалту рәсiмiн қолдану туралы өтiнiш жасау
1. Дәрменсiз борышкер өзiнiң төлем қабiлетiн қалпына келтiру мүмкiндiгi болған жағдайда, өзiн банкрот деп тану туралы сотқа арыз бергенге дейiн уәкiлетттi органға өзiне қатысты оңалту рәсiмiн қолдану туралы өтiнiшiн мәлiмдей алады. Мұндай өтiнiштi банкроттық туралы iс қозғалғанға дейiн несие берушiлер де немесе үшiншi тұлға да жасай алады.
2. Өтiнiште осы Заңның 11-бабының талаптары ескерiле отырып, борышкерге қатысты аталған рәсiмнiң қолданылуы орындылығының негiздемесi мен несие берушiлер комитетi құрамы жөнiндегi ұсыныс болуға тиiс.
3. Өтiнiшке:
1) соңғы екi жылдағы қаржы есебi;
2) дәрменсiз борышкердi оңалту жоспары;
3) кепiлдiкпен қамтамасыз етiлген талаптардың жалпы сомасының 50 проценттен астамын иеленетiн кепiлдiк несие берушiлердiң, сондай-ақ осы несие берушiлер талаптарының жалпы сомасының 50 проценттен астам үлесi тиесiлi конкурстық несие берушiлердiң оңалту рәсiмдерiн өткiзуге жазбаша келiсiмi;
4) оңалтуды басқарушының кандидатурасы жөнiндегi ұсыныстар және кандидаттың оңалтуды басқарушы ретiнде оңалту рәсiмiне қатысуға жазбаша келiсiмi қоса тiркеледi.
4. Уәкiлеттi орган осы Заңның талаптарына сәйкес несие берушiлер комитетiн құрады және Заңда белгiленген мерзiмде несие берушiлер комитетiнiң бiрiншi отырысын шақырады, онда оңалту жоспары және оңалтуды басқарушының кандидатурасы қаралуға тиiс.
5. Егер борышкердi оңалтудың ұсынылып отырған жоспарын және оңалтуды басқарушының кандидатурасын несие берушiлер комитетi мен уәкiлеттi орган осы Заңмен белгiленген несие берушiлер комитетi мен уәкiлеттi органның шешiмдер қабылдау тәртiбiн сақтай отырып, мақұлдаса, борышкердiң оңалту рәсiмiн өткiзу туралы арызына несие берушiлер комитетiнiң және уәкiлеттi органның берген келiсiмi сотқа жiберiледi.
6. Егер борышкердi оңалтудың ұсынылып отырған жоспарын және оңалтуды басқарушының кандидатурасын несие берушiлер комитетi мен уәкiлеттi орган мақұлдаса (оған келiссе), борышкердi оңалту жоспарымен келiспеген несие берушiлердiң мүдделерiне нұқсан келмейтiн болса, сот оңалту рәсiмiн өткiзуге несие берушiлер
комитетiнiң және уәкiлеттi органның келiсiмiн алған кезден бастап
бес күн мерзiмнен кешiктiрмей оңалту жоспарын бекiту және борышкерге
қатысты оңалту рәсiмiн қолдану туралы ұйғарым шығаруға мiндеттi.";
33) 44-баптың 1-тармағының екiншi бөлiгiнде "осы Заңның
43-бабының 7-тармағында белгiленген талаптар сақтала отырып жол
берiледi" деген сөздер "несие берушiлер комитетiнiң келiсiмiмен жол
берiледi және қайтадан сотта қарау үшiн берiледi." деген сөздермен
ауыстырылсын;
34) 48-бап мынадай редакцияда жазылсын:
"48-бап. Оңалтуды басқарушы
"Оңалтуды басқарушыны несие берушiлер комитетiнiң ұсынуы
бойынша сот бекiтедi.";
35) 49-бапта:
1-тармақ мынадай редакцияда жазылсын:
"1. Оңалтуды басқарушыға сыйақы борышкердiң мүлкiнен төленедi және әкiмшiлiк шығыстарына жатқызылады. Сыйақының мөлшерiн және оны төлеу тәртiбiн несие берушiлер комитетi осы баптың талаптарына сәйкес белгiлейдi.";
2-тармақтың 2) тармақшасындағы "оның қызметiнiң нәтижелерi бойынша төленетiн қосымша ақыларды" деген сөздер "несие берушiлер комитетi белгiлейтiн мөлшерде, оның қызметi бойынша төленетiн қосымша ақыларды" деген сөздермен ауыстырылсын;
36) 50-бапта "басқарушының өтiнiшi бойынша" деген сөздерден кейiн "несие берушiлер комитетiнiң келiсiмiмен" деген сөздермен толықтырылсын;
37) 51-бапта:
2, 3 және 4-тармақтар мынадай редакцияда жазылсын:
"2. Несие берушiлер комитетiнiң келiсiмiмен оңалтуды басқарушы:
1) жылжымайтын мүлiкке иелiк ету (пайдалануға, кепiлге беру және т.б.) бойынша мәмiлелер жасайды;
2) құны борышкердiң активтерi құнының 20 процентiнен асатын борышкердiң өзге мүлкiне билiк ету жөнiнде мәмiлелер жасайды;
3) борышкердiң тұтынуға, оның iшiнде борышкер қызметкерлерiнiң еңбегiне ақы төлеуге жұмсалатын шығыстарды ұлғайтуға әкеп соғатын шешiмдер қабылдайды.
3. Оңалтуды басқарушы несие берушiлер өкiлiнiң талап етуi бойынша (осы Заңның 13-бабының 3) тармақшасы) оны борышкердiң мүлкiне билiк ету жөнiнде жасаған мәмiлелер туралы хабардар етуге, ал ол болмаған жағдайда осындай мәмiлелер туралы несие берушiлер комитетiне ай сайын есеп берiп отыруға мiндеттi.
Осы тармақта белгiленген ережелер борышкердiң оңалту жоспарында
көзделген мүлкiне билiк ету жөнiндегi мәмiлелерге қолданылмайды.
4. Егер борышкердiң оңалту рәсiмiн енгiзгеннен кейiн туындаған
ақшалай мiндеттемелерiнiң жалпы мөлшерi оңалту рәсiмiн енгiзген
кездегi несиелiк берешектiң жалпы сомасының 20 процентiнен асса,
борышкердiң ақшалай жаңа мiндеттемелерiн туғызатын мәмiлелердi,
оңалтуды басқарушы несие берушiлер комитетiнiң келiсiмiмен ғана
жасай алады.";
6-тармақ алып тасталсын;
38) 52-баптағы "шартқа сәйкес жауап бередi (осы Заңның
51-бабының 6-тармағы)" деген сөздер "қолданылып жүрген заңдарға
сәйкес жауап бередi" деген сөздермен ауыстырылсын;
39) 53-баптың 1-тармағындағы "Оңалтуды басқарушы" деген
сөздерден кейiн "несие берушiлер комитетiнiң келiсiмiмен" деген
сөздермен толықтырылсын;
40) 57-баптың 2-тармағындағы "берушiлердiң жиналысында
бекiтiлген" деген сөздер "берушiлер комитетi бекiткен" деген
сөздермен ауыстырылсын;
41) 59-баптың 2-тармағы алып тасталсын;
42) 5-тарау алып тасталсын;
43) 65-бапта:
1-тармақтағы "мөлшерлес" деген сөз алып тасталсын;
2-тармақта:
"Тарау рәсiмiнiң мерзiмi сот шешiмiмен белгiленедi және ол"
деген сөздер "Конкурстық iс жүргiзу мерзiмi" деген сөздермен
ауыстырылсын;
"12 айдан" деген сөздер "алты айдан" деген сөздермен
ауыстырылсын;
"Конкурстық басқарушының өтiнiшi бойынша" деген сөздерден кейiн
"несие берушiлер комитетiнiң келiсiмiмен" деген сөздермен
толықтырылсын;
44) 66-бапта:
"несие берушiлердiң жиналысы (несие берушiлердiң комитетi)"
деген сөздер "несие берушiлер комитетi" деген сөздермен ауыстырылсын;
"конкурстық басқарушы," деген сөздерден кейiн "уәкiлеттi орган"
деген сөздермен толықтырылсын;
45) 67-бапта:
4) тармақша мынадай редакцияда жазылсын:
"4) конкурстық басқарушыны тағайындайды";
мынадай мазмұндағы 4-1) тармақшамен толықтырылсын:
"4-1) несие берушiлер комитетiнiң құрамын бекiтедi;";
6) тармақша мынадай редакцияда жазылсын:
"6) осы Заңда көзделген жағдайларда несие берушiлер комитетiнiң
шешiмiн бекiтедi.";
46) 68-бапта:
2-тармақ алып тасталсын;
3-тармақ мынадай редакцияда жазылсын:
"3. Егер конкурстық жиынтық құрамында жылжымайтын мүлiк болса, банкроттың жылжымайтын мүлкiн иелiктен айыру және оны өзге тұлғаларға пайдалануға беру жылжымайтын мүлiкке құқықтарды тiркеу органдарында тiркелуге тиiс.";
47) 69-бап мынадай редакцияда жазылсын:
"69-бап. Конкурстық басқарушы-таратушы
1. Конкурстық iс жүргiзудi жүзеге асыру үшiн сот уәкiлеттi органның ұсынуы бойынша конкурстық басқарушыны тағайындайды.
2. Конкурстық басқарушыға (таратушыға) сыйақы несие берушiлермен есеп айырысқанға дейiн конкурстық жиынтықтан төленедi.
Конкурстық басқарушыға төленетiн сыйақыға:
1) өз мiндеттемелерiн орындайтын бүкiл кезең үшiн ай сайынғы мөлшерi жиырма бес айлық есептiк көрсеткiштен кем болмайтын ағымдағы төлемақылар;
2) оның қызмет нәтижелерi бойынша мөлшерiн несие берушiлер комитетi белгiлейтiн қосымша төлемақылар кiредi. Қосымша төлемақылар несие берушiлер талаптарын қанағаттандыруға жұмсалған қаражаттың белгiлi бiр процентiн құрайды.";
48) 70-бапта:
1) тармақша мынадай редакцияда жазылсын:
"1) осы Заңның талаптарына сәйкес он күннен аспайтын мерзiмде несие берушiлер комитетiнiң құрамын қалыптастырады және несие берушiлер комитетiнiң бiрiншi отырысын шақырады.";
мынадай мазмұндағы 1-1) және 1-2) тармақшалармен толықтырылсын:
"1-1) несие берушiлер комитетiнiң барлық мүшелерiне комитеттiң бiрiншi отырысы өткiзiлетiн орын мен күн туралы хабарлайды;
1-2) борышкердi банкрот деп тану және оны тарату туралы сот шешiмi күшiне енгiзiлген күннен бастап бiр апта мерзiмде орталық әдiлет органының ресми баспасөз басылымында борышкердi банкрот деп тану туралы және несие берушiлердiң талаптарын мәлiмдеу тәртiбi туралы жарияланым шығарады;";
5) және 6) тармақшалар мынадай редакцияда жазылсын:
"5) банкроттың қызметкерлерiне еңбек туралы заңдарға сәйкес алдағы уақытта жұмыстан босатылатынын хабарлайды;
6) несие берушiлердiң талаптарын өтеу мақсатында несие берушiлер комитетiмен банкроттың мүлкiн (активтерiн) сату жоспарын келiседi және оны сатуды жүзеге асырады;";
49) 71-бапта:
1-тармақта:
"мәлiмделуi мүмкiн" деген сөздер "мәлiмделуге тиiс" деген сөздермен ауыстырылсын;
2-тармақтың екiншi азатжолындағы "несие әкiмшiге" деген сөздер алып тасталсын;
50) мынадай мазмұндағы 71-1-баппен толықтырылсын:
"71-1-бап. Конкурстық басқарушы-таратушының жауапкершiлiгi
Өзiнiң өкiлеттiгiн орындамаған немесе тиiсiнше орындамаған жағдайда конкурстық басқарушы-таратушы мүдделi тараптың арызы бойынша Қазақстан Республикасының заңдарында көзделген материалдық, әкiмшiлiк немесе қылмыстық жауапқа тартылуы мүмкiн.";
51) 72-баптың 4-тармағында:
"тiзiлiм" деген сөз "несие берушiлер тiзiмiнiң" деген сөздермен ауыстырылсын;
"ал кемiнде елу конкурстық несие берушiнiң талабы бойынша несие берушiлер талаптарының тiзiлiмi борышкердi банкрот деп тану және оны тарату туралы жарияланым жасалған баспасөз органында жариялануға тиiс" деген сөздер алып тасталсын;
52) 74-бапта:
1-тармақтағы "борышкердiң" деген сөзден кейiн "соның iшiнде оның қаржы құжаттарында көрсетiлмеген, бiрақ борышкердiң меншiк құқығын растайтын құжаттары бар" деген сөздермен толықтырылсын;
2-тармақтың қазақша мәтiнi дұрыс, түзетудiң қажетi жоқ;
53) 75-баптың 1-тармағы мынадай редакцияда жазылсын:
"1. Әкiмшiлiк және сот шығыстары борышкер мүлкiнiң есебiнен
кезектен тыс өтеледi.
Әкiмшiлiк шығыстарының сомасын олардың туындауына қарай
оңалтуды немесе конкурстық басқарушы төлеуi мүмкiн.";
54) 76-баптың 1-тармағы мынадай мазмұндағы бөлiкпен
толықтырылсын:
"Несие берушiнiң талабы оның келiсiмiмен заңдарға қайшы
келмейтiн әдiстермен, соның iшiнде ақша түрiнде және (немесе)
мүлiктi заттай беру арқылы қанағаттандырылуы мүмкiн.";
6-тармақ мынадай мазмұндағы бөлiкпен толықтырылсын:
"Көрсетiлген сомаларды конкурстық iс жүргiзудiң аяқталғандығы
туралы сот ұйғарымының негiзiнде несие берушi дебиторлық берешектен
шығуға тиiс.";
55) 83-баптың 2-тармағының 2) тармақшасындағы "борышкерге"
деген сөздерден кейiн "меншiк құқығында тиесiлi емес, соның iшiнде
сенiмгерлiк басқарудағы немесе сақтаудағы" деген сөздермен
толықтырылсын;
56) 84-бапта:
1-тармақ мынадай редакцияда жазылсын:
"1. Борышкердiң мүлкiн сатуды несие берушiлер комитетi бекiткен
мүлiктi сату жоспарына сәйкес конкурстық басқарушы жүзеге асырады.
Мүлiктi сату жоспарында сауда-саттықты өткiзудiң тәртiбi болуға
тиiс.";
2-тармақта:
"(активтерi)" деген сөз алып тасталсын;
"сатып алушы болмағандықтан" деген сөздер "мүлiктi сату
жоспарына сәйкес" деген сөздермен ауыстырылсын;
57) 85-баптың 2-тармағы:
"сатылмай қалған" деген сөздерден кейiн "сондай-ақ несие берушi талаптарды қанағаттандырудың есебiне қабылдамаған," деген сөздермен толықтырылсын;
"заңды ұйымның" деген сөздердiң алдынан " , азаматтық заңдарда көзделген жағдайларды қоспағанда," деген сөздермен толықтырылсын;
58) 87-баптың 2-тармағы мынадай редакцияда жазылсын:
"2. Сот конкурсты басқарушының есебiн және тарату балансын бекiтедi және олар табыс етiлген кезден бастап он бес күннен кешiктiрiлмейтiн мерзiмде конкурстық iс жүргiзудi аяқтау туралы ұйғарым шығарады.
Конкурстық iс жүргiзудi аяқтау туралы ұйғарымда конкурстық басқарушыға сыйақы төлеуге және борышкердiң сатылмай қалған мүлкiне байланысты реттелмеген мәселелер де шешiлуi мүмкiн. Конкурстық басқарушы сот ұйғарымының көшiрмесiн заңды тұлғаларды мемлекеттiк тiркеудi жүзеге асыратын органға, сондай-ақ банкроттың талаптары қанағаттандырылмаған несие берушiлерiне жiбередi.";
59) 88-бапта:
1 және 2 тармақтар алып тасталсын;
60) 91-баптағы "осы Заңның 69-бабына сәйкес сот тағайындайтын (бекiтетiн)" деген сөздер алып тасталсын;
61) 92-баптың 1-тармағында қазақша мәтiнi дұрыс;
62) 94-бапта:
1-тармақ "прокурордың" деген сөзден кейiн " , уәкiлеттi адамның" деген сөзбен толықтырылсын;
2-тармақ мынадай редакцияда жазылсын:
"2. Iс қозғалған күннен бастап бес күн мерзiм iшiнде келмеген борышкердi сот банкрот деп тану және конкурстық iс жүргiзудi қозғау туралы шешiм шығарады.";
3-тармақ:
"борышкердi таратуды" деген сөзден кейiн "уәкiлеттi органның ұсынуы бойынша" деген сөздермен толықтырылсын;
4-тармақ мынадай редакцияда жазылсын:
"4. Конкурстық басқарушы соттың борышкердi банкрот деп тану және оны тарату туралы шешiмi күшiне енгiзiлген күннен бастап бiр апта мерзiмде орталық әдiлет органының ресми баспасөз басылымында борышкердi банкрот деп тану туралы және осы Заңның 71-бабында белгiленген ережелер бойынша несие берушiлердiң талаптарын мәлiмдеу тәртiбi туралы жарияланым шығарады.";
63) 8-тараудың атауы мынадай редакцияда жазылсын:
"8-тарау. Соттан тыс тарату рәсiмдерi";
64) 96 және 97-баптар мынадай редакцияда жазылсын:
"96-бап. Соттан тыс рәсiм
1. Соттан тыс тарату рәсiмi дәрменсiз борышкердi несие берушiлердiң бақылауымен таратуға мүмкiндiк беретiн әдiс болып табылады.
2. Дәрменсiз борышкердi соттан тыс тарату рәсiмiне борышкер немесе борышкердiң несие берушiсi борышкерге қатысты соттан тыс тарату рәсiмiн қолдану туралы уәкiлеттi органға өтiнiш беру арқылы бастамашылық жасауы мүмкiн.
Уәкiлеттi орган тиiстi шешiм қабылдау арқылы борышкердi соттан тыс тарату рәсiмiне дербес бастамашылық жасауға құқылы.
Борышкердi соттан тыс тарату рәсiмiне бастамашылық жасау туралы уәкiлеттi органның шешiм шығаруына төлем мерзiмi келген кезден бастап үш айдың iшiнде бюджетке және бюджеттен тыс қорларға төлемдер бойынша борышкер орындамаған мiндеттемелердiң болуы негiз болып табылады.
3. Дәрменсiз борышкердi таратудың соттан тыс рәсiмiн өткiзу туралы шешiмдi осы Заңның талаптарына сәйкес несие берушiлер комитетi борышкермен келiсе отырып қабылдайды.
4. Соттан тыс тарату рәсiмiн өткiзуге байланысты шығыстары конкурстық iс жүргiзудiң әкiмшiлiк шығындарына жатады.
97-бап. Несие берушiлер комитетi
1. Дәрменсiз борышкердi соттан тыс тарату рәсiмiн өткiзу туралы шешiм қабылдау, оны өткiзуге бақылауды қамтамасыз ету үшiн уәкiлеттi орган борышкер ұсынған кандидатуралар арасынан осы Заңның талаптарына сәйкес несие берушiлер комитетiн құрады.
2. Несие берушiлер комитетi бiрiншi отырысында борышкермен келiсе отырып, дәрменсiз борышкердi таратудың соттан тыс рәсiмiн өткiзу туралы не борышкердi банкрот деп тану жөнiнде сотқа жүгiну туралы шешiм қабылдайды.
3. Несие берушiлер комитетi борышкердi таратудың соттан тыс рәсiмiн өткiзу туралы шешiм қабылдаған жағдайда конкурстық басқарушыны тағайындайды, оның қызметi осы Заңмен реттеледi.
4. Несие берушiлер комитетi шешiмдердi осы Заңда белгiленген тәртiппен қабылдайды.";
65) 98-бап алып тасталсын;
66) 99-бап мынадай редакцияда жазылсын:
"99-бап. Соттан тыс тарату рәсiмiн өткiзу туралы шешiм
қабылдаудың салдары
1. Несие берушiлер комитетi соттан тыс тарату рәсiмiн өткiзу
туралы шешiм қабылдағаннан кейiн осы Заңның 68-бабында көзделген
салдарлар туындайды.
2. Борышкердi соттар тыс тарату рәсiмi осы Заңның 6-тарауында
белгiленген ережелер бойынша жүзеге асырылады.
3. Соттан тыс тарату рәсiмi кезiнде 67-баптың 4) тармақшасымен
және 73, 87-баптармен соттың құзыретiне жатқызылған мәселелер
бойынша шешiмдердi несие берушiлер комитетi қабылдайды.";
67) 101-бапта:
1-тармақта:
"мемлекеттiк", "әкiмшiнiң және" деген сөздер алып тасталсын;
"қатысушы тұлға деп танылады" деген сөздерден кейiн мынадай
мазмұндағы сөйлеммен толықтырылсын:
"Сот қаланы құрушы ұйымның банкроттығы туралы iс қозғалғаннан
кейiн бұл туралы әкiм уәкiлдiк берген органға хабарлауға мiндеттi.";
68) 10-тарау алып тасталсын;
69) 106-баптың 3-тармағы алып тасталсын.
Қазақстан Республикасының
Президентi
оқығандар:
Багарова Ж.
Икебаева А.
