Қазақстан Республикасының Үкіметі қаулы етеді:
"Нормативтік құқықтық актілер туралы" Қазақстан Республикасының
Заңына өзгерістер мен толықтырулар енгізу туралы" Қазақстан Республикасы
Заңының жобасы Қазақстан Республикасының Парламенті Мәжілісінің қарауына
енгізілсін.
Қазақстан Республикасының
Премьер-Министрі
Жоба
Қазақстан Республикасының Заңы
"Нормативтік құқықтық актілер туралы"
Қазақстан Республикасының Заңына өзгерістер мен
толықтырулар енгізу туралы
1-бап. "Нормативтік құқықтық актілер туралы" 1998 жылғы 24 наурыздағы Қазақстан Республикасының Заңына (Қазақстан Республикасы Парламентінің Жаршысы, 1998 ж., N 2-3, 25-құжат) мынадай өзгерістер мен толықтырулар енгізілсін:
1) 1-бапта:
10) тармақша "актілер-" деген сөзден кейін "Қазақстан Республикасының Конституциясы мен заң актілерінің негізінде және оларды орындау үшін шығарылған" деген сөздермен толықтырылсын;
мынадай мазмұндағы 12) тармақшамен толықтырылсын:
"12) нормативтік құқықтық актілерді қосымша ресми жариялау - Қазақстан Республикасы нормативтік құқықтық актілерінің эталондық бақылау банкіне сәйкестік сараптамасынан өткен нормативтік құқықтық актілерді баспа органында жариялау.";
2) 2-бапта:
1-тармақта "қабылдау" деген сөзден кейін "тіркеу," деген сөзбен толықтырылсын;
4-тармақтың 3) тармақшасында, ", ережелер" деген сөз алынып тасталсын;
3) 3-бапта:
2-тармақтың 8) тармақшасы мынадай редакцияда жазылсын:
"8) мәслихаттардың нормативтік құқықтық шешімдері, әкімияттардың
нормативтік құқықтық қаулылары, әкімдердің нормативтік құқықтық
шешімдері.";
мынадай мазмұндағы 5 және 6-тармақтармен толықтырылсын:
"5. Қазақстан Республикасының Президентіне тікелей бағынатын және
есеп беретін орталық атқарушы органдар мен мемлекеттік органдардың
аумақтық органдары, сондай-ақ әкімияттардың басқаруындағы әрі жергілікті
бюджеттерден қаржыландырылатын жергілікті атқарушы органдар нормативтік
құқықтық актілер шығаруға құқылы емес.
6. Мемлекеттік органдар мен лауазымды адамдар қабылдайтын жеке
қолданылатын құқықтық актілер нормативтік құқықтық актілер болып
табылмайды.";
4) 4-бапта:
2-тармақта:
мынадай мазмұндағы 2-1) тармақшамен толықтырылсын:
"2-1) Қазақстан Республикасының кодекстері;";
3) тармақшада "Қазақстан Республикасының кодекстері" деген сөздер
алынып тасталсын;
8) тармақша мынадай редакцияда жазылсын:
"8) мәслихаттардың нормативтік құқықтық шешімдері, әкімияттардың нормативтік құқықтық қаулылары, әкімдердің нормативтік құқықтық шешімдері.";
5-тармақта "нормативтік шешімдері" деген сөздерден кейін ", әкімияттардың нормативтік құқықтық қаулылары" деген сөздермен толықтырылсын;
5) 14-баптың 3-тармағының екінші бөлігінде "(үштен аспайтын)" деген сөздер алынып тасталсын;
6) 28-бап мынадай мазмұндағы 4-тармақпен толықтырылсын:
"4. Нормативтік құқықтық актінің құрылымдық бөлігіне осы құрылымдық бөлік мәтіні мазмұнының жартысынан асатын көлемде өзгерістер мен толықтырулар енгізілген кезде, оның жаңа редакциясы қабылданады.";
7) 29-баптың 1-тармағының 5) тармақшасы мынадай редакцияда жазылсын:
"5) әкімияттың қаулыларына, әкімнің шешімдеріне - әкім";
8) 30-бап мынадай редакцияда жазылсын:
"30-бап. Нормативтік құқықтық актілерді ресми жариялаудың міндеттілігі
1. Азаматтардың құқықтарына, бостандықтары мен міндеттеріне қатысты нормативтік құқықтық актілер (Қазақстан Республикасының мемлекеттік құпияларын және заңмен қорғалатын өзге де құпияларды қамтитын актілерден басқа) ресми және басқа да басылымдарда жарияланады.
Қазақстан Республикасы Парламентінің Жаршысы, және Қазақстан Республикасы Президенті мен Үкіметінің актілер жинағы ресми басылымдар болып табылады.
2. Нормативтік құқықтық актілерді ресми жариялау бастапқы және қосымша болуы мүмкін.
Нормативтік құқықтық актілерді бастапқы ресми жариялауды оларды жариялау құқығын Қазақстан Республикасының Үкіметі белгілейтін тәртіппен конкурстық негізде алған мерзімді баспа басылымдары жүзеге асырады.
Нормативтік құқықты актілерді қосымша ресми жариялауды баспа басылымдары Қазақстан Республикасының Үкіметі белгілейтін тәртіппен жүзеге асырады.
Нормативтік құқықтық актілердің бастапқы және қосымша жариялануын жүзеге асыру құқығын беру тәртібі осы баптың 1-тармағының 2-бөлігінде көрсетілген ресми басылымдарға қолданылмайды.
3. Құқық қорғау практикасында нормативтік құқықтық актілердің ресми жарияланымдары пайдаланылуға тиіс.
4. Нормативтік құқықтық актілерді ресми емес жариялауға олар ресми жарияланғаннан кейін ғана жол беріледі.";
9) 31-бап мынадай редакцияда жазылсын:
"31-бап. Заң актілерін ресми жариялау
1. Қазақстан Республикасының заң актілері Қазақстан Республикасы Парламентінің Жаршысында, сондай-ақ осы Заңның 30-бабында белгіленген тәртіппен басқа да баспа басылымдарында ресми жарияланады.
2. Заң актілерінің бастапқы ресми жариялануы Қазақстан Республикасының барлық аумағында таралатын мерзімді баспа басылымдарында ғана жүзеге асырыла алады.";
10) 32, 33, 34-баптар мынадай редакцияда жазылсын:
"32-бап. Қазақстан Республикасы Президентінің жарлықтарын және Қазақстан Республикасы Үкіметінің қаулыларын ресми жариялау
1. Қазақстан Республикасы Президентінің жарлықтары, Қазақстан Республикасы Үкіметінің қаулылары Қазақстан Республикасы Президенті мен Үкіметінің актілер жинағында, сондай-ақ басқа да басылымдарда осы Заңның 30-бабында белгіленген тәртіппен ресми жарияланады.
2. Қазақстан Республикасы Президентінің жарлықтарын, Қазақстан Республикасы Үкіметінің қаулыларын бастапқы ресми жариялау Қазақстан Республикасының барлық аумағында таралатын мерзімді баспа басылымдарында ғана жүзеге асырыла алады.
33-бап. Қазақстан Республикасының орталық атқарушы және өзге де орталық мемлекеттік органдарының нормативтік құқықтық актілерін ресми жариялау
1. Орталық атқарушы және өзге де орталық мемлекеттік органдардың нормативтік құқықтық актілері осы Заңның 30-бабында белгіленген тәртіппен мерзімді баспа басылымдарында жарияланады.
2. Орталық атқарушы және өзге де орталық мемлекеттік органдардың нормативтік құқықтық актілерін бастапқы ресми жариялау Қазақстан Республикасының барлық аумағында таралатын мерзімді баспа басылымдарында ғана жүзеге асырыла алады.
34-бап. Мәслихаттардың шешімдерін, әкімияттардың қаулыларын және әкімдердің шешімдерін жариялау
Мәслихаттардың шешімдерін, әкімияттардың қаулыларын және әкімдердің шешімдерін ресми жариялау осы Заңның 30-бабында көзделген тәртіппен жүзеге асырылады.
Мәслихаттардың шешімдерін, әкімияттардың қаулылары мен әкімдердің шешімдерін бастапқы ресми жариялау тиісті әкімшілік-аумақтық бірліктің аумағында таралатын мерзімді баспа басылымдарында жүзеге асырылады.";
11) мынадай мазмұндағы 35-1-баппен толықтырылсын:
"35-1-бап. Орталық және жергілікті мемлекеттік органдардың нормативтік құқықтық актілерінің жариялануын бақылау
1. Орталық және жергілікті мемлекеттік органдардың нормативтік құқықтық актілерінің жариялануын бақылауды Қазақстан Республикасының Әділет министрлігі және оның аумақтық органдары жүзеге асырады.
2. Орталық және жергілікті мемлекеттік органдардың нормативтік құқықтық актілерінің жариялануын бақылауды жүзеге асыру тәртібін Қазақстан Республикасының Үкіметі белгілейді.";
12) 36-бапта:
мынадай мазмұндағы 3-1, 3-2-тармақтармен толықтырылсын:
"3-1. Егер нормативтік құқықтық актінің көлемі елеулі болуына байланысты мәтіні мерзімді баспа басылымының бірнеше нөмірінде жарияланса, онда нормативтік құқықтық акті мәтінінің қорытынды бөлігі жариялаған күн ресми жарияланған күн болып есептеледі.
Нормативтік құқықтық актілер мерзімде баспа басылымдарда бір уақытта мемлекеттік тілде және орыс тілінде жариялануға тиіс.
3-2. Азаматтардың құқықтарына, бостандықтары мен міндеттеріне қатысты нормативтік құқықтық актілерді күшіне енгізудің міндетті шарты оларды ресми жариялау болып табылады.";
4-тармақ "актінің өзінде көрсетілген" деген сөздерден кейін ", ал мемлекеттік тіркеуге жататындары - мемлекеттік тіркеуден ерте емес" деген сөздермен толықтырылсын;
13) 38-баптың 2-тармағындағы 4) тармақшада "келісілмесе" деген сөзден кейін нүктелі үтір қойылып, "мұндай актіні тіркеуден бас тартылуы мүмкін." деген сөздер алынып тасталсын және мынадай мазмұндағы 5) тармақшамен толықтырылсын:
"5) мемлекеттік тіркеу ережелерімен белгіленген тәртіп сақталмаса,
мұндай актіні тіркеуден бас тартылуы мүмкін.";
14) 40-бапта:
1-тармақ мынадай мазмұндағы сөйлеммен толықтырылсын:
"Нормативтік құқықтық актінің күшінің тоқтата тұру жеке нормативтік
құқықтық актімен жүзеге асырылады.";
мынадай мазмұндағы 3-тармақпен толықтырылсын:
"3. Басқа нормативтік құқықтық актінің күшін тоқтату немесе тоқтата
тұру туралы нормативтік құқықтық актіні мемлекеттік тіркеу және (немесе)
жариялау осы Заңда көзделген тәртіппен жүзеге асырылады.";
2-бап. Осы Заң, 2002 жылдың 1 қаңтарынан бастап күшіне енетін 30, 31,
32, 33, 34, 35-1-баптарды қоспағанда, жарияланған күнінен бастап күшіне
енеді.
Қазақстан Республикасының
Президенті
Мамандар:
Багарова Ж.А.
Қасымбеков Б.А.
