ЗҚАИ-ның ескертпесі!
Осы бұйрық 01.01.2024 ж. бастап қолданысқа енгізіледі
БҰЙЫРАМЫН:
1. "Шикі мұнайды және газ конденсатын есепке алу құралдарымен жарақтандырылуға жататын өндірістік объектілердің тізбесі мен оларды жарақтандыру мерзімдерін бекіту туралы" Қазақстан Республикасы Энергетика министрінің 2019 жылғы 4 қарашадағы № 357 бұйрығына (Нормативтік құқықтық актілерді мемлекеттік тіркеу тізілімінде № 19559 болып тіркелген) мынадай өзгерістер мен толықтырулар енгізілсін:
тақырыбы жаңа редакцияда жазылсын:
"Шикі мұнайды, газ конденсатын, шикі газды және оны қайта өңдеу өнімдерін (тауарлық газды) есепке алу аспаптарымен жарақтандыруға жататын өндірістік объектілердің тізбесін және оларды жарақтандыру мерзімдерін бекіту туралы";
кіріспе жаңа редакцияда жазылсын:
"Жер қойнауы және жер қойнауын пайдалану туралы" Қазақстан Республикасы Кодексінің 144-бабының 5-тармағына сәйкес БҰЙЫРАМЫН:";
1-тармақ жаңа редакцияда жазылсын:
"1. Қоса беріліп отырған Шикі мұнайды, газ конденсатын, шикі газды және оны қайта өңдеу өнімдерін (тауарлық газды) есепке алу аспаптарымен жарақтандыруға жататын өндірістік объектілердің тізбесі және оларды жарақтандыру мерзімдері бекітілсін.";
көрсетілген бұйрықпен бекітілген Шикі мұнайды және газ конденсатын есепке алу құралдарымен жарақтандырылуға жататын өндірістік объектілердің тізбесі мен оларды жарақтандыру мерзімдерінде:
тақырыбы жаңа редакцияда жазылсын:
"Шикі мұнайды, газ конденсатын, шикі газды және оны қайта өңдеу өнімдерін (тауарлық газды) есепке алу аспаптарымен жарақтандыруға жататын өндірістік объектілердің тізбесі және оларды жарақтандыру мерзімдері";
1-тарауда:
тақырыбы жаңа редакцияда жазылсын:
"1-тарау. Шикі мұнайды, газ конденсатын, шикі газды өндіру, сондай-ақ шикі мұнайды, газ конденсатын, шикі газды және оны қайта өңдеу өнімдерін (тауарлық газ) дайындау";
мынадай мазмұндағы реттік нөмірлері 2-1, 2-2, 2-3, 2-4-жолдармен толықтырылсын:
"
2-1. | Шикі газды кешенді дайындау қондырғысы | 2025 жылғы 1 қаңтарға дейін |
2-2. | Шикі газды технологиялық еріксіз жағуға арналған алау қондырғысы | 2025 жылғы 1 қаңтарға дейін |
2-3. | Шикі газды өзінің технологиялық қажеттіліктеріне пайдалануға арналған қондырғылар | 2025 жылғы 1 қаңтарға дейін |
2-4. | Шикі газды кері айдау қондырғылары | 2025 жылғы 1 қаңтарға дейін |
";
мынадай мазмұндағы реттік нөмірі 3-1-жолмен толықтырылсын:
"
3-1. | Тауарлық газды сақтауға арналған жерасты газ қоймалары | 2025 жылғы 1 қаңтарға дейін |
";
мынадай мазмұндағы реттік нөмірі 5-1-жолмен толықтырылсын:
"
5-1. | Тауарлық газды қабылдау-тапсыру (беру) пункттері | 2025 жылғы 1 қаңтарға дейін |
";
2-тарауда:
тақырыбы жаңа редакцияда жазылсын:
"2-тарау. Шикі мұнайды, газ конденсатын, шикі газды және оны қайта өңдеу өнімдерін (тауарлық газды) тасымалдау";
мынадай мазмұндағы реттік нөмірі 6-1-жолмен толықтырылсын:
"
6-1. | Газ құбыры бойынша шикі газды және оны қайта өңдеу өнімдерін (тауарлық газды) қабылдау-тапсыру (беру) пункттері | 2025 жылғы 1 қаңтарға дейін |
";
4-тарауда:
тақырыбы жаңа редакцияда жазылсын:
"4-тарау. Мұнай өңдеу және газ өңдеу зауыттары";
мынадай мазмұндағы реттік нөмірі 12-1-жолмен толықтырылсын:
"
12-1. | Шикі тауарлық газды қабылдау-тапсыру пункттері | 2025 жылғы 1 қаңтарға дейін |
".
2. Қазақстан Республикасы Энергетика министрлігінің Цифрландыру және ақпараттандыру департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Энергетика министрлігінің интернет-ресурсында орналастыруды;
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
4. Осы бұйрық 2024 жылғы 1 қаңтардан бастап қолданысқа енгізіледі және ресми жариялануға тиіс.
|
Қазақстан Республикасы Энергетика министрі |
Б. Акчулаков |
"Келісілді"
Қазақстан Республикасының
Индустрия және инфрақұрылымдық
даму министрлігі
"Келісілді"
Қазақстан Республикасының
Сауда және интеграция министрлігі