Ескерту. Күші жойылды - ҚР Қаржы министрінің 11.11.2021 № 1166 (01.01.2022 бастап қолданысқа енгізіледі) бұйрығымен.
БҰЙЫРАМЫН:
1. "Ұлттық басқарушы холдингтердің, ұлттық холдингтердің, ұлттық компаниялардың және дауыс беретін акцияларының (жарғылық капиталға қатысу үлестерінің) елу және одан да көп пайызы ұлттық басқарушы холдингке, ұлттық холдингке ұлттық компанияға тікелей немесе жанама түрде тиесілі ұйымдардың тауарларды, жұмыстарды, көрсетілетін қызметтерді сатып алуды жүзеге асыру қағидаларын бекіту туралы" Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2019 жылғы 31 қазандағы № 1201 бұйрығына (Қазақстан Республикасының Нормативтік құқықтық актілерін мемлекеттік тіркеу тізілімінде № 19538 болып тіркелген, Қазақстан Республикасы Нормативтік құқықтық актілерінің Эталондық бақылау банкінде 2019 жылғы 6 қарашада жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген Ұлттық басқарушы холдингтердің, ұлттық холдингтердің, ұлттық компаниялардың және дауыс беретін акцияларының (жарғылық капиталға қатысу үлестерінің) елу және одан да көп пайызы ұлттық басқарушы холдингке, ұлттық холдингке ұлттық компанияға тікелей немесе жанама түрде тиесілі ұйымдардың тауарларды, жұмыстарды, көрсетілетін қызметтерді сатып алуды жүзеге асыру қағидаларында (бұдан әрі – Қағидалар):
3-тармақ мынадай редакцияда жазылсын:
"3. Осы Қағидаларда мынадай ұғымдар пайдаланылады:
1) анық емес ақпарат – әлеуетті өнім берушінің тендерге қатысуға арналған өтінімінде қамтылған, сол сияқты әлеуетті өнім берушінің берілген өтінімінің шынайы мазмұнын бұрмалайтын және шындығына сәйкес келмейтін түзетулер арқылы енгізілген жалған мәліметтер;
2) әлеуетті өнім беруші – сатып алу туралы шарт жасасуға үмiткер, кәсiпкерлiк қызметтi жүзеге асыратын жеке тұлға, заңды тұлға (егер Қазақстан Республикасының заңдарында олар үшiн өзгеше белгiленбесе, мемлекеттiк мекемелердi қоспағанда), заңды тұлғалардың уақытша бiрлестiгi (консорциум);
3) әлеуетті өнім берушінің үлестес тұлғасы – осы әлеуетті өнім берушінің шешімдерін айқындауға және (немесе) ол қабылдайтын шешімдерге, оның ішінде жазбаша нысанда жасалған мәміленің күшіне орай ықпал етуге құқығы бар кез келген жеке немесе заңды тұлға, сондай-ақ өзіне қатысты осы әлеуетті өнім берушінің осындай құқығы болатын кез келген жеке немесе заңды тұлға;
4) біртекті тауарлар, жұмыстар, көрсетілетін қызметтер – бірдей болмаса да, сол бір функцияларды орындауына мүмкіндік беретін ұқсас сипаттамалары бар және ұқсас құрауыштардан тұратын тауарлар, жұмыстар, көрсетілетін қызметтер;
5) веб-порталда тіркеу – сатып алу жүйесі субъектісін веб-портал арқылы сатып алуға қатысуға жіберу;
6) веб-порталға қатысушы – Тапсырыс беруші, сатып алуды ұйымдастырушы, әлеуетті өнім беруші, өнім беруші, сатып алуды бақылау жөніндегі орталықтандырылған қызмет, сатып алу саласындағы уәкілетті орган, веб-порталда тіркеуден өткен электрондық сатып алу ақпараттық жүйесінің операторы;
7) дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі заңды тұлғалардың үлестес тұлғалары – дауыс беретін акцияларының (жарғылық капиталға қатысу үлестерінің) елу және одан да көп пайызы тікелей не жанама түрде, дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі заңды тұлғаларға тиесілі заңды тұлғалар. Жанама тиесілілік өзге заңды тұлғаның дауыс беретін акцияларының (жарғылық капиталға қатысу үлестерінің) елу және одан да көп пайызының әрбір келесі үлестес тұлғаға тиесілі болатынын білдіреді;
8) жұмыстар – заттық нәтижесі бар қызмет, сондай-ақ Қазақстан Республикасының заңдарына сәйкес жұмыстарға жатқызылған өзге де қызмет;
9) жеке кабинет – электрондық сатып алу сатып алу рәсімдерін, сатып алуға қатысуларын, сондай-ақ веб-порталда орналастырылған автоматтық хабарламалар мен мәліметтерді алуды жүзеге асыруға арналған пайдаланушының веб-порталдағы автоматтандырылған жұмыс орны;
10) жергілікті қамту – сатып алу туралы шартты орындауға жұмылдырылған Қазақстан Республикасының азаматтарына еңбекақы төлеу құнының осы шарт бойынша жалпы еңбекақы төлеу қорынан және (немесе) сатып алу туралы шарт бойынша тауардың (тауарлардың) жалпы құнынан Қазақстан Республикасы резиденттерінің жеткілікті дәрежеде қайта өңдеу немесе толығымен өндіру өлшемдеріне сәйкес тауарда (тауарларда) белгіленген қазақстандық шығу тегі үлесінің (үлестері) құнынан пайыздық қамту;
11) индустриалдық сертификат – өтінім берушінің тауарларды, жұмыстар мен көрсетілетін қызметтерді отандық өндірушілердің тізілімінде болуын растайтын құжат;
12) көрсетілетін қызметтер – тапсырыс берушінің қажеттіліктерін қанағаттандыруға бағытталған, заттық нәтижесі жоқ қызмет;
13) кепілдендірілген тапсырыс – ұлттық басқарушы холдингтердің, ұлттық холдингтердің, ұлттық компаниялардың және олармен үлестес заңды тұлғалардың тауарлардың, жұмыстардың көрсетілетін қызметтердің және оларды берушілердің дерекқорына енгізілген тауарларды, жұмыстарды және көрсетілетін қызметтерді сатып алуы;
14) құжаттың электрондық көшірмесі – өтініш берушінің немесе осы құжатты куәландыруға өкілеттігі бар адамның не мемлекеттік қызметті алушының өзі болған сәтте берген жазбаша келісімі негізінде халыққа қызмет көрсету орталығының уәкілетті қызметкерінің электрондық цифрлық қолтаңбасымен куәландырылған түпнұсқа құжаттың түрін және ақпаратын (деректерін) электрондық-цифрлық нысанда толық көрсететін құжат;
15) Қазақстан Республикасының резиденттері – шет мемлекетте тұрақты тұру құқығына сол мемлекеттің заңнамасына сәйкес берілген құжаты бар азаматтарды қоспағанда, Қазақстан Республикасының азаматтары, оның ішінде шетелде уақытша жүрген немесе оның шегінен тыс жерлерде мемлекеттік қызметте жүрген азаматтары;
Қазақстан Республикасында тұрақты тұру құқығына құжаты бар шетелдіктер және азаматтығы жоқ адамдар;
Қазақстан Республикасының заңнамасына сәйкес құрылған, оның аумағында орналасқан заңды тұлғалар, сондай-ақ Қазақстан Республикасында және оның шегінен тыс жерлерде орналасқан олардың филиалдары мен өкілдіктері;
Қазақстан Республикасының шегінен тыс жерлерде орналасқан дипломатиялық, сауда және өзге де ресми өкілдіктері;
16) Қазақстан Республикасы Ұлттық валютасының бағамының едәуір төмендеуі – Қазақстан Республикасы Ұлттық валютасының шетел валюталарына қатысты бағамының 20 (жиырма) және одан да көп пайызға төмендеуі.
Қазақстан Республикасының ұлттық валютасы бағамының едәуір төмендеуін айқындау мынадай формула негізінде жүзеге асырылады:
[(R1-R0)/R0] x 100, мұнда
R0-ұлттық валютаның ресми бағамының бастапқы мәні;
R1-ұлттық валютаның ресми бағамының түпкілікті мәні;
17) өнім беруші – тапсырыс берушімен сатып алу туралы жасасқан шартта оның контрагенті ретінде әрекет ететін, кәсіпкерлік қызметті жүзеге асыратын жеке тұлға, заңды тұлға (егер Қазақстан Республикасының заңдарында өзгеше белгіленбесе, мемлекеттік мекемелерді қоспағанда), заңды тұлғалардың уақытша бірлестігі (консорциум);
18) сатып алу бастамашысы – тауарларды, жұмыстар мен көрсетілетін қызметтерді сатып алуға мүдделі, техникалық сипаттаманы (ерекшелікті), біліктілік талаптарын әзірлейтін, сондай-ақ тауарларды, жұмыстар мен көрсетілетін қызметтерді сатып алу туралы жасалған шарттарды одан әрі орындауға жауапты құрылымдық бөлімше және (немесе) Тапсырыс берушінің жауапты қызметкері;
19) төленген салықтардың көрсеткіші – осы Қағидалардың 45-тармағы 2) тармақшасының екінші бөлігіне сәйкес есептелетін, мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жыл ішінде әлеуетті өнім берушінің кірістер сомасына төленген салықтар сомасының пайыздық арақатынасы;
20) сатып алу веб-порталы (бұдан әрі – веб-портал) – сатып алудың электрондық қызметтеріне қол жеткізу нүктесін ұсынатын ақпараттық жүйесі;
21) сатып алу саласындағы уәкілетті орган – ұлттық басқарушы холдингтердің, ұлттық холдингтердің, ұлттық компаниялардың және дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде ұлттық басқарушы холдингке, ұлттық холдингке, ұлттық компанияға тиесілі ұйымдардың тауарларды, жұмыстарды және көрсетілетін қызметтерді сатып алуы саласындағы басшылықты, сондай-ақ салааралық үйлестіруді жүзеге асыратын орталық атқарушы орган;
22) сатып алуды ұйымдастыру және өткізу рәсімі – әлеуетті өнім берушімен сатып алу туралы шарт жасасу мақсатында сатып алуды ұйымдастырушы, тиісті комиссия осы Қағидаларға сәйкес жүзеге асыратын өзара байланысты, дәйекті іс-шаралар кешені;
23) сатып алу жүйесінің субъектілері – әлеуетті өнім беруші, Өнім беруші, Тапсырыс беруші, сатып алуды ұйымдастырушы, сатып алу саласындағы оператор, уәкілетті орган, сарапшы;
24) сатып алуды бақылау жөніндегі орталықтандырылған қызмет – акционері ұлттық басқарушы холдинг немесе ұлттық холдинг болып табылатын ұлттық компанияны қоспағанда, ұлттық басқарушы холдингтің, ұлттық холдингтің, ұлттық компанияның Директорлар кеңесі құратын, Заңда айқындалған тәртіппен ұлттық басқарушы холдингтерде, ұлттық холдингтерде, ұлттық компанияларда және дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде ұлттық басқарушы холдингке, тиесілі ұйымдарда сатып алуды жүзеге асыру қағидаларының сақталуына ішкі бақылауды жүзеге асыратын қызмет;
25) сатып алу жөніндегі сараптама комиссиясы – сатып алынатын тауарлардың, жұмыстардың, көрсетілетін қызметтердің техникалық тапсырмасын және (немесе) техникалық өзіндік ерекшелігін әзірлеуге және (немесе) әлеуетті өнім берушілер ұсыныстарының сатып алынатын тауарлардың, жұмыстардың, көрсетілетін қызметтердің техникалық өзіндік ерекшелігіне сәйкестігіне қатысты сараптамалық қорытынды дайындауға қатысу үшін сарапшыларды тарта отырып, сатып алуды ұйымдастырушы не Тапсырыс беруші құратын алқалы орган;
26) сатып алу жөніндегі сарапшы – сатып алуды ұйымдастырушы не Тапсырыс беруші сатып алынатын тауарлардың, жұмыстардың, көрсетілетін қызметтердің техникалық тапсырмасын және (немесе) техникалық ерекшелігін әзірлеуге және (немесе) әлеуетті өнім берушілер ұсыныстарының сатып алынатын тауарлардың, жұмыстардың, көрсетілетін қызметтердің техникалық ерекшелігіне сәйкестігіне қатысты сараптамалық қорытынды дайындауға қатысу үшін тартатын, өткізілетін сатып алу саласында арнайы және (немесе) техникалық білімі, тәжірибесі және біліктілігі бар жеке тұлға;
27) сатып алудың сәйкестендіру коды – сатып алудың барлық кезеңдері туралы ақпарат қамтылған әрбір сатып алуға (лотқа) берілетін сәйкестендіру нөмірі;
28) сатып алу туралы шарт (бұдан әрі – шарт) – осы Қағидаларда көзделген жағдайларды қоспағанда, Тапсырыс беруші мен өнім беруші арасында веб-портал арқылы жасалған, электрондық цифрлық қолтаңбалармен куәландырылған азаматтық-құқықтық шарт;
29) тауарлар – Қазақстан Республикасының заңдарына сәйкес сатып алу-сату мәмілелерін жасауға болатын заттар (заттар), оның ішінде жартылай фабрикаттар немесе қатты, сұйық немесе газ тәріздес күйдегі шикізат, электр және жылу энергиясы, зияткерлік меншік құқығы объектілері, сондай-ақ заттық құқықтар;
30) Тапсырыс берушілер – дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде Ұлттық басқарушы холдингке, ұлттық холдингке, ұлттық компанияға тиесілі ұлттық басқарушы холдингтер, ұлттық холдингтер, ұлттық компаниялар және ұйымдар;
31) тендерлік баға ұсынысы – тендер тәсілімен сатып алуға қатысу үшін әлеуетті өнім беруші ұсынған, тендерге қатысуға өтінімге қоса берілетін баға;
32) тауарларға, жұмыстарға, көрсетілетін қызметтерге бағалардың дерекқоры – сатып алу қорытындылары бойынша тауарларға, жұмыстарға, көрсетілетін қызметтерге қалыптасқан ең төменгі, орташа және ең жоғары бағалар туралы мәліметтерді қамтитын сатып алу веб-порталының бір бөлігі болып табылатын ақпараттық кіші жүйе;
33) тауарлардың, жұмыстардың, көрсетілетін қызметтердің анықтамалығы (бұдан әрі – анықтамалық) – сатып алуды жүзеге асыру үшін пайдаланылатын, уәкілетті орган айқындаған, тауарлар, жұмыстар, көрсетілетін қызметтер кодтарының жүйеленген тізбесі;
34) тендерлік (аукциондық) комиссия – тендер және (немесе) аукцион тәсілімен сатып алуды өткізу рәсімін орындау үшін сатып алуды ұйымдастырушы құратын алқалы орган;
35) тендерлік (аукциондық) құжаттама – тендерге (аукционға) қатысуға өтінімді дайындау үшін әлеуетті өнім берушіге ұсынылатын құжаттама, онда тендерге (аукционға) қатысуға өтінімге қойылатын талаптар, тендер және (немесе) аукцион тәсілімен сатып алуды жүзеге асыру шарттары мен тәртібі қамтылады;
36) тендерлік комиссия мүшесі мүдделерінің қақтығысы – тендерлік комиссия мүшесінің жеке мүдделері тауарларды, жұмыстар мен көрсетілетін қызметтерді сатып алуды жүзеге асыру кезінде оның шешімдер қабылдауға қатысу әділдігіне әсер етуі ықтимал жағдай;
37) уәкілетті өкіл – веб-порталға қатысушының пайдаланушысы, оған веб-порталға қатысушының бірінші басшысының тиісті шешімімен веб-порталда барлық іс-әрекеттерді орындауға, оның ішінде құжаттардың электрондық көшірмелерін куәландыруға құқықтар берілген
38) ұлттық басқарушы холдингтердің, ұлттық холдингтердің, ұлттық компаниялардың және дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде ұлттық басқарушы холдингке, ұлттық холдингке, ұлттық компанияға тиесілі ұйымдардың тауарларды, жұмыстарды және көрсетілетін қызметтерді сатып алуын ұйымдастырушы (бұдан әрі – сатып алуды ұйымдастырушы) – тапсырыс берушінің лауазымды адамы не құрылымдық бөлімшесі немесе сатып алуды ұйымдастыру және өткізу рәсімдерін орындауға жауапты етіп айқындалған заңды тұлға;
39) ұзақ мерзімді сатып алу – ұзақ мерзімді сатып алу жоспарына сәйкес жүзеге асырылатын, жеткізу (орындау/көрсету) мерзімі он екі айдан асатын тауарларды, жұмыстар мен көрсетілетін қызметтерді сатып алу;
40) шартты баға – тендерге қатысушының тендерлік баға ұсынысына тендерлік құжаттамада көзделген өлшемшарттардың салыстырмалы мәнін қолдануды ескере отырып есептелген және тендер жеңімпазын айқындау мақсатында тендерлік баға ұсыныстарын бағалау және салыстыру кезінде ғана пайдаланылатын баға;
41) электрондық сатып алу ақпараттық жүйесінің операторы – сатып алу саласындағы уәкілетті орган айқындаған заңды тұлға;
42) электрондық құжат – ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған құжат;
43) электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар терімі;
44) оффтэйк-шарт жаңа өндіріс құру жөніндегі жобаны іске асыратын әлеуетті өнім берушімен 36 (отыз алты) және одан да көп ай мерзімге жасалатын сатып алу туралы ұзақ мерзімді шарт.";
7-тармақ мынадай редакцияда жазылсын:
"7. Сатып алу жоспар(лар)ы мынадай мәліметтерді қамтуы тиіс:
1) сатып алудың сәйкестендіру коды;
2) қосылған құн салығын (бұдан әрі − ҚҚС) есепке алмай сатып алуды жүзеге асыру үшін бөлінген соманы қоса алғанда, анықтамалыққа сәйкес тауарлардың, жұмыстардың, көрсетілетін қызметтердің номенклатурасы;
3) сатып алуды жүзеге асыру тәсілдері мен мерзімдері;
4) тауарларды жеткізудің, жұмыстарды орындаудың, қызметтерді көрсетудің жоспарланған мерзімдері мен орны;
5) жоспарланған мерзімі тауарларды жеткізу, жұмыстарды орындау, қызметтерді көрсету кестеге сәйкес және жылдар бойынша бөле отырып, бөлінген және көзделген сома әрбір қаржы жылына (сатып алудың ұзақ мерзімді жоспарлары үшін);
6) пайыздық баламада алдын ала төлем (аванс) болған жағдайда;
7) сатып алу бастамашысының атауы.";
мынадай мазмұндағы 40-1-тармақпен толықтырылсын:
"Осы Қағидалардың 36-тармағы бірінші бөлігінің 1), 2) және 3) тармақшаларында белгіленген біліктілік талаптары әлеуетті өнім беруші өткізілетін сатып алудың нысанасы болып табылатын жұмыстарды орындау бойынша қосалқы мердігер не қызметтер көрсету бойынша бірлесіп орындаушы ретінде тартуды көздейтін, кәсіпкерлік қызметті жүзеге асыратын жеке тұлғаларға және заңды тұлғаларға да қолданылады.
Жұмыстардың не көрсетілетін қызметтердің қосалқы мердігерлерін (бірлесіп орындаушыларын) тартуды көздейтін әлеуетті өнім беруші сатып алуды ұйымдастырушыға жұмыстардың не көрсетілетін қызметтердің тартылатын қосалқы мердігерлерінің (бірлесіп орындаушылардың) осы Қағидалардың 36-тармағы бірінші бөлігінің 1), 2) және 3) тармақшаларында белгіленген біліктілік талаптарына сәйкестігін растайтын құжаттарды табыс етеді.
Жұмыстардың не көрсетілетін қызметтердің жекелеген түрлерін орындау үшін қосалқы мердігерлерді (бірлесіп орындаушыларды) тартқан жағдайда, олардың осы Қағидалардың 36-тармағы бірінші бөлігінің 1), 2) тармақшаларында салық берешегі бөлігінде және 3) тармақшасында белгіленген біліктілік талаптарына сәйкестігін растайтын құжаттар олар орындайтын жұмыстардың, көрсетілетін қызметтердің түрлеріне ұсынылады.";
мынадай мазмұндағы 41-1-тармақпен толықтырылсын:
41-1. Автомобиль жолдары саласында жұмыстар мен қызметтерді сатып алуды жүзеге асыру кезінде жұмыс тәжірибесінің болуы жөніндегі біліктілік талабы осы Қағидалардың 41-тармағының 1), 2) және 3)-тармақшаларында көзделген талаптарды ескере отырып, үш жылдан аспайтын мерзімге белгіленуі мүмкін.";
58 және 59-тармақтар мынадай редакцияда жазылсын:
"58. Әлеуетті өнім беруші осы Қағидаларда көзделген, оларға өзгерістер және (немесе) толықтырулар енгізуге жол берілмейтін мәліметтерді қамтитын бір ғана баға ұсынысын ұсынады.
Әлеуетті өнім берушілердің берілген баға ұсыныстарын табыс ету мерзімі өткенге дейін кері қайтарып алуына жол беріледі. Бұл ретте, баға ұсыныстарын табыс ету мерзімі аяқталғанға дейін енгізілген өзгерістермен қайта ұсынуға жол беріледі.
59. Әлеуетті өнім берушінің баға ұсынысын табыс етуі оның шарт жобасында және техникалық ерекшелікте көзделген талаптарды сақтай отырып, тауарды жеткізуді, жұмыстарды орындауды, қызметтер көрсетуді жүзеге асыруға келісімін білдіру нысаны болып табылады.";
61 және 62-тармақтар мынадай редакцияда жазылсын:
"61. Әлеуетті өнім беруші баға ұсынысын веб-портал арқылы сатып алуды ұйымдастырушыға осы Қағидаларға 3-қосымшаға сәйкес нысан бойынша хабарландыруда көрсетілген баға ұсыныстарын қабылдау мерзімі аяқталғанға дейін береді.
62. Баға ұсынысы веб-портал баға ұсынысын берген әлеуетті өнім берушіге тиісті хабарламаны автоматты түрде жібергеннен кейін қабылданды деп есептеледі.";
64-тармақ мынадай редакцияда жазылсын:
"64. Егер қатысушылардың (баға ұсыныстарының) саны үш әлеуетті өнім берушіден кем болса, осы Қағидалардың 365-1-тармағында көзделген талаптарды сақтай отырып, ең төмен баға ұсынысын ұсынған әлеуетті өнім беруші жеңімпаз деп танылады.
Бұл ретте, егер қатысушылардың (баға ұсыныстарының) саны екі әлеуетті өнім берушіден көп болса, баға ұсынысы осы Қағидалардың 365-тармағында көзделген талаптарға сәйкес келетін әлеуетті өнім беруші жеңімпаз деп танылады.";
5-параграфтың тақырыбы мынадай редакцияда жазылсын:
"5-параграф. Сатып алуды өтпеді деп тану негіздері";
74-1-тармақ алынып тасталсын;
76-тармақ мынадай редакцияда жазылсын:
"76. Тендер тәсілімен сатып алуды ұйымдастыруды және өткізуді Ұйымдастырушы және (немесе) Тапсырыс беруші Тапсырыс берушінің және (немесе) Сатып алу бастамашысының сатып алуды жүзеге асыруға қазақ және орыс тілдерінде ұсынған өтінімнің негізінде жүзеге асырады, онда мынадай құжаттар қамтылады:
1) Тапсырыс берушінің бірінші басшысы не ол уәкілеттік берген тұлға және (немесе) сатып алу бастамашысы қол қойған тендер өткізуге өтінім;
2) Тапсырыс берушінің бірінші басшысы не ол уәкілеттік берген тұлға бекіткен тендерлік құжаттамаға 2, 3, 4, 5-қосымшаларға сәйкес нысандар бойынша біліктілік талаптары, тендерлік құжаттамаға 6-қосымшаға сәйкес нысан бойынша техникалық ерекшелік, тендерлік құжаттаманың ажырамас бөлігі болып табылатын үлгілік шарттар негізінде әзірленген шарттың жобасы және сараптама комиссиясының не оны құру (тарту) қажет болған жағдайда сатып алу сарапшысының құрамы.
Жобалау-сметалық құжаттаманы талап ететін жұмыстарды сатып алуды жүзеге асыру кезінде тендерлік құжаттамада техникалық ерекшеліктің орнына Қазақстан Республикасының заңнамасына сәйкес ведомстводан тыс кешенді сараптамадан өткен жобалау-сметалық құжаттама қамтылуы тиіс. Қазақстан Республикасының заңнамасына сәйкес сараптамадан өткен жобалау-сметалық құжаттамамен қатар тендерлік құжаттамада кешенді ведомстволық сараптаманың оң қорытындысының электрондық көшірмесі қамтылуы тиіс.";
96-тармақ мынадай редакцияда жазылсын:
"96. Тендерлік құжаттамада, осы Қағидаларда көзделмеген жағдайларда, әлеуетті өнім берушілердің санын шектеуге әкеп соғатын талаптар белгіленбейді, оның ішінде мыналарға қатысты:
1) әлеуетті өнім берушілерге кез келген сандық өлшенбейтін және (немесе) әкімшілендірілмейтін талаптарды белгілеуге;
2) мынадай жағдайларды:
негізгі (орнатылған) жабдықты, сондай-ақ орнатылған бағдарламалық қамтамасыз етуді (лицензиялық бағдарламалық қамтамасыз етуді) толық жинақтау, жаңғырту және толық жарақтандыру үшін);
тапсырыс берушіде бар тауарды жөндеу және (немесе) техникалық сүйемелдеу үшін сатып алуды жүзеге асыруды қоспағанда, тауар белгілеріне, қызмет көрсету белгілеріне, фирмалық атауларға, патенттерге, пайдалы үлгілерге, өнеркәсіптік үлгілерге, тауардың шығу орнының атауы мен өндірушінің атауына, сондай-ақ сатып алынатын тауардың, жұмыстың, көрсетілетін қызметтің жекелеген әлеуетті өнім берушіге тиесілілігін айқындайтын өзге де сипаттамаларға нұсқайтын сілтемелердің қамтылуына жол берілмейді.";
12-параграфтың тақырыбы мынадай редакцияда жазылсын:
"12-параграф. Тауарларды, көрсетілетін қызметтерді және жұмыстарды сатып алуды жүзеге асыру кезінде өтінімдерді қарау ерекшеліктері";
мынадай мазмұндағы 162-1-тармақпен толықтырылсын:
"162-1. Жаңа объектілер құрылысының барысына, сондай-ақ қолданыстағы объектілерді кеңейту, техникалық қайта жарақтандыру, жаңғырту, реконструкциялау, қалпына келтіру және күрделі жөндеу барысына инжинирингтік қызметтер көрсету (техникалық және авторлық қадағалау) сатып алу нысанасы болып табылатын тендерде жұмыс тәжірибесін растайтын құжат "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасының 2001 жылғы 16 шілдедегі Заңының 20-бабына сәйкес сәулет, қала құрылысы және құрылыс қызметі саласындағы уәкілетті орган бекіткен нысан бойынша объектілерді пайдалануға қабылдау актілерінің электрондық көшірмелері болып табылады.";
мынадай мазмұндағы 165-1, 165-2, 165-3 және 165-4-тармақтармен толықтырылсын:
"165-1. Құрылыс-монтаждау жұмыстарына тиісті рұқсаты (хабарламасы) бар және қолданыстағы объектілерді ағымдағы және орташа жөндеу бойынша жұмыстарды сатып алуға қатысатын әлеуетті өнім берушілер тендерлік құжаттамада көзделген материалдық және еңбек ресурстарына ие болу бөлігінде біліктілік талаптарына сәйкес деп танылады.
165-2. Тендердің нысанасы автомобиль жолын орташа жөндеу бойынша жұмыстар болып табылатын тендерде автомобиль жолдарын салу, реконструкциялау, күрделі және орташа жөндеу жұмыстарының тәжірибесі ескеріледі.
Тендердің нысанасы ағымдағы жөндеу бойынша жұмыстар болып табылатын тендерде жаңа объектілерді салу, қолданыстағы объектілерді кеңейту, жаңғырту, техникалық қайта жарақтандыру, реконструкциялау, күрделі және ағымдағы жөндеу жұмыстарының тәжірибесі ескеріледі.
Тендердің нысанасы автомобиль жолдарын ағымдағы жөндеу бойынша жұмыстар болып табылатын тендерде жаңа объектілерді салу, қолданыстағы объектілерді кеңейту, жаңғырту, техникалық қайта жарақтандыру, реконструкциялау, күрделі, орташа және ағымдағы жөндеу жұмыстарының тәжірибесі ескеріледі.
165-3. Растайтын құжаттардың электрондық көшірмелерін беру, оларды көрсеті тендерлік құжаттамада көзделген мәліметтер бойынша ғана міндетті. Егер тендерлік құжаттамада тиісті материалдық және еңбек ресурстарына ие болу бөлігінде талаптар көзделмеген жағдайда, растайтын құжаттардың электрондық көшірмелері берілмейді.
165-4. Материалдық ресурстарды жалға алу құқығын растайтын құжат жалға алу шартының электрондық көшірмесі не алдын ала жалға алу шартының электрондық көшірмесі болып табылады. Бұл ретте шарттар бойынша жалға алу мерзімі тендерлік құжаттамада белгіленген жұмыстарды орындау мерзімінен кем болмауы тиіс.
Бұл ретте материалдық ресурстарды қосалқы жалға алу шартының электрондық көшірмесін ұсынуға жол берілмейді.";
172-тармақ мынадай редакцияда жазылсын:
"172. Мерзімі бір жылдан асатын шарттар бойынша жұмыс тәжірибесін есептеу кезінде жұмыстардың аяқталған жылы танылады.";
173-тармақ алынып тасталсын;
186-тармақ мынадай редакцияда жазылсын:
"186. Тендер мына негіздердің бірі бойынша өткізілмеді деп танылады:
1) тендерге қатысуға ұсынылған өтінімдер болмаған;
2) тендерге қатысуға екеуден кем өтінім берілген;
3) тендерге қатысуға екеуден кем өтінім берілген жағдайда бір де бір әлеуетті өнім беруші тендерге қатысуға жіберілмеген;
4) тендерге қатысуға екеуден астам өтінім берілген жағдайда бірде-бір әлеуетті өнім беруші тендерге қатысуға жіберілмеген.";
187-тармақ мынадай мазмұнда жазылсын:
"187.Егер тендер тәсілімен сатып алу өтпеді деп танылса, Тапсырыс беруші мынадай:
1) тендер тәсілімен сатып алуды қайта өткізу туралы;
2) тендерлік құжаттаманы өзгерту және тендер тәсілімен қайта сатып алуды өткізу туралы;
3) осы Қағидалардың 186-тармағының 1) және 2) тармақшаларында көзделген негіздер бойынша сатып алу өтпеді деп танылған жағдайларда бір көзден алу тәсілімен сатып алуды жүзеге асыру туралы шешімдердің бірін қабылдайды.
Сондай-ақ осы тармақ осы Қағидаларға 2-1-қосымшада көзделген тізбедегі тауарлар мен көрсетілетін қызметтерді сатып алуға осы Қағидалардың 77-ттармағында көзделген шарттарды сақтай отырып қолданылады.";
мынадай мазмұндағы 190-1-тармақпен толықтырылсын:
"190-1. Егер сатып алуға қатысуға өтінімдердің болмауы негізі бойынша сатып алу өтпеді деп танылған жағдайларда сатып алуды ұйымдастырушы осы Қағидалардың 21-тармағының 1) тармақшасында көзделген сатып алуды жүзеге асыру қағидатын сақтай отырып, Қазақстан Республикасының резиденті болып табылмайтын әлеуетті өнім берушіге қағаз жеткізгіште шақыру жібереді.
Сонымен бірге Тапсырыс беруші (сатып алуды ұйымдастырушы) келісім-шарт жасасқаннан кейін 5 (бес) жұмыс күн ішінде веб-порталға шақыру мен сатып алу туралы келісім-шартты орналастырады.";
194-тармақ мынадай мазмұнда жазылсын:
"194. Егер баға ұсыныстарын сұрату тәсілімен сатып алуды жүзеге асыру кезінде белгіленген мерзім ішінде әлеуетті өнім берушінің бір ғана баға ұсынысы берілген жағдайда, тапсырыс беруші сатып алуды қайталап өткізуге немесе осы баға ұсынысын берген әлеуетті өнім берушіге шақыру жібереді. Бұл ретте шарттың бағасы әлеуетті өнім берушінің баға ұсынысынан аспайды.";
201-тармақ мынадай мазмұнда жазылсын:
"201. Сатып алу туралы шартты тікелей жасасу жолымен бір көзден алу тәсілімен сатып алу мынадай жағдайларда жүзеге асырылады:
1) табиғи монополиялар салаларына жататын көрсетілетін қызметтерді сатып алу, сондай-ақ электр энергиясын кепілдік беретін жеткізушімен энергиямен жабдықтау немесе электр энергиясын сатып алу-сату, сондай-ақ қосылған желі арқылы сумен жабдықтау, сарқынды суларды (кәріз), табиғи газды, су мен жылу энергиясын бұру қызметтерін сатып алу;
2) сатып алынатын тауарларға, көрсетілетін қызметтерге, қатысты айрықша құқықтары бар тұлғадан зияткерлік меншік объектілері болып табылатын тауарларды, көрсетілетін қызметтерді, сондай-ақ осы жобалауды немесе жобалау-сметалық құжаттаманы әзірлеген тұлғадан жобалау алдындағы немесе жобалау-сметалық құжаттаманы түзету жөніндегі жұмыстарды сатып алу;
3) оқшауланған бөлімшенің қызметін қамтамасыз ету үшін тапсырыс берушінің оқшауланған бөлімшелерінің шет мемлекеттің аумағында (Қазақстан Республикасының аумағынан тыс) тауарларды, жұмыстарды, көрсетілетін қызметтерді сатып алу;
4) Қазақстан Республикасының заңнамасына сәйкес Қазақстан Республикасы Президентінің және өзге де күзетілетін тұлғалардың қатысуымен іс-шаралар өткізу үшін қажетті тауарларды, жұмыстарды, көрсетілетін қызметтерді сатып алу;
5) төреліктерде, шетелдік төреліктерде, шетелдік мемлекеттік және сот органдарында талқылаулар перспективаларын бағалау, мемлекеттің не тапсырыс берушілердің мүдделерін қорғау және білдіру жөніндегі, сондай-ақ төрелік (сот) дауларды, төрелік алымдар мен аралық сотта дауды шешуге байланысты шығыстарды реттеуге дейінгі процесте консультациялық және заң қызметтерін сатып алуы;
6) Қазақстан Республикасының заңдарында айқындалған тұлғадан тауарларды, жұмыстарды, көрсетілетін қызметтерді сатып алу;
7) Қазақстан Республикасының заңнамасында айқындалған тұлғадан мүлікті сенімгерлік басқару жөніндегі көрсетілетін қызметтерді сатып алу;
8) сауда-саттықта (аукциондарда) өткізілетін мүлікті (активтерді) сатып алу):
Қазақстан Республикасының Атқарушылық іс жүргізу және сот орындаушыларының мәртебесі туралы заңнамасына сәйкес сот орындаушылары;
Қазақстан Республикасының оңалту және банкроттық туралы заңнамасына сәйкес өткізілетін;
Қазақстан Республикасының жер заңнамасына сәйкес өткізілетін;
мемлекеттік мүлікті жекешелендіру кезінде;
9) ғарыш түсірілімдерін сатып алу;
10) мамандандырылған авиажөндеу кәсіпорындарында авиациялық техниканы жөндеу жөніндегі жұмыстар мен көрсетілетін қызметтерді сатып алу;
11) егер мұндай біртекті тауарлардың, жұмыстар мен көрсетілетін қызметтердің құндық мәндегі жылдық көлемі тиісті қаржы жылына арналған республикалық бюджет туралы заңда белгіленген айлық есептік көрсеткіштің бір мың еселенген мөлшерінен аспаса, біртекті тауарларды, жұмыстар мен көрсетілетін қызметтерді сатып алу;
12) көрмелердің, семинарлардың, конференциялардың, кеңестердің, форумдардың, симпозиумдардың, тренингтердің, тағылымдамалардың, мастер-кластардың материалдарын сатып алу, сондай-ақ көрсетілген іс-шараларға қатысқаны үшін ақы төлеу және көрсетілген іс-шараларға қатысуды ұйымдастыру үшін тауарларды, жұмыстарды, көрсетілетін қызметтерді сатып алу;
13) Тапсырыс берушінің шарт бойынша міндеттемелерді орындау үшін тауарларды, жұмыстарды, көрсетілетін қызметтерді сатып алуы:
мемлекеттік сатып алу туралы заңнама шеңберінде өнім беруші ретінде жасалған сатып алу туралы;
тендер қорытындысы бойынша жер қойнауын пайдалану туралы заңнама шеңберінде өнім беруші ретінде ол жасасқан сатып алу туралы;
басқа елдердің заңнамасы шеңберінде өнім беруші ретінде ол жасасқан сатып алу туралы (экспорттық келісімшарттар);
14) егер Тапсырыс берушінің алқалы атқарушы органы/ Байқаушы кеңесі (алқалы атқарушы органы/Байқаушы кеңесі болмаған жағдайда басқару органы/жоғары органы (қатысушылардың жалпы жиналысы) бекіткен тізбе бойынша күнделікті және (немесе) апта сайынғы қажетті (жарияланған сәттен бастап және тендер қорытындылары бойынша шарт жасалғанға дейінгі кезеңге) сатып алуды жүзеге асыру қажеттілігі болса, тауарларды, жұмыстарды, көрсетілетін қызметтерді сатып алу;
15) төтенше жағдайлардың салдарларын оқшаулау және (немесе) жою үшін, электр энергетикасы объектілеріндегі, тыныс-тіршілікті қамтамасыз ететін коммуникациялық жүйелердегі, темір жол, әуе, автомобиль, теңіз көлігі объектілеріндегі, байланыс объектілеріндегі, тазарту құрылыстарындағы, мұнай құбыржолдарындағы, газ құбыржолдарындағы және өзге де қауіпті өндірістік объектілердегі аварияларды жою үшін, сондай-ақ коммуникациялардың, тетіктердің, агрегаттардың, қосалқы бөлшектер мен материалдардың, сондай-ақ тауарларды, жұмыстарды, көрсетілетін қызметтерді, қалпына келтіруді талап ететін технологиялық процесте іске қосылған жабдықтардың, тетіктердің сынуы, істен шығуы туындаған кезде жұмыстар мен көрсетілетін қызметтерді сатып алу;
16) төтенше жағдайды енгізуге негіз болған себептер мен салдарды жою үшін тауарларды, жұмыстарды, қызмет көрсетулерді сатып алу.
Сонымен бірге, мұндай тауарларды, жұмыстарды, қызмет көрсетулерді сатып алу Тапсырыс берушінің басқару органының (директорлар кеңесінің) шешімі негізінде жүзеге асырылады;
17) Тапсырыс берушінің алқалы атқарушы органы/ байқаушы кеңесі (алқалы атқарушы органы/байқаушы кеңесі болмаған жағдайда басқару органы/жоғары органы (қатысушылардың жалпы жиналысы) бекіткен тізбе бойынша тауарларды кейіннен өңдеу мақсатында сатып алу;
18) қағаз және (немесе) электрондық жеткізгіштерде мерзімді баспасөз басылымдарын, бұқаралық ақпарат құралдарында ақпаратты дайындау және орналастыру жөніндегі көрсетілетін қызметтерді, сондай-ақ веб-сайттарда орналастырылған ақпаратты, оның ішінде халықаралық ақпараттық ұйымдардың, әр түрлі магниттік жеткізгіштерде шығарылған дыбыстандырылған кітаптарды, рельефтік-нүктелік қаріппен басылған кітаптарды, көзі көрмейтін мүгедектерге қызмет көрсету үшін тифлоқұралдарды беру жөнінде көрсетілетін қызметтерді сатып алу;
19) мемлекеттік қорғаныс тапсырысын жүзеге асыратын ұйымдардың Қазақстан Республикасының Қорғаныс өнеркәсібі және мемлекеттік қорғаныстық тапсырыс туралы заңнамасында айқындалған мемлекеттік қорғаныстық тапсырыстың құрамына кіретін тауарларды жеткізуге, жұмыстарды орындауға, әскери және қосарланған мақсаттағы (қолданыстағы) қызметтерді көрсетуге жасалған шарттар шеңберінде, сондай-ақ мемлекеттік қорғаныс тапсырысының құрамына кіретін өнімдерді өндіру, жұмыстарды орындау, әскери және қосарланған (мақсаттағы) қызметтерді көрсету, қолдану үшін сатып алуы;
20) ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда, сондай-ақ аса қауіпті жұмыстармен, машиналармен және тетіктермен байланысты жұмыстарда істейтін қызметкерлерді міндетті медициналық тексеріп-қарау жөніндегі көрсетілетін қызметтерді сатып алу;
21) теңіз агентінің, теңіз брокерінің көрсетілетін қызметтерін сатып алу;
22) өлшем құралдарын және навигациялық жабдықты тексеру және калибрлеу жөніндегі көрсетілетін қызметтерді сатып алу;
23) үй-жайларды, ғимараттарды, құрылыстарды, жалдау қызметтерін, сондай-ақ оларды пайдалануға байланысты қызметтерді сатып алу;
24) объектілерде орналасқан жерінің құпиялылығын сақтауды көздейтін жұмыстарды сатып алу;
25) полигондық сынақтарға байланысты тауарлар мен көрсетілетін қызметтерді сатып алу;
26) әскери-техникалық ынтымақтастық туралы және Қазақстан Республикасы мен басқа да елдер арасындағы Өнеркәсіптің қорғаныс салалары кәсіпорындарының өндірісі мен ғылыми-техникалық кооперациясы туралы шарттарды/келісімдерді орындау шеңберінде әскери және қос мақсаттағы тауарларды (жинақтаушы және қосалқы материалдарды) сатып алу;
27) инвестициялық стратегиялық жобаларды, сондай-ақ стратегиялық жобаларды іске асыру мақсатында тауарларды, жұмыстарды, көрсетілетін қызметтерді сатып алу;
28) Қазақстан Республикасының заңнамасында белгіленген бағалар, тарифтер бойынша тауарларды, жұмыстарды, көрсетілетін қызметтерді сатып алу
29) әлеуетті өнім беруші жаңа өндірістерді құру жөніндегі жобаны іске асыру шеңберінде, оның ішінде оффтэйк-шарт жасасу арқылы жүргізетін тауарды алқалы атқарушы орган және (немесе) байқаушы кеңес (алқалы атқарушы орган және (немесе) байқаушы кеңес болмаған жағдайда, Тапсырыс берушінің басқару органы және (немесе) жоғары органы (қатысушылардың жалпы жиналысы) бекіткен баға маркетингтік қорытындысы негізінде сатып алу;
30) кірме жолдарды пайдалану қызметтерін сатып алу;
31) спутниктік ресурсты, әуе кемесін жалдау бойынша көрсетілетін қызметтерді сатып алу;
32) рейтингтік агенттіктердің көрсетілетін қызметтерін, сақтандыру қызметтерін қоса алғанда, қаржылық көрсетілетін қызметтерді сатып алу;
33) акцияларының елу және одан да көп пайызы ұлттық басқарушы холдингке, ұлттық холдингке, ұлттық компанияларға тікелей немесе жанама түрде тиесілі заңды тұлғалардың акцияларын қор нарығына орналастыру жөніндегі консультациялық қызметтерді сатып алу;
34) ғарыш техникасы арнайы конструкторлық-технологиялық бюросының және ғарыш аппараттарының құрастыру-сынау кешенінің өндірістік қызметін қамтамасыз ету үшін шикізатты, құрал-саймандар мен шығыс материалдарын сатып алу;
35) Қазақстан Республикасының заңында белгіленген құзыреті негізінде Тапсырыс берушінің уәкілетті органы айқындаған Тапсырыс берушінің аудитін жүргізу жөніндегі аудиторлық ұйымның қызметтерін сатып алу;
36) басқару органын және (немесе) бақылау кеңесін қамтамасыз ету үшін қажет тауарларды, көрсетілетін қызметтерді сатып алу;
37) бейне және (немесе) аудиоматериалдарды жіберу бойынша көрсетілетін қызметтерді сатып алу;
38) теле бағдарламаларды, оның ішінде жерсеріктер және жер үсті құрылыстары арқылы тарату, трансляциялау жөнінде көрсетілетін қызметтерді сатып алу;
39) "Назарбаев Университетінің", "Назарбаев Зияткерлік мектептерінің" оқу және (немесе) ғылыми зертханаларының қызметін қамтамасыз ету үшін зертханалық шығыс материалдарын сатып алу;
40) тапсырыс берушіге "Назарбаев Зияткерлік мектептерінің, сондай-ақ "Назарбаев Университетінің" құрылысына бөлінген жер учаскелеріндегі құрылыстарды сатып алу және бұзу бойынша жұмыстар мен көрсетілетін қызметтерді құрылтайшысы жергілікті атқарушы орган болып табылатын заңды тұлғадан сатып алу;
41) ұлттық компанияның жарғылық мақсаттарына сәйкес білім беру, ғылым қызметтерін ұйымдастыру мен жүзеге асыру үшін білім беру және оқу бағдарламаларын (соның ішінде талапкерлерді таңдау және қабылдау, сондай-ақ профессорлық-оқытушылар құрамы мен білім беру және ғылыми қызмет мәселелері бойынша басшы персоналды іріктеу бойынша), даму тұжырымдамаларын әзірлеу, енгізу және (немесе) іске асыру жөнінде қызметтерді және (немесе) жұмыстарды сатып алу;
42) мемлекеттік тапсырысты орындау шеңберінде тауарларды, жұмыстарды және көрсетілетін қызметтерді сатып алу;
43) қызметкерлерді даярлау, қайта даярлау және біліктілігін арттыру жөнінде көрсетілетін қызметтерді, сондай-ақ білім беру бағдарламаларын, техникалық көмекті, тестік аккредиттеуді және аккредитттеуді қамтитын холдинг клиникаларын халықаралық аккредиттеуге дайындау жөнінде көрсетілетін қызметтерді сатып алу;
44) тапсырыс берушіден, сондай-ақ құрылтайшылары тапсырыс берушілер болатын мекемелерден тауарларды, жұмыстарды, көрсетілетін қызметтерді сатып алу не олардың қызметінің негізгі мәні бойынша дауыс беруші акцияларының (қатысу үлестерінің) елу немесе одан да көп пайызы тікелей немесе жанама түрде тапсырыс берушілерге тиесілі заңды тұлғалардан тапсырыс берушілердің тауарларды, жұмыстарды, көрсетілетін қызметтерді сатып алуы;
45) емделушінің өміріне қауіп төнген жағдайда дәрілік заттарды сатып алу;
46) Қазақстан Республикасының Ұлттық Банкі Басқармасының 2015 жылғы 24 сәуірдегі "Ипотекалық тұрғын үй қарыздарын (ипотекалық қарыздарды) қайта қаржыландыру бағдарламасын бекіту туралы" қаулысымен бекітілген бағдарламаны іске асыру шеңберінде кейіннен жалға беру мақсатында жылжымайтын мүлікті (тұрғын үйді) сатып алу.";
214-тармақ мынадай мазмұнда жазылсын:
"214. Шарт жобасы осы Қағидаларға 15, 15-1, 16, 17, 18, 18-1 және 19-қосымшаларға сәйкес тауарларды, жұмыстарды, көрсетілетін қызметтерді сатып алу туралы үлгі шарттар негізінде сатып алу нысанасының ерекшеліктері ескеріле отырып, сатып алу веб-порталы арқылы қалыптастырылады.
Тапсырыс беруші (Сатып алу бастамашысы) сатып алу веб-порталында шарт жобаларының үлгілерін қалыптастыруы мүмкін.";
214-1-тармақ мынадай мазмұнда жазылсын:
"214-1. Тапсырыс беруші жеңімпазға веб-портал арқылы электрондық цифрлық қолтаңбамен куәландырылған шарттың жобасын:
1) тендер (аукцион) тәсілімен сатып алу қорытындылары туралы хаттамаға шағым жасау мерзімі өткен күннен бастап 5 (бес) жұмыс күні ішінде;
2) баға ұсыныстарын сұрату тәсілімен сатып алудың жеңімпазы анықталған күннен бастап 5 (бес) жұмыс күні ішінде жібереді.";
217-тармақ мынадай мазмұнда жазылсын:
"217. Шарт жобасын тендер (аукцион) тәсілімен, электрондық цифрлық қолтаңба арқылы баға ұсыныстарын сұрату тәсілімен сатып алу жеңімпазы шарт жобасын қоса бере отырып, хабарлама веб-порталда келіп түскен күннен бастап 3 (үш) жұмыс күні ішінде куәландырады.";
227-тармақ мынадай мазмұнда жазылсын:
"227. Өнім беруші сатып алу туралы шарт жасалған күннен бастап он жұмыс күні ішінде сатып алу туралы шарттың орындалуын қамтамасыз етеді, сондай-ақ осы Қағидалардың 363-1-тармағына сәйкес соманы (бар болса) енгізеді.
Сатып алу туралы шарттың орындалуын қамтамасыз етуді, сондай-ақ осы Қағидалардың 363-1-тармағына сәйкес соманы (бар болса) өнім беруші онымен жасалған сатып алу туралы шарт бойынша өз міндеттемелерін тиісті түрде орындайтындығына кепілдік ретінде енгізеді.
Шарттың орындалуын қамтамасыз ету мөлшерін Тапсырыс беруші, Сатып алуды ұйымдастырушы шарттың жалпы сомасының үш пайызы мөлшерінде белгілейді.
Шарттың орындалуын қамтамасыз етуді енгізу туралы талап осы Қағидалардың 201-тармағының негізінде жүзеге асырылған бір көзден алу тәсілімен сатып алу қорытындылары бойынша айқындалған өнім берушілерге, сондай-ақ сатып алу қорытындылары бойынша сатып алынатын тауарлардың, жұмыстардың, көрсетілетін қызметтердің құны қосылған құн салығын есепке алмай, республикалық бюджет туралы заңда тиісті қаржы жылына арналған айлық есептік көрсеткіштің жүз есе мөлшерінен аспайтын баға ұсыныстарын сұрату тәсілімен айқындалған өнім берушілерге қолданылмайды.";
16-тарау мынадай мазмұндағы 1-1 параграфпен толықтырылсын:
"1-1. параграф. Шарт жасасудан жалтару және шарттың күшіне енуі
250-1. Егер жеңімпаз деп танылған әлеуетті өнім беруші осы Қағидаларда белгіленген мерзімде тапсырыс берушіге сатып алу туралы қол қойылған шартты ұсынбаған немесе сатып алу туралы шарт жасасып, сатып алу туралы шарттың орындалуын қамтамасыз етуді және (немесе) осы Қағидалардың 363-1-тармағына сәйкес соманы (бар болса) енгізбеген жағдайда, мұндай әлеуетті өнім беруші сатып алу туралы шарт жасасудан жалтарды деп танылады.
250-2. Сатып алудың жеңімпазы деп айқындалған әлеуетті өнім берушіні сатып алу туралы шарт жасасудан жалтарды деп таныған жағдайда, сатып алуды ұйымдастырушы ол енгiзген тендерге (аукционға) қатысуға арналған өтінімді қамтамасыз етудi ұстап қалады.
250-3. Сатып алу туралы шарт оған тапсырыс беруші мен өнім беруші қол қойғаннан кейін не соңғысы сатып алу туралы шарттың орындалуын қамтамасыз етуді, авансты (бар болса) қамтамасыз етуді, сондай-ақ осы Заңда және сатып алуды жүзеге асыру қағидаларында көзделген осы Қағидалардың 363-1-тармағына көзделген соманы (бар болса) толық енгізгеннен кейін күшіне енеді.";
260-тармақ мынадай мазмұнда жазылсын:
"260. Өнім беруші тауарды нақты жеткізген, жұмыстарды орындаған, қызметтерді көрсеткен күннен бастап бес жұмыс күннен кешіктірмей веб-портал арқылы Тапсырыс берушіге электрондық-цифрлық қолтаңбамен бекітілген активтерді қабылдау-тапсыру актісін, орындалған жұмыстардың (көрсетілген қызметтердің) актісін Қазақстан Республикасының заңнамасына сәйкес жібереді.";
мынадай мазмұндағы 390-1 тармақпен толықтырылсын:
"390-1. Аукциондық құжаттамада осы Қағидаларда көзделмеген жағдайларда, әлеуетті өнім берушілер санының шектелуіне алып келетін, оның ішінде мыналарға:
1) әлеуетті өнім берушілерге кез келген өлшенбейтін сандық және (немесе) әкімшілендірілмейтін талаптар белгілеуге;
2) тауар белгілеріне, қызмет көрсету белгілеріне, фирмалық атауларға, патенттерге, пайдалы модельдерге, өнеркәсіптік үлгілерге, тауардың шығарылған жерінің атауына және өндірушінің атауына, сондай-ақ сатып алынатын тауардың, жұмыстың, көрсетілетін қызметтің жекелеген әлеуетті өнім берушіге тиесілілігін айқындайтын өзге де сипаттамаларға, мыналарды:
негізгі (орнатылған) жабдықтарды, сондай-ақ орнатылған бағдарламалық қамтылымды (лицензиялық бағдарламалық қамтымды) қосымша жинақтау, жаңғырту және қосымша жарақтау үшін;
тапсырыс берушінің қолында бар тауарды жөндеу және (немесе) техникалық қызмет көрсету үшін сатып алуды жүзеге асыру жағдайларын қоспағанда, нұсқаулардың болуына қатысты сатып алу талаптары белгіленбейді.";
мынадай мазмұндағы 427-1-тармақпен толықтырылсын:
"427-1. Аукционға қатысуға бір өтінім берілген жағдайда, өтінім осы Қағидалардың 12-тарауына сәйкес ашылады және аукционға қатысуға қаралады.
Бұл ретте өтінімдер болмаған немесе бір өтінім рұқсат етілген жағдайларда веб-портал аукцион өткізілмей аукцион қорытындылары туралы хаттаманы қалыптастырады.";
Қағидаларға 5-қосымшада:
Тендерлік құжаттамаға 2-қосымша осы бұйрыққа 1-қосымшаға сәйкес жаңа редакцияда жазылсын;
Тендерлік құжаттамаға 2-1-қосымша осы бұйрыққа 2-қосымшаға сәйкес жаңа редакцияда жазылсын;
Тендерлік құжаттамаға 3-қосымша осы бұйрыққа 3-қосымшаға сәйкес жаңа редакцияда жазылсын;
Тендерлік құжаттамаға 3-1-қосымша осы бұйрыққа 4-қосымшаға сәйкес жаңа редакцияда жазылсын;
Тендерлік құжаттамаға 4-қосымша осы бұйрыққа 5-қосымшаға сәйкес жаңа редакцияда жазылсын;
Тендерлік құжаттамаға 4-1-қосымша осы бұйрыққа 6-қосымшаға сәйкес жаңа редакцияда жазылсын;
Тендерлік құжаттамаға 5-қосымша осы бұйрыққа 7-қосымшаға сәйкес жаңа редакцияда жазылсын;
Тендерлік құжаттамаға 5-1-қосымша осы бұйрыққа 8-қосымшаға сәйкес жаңа редакцияда жазылсын;
Осы бұйрыққа 9-қосымшаға сәйкес редакцияда Қағидаларға 18-1-қосымшамен толықтырылсын.
2. Қазақстан Республикасы Қаржы министрлігінің Мемлекеттік сатып алу және квазимемлекеттік сектордың сатып алу заңнамасы департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;
3) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін он жұмыс күні ішінде Қазақстан Республикасы Қаржы министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.
3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Қаржы министрі |
Е. Жамаубаев |
| Қазақстан Республикасы Қаржы министрінің 2020 жылғы 23 желтоқсандағы № 1226 Бұйрыққа 1-қосымша |
|
| Тендерлік құжаттамаға 2-қосымша |
Тауарларды сатып алуды жүзеге асыру кезінде әлеуетті өнім берушіге қойылатын біліктілік талаптары (тапсырыс беруші толтырады)
Тапсырыс берушінің атауы _______________________________________
Ұйымдастырушының атауы ______________________________________
Тендердің № ___________________________________________________
Тендердің атауы ________________________________________________
Лоттың № _____________________________________________________
Лоттың атауы __________________________________________________
Әлеуетті өнім беруші мынадай біліктілік талаптарына сәйкес келуі тиіс:
1. Қазақстан Республикасының рұқсаттар мен хабарламалар туралы заңнамасына сәйкес тауарларды жеткізуге рұқсаттың (хабарламаның) болуы.
Егер тауарды жеткізу тиісті рұқсатты алуды, хабарланы жіберуді талап еткен жағдайда мынадай мәліметтерді толтыру қажет.
№ | Рұқсаттың (хабарламаның) атауы |
1 |
Егер тауарды жеткізу тиісті рұқсат алуды, хабарлама жіберуді талап етпесе, онда бұл ақпарат толтырылмайды.
2. Республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің жоқ екендігі туралы мәліметтер мемлекеттік кіріс органдарының мәліметтері негізінде айқындалады.
3. Банкроттық не таратылу рәсіміне жатқызылмауы.
4. Қажетті материалдық және еңбек ресурстарының болуы
Материалдық ресурстар:
№ | Материалдық ресурстарының атауы және сипаттамасы | Саны |
1 |
Еңбек ресурстары:
№ | Еңбек ресурстарының атауы (мамандығы/біліктілігі) | Саны | Қызметкердің жұмыс өтілі (қажет болған жағдайда) үш жылдан аспайтын (Қазақстан Республикасының заңнамасында немесе бекітілген нормативтерінде неғұрлым жоғары өтіл көзделген жағдайларды қоспағанда) |
1 |
5. Сатып алынатын тауардың тақырыбына ағымдағы жылдың алдындағы соңғы он жылда сәйкес келетін жұмыс тәжірибесінің болуы
№ |
Сатып алынатың тауардың атауы | Жыл саны |
1 |
Ескертпе.
1. Талап етілетін материалдық және еңбек ресурстарының әр бірлігі бөлек жолмен көрсетіледі.
2. Өзге құжаттарда әлеуетті өнім берушілерге қойылатын біліктілік талаптарын белгілеуге жол берілмейді.
| Бұйрыққа 2-қосымша |
|
| Тендерлік құжаттамаға 2-1-қосымша |
Біліктілік туралы мәліметтер (тауарларды сатып алу кезінде әлеуетті өнім беруші (бірлесіп орындаушы болған жағдайда) толтырады)
Тапсырыс берушінің атауы ________________________________________
Ұйымдастырушының атауы _______________________________________
Тендердің № ____________________________________________________
Тендердің атауы _________________________________________________
Лоттың № ______________________________________________________
Лоттың атауы ___________________________________________________
Әлеуетті өнім берушінің БСН/ЖСН/СЖН/СЕН және атауы __________
1. Органдардың ақпараттық жүйелерінде олар туралы мәліметтер болмаған жағдайда, рұқсаттардың (лицензиялардың) электрондық көшірмелерін қоса бере отырып, Қазақстан Республикасының рұқсаттар және хабарламалар туралы заңнамасына сәйкес берілген тиісті рұқсаттың (лицензияның), хабарламаның болуы туралы мәліметтер.
№ | Рұқсаттың (лицензияның) атауы | Қызмет түрі | Ерекше шарттар (санаты) | Құжаттың берілген күні мен нөмірі | Рұқсаттың (хабарламаның) электрондық көшірмесі |
1. |
* Осы тармақ, егер тауарды жеткізу тиісті рұқсат алуды, хабарлама жіберуді талап еткен жағдайда толтырылады.
2. Республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің жоқ екендігі туралы мәліметтер мемлекеттік кіріс органдарының мәліметтері негізінде айқындалады.
3. Банкроттық және (немесе) таратылу рәсiмiне жатпайтынымызды растаймыз.
4. Растау құжаттарының электрондық көшірмелерін қоса бере отырып, қызметтерді көрсету үшін қажет талап етілетін материалдық ресурстардың бар екендігі туралы мәліметтер.
№ | Материалдық ресурстардың атауы және сипаттамасы | Қолда бар бірліктердің саны | Жай-күйі (жаңа, жақсы, жаман) | Жеке меншік (меншік құқығын растайтын құжаттар қоса берілсін), жалға алынған (кімнен және жалға берушінің меншік құқығын растайтын құжаттар қоса берілсін) | Растау құжатының атауы, күні және нөмірі | Растау құжаттарының электрондық көшірмесі (сілтеме) |
1 |
5. Растау құжаттарының электрондық көшірмелерін қоса бере отырып, тауарларды жеткізу үшін қажет талап етілетін еңбек ресурстары туралы мәліметтер.
№ | Мамандық (біліктілік) атауы | Қызметкерлердің Т.А.Ә. (жеке басын куәландыратын құжаттың электрондық көшірмесі қоса берілсін) | Біліктілік туралы құжат (білімі туралы дипломның, сертификаттың, аттестаттың нөмірі мен берілген күні көрсетілсін, олардың электрондық көшірмелері қоса берілсін) | Қызметкердің жұмыс өтілі және растау құжаттары | Растау құжаттарының электрондық көшірмесі (сілтеме) |
1 |
6. Растау құжаттарының (болған жағдайда толтырылады) электрондық көшірмелерін қоса бере отырып, ағымдағы жылдың алдындағы соңғы он жыл ішінде тендерде сатып алынатындарға ұқсас (сол сияқты) тауарларды жеткізу тәжірибесінің болуы туралы мәліметтер.
№ | Тауардың атауы | Алушының атауы | Тауарды жеткізу орны | Тауарды жеткізу күні | Растау құжатының атауы, күні мен нөмірі | Растау құжаттарының электрондық көшірмесі (сілтеме) |
1 |
_______________________________________
| Біліктілік туралы барлық мәліметтердің дұрыстығын растаймын |
Ескертпе:
Аббревиатураларды таратып жазу:
БСН – бизнес-сәйкестендіру нөмірі;
ЖСН – жеке сәйкестендіру нөмірі;
ССН – салық төлеушінің сәйкестендіру нөмірі;
ТЕН – төлеушіні есепке алу нөмірі;
Т.А.Ә. – тегі, аты, әкесінің аты (егер бар болса).
| Бұйрыққа 3-қосымша |
|
| Тендерлік құжаттамаға 3-қосымша |
Әлеуетті өнім берушіге қойылатын біліктілік талаптары (тапсырыс беруші (құрылыс-монтаждау жұмыстары мен бойынша жұмыстар) саласында жұмыстарды сатып алуды жүзеге асыру кезінде толтырады)
Тапсырыс берушінің атауы ________________________________________
Ұйымдастырушының атауы _______________________________________
Тендердің № _______________ ____________________________________
Тендердің атауы ________________________________________________
Лоттың № ______________________________________________________
Лоттың атауы ______________ ____________________________________
Әлеуетті өнім беруші мынадай біліктілік талаптарына сәйкес келуі тиіс:
1. Қазақстан Республикасының рұқсаттар мен хабарламалар туралы заңнамасына сәйкес құрылыс (құрылыс-монтаждау жұмыстары мен жобалау бойынша жұмыстар) саласында жұмыстарды орындауға рұқсаттың (хабарламаның) болуы.
№ | Рұқсаттың (хабарламаның) атауы |
1 |
2. тиісті қаржы жылына республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы (мемлекеттік кіріс органдарының мәліметтері негізінде айқындалады).
3. Банкроттық не таратылу рәсіміне жатқызылмауы.
4. Материалдық және еңбек ресурстарына ие болу Қазақстан Республикасының рұқсаттар және хабарламалар туралы заңнамасына сәйкес берілген тиісті лицензиямен расталады.
5. Ағымдағы жылдың алдындағы соңғы он жыл ішінде, тендерде сатып алынатын ұқсас (сол сияқты) жұмыстар тәжірибесінің болуы
№ | Сатып алынатын жұмыстардың атауы (лоттың атауы) | Қажетті жұмыс тәжірибесі (жыл саны) | Құрылыстың түрі (жаңа құрылыс, бар объектілерді кеңейту, техникалық қайта жасақтау, жаңғырту, реконструкциялау, қайта жаңарту және күрделі жөндеу) | Ғимараттар мен құрылыстардың жауапкершілік деңгейі (бірінші – жоғары, екінші – қалыпты, үшінші – төмендетілген) | Объектілердің техникалық жағынан күрделілігі (техникалық жағынан күрделі объектілерге жататын ғимараттар мен құрылыстар және техникалық жағынан күрделі объектілерге жатпайтын ғимараттар мен құрылыстар | Функционалдық мақсаты (өнеркәсіп объектілері, өндіріс ғимараттары, құрылыстар, тұрғын үй-азаматтық мақсаттағы объектілер, өзге де құрылыстар) |
1 |
Ескертпе.
Өзге құжаттарда әлеуетті өнім берушілерге қойылатын біліктілік талаптарын белгілеуге жол берілмейді.
| Бұйрыққа 4-қосымша |
|
| Тендерлік құжаттамаға 3-1-қосымша |
Біліктілік туралы мәліметтер (құрылыс саласындағы жұмыстарды (құрылыс-монтаждау жұмыстары және жобалау бойынша жұмыстар) сатып алу кезінде әлеуетті өнім беруші (қосалқы мердігер немесе бірлесіп орындаушы болған жағдайда) толтырады)
Тапсырыс берушінің атауы ________________________________________
Ұйымдастырушының атауы _______________________________________
Тендердің № ___________________________________________________
Тендердің атауы ________________________________________________
Лоттың № ______________________________________________________
Лоттың атауы ___________________________________________________
Әлеуетті өнім берушінің БСН/ЖСН/СЖН/СЕН-і және атауы __________
1. Мемлекеттік органдардың ақпараттық жүйелерінде олар туралы мәліметтер болмаған жағдайларда, рұқсаттардың (лицензиялардың) электрондық көшірмелерін қоса бере отырып, Қазақстан Республикасының рұқсаттар және хабарламалар туралы заңнамасына сәйкес берілген тиісті рұқсаттың (лицензияның) болуы туралы мәліметтер.
№ | Рұқсат (хабарлама) атауы | Қызмет түрі | Ерекше шарттар (санаты) | Құжаттың берілген күні мен нөмірі | Рұқсаттың (хабарламаның) электрондық көшірмесі |
1. |
2. Республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің жоқ екендігі туралы мәліметтер мемлекеттік кіріс органдарының мәліметтері негізінде айқындалады.
3. Банкроттық және (немесе) таратылу рәсiмiне жатпайтынымызды растаймыз.
4. Материалдық және еңбек ресурстарына ие болу Қазақстан Республикасының рұқсаттар және хабарламалар туралы заңнамасына сәйкес берілген тиісті лицензиямен расталады.
5. Растайтын құжаттардың (болған жағдайда толтырылады) электрондық көшірмелерін қоса бере отырып, ағымдағы жылдың алдындағы соңғы он жыл ішінде тендерде сатып алынатындарға ұқсас (сол сияқты) орындалған жұмыстар тәжірибесінің болуы туралы мәліметтер.
№ | Жұмыстың атауы | Құрылыс объектілері бойынша әлеуетті өнім берушінің мәртебесі (бас мердігер, бас жобалаушы /қосалқы мердігер) | Құрылыстың түрі (жаңа құрылыс, бар объектілерді кеңейту, техникалық қайта жасақтау, жаңғырту, реконструкциялау, қайта жаңарту және күрделі жөндеу) | Ғимараттар мен құрылыстардың жауапкершілік деңгейі (бірінші – жоғары, екінші – қалыпты, үшінші – төмендетілген) | Объектілердің техникалық жағынан күрделілігі (техникалық жағынан күрделі объектілерге жататын ғимараттар мен құрылыстар және техникалық жағынан күрделі объектілерге жатпайтын ғимараттар мен құрылыстар) | Функционалдық мақсаты (өнеркәсіп объектілері, өндіріс ғимараттары, құрылыстар, тұрғын үй-азаматтық мақсаттағы объектілер, өзге де құрылыстар) | Жұмысты орындау орны (объектінің орналасқан жері) | Тапсырыс берушінің атауы | Жұмысты аяқтау жылы, айы | Растайтын құжаттың атауы, күні және нөмірі | Растайтын құжаттардың электронды көшірмесі |
_______________________________________
| Біліктілік туралы барлық мәліметтердің дұрыстығын растаймын |
Ескертпе:
Аббревиатураларды таратып жазу:
БСН – бизнес-сәйкестендіру нөмірі;
ЖСН – жеке сәйкестендіру нөмірі;
ССН – салық төлеушінің сәйкестендіру нөмірі;
ТЕН – төлеушіні есепке алу нөмірі;
Т.А.Ә. – тегі, аты, әкесінің аты (бар болса)
| Қазақстан Республикасы Қаржы министрінің 2020 жылғы 23 желтоқсандағы № 1226 Бұйрыққа 5-қосымша |
|
| Тендерлік құжаттамаға 4-қосымша |
Жұмыстарды сатып алуды жүзеге асыру кезінде әлеуетті өнім берушіге қойылатын біліктілік талаптары (тапсырыс беруші толтырады)
Тапсырыс берушінің атауы ___________________________________
Ұйымдастырушының атауы __________________________________
Тендердің № _______________________________________________
Тендердің атауы ____________________________________________
Лоттың № _________________________________________________
Лоттың атауы ______________________________________________
Әлеуетті өнім беруші келесі біліктілік талаптарына сәйкес келуі тиіс:
1. Қазақстан Республикасының Рұқсаттар және хабарламалар туралы заңнамасына сәйкес жұмыстарды орындауға рұқсаттың (хабарламаның) болуы.
Егер жұмыстарды орындау тиісті рұқсат алуды талап еткен жағдайда, Егер тауарды жеткізу тиісті рұқсатты алуды, хабарланы жіберуді талап еткен жағдайда мынадай мәліметтерді толтыру қажет.
№ | Рұқсаттың (хабарламаның) атауы |
1 |
* Егер жұмыстарды орындау тиісті рұқсат алуды, хабарлама жіберуді талап етпесе, онда бұл мәліметтер толтырылмайды.
2. Республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің болмауы (мемлекеттік кіріс органдарының мәліметтері негізінде айқындалады).
3. Банкроттық не таратылу рәсіміне жатқызылмауы.
4. Қажетті материалдық және еңбек ресурстарының болуы
Материалдық ресурстар:
№ | Материалдық ресурстарының атауы және сипаттамасы | Саны |
1 |
Еңбек ресурстары:
№ | Еңбек ресурстарының атауы (мамандығы/біліктілігі) | Саны | Қызметкердің жұмыс өтілімі (қажет болған жағдайда) үш жылдан аспайтын (Қазақстан Республикасының заңнамасында немесе бекітілген нормативтерінде неғұрлым жоғары өтілім көзделген жағдайларды қоспағанда) |
1 |
5. Ағымдағы жылдың алдындағы соңғы он жыл ішінде тендерде сатып алынатын ұқсас (ұқсас) жұмыс тәжірибесінің болуы
№ |
Сатып алынатын жұмыстар мәнінің атауы | Жыл саны |
1 |
Ескерту.
1. Талап етілетін материалдық және еңбек ресурстарының әрбір бірлігі жеке жолмен көрсетіледі.
2. Әлеуетті өнім берушілерге өзге құжаттарда қойылатын біліктілік талаптарын белгілеуге жол берілмейді.
| Бұйрыққа 6-қосымша |
|
| Тендерлік құжаттамаға 4-1-қосымша |
Біліктілік туралы мәліметтер (жұмыстарды сатып алу кезінде әлеуетті өнім беруші (бірлесіп орындаушы болған жағдайда) толтырады)
Тапсырыс берушінің атауы __________________________________
Ұйымдастырушының атауы _________________________________
Тендердің № ______________________________________________
Тендердің атауы ___________________________________________
Лоттың № ________________________________________________
Лоттың атауы _____________________________________________
Әлеуетті өнім берушінің БСН/ЖСН/СЖН/СЕН және атауы _______
1. Органдардың ақпараттық жүйелерінде олар туралы мәліметтер болмаған жағдайларда рұқсаттардың (лицензиялардың) электрондық көшірмелерін қоса бере отырып, Қазақстан Республикасының рұқсаттар және хабарламалар туралы заңнамасына сәйкес берілген тиісті рұқсаттың (лицензияның) болуы туралы мәліметтер.
№ | Рұқсат (хабарлама) атауы | Қызмет түрі | Ерекше шарттар (санаты) | Құжаттың берілген күні мен нөмірі | Рұқсаттың (лицензияның) электрондық көшірмесі |
1. |
* Бұл тармақ, егер жұмыстарды орындау тиісті рұқсатты алуды, хабарлама жіберуді талап еткен жағдайда толтырылады.
2. Республикалық бюджет туралы заңмен тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің жоқ екендігі туралы мәліметтерді мемлекеттік кірістер органдары мәліметтерінің негізінде анықталады.
3. Банкроттық және (немесе) тарату рәсіміне жатпайтынын растаймыз.
4. Растайтын құжаттардың электрондық көшірмелерін қоса бере отырып, жұмыстарды орындау үшін қажетті талап етілетін материалдық ресурстардың болуы туралы мәліметтер.
№ | Материалдық ресурстардың атауы және сипаттамасы | Қолда бар бірліктердің саны | Жай-күйі (жаңа, жақсы, жаман) | Жеке меншік (меншік құқығын растайтын құжаттар қоса берілсін), жалға алынған (кімнен және жалға берушінің меншік құқығын растайтын құжаттар қоса берілсін) | Растау құжатының атауы, күні және нөмірі | Растау құжаттарының электрондық көшірмесі (сілтеме) |
1 |
5. Растау құжаттарының электрондық көшірмелерін қоса бере отырып, тауарларды жеткізу үшін қажет талап етілетін еңбек ресурстары туралы мәліметтер.
№ | Мамандық (біліктілік) атауы |
Т.А.Ә. (болған кезде) | Біліктілік туралы құжат (білімі туралы дипломның, сертификаттың, аттестаттың нөмірі мен берілген күні көрсетілсін, олардың электрондық көшірмелері қоса берілсін) | Қызметкердің жұмыс өтілімі және растау құжаттары | Растау құжаттарының электрондық көшірмесі (сілтеме) |
1 |
6. Растайтын құжаттардың электрондық көшірмелерін қоса бере отырып, ағымдағы жылдың алдындағы соңғы он жыл ішінде, тендерде сатып алынатын ұқсас (ұқсас) жұмыстар тәжірибесінің болуы туралы мәліметтер (бар болған жағдайда толтырылады).
№ | Тауардың атауы | Алушының атауы | Тауарды жеткізу орны | Тауарды жеткізу күні | Растау құжатының атауы, күні мен нөмірі | Растау құжаттарының электрондық көшірмесі (сілтеме) |
1 |
_______________________________________
| Біліктілік туралы барлық мәліметтердің дұрыстығын растаймын |
Ескерту:
Аббревиатураларды таратып жазу:
БСН – бизнес-сәйкестендіру нөмірі;
ЖСН – жеке сәйкестендіру нөмірі;
ССН – салық төлеушінің сәйкестендіру нөмірі;
ТЕН – төлеушіні есепке алу нөмірі;
Т.А.Ә. – тегі, аты, әкесінің аты (егер бар болса).
| Бұйрыққа 7-қосымша |
|
| Тендерлік құжаттамаға 5-қосымша |
Көрсетілетін қызметтерді сатып алуды жүзеге асыру кезінде әлеуетті өнім берушіге қойылатын біліктілік талаптары (тапсырыс беруші толтырады)
Тапсырыс берушінің атауы ___________________________________
Ұйымдастырушының атауы __________________________________
Тендердің № _______________________________________________
Тендердің атауы ____________________________________________
Лоттың № _________________________________________________
Лоттың атауы ______________________________________________
Әлеуетті өнім беруші келесі біліктілік талаптарына сәйкес келуі тиіс:
1. Қазақстан Республикасының рұқсаттар және хабарламалар туралы заңнамасына сәйкес қызметтер көрсетуге рұқсаттың (хабарламаның) болуы.
Егер тауарды жеткізу тиісті рұқсатты алуды, хабарланы жіберуді талап еткен жағдайда мынадай мәліметтерді толтыру қажет.
№ | Рұқсаттың (хабарламаның) атауы |
1 |
Егер қызмет көрсету тиісті рұқсат алуды, хабарлама жіберуді талап етпесе, онда бұл мәліметтер толтырылмайды.
2. Республикалық бюджет туралы заңмен тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің болмауы (мемлекеттік кірістер органдарының мәліметтері негізінде анықталады).
3. Банкроттық не таратылу рәсіміне жатқызылмауы.
4. Қажетті материалдық және еңбек ресурстарының болуы
Материалдық ресурстар:
№ | Материалдық ресурстарының атауы және сипаттамасы | Саны |
1 |
Еңбек ресурстары:
№ | Еңбек ресурстарының атауы (мамандығы/біліктілігі) | Саны | Қызметкердің жұмыс өтілімі (қажет болған жағдайда) үш жылдан аспайтын (Қазақстан Республикасының заңнамасында немесе бекітілген нормативтерінде неғұрлым жоғары өтілім көзделген жағдайларды қоспағанда) |
1 |
5. Сатып алынатын қызметтердің мәніне сәйкес келетін ағымдағы жылдың алдындағы жұмыс тәжірибесінің болуы
№ |
Сатып алынатын қызметтер мәнінің атауы | Жыл саны |
1 |
Ескерту.
1. Талап етілетін материалдық және еңбек ресурстарының әр бірлігі бөлек жолмен көрсетіледі.
2. Өзге құжаттарда әлеуетті өнім берушілерге қойылатын біліктілік талаптарын белгілеуге жол берілмейді.
| Бұйрыққа 8-қосымша |
|
| Тендерлік құжаттамаға 5-1-қосымша |
Біліктілік туралы мәліметтер (қызметтерді сатып алу кезінде әлеуетті өнім беруші (бірлесіп орындаушы болған жағдайда) толтырады)
Тапсырыс берушінің атауы ____________________________________
Ұйымдастырушының атауы ___________________________________
Тендердің № ________________________________________________
Тендердің атауы _____________________________________________
Лоттың № __________________________________________________
Лоттың атауы _______________________________________________
Әлеуетті өнім берушінің БСН/ЖСН/СЖН/СЕН және атауы _________
1. Мемлекеттік органдардың ақпараттық жүйелерінде олар туралы мәліметтер болмаған жағдайда, рұқсаттардың (хабарламалардың) электрондық көшірмелерін қоса бере отырып, Қазақстан Республикасының рұқсаттар және хабарламалар туралы заңнамасына сәйкес берілген тиісті рұқсаттың (хабарламаның) бар екені туралы мәліметтер.
№ | Рұқсат (хабарлама) атауы | Қызмет түрі | Ерекше шарттар (санаты) | Құжаттың берілген күні мен нөмірі | Рұқсаттың (лицензияның) электрондық көшірмесі |
1. |
* Осы тармақ, егер қызмет көрсету тиісті рұқсатты алуды, хабарлама жіберуді талап еткен жағдайда толтырылады.
2. Республикалық бюджет туралы заңмен тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің жоқ екендігі туралы мәліметтерді мемлекеттік кірістер органдары мәліметтерінің негізінде анықталады.
3. Банкроттық және (немесе) таратылу рәсiмiне жатпайтынын растайды.
4. Растау құжаттарының электрондық көшірмелерін қоса бере отырып, қызметтерді көрсету үшін қажет талап етілетін материалдық ресурстардың бар екендігі туралы мәліметтер.
№ | Материалдық ресурстардың атауы және сипаттамасы | Қолда бар бірліктердің саны | Жай-күйі (жаңа, жақсы, жаман) | Жеке меншік (меншік құқығын растайтын құжаттар қоса берілсін), жалға алынған (кімнен және жалға берушінің меншік құқығын растайтын құжаттар қоса берілсін) | Растау құжатының атауы, күні және нөмірі | Растау құжаттарының электрондық көшірмесі (сілтеме) |
1 |
5. Растайтын құжаттардың электрондық көшірмелерін қоса бере отырып, қызметтерді көрсету үшін қажетті талап етілетін еңбек ресурстары туралы мәліметтер.
№ | Мамандық (біліктілік) атауы |
Т.А.Ә. (болған кезде) | Біліктілік туралы құжат (білімі туралы дипломның, сертификаттың, аттестаттың нөмірі мен берілген күні көрсетілсін, олардың электрондық көшірмелері қоса берілсін) | Қызметкердің жұмыс өтілімі және растау құжаттары | Растау құжаттарының электрондық көшірмесі (сілтеме) |
1 |
6. Растайтын құжаттардың электрондық көшірмелерін қоса бере отырып, ағымдағы жылдың алдындағы соңғы он жыл ішінде көрсетілген қызметтер тәжірибесінің болуы туралы мәліметтер (бар болған жағдайда толтырылады).
№ | Қызмет атауы | Қызмет көрсету орны | Тапсырыс берушінің атауы | Қызмет көрсету жылы, айы (__- ден бастап__) | Растайтын құжаттың атауы, күні және нөмірі | Растайтын құжаттардың электрондық көшірмесі (сілтеме) |
1 | ||||||
| Біліктілік туралы барлық мәліметтердің дұрыстығын растаймын | |||||
Ескерту:
Аббревиатураларды таратып жазу:
БСН – бизнес-сәйкестендіру нөмірі;
ЖСН – жеке сәйкестендіру нөмірі;
ССН – салық төлеушінің сәйкестендіру нөмірі;
ТЕН – төлеушіні есепке алу нөмірі;
Т.А.Ә. – тегі, аты, әкесінің аты (егер бар болса).
Құрылыспен байланысты емес жұмыстарды сатып алу туралы үлгі шарт <Сәйкестендіру нөмірі>
_____________ | №______ | 2020 жыл "____"_______ |
<Тапсырыс берушінің негіздемесі> негізінде әрекет ететін <Тапсырыс берушінің лауазымы> <Тапсырыс берушінің ТАӘ> атынан шығатын бұдан әрі "Тапсырыс беруші" деп аталатын <Тапсырыс берушінің толық атауы> бір тараптан және <Өнім берушінің негіздемесі> негізінде әрекет ететін <Өнім берушінің лауазымы> <Өнім берушінің ТАӘ> атынан шығатын бұдан әрі "Мердігер немесе Орындаушы" деп аталатын <Өнім берушінің толық атауы> екінші тараптан, бұдан әрі бірлесіп "Тараптар" деп аталатындар Cатып алу қағидалары (бұдан әрі – Қағидалар) және <қорытындылардың күні> № <қорытындылардың нөмірі> <сатып алу тәсілі> тәсілімен сатып алудың қорытындылары негізінде осы жұмыстарды сатып алу туралы шартты (бұдан әрі – Шарт) жасасты және төмендегі туралы келісімге келді:
1. Шарттың мәні
1.1. Орындаушы осы Шарттың ажырамас бөлігі болып табылатын оған қосымшаларда көрсетілген шарттарға, талаптарға сәйкес және баға бойынша жұмысты (жұмыстарды) орындауға міндеттенеді, ал Тапсырыс беруші орындалған Жұмысты (Жұмыстарды) қабылдауға және Мердігер немесе Орындаушы Шарт бойынша өз міндеттемелерін тиісінше орындаған кезде ол үшін осы Шарттың талаптарында ақы төлеуге міндеттенеді.
1.2. Төменде тізбеленген құжаттар және оларда айтылған шарттар осы Шартты құрады және оның ажырамас бөлігі болып саналады, атап айтқанда:
1) осы Шарт;
2) сатып алынатын жұмыстардың тізбесі (1-қосымша);
3) консорциялық келісім (Консорциуммен Шарт жасасқан жағдайда);
<n) жаңа тармақша>
2. Шарттың сомасы және төлеу талаптары
2.1. Шарттың жалпы сомасы Шартқа № 1 қосымшамен анықталады және "шарттың сомасы" (сома жазу үлгісімен) теңгені құрайды және Жұмыстарды орындаумен байланысты болатын барлық шығыстарды, сондай-ақ Қазақстан Республикасының заңнамасында көзделген барлық салықтар мен алымдарды, <оның ішінде ҚҚС-ты <ҚҚС сомасын> теңге>/ҚҚС-сыз (бұдан әрі – Шарттың сомасы) қамтиды.
2.2. Тапсырыс беруші Шарт күшіне енгеннен кейін Өнім беруші Шарттың орындалуын қамтамасыз етуді, авансты қамтамасыз етуді және (немесе) соманы енгізгеннен кейін №1 қосымшаға сәйкес мөлшерде аванстық төлемді жүргізеді.
Қалған соманы Тапсырыс беруші Орындаушының <ақы төлеу шарты> есепшотына ақшалай қаражатты аудару жолымен, бұдан бұрын төленген авансты тепе-тең ұстап қалумен Тараптар Орындалған жұмыстардың актісіне қол қойған күннен бастап, күнтізбелік 30 (отыз) күннен кешіктірмей төлейді.
Орындалған жұмыс үшін төлемді <төлем шарты> Тапсырыс беруші Тараптар орындаған жұмыстардың актісіне қол қойған күнінен бастап, 30 (отыз) күнтізбелік күннен кешіктірмей Орындаушының есеп айырысу шотына ақшалай қаражатты аудару жолымен жүргізеді.
2.3. Орындалатын жұмыстардың көлемі Шартқа 1-қосымшада айтылған.
2.4. Ақы төлеу алдындағы қажетті құжаттар:
1) орындалған жұмыстардың актісі (актілері);
2) осы Қағидаларға 25-қосымшаға сәйкес нысан бойынша жұмыстар мен көрсетілетін қызметтердегі жергілікті қамту үлесі бойынша есеп;
3) Мердігер/Орындаушы Тапсырыс берушіге ұсынған орындалған жұмыстардың жалпы сомасын сипаттай, көрсете отырып, шот-фактура.
3. Тараптардың міндеттемелері
3.1. Орындаушы міндетті:
1) Шарт бойынша өзіне алған міндеттемелердің толық және тиесілі орындалуын қамтамасыз етуге;
2) Шарт жасалған күннен бастап он жұмыс күні ішінде <сома> теңгеге тең Шарттың жалпы сомасының үш пайызы мөлшерінде Шарттың орындалуын қамтамасыз ету сомасын және <сома> теңгеге тең Шартқа 1-қосымшаға сәйкес Шарт мәндері бойынша көзделген аванс мөлшерлерін, сондай-ақ <сома> теңгеге тең соманы енгізуге міндеттенеді, бұл жалпы алғанда мынадай:
сатып алу веб-порталында (бұдан әрі – веб-портал) растау құжатының көшірмелерін орналастыра отырып, Тапсырыс берушінің № <кепілдік жарнасына арналған шот> банктік шотына <қала> қаласы бойынша <банктің атауына> кепілді ақшалай жарна;
не:
сатып алуды жүзеге асыру Қағидаларына 20-қосымшаға сәйкес электрондық құжат нысанында берілетін банктік кепілдік.
Бұл ретте Шарттың орындалуын қамтамасыз ету сомасын Орындаушы Шарттың орындалуын қамтамасыз етуді енгізу мерзімі өткенге дейін ол Шарт бойынша міндеттемелерді толық және тиісінше орындаған жағдайда енгізбеуі мүмкін;
3) Шарт бойынша өз міндеттемелерін орындау кезінде орындалатын Жұмыстардың Шарттың ажырамас бөлігі болып табылатын осы Шартқа қосымшаларда көрсетілген талаптарға сәйкес келуін қамтамасыз етуге;
4) Тапсырыс берушінің алдын ала жазбаша келісімінсіз Тапсырыс беруші немесе Шарттың талаптарын орындау үшін Орындаушы тартқан персоналды қосқанда, оның атынан басқа тұлғалар ұсынған техникалық құжаттаманың мазмұнын ашпауға міндеттенеді. Көрсетілген ақпарат бұл персоналға құпия және міндеттемелерді орындауға қажетті шамада ұсынылуы тиіс;
5) Тапсырыс берушінің алдын ала жазбаша рұқсатынсыз жоғарыда тізбеленген құжаттарды және ақпаратты Шартты жүзеге асыру мақсатынан басқа мақсатта пайдаланбауға;
6) Тапсырыс берушінің бірінші талабы бойынша Шарт бойынша міндеттемелердің орындалу барысы туралы ақпарат ұсынуға;
7) Орындаушының Шарт талаптарын тиісінше орындамауымен және/немесе өзге заңсыз іс-әрекеттермен келтірген шығындарды Тапсырыс берушіге толық көлемде өтеуге міндеттенеді;
8) Тапсырыс берушіге веб-портал арқылы электрондық цифрлық қолтаңбамен бекітілген орындалған жұмыстар актісін жіберу және ресімдеуге;
9) Тапсырыс беруші орындалған жұмыстар актісін бекіткеннен кейін Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйесі арқылы электрондық нысанда шот-фактура жазуға.
3.2. Орындаушы:
1) Шарт бойынша орындалған Жұмыстар үшін тапсырыс берушіден ақы төлеуді талап етуге;
2) Тапсырыс берушімен орындау мерзімін алдын ала келісе отырып, шартқа № 1 қосымшада көрсетілген Жұмыстарды мерзімінен бұрын орындауға құқылы.
3.3. Тапсырыс беруші:
1) Жұмыстарды орындау үшін Орындаушы мамандарының кіруін қамтамасыз етуге;
2) орындалған Жұмыстардың сәйкес келмеуі анықтаған кезде дереу жазбаша Орындаушыны хабардар етуге;
3) Жұмыстарды қабылдау кезінде веб-портал арқылы орындалған жұмыстар актісін бекітуге не сатып алуды жүзеге асыру қағидаларының 262-тармағында белгіленген мерзімде оның қабылданбауына дәлелді негіздемелерді көрсете отырып жұмысты қабылдаудан бас тартуға;
3-1) орындалған жұмыстар актісі бекітілгеннен кейін Электрондық шот-фактуралардың ақпараттық жүйесінде шот-фактураны электронды нысанда жазып беру қағидаларына сәйкес электрондық шот-фактуралардың ақпараттық жүйелері арқылы электрондық нысанда Мердігер жазған шот-фактураны қабылдауға;
4) осы Шартта белгіленген тәртіппен және мерзімде ақы төлеуді жүргізуге міндеттенеді.
3.4. Тапсырыс беруші:
1) орындалған Жұмыстардың сапасын тексеруге;
2) Жұмыстарды мерзімінен бұрын орындаған жағдайда Тапсырыс беруші Шарттың талаптарына сәйкес жұмыстарды мерзімінен бұрын қабылдауға және оған ақы төлеуге құқылы. Жұмыстарды қабылдау мүмкіндігі болмаған жағдайда оны мерзімінен бұрын орындаудан бас тартуға жол беріледі.
4. Тараптардың жауапкершілігі
4.1. Тараптар өз міндеттерін орындамаған немесе тиісінше орындамаған жағдайда осы Шарт шеңберінде барлық даулар мен келіспеушіліктер Қазақстан Республикасының қолданыстағы заңнамасына сәйкес Тапсырыс берушінің орналасқан жері бойынша соттарда шешіледі.
4.2. Секвестр және/немесе кәсіпорынның, дауыс беретін акцияларының елу және одан да көп пайызы мемлекетке тиесілі заңды тұлғалардың тиісті бюджеттердің қолма-қол бақылау шотында/есеп шотында ақшаның жеткіліксіз болған жағдайларын есептемегенде, егер Тапсырыс беруші Орындаушыға оған тиесілі қаражатты Шартпен қаралған мерзімдерде төлемесе, онда Тапсырыс беруші Орындаушыға кешіктірілген әр кешіктірілген күн үшін тиесілі сомадан кешіктірлегн төлемнің 0,1% (нөл бүтін бір) мөлшерінде тұрақсыздық айыбын (өсімпұл) төлейді. Бұл ретте тұрақсыздық айыбының (өсімпұл) жалпы сомасы Шарттың жалпы сомасынан 10% артпауы тиіс.
4.3. Жұмыстардың орындау мерзімі өткен жағдайда, Тапсырыс беруші Орындаушыдан әр кешіктірілген күн үшін шарттың жалпы сомасынан 0,1% мөлшерінде тұрақсыздық айыбын (айыппұл, өсімпұл) ұстайды (өтеп алады), Орындаушы міндеттемелерін толық орындамаған жағдайда немесе міндеттемелерін тиісінше орындамаған (ішінара орындау) жағдайда әр кешіктірілген күн үшін орындалмаған міндеттемелердің сомасынан 0,1% мөлшерінде тұрақсыздық айыбын (айыппұл, өсімпұл) ұстайды (өтеп алады). Бұл ретте тұрақсыздық айыбының (өсімақы) жалпы сомасы Шарттың жалпы сомасынан 10% артпауы тиіс.
4.4. Орындаушы Жұмыстарды орындаудан бас тартқан немесе Шарт бойынша Жұмыстарды орындау мерзімі өткен күннен бастап бір айдан астам мерзімде, бірақ Шарттың қолданылуы аяқталу мерзімінен кешіктірмей Жұмыстарды орындау мерзімін кешіктірген жағдайда, Орындаушыдан мерзімін кешіктірген әр күн үшін Шарттың жалпы сомасынан 0,1% мөлшерінде тұрақсыздық айыбын (айыппұл, өсімпұл) өндіре отырып, осы Шартты біржақты тәртіпте бұзуға құқығы бар.
Бұл ретте Тапсырыс беруші барлық орындалған (қабылданған) Жұмыстардың құнына төлем жүргізеді.
4.5. Тұрақсыздық айыбын (айыппұл, өсімпұл) төлеуосы Шартта көзделген міндеттерді орындаудан Тараптарды босатпайды.
4.6. Кез келген өзгеріс Шарт бойынша Жұмыстарды орындау үшін Орындаушыға қажетті құнның немесе мерзімнің азаюына әкелетін болса, Шарттың сомасы немесе Жұмыстарды орындау кестесі, немесе екеуіне де сәйкес түрде түзетулер енгізіледі, ал Шартқа сәйкес түзетулер енгізіледі. Орындаушылардың түзетулерді жүргізу туралы барлық сұранымдары Орындаушы Тапсырыс берушіден өзгерістер туралы тапсырма алған күннен 30 (отыз) күн ішінде ұсынылуы тиіс.
4.7. Орындаушының Тапсырыс берушінің алдын ала жазбаша келісімінсіз осы Шарт бойынша өзінің міндеттемелерін біреуге толықтай да, ішінара да беруіне жол берілмейді.
4.8. Қосалқы мердігерлер (бірлесіп орындаушылар) тартылған жағдайда, Орындаушы Тапсырыс берушіге осы Шарт шеңберінде жасалған барлық қосалқы мердігерлік шарттардың көшірмелерін ұсынады. Қосалқы мердігерлердің болуы Орындаушыны Шарт бойынша материалдық немесе басқа жауапкершіліктен босатпайды.
Жұмыстарды орындау үшін қосалқы мердігерлерге берілуі мүмкін жұмыстардың шекті көлемдері жиынтығында орындалатын жұмыстардың екіден бір көлемінен аспауға тиіс.
Бұл ретте қосалқы мердігерлерге өткізілетін сатып алудың мәні болып табылатын жұмыстарды орындау көлемдерін өзге қосалқы мердігерлерге беруге тыйым салынады.
Жұмыстарды орындайтын Қазақстан Республикасы мүгедектерінің қоғамдық бірлестіктеріне және Қазақстан Республикасы мүгедектерінің қоғамдық бірлестіктері құрған ұйымдарға сатып алудың мәні болып табылатын жұмыстарды орындау бойынша қосалқы мердігерлерді тартуға жол берілмейді.
4.9. Тапсырыс беруші осы Шарт бойынша Орындаушы өз міндеттемелерін орындамауына байланысты сатып алу туралы шартты бұзған жағдайда оның орындалуын қамтамасыз етуді қайтармайды.
<N. Жаңа тармақ>
5. Шарттың қолданылу мерзімі және бұзу талаптары
5.1. Шарт қол қойылған күнінен бастап күшіне енеді және <_____> қоса алған мерзімге дейін қолданылады.<Редакцияланатын тармақ>.
5.2. Шарт, оны одан әрі орындау орынсыз болған жағдайда тараптардың келісімі бойынша бұзылуы мүмкін.
Шарт жоғарыда көрсетілген жағдаяттар себебінен жойылған кезде, Мердігер/Орындаушы Шарт бойынша бұзуға байланысты оны бұзу күніндегі іс жүзіндегі шығындар үшін ғана ақы талап етуге құқылы.
5.3 Шарт мынадай фактілердің бірі анықталған жағдайда:
1) оның негізінде осы Шарт жасалған сатып алуға қатысты Қағидалардың 23-тармағында көзделген шектеулерді бұзу анықталса;
2) сатып алуды ұйымдастырушы Мердігерге/Орындаушыға Заңда көзделмеген жәрдемдерді көрсетсе;
3) Шарттың орындалуын қамтамасыз етуді енгізу мерзімі өткенге дейін жұмыстар орындалған жағдайларды қоспағанда, Шарттың орындалуын қамтамасыз етуді және (немесе) авансты қайтару соманы енгізбеу жолымен Шартты жасасудан жалтарса сатып алу туралы Шарт кез келген кезеңде бұзылуы мүмкін.
6. Хабарлама
6.1. Бір тарап екінші тарапқа жолдайтын кез келген хабарлама Шартқа сәйкес төленген тапсырыс хатымен немесе телеграф, телекс, факс, телефакс бойынша не веб-портал арқылы жіберіледі.
6.2. Күндердің қайсысы кешірек болуына байланысты хабарлама жеткізілгеннен кейін немесе күшіне енудің көрсетілген күні (хабарламада көрсетілсе) күшіне енеді.
7. Форс-мажор
7.1. Егер дүлей апат, әскери іс-қимылдар, эпидемия, ірі ауқымды ереуілдер, тікелей немесе жанама түрде тыйым салатын, сондай-ақ осы Шарт бойынша тараптардың міндеттемелерін орындауға кедергі болатын заңнамалық және үкіметтік актілердің күшіне енуі жататын форс-мажорлық жағдаяттар туындаған жағдайда, өзіне алған міндеттемелерді орындау үшін жауапкершіліктен босатылады. Бұл ретте, тарап форс-мажор басталғаны туралы жазбаша түрде дереу хабарлауға тиіс. Олай болмаған жағдайда бұл жағдаятқа сілтеме жасауға құқығы жоқ.
7.2. Форс-мажор жағдаяттары кезінде екінші тараптың өз міндеттемелерін орындамауына байланысты шығынға ұшыраған тарап осы оқиғалардың ауқымы туралы, сондай-ақ оның қызметіне тигізген әсері туралы құзыретті органдар мен ұйымдар растаған құжаттамалық дәлелдерді одан алуға құқығы бар.
8. Даулы мәселелерді шешу
8.1. Тапсырыс беруші мен Орындаушы Шарт бойынша немесе соған байланысты олардың арасында туындайтын барлық келіспеушіліктерді немесе дауларды тікелей келіссөздер үдерісінде шешуге барлық күш-жігерлерін салуға тиіс.
8.2. Егер осындай келіссөздерден кейін Тапсырыс беруші мен Өнім беруші Шарт бойынша дауларды шеше алмаса, Тараптардың кез келгені бұл мәселені Қазақстан Республикасының заңнамасына сәйкес шешуді талап ете алады.
9. Басқа шарттар
9.1. Салықтар мен бюджетке төленетін басқа да төлемдер Қазақстан Республикасының салық және кеден заңнамасына сәйкес төленуге жатады.
9.2. Шартқа енгізілетін кез келген өзгерістер мен толықтырулар Шарт жасасқан нысанда жасалады.
9.3. Өнім жеткізушінің таңдауы үшін негіз болып табылатын сапаның өзгермеуі мен басқа жағдайларда жасалған Шартқа:
1) жұмыстардың бағасын және тиісінше Шарттың сомасын азайту бөлігінде тараптардың өзара келісім бойынша;
2) осы жұмыстардың жасалған Шартында көрсетілген жұмыс бірлігі үшін бағасы өзгертпеу шартымен, сатып алынатын жұмыстар көлеміне қажеттілікті азайтумен не арттырумен байланысты Шарттың сомасын азайту не ұлғайту бөлігінде. Жасалған Шартты осылай өзгерту осы сатып алу бойынша қалыптасқан үнемдеу шегінде жол беріледі.
3) осы жұмыстардың жасалған Шартында көрсетілген жұмыс бірлігі үшін бағасы өзгертпеу шартымен, сатып алынатын жұмыстар көлеміне қажеттілікті азайтумен не арттырумен байланысты Шарттың сомасын азайту не ұлғайту бөлігінде. Жасалған Шартты осылай өзгерту осы сатып алу бойынша қалыптасқан үнемдеу шегінде жол беріледі.
4) тапсырыс берушінің және (немесе) Мердігердің/Орындаушының лауазымдық тұлғасына қатысты Шартты орындауға байланысты қылмыстық іс қозғалған жағдайда Шарттың орындалу мерзімін өзгерту бөлігінде өзгерістер енгізуге болады.
9.4. веб-портал арқылы жасалған Шарт, бірдей заңдық күші бар қазақ және орыс тілдерінде жасалды.
9.5. Шартпен реттелмеген бөлігінде Тараптар Қазақстан Республикасының заңнамасын басшылыққа алады.
<N.Жаңа тармақ>
10. Тараптардың деректемелері
Тапсырыс беруші | Өнім беруші |
< Тапсырыс беруші толық атауы> | <Өнім берушінің толық атауы> <Өнім берушінің толық заңды мекенжайы> <Өнім берушінің БСН/ЖСН/ТЕН <БСН/ЖСН/ТЕН> БСК <Өнім берушінің БСК> ЖСК <Өнім берушінің ЖСК> <Банктің атауы> Тел.: <Өнім берушінің телефоны> <Өнім берушінің лауазымы> <Өнім берушінің ТАӘ> |
Аббревиатуралардың толық жазылуы:
БСН – бизнес-сәйкестендіру нөмірі;
БИК – банктік сәйкестендіру коды;
ЖСК – жеке сәйкестендіру коды;
ЖСН – жеке сәйкестендіру нөмірі;
СТН – салық төлеушінің сәйкестендіру нөмірі;
ТЕН – төлеушінің есептік нөмірі;
ҚҚС – қосылған құн салығы;
Т.А.Ә. – тегі, аты, әкесінің аты (болған жағдайда)
