Инвесторлар үшін "бір терезе" қызметін ұйымдастыру туралы қағидаларды бекіту туралы

Қазақстан Республикасы Үкіметінің 2015 жылғы 30 желтоқсандағы № 1133 қаулысы. Күші жойылды - Қазақстан Республикасы Үкіметінің 2019 жылғы 13 тамыздағы № 585 қаулысымен.

Ескерту. Күші жойылды - ҚР Үкіметінің 13.08.2019 № 585 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
2016 жылғы 1 қаңтардан бастап қолданысқа енгізіледі.

2015 жылғы 29 қазандағы Қазақстан Республикасы Кәсіпкерлік кодексінің 282-бабының 5-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Инвесторлар үшін "бір терезе" қызметін ұйымдастыру туралы қағидалар бекітілсін.

2. "Инвесторлар үшін "бір терезе" қызметін ұйымдастыру туралы қағидаларды бекіту туралы" Қазақстан Республикасы Үкіметінің 2015 жылғы 18 ақпандағы № 70 қаулысының (Қазақстан Республикасының ПҮАЖ-ы, 2015 ж., № 7, 38-құжат) күші жойылды деп танылсын.

3. Осы қаулы 2016 жылғы 1 қаңтардан бастап қолданысқа енгізіледі және ресми жариялануға тиіс.

Қазақстан Республикасының
Премьер-Министрі	К.Мәсімов

Қазақстан Республикасы Үкiметiнiң 2015 жылғы 30 желтоқсандағы № 1133 қаулысымен бекітілген

Инвесторлар үшін "бір терезе" қызметін ұйымдастыру туралы қағидалар
1. Жалпы ережелер

1. Осы Инвесторлар үшін "бір терезе" қызметін ұйымдастыру туралы қағидалар (бұдан әрі – Қағидалар) 2015 жылғы 29 қазандағы Қазақстан Республикасының Кәсіпкерлік кодексі 282-бабының 5-тармағына сәйкес әзірленді және Қазақстан Республикасының заңнамасына сәйкес мемлекеттік көрсетілетін қызметтерді берушілер арқылы инвесторлар үшін "бір терезе" қызметінің тәртібін белгілейді.

2. Осы Қағидаларда пайдаланылатын негізгі ұғымдар:

1) инвестициялар жөніндегі уәкілетті орган (бұдан әрі – уәкілетті орган) – Қазақстан Республикасының Үкіметі айқындайтын инвестициялық келісімшарттар жасасу және олардың орындалуын бақылау жөніндегі мемлекеттік орган;

2) көрсетілетін қызметті беруші – Қазақстан Республикасының заңнамасына сәйкес мемлекеттік қызметтер көрсететін орталық мемлекеттік органдар, Қазақстан Республикасының шетелдегі мекемелері, облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, қаладағы аудандардың, аудандық маңызы бар қалалардың, кенттердің, ауылдардың, ауылдық округтердің әкімдері, сондай-ақ жеке және заңды тұлғалар;

3) инвесторлар үшін "бір терезе" қағидаты бойынша инвесторларды қолдау (бұдан әрі – инвесторды қолдау) – уәкілетті органның инвесторға ақпараттық, консультациялық, ұйымдастырушылық жәрдемдесуі жөніндегі іс-шаралар кешені;

4) көрсетілетін қызметті берушінің қызметкері – Қазақстан Республикасының заңнамасына сәйкес мемлекеттік көрсетілетін қызметті берушінің қызметкері;

5) инвестордың өтініші – уәкілетті органның бұйрығымен бекітілген, инвестор уәкілетті органға беретін өтініш нысаны;

6) өтінім – инвестордың өтінішіне қоса берілетін, мемлекеттік қызмет көрсету стандартында белгіленген өтініш нысаны.

2. Инвесторларды қабылдау және оларға консультация беруді жүзеге асыру

3. Уәкілетті орган мемлекеттік қызметтер көрсетуге өтініштер қабылдауға және олардың нәтижелерін инвесторларға беруге арналған арнайы белгіленген орынды (бұдан әрі – арнайы белгіленген орын) ұйымдастырады, сондай-ақ "Азаматтарға арналған үкімет" мемлекеттік корпорациясы" (бұдан әрі – АҮМК) өкілдігі құрылғанға дейін Халыққа қызмет көрсету орталығының (бұдан әрі – ХҚКО) өкілдігін арнайы белгіленген орында орналастырады.

4. Инвесторлар қабылдау және консультация алу үшін уәкілетті органға жүгінеді.

5. Уәкілетті орган мемлекеттік көрсетілетін қызметтер бойынша, сондай-ақ инвестициялық жобаларды іске асыру мәселелері бойынша инвесторларға консультация беруді жүзеге асырады.

6. Уәкілетті орган өз құзыреті шегінде және өзіне жүктелген міндеттерді орындау мақсатында Қазақстан Республикасының Үкіметі белгілеген тәртіппен Қазақстан Республикасының тиісті мемлекеттік органдарының мамандарын, жеке және заңды тұлғалардың қатарынан консультанттар мен сарапшыларды тартуға құқылы.

7. Көрсетілетін қызметті берушілер инвесторлардың мемлекеттік көрсетілетін қызметті алуға өтінімін дайындау және ресімдеу үшін қажетті материалдарды, құжаттарды және өзге де ақпаратты уәкілетті органға ұсынуды қамтамасыз етеді.

8. Көрсетілетін қызметті беруші уәкілетті органның өтініші бойынша мемлекеттік қызметті көрсету тәртібі туралы электронды немесе жазбаша нысанда дереу түсіндірме беруді қамтамасыз етеді.

9. Мәселе күрделі және оны қосымша пысықтау қажет болған жағдайда, көрсетілетін қызметті берушілер бір күн мерзімде осы Қағидалардың 20-тармағына сәйкес бірлескен бұйрықта көрсетілген электрондық мекенжайлар бойынша қағаз және (немесе) электронды нысанда жауап береді.

10. Уәкілетті органның сұрау салуы (жазбаша немесе электронды нысанда) бойынша көрсетілетін қызметті берушілер бір күн мерзімде уәкілетті орган айқындаған арнайы белгіленген орында мемлекеттік көрсетілетін қызметті алу мәселелері бойынша инвесторға консультация беру үшін маманның қатысуын қамтамасыз етеді.

11. Көрсетілетін қызметті берушілер уәкілетті органмен келісу бойынша уәкілетті органның қызметкерлері үшін мемлекеттік қызмет көрсету мәселелері бойынша оқыту және (немесе) семинарлар ұйымдастырады және өткізеді.

3. Мемлекеттік қызмет көрсетуге өтініштерді қабылдау және олардың нәтижелерін инвесторларға беру

12. Уәкілетті органға жүгінген инвесторлар мемлекеттік көрсетілетін қызмет стандартында белгіленген тізбе бойынша құжаттарды қоса бере отырып, мемлекеттік қызмет көрсетуге инвестордың өтінішін, өтінімдерін (бұдан әрі – инвесторлардың құжаттары) ұсынады.

13. Мемлекеттік көрсетілетін қызметтің әр түрі бойынша өтінімге қоса берілетін құжаттар тізбесі мемлекеттік көрсетілетін қызмет стандартында белгіленген.

14. Уәкілетті орган тиісті түрде толтырылған және уәкілетті органға ұсынылған инвесторлардың құжаттарын мемлекеттік көрсетілетін қызметті ұсыну үшін көрсетілетін қызметті берушіге жібереді.

15. Уәкілетті орган мемлекеттік көрсетілетін қызмет стандартында белгіленген мерзімде инвесторларға мемлекеттік көрсетілген қызметтердің нәтижесін береді.

16. Көрсетілетін қызметті берушілердің инвестордың құжаттарын алған уақыты мен уәкілетті органның инвестордың қаралған құжаттарының нәтижелерін алған уақыты мемлекеттік көрсетілетін қызмет стандартында белгіленген мемлекеттік қызмет көрсету мерзіміне кірмейді.

17. Көрсетілетін қызметті берушілер мемлекеттік қызмет көрсету бөлігінде заңнамадағы өзгерістер туралы уәкілетті органға үш жұмыс күні ішінде хабарлайды.

18. Уәкілетті органға келіп түскен ақпарат құпия болып табылады.

19. Өтініштерді қабылдау және құжаттарды беру өтініш берушінің қалауы бойынша мемлекеттік немесе орыс тілдерінде жүзеге асырылады.

4. Мемлекеттік қызмет көрсету мәселелері бойынша уәкілетті орган мен мемлекеттік органдардың арасындағы өзара іс-қимыл

20. Уәкілетті орган мемлекеттік қызмет көрсетуге жауапты мемлекеттік органдармен бірлескен бұйрықпен мемлекеттік қызмет көрсету шеңберінде өзара іс-қимыл жасау және уәкілетті органның мемлекеттік органдарда инвесторды қолдауы үшін жауапты адамдарды айқындайды.

21. Көрсетілетін қызметті берушілер уәкілетті органға мемлекеттік қызметті көрсету үшін қажетті материалдарды, құжаттарды және өзге де ақпаратты беруді, оның ішінде Қазақстан Республикасының заңнамасына сәйкес ақпараттық жүйелерді ықпалдастыру арқылы беруді қамтамасыз етеді.

22. Көрсетілетін қызметті берушілер мемлекеттік көрсетілетін қызметтер стандарттарында белгіленген мерзімде уәкілетті органға мемлекеттік көрсетілетін қызметтің нәтижелерін жібереді.

23. Уәкілетті орган көрсетілетін қызметті берушілерге инвестициялық жобаны іске асыратын инвесторлардың құжаттарын қарау туралы өтінішхат беруге және инвесторлардың құжаттарын көрсетілетін қызметті берушілерге енгізуге құқылы.

24. Көрсетілетін қызметті берушінің қызметкері интернет-ресурста кестеге сәйкес өтінімнің қаралу сатыларының ақпаратын көрсетеді.

Р/с №	Мемлекеттік қызметті көрсету мерзімі	Бірінші хабарлама (мемлекеттік көрсетілетін қызметтің нәтижесін беру мерзіміне дейін)	Екінші хабарлама (мемлекеттік көрсетілетін қызметтің нәтижесін беру мерзіміне дейін)	Үшінші хабарлама (мемлекеттік көрсетілетін қызметтің нәтижесін беру мерзіміне дейін)
1.	10 күнге дейін	5 күн ішінде	----	----
2.	20 күнге дейін	10 күн ішінде	5 күн ішінде	----
3.	30 күнге дейін	15 күн ішінде	10 күн ішінде	5 күн ішінде
4.	30 күннен артық	20 күн ішінде	15 күн ішінде	5 күн ішінде

25. Көрсетілетін қызметті берушінің қызметкері белгіленген күннен бастап екі жұмыс күні ішінде көрсетілетін қызметті беруші бұл туралы уәкілетті органға хабарлайды.

26. Көрсетілетін қызметті берушінің жауапты адамымен және (немесе) қызметкерімен еңбек қатынастары тоқтатылған жағдайда, көрсетілетін қызметті беруші бір күн мерзімде көрсетілетін қызметті берушінің жауапты адамын және (немесе) қызметкерін белгілейді және бұл туралы уәкілетті органға хабарлайды.

5. Уәкілетті органның мемлекеттік органдарда инвесторды қолдауы және инвесторлар үшін мемлекеттік қызмет көрсету процесінің мониторингі

27. Мемлекеттік көрсетілетін қызметті алуға инвесторлар құжаттарын тапсырған кезден бастап және мемлекеттік көрсетілетін қызметтер деректері берілгенге дейін уәкілетті орган мемлекеттік қызметтердің инвесторларға уақтылы және толық көрсетілуі мәселелері бойынша инвесторларды қолдауды жүзеге асырады.

28. Уәкілетті орган инвестордың құжаттарын арнайы белгіленген орында қабылдайды.

29. Уәкілетті орган инвесторлардың мемлекеттік қызметті алуға арналған құжаттарын ХҚКО-ға немесе АҮМК, мемлекеттік көрсетілетін қызметті берушіге жібереді.

30. Уәкілетті орган осы Қағидалардың 24-тармағына сәйкес көрсетілетін қызметті беруші берген ақпаратты талдауды жүзеге асырады.

31. Көрсетілетін қызметті берушілер мемлекеттік қызмет көрсету мерзімдерін бұзған жағдайда, уәкілетті орган дереу қағаз және (немесе) электронды нысанда көрсетілетін қызметті берушіге осы бұзушылықтарды жою қажеттілігі туралы хабарлама жібереді.

32. Мемлекеттік қызметтер мониторингінің ақпараты инвестициялық жобаны іске асыратын инвестор үшін уәкілетті органның интернет-ресурсында қолжетімді болады.

33. Инвесторлардың өтінімдері уәкілетті органның интернет-ресурсында тіркеледі.

On approval of the Rules on organization of activities of "One-stop-shop" for investors

Decree of the Government of the Republic of Kazakhstan No. 1133 from December 30, 2015. It became invalid by the Decree of the Government of the Republic of Kazakhstan dated 13.08.2019 No. 585 (comes into effect after ten calendar days after the date of its first official publication).

Unofficial translation

Footnote. It became invalid by the Decree of the Government of the Republic of Kazakhstan dated 13.08.2019 No. 585 (comes into effect after ten calendar days after the date of its first official publication).

In accordance with paragraph 5 of Article 282 of the Commercial Code of the Republic of Kazakhstan dated October 29, 2015, the Government of the Republic of Kazakhstan hereby ORDERS that:

1. The annexed Rules on organization of activities of “One-stop-shop” for investors shall be approved.

2. The Decree of the Government of the Republic of Kazakhstan No. 70 “On approval of the Rules on organization of activities of "One-stop-shop" for investors” (Collected Acts of the President and the Government of the Republic of Kazakhstan, 2015, No. 7, art. 38) dated February 18, 2015 shall no longer be in force.

3. Present Decree shall be put into effect on January 1, 2016 and shall be officially published.

Prime minister of
the Republic of Kazakhstan	K. Massimov

Approved by the Decree of the Government of the Republic of Kazakhstan No 1133, dated December 30, 2015

Rules on organization of activities of
“one-stop-shop” for investors 1. General provisions

1. Present Rules on organization of activities of “one-stop-shop” for investors (hereafter referred to as Rules) have been developed in accordance with paragraph 5 of Article 282 of the Commercial Code of the Republic of Kazakhstan dated October 29, 2015 establish the procedures for “one-stop-shop” for investors with service providers, that provide state services in accordance with the applicable legislation of the Republic of Kazakhstan.

2. General terms used in present Rules:

1) authorized investment body (hereafter referred to as the authorized body) – is a government agency, determined by the Government of the Republic of Kazakhstan, that concludes investment contracts and supervises their fulfillment;

2) service providers – are the central government authorities, foreign establishments of the Republic of Kazakhstan, local executive authorities in the Regions, cities of republican status, capita, cities of oblast status, district akims in a city, cities of district subordinance, rural settlements, villages, rural districts, as well as individuals and legal entities, that provide state services in accordance with applicable legislation of the Republic of Kazakhstan;

3) investor support according to “one-stop-shop” principle (hereafter referred to as the investor support) – is a set of activities in informational and organizational support for the investors provided by an authorized body;

4) employee of the service provider – is an employee of the service provider, that provides state services in accordance with applicable legislation of the Republic of Kazakhstan;

5) investor application – is an application form, submitted by the investor and approved by the order of an authorized body;

6) application – is an application form, set by the standards for the provision of state services, which is annexed to the investor application.

2. Investor acceptance and counseling

3. The authorized body shall organize a specially designated area, where the applications for provision of state services shall be accepted and the results shall be given to the investors (hereafter referred to as specially designated area) and accommodates the offices for State service Center before creating the Public Corporation “Government for Citizens”.

4. Investors shall seek referral and counseling at the relevant authorized body.

5. The authorized body shall provide counseling to investors on state services, as well as on the implementation of investment projects.

6. According to the procedures established by the Government of the Republic of Kazakhstan, the authorized body is empowered, within its competence and in order to fulfill tasks entrusted to it, to involve specialists, counselors and experts from relevant state bodies represented by natural and legal persons.

7. Service providers shall ensure the provision of materials, documents and other information to the authorized body, in order for the investors to prepare the application for the receipt of state services.

8. Upon request of the authorized body, service providers shall provide immediate clarification on provision of state services in electronic or written form.

9. In accordance with paragraph 20 of this Rules, in the event of the complexity of the issue and the need for its further development, the service providers shall send a one day response in written and (or) electronic form to the electronic addresses specified in the joint order.

10. Upon the request (written or electronic) by the authorized body, the service providers shall involve a specialist for counseling of investors on provision of state services in a specially designated area, determined by the authorized body.

11. In coordination with the authorized body, service providers shall organize and conduct trainings and (or) seminars for its employees on the provision of state services.

3. Accepting applications for provision of state services and delivery of results to the investors

12. Investors, that appeal the authorized body, shall provide the investor application and application for provision of state services with the appendix of the documents, according to the list, set by the standards for state services (hereafter referred to as investor’s documents).

13. List of documents, annexed to the application for each type of state services shall be adopted by the state service standards.

14. Investor’s documents, duly filled-in and delivered to the authorized body, shall be transferred to the service provider in order to provide state services.

15. The authorized body shall deliver the results of the provided state services to the investors, established by the state service standard.

16. The time of receipt of the investor’s documents by service providers and the time of receipt of the results of the examined investor’s documents by the authorized body shall not be included in the time period for the provision of the state services, established by the state service standard.

17. Within three working days, service providers shall inform the authorized body, if the amendments are made to the legislation in relation to the provision of state services.

18. Information, provided to the authorized body, shall be confidential.

19. Acceptance and issuance of documents shall be carried out in state or Russian language at the applicant’s request.

4. Interaction between the authorized body and government authorities on the provision of state services

20. By a joint order with the government authorities, responsible for the provision of state services, the authorized body shall appoint the responsible persons for interaction with and counseling of investor.

21. Service providers shall provide materials, documents and other information to the authorized body, necessary for the provision of state services, including by integration of information systems in accordance with Legislation of the Republic of Kazakhstan.

22. Service providers shall send the results of state services to the authorized body, within terms specified by state service standards.

23. An authorized body has the right to petition service providers for the approval of the investor’s documents and to submit them documents to service providers.

24. Employee of the service provider files information on the steps of approval of the application on a web resource, according to the table.

Ser. No.	Terms for the provision of state services	First notice (before the date of issuance of the result of the state service)	Second notice (before the date of issuance of the result of the state service)	Third notice (before the date of issuance of the result of the state service)
1.	Up to 10 days	in 5 days	----	----
2.	Up to 20 days	in 10 days	in 5 days	----
3.	Up to 30 days	in 15 days	in 10 days	in 5 days
4.	More than 30 days	in 20 days	in 15 days	in 5 days

25. Within two working days since determining the employee, the service providers shall inform the authorized body.

26. In case of termination of employment relationship with the responsible person and (or) the employee, the service provider shall appoint the responsible person and (or) employee within one day and shall notify the authorized body.

5. Investor support by the authorized body in government authorities and monitoring
the process of rendering state services to the investors

27. From the moment of submission of investor’s documents for rendering state services and until issuance of such services the authorized body shall support the investors on issues of timely and full delivery of state services.

28. The authorized body shall accept investor’s documents at a specially designated area.

29. The authorized body shall transfer investor’s documents for rendering state services to the State service Center or Public Corporation “Government for Citizens” and service provider, that provides state services.

30. The authorized body shall analyze information, provided by the service provider in accordance with paragraph 24 of the present Rules.

31. In case of non-compliance with deadlines of provision of state services by the service provider, the authorized body shall immediately notify of such non-compliance and the need of remediation in written or electronic form.

32. State services monitoring information shall be available to the investor, that implements the investment project on a web resource of an authorized body.

33. Investor applications shall be registered on a web resource of an authorized body.