Маңызды стратегиялық мәнi бар мемлекеттiк сатып алу туралы

Қазақстан Республикасы Үкіметінің 2006 жылғы 5 сәуірдегі N 239 Қаулысы

"Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкiметi ҚАУЛЫ ЕТЕДI:

1. Осы қаулыға қосымшаға сәйкес заңды тұлғалар 2006 жылға арналған республикалық бюджетте көзделген қаражат шегiнде отын-энергетика кешенi саласындағы сатып алудың маңызды стратегиялық мәнi бар жұмыстарды берушiлер болып белгiленсiн.

2. Қазақстан Республикасы Энергетика және минералдық ресурстар министрлiгi заңнамада белгiленген тәртiппен:
1) осы қаулыға қосымшада көрсетiлген заңды тұлғалармен жұмыстарды мемлекеттiк сатып алу туралы шарттар жасасуды;
2) жұмыстарды сатып алу үшiн осы қаулыға сәйкес пайдаланылатын ақшаны оңтайлы және тиiмдi жұмсау қағидатын сақтауды;
3) осы қаулыдан туындайтын өзге де қажеттi шараларды қабылдауды қамтамасыз етсiн.

3. Осы қаулы қол қойылған күнінен бастап қолданысқа енгiзiледi.

Қазақстан Республикасының
Премьер-Министрі

Қазақстан Республикасы
Үкiметiнiң
2006 жылғы 5 сәуірдегі
N 239 қаулысына
қосымша

Отын-энергетика кешенi саласындағы
сатып алудың маңызды стратегиялық мәнi бар
жұмыстарды берушi заңды тұлғалардың тiзбесi

Р/с N№	Жұмыстарды берушінің атауы	Жұмыс берушінің орналасқан жері	Жұмыстардың атауы
1	"Қазақстан Республикасының Ұлттық ядролық орталығы" республикалық мемлекеттік кәсіпорны	Шығыс Қазақстан облысы Курчатов қаласы	2006 жылға арналған 023 "Арнайы бақылау станцияларында тіркелген ядролық жарылыстар мен жер сілкіністерінің тарихи сейсмограм- маларының мұрағатын қағаздағы жазбадан электрондық тасымал- даушыларға көшіру" республикалық бюджеттік бағдарла- масына сәйкес іс- шараларды орындау
2	"Қарағанды шахтатарату" республикалық мемлекеттік кәсіпорны	Қарағанды қаласы	2006 жылға арналған 009 "Қарағанды көмір бассейнінің шахталарын жабу" республикалық бюджеттік бағдарла- масына сәйкес іс-шараларды орындау
3	"Уран- кеніштарату" республикалық мемлекеттік кәсіпорны	Көкшетау қаласы	2006 жылға арналған 008 "Уран кеніштерін тұмшалау және жою, техногендік қалдықтарды көму" республикалық бюджеттік бағдарла- масына сәйкес іс-шараларды орындау