Байланыс формасы

Спортшылар мен жаттықтырушыларға өмір бойы ай сайынғы материалдық қамсыздандыруды төлеу қағидаларын бекіту, олардың мөлшерін белгілеу және Қазақстан Республикасы Үкіметінің кейбір шешімдерінің күші жойылды деп тану туралы

Жаңартылған

Қазақстан Республикасы Үкіметінің 2014 жылғы 19 желтоқсандағы № 1324 қаулысы.

      "Дене шынықтыру және спорт туралы" 2014 жылғы 3 шілдедегі Қазақстан Республикасының Заңы 6-бабының 5) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

      1. Қоса беріліп отырған Спортшылар мен жаттықтырушыларға өмір бойы ай сайынғы материалдық қамсыздандыруды төлеу қағидалары бекітілсін.

      2. Осы қаулыға 1-қосымшаға сәйкес Спортшылар мен жаттықтырушыларға өмір бойы ай сайынғы материалдық қамсыздандыруды төлеу мөлшері белгіленсін.

      3. Осы қаулыға 2-қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

      4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының


Премьер-Министрі

К. Мәсімов


  Қазақстан Республикасы
Үкіметінің
2014 жылғы 19 желтоқсандағы
№ 1324 қаулысымен
бекітілді

Спортшылар мен жаттықтырушыларға өмір бойы ай сайынғы
материалдық қамсыздандыруды төлеу қағидалары
1. Жалпы ережелер

      1. Осы Спортшылар мен жаттықтырушыларға өмір бойы ай сайынғы материалдық қамсыздандыруды төлеу қағидалары (бұдан әрі - Қағидалар) спортшылар мен жаттықтырушыларға өмір бойы ай сайынғы материалдық қамсыздандыруды (бұдан әрі — материалдық қамсыздандыру) төлеу тәртібін айқындайды.

      2. Материалдық қамсыздандыру Қазақстан Республикасының азаматтары болып табылатын әрі дене шынықтыру және спорт саласында кемінде жиырма жыл еңбек өтілі бар мынадай спортшылар мен жаттықтырушыларға:

      1) Олимпиада, Паралимпиада және Сурдлимпиада ойындарының чемпиондары мен жүлдегерлері және (немесе) спорттың олимпиадалық түрлері бойынша әлем чемпиондары атақтарын жеңіп алған спортшыларға;

      2) осы Қағидалардың 2-тармағы 1) тармақшасында көрсетілген спортшыларды дайындаған жаттықтырушыларға төленеді.

      3. Материалдық қамсыздандыру дене шынықтыру және спорт саласындағы уәкілетті органның (бұдан әрі - уәкілетті орган) бюджеттік бағдарламалары арқылы республикалық бюджет қаражаты есебінен төленеді.

2. Спортшылар мен жаттықтырушыларға материалдық қамсыздандыру
төлеуді жүзеге асыру тәртібі

      4. Материалдық қамсыздандыруды алуға құқығы бар адамдар (бұдан әрі - өтініш берушілер) мынадай құжаттарды ұсынады:

      1) спортшылар:

      осы Қағидаларға қосымшаға сәйкес нысан бойынша өтініш;

      еңбек кітапшасының нотариалды расталған көшірмесі немесе дене шынықтыру және спорт саласындағы жиырма жыл еңбек өтілін растайтын төменде көрсетілген құжаттардың кез келгені:

      тоқтату күні мен оны тоқтатудың негіздемесі туралы жұмыс берушінің белгісі бар еңбек шарты;

      еңбек шартын жасау және тоқтату негізінде еңбек қатынастарының туындауын және тоқтатылуын растайтын жұмыс беруші актілерінен үзінді көшірме;

      қызметкерлерге жалақы төлеу ведомосынан үзінді көшірме;

      жұмыс берушінің қолы қойылған, ұйымның мөрімен расталған қызметтік тізімі (қызметкердің жұмысы, еңбек қызметі туралы мәліметтер тізбесі);

      аударылған міндетті зейнетақы жарналары туралы бірыңғай жинақтаушы зейнетақы қорынан үзінді көшірме;

      жүргізілген әлеуметтік аударымдар туралы Мемлекеттік әлеуметтік сақтандыру қорынан мәліметтер;

      қызметкердің еңбек қызметі туралы мәліметтер қамтылған мұрағаттық анықтама;

      Олимпиада, Паралимпиада және Сурдлимпиада ойындарының чемпионы мен жүлдегері және (немесе) спорттың олимпиадалық түрлері бойынша әлем чемпионы екенін растайтын жарыстар хаттамасының көшірмесі;

      банктік шотының бар екені туралы анықтама;

      2) жаттықтырушылар:

      осы Қағидаларға қосымшаға сәйкес нысан бойынша өтініш;

      еңбек кітапшасының нотариалды куәландырылған көшірмесі немесе жаттықтырушылық жұмысының жиырма жылдық өтілін растайтын төменде көрсетілген құжаттардың кез келгені:

      тоқтату күні мен оны тоқтатудың негіздемесі туралы жұмыс берушінің белгісі бар еңбек шарты;

      еңбек шартын жасау және тоқтату негізінде еңбек қатынастарының туындауын және тоқтатылуын растайтын жұмыс беруші актілерінен үзінді көшірме;

      қызметкерлерге жалақы төлеу ведомосынан үзінді көшірме;

      жұмыс берушінің қолы қойылған, ұйымның мөрімен расталған қызметтік тізімі (қызметкердің жұмысы, еңбек қызметі туралы мәліметтер тізбесі);

      аударылған міндетті зейнетақы жарналары туралы бірыңғай жинақтаушы зейнетақы қорынан үзінді көшірме;

      жүргізілген әлеуметтік аударымдар туралы Мемлекеттік әлеуметтік сақтандыру қорынан мәліметтер;

      қызметкердің еңбек қызметі туралы мәліметтер қамтылған мұрағаттық анықтама;

      Олимпиада, Паралимпиада және Сурдлимпиада ойындарының чемпионы мен жүлдегері және (немесе) олимпиадалық түрлері бойынша әлем чемпионы атағын жеңіп алған спортшының шын мәнінде жаттықтырушысы болып табылатынын растайтын жұмыс орнынан (өтініш берген кезде жаттықтырушы болып жұмыс істемеген жағдайда - Қазақстан Республикасының Ұлттық Олимпиада комитетінен немесе спорт түрі бойынша республикалық федерациядан) анықтама;

      өзі жаттықтырған спортшының Олимпиада, Паралимпиада және Сурдлимпиада ойындарының чемпионы мен жүлдегері және (немесе) спорттың олимпиадалық түрлері бойынша әлем чемпионы екендігін растайтын жарыстар хаттамасының көшірмесі;

      банктік шотының бар екені туралы анықтама.

      5. Ұсынылған құжаттарды қарау мерзімі өтініш қабылданған сәттен бастап жиырма күнтізбелік күннен аспауы тиіс.

      6. Ұсынылған құжаттарды қарау нәтижелері бойынша уәкілетті орган осы Қағидалардың 5-тармағында көрсетілген мерзімдерде материалдық қамсыздандыруды төлеу немесе төлеуден бас тарту туралы шешім қабылдайды. Уәкілетті орган қабылдаған шешімі туралы өтініш берушілерге жазбаша түрде хабарлайды.

      7. Материалдық қамсыздандыруды төлеу Қазақстан Республикасының шегінде екінші деңгейдегі банктегі өтініш берушілерінің есеп шотына материалдық қамсыздандыруды аудару жолымен жүргізіледі.

      8. Алып тасталды - ҚР Үкіметінің 19.02.2018 № 65 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

  Спортшылар мен жаттықтырушыларға
өмір бойы ай сайынғы материалдық
қамсыздандыруды төлеу қағидаларына
қосымша

      Нысан

      Кімге __________________________________________

      (дене шынықтыру және спорт саласындағы

      ________________________________________________

      уәкілетті орган басшысының лауазымы,

      ________________________________________________

      тегі, аты, әкесінің аты (бар болса))

      кімнен _________________________________________

      (өтініш берушінің тегі, аты, әкесінің аты

      _________________________________________________

      (бар болса))

      ________________________ мекенжайы бойынша тұратын

      _____________________________ өтініш берушінің ЖСН

Өмір бойы ай сайынғы материалдық қамсыздандыруды төлеуге өтініш

      Маған _______________________________________________________________

      _____________________________________________________________________

      _____________________________________________________________________

      (себебі көрсетіледі)

      байланысты өмір бойы ай сайынғы материалдық қамсыздандыруды

      төлеуді сұраймын.

      Маған тиесілі соманы (банктің аты, банктің есептік шоты, өтініш

      берушінің есеп шотының нөмірі көрсетіледі) аударуды сұраймын.

      Өтінішке мынадай құжаттарды қоса беремін:

      1. ____________________________________________________________

      2. ____________________________________________________________

      3. ____________________________________________________________

      4. ____________________________________________________________

      5. ____________________________________________________________

      Өтініш берушінің қолы ______________________________

  Қазақстан Республикасы
Үкіметінің
2014 жылғы 19 желтоқсандағы
№ 1324 қаулысына
1-қосымша

Спортшылар мен жаттықтырушыларға өмір бойы ай сайынғы
материалдық қамсыздандыруды төлеу мөлшері

      1. Спортшылар мен жаттықтырушыларға өмір бойы ай сайынғы материалдық қамсыздандыру (бұдан әрі - материалдық қамсыздандыру) мынадай мөлшерде (бұдан әрі — мөлшер) төленеді:

      1) Олимпиада, Паралимпиада және Сурдлимпиада ойындарының чемпиондары мен жүлдегерлері және (немесе) спорттың олимпиадалық түрлері бойынша әлем чемпиондары атақтарын жеңіп алған спортшыларға - 24,0 айлық есептік көрсеткіш;

      2) Олимпиада, Паралимпиада және Сурдлимпиада ойындарының чемпиондары және жүлдегерлері, және (немесе) спорттың олимпиадалық түрлері бойынша әлем чемпиондары атақтарын жеңіп алған спортшыларды дайындаған жаттықтырушыларға - 24,0 айлық есептік көрсеткіш.

      2. Осы мөлшердің 1-тармағында көрсетілген бірнеше негіздер бойынша бір мезгілде материалдық қамсыздандыру алуға құқығы бар адамдарға материалдық қамсыздандыру тек бір негіздеме бойынша ең жоғары мөлшерде төленеді.

  Қазақстан Республикасы
Үкіметінің
2014 жылғы 19 желтоқсандағы
№ 1324 қаулысына
2-қосымша

Қазақстан Республикасы Үкіметінің күші жойылған кейбір
шешімдерінің тізбесі

      1. "Еңбек сіңірген спортшылар мен жаттықтырушыларға ай сайынғы материалдық қамсыздандыру түрінде өмір бойы төлем төлеудің ережесін бекіту туралы" Қазақстан Республикасы Үкіметінің 2003 жылғы 9 желтоқсандағы № 1247 қаулысы (Қазақстан Республикасының ПҮАЖ-ы, 2003 ж., № 46, 512-құжат).

      2. "Қазақстан Республикасы Үкіметінің 2003 жылғы 9 желтоқсандағы № 1247 қаулысына толықтырулар мен өзгерістер енгізу туралы" Қазақстан Республикасы Үкіметінің 2010 жылғы 26 ақпандағы № 141 қаулысы (Қазақстан Республикасының ПҮАЖ-ы, 2010 ж., № 19, 149-құжат).

      3. "Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы" Қазақстан Республикасы Үкіметінің 2011 жылғы 4 тамыздағы № 914 қаулысымен бекітілген Қазақстан Республикасы Үкіметінің кейбір шешімдеріне енгізілген өзгерістер мен толықтырулардың 1-тармағы (Қазақстан Республикасының ПҮАЖ-ы, 2011 ж., № 51, 702-құжат).

      4. "Қазақстан Республикасы Спорт және дене шынықтыру істері агенттігі, жергілікті атқарушы органдар дене шынықтыру және спорт саласында көрсететін мемлекеттік көрсетілетін қызметтер стандарттарын бекіту және Қазақстан Республикасы Үкіметінің кейбір шешімдеріне өзгерістер енгізу туралы" Қазақстан Республикасы Үкіметінің 2014 жылғы 19 ақпандағы № 118 қаулысының 2-тармағының 1) тармақшасы (Қазақстан Республикасының ПҮАЖ-ы, 2014 ж., № 8, 78-құжат).

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады