Еуразиялық экономикалық одақтың интеграцияланған ақпараттық жүйесін құру, жұмыс істеуін қамтамасыз ету және дамыту жөніндегі 2017-2018 жылдарға арналған іс-шаралар жоспарына өзгерістер енгізу туралы

Еуразиялық экономикалық комиссия Кеңесінің 2017 жылғы 15 қыркүйектегі № 30 өкімі

Еуразиялық экономикалық одақ шеңберіндегі ақпараттық-коммуникациялық технологиялар және ақпараттық өзара іс-қимыл туралы хаттаманың (Еуразиялық экономикалық одақ туралы шартқа №3 қосымша) 27-тармағына сәйкес:

1. Қосымшаға сәйкес Еуразиялық экономикалық комиссия Кеңесінің 2017 жылғы 13 қаңтардағы №6 өкімімен бекітілген Еуразиялық экономикалық одақтың интеграцияланған ақпараттық жүйесін құру, жұмыс істеуін қамтамасыз ету және дамыту жөніндегі 2017-2018 жылдарға арналған іс-шаралар жоспарына өзгерістер енгізілсін.

2. Осы Өкім Еуразиялық экономикалық одақтың ресми сайтында жарияланған күнінен бастап күшіне енеді.

Еуразиялық экономикалық комиссия Кеңесінің мүшелері:

Армения Беларусь Қазақстан Қырғыз Ресей
Республикасынан Республикасынан Республикасынан Республикасынан Федерациясынан
В.Габриелян В.Матюшевский А.Мамин Т.Абдыгулов И.Шувалов

	Еуразиялық экономикалық комиссия Кеңесінің
	2017 жылғы 15 қыркүйектегі №30 өкіміне
	ҚОСЫМША

Еуразиялық экономикалық одақтың интеграцияланған ақпараттық жүйесін құру, жұмыс істеуін қамтамасыз ету және дамыту жөніндегі 2017-2018 жылдарға арналған іс-шаралар жоспарына енгізілетін ӨЗГЕРІСТЕР

1.1-тармақ мынадай мазмұндағы "у" - "ш" тармақшаларымен толықтырылсын:

"у) Одақ шеңберінде бақылап отыру (соның ішінде сәйкестендіру) жүйесін (бұдан әрі - бақылап отыру жүйесі) қалыптастыру тұжырымдамасын әзірлеу	тұжырымдама	IV тоқсан	-	Комиссия*, уәкілетті органдар
ф) бақылап отыру жүйесінің архитектурасын әзірлеу	есеп, архитектураны сипаттау	-	І тоқсан	Комиссия*, уәкілетті органдар
х) бақылап отыру жүйесіне техникалық тапсырмалар әзірлеу	техникалық тапсырма	IV тоқсан	-	Комиссия*, уәкілетті органдар
ц)осы тармақтың "у" тармақшасына сәйкес Одақ шеңберінде бақылап отыру (соның ішінде сәйкестендіру) жүйесін (бұдан әрі - бақылап отыру жүйесі) қалыптастыру тұжырымдамасын іске асыру мақсатында нормативтік құқықтық актілер жобаларын әзірлеу	нормативтік құқықтық актілер жобалары	-	І-ІІІ тоқсандар	Комиссия*
ч) бақылап отыру жүйесінің жұмыс істеуі мақсатында уәкілетті органдармен ақпараттық өзара іс-қимылға қойылатын талаптарды әзірлеу	талаптар	-	ІІ-ІV тоқсандар	Комиссия*, уәкілетті органдар
ш) бақылап отыру жүйесін іске асыру бойынша жобалық офистің жұмыс істеуін қалыптастыру және қамтамасыз ету	есептер	ІV тоқсан	І-ІV тоқсандар	Комиссия*".

2.2-тармақ мынадай мазмұндағы "е" тармақшасымен толықтырылсын:

"е)Комиссияның интеграциялық сегменті құрамында бақылап отыру жүйесінің компонентерін жасау

техникалық-жұмыс жобалары, орындалған жұмыстардың актілері

-

І-ІV тоқсандар

Комиссия*".

3.3-тармақ мынадай мазмұндағы "е" тармақшасымен толықтырылсын:

"е) ұлттық сегменттер құрамында бақылап отыру жүйесінің компонентерін жасау

техникалық-жұмыс жобалары, орындалған жұмыстардың актілері

-

І-ІV тоқсандар

уәкілетті органдар**".

4. Көрсетілген жоспарға №4 қосымшада:

а) "2017 жыл" графасының 1-тармағындағы "172 500,0" цифрлары "181 200,0" цифрларымен ауыстырылсын, "2018 жыл" графасындағы "176 900,0" цифрлары "205 281,2" цифрларымен ауыстырылсын;

б) "2018 жыл" графасының 2-тармағындағы"291 800,0" цифрлары "317 800,0" цифрларымен ауыстырылсын.