Қазақстан Республикасының Қауіпсіздік Кеңесі туралы

Қазақстан Республикасының Заңы 2018 жылғы 5 шiлдедегi № 178-VІ ҚРЗ.

Қолданушылар назарына!
Қолданушыларға қолайлы болуы үшін ЗҚАИ мазмұнды жасады.

МАЗМҰНЫ

Осы Заң Қазақстан Республикасы Қауіпсіздік Кеңесінің құқықтық мәртебесін, құзыретін және қызметін ұйымдастыруды айқындайды.

1-тарау. ЖАЛПЫ ЕРЕЖЕЛЕР

1-бап. Қауіпсіздік Кеңесінің құқықтық мәртебесі және қызметінің негізі

1. Қазақстан Республикасының Қауіпсіздік Кеңесі (бұдан әрі – Қауіпсіздік Кеңесі) ішкі саяси тұрақтылықты сақтау, конституциялық құрылысты, мемлекеттік тәуелсіздікті, аумақтық тұтастықты және халықаралық аренада Қазақстанның ұлттық мүдделерін қорғау мақсатында Қазақстан Республикасының Президенті құратын және Қазақстан Республикасының ұлттық қауіпсіздігі мен қорғаныс қабілетін қамтамасыз ету саласында бірыңғай мемлекеттік саясат жүргізуді үйлестіретін конституциялық орган болып табылады.

2. Қазақстан Республикасының Президенті Қауіпсіздік Кеңесінің Төрағасы болып табылады.

3. Қауіпсіздік Кеңесінің құрамын Қазақстан Республикасының Президенті қалыптастырады.

4. Қауіпсіздік Кеңесі қызметінің құқықтық негізін Қазақстан Республикасының Конституциясы, осы Заң, Қауіпсіздік Кеңесі туралы ереже, Қазақстан Республикасының өзге де нормативтік құқықтық актілері және Қазақстан Республикасының халықаралық шарттары құрайды.

5. Қауіпсіздік Кеңесі қызметінің осы Заңмен реттелмеген мәселелері Қауіпсіздік Кеңесі туралы ережемен реттеледі.

Ескерту. 1-бапқа өзгеріс енгізілді – ҚР 07.02.2022 № 106-VII (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен.

2-бап. Қауіпсіздік Кеңесінің міндеттері

1. Қауіпсіздік Кеңесінің негізгі міндеттері елдің ұлттық қауіпсіздігін қамтамасыз ету, қорғаныс қабілетін нығайту, заңдылық пен құқықтық тәртіпті қамтамасыз ету саласындағы мемлекеттік саясаттың негізгі бағыттарын жоспарлау, қарау және олардың іске асырылуын бағалау болып табылады.

Қауіпсіздік Кеңесі Қазақстан Республикасының заңнамасына және Қауіпсіздік Кеңесі Төрағасының шешімдеріне сәйкес өзге де міндеттерді орындайды.

2. Қауіпсіздік Кеңесі өзіне жүктелген міндеттерді орындау үшін тиісті шешімдер мен ұсынымдарды әзірлейді және қабылдайды, мемлекеттік органдар мен ұйымдардың қызметін үйлестіреді.

3-бап. Қауіпсіздік Кеңесінің функциялары

Қауіпсіздік Кеңесінің функциялары мыналар болып табылады:

1) мемлекеттік органдар мен ұйымдардың елдің ұлттық қауіпсіздігі мен халықаралық ұстанымдарын, мемлекеттің қорғаныс қабілетін, заңдылық пен құқықтық тәртіпті қамтамасыз ету саласындағы іс-шараларды іске асыру жөніндегі қызметін үйлестіру;

2) ұлттық қауіпсіздікті қамтамасыз ету және Қауіпсіздік Кеңесінің шешімдерін іске асыру мақсатында құқық қорғау және арнаулы мемлекеттік органдардың қызметін үйлестіру;

3) ел дамуының аса маңызды бағыттары бойынша мемлекеттің стратегиялық құжаттарының орындалу жай-күйін мониторингтеу және бағалау;

4) мемлекеттік бағдарламаларды, заң жобаларын, маңызды сыртқы саяси және мемлекеттік мәні бар өзге де бастамаларды, сондай-ақ елдегі жағдайдың дамуын, әлемдік және өңірлік үрдістерді кешенді талдау және бағалау, ұлттық қауіпсіздіктің ішкі және сыртқы қатерлерін болжау, олардың алдын алу және оларды бейтараптандыру жөніндегі ұсыныстарды әзірлеу және шараларды айқындау;

5) Қазақстан Республикасы Үкіметінің ұлттық қауіпсіздікті, қорғаныс қабілетін, құқықтық тәртіпті қамтамасыз ету саласындағы қызметінің нәтижелері мен негізгі бағыттары туралы жыл сайынғы баяндамасын тыңдау;

6) елдің ұлттық қауіпсіздігі мен қорғаныс қабілетін қамтамасыз ету саласындағы мемлекеттік саясатты іске асыру мәселелері бойынша мемлекеттік органдардың бірінші басшыларын тыңдау;

7) Қазақстан Республикасының ұлттық қауіпсіздікті, қорғаныс қабілетін және құқықтық тәртіпті қамтамасыз ету саласындағы заңдарының орындалуын, оның ішінде осы мақсаттарға жұмсалатын қаражаттың тиімді пайдаланылуын бақылауды ұйымдастыру;

8) орталық және облыстардың, республикалық маңызы бар қалалардың және астананың жергілікті атқарушы органдарының, сондай-ақ Қазақстан Республикасының Президентіне тікелей бағынатын және есеп беретін мемлекеттік органдардың бірінші басшы лауазымдарына тағайындауға ұсынылатын кандидатураларды талқылау;

9) Қазақстан Республикасының заңнамасына сәйкес өзге де функциялар.

2-тарау. ҚАУІПСІЗДІК КЕҢЕСІНІҢ ҚЫЗМЕТІН ҰЙЫМДАСТЫРУ

4-бап. Қауіпсіздік Кеңесі Төрағасының өкілеттіктері

Қауіпсіздік Кеңесінің Төрағасы:

1) Қауіпсіздік Кеңесінің қызметіне басшылықты жүзеге асырады;

2) Қауіпсіздік Кеңесінің отырыстары мен жедел кеңестерін шақырады;

3) Қауіпсіздік Кеңесінің мүшелеріне тапсырмалар береді;

4) Қауіпсіздік Кеңесі туралы ережені бекітеді;

5) алып тасталды – ҚР 07.02.2022 № 106-VII (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен.

6) Қауіпсіздік Кеңесінің қызметіне қатысты актілерді, оның ішінде нормативтік құқықтық сипаттағы актілерді шығарады;

7) Қазақстан Республикасының заңнамасында көзделген өзге де өкілеттіктерді жүзеге асырады.

Ескерту. 4-бапқа өзгеріс енгізілді – ҚР 07.02.2022 № 106-VII (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен.

5-бап. Қауіпсіздік Кеңесі мүшелерінің өкілеттіктері

Қауіпсіздік Кеңесінің мүшелері:

1) Қауіпсіздік Кеңесінің отырыстары мен жедел кеңестеріне, Қауіпсіздік Кеңесі күн тәртібіндегі мәселелер бойынша шешімдер қабылдаған кезде талқылау мен дауыс беруге қатысады;

2) өз құзыреті шегінде Қауіпсіздік Кеңесі шешімдерінің орындалуын қамтамасыз етеді, Қауіпсіздік Кеңесінің және Қауіпсіздік Кеңесі жедел кеңестерінің тиісті шешімдерінің орындалуын үйлестіреді және бақылайды;

3) Қауіпсіздік Кеңесі туралы ережеге, Қауіпсіздік Кеңесінің шешімдеріне және Қауіпсіздік Кеңесі Төрағасының тапсырмаларына сәйкес өзге де өкілеттіктерді жүзеге асырады.

6-бап. Қауіпсіздік Кеңесінің қызмет нысандары мен шешімдері

1. Қауіпсіздік Кеңесі өз қызметін отырыстар мен жедел кеңестер нысанында, сондай-ақ Қауіпсіздік Кеңесі туралы ережеде айқындалатын өзге де нысандарда жүзеге асырады.

2. Қауіпсіздік Кеңесінің отырыстары Қауіпсіздік Кеңесі Төрағасының немесе Төрағаның уәкілеттік беруі бойынша Қауіпсіздік Кеңесі мүшелерінің бірінің төрағалық етуімен өткізіледі. Қауіпсіздік Кеңесінің отырыстарын өткізу мерзімділігін Қауіпсіздік Кеңесінің Төрағасы айқындайды.

3. Қауіпсіздік Кеңесінің отырыстары оның мүшелерінің кемінде үштен екісі болған кезде заңды болады. Қауіпсіздік Кеңесі мүшелерінің өз өкілеттіктерін өзге адамдарға беруіне жол берілмейді.

4. Қауіпсіздік Кеңесінің шешімдері қатысып отырған Қауіпсіздік Кеңесі мүшелерінің жалпы санының қарапайым көпшілік даусымен қабылданады. Дауыстар тең болған кезде төрағалық етушінің даусы шешуші болып табылады.

5. Қауіпсіздік Кеңесінің шешімдері Қауіпсіздік Кеңесінің Төрағасы бекіткеннен кейін күшіне енеді, қажет болған кезде олар Қазақстан Республикасы Президентінің актілерімен іске асырылады.

6. Қауiпсiздiк Кеңесiнің және Қауіпсіздік Кеңесі Төрағасының шешiмдері мiндеттi болып табылады және Қазақстан Республикасы мемлекеттiк органдарының, ұйымдары мен лауазымды адамдарының мүлтіксіз орындауына жатады.

7. Қауіпсіздік Кеңесінің отырыстары мен жедел кеңестерін, Қауіпсіздік Кеңесі жұмысының өзге де нысандарын ұйымдастыру мен өткізу, Қауіпсіздік Кеңесі шешімдерінің орындалуын бақылау тәртібі Қауіпсіздік Кеңесі туралы ережеде айқындалады.

7-бап. Қауіпсіздік Кеңесінің Аппараты

1. Қауіпсіздік Кеңесінің Аппараты Қауіпсіздік Кеңесінің Қазақстан Республикасы Президенті Әкімшілігінің құрамына кіретін жұмыс органы болып табылады, оның қызметі Қазақстан Республикасының заңнамасымен регламенттеледі.

2. Қауіпсіздік Кеңесі Төрағасының, Қауіпсіздік Кеңесінің қызметін, олардың шешімдерінің сөзсіз және түпкілікті орындалуын, сондай-ақ олардың орындалуын бақылауды қамтамасыз ету мақсатында Қауіпсіздік Кеңесінің Аппараты мемлекеттік органдар мен ұйымдарға орындалуы міндетті тапсырмалар беруге құқылы.

Ескерту. 7-бап жаңа редакцияда – ҚР 07.02.2022 № 106-VII (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен.

3-тарау. ҚОРЫТЫНДЫ ЕРЕЖЕЛЕР

8-бап. Қауіпсіздік Кеңесінің және Қауіпсіздік Кеңесі Аппаратының қызметін қаржыландыру

Қауіпсіздік Кеңесін және Қауіпсіздік Кеңесінің Аппаратын ұстауға арналған шығыстар Қазақстан Республикасының заңнамасында белгіленген тәртіппен республикалық бюджеттен қаржыландырылады.

9-бап. Осы Заңды қолданысқа енгізу тәртібі

Осы Заң алғашқы ресми жарияланған күнінен бастап қолданысқа енгізіледі.

Қазақстан Республикасының Президенті

Н. НАЗАРБАЕВ

On the Security Council of the Republic of Kazakhstan

Law of the Republic of Kazakhstan dated July 5, 2018 No. 178-VI.

Unofficial translation

This Law defines the legal status, competence and organization of the Security Council of the Republic of Kazakhstan.

Chapter 1. General provision

Article 1. Legal status and basis for the activity of the Security Council

1. The Security Council of the Republic of Kazakhstan (hereinafter referred to as the Security Council) is a constitutional body formed by the President of the Republic of Kazakhstan and coordinating the implementation of a unified state policy in the sphere of ensuring national security and defense capability of the Republic of Kazakhstan in order to maintain internal political stability, protect the constitutional order, state independence, territorial integrity and national interests of Kazakhstan in the international arena.

2. The President of the Republic of Kazakhstan is the Chairman of the Security Council.

3. The Security Council membership is formed by the President of the Republic of Kazakhstan.

4. The Constitution of the Republic of Kazakhstan, the present Law, the Regulation on the Security Council, other normative legal acts of the Republic of Kazakhstan and international treaties of the Republic of Kazakhstan constitute the legal basis for the activity of the Security Council.

5. Issues related to the activities of the Security Council that are not regulated by this Law shall be regulated by the Regulation on the Security Council.

Footnote. Article 1 as amended by the Law of the Republic of Kazakhstan dated 07.02.2022 No. 106-VII (shall be enforced ten calendar days after the date of its first official publication).

Article 2.Tasks of the Security Council

1. The main tasks of the Security Council are to plan, review and evaluate the implementation of the main directions of the state policy in the field of ensuring national security, strengthening the country's defense capability, ensuring law and order.

The Security Council performs other tasks in accordance with the legislation of the Republic of Kazakhstan and decisions of the Chairman of the Security Council.

2. In order to carry out its tasks, the Security Council elaborates and adopts relevant decisions and recommendations and coordinates the activities of State bodies and organizations.

Article 3. Functions of the Security Council

The functions of the Security Council shall be:

1) coordination of the activities of state bodies and organizations on the implementation of measures in the field of national security and international positions of the country, state defense, law and order;

2) coordination of activities of law enforcement and special state bodies in order to ensure national security and implementation of decisions of the Security Council;

3) monitoring and evaluation of the state of implementation of strategic documents of the state in the most important areas of the country's development;

4) comprehensive analysis and evaluation of state programs, bills, important foreign policy and other state initiatives, as well as the development of the situation in the country, global and regional trends, forecasting internal and external threats to national security, elaboration of proposals and definition of measures for their prevention and neutralization;

5) hearing the annual report of the Government of the Republic of Kazakhstan on the results and main directions of activity in the sphere of national security, defense, law and order;

6) hearing the first heads of state bodies on the implementation of state policy in the field of national security and defense capabilities of the country;

7) organization of control over the execution of laws of the Republic of Kazakhstan in the field of national security, defense and law enforcement, including the effective use of funds allocated for these purposes;

8) discussion of candidates recommended for appointment to the posts of the first heads of central and local executive bodies of regions, cities of national importance and the capital, as well as state bodies directly subordinate and accountable to the President of the Republic of Kazakhstan;

9) other functions in accordance with the legislation of the Republic of Kazakhstan.

Chapter 2. ORGANIZING THE ACTIVITIES FOR SECURITY BOARD

Article 4. Powers of the President of the Security Council

President of the Security Council:

1) Directs the activities of the Security Council;

2) Convenes meetings and operational meetings of the Security Council;

3) gives instructions to the members of the Security Council;

4) Approves the Regulations on the Security Council;

5) Excluded by the Law of the Republic of Kazakhstan dated 07.02.2022 No. 106-VII (shall be enforced ten calendar days after the date of its first official publication).

6) issues acts, including legal acts, related to the activities of the Security Council;

7) Exercises other powers stipulated by the legislation of the Republic of Kazakhstan.

Footnote. Article 4 as amended by the Law of the Republic of Kazakhstan dated 07.02.2022 No. 106-VII (shall be enforced ten calendar days after the date of its first official publication).

Article 5. Terms of reference of the members of the Security Council

Members of the Security Council shall:

1) Participate in meetings and operational meetings of the Security Council, in discussions and voting when the Security Council takes decisions on agenda items;

2) within the limits of their competence, ensure the implementation of the decisions of the Security Council, coordinate and control the implementation of the relevant decisions of the Security Council and operational meetings of the Security Council;

3) Exercise other powers in accordance with the Regulations on the Security Council, decisions of the Security Council and instructions of the President of the Security Council.

Article 6. Modalities of action and decisions of the Security Council

1. The Security Council carries out its activities in the form of meetings and operational meetings, as well as in other forms as determined by the Regulations on the Security Council.

2. Meetings of the Security Council are chaired by the President of the Security Council or by a member of the Security Council, authorized by the President. The frequency of Security Council meetings is determined by the President of the Security Council.

3. Meetings of the Security Council shall be competent if at least two thirds of its members are present. Members of the Security Council may not delegate their powers to other persons.

4. Decisions of the Security Council are taken by a simple majority vote of the total number of Security Council members present. In the event of an equality of votes, the presiding officer's vote shall be decisive.

5. Decisions of the Security Council come into force after approval by the Chairman of the Security Council, if necessary, they are implemented by the acts of the President of the Republic of Kazakhstan.

6. Decisions of the Security Council and the Chairman of the Security Council are binding and subject to strict implementation by state bodies, organizations and officials of the Republic of Kazakhstan.

7. The procedure for organizing and holding meetings and operational meetings of the Security Council, other forms of work of the Security Council, and for monitoring the implementation of decisions of the Security Council are determined by the Regulations on the Security Council.

Article 7. Security Council Staff

1. The Security Council staff is a working body of the Security Council, which is part of the Administration of the President of the Republic of Kazakhstan, whose activities are regulated by the legislation of the Republic of Kazakhstan.

2. To ensure the activities of the Chairman of the Security Council, the Security Council, unconditional and exhaustive fulfillment of their decisions and also their enforcement, the Security Council Staff shall have the right to issue binding instructions to state bodies and organizations.

Footnote. Article 7 as amended by the Law of the Republic of Kazakhstan dated 07.02.2022 No. 106-VII (shall be enforced ten calendar days after the date of its first official publication).

Chapter 3. FINAL PROVISION

Article 8. Financing of the activities of the Security Council and the Security Council Apparatus

The expenses for the maintenance of the Security Council and the Office of the Security Council shall be financed from the republican budget in the order established by the legislation of the Republic of Kazakhstan.

Article 9. Procedure for the implementation of this Law

This Law shall be enforced upon its first official publication.

The president of the
Republic of Kazakhstan	N. NAZARBAYEV